عشقتك رغم جروح قلبي ٢ ( ادمنتك )

الحلقة ٣٧

نظرت لها حلا بإستغراب وقلق: قولتيلي مين معاه جوا
ساجدة: سحر هانم
حلا ركضت على غرفة الصالون ودلفت وعندما رأت عمرو نظرت له بغضب ولكن حاولت ان تسيطر على اعصابها حولت نظرها لسحر
سحر بإبتسامة: مقولتليش ليه يا حلا ان عندك اصدقاء عسل زي عمرو
حلا اومأت بغيظ: معلش يا خالتو ممكن تسيبينا لوحدنا هنتكلم في الشغل وكدة وياريت متخليش حد يدخل يقاطعنا وخصوصي ماما
سحر بإستغراب: إشمعنا مها بالذات
حلا: لا مش مها بالذات يعني بلاش تخليها تيجي هنا علشان هنتكلم عن المهمات والخطر وكدة وانتي عارفة هي بتقلق اوي عليا ماشي
سحر ابتسمت: حاضر يا حبيبتي يلا هسيبكوا بقى
خرجت سحر ورأت يحي واحمد وقصي وعندما رأوها
احمد: سحر هي حلا كويسة
سحر بإستغراب: اه حتى جيه شاب صديقها وقاعدين بيتكلموا في الشغل وطلبت مني مأخليش حد يقاطعهم وخصوصي مها انا هروح على المطبخ
احمد اومأ لها واستغربوا الموقف
يحي: ممكن يكونوا هيتكلموا في حاجة احنا منعرفهاش علشان كدة طلبت محدش يقاطعهم
قصي تركهم واتجه لغرفة الصالون لحق به احمد ويحي خوفا من ان يشتبك بعمرو وتحدث مشكلة ولكنهم رأوه يقف على الباب ليرى ويسمع ماذا سيحدث فوقفوا معه
عمرو نظر لحلا وابتسم حلا نظرت له بهدوء ولكن ببعض الغيظ وعقدت ذراعيها امام صدرها
حلا: خير ايه اللي جابك
عمرو: وحشتيني يا حلول وبعدين مكونتش اعرف ان اللي هتعمليه فيا هيطلع عليكي ومن ابوكي شوفتي بقى ان اللي بيجي عليا مبيكسبش ابدا
حلا ضحكت: اووه قصدك اني ظلماك صح....ايه ده لحظة معنى كلامك انك بتعترف بعضمة لسانك اني لما جيتلك الساعة اتنين بعد نص الليل جيت ونزلت فيك ضرب مش جيت وقضيت معاك ليلة زي ما ظهر في الفيديو واما بخصوص ان اللي بيجي عليك مبيكسبش فأحب اقولك انت اللي بتجني على نفسك اعملك ايه
عمرو وقف وتقدم واتجه لها ووضع يده بجيب بنطلونه وجلس على يد الكرسي الذي كان مقابل لحلا: تنفذي اللي انا عايزه
حلا ضحكت مرة اخرى: هو انا مقولتلكش ان احلام اليقظى مبتتحققش يا عمرو ولا ايه إلا مقولتليش صح تطورت يعني جاي علشان تشوفني والكل موجود في البيت يعني انت دايما اما تحب تشوفني يا تخطفني يا تتهجم عليا وانا في البيت لوحدي بس تطورت لا بجد عجبتني إلا مش خايف ادم او اريان يشوفوك او فارس وساعتها هتتفضح قدام الكل وكمان مش بعيد الخطة اللي انت عملتها تفشل لان ممكن قصي يعرف الحقيقة
عمرو: امم انا عرفت ان عمي يحي ميعرفش اني اكون بن عمك يا حلا وانك قولتيله اني صديقك تخيلي لو عرف الحقيقة ايه اللي هيحصل
حلا ابتسمت: اممم ده انت جاي وحابب تلوي دراعي بقى....عموما يا سيدي لو عاوز تقوله تعالى نروح نقوله اظن انه قاعد في المكتب مع حمايا تعالى وكمان انا هاجي معاك بس تخيل لو عمك عرف انت عملت ايه في بنته في الخمس سنين اللي فاته ومش بس كدة يا سلام بقى لو ادم واريان وجاسر عرفوا وكمان قصي مأظنش هتطلع من هنا عايش واظن انا وانت عارفين ايه اللي حصل في الخمس سنين اللي فاته
عمرو نظر لحلا بإستغراب: مش معقولة هتقولي لابوكي بالعذاب اللي مريتي بيه او الي انا عملته فيكي
حلا ضحكت: معاك حق مستحيل اقوله بس لو هقول على حقيقة علاقتك بيا فهقول كل حاجة بالمرة وعلى فكرة اريحلي اني احكيله الحقيقة على فكرة بس متفتكرش انا ساكتة ومتكلمتش علشان احميك او لاني خايفة عليك تؤ انا ساكتة لانهم هيندموا وهيشيلوا نفسهم الذنب وهما ملهمش علاقة بالوساخة اللي انت عملتها معايا
عمرو: حلا انتي عارفة اني بحبك وعارفة اني مستحيل اقدر استحمل اني اشوفك مع قصي والشهادة لله الفيديو اللي انا فبركته كنت عاوز قصي بس يشوفه بس معنديش مانع لو يحي كمان شافه واهو هيسهل المهمة اكتر
حلا ابتسمت: هيسهل المهمة علشان تقدر تكسرني وتذلني صح
صمتت قليلا
حلا ضحكت بسخرية: بصراحة انا عمري ما شوفت اغبى منك لانك اساسا لعبت على شخصين سبق وعيشت من غيرهم عشر سنين ولا ناسي يعني هتقولي ابوكي واكيد وحشك وخصوصي اني كنت متعلقة بيه اوي هتقولي انتي بتحبي قصي وبتخافي عليه فأكيد جرحهم ليكي هيبقى صعب اوي وبيوجع مش هكدب عليك واقولك لا فعلا اتوجعت والجرح صعب وخصوصي انك اصبت شخصين يعني بجد اهنيك على اختيارك اخترت اكتر اتنين انا مكونتش اتوقع منهم رد فعل زي ده وخصوصي اللواء يحي بس لو انت فاكرني يا عمرو اني من نوع البنات اللي لمجرد ما شخص يكسر قلبها ويتخلى عنها تروح وتدور على شخص تاني علشان تعيط على كتفه او تحس بالامان اللي فقدته.......تؤ مش انا اللي لمجرد ما راجل يسيبها تروح تدور على بديله بالبلدي انا مش محتاجة راجل في حياتي وانت اخترت اتنين يعني انت كان فين عقلك يا عمرو وانت بتخطط مجاش في بالك اني عيشت من غير اب عشر سنين وكنت بعيدة عن قصي برضه لمدة عشر سنين اكيد هقدر اعيش من غيرهم عشر سنين تانيين.......هعيد للمرة المليون انا مش واحدة لمجرد ما راجل يسيبها تروح تدور على راجل تاني بديل عنه اولا علشان نكون متفقين قصي مفيش منه اتنين ومفيش منه بديل ثانيا اذا كان مفيش غيرك في العالم كله انا مستحيل اجي لواحد وسخ زيك وخصوصي بقى علشان اخليه بديل قصي او غيره لا انا يا إما يكون الشخص اللي في قلبي ودماغي او ملعون ابو الرجالة كلها لان انا مبحبش اخد بديل حد وكدة كدة قصي مليهوش بديل وان كان انت اللي هتكون بديله وانا هفكر في ده فساعتها هيكون اللواء يحي معاه حق واني فعلا وسخة ومإستاهلش قصي واستاهل اشكالك.....بُص بقى علشان انا جيبت اخري من الموضوع الشئ اللي في دماغك مش هيحصل لو هيكون ده اخر يوم في عمري او هموت ابشع موتة اقولك لو هخسر اهلي كلهم ومفيش غير اني اسلم نفسي لواحد وسخ زيك فأنا افضل ارمي نفسي قدام قطر او ترلة تفرمني على اني اسلم نفسي ليك وانت عارف ده كويس عايز تزور فيديوهات وتشوه سمعتي اعمل اللي تعمله بس انا مستحيل اكون ليك يا عمرو
