مر يومين وحلا انشغلت كثيرا في مهمة قصي ومهمات اخرى.
في اليوم التاني حلا كانت بايتة في المركز ولم تعد للبيت كانت تجلس بمكتبها وتمسك احد الملفات قطع تركيزها طرق الباب
حلا: ادخل
دخل الطارق وكان فارس
فارس: طلبتيني يا حلا
حلا: اه اقعد
فارس جلس على احد المقاعد امام المكتب حلا تركت الملف ونظرت له
حلا: انا كلمت رقية وقولتلها تنفذ اللي قولتلك عليه قالتلي انها هتروح على مكان قريب من غابات يعني هو بعيد شوية عن المدينة علشان لو حد عرف مكانها يبقى فيه فرصة انها تهرب قولتلها اني هخليك تروحلها وقولتلها تبعتلك عنوانها تمام فانت حاليا هتسيب كل حاجة في ايدك ولو في مهمة هتتنفذ انا هنفذها بس انت مهمتك انهاردة حماية رقية ومتخليهاش ترجع بيتها انهاردة يا اما تخدها على بيتك اللي هو بيت عمي مش بيتك اللي اياه علشان انا عارفة تفكيرك او تاخدها على بيتي اللي فيه اخواتي تمام انت ابقى شاورها وهي تختار بس رجوع لبيتها لا
فارس ضحك: طيب حاضر بس هي مبعتتليش العنوان لحد دلوقتي
حلا: معرفش بقى ممكن تكون نسيت عموما خلاص اتعقب رقم تليفونها واعرف مكانها المهم انك تكون معاها ومتسيبهاش
فارس: تمام في اي حاجة تانية
حلا اعادت النظر للملف: لا تقدر تروح تشوف شغلك
فارس بإستغراب: حلا انتي زعلانة مني
حلا نظرت له بإستغراب: وهزعل منك ليه
فارس: مش عارف من ساعة ما رجعتي مشوفناكيش ولا قعدنا نتكلم مع بعض زي البني ادمين حتى بقالك فترة متواصلتيش مع قصي وعيلته
حلا: وانت عايزني اتواصل مع قصي ليه قصي اللي بيني وبينه شغل وبس تفكيرك ميروحش بعيد واما بخصوص انكوا مشوفتونيش فده لاني مشغولة جدا اليومين دول حتى بقالي يومين مرجعتش البيت مبرجعش غير علشان اغير هدومي واخد ادويتي بس
فارس: حلا بلاش تقسي على قصي اكتر من كدة انتي عارفة كويس انه حبك للمرة التانية حرام عليكي عارف ان ده مكان مش مناسب لاننا نتكلم في الموضوع ده بس انتي مش هتدينا فرصة نتكلم برا
حلا: فارس انت اكتر واحد عارف اني مكنتش عايزة اقابله علشان كدة علشان ميتعلقش بيا وانت اكتر واحد عارف اننا مستحيل نكون لبعض ولو هنكون مش هنتهنا فقفل على السيرة الله يخليك اللي بيني وبين قصي شغل مش اكتر
فارس: طب عينك في عيني وقولي انك محبتهوش اكتر من الاول لما شوفتيه واتعاملتي معاه
حلا لم ترد وسكتت ومعرفتش تجاوبه بإيه واتهربت من عينيه ونظرت لجهة اخرى
فارس ابتسم: يعني انتي عارفة كويس انك بتعشقيه وبتموتي فيه كمان مش بتحبيه وبس ليه مصرة تخبي كل الحب ده يا حلا ليه مصرة تعيشي نفسك في عذاب وتعيشيه معاكي في نفس العذاب إن مكنش عذابه اكبر ليه مصرة تحرقي قلبك وروحك وتحرقي قلبه معاكي انتي عارفة كويس اوي انك بالطريقة ديه بتدبحيه وتقتليه بسكينة تِلمة
حلا بإنزعاج: يعني عايزني اعمل ايه اروح اقوله الحقيقة وبعدين هيطلب تفسير للعشر سنين ولو فسرتله وقولتله العذاب اللي مريت بيه في العشر سنين وقتها عذابه هيبقى اضعاف مضاعفة هو ده اللي انتوا عايزينه ولو قصي عرف حقيقة عمرو مش هيسكت وعمرو لو عرف ان قصي عرف الحقيقة مش هيسيبني في حالي ولا هيسيب قصي ومش بعيد يكون مصير قصي زي اهلي هو ده اللي انتوا عايزين توصلوله فارس متفتكرش اني مبسوطة وانا مخبية عنه او اني فرحانة او مش هممني وانا بشوف الوجع والعذاب والشوق والحب في عينيه ده عذاب بالنسبة ليا ده مش سهلة بس انا مضطرة خايفة عليه انا لو عليا مش هخلي ثانية واحدة تمر عليا وانا بعيدة عنه وعن حضنه لو عليا عايزة افضل بقيت حياتي وعمري بين ايديه
فارس بزعل: طيب ومستنية ايه يا حلا كفاية اللي ضاع من عمرك وانتي بعيدة عن حب عمرك وحياتك اعترفيله وخليكي معاه خليكي واثقة في حبك وخليكي واثقة انه حبك القوي هو اللي هينتصر في الاخر مش انتي دايما بتقولي مستحيل الشر يكسب لازم هيخسر حتى لو ربح جولة او اتنين ما دام الحياة مستمرة يبقى الحرب بين الخير والشر مستمرة صح مش ده كلامك ليه مبتثقيش في حبك وتقولي ان الحب هو اللي هيكسب على الكره ليه خليكي واثقة في حبك لقصي وحبه ليكي واوثقي في قصي وهو عمره ما هيخذلك ابدا ودايما هتلاقيه واقف جنبك وبيساندك ودايما هتلاقيه واقف في وش عمرو زي الحيطة السد وكدة كدة عمرو بيترعب من قصي
حلا: بيترعب منه اه بس لو قرر يقتله لا انا ولا انت هنقدر نحمي قصي منه واظن انت عارف الاعيب عمرو ووساخته كويس
فارس نظر في ساعته: طيب انا دلوقتي لازم اروح الحق رقية بليل نبقى نتكلم بس اتصلي بيا لما تخلصي بدل ما اجي اجيبك من شعرك
حلا ضحكت: يا شيخ روح تجيب مين من شعرها ده انت من يوم يومك بتتهزأ مني ومبتقدرش ترد حتى بالكلام هتقدر ترد بالفعل
فارس: مع اني الكبير بس ملحوقالك يا بنت عمي
حلا ضحكت: كبير مين يا عم احنا هنستعبط اكبر مني بسنة ولا سنتين بس مخك وتفكيرك ولا طفل عنده سنة او سنة ونص
فارس: ماشي يا حلا الكلب حسابنا في البيت سلام
حلا ضحكت: سلام
فارس خرج وحلا ظلت تفكر بالملف قطع تركيزها مرة اخرى رنين الهاتف فردت دون ان تنظر للمتصل
حلا: الو
: حلا ممكن تيجي على المستشفى بسرعة
حلا بخوف وقلق: في ايه يا شاهر خير قلقتني
شاهر: قصي عمل حادث ممكن تيجي بسرعة
حلا قامت اخذت المفاتيح ونظارتها الشمسية
حلا بخوف: عشر دقايق وهكون عندك سلام
قفلت مع شاهر وطلعت جري من المركز ركبت سيارتها وانطلقت بأعلى سرعة على المستشفى
__________________________________
في شركة QAS كان قصي يجلس بمكتبه يفكر بحلا واشتياقه لها دخل عليه فهد
فهد: قصي ده ملف من الوفد الاسباني محتاج انك تشيك عليه وعلى البنود وتشوف اذا كنت هتغير حاجة او هتزود حاجة وتوقعه.....قصي.....قصصصيييي
قصي استيقظ من شروده على صراخ فهد
قصي بإنزعاج: عايز ايه يا زفت
فهد رفع احد حاجبيه: بعد كل ده وفي الاخر زفت بقالي ساعتين بخبط على الباب وانت ولا هنا ولا قولتلي ادخل فدخلت وبكلمك بخصوص صفقة الوفد الاسباني بقالي نص ساعة وانت ولا هنا في دنيا تانية وبقالي عشرين دقيقة بنادي على سعادتك وانت الحب والعشق والشوق واخدينك
قصي تنهد بقوة: قولي في ايه
فهد شد احد المقاعد اللي امام المكتب وقعد
فهد: لا يا حبيبي انت سيبك من الصفقة واحكي كل اللي في قلبك اخوك ورفيقك سمعك يلا كل اذاني صاغية وحتى الحيطان كمان يلا
قصي بحنق: مخنوق ومش عارف من ايه تعبت من بعدها عني ومر يومين لا سمعت صوتها ولا شوفت وشها معرفش هي ليه بتتعامل معايا بالجفاف ده معرفش يعني انا زعلتها او جرحتها من غير ما اقصد ولا عملت ايه انا مش فاهم حاجة ولا بقيت عايز افهم والشركة كمان وحشة من غيرها ومش طايق اني اجي ولا طايق الشغل حتى