عمرو: بس لو هتكوني لقصي اه صح يا حلا
حلا ضحكت: لا حول ولا قوة إلا بالله انت مش وصلت للي انت عايزه وخربت بدل البيت بيتين عاوز ايه بقى انت مش خربتها خلاص في ايه مالك شيل قصي بقى من دماغك ولا انت ليك مشكلة مع قصي من الاساس
عمرو: قصدك ايه
حلا: قصدي ان قصي يمكن اخد اللي انت مأخدتوش يعني لما عرض عليا الجواز انا وافقت بس لما انت عرضت الجواز عليا رفضت هو قدر يكسب قلبي ويخليني احبه بس انت معرفتش غير انك تكسب كرهي يعني زي ما بتقولوا كدة هو اخد على المستريح وانت اللي عملت كل ما بوسعك من تخطيطات وسخة علشان تمتلكني معرفتش وهو من اقل حاجة قدر يمتلكني
عمرو: إشمعنا قصي من بين رجالة العالم
حلا: وإشمعنا انا من بين بنات العالم بلاش ليه مش قصي وليه انت يعني ايه اللي يميزك عن قصي بلاش يا سيدي اللي يميزك فيك ايه يجذب الانتباه او يخلي واحدة تحبك
عمرو: طب ما تسألي نفسك السؤال ده ايه اللي عند قصي يجذب خلاكي تحبيه ومتحبينيش انا
هنا مها هبطت من الاعلى هي وسلمى ورأوا احمد ويحي وقصي يقفون على باب الصالون فإتجهوا لهم ووضعوا يدهم على كتفهم فهما انفزعوا وكانت مها ستتحدث يحي وضع يده على فمها وكذلك احمد يده على فم سلمى واشاروا لهما بعدم التحدث وعلى عمرو وحلا فصمتوا انجلي رأتهم فإتجهت لهم وفهمت عندما رأت عمرو فوقفت معهم
حلا: وانت ايه اللي عملته يخليني احبك.....عموما هجاوبك على سؤالك قصي راجل انت مش راجل......تعالى نعمل مقارنة بينك وبينه معرفش ازاي هقارن بينك وبينه بس يلا بقى ربنا يسامحني.....بعد حادثة اللواء يحي اما بعدت عنه واختفيت رفضت اكلمه او اقابله بشتى الطرق السؤال هنا ليه هو محاولش يلاقيني او يقابلني او يكلمني ويجبرني على اني اسمعه واني اتكلم واقول الاسباب اللي خلتني ابعد ليه معملش كدة مع انه معاه حق انه يلومني ويعاتبني وانه يجيبني من تحت سابع ارض ويجبرني على الكلام واني اسمعه وخصوصي انه كان عارف اني بحبه يعني من حقه ليه معملش كدة عارف ليه لانه احترم قراري بالرغم انه ميعرفش الاسباب بس احترم رفضي وفضل بعيد عني مع انه كان بيموت من القلق عليا وخايف عليا بس مع ذلك فضل بعيد عني وهو بيحبني برضه ها...نيجي بقى ليك انت انت عملت ايه من ساعة ما عرفت اني عايشة مموتش تعالى كدة اول حاجة عرضت عليا الجواز على سُنة الله ورسوله بس انا رفضت حاولت ترسملي صورة حلوة ومحترمة عنك وتخليني اعجب بيك بس معرفتش قومت عارض عليا ورق عرفي لاقيت رد فعل وهو اني هزأتك بعدين حقيقتك بانت شوية شوية حاولت تعتدي عليا وتغتصبني معرفتش سلطت عليا اصدقائك علشان ياخدوا مني اللي انت معرفتش تاخده حاولت تكسرني وتذلني بمليون طريقة معرفتش خطف وتعذيب ومحاولة اغتصاب واعتداء وعملت ومش بس كدة سلطت عليا عصابات يخطفوني ويعذبوني ويحاولوا يقتلوني ويحاولوا يعتدوا عليا مش بس كدة خطفتني وخدرتني ومع ذلك معرفتش تلمس شعرة مني خلصنا لا ده غير خطف مايا وروما وانجلي وماما سلمى خلصنا لا ده غير ان ليك يد في حادثة اللواء يحي واحمد من عشر سنين خلصنا لا حاولت تقتل قصي اكتر من مرة وكمان انجلي....ها يا عمرو عرفت الفرق ولا لسة انت فين وقصي فين انت ايه وهو ايه انت ازاي بتحط نفسك في مقارنة معاه بلاش ده كله انساني كإني ميتة ابسط حاجة انت بتعبد ربك ازاي يعني عارف ربك عارف دينك وتعاليمه ده انت كل يوم بتنام مع واحدة شكل ده غير شرب الخمرة ويا سلام لو كنت بتقامر كمان وده انا متوقعاه يعني انت كذكر ها كذكر متملاش عين اي بنت لا دين ولا اخلاق ولا تربية انما قصي عارف ربه كويس وماشي بتعاليمه.....يا اللي جاي تقولي إشمعنا قصي وانت لا قصي كان خاطبني طول فترة ما احنا مخطوبين ملمسش شعرة مني ده حتى يا اخي ممسكش ايدي حتى واسمه خطيبي وبنحب بعض وهنتجوز ليه منمتش معاه قبل الجواز او عملت معاه اللي انت عايزه مني من غير جواز ها ليه ليه مأخدش مني اللي انت عايزه ماهو بيحبني زي ما انت بتحبني اهو ليه معملش معايا زي ما انت عملت عارف ليه لانه راجل بمعنى الكلمة ومتربي وعارف ربنا كويس عرفت ايه اللي في قصي يجذب مش عندك ولا لسة......عمرو متفتكرش اني رافضة اسلملك نفسي واديك اللي انت عايزه علشان انا حاليا متجوزة او لان قصي في حياتي او اني خايفة منه او مثلا خايفة من اللواء يحي لا انا ميفرقش معايا لا يحي ولا قصي وكدة كدة السنين اللي فاتت هما مكانوش معايا وكنت بواجهك لوحدي وبطولي ومحدش يعرف حاجة ومحدش شايفني كان ممكن اسلملك نفسي وانفذ اللي انت عايزه ماهو كدة كدة محدش هيعرف ولا هيحاسبني وفيه عمليات بتتعمل علشان اخفاء الموضوع ده ليه معملتش ده هقولك انا ابويا هيعمل ايه لو عرف هيتبرى مني او هيقتلني طب والله ياريت يموتني هيريحني ده اللي ابويا ممكن يعمله اممم قصي هيعمل ايه هيطلقني او يسجني ويطلقني برضه متفرقش برضه سيبك من كل دول طظ فيهم بس انا هعمل ايه لما اموت وادفن في قبري واقابل ربنا هقوله ايه انا قد عقاب ابويا وقد عقاب وغضب قصي اقولك ان قد عقاب العصابات وعذابهم وكل ده انا قده بس انا مش قد حساب ربنا ولا عقابه ابويا ياللي انا لو هعمل حسابه وهخاف منه في حاجة زي ديه ومش هخاف من ربنا اللي اولى منه ابويا ده مش هينفعني في الاخرة ابويا ده وجوزي وحبيبي مش هينفعوني لما اتفضح قدام كل الناس واتشوي في نار جهنم محدش هينفعني في اخرتي فعلشان كدة بسيب اللي يتكلم عني يتكلم متفرقش وانا مش هدافع عن نفسي ولا هنكر الفيديو اللي انت فبركته انا هوكل امري لله هو يدافع عني هو اللي فوق الكل وفوق ابويا ذات نفسه فمتفتكرش علشان يحي رجع من الموت او علشان انا حاليا في عصمت راجل فعلشان السبب ده هرفض اديك اللي انت عايزه لا حتى لو هما مش في حياتي انا مستحيل اعمل حاجة وسخة زي كدة لان لا اخلاقي ولا تربيتي ولا ديني يسمحولي امشي في طريق الزنى وانا مش قد حساب ربنا وعقابه ليا....انا مش عارفة ازاي بكلمك في حاجة زي ديه لانك مش هتفهم لان واحد زيك بيزني كل يوم فبالنسبالك عادي فمن الاخر شيلني من دماغك لاني مستحيل اكون ليك وبعدين يا اللي بتتكلم عن الحب ده مش هحب ده حب امتلاك او طمع بتحب جسمي وجمالي اتعودت لما تفتح دراعك لواحدة حلوة ودخلت مزاجك تستجيبلك لما جيت تعمل ده معايا لاقتني بهزأك وبمسح بكرامتك الارض وبضربك واظن انك اكتر من مرة كنت هتموت بسببي فمتحاولش
عمرو: لا هفضل احاول يا حلا وسبق ووعدتك ومش ههدى غير لما انفذ وعدي
حلا ابتسمت: قصدك على وعدك اللي انت قولتهولي انك هتكون اول واخر راجل يلمسني هو ده
عمرو: اه
حلا ضحكت بشدة: انت بتقول حاجة مستحيلة لان سبق في مين لمسني
وضحكت مرة اخرى
حلا: للاسف مش هتقدر توفي بوعدك لان وعدك وعلى حسب ما فهمت اني اكون انسة واكون مدامتك والله بقى في الحرام او في الحلال يعني هتكون انت اول راجل يلمسني بس ده مستحيل لاني مش انسة مدام واظن انت عارف اني لسة متجوزة من قيمة شهرين يعني اكيد مش انسة ومدام ولا ساندي مقالتلكش اني مدام......قصي
عمرو انصدم: انتي بتهزري ازاي يعني مش على اساس ان محصلش حاجة بينكوا
حلا ضحكت: تصدق صعبت عليا لا بصراحة حصل حاجات كتير بينا ومن ضمنهم انه شك فيا بسببك عادي بس حبيت اقولك علشان متفضلش عايش في الوهم وبرضه مش هسلملك نفسي يا عمرو واه مش هتقدر تكسرني لان انا تركيبتي غريبة شوية يعني لو ضعفت بستمد من ضعفي قوة فبالتالي مبضعفش وكذلك لما بتوجع او بتجرح بحول كل جرح وكل وجع لقوة وبدل ما اضعف ببقى جبروت
عمرو: انتي فاكرة انك كدة هتخليني ابعد عنك واصرف نظر ده بعينك يا حلا وانا مش هخليكي ترجعي لقصي
حلا: ومين قالك بس اني عايزة ارجع لقصي تاني عموما اعلى ما في خيلك اركبه بس متنساش يا عمرو الموضوع ده بيني وبينك لو دخلت انجلي او حماتي او امي او اللواء يحي او اللواء احمد او اخواتي لو دخلت اي حد من عيلة الدالي او الشناوي ساعتها انت الجاني على نفسك وحاجة تانية انا صبري وخُلقي ضيق وانا مش قصي لما بتعصب مبشوفش قدامي ولو حد حاول يمسكلي نقطة ضعف او يلوي دراعي بقلب الترابيزة عليه وبكسرله دراعه وبخلعله كتفه كمان مش بلويه وبس فبلاش تخليني انسى رابطة الدم وصلة الرحم اللي بتربط ابوك باللواء يحي اللي للاسف انا بكون بنته وهو بيكون ابويا لاني لو نسيتها انا مش هخليك عايش على وش الارض لثانية واحدة وانا عاملة حساب لجدي اللي في القبر بس قسما بالله هو موصيني عليك وعلى ابوك هنفذ وصيته ومحدش يقدر يقولي تلت التلاتة كام ولو انا عاوزة اوديك انت وابوك ورا الشمس هعملها وانا هعملها فعلا بس مش دلوقتي يعني فيه حسابات كدة لازم اخلصها وبعدين هفضالكوا واظن انت وابوك عارفين انتوا عاملين ايه كويس فبلاش بقى نفضح كل حاجة نخليها في وقتها ومنسبقش الاحداث انا لحد انهاردة معرفتش حد حقيقة ابوك وحقيقتك فمتخلنيش اسبق الاحداث وبدل ما استنى اكشف كل الاوراق اللي عندي واسلمكوا لرجالة العيلة وهما يتصرفوا سواء معاك او مع ابوك فبلاش انا لاني قسما بالله ليا وش تاني وده الوش الوسخ فعلا وانا لو قلبت محدش هيتوقع تصرفاتي ولا ردود افعالي حتى قصي ذات نفسه ومحدش هيتعرف عليا اصلا واظن انت اكتر واحد مجرب وشي التاني فنخف العوم بقى بدل ما يحصل إعصار تسونامي وانت اللي هتغرق اديني نبهتك اللهم ما بلغت اللهم فإشهد اللي عندي قولته عارف طريق الباب ولا اخلي الامن يدلوك
عمرو وقف: انا عمري ما اخدت بتهديداتك ومش هاخد بيها دلوقتي بس عايزك تبقي عارفة اني مش هسيبك لو حصل ايه لو السما بتنطبق على الارض مش هسيبك
حلا: وانا عارفة انضف حياتي من اشكالك ازاي برضه ومرة تانية لو شوفت خيالك قريب من البيت ده هطربقه فوق دماغك وهفضحك قدام الكل وساعتها مش هتخرج من هنا عايش