فهد: امم مرضك يا صديقي هو مرض الحب
قصي بنرفزة: يووووه يا فهد بقولك ايه هتصدعني بمصطلحاتك البايخة والسخيفة بلاها منها واتفضل روح على مكتبك انا روحي في مناخيري خِلقة
فهد: طيب يعني انت عايز ايه دلوقتي عايز تشوفها
قصي: ده على اساس اني لو اتصلت بيها وقولتلها تعالي هترضى وبعدين هي لو كانت عايزة تيجي او تشوفني او لو كنت وحشها ولو شوية كانت على الاقل تتصل وتطمن عليا
فهد: قصي متظلمهاش حرام انت عارف شغلها صعب اد ايه ممكن تكون انشغلت في الفترة الاخيرة ومتنساش انها ماسكة مهمتك كمان وحياتك معرضة للخطر وهي مسئولة عن حمايتك وخايفة عليك وده ضغط نفسي وعصبي عليها
قصي بإنزعاج: برضه ده مش مبرر افرض اني تعبان او عملت حادثة مش تسأل تطمن عليا على الاقل تتصل مرة واحدة في اليوم ان شاالله تكون المكالمة دقيقتين تطمن عليا وتقفل بس ديه مفيش خالص
فهد بعصبية: تصدق انك معندكش دم يعني المخلوقة بقالها 3 تيام بس راجعة من السفر واول ما عرفت انك مخطوف طلعت جري تنقذك مع انها كانت عاملة حادثة وتعبانة جدا ووشها كان اصفر انا ذات نفسي اما شوفتها قولت هتقع من طولها وتدخل المستشفى وكنت خايف عليها لحسن يحصلها حاجة وهي رايحة تنقذك بالحالة ديه وسيادتك بتقول انها مبتحبكش ولا بتخاف عليك واما بخصوص اذا كان حصل معاك حاجة كانت هتتصل بيك تطمن لانك عارف كويس انها بتحس بيك واما بخصوص انها لو عايزة تكلمك كانت كلمتك قصي ممكن تقولي لو انت وحشها هتتصل بيك وتكلمك بصفتك ايه ان شاء الله خطيبها ولا جوزها ولا لا تكون حبيبها انا وانت عارفين كويس انها متعرفش انك عارف الحقيقة فاظن ان حلا معملتش حاجة غلط ولا جرحتك لان انا وانت عارفين كويس ان حلا متحفزة جدا واظن انك عارف تربيتها اكتر مني ولا انت عايزها تتصل بيك وتقولك بحبك مووت ووحشتني قصي اهدى شوية على حلا هي فيها اللي مكفيها والضغط كبير عليها اعذرها شوية وبعدين اظن انها لسة متخطتش مرحلة القلق عليك لانك لسة من يومين بس هي انقذتك تخيل الضغط عليها كبير اد ايه حط نفسك مكانها ولو هتستحمل يبقى معاك حق تزعل انها مسألتش عليك قصي اظن ان اهم شئ عند حلا حاليا هو حمايتك وانك تكون بخير ومتتئذيش هتقولي لا عندها حاجة اهم هقولك هثبتلك عمرك شوفت بنت بتأجل تخطيط اعتراف شاب لاختها بحبه لا بس يا ترى هي اجلته ليه علشان تفضى لمهمتك اولا وتظبط الدنيا علشان ميكنش فيه غلطة واحدة وانت تتئذي فيه اكتر من كدة قصي انت لو ركزت شوية في اللي حلا بتعمله معاك واهتمامها بيك هتعرف انها بتحبك واوي كمان وهي اكتر واحدة بتخاف عليك وبعدين انت ولوئي في نفس البيت تقدر تقولي بتشوف وش لوئي كام مرة في الاسبوع بالكتير اوي مرة او اتنين او تلاتة
قصي سكت شوية ونظر لفهد: تصدق معاك حق وكمان يوم اما جت تنقذني شوفت في عنيها الخوف والقلق عليا......بس بجد هي وحشتني اوي
فهد: عايز تشوفها
قصي هز رأسه بفضول: اه
فهد: الحل عندك
قصي بإستغراب وعدم فهم: قصدك ايه
فهد: الملف اللي في ايدي ده باللغة الاسبانية اتصل بيها قولها عايزك ضروري في شغل مستعجل ومهم وخليها تترجملك الملف وبكدة تكون شوفتها فيس تو فيس وجه لوجه وسمعت صوتها كمان ها ايه رأيك
قصي ابتسم: يا ابن اللعيبة انت بتجيب الافكار السم ديه منين ده انا مجاش في دماغي اتصل بيها واقولها تعالي فيه شغل بس.....تفتكر هتوافق...من رأيي انت اللي تتصل بيها
فهد: لا لو انا اتصلت ممكن تقولي استعمل برنامج ما للترجمة او تقترح عليا مثلا حد واكيد هترفض بس لو انت طلبت منها مش هترفض لان فارس قالي قبل كدة حلا متقدرش ترفض لقصي طلب حتى لو كان الطلب مستحيل او ممكن تخسر حياتها هتعملهوله طالاما هو طلب وبعدين الملف هيكون معاك انت فلازم انت اللي تكلمها وتقدر تقول بصفتها كانت سكيرتيرتك او نقول ما زالت سكيرتيرتك
قصي: طب ما هي ممكن ترفض لو عندها شغل مهم
فهد: بقولك مبتقدرش ترفضلك طلب انت حمار مبتفهمش ولا انا بكلمك هولندي ولا هندي مثلا وبعدين جرب مش هتخسر حاجة
قصي: ماشي استعنا على الشقا بالله
فهد ضحك: هو انت داخل حرب يا ابني
قصي: اه لانها لما بتتكلم مبعرفش انطق او بمعنى اصح مبكنش عايز اتكلم عايز اسمعها وبس
فهد ابتسم: على رأي انجلي والله ووقعت يا كينج ومحدش سمى عليك
قصي ضحك ومسك تليفونه واتصل بحلا
فهد: افتح الاسبيكر لاني عايز اعرف ايه اللي هيحصل
قصي ضحك: من يوم يومك فضولي وحشري
__________________________________
في المستشفى حلا وصلت ودخلت جري لموظفة الاستقبال
حلا بخوف وهي بتنهج: فيه واحد لسة واصل من شوية وعامل حادث اسمه قصي احمد
موظفة الاستقبال: لحظة واحدة
الموظفة نظرت بالحاسوب وبعد لحظات اعادت النظر لحلا
موظفة الاستقبال: لا يا فندم
حلا بإستغراب: هو الدكتور شاهر فين
موظفة الاستقبال: على ما اعتقد في الطابق السادس يا فندم
حلا: ماشي شكرا
حلا اتجهت للاصانصير وضغطت على الزر وظلت ثواني ولكنها لم تستطع الانتظار فطلعت جري على الدرج للطابق السادس وعندما رأت شاهر اتجهت له بخطوات سريعة اشبه بالجري
شاهر للممرضة: لو حصل اي حاجة ابقي بلغيني
الممرضة: حاضر يا دكتور
الممرضة مشيت وشاهر التف لحلا وحلا كانت بتنهج وتاخد نفسها بصعوبة ووشها لا يفسر ولونه اصفر
شاهر ابتسم: لو كنت اعرف انك بتترعبي على قصي للدرجادي مكنتش كذبت عليكي
حلا بإستغراب وعدم فهم: قصدك ايه.....فين قصي
شاهر ابتسم: انا كذبت عليكي قصي كويس وتمام وعال العال بس انا قولتلك كدة علشان تيجي المستشفى علشان فحوصات قلبك يا بيبي
حلا بغضب: تصدق انك متخلف ومريض نفسي في حد يعمل كدة علشان فحوصات افترض ان حصل معايا سكتة قلبية كنت هترتاح
شاهر: بعيد الشر وبعدين ما انتي اللي اضطرتيني يا حلا انتي بقالك اربع شهور معملتيش الفحوصات والمفروض انك تعمليها كل اسبوعين او تلاتة او على الاكثر كل شهر بس انتي لو عليكي السنين تفوت وتمر ومتعملهاش وانتي اللي اضطرتيني اعمل فيكي كدة تعالي خلينا نروح على المكتب ترتاحي شوية وبعدين نبدأ في الفحوصات
حلا ذهبت معه وعندما دخلوا المكتب حلا رمت جسمها على الكنبة الموجودة بأحد الزوايا
شاهر بإبتسامة: جسمك سايب صح وعلى الاغلب ضغطك نزل
حلا هزت رأسها بالموافقة وبتعب: منك لله يا بعيد قلبي شوية وكان هيقف
شاهر ضحك: للدرجادي بتحبيه وبتخافي عليه
حلا بغيظ واستفزاز: اومال بحبك انت مثلا
شاهر جلس قصادها على الطرابيزة
شاهر: ولما انتي بتحبيه وبتخافي عليه اوي كدة ليه متروحيش تعترفيله بكل حاجة
حلا نظرت له ولم تتحدث ولكن نظرت لجهة اخرى بعيدا عن عينيه
شاهر بغيظ: على فكرة بتكلم معاكي
حلا بحنق: شاهر ابوس ايديك قفل على الموضوع لاني مخنوقة وتعبانة ولسة فارس كان بيتكلم معايا بخصوص الموضوع ده وكدة كدة مش هتستفيدوا حاجة غير انكوا تزودوا وجعي وانا اساسا نفسيا وعصبيا ومشاعريا مدمرة فابوس ايديك خلينا نعمل الفحوصات علشان اتنيل على شغلي
شاهر تنهد بقوة وبنرفزة: ماشي يا حلا هسيبك دلوقتي بس هنتكلم في الموضوع ده ضروري نتكلم
حلا بإنزعاج وضيق: ربنا يسهل
شاهر وحلا ذهبوا لغرفة الاشاعات علشان يعمل اشاعات على قلبها ويعرف هي وصلت لفين فضلوا يعملوا تحاليل واشاعات لمدة تلت ساعة وبعدين قعدوا في غرفة حلا كانت قاعدة على السرير وفيه اسلاك على كتفها اليسار من الامام والخلف وعلى قلبها
شاهر: حلا انتي بقالك اد ايه مكلتيش زي البني ادمين وقولي بصراحة
حلا: يعني قول يومين
شاهر بإنزعاج: قصدك من ساعة ما رجعتي من السفر ويا عالم كنتي بتعملي ايه في امريكا
حلا بإستفزاز وغيظ: كنت برقص باليه مجيتش ليه شوفتني
شاهر كان عايز يتنرفز بس دخل في غيبوبة ضحك هيستيري: يخرب........كلامك.......اللي المفروض الواحد يتنرفز لما يسمعه.....بس بيضحك بالرغم انك مستفزة
حلا بغيظ: مش اكتر منك
احد الممرضات دخلت وكان بيدها تليفون حلا
الممرضة: سيادة الرائد حلا تليفون حضرتك بيرن فقولت اجيبه لحضرتك
شاهر: انتي مش شايفة انها بتعمل فحوصات
الممرضة: بس يا دكتور شاهر ديه المرة التالتة واظن المتصل مُصِر ممكن يكون فيه حاجة مهمة
حلا: طب هاتيه.....شكرا ليكي
الممرضة: العفو على ايه
الممرضة خرجت وحلا اخذت التليفون
شاهر: حلا سيبيك من التليفون دلوقتي
حلا بغيظ: ممكن مسمعش صوتك نهائي
حلا هنا فتحت من غير ما تشوف مين اللي بيتصل وكانت هتحطه على ودنها ولكن
شاهر بغيظ: وانا هسكت ليه بقى بقولك مترديش علشان لو حاجة مش كويسة او مصيبة متتعبيش لانك هتتنرفزي والنرفزة والضغط العصبي والنفسي مش كويس علشانك وعلشان قلبك
حلا بإستفزاز: لااااا والله بجد....ميرسي لاني مكنتش اعرف المعلومة ديه والدكتور شاهر بذات نفسه اللي بيقولي ابعدي عن الضغوطات النفسية والعصبية ومتتنرفزيش ومتحرقيش دمك علشان قلبك
شاهر: بالظبط كدة
حلا بغيظ: طب ممكن تقولي يا حضرة الدكتور اللي انت عملته من شوية ده كان اسمه ايه يعني كنت بتحاول تريحني مثلا ولا توقف قلبي
شاهر بإستغراب وعدم فهم: هو انا جيت جنبك عملت ايه انا دلوقتي
حلا بنرفزة: لا معملتش حاجة يا شاهر لانك ملاك بريئ نازل من السما وانا ابليس وبفتري عليك
شاهر: ممكن افهم انا عملت ايه اذا سمحتي
حلا بغيظ ونرفزة: ابدا ابدا اتصلت بيا من حوالي نص ساعة وقولتلي حلا تعالي بسرعة على المستشفى ولما سألتك ليه يا شاهر في ايه ترد عليا وتقولي اصل قصي عمل حادثة تعالي بسرعة على المستشفى انت عارف انا فكرت انه هيموت ومفضلوش غير كام دقيقة وجبتني على ملى وشي وكنت هعمل مليون حادثة وحادثة ده غير ان قلبي وجعني منك لله يا بعيد لا واللي يغيظ اكتر اما جيت وطلعت 6 ادوار على رجلي من الخوف كان فضلي شوية واقطع النفس واقول وداع يا دنيا وداع تستقبلني بإبتسامة ولما اسألك عن قصي ترد بكل برود والابتسامة على وشك لو كنت اعرف انك هتخافي عليه للدرجادي مكنتش كذبت عليكي علشان تيجي تعملي الفحوصات طب تصدق بالله يلعن ابو الفحوصات على اللي بيعملوها على اللي بيطلبوها
شاهر ضحك جامد: طب اعملك ايه انتي لو بتيجي برضاكي مكنتش عملت كدة
حلا بعصبية: بس مش كدة يا شاهر ده انا كنت حاسة روحي بتتسحب مني ومكنش فيا اعصاب ولا كنت قادرة اقف من الخضة خلتني اقطع الخلف حسبي الله ونعم الوكيل فيك يا بعيد انت دكتور انت والله ظلمك اللي خلاك دكتور وتقولي ابعد عن الضغوطات النفسية والعصبية ده انت الضغوطات ذات نفسها المرة اللي جاية يا شاهر وعد مش هصدق غير احساسي انا بحس بيه بعد كدة حسك عينك تتصل بيا تقولي حد عامل حادثة لاني مش هصدقك
شاهر: اووووو بتحسي بيه كمان وانا مبعرفش طب حسي بيا انا شوية
حلا ضحكت بسخرية: ها ها ها انت بالذات عمري ما هحس بيك وللاسف الطلب مرفوض لان القلب ملك لشخص واحد ما علينا انجز ونبي علشان اخلص
طبعا قصي وفهد سمعوا كل حاجة وفهد غمز لقصي
شاهر: حلا انتي نسيتي التليفون
حلا بتذكر: اه صح
حلا حطت التليفون على اذنها
حلا: الو.....مين
قصي: حلا
حلا بصدمة: قصي
حلا نظرت لشاهر وشاهر نظر لها بصدمة واستغراب وبعدين ابتسم حلا وجهها اصطبغ باللون الاحمر من الخجل
قصي: ولما انتي عارفة بتسألي ليه
حلا بتوتر: لا انا فتحت من غير ما اخد بالي من الاسم ومين اللي بيتصل بس اما ذكرت اسمي عرفتك من صوتك
قصي: امم طيب بتعملي ايه مع شاهر
شاهر كان بيعمل حاجة في الاجهزة
حلا: ابدا في المستشفى علشان المفروض كنت اعمل فحوصات من حوالي اربع شهور بس معملتهاش فالاستاذ المحترم جبني على ملى وشي علشان اعملها تقدر تقول كان هيموتني
شاهر نظر لحلا: افتحي الاسبيكر
حلا فتحته
قصي: بعد الشر عنك بس انتي اللي غلطانة لازم تعمليها اول بأول علشان تطمني على نفسك
شاهر: لا بتقولي ههتم لمين اظن لازم حلا تحب علشان تهتم بنفسها شوية ولا انت ايه رأيك يا قصي....انا بقول ليه متبدئوش علاقة حب مع بعض
حلا وشها احمر ونظرت لشاهر بقوة
قصي بخبث: والله انا معنديش مانع
حلا: شكلكوا شاربين حاجة ولا ايه انتوا الاتنين يعني انا من يوم يومي بحفل على الناس مش معقولة اللي بعمله في زمايلي يتردلي دلوقتي ويتعمل فيا
قصي: بس فكرة ظريفة وحلوة وعجبتني
حلا: هو انت اتصلت ليه في........اااااه
حلا صرخت بوجع شاهر بصلها بإستغراب وصدمة وفورا شال الاسلاك وقصي قلبه كان هيخرج من مكانه وفهد قلق على حلا
شاهر: في ايه انا ملحقتش اعمل حاجة لسة
حلا اغمضت عنيها بوجع ولم تستطع الكلام من شدة الوجع
قصي: حلا انتي كويسة
شاهر: طيب هو انتي كتفك وجعك
حلا بوجع: مش عارفة بس حسيت بوجع زي ما يكون حد ماسك عضمي وهيتكسر ما بين ايديه
شاهر بدأ يضغط على كتفها: طب كدة فيه وجع
حلا هزت رأسها بالنفي وظل يضغط على كل جزء في كتفها بس مفيش وجع
شاهر: اظن ان قلبك اللي وجعك بس سمع في كتفك
حلا: ممكن اكون حسيت بغصة في قلبي وهي اللي عملت كل ده
شاهر: هو انتي واخدة المخدر والعلاج من امتى
حلا: تقريبا من الساعة 2 او 3 الفجر
شاهر: الساعة دلوقتي 3 ونص انتي واخدة انهي واحد