عمرو خرج وهو يتوعد لحلا وكان يستشيط غضبا مها ويحي واحمد وسلمى وانجلي انصدموا من اللي سمعوه ولم يفهموا شئ ولكنهم علموا ان هناك ما حدث من سنين وحلا هي فقط من تعلمه ولكن ما هذا الشئ؟! لا احد يعلم
احمد بهمس: ممنوع اي حد يتكلم مع حلا بخصوص اي حاجة علشان منتعبهاش ونفتح جروحها وممنوع يحي وقصي يتدخلوا ما بين حلا وعمرو
قصي بغيظ: والله انت مش شايف نظراته وطريقة كلامه معاها عاملة ازاي المفروض اني اقف واتفرج على مراتي مثلا وفيه واحد بيبصلها نظرات رغبة وطمع ليه حد قالك ان راجل ديوس ولا مركب قرون
احمد بغيظ: ايوة اقف اتفرج لان حلا هتدايق ومش بعيد يحاول يئذيك فسيادتك بدل ما تخفف عنها هتزودها عليها وخصوصي انها للاسف لسة بتحبك وإلا تقدر تفهمني ليه مقالتلكش على اللي مرت بيه في السنين اللي فاتت ها ما تجاوب
قصي صمت
احمد: يظهر ان حلا مرت بأيام صعبة ومش عايزة تقول لحد علشان متقلقناش وتشيلنا همها وخصوصي انت ويحي لانها عارفة انكوا اكتر اتنين هتتوجعوا لو عرفتوا اللي حصل وده معناه ان فيه حاجات متسُرش حصلت معاها في غيابنا فالاحسن اننا نتفرج من بعيد بدل ما نعمل حاجة بس تجرحها او تدايقها اتفرج من بعيد بس لو حسيت انها محتاجة مساعدة ساعتها اتدخل سيبها على راحتها واول ما هتحسها هتضعف او هتقع اتدخل وساندها وخليك معاها بس ده في حالة ان طائتك بعد اللي انت قولتهولها
الكل صمت ونظروا لحلا وانتبهوا لها
حلا بصراخ: ساااااجدددةةة
ساجدة جائت ركض على صوت حلا
حلا بغضب: مين اللي فتح للزفت ده ودخله هنا
ساجدة بقلق: انا
حلا بغضب: تنبهي على الامن والبواب المخلوق ده ميهوبش ناحية البيت ولا يدخل من الباب ده وخصوصي لو الكل موجود في البيت وبعد كدة اي حد يقولك انه صديقي بلغيني الاول وانا اقولك تدخليه ولا لا مفهوم
ساجدة: حاضر يا حلا هانم اي اوامر تانية
حلا: لا تقدري تروحي اعمليلي قهوة
ساجدة: من عنيا عن اذنك
ساجدة ذهبت للمطبخ ودلفت ندى ونسمة وروفيدة
ندى: يخرب جمال امه
حلا نظرت لها بإستغراب
روفيدة ابتسمت: بلاش تعرفي بدل ما ضغطك يعلى كفاية اني وانا داخلة دمي محروق بسبب ام السيرة ديه مفيش فايدة في الزفتة ديه
ندى: لا متعرفش ازاي بت يا حلا انتي تعرفي الواد اللي خرج دلوقتي ده يخرب جمال اهله يا شيخة عيون ايه وبياض ايه وطول بعرض ايه ولا شعره البني ولا دقنه ولا خ..........ااااااه
صرخت بوجع بعد ان ضربتها حلا بقوة على ظهرها مما جعلها ترتد للامام وامسكت ظهرها ونظرت لحلا
حلا بغضب وغيظ: اييييييه ده بالناقص تنامي في حضن اللي خلفوه اهديي شوية ايه حرقة الدم اللي على المسى ديه هو انا يا ربي صبح وليل لازم دمي يتحرق ما تتلمي يا بت
ندى: يا بنتي الواد مز مز إلا انتي متعرفهوش
سحر جائت على صريخ حلا وسمعت ندى والجميع تجمع على اصواتهم
سحر: هو في ايه
حلا: مفيش
ندى: لا فيه فيه شاب مز لاقيته خارج من عندنا وحلو اوي يخرب وسامة امه داخلة بمدح فيه قامت حلا ضرباني بقولها اسمه ايه واذا كنتي تعرفيه ولا لا مش راضية تجاوبني
حلا: متأكدة انك كنتي بتمدحيه يعني مفصصتيش ملامح امه واللي خلفوه اقسم بالله انا مستحيل اوصف جوزي زي ما وصفتي الشاب الواحد لما يقعد مع اشكالكوا ياخد ذنوب انما ايه للسما وللرُكب بيكون محتاج يعمل عمرتين ويحج عشر مرات علشان يكفر عن ذنوبه
البنات ضحكوا
سحر ابتسمت: انتي قصدك على عمرو هو اللي لسة خارج دلوقتي بس معاكي حق وسيم ومحترم ومتربي
حلا كانت ترتشف بعض المياه بعد ان سمعت سحر شعرت بالاختناق وظلت تكح ووجهها احمر بشدة وشعرت بألم بقلبها الكل نظر لها
حلا وهي تجاهد لتتحدث: نصيحة بلاش نحكم على ناس منعرفهمش من اول مقابلة وخصوصي لو رجالة وبلاش ناخد بالمظاهر لان قسما بالله هناخد على افانا افة محترم
الكل ضحك
سحر: ليه بس يا حلا بتقولي كدة انا قولت انه محترم لانك تعرفيه يعني اكيد مش هتعرفي غير المحترمين
حلا: بصي انتي خالتي ومش هكدب عليكي اعرف برضه وسخين وبيلحقوني ده شئ خارج عن ارادتي انا لو عليا احبس نفسي ما بين اربع حيطان ومواجهش العالم القذر اللي برا
ندى: بس مش كلهم وسخين ووحشين يعني انتي متجوزة واكيد جوزك محترم
حلا: اومال هيكون غير كدة بروح امك مكنش هيكمل معايا دقيقتين على بعض وكنت داخلته العناية المركزة ده ان مأخدتهاش من قاصرها وخليته يتجه لثلاجة الموتى او قبره
نسمة ضحكت: ليه بس يا بنتي
حلا: والله ده اللي عندي هتيجي تتعدى معايا حدودك اتلقى جزائك بقى وهو ده انا انا كدة اللي مش عجبه يرقع راسه في اتخن حيطة
جلست حلا مع البنات وجلسوا الشباب مقابل لهم ندى صعدت لمايا وروما وطلبت منهم هواتفهم لترى صور الزفاف اخذت الهواتف وهبطت للاسفل وحلا قامت اتجهت للمطبخ اخذت من ساجدة قهوتها وخرجت وجائت لتتجه للدرج رأت من يقفل عليها الطريق عندما رفعت نظرها من على هاتفها لترى من
حلا بغيظ: خيييير عايز ايه تاني ولا مكفكش اللي قولته واللي عملته وجاي تكمله هنا
قصي تنهد بقوة: ممكن بلاش قلبت الوش ديه ونتكلم براحة
حلا: اممم طب يظهر انت فاضي بس انا مش فاضية ولا عايزة اسمع ولا اتكلم ولا حتى اشوف وشك
جائت لتتخطاه قصي جذب من يدها القهوة ليستفزها
قصي: بصراحة انا عاجبني المج وكمان عاوز اشرب قهوة شكرا ليكي
وارتشف من المج بعض القهوة وهو مبتسم
حلا نظرت له بغيظ: بالس............