حلا: اللي بيفضل مفعوله لمدة 12 ساعة
شاهر: امم مفعوله انتهى استني هنا اياكي تتحركي من مكانك
حلا: هو مش ده اخر فحص
شاهر: اه
حلا: خلاص خلينا نخلص
شاهر: هتتوجعي ومش هتستحملي ولازم تاخدي المخدر والعلاج قبل الجلسة
حلا: مش هستحمل اخدهم لاني مأكلتش من الصبح حاجة ومن امبارح على سندوتش صغير فخلينا نخلص وانا لو مستحملتش هقولك
شاهر نظر لها بقوة: معنديش ثقة انك هتتكلمي وتقولي لو اتوجعتي
حلا: لا هقول
شاهر: وعد
حلا: وعد ممكن بقى نخلص
قصي: ممكن افهم ليه مأكلتيش
حلا: بقالي يومين برا البيت مبدخلش البيت غير اذا كنت هغير هدومي واخد الادوية وارجع على المركز تاني والله مشغولة جدا وعندي ضغط شغل
قصي: بس اظن الشغل يستنى ويتأجل
حلا: والله لو فارس وامان هيسيبوني لمدة خمس دقايق من غير مصايب يبقى يتأجل ويستنى ده انا في اوقات بحس ان مفيش غيري انا في ام المركز كله احل مصايبهم ومشاكلهم لاااا والاهم المصايب اللي من تحت راسهم في المهمات بتاعتي تقولشي مستقصدني انا بالذات
قصي ضحك: فترة وهتعدي وتاخدي اجازة وترتاحي
حلا ضحكت: والله انت طيب وعلى نياتك ومش فاهم حاجة انا يوم اما بكون عاملة عمليتين وواخدة اجازة نفس اليوم اللي بخرج من المستشفى في اليوم ده بلاقي على الساعة 3 او 2 الفجر امان او فارس حلا عايزينك في المركز فيه مصيبة ومبتبقاش اي مصيبة بتبقى مهمة كاملة مكملة والله ورحمة اهلي انا لحد انهاردة مفيش اجازة واحدة اخدها كاملة وارتحت فيها لازم تلاقيني في المركز بحل مشاكل البهايم اللي هناك عموما سيبك مني ومن شغلي قولي اخبار الشغل في الشركة ايه
قصي: كويس بس.....
حلا: بس ايه
قصي: فيه ملف لصفقة المفروض اني اراجعه واوقع عليه بس باللغة الاسبانية ومفيش وقت اجيب مترجم فكنت بقول انك تيجي تساعديني في الترجمة بس بما انك تعبانة خلاص
حلا بإستغراب: مش انت بتعرف تتكلم اسباني كويس ودارس اللغة ديه كويس
قصي اتفاجئ انها تعرف انه بيعرف اللغة ديه وفهد كمان استغرب
قصي بتوتر: لا انا مبفهمش لغتهم حتى مبحبش اسبانيا اساسا هو مين اللي قالك اني بفهم اللغة ديه واني دارسها
حلا بإستغراب: لا ابدا سمعت ما علينا خلاص انا تلت ساعة او نص ساعة بالكتير هكون عندك
قصي: لالا خلاص خلصي فحوصات واطلعي على البيت ارتاحي
حلا: انا اصلا خلصت فحوصات هروح بس اغير هدومي واجيلك وبعدين هطلع على المركز يعني مش مشواري ليك هو اللي هيتعبني يا قصي لاني كدة كدة مش هروح وهروح على المركز لان فيه شغل لسة مخلصتوش بس هعدي عليك انت الاول عموما استناني وشوف اي ملف تاني لحد ما اجيلك مش هتأخر عليك سلام
قصي ابتسم: سلام
حلا قفلت معاه وخلصت مع شاهر وطلعت على بيتها
في الشركة
فهد نظر لقصي: مش قولتلك انها هتيجي ومش هترفض......بس غريبة عرفت منين انك بتعرف تتكلم اسباني
قصي: احنا اغبية نسينا انها تعرف عني كل حاجة
فهد: طيب انا هروح على مكتبي واسيبك انت تشوف هتعمل ايه
فهد راح على مكتبه وقصي ظل يفكر بكلام حلا الذي سمعه باول المكالمة حديثها هي وشاهر
__________________________________
حلا روحت اخذت شاور وغيرت هدومها وانطلقت للشركة
__________________________________
قصي كان يقف امام الشباك وسرحان في حلا وكلامها كان هناك احد يطرق الباب ولكن قصي لم يستيقظ من شروده الطارق دخل المكتب وكانت حلا رأت قصي يقف امام الشباك وكان ظهره لها فاقتربت منه بهدوء فادركت انه شارد قصي لم يلاحظ نهائي ان هناك شخص معه بنفس الغرفة قصي ظل شارد وحلا ظلت واقفة بجانبه وبعد حوالي عشر دقايق حلا قررت تتكلم علشان هو يلاحظ وجودها
حلا: احم احم يا ترى مين اللي واخدة عقلك
قصي انتفضت من مكانه وحط ايده على قلبه من الخضة او بمعنى اصح قلبه اتحرك من مكانه عندما سمع صوت حبيبته قصي التف لها ومازال يضع يده على قلبه
قصي بإستغراب: حلا....انتي هنا من امتى
حلا ابتسمت: اولا انا صوتي كان واطي جدا او طبيعي يعني مش لدرجة يخضك ثانيا انا هنا بقالي عشر دقايق بس انت كنت سرحان وفي دنيا تانية لدرجة انك مردتش لما خبط مرتين ولما دخلت محستش عليا وحتى لما جيت جنبك كمان
حلا كانت تقف بجوار قصي وتسند على احد المقاعد
قصي بتوتر: ها معرفش انا ليه اتخضيت ومتسأليش
حلا نظرت في عيون قصي مباشرة: امم بس يمكن انا اعرف ليه
قصي نظر لها: قصدك ايه
حلا ابتسمت: هجاوبك في حالة واحدة....لو جاوبتني على سؤالي وقولتلي مين اللي واخدة عقلك
قصي ابتسم: ليه يفرق معاكي
حلا رفعت اكتافها ونزلتهم: لا عادي بس مجرد سؤال
قصي: مفيش غير بنت واحدة بس هي اللي بتسرقني من روحي وعقلي وحتى من دنيتي
حلا: امممم جواب حلو يبقى سبب خضتك هو البنت ديه
قصي بإستغراب: المعنى
حلا: انت كنت سرحان في حبيبتك معنى انك اتخضيت او لنقول مشاعرك اتهزت لانك مشتاق لحبيبتك وكتير كمان ويمكن كان نفسك تسمع صوتها او سمعت صوتها علشان كدة انتفضت من مكانك بس الحقيقة انت متخضيتش بس مشاعرك اتحركوا لان اللي كانوا عايزينه اتحقق وهما مكنوش مستعدين لده
قصي بإعجاب: انتي ازاي قدرتي تحللي كل ده في عشر دقايق
حلا: بالعكس انا لسة محللاه دلوقتي
قصي: ازاي
حلا ضحكت: معاك خبيرة الحب وبعدين انا من نظرة اقدر افهم الشخص اللي قدامي بيفكر في ايه وللسبب ده محدش لاقيلي ماسكة وخصوصي الرجالة وخصوصي بقى اللي بيكرهوني وعايزين ينتقموا مني عموما فين الملف
قصي بتوهان: ملف ايه
حلا نظرت لقصي وضحكت: لا قصي فوق معايا كدة وصحصح الملف بتاع الوفد الاسباني اللي انا جاية علشانه
قصي اتحرج واخذ يبعث بشعره واشاح نظره عن حلا
قصي بإحراج: اه صح على المكتب
حلا: اه صح....امم شكلك نسيت.......لا ده انت حالتك خطيرة
قصي: قصدك ايه
حلا ابتسمت: قصدي انك واقع واقع واقع
قصي نظر لها: هو باين عليا اوي كدة
حلا: انا لو جبت عيل صغير هيفهم انك بتعشق مش بتحب. وضحكت
قصي سرح في ضحكتها حلا نظرت له
حلا: قصي ابوس ايديك متسرحش تاني وركز مع امي وهاتلي الملف
قصي اخذ الملف واعطاه لحلا وحلا فتحت الملف ووقفت جنب قصي لكي تشرح له البنود والكلام اللي مكتوب في الورق حلا كانت بتشرح بس قصي كان سرحان فيها ولم يكن مركز معاها نهائي
__________________________________
في احد الطرق الشبه مقطوعة كانت رقية تركن سيارتها وتجلس بداخلها وعلى رجليها اللاب توب واخذت تخترق الحاسوب ونجحت في ذلك ولكن العصابة قدروا يحددوا موقع رقية وبعتوا رجالة بسيارة والرجالة قدروا يوصلوا في وقت قياسي جدا و........
__________________________________
فارس تعقب مكان رقية وذهب للمكان اللي هي فيه اخذ يتصل بها بالتليفون ليخبرها الا تتعقب الاجهزة الا عندما يصل لها ويبقى بجوارها ولكن تليفونها مغلق وعندما وصل كانت الصدمة.......
__________________________________
حلا خلصت شرح الملف لقصي وقصي وقع العقود وبعت وراء فهد
قصي: شكرا يا حلا مش عارف اقولك ايه
حلا: اولا مفيش شكر بس ممكن تتشكرني بطريقة تانية
قصي: ايه هي....... فيه مشكلة
حلا: بصراحة اه في حد كذب عليا
قصي: مين
حلا بهدوء: انت
قصي بإستغراب وتوتر: انا كذبت عليكي في ايه
حلا: انك قولتلي انك عايز حد يترجم الملف مع انك بتعرف تتكلم اسباني كويس وبتفهم اللغة كويس اوي ليه كذبت عليا وليه خلتني اجي قول الحقيقة وبلاها لف ودوران
قصي بلع ريقه بصعوبة: عرفتي منين اني بعرف اتكلم اسباني
حلا ابتسمت: عرفت وخلاص هتقولي ليه كذبت ولا
قصي نظر لها: ليه يهمك تعرفي
حلا: بُص يا قصي انا بكره الكذب واللف والدوران وصدقني زعلي وحش اوي وانا مش عايزة ازعل منك بس في حالة قولتلي الحقيقة ومكذبتش ساعتها هعديها وهسامحك ومش هزعل بسسس لو حاولت تكذب عليا ساعتها ديه اخر مرة هتشوف وشي فيها يلا انطق وقول ليه كذبت عليا
قصي بلع ريقه بصعوبة: بصراحة وحشتيني ووحشني صوتك
حلا كانت تنظر امامها وعلى الباب اللي كان يطرق وقصي يتحدث وفجأة تجمدت مكانها عندما قصي قال الحقيقة ونظرت له بصدمة وكان الباب يطرق
قصي: ادخل
فهد دخل: ايه يا عم ساعة على ما ترد......سكت عندما رأى حلا
فهد: حلا انتي هنا
حلا استيقظت من شرودها ونظرت لفهد: اه هنا جيت علشان ملف الوفد الاسباني اظن شغلي خلص ولازم اروح
حلا كانت هتمشي بس قصي مسكها من معصمها
قصي: لحظة يا حلا لازم نتكلم
فهد نظر لهم: طيب انا هاخد الملف وهروح على مكتبي
فهد اخذ الملف وذهب على مكتبه حلا توترت وخافت من ان قصي يعترف بحبه ليها قصي جذبها بهدوء من معصمها ولفها ليه
قصي: لو جرحتك بتصرفي انا اسف
حلا نظرت له: لا بس اظن الصراحة احسن واريح
قصي: يعني لو كنت قولتلك انك وحشتيني كنتي هترضي تقابليني
حلا بخجل: احم اه ولا في نفس الوقت
قصي بإستغراب: ازاي يعني
حلا: يعني بصفتك ايه عايز تشوفني يعني كان ممكن نشوف بعض في البيت يعني نقعد مع العيلة وكدة......وبعدين ما انا فضلت برا البلد اسبوعين يعني مكنتش بتتصل بيا نهائي
قصي ابتسم: علشان كنت بخاف اصحيكي لو نايمة او اشغلك عن شغلك واسببلك احراج من حد
حلا: اولا انا محدش يقدر يفتح بوقه معايا بحرف ثانيا انا مبنمش يعني تقدر تقول طالاما فيه مهمات مبعرفش انام ثالثا وماله يا سيدي لو اتصلت وصحتني طب ما انا اتصلت قبل كدة وصحيتك كنت تقدر تردها تاني ليا
قصي ضحك: واثقة في نفسك اوي ان محدش يقدر يفتح بوقه معاكي ليه حاسة انك بتكدبي في الموضوع ده
حلا بإحراج: احم اوكي مفيش غير شخص واحد بس هو اللي بيقدر يتكلم معايا بس بأمانة محدش يعرف يفتح بوقه معايا بخرص اي حد ما عدا شخص واحد
قصي قرب من وجهها وبحب: ويا ترى مين الشخص ده
حلا نظرت له: انت
قصي عقد حاجبيه وكشر وبإستغراب: انا
حلا هزت رأسها بالموافقة
قصي بإستغراب: إشمعنا
حلا: معرفش ليه لساني بيتربط ومبعرفش ارد عليك....ما علينا لازم اروح على المركز يلا سلام
حلا كانت هتخرج
قصي: حلا
حلا التفت له
قصي: سامحتيني
حلا ابتسمت: اه سامحتك بس ديه اول واخر مرة لو كذبت تاني ساعتها هتشوف وش وتصرف مش هيعجبوك نهائي
قصي: طيب ممكن اطلب منك طلب
حلا بإبتسامة: اؤمر عايز ايه
قصي ابتسم بحب: ممكن نخرج انا وانتي في يوم ضروري عايز اتكلم معاكي
حلا بإستغراب: بخصوص ايه
قصي: لما نتفق على اليوم ونخرج ساعتها هتعرفي بخصوص ايه
حلا ابتسمت: تمام ماشي اللي تشوفه تحب امتى
قصي: لما تحسي انك فاضية او خلصتي كل شغلك ابقي اتصلي بيا وقوليلي ونبقى نحدد اليوم والمكان والزمان
حلا ابتسمت: ماشي اي حاجة تانية
قصي بحب: عايز سلامتك
حلا: سلام
حلا ذهبت على المركز
__________________________________
رجالة العصابة وصلوا لمكان تواجد سيارة رقية كبوا بنزين على السيارة وحرقوها وذهبوا وعندما فارس وصل رأى السيارة تشتعل صُعق من وهل المنظر ونزل من سيارته بسرعة ووقف امام سيارة رقية وكان دموعه على خده مثل الشلال وكان مصدوم
فارس: مستحييل.....رقية.......لا لا اكيد انا بيتهيألي
غمض عنيه وهز رأسه يمين وشمال بقوة ومن ثم فتح عينيه واخذ دقائق يستوعب ان ده حقيقي انهار على الارض وصرخ بكل قوة
فارس بصراخ: ررررقققييييييةةةة
وظل يبكي على حبيبته
فارس ببكاء: يا ربي رجعهالي يا الله انا بحبها ومقدرش اعيش من غيرها متعاقبنيش بالطريقة ديه متحرقش قلبي بيها يا ربي ارحمني ورجعهالي انا بحبها وصدقني مش هزعلها في يوم من الايام وهشيلها في عنيا يارب
وضع يده على وجهه وظل يبكي بحرقة على فقدان حبيبته ولكن جاء احد من خلفه ووضع يده على كتفه وعندما نظر ليرى من...........