لم تستطع إكمال جملتها فقلبها لم يطاوعها فنظرت له بغيظ وغضب والتفت لتصعد للدرج قصي فهمها عندما لم تكمل وفرح من داخله لانه تأكد انها مازالت تحبه ترك المج على الترابيزة وجذبها من يدها وحاوط خصرها حتى لا تتحرك حلا اخذت تدفعه بعيد عنها وتضربه بصدره
حلا بغيظ: قصي سيبني ومتخلنيش اتجنن عليك على المسا دمي فاير من الصبح والمسا زاد كمان ابعد عني بدل ما افش غليلي فيك وخصوصي اني مش طيقاك اوعىىىى
قصي ببرود: اممم ولو مبعدتش هتعملي ايه
حلا رفعت احد حاجبيها: بلاش تختبرني وتتحداني في حاجة زي كدة لانك هتندم
قصي: مش هتقدري تعملي معايا حاجة يا حلا لانك لسة بتحبيني ومأهونش عليكي
حلا نظرت له بغيظ وجائت رفعت قدما وجائت لتضربه اسفل الحزام قصي فهم لما تنوي فعله فدفع قدمها بسرعة وقوة ولكن بخفة وادارها بسرعة ليصبح ظهرها ملتصق بصدره وامسك يدها وقيد حركتها واقترب واسند ذقنه على كتفها وعنقها وتحدث بجانب اذنها بنبرته الهادئة التي تضعفها وتجعل القشعريرة تسري بجسدها وتتوتر
قصي بهدوء ولكن مخلوط بحب: قولتلك انك مش هتعرفي تعملي معايا حاجة لاني فاهمك يا حلا وعارف ردود افعالك وعارف انك لو ضربتيني هتضربيني عند فيا بس بعدين هتندمي لانك ضربتيني
حلا اغمضت عينيها بقوة وحاولت ان لا تضعف واخذت تقاومه وتحاول ان تفك قيدها
حلا: ابعد عني وسيبني.....قصي ابعد عني بدل ما اصرخ والم عليك البيت
قصي: طب لو جدعة اعمليها
حلا بصوت عالي نسبيا: ابعد عني بقى سيبني
قصي ابتسم: مش على اساس انتي شرطية يعني اكيد قوتك بمية راجل المفروض لو شخص عمل معاكي اللي انا عامله هتضربيه علشان تحرري نفسك ولا انا غلطان
حلا بغيظ: قصدك ايه
قصي: ولا حاجة بس كنت بقولك اللي المفروض تعمليه
حلا بإستغراب: لا طبعا مستحيل اضربك
قصي ابتسم: ليه لانك بتحبيني ومأهونش عليكي
حلا بغيظ: لا يا خفيف لان اخواتك هنا ولو ضربتك وهما عرفوا هيبقى منظرك زبالة قدامهم ابعد بقى
سحر خرجت لتتجه للمطبخ وعندما رأتهم
سحر: قصي.....حلا في ايه
حلا: خليه يسيبني ويبعد عني احسن ما اقلب على وشي التاني
سحر: قصي مينفعش كدة وبعدين حرام انك تمسكها كدة وتحضنها كمان سيبها
حلا نظرت لها بإستغراب وعدم فهم
قصي ضحك: مراتي يا خالتو وحلالي هو ايه اللي حرام وبعدين بحاول اصالحها لاني زعلتها وهي مش مدياني فرصة اتكلم اعمل ايه
سحر انصدمت: مراتك مين
حلا بغيظ: ابعد عني يا بني ادم انا حُرا مش عايزة اسمعك
قصي: حلا بتكون مراتي يا طنط سحر انا الشخص المحظوظ اللي امه دعياله علشان اتجوز بنت زي حلا اللي انتوا عايزين تتعرفوا عليه......اهمدي بقى واتهدي مش هسيبك غير لما اتكلم معاكي
حلا: قولتلك مش عايزة اسمعك انا حُرا اوعى بقى
قصي: وانا كمان حُر وعايزك تسمعيني ونتكلم وبعدين انتي حُرا ديه كانت زمان يا بيبي دلوقتي انتي مراتي
حلا ضحكت بسخرية: والله...ليه لسة فاكر دلوقتي اني مراتك ما كنت لسة من قيمة شهرين واحدة وسخة ومأستهلكش ولا انت بتقول الكلام وتنكره
قصي: عارف اني غلطان بس اديني فرصة اني اصلح الغلطة ديه
حلا: لا معنديش فرص لحد وابعد عني وسيبني اوعى
قصي: حتى لو سيبتك دلوقتي مصيرك هتسمعيني سواء برضاكي ولا غصب عنك
قصي تركها وحلا التفت له
حلا بغيظ: وحتى لو سمعتك متفتكرش اني هسامحك او هرجعلك انسى مش هيحصل
تركته وصعدت لغرفتها قصي اغمض عينيه بقوة ومسح على وجهه
سحر بعدم فهم: هو في ايه ايه اللي حصل بينكوا وايه الكلام اللي حلا قالته ده
قصي صمت ولم يعرف بماذا يجيبها
سحر بغضب: قصي جاوبني انت عملت لحلا ايه.....اوعى تكون جرحتها او تكون انت السبب في حالتها ديه......انطق جاوبني ايه اللي حصل بينكوا
مها وسلمى كانوا يقفون ورأوا ماذا حدث
مها: انا هقولك ايه اللي حصل.
وحكت لها ما حدث
سحر بصدمة: هو انتوا لحقتوا ده انتوا مكملتوش شهر علشان تنفصلوا ليه يا قصي كدة ليه تعمل فيها كدة ديه محبيتش حد قدك ليه تجرحها بالطريقة البشعة ديه
قصي بندم ووجع: عارف اني غلطت وغلطي كبير كمان بس ادوني فرصة اصلح غلطي
سلمى: الاهم حلا هي اللي تديك الفرصة ديه
سحر: انسوا ان ده يحصل انت يا ريتك ضربتها قلم او اتخانقت معاها علشان وقفت اتكلمت مع شاب او علشان مثلا شاب عاكسها فغيرت عليها واتعصبت واتخانقتوا لا انت اتهمتها بالخيانة شككت بأخلاقها وشككت في حبها ليك هي مستحيل تسامحك يا قصي انت هدمت اللي بينكوا بإيديك انت مش متوقع حجم المصيبة اللي انت عملتها انت جرحتها وكسرتها واهانتها وعايزها بعد ككككلللل ده تسمعك وتقولك برافو يا حبيبي وانا بحبك وانت وحشتني اوي وتسامحك كدة عادي وتديك فرصة تاني كمان انت بتحلم يا قصي ديه حلا...وحلا اللي بيجرحها مبتسامحهوش مين ما كان يكون ولو عمل ايه مبتسامحش ولو فيه امل انها تسامحك فده بعد ما تخليك تعاني شوية والله واعلم بعديها هتسامحك وترجعلك ولا لا بس معاها حق لو مسامحتكش ورجعت
قصي: انا اللي سببتلها الوجع وانا اللي جرحتها وانا اللي هداوي جرحها حتى لو هشرب كاس المُر بس مش هسيبها بحالتها ديه
سحر: قصي جرح حلا سهل انما انك تداويه صعب جدا
قصي: طب انا مش عارف اعمل ايه ولا اخليها تكلمني او تسمعني ازاي
سحر نظرت له: انت بتحبها
قصي: لو انا مبحبهاش هيفرق معايا زعلها مثلا او وجعها......اكيد طبعا بحبها وبعشقها كمان
سحر: هساعدك بس بشرط لو جرحتها او زعلتها او حالتها سائت عن كدة ساعتها هزعلك وجدا كمان سلمى اختي وحبيبتي وهي على عيني وعلى راسي بس حلا بنتي مش بنت اختي يا قصي وانا اللي يوجع بنتي ويزعلها اشرب من دمه مفهوم كله إلا حلا
قصي: انا عايز بس افضل جنبها حتى لو مش هتسمعني ولا هتسامحني
سحر: خلاص كلنا هنتصرف على اساس انا معرفش حاجة يعني معرفش انكوا اتخانقتوا وهتتصرف معاها قدامي كإنكوا اتنين متجوزين وبتحبوا بعض مفهوم
الكل: مفهوم
سحر: هخلي ساجدة تنقل هدومك على غرفة حلا بس مش دلوقتي لما تخرج من اوضتها او تدخل الحمام ماشي
الكل اومأ بتفهم واخذوا يخططون كيف يجمعوهم مرة اخرى معا
__________________________________
حلا صعدت لغرفتها وظلت تدور في الغرفة بتوتر وغضب ثم وقفت فجأة
حلا لنفسها: هو انا ليه متوترة مالي في ايه....قصي جيه وعرف الحقيقة معناها انه جاي علشان يصالحني......حلا اجمدي ايه يعني جيه وايه يعني هيفضل في نفس البيت بس المهم انه مش هيبقى معايا في اوضة واحدة......هووووف انا هدخل اخد شاور يمكن ارتاح
اخذت ملابسها ودلفت للحمام وبمجرد دخولها للحمام دلفت ساجدة وسلمى ومها وضعوا هدوم قصي في النصف الاخر من دولاب حلا وخرجوا دقائق ودلف قصي وجلس على الفراش وهو يتفحص الغرفة وديكورها ثواني وخرجت حلا ووقفت امام التسريحة واخذت تجفف شعرها لم تلاحظ وجود قصي بينما قصي رأها وظل ينظر لها وشرد بها لحظات وقام واتجه لها وعانقها من الخلف ودفن وجهه بعنقها واخذ يستنشق عطرها حلا شعرت بالتوتر والارتباك واغمضت عينيها بقوة اثر انفاسه الحارة على عنقها ويده التي تحاوط خصرها وكادت تستسلم له وحصونها تنهار ولكن سريعا ما رفضت هذه الفكرة وهزت رأسها نافية للامر بسرعة والتفت ودفعت قصي بعيد عنها بقوة
حلا بغضب: ممكن افهم بتعمل ايه في اوضتي اطلع برا
قصي استند على الحائط وعقد ذراعيه امام صدره وببرود: طنط سحر قالتلي انام مع مراتي علشان اكون مرتاح ومبسوط يعني بيقولوا راحة الزوج في قربه من زوجته
حلا: وانا مش عايزاك تبقى معايا في نفس الاوضة اتفضل اطلع برا
دلفت سحر: في ايه يا حلول صوتك طالع ليه
حلا: خلي البني ادم ده يخرج من اوضتي
سحر ببعض الغضب: حلا عيب كدة مينفعش تتكلمي كدة مع جوزك طب لو ناسية انه جوزك خليكي فاكرة انه اكبر منك بخمس سنين
حلا بغيظ: بقولك ايه انتي اكتر واحدة عارفة اني مبفكرش في السن وبهزأ اي حد بس انا حُرا مش عايزاه ينام معايا في نفس المكان
سحر: حلا مينفعش يا حبيبتي وبعدين انتوا مبقالكوش شهر متجوزين ولا شهرين اعقلي وبطلي شغل العيال ده
حلا بنفاذ صبر: خالتو انتي متعرفيش حاجة احنا متخانقين وانا مش عاوزاه يبقى معايا في نفس الاوضة
سحر بعتاب: كدة يا قصي تزعل حلا اتفضل صالحها بقى
حلا: انا مش عاوزة اتصالح وانتي متعرفيش الموضوع خليه يطلع من اوضتي بدل ما اطربق البيت ده فوق دماغكوا
سحر: مهما حصل بينكوا مينفعش تطرديه من الاوضة يا حلا ده جوزك وبعدين لازم تحترميه مينفعش كدة
حلا ابتسمت بسخرية: انا لحد دلوقتي محترماه بس لو فضلنا احنا الاتنين تحت سقف واحد مش هحترمه نهائي يا إما هو يخرج من الاوضة او انا هخرج منها
قصي: ومين قالك اني هسيبك تخرجي او لو حتى خرجتي هاجي وراكي ولا ايه يا طنط سحر
سحر ابتسمت: انت كدة صح وحاول تصالح البت اللي دماغها دماغ جذمة قديمة