__________________________________
في المركز امان دخل على حلا
امان: حلا الحقي بسرعة
حلا وقفت وبخوف: في ايه
امان: سيادة اللوا محمد تعب فجأة واخذوه على المستشفى
حلا: مستشفى ايه
امان: مستشفى بتاعت شاهر دكتورك
حلا اخذت هاتفها ومفاتيحها وانطلقت على المستشفى
__________________________________
فارس نظر للشخص الذي وضع يده على كتفه وكانت له الصدمة لانها كانت رقية وسمعت كلام فارس وكانت تبكي على بكائه فارس وقف امامها بصدمة تفحصها بعيونه ليرى اذا كانت مصابة ام لا ونظر للسيارة المشتعلة ولها بصدمة
رقية: انا كويسة وطلعت من عربيتتي واستخبيت قبل ما هما يوصلوا وقفلت تليفوني علشان ميقدروش يتعقبوه
فارس جذبها من يدها لاحضانه وعانقها بقوة ودفن وجهه بعنقها يستنشق عبيرها لكي يطمئن انها بخير ورقية بادلته العناق ودفنت وجهها بكتفه العريض تستنشق عطره
فارس وهو مازال يعانقها: انتي عارفة انا خوفت اد ايه انا بحبك يا رقية مقدرش ابعد عنك لحظة واحدة مقدرش اخسرك ممكن اموت لو حصل حاجة زي كدة
رقية بعدت عنه ومسكت وجهه بين يديها: وانا كمان بحبك ومقدرش استغنى عنك ابدا
فارس ابتسم بفرح: بجد
رقية هزت رأسها بالموافقة
فارس: قولي والله كدة
رقية ضحكت: والله وحياتك انت بحبك وبحبك اوي كمان
فارس حملها ولف بيها
رقية: بتعمل ايه يا مجنون
فارس: مجنون اه بس بيكي
رقية بخجل: طب نزلني مينفعش كدة
فارس نزلها بإحراج: احم اسف مأخدتش بالي
رقية: وهتاخد بالك ازاي ما انت اتجننت ومبقاش فيك عقل خلاص
فارس نظر لها: متشكرين يا ذوق
رقية: العفو يا حبيبي
فارس نظر لها بصدمة: ايه قولتي ايه
رقية بإستغراب: قولت العفو
فارس: لا اللي بعديها
رقية بعدم فهم: يا حبيبي
فارس كان لسة هيقرب منها ويحضنها هي رجعت كذا خطوة لورا
: فااارس
قالتها رقية لتحذره
فارس: احم اسف بس وربنا تبقي مراتي وابقي وريني هتمنعيني ازاي
رقية: تؤ مش انا اللي همنعك حلا هي اللي هتمنعك
فارس رفع احد حاجبيه وبغيظ: لا والله
رقية هزت رأسها بالموافقة: امممم
فارس: ماشي اما نشوف وا.........
قاطعه رنين هاتفه وكانت حلا المتصلة
فارس: ايه يا حلا
حلا: انت فين
فارس بإستغراب: انا مع رقية مالك ومال صوتك عامل كدة ليه
حلا: ع......عمي.....محمد.....في المستشفى
قالتها بتقطع لانها كانت تحاول ان تمسك نفسها من الا تنهار ولكنها فشلت لان الدموع فرت من عينيها كالشلال
فارس بخوف وقلق: مستشفى ايه
حلا بدموع: مستشفى الامل بتاعت شاهر
فارس قفل معاها
رقية بخوف: في ايه
فارس بذهول: ابويا نقلوه على المستشفى
رقية شهقت بفزع: ليه ايه اللي حصل
فارس: مش عارف
رقية: طب خلينا نروح على المستشفى يلا
فارس ورقية انطلقوا على المستشفى
__________________________________
حلا ذهبت للمستشفى وطلعت للطابق الرابع وانتظرت خروج الدكتور وبعد حوالي ربع ساعة قصي وعيلته وصلوا وفي نفس اللحظة الدكتور خرج من غرفة محمد حلا ركضت على شاهر
حلا بخوف ودموع ولكنها تحاول ان تمسك نفسها: شاهر....طمني
شاهر: حلا ممكن تهدي لان ده غلط على قلبك
حلا بصوت عالي: ممكن تفهمني ايه اللي حصل مع عمي
شاهر غمض عنيه: معاه تسمم.....بس هو بقى كويس
حلا بصدمة: تسمم من ايه وازاي هو دايما بياكل من البيت
شاهر: معرفش
حلا مسكت شاهر من ياقته وهزته: انطق وقولي الحقيقة حالته عاملة ازاي متكدبش عليا والا انا اللي هدخل وافحصه بنفسي
شاهر: حالته لسة في مرحلة الخطر لان جرعة السم اللي في جسمه كبيرة
حلا اتصدمت وذهلت وتركت شاهر ورجعت للخلف بضع خطوات
حلا بذهول: يعني؟
شاهر: يعني الله واعلم اذا كان هيتخطى المرحلة ديه ويعيش ولا لا
حلا ضحكت بعدم وعي: انت بتهزر معايا صح
شاهر نظر للارض اختفت الابتسامة من على وجهها قصي سمع حديثهم وقلبه تمزق على حبيبته وكذلك سته والكل حلا كانت واقفة مذهولة وفارس وصل هو ورقية في اللحظة ديه وركض على شاهر وكانت دموعه سبقاه
فارس بقلق وخوف: ابويا عامل ايه يا شاهر طمني ونبي وقولي انه كويس
شاهر: كان نفسي بس حالته خطيرة جدا لان جرعة السم اللي في جسمه كبيرة وهو كبير في السن جسمه ميستحملش حاجة زي كدة احنا عملنا اللي علينا والباقي في ايد ربنا
فارس ذُهل وحلا كانت في دنيا تانية لانها تذكرت حادثة اهلها وفجأة الكل سمع ارتطام شئ قوي في الارض
قصي بصراخ: حلاااا
حلا فقدت الوعي والكل ركض عليها واول شخص كان قصي حمل رأسها وضربها بخفة على خدها لكي تستيقظ ولكن دون جدوى شاهر قاس نبضها وكان نبض قلبها سريع جدا
شاهر: قصي احملها ودخلها الغرفة ديه
قصي حملها بين يده ودخلها واراحها على السرير وبعدين خرج من الغرفة شاهر علق محاليل وخرج
شاهر: انهيار عصبي مقدرتش تستحمل عموما ضغطها نازل انا علقتلها محاليل واعطتها مهدأ علشان ترتاح شوية ساعة وتفوق ان شاء الله عن اذنكوا
شاهر تركهم وذهب وقصي دخل وظل بجانب حلا الى ان استيقظت
__________________________________
في غرفة محمد دخل فارس وعفاف وظلوا بجانبه الى ان فاق بعد ساعتين
فارس بخوف: بابا انت كويس تحب اطلبلك الدكتور
محمد بتعب: انا.....كويس....بس..حلا...فين
عفاف: مستحملتش الخبر ووقعت من طولها شاهر اعطاها مهدأ علشان ترتاح
محمد: اكيد افتكرت حادثة اهلها....انا عايز اروحلها
فارس: لا تروح لمين استنى اما هي تفوق وتبقى كويسة وانا هجبهالك انما انت ممنوع تتحرك انا هروح اجيب شاهر يطمنا عليك
فارس خرج نده شاهر وشاهر دخل فحص محمد
شاهر بإبتسامة: ما انت زي الحصان اهو يا عمي اومال قلقتنا عليك ليه بس
روما: كان بيختبر معزته عندنا
فارس: لا وحلا كمان
محمد: هو انتوا سايبين حلا لوحدها
شاهر: قصي وانجلي معاها وهي لسة مفاقتش مع انها المفروض تكون فاقت من ساعة.......بس يظهر انها تعبانة اوي وجسمها بقاله فترة مرتاحش
محمد: طب انا عايز اروحلها
شاهر: لا انت تنام شوية وترتاح ولما هي تصحى هخليها تجيلك
محمد: بس هي......