حلا بغيظ وقد احمر وجهها: لو مخليتهوش يخرج يشوفله اي زفت اوضة ينام فيها انا هخرج بس مش من الاوضة لا من البيت كله
سحر: بت انا مش قد شغل العيال ده جوزك موجود اهو قصي اتصرف انت معاها انت اللي بتفهمها وبتعرف تسيطر عليها يلا تصبحوا على خير
سحر خرجت وحلا كانت ستخرج خلفها قصي جذبها من معصمها لتصطدم بصدره ويحاوط خصرها ويقبلها بحب وقوة وشوق وشغف حلا انصدمت من رد الفعل وفتحت عينيها على مصرعهما بدهشة وصدمة ظلت تضربه بصدره بيديها وتدفعه بعيدا عنها ومع كل ضربة ودفعة كان يشتد قصي على احتضانها ولكن حلا لم تقف وظلت تضربه عندما نفذ صبره ضغط على خصرها بقوة وهنا حلا شعرت بروحها تنسحب منها وبدل ما تضربه تشبثت بقميصه بقوة واغمضت عينيها بقوة واستكانت بين يديه قصي تعمق في قبلته اكثر حلا شعرت انها تنصهر وتنهار بين يديه عقدت حاجبيها بإنزعاج عندما تذكرت كلامه الجارح وتصرفه القاسي فتحت عينيها بسرعة وجمعت قوتها مرة اخرى ودفعته بعزم قوتها بعيدا عنها قصي ابتعد وهو مستغربها ولكن عندما رأى ملامحها فهم وعلم انها تذكرت ما حدث نظرت له نظرة هو لم يفهمها ولكن كانت مليئة بالجوع والحزن اخذت هاتفها وخرجت من الغرفة هبطت وجلست بمكتبها وضعت رأسها بين يديها واغمضت عينيها بقوة ووجع وتذكرت كل ما مرت به من سنين من وجع وحزن وذُل دلفت عليها ساجدة ووضعت امامها قهوتها وخرجت حلا اخذت ترتشف من قهوتها وجلست تنجز بعض الاعمال ولكنها لم تستطع التركيز وكانت تشعر بالاختناق فقامت وخرجت واتجهت للچيم واخذت تقوم ببعض التمارين والرقص الرياضي........قصي اخذ شاور وابدل ملابسه وجلس ينتظر حلا على امل ان تصعد لتنام ظل ينتظرها ثلاث ساعات عندما مل هبط للاسفل وكان الجميع نائم هبط وجلس بالصالون سمع صوتها وهي تدلف من الحديقة ووجهها مليئ بالمياه كانت تتحدث بهاتفها ودلفت للمكتب دون ان تنظر له ولم تلاحظ وجوده وجلست تتحدث بهاتفها وتمسك احد الملفات قصي اتجه ووقف على باب المكتب وظل ينظر لها وحلا كانت تعطيه ظهرها
تنهدت حلا: تمام يا امان خلاص........طيب هبقى عندكوا على تمانية الصبح.....اجل بقى اي مشكلة لبكرة....تمام سلام
حلا انهت المكالمة ودلفت للحمام الملحق بالمكتب اخذت شاور وابدلت ملابسها فهي دائما تترك بعض الملابس بالمكتب في حال شعرت بالتعب وعدم استطاعتها للصعود لغرفتها ارتدت كارينة باللون الاسود يصل لبعد الركبة بشوية وارتدت تيشيرت بكوم لونه رمادي غامق وفيه كلام بالاسود رفعت اكمامه قليلا وقفت امام المرآة تجفف شعرها بالمنشفة والاستشوار وعندما انتهت خرجت وجلست على الاريكة واسندت رأسها بتعب واغمضت عينيها قصي كان سيدلف ليتحدث معها ولكن عندما شعر انها متعبة تراجع وتركها وخرج من البيت ليستنشق بعض الهواء النقي وانقضى اليوم ليأتي يوم اخر مليئ بالاحداث والتخطيطات
__________________________________
في صباح اليوم التالي على الساعة السادسة عاد قصي للبيت وصعد للغرفة ولم يرى حلا بها فعلم انها قضت الليلة الفائتة بالمكتب دلف للحمام واخذ شاور وابدل ثيابه وارتدى بنطلون جينز كحلي وقميص اسود واتاه اتصال من المكتب فأجاب............في الاسفل وخصوصي بالمكتب استيقظت حلا ورأت نفسها تنام على الاريكة قامت وهي تلوي عنقها بتعب وآلم واخذت هاتفها لترى ما الساعة رأتها السابعة قامت وصعدت لغرفتها على امل ان لا تراه دلفت للغرفة دون ان تستأذن رأته بوجهها يقف يمسك احد الملفات ويتحدث بسماعة البلوتوث قصي شعر بها ولكن لم ينظر لها حلا تجاهلته ودلفت لغرفة الملابس اخذت ملابس لها ودلفت للحمام اخذت شاور سريع وابدلت ملابسها ارتدت بنطلون اسود وقميص ابيض وبليزر اسود وهاڤ بوط اسود وارتدت ساعتها السيلڤر ورفعت شعرها ذيل حصان ووضعت برفيومها الهادئ واخذت ادويتها وسلاحها ومفاتيحها وهاتفها ونظارتها الشمسية وخرجت من البيت دون ان تخبر احد وعندما وصلت للمركز بعثت برسالة لوالدتها بأنها خرجت من المنزل وذهبت لشغلها وكانت مترددة تبعث لقصي ام لا حتى لا يقلق ظلت بهذه الدوامة حتى حسمت امرها وقررت تبعث له رسالة حتى لا يقلق ووضعت هاتفها على الوضع الصامت ودلفت للمركز بهيئتها المعتادة
__________________________________
قصي خرج من البيت وصعد بسيارته لينطلق للشركة اعلن هاتفه عن وصول رسالة ففتحها ورأها من حلا استغرب وعندما قرأها ابتسم ثم نظر امامه بشرود وانطلق للشركة ودلف بهيئته المعتادة وصعد لمكتبه بعد ان دلف للمكتب دلف حازم خلفه وفهد دون طرق الباب التف قصي لهم ورفع احد حاجبيه بإستغراب
قصي: ايه اللي لم الشامي على المغربي
حازم: من يوم يومنا مع بعض
قصي: يبقى فيه مصيبة خير
فهد ابتسم: هو انت كل ما تشوف وشي بتتشائم ليه
قصي: لان انتوا ثنائي مصايب لما بتتلموا على بعض مبرتحش
حازم: تصدق احنا غلطانين علشا جايين نطمن عليك انا استاهل ضرب الجذمة  علشان بفكر فيك
قصي ببرود وهو يجلس على مقعده: طب كويس انك عارف نفسك
فهد جلس على احد المقاعد امام مكتبه: عملت ايه مع حلا