شاهر: متقلقش هي حصل معاها انهيار وهبوط يعني ضغطها نزل شوية مش حاجة خطيرة هخليك تشوفها والله متقلقش هي كويسة ومفيش حاجة خطيرة عليها
محمد استسلم وخضع لكلام شاهر ونام
__________________________________
في غرفة حلا قصي كان يجلس بجانبها ويمسك يدها
انجلي بخوف وقلق: هي مصحيتش ليه لحد دلوقتي
قصي: مش عارف
انجلي: معقولة يكون في حاجة خطيرة وشاهر مش عايز يقولنا
قصي نظر لانجلي بصدمة وتفكير وبعد لحظات قصي حس بيد حلا بتتحرك وكانت تشد على يده بقوة وعندما نظر لها كانت جبهتها تتصبب عرقاً وكانت ملامحها تدل على الخوف وكانت تدل على انها ترى كابوس قصي اخذ يملس على شعرها ومسك يدها التي تتشبث به بقوة
حلا: بابا............متسبنيش......بابا....لا....... متبعدش عني......بابا......باباااااا
قامت تصرخ قصي كان بجانبها حلا وضعت يدها على قلبها وكانت تأخذ نفسها بصعوبة قصي جلس امامها ومسك وجهها: حلا اهدي ده كان مجرد كابوس اهدي حبيبتي
حلا اغمضت عينيها بقوة من الوجع وكانت بتتنفس بصعوبة قصي عانقها لكي يشعرها ببعض الامان وضع رأسها على صدره وضمها لحضنه حلا عانقته وتشبثت بقميصه بقوة ودفنت وجهها بصدره بقوة كأنها لا تريد ان تبعد عنه مرة اخرى وتريد ان تختبئ بحضنه من العالم كله قصي ضمها بقوة واخذ يملس على شعرها حتى هدأت وشعر ان تنفسها انتظم بعد عنها
قصي: بقيتي كويسة.....تحبي اناديلك شاهر
حلا هزت رأسها بالموافقة: انا.....كويسة بس
قصي: عمي محمد فاق وبقى احسن متقلقيش
حلا نظرت له: بجد ولا بتقولي كدة علشان متعبش
قصي: وحياتك فاق ولو مش مصدقاني اخلي شاهر او فارس يجوا يقولولك
حلا: لا خلاص انا بثق فيك......عايزة اروحله
قصي: بس انتي تعبانة وهو حاليا نايم
حلا: مش هطمن ولا هرتاح غير لما اشوفه
حلا نزعت المحاليل من يدها وقامت وقفت ولكن توازنها اختل وكانت هتقع ولكن قصي سندها وساعدها بالجلوس على السرير
قصي: حلا انتي تعبانة مينفعش.....طب على الاقل نامي شوية واما تصحي ابقي روحي شوفيه يكون هو فاق هو كمان
حلا: لا انا هروح وافضل جنبه وابقى انام هناك
قصي: حلا حبيبتي حاولي تستوعبي انتي تعبانة ومش قادرة تقفي فبلاش علشان متتعبيش
حلا بنرفزة واصرار: قولت عايزة اروح على غرفة عمي بأي طريقة
قصي: حتى لو قولتلك علشان خاطري.....وحياتي عندك ارتاحي شوية علشان تقدري تروحيله وتبقي كويسة هو لو شافك بالحالة ديه هيتعب اكتر صح ولا انا غلطان علشان خاطري بقى ارتاحي
حلا نظرت له وخضعت لكلامه قصي وانجلي ساعدوها في انها تريح جسمها على السرير وتنام وحلا استسلمت للتعب ونامت
انجلي: انا من رأيي نسيبها ترتاح ونخرج
قصي هز رأسه بالموافقة وكان هيمشي بس حلا كانت ماسكة ايد قصي ولم تتركها قصي نظر ليدها الممسكة بيده ولوجهها وهي نائمة وانجلي كمان نظرت ليد حلا ولوجهها
انجلي ربطت على كتف قصي: خليك انت جنبها وانا هخرج اشوف العيلة
قصي: طيب انا من رأيي روحوا انتوا وابقوا تعالوا الصبح
انجلي: ماشي هنشوف
انجلي خرجت وقصي جلس على المقعد القريب من سرير حلا وظل ينظر لها بحب وحنان حتى ذهب في سبات عميق
__________________________________
انجلي خرجت للباقي وكذلك فارس وعفاف خرجوا من غرفة محمد
فارس: حلا اخبارها ايه
انجلي: كويسة فاقت من شوية وكانت عايزة تشوف عمي محمد بس بالعافية قدرنا نقنعها انها ترتاح شوية وحاليا قصي قاعد جنبها واخبار عمي محمد ايه
عفاف: الحمد لله هو حاليا نايم بسبب الادوية اللي اخذها
اريان: طيب انا بقول وجودنا هنا ملهوش لازمة انا من رأيي نروح وواحد بس هو اللي هيفضل مع عمي وواحد مع حلا
انجلي: قصي هيفضل مع حلا
الكل نظر لها بإستغراب
انجلي بتوتر: مالكوا بتبصولي كدة ليه
ادم: وقصي هيفضل معاها بصفته ايه ان شاء الله
انجلي بإحراج: احم والله قصي كان هيروح بس حلا نامت وهي ماسكة ايده فهو مش عايز يسيبها علشان متتخضش او تصحى وبعدين فيها ايه يعني يا ادم اكيد يعني قصي مش هيعمل حاجة تغضب ربنا او تجرح حلا واظن انتوا عارفينه كويس
فارس: طب خلاص فيه ايه مالكوا قافشين اوي كدة ليه ما انا كمان هفضل مع بابا يعني حلا مش لوحدها بس انا هروح الاول اوصل ماما على البيت
عفاف: لا انا هفضل هنا
فارس: ماما يا حبيبتي انتي تروحي ترتاحي وتجهزي فطار او غدا على حسب لان اكيد بابا مش هيطيق المستشفى وهيخرج بكرة وبعدين علشان شكلك تعبانة كمان
روما: ايوة يا طنط فارس معاه حق لو مش عايزة تروحي البيت تعالي معانا
فارس: اه صح رقية حلا قالتلي انك انهاردة هتباتي يا اما عندنا في البيت او مع اخوات حلا تحبي تروحي مع مين
رقية: وليه ما انا ليا بيت
فارس: عارفين والله بس هي قالتلي كدة علشان لو لقدر الله العصابة عرفت عنوانك احتياطات امان
رقية: لا انا هفضل معاك في المستشفى
الكل استغرب ونظروا لها وفارس ابتسم
رقية بتوتر: مالكوا في ايه هفضل في المستشفى علشان حلا وعلشان عمي محمد كمان ما هو في مقام ابويا دماغكوا متروحش بعيد
مايا قربت منها وهمست في اذنها: اقطع دراعي ان كنتي فعلا هتفضلي علشان عمي محمد وحلا مش علشان فارس
رقية نكزتها بدراعها: هبقى افهمك بعدين يا روحي ودلوقتي اسكتي واقفلي بوقك
فارس: انتوا بتتهمسوا في ايه انتوا الاتنين
مايا: ده حديث بنات انت ايش حشرك
فارس رفع احد حاجبيه: طيب بما اني محشر بقى وبما انه حديث بنات اي نوع من الاحاديث
مايا ضحكت: هقولك على سر......خليك في حالك احلالك
فارس: لحظة واحدة الجملة ديه بتاعت حلا
مايا بغرور: وانا وحلا ايه......واحد
رقية ضحكت: طب خلاص انتوا الاتنين احنا في مستشفى مش نادي يلا روحي يا روحي على البيت
مايا بخبث: انا بقول افضل معاكي اساعدك علشان لو احتاجتي مساعدة
رقية ضحكت: يبقى قدامنا للصبح ومحدش هيروح
فارس: طيب يلا بقى كل واحد بيتك بيتك ها يا ماما تحبي اوصلك فين انا بقول اوصلك بيت اخوات حلا علشان متبقيش لوحدك في البيت
مايا: طنط لو عايزة تروحي البيت بس مش عايزة تفضلي لوحدك ممكن اجي انا وروما نبات معاكي
عفاف: لا يا حبيبتي مش عايزة اتعبكوا معايا وصلني على البيت يا فارس
اريان: بس يا مرات عمي خلي البنات معاكي علشان لو احتاجتي حاجة او لو تعبتي لقدر الله يبقى معاكي حد في البيت ياخد باله منك
روما: احنا اساسا ناس جرادة مش هنسيبك لوحدك وهنيجي معاكي يلا
عفاف: يا بنتي مش عايزة اتعبكوا معايا
مايا: اه بس لو كانت حلا اللي قالت مكنتيش هتعترضي
روما: فارس عقل امك علشان شكلها نسيت بناتها
فارس ضحك: اهو عجبك كدة يا ست الحجة جبتلنا الكلام واما بخصوص حلا فاظن ان حلا عندها فوق الكل وقبل الكل حتى قبلي
عفاف ضربته على كتفه: ومالك ومال حلا اه حلا فوقك لانها مفيش منها اتنين وبعدين انت ممريتش باللي هي مريت بيه وحتى لو في الاخر انت بتفضل راجل وهي بنت
فارس: طيب خلاص هقفل بوقي معرفش ايه التفرقة العنصرية اللي عندكوا ديه انت راجل وهي بنت
مايا: لا التفرقة ديه اللي عملها المجتمع المتخلف مش احنا هنعمل ايه بقى عموما يلا على البيت
فارس وصل البنات وعفاف على بيت محمد ورجع لعند رقية تاني والشباب روحوا
__________________________________
فارس ورقية قعدوا في الحديقة
فارس: انتي ليه فضّلتي انك تفضلي معايا ومروحتيش على الاقل ترتاحي شوية
رقية: اظن اني قولت اني هفضل مع حلا ومع عمي محمد مش معاك
فارس بخبث: بس عيونك بيقولوا عكس كلامك
رقية: وليه متكنش عيونك انت هي اللي عايزة تشوف العكس
فارس بإعجاب واستغراب: ده انتي طلعتي مش سهلة وبتعرفي تردي كمان
رقية بغرور: اومال انت فاكر ايه
فارس: ماشي حلا تصحى بس واقولها ونشوف ساعتها هيبقى فيكي لسان يتكلم ويعترض ولا لا
رقية: عفوا بس لازم العروسة توافق علشان الجوازة تتم
فارس: نعم يا روحي ده انا روحي كانت هتطلع بسببك انهاردة فاكراني هسيبك كدة تؤ هو دخول الحمام زي خروجه يا حبيبتي
__________________________________
في غرفة حلا حلا بدأت تفوق وكان قصي نايم على الكرسي وهو ماسك يديها حلا فاقت ونظرت له وقامت عدلت قعدتها وظلت تنظر له
حلا بصوت واطي: يخرب كدة ده طلع وهو نايم امز من وهو صاحي....لا والاهم باين عليه برائة اطفال مش هتلاقيها عند الاطفال ذات نفسهم بس وهو صاحي الخبث كله
قصي اتقلب وصحي حلا اتوترت
قصي اعتدل: انتي من امتى صاحية
حلا: مش بقالي كتير
قصي: حاسة بإيه دلوقتي يعني احسن ولا تحبي اناديلك شاهر
حلا: لالا انا بقيت كويسة الحمد لله بس عايزة اروح اشوف عمي
قصي وقف ومد ايده ليها: طب تعالي
حلا نظرت له وليده: على فكرة اقدر امشي لوحدي
قصي: علشان ابقى مطمن يلا وانا كمان هاجي معاكي
حلا خضعت لكلامه ومدت يدها ومسكت يده لانها كانت تشعر بدوخة وذهبوا لغرفة محمد وحلا جلست بالمقعد المجاور للسرير ومحمد فاق
محمد: حلا حبيبتي انتي كويسة
حلا: اه متقلقش كويسة هو ضغطي نزل شوية لاني مأكلتش
محمد: اخبار الشغل ايه
حلا: حتى وانت في المستشفى بتتكلم عن الشغل
محمد: اومال هتكلم عن ايه
حلا: اولا انت اكلت برا البيت ولا لا
محمد: لا ما انتي عارفة مبحبش اكل برا البيت
حلا: طب فيه حد جيه زاركوا في البيت
محمد بتوتر: ل......لا محدش جيه
حلا بعدم ارتياح: انت متأكد
محمد: اه متأكد
حلا: يعني انت مبتحاولش تخبي عني حاجة
محمد بنرفزة: ما خلاص يا حلا هو تحقيق ولا ايه قولتلك محدش جيه
حلا: طب خلاص اهدى متتنرفزش خلاص انا هسكت ومش هفتح بوقي
محمد: والله اللي اعرفه انك المفروض تفتحي بوقك في موضوع اهم بس بتعاندي
ومن ثم نظر لقصي حلا فهمت هو بيلمح على ايه
حلا: اظن انك لازم ترتاح يكون احسن ليا وليك
محمد: ابقي قولي لشاهر انه يكتبلي خروج بكرة مش هقعد اكتر من كدة في المستشفى
حلا: لا والله ده على اساس لما كنت ببقى مصابة وعايزة اخرج بترفض انت وشاهر وكنتوا بتقولولي ايه خليكي شوية علشان نطمن عليكي
محمد: لانك بتبقي مصابة مش تسمم
حلا: ده التسمم اخطر من الاصابة
محمد: انتي عارفة اني مبطقش قعدت المستشفيات
حلا: طيب هروح اتكلم معاه واشوف
حلا وقصي خرجوا واتكلموا مع شاهر وشاهر وافق
__________________________________
تاني يوم محمد خرج من المستشفى ورجع على بيته وحلا ذهبت لبيتها اخذت شاور وغيرت هدومها ونزلت المركز وقصي اخذ شاور وغير هدومه وذهب للشركة وانجلي ورقية ومايا وروما قرروا ينزلوا يتسوقوا
في بيت محمد
عفاف: هو انت قولت لحلا على زيارة عمرو لينا امبارح
محمد: لا واوعي تقوليلها لان اكيد التسمم اللي حصل معايا ده هو كان وراه لان انتي كمان اكلتي من نفس الاكل بس محصلكيش حاجة وده معناه انه حطه في طبقي علشان يبين لحلا انه يقدر يخليها تخسر حد تاني من عيلتها ويعتبر ده نوع من انواع التهديد فإوعي تقوليلها علشان هتخاف علينا جدا وممكن تسيبنا وتبعد عننا خوفا علينا زي ما بتعمل مع قصي
عفاف: هي لسة مأعترفتش لقصي بحبها
محمد: لا مأعترفتش ولا هتعترف
عفاف: ان شاء الله هتتعب وتمل وتعترف وبكرة تقول عفاف قالت هي اساسا بدأت تضعف وتتعب وهي اللي هتعترفله بكل حاجة
محمد: يارب يا عفاف يسمع من بوقك ربنا
__________________________________
في المساء جاء تليفون لقصي فقصي رد
قصي: الو مين معايا
: انا روما يا قصي
قصي بإستغراب: مالك يا روما ومال صوتك عامل كدة ليه انتوا فين
روما بعياط: احنا في المستشفى......انجلي.....عملت حادث
قصي اتصدم وقفل في وجه روما واخذ مفاتيح سيارته وانطلق للمستشفى
__________________________________
في المركز حلا كانت تجلس ورن هاتفها بس كان صامت وهي مسمعتهوش
__________________________________
قصي وصل وطلع جري على الدرج للطابق الخامس ولما وصل كان شاهر بيتكلم مع فارس والبنات وباقي العيلة قصي ركض على شاهر
قصي: اختي عاملة ايه يا شاهر
شاهر: لسة معرفش مش هقدر اقولكوا حاجة قبل اما يمر 15 ساعة وقبل اما نتيجة التحاليل والاشاعات تطلع
قصي جلس على احد المقاعد ووضع رأسه بين يديه ونظر للارض واغمض عينيه فارس وروما ومايا كانوا يقفوا بعيدا عنه
مايا: فارس اتصل بحلا خليها تيجي هي الوحيدة اللي هتهدي قصي لحسن يحصله حاجة انا خايفة عليه
فارس: اتصلت بيها 5 مرات بس مبتردش
روما: ممكن يكون موبايلها صامت ومسمعتهوش
مايا: طب هنعمل ايه دلوقتي
فارس: مضطرين نستنى ونعرف حالة انجلي هتوصل لايه
شاهر: قصي انا من رأيي تاخد العيلة وتروحوا ترتاحوا وتبقوا تيجوا بكرة لان وجودكوا هنا مش هيفيد
قصي: لا انا هفضل هنا
فارس: قصي وجودك لا هيقدم ولا هيأخر تعالى خلينا نرجع البيت وترتاح شوية وبكرة هنبقى نيجي
قصي: طيب يا شاهر هي حالتها عادية ولا فيه خطورة
شاهر: بصراحة فيه خطورة وكتير كمان لان الاصابة في رأسها بس بإذن الله هتبقى كويسة يلا ارجع على البيت
فارس اقنع قصي بصعوبة الى ان خضع لكلامهم ورجع البيت ولكن ظل بغرفته ورفض يقعد مع حد او يتكلم او يشوف حد وكمان مأكلش وحبس نفسه في غرفته فارس حاول يتواصل مع حلا ولكنها لا تجيب على تليفونها
__________________________________
يا ترى ايه اللي هيحصل؟!
__________________________________
بعتذر عن التأخير بس كان فيه مشاكل في النت امبارح ومعرفتش انزل