قصي بلا مبالاة: ولا حاجة
حازم وهو يجذب المقعد الاخر ويجلس بإستغراب مصحوب بدهشة: نعم يا اخويا مش على اساسا انتقلت في الاوضة معاها
قصي تنهد: خرجت من الاوضة وفضلت في المكتب وقضت الليل كله هناك
فهد: يعني متكلمتوش
قصي: لا هي مش مدياني فرصة اتكلم وعارفة انا عايز اقول ايه ده غير انها مش طايقة تشوف وشي ولا تسمع مني حرف واحد بس الصبح لما خرجت بعتتلي مسدج انها في المركز
حازم: الصراحة حقها اللي عملته فيها مش شوية
قصي بغيظ: يعني سيادتك كنت عايزني اعمل ايه
حازم: تديها فرصة تبرر مش اول ما قالتلك كنت عند عمرو تفتكر انها خانتك انا مش عارف عقلك كان فين وبعدين ازاي هان عليك تعمل فيها كدة مصعبتش عليك ولو شوية يا قصي وانت بتقسى عليها وتجرحها
قصي بحزن: كنت متعصب والافكار بتودي وتجيب في راسي واول ما شوفت الفيديو اتعميت ومشوفتش قدامي
فهد: خلاص بلاش نقلب في الماضي ونقعد نعدد زي الستات لان ده مش هيفيد اللي حصل حصل المهم دلوقتي ازاي هتتصالحوا
حازم: بصراحة انا حاسس انكوا مش هتتصالحوا لانك علشان تداوي جرح حلا فده صعب جدا وانك تخليها تسامحك اصعب فانا شايف ان المهمة ديه شبه مستحيلة
قصي نظر له بحزن ووجع وندم فهو ايضا يشعر بنفس شعور حازم ولا يعلم ماذا يفعل
فهد بتفكير: هي ممكن تكون شبه مستحيلة لو حد تاني هو اللي جرحها مش قصي
قصي وحازم نظروا له بإستغراب: قصدك ايه
فهد: حلا بتحبك يا قصي والدليل على كلامي بالغرم انها زعلانة منك ومش طيقاك إلا انها بعتتلك مسدج انها في المركز علشان متقلقش عليها مع انها كان ممكن تبعت لانجلي او لمرات عمي سلمى وهما يبلغوك بس هي بلغتك بنفسها علشان متقلقش عليها وده معناه انها بتخاف عليك وبتفكر في راحتك ولسة بتحبك ومادام هي لسة بتحبك يبقى فيه امل انها تنسى وتتخطى الموضوع وتسامحك بس الاهم انك تفضل متمسك بيها خليك بعيد وفي نفس الوقت قريب بلاش تضغط عليها لانك هتتعبها اكتر وطول ما انت في وشها اربعة وعشرين ساعة هي مستحيل تنسى ومستحيل جرحها يخف ولا آلمها يقل بالعكس هتزود عليها الآلم انا من رأيي تديها مساحتها وتسيبها لوحدها على الاقل تتخطى الموضوع حتى لو مش هتنساه اديها بعض المساحة والحرية بس في نفس الوقت خليك في ضهرها واحميها واقف جنبها وقت الحاجة لحد ما تحسها اتحسنت ونوعا ما ممكن تتكلموا مع بعض بس بلاش تتكلم معاها دلوقتي حاول متخلهاش تشوف وشك غير قليل ولما تشوفك متتجاهلهاش اتصرف عادي بس حاول متتعمقش اوي لا في الكلام ولا انك تفتح معاها الموضوع علشان قلبها كمان يتحسن وبعدين اتكلم معاها واضغط عليها واعمل كل حاجة
قصي شرد بكلام فهد وشعر ان بن عمه معه حق
حازم: فهد معاه حق يا قصي ممكن لو سيبت حلا شوية تجمع نفسها وتعيد ترتيب نفسها تاني من الاول وجرحها يخف نوعا ما يمكن ساعتها يكون عندها استعداد تسمعك
فهد: هنسيبك احنا بقى ونروح نشوف الشغل وانت فكر في كلامنا وشوف هتعمل ايه تمام يلا يا حازم
خرج حازم وفهد ليتركوا قصي ليفكر بعض الشئ قصي اعاد ظهره للخلف ليستند على الكرسي ويجلس بإرتياح واسند رأسه واغمض عينيه بإسترخاء وتفكير ظل يتذكر لحظاتهم الحلوة مع بعض
                      فلاش باك
في فرنسا من قيمة شهرين ببيت قصي وحلا كانت حلا تأخذ شاور بالحمام وقصي كان بالخارج دلف قصي وهو ينادي بإسمها وبحث عنها بالطابق الاسفل لم يجدها فصعد للغرفة وبمجرد دخوله رأها تخرج من الحمام تلف جسدها بمنشفة وتجفف شعرها بمنشفة اخرى وتدلف لغرفة الملابس ابتسم واتجه خلفها بهدوء ووقف مستند على باب غرفة الملابس حلا تركت المنشفة التي بيدها وفتحت الدولاب واخرجت عبائة قصيرة تصل لفوق الرقبة بحمالة لونها نبيتي فاتح وبها كلام بالانجليزي باللون الاسود والابيض سحبت المنشفة التي على جسدها وتركتها لتسقط على الارض واخذت العبائة وارتدتها تقدم قصي إليها وبمجرد ان ارتدت العبائة عانقها من الخلف وطبع قبلة على كتفها وعنقها حلا انتفضت بفزع ثم ابتسمت
حلا: هو انت لازم تخضني يعني
قصي وهو يوزع قبلاته على عنقها وكتفها: سلامة قلبك......من الخضة.....يا عمري
حلا: كنت فين من على وش الصبح صحيت ملقيتكش جنبي 
قصي جعلها تلتف له وحاوط خصرها وابتسم ونظر بعينيها بخبث: ليه وحشتك
حلا ابتسمت ولفت يدها حول عنقه بطريقة مغرية وبدلع: اقولك على سر
قصي اومأ بالموافقة وهو يبتسم
حلا بحب ونظرة برائة مثل الاطفال وابتسامة سحرته: اساسا انت لما بتبقى في حضني بتوحشني واوي كمان فتفتكر بقى سيادتك لما تبعد عني خطوة واحدة ايه اللي هيحصل
قصي وهو ينظر لها بحب وعينيه ترصد كل انش بوجهها وحركة شفتيها: ايه اللي هيحصل
حلا: هتوحشني اكتر واكتر واكتر ووقتها قلبي هيوجعني لاني اتعودت على قربك ومقدرش على بعدك حتى لو ثانية واحدة بحس ان فيه حاجة نقصاني ومبكونش مرتاحة كمان واتعودت على حضنك كمان لدرجة اني مبعرفش انام غير لما اكون في حضنك لان قربك هو الامان والدفى بالنسبة ليا واساسا انا ممكن اسيب كل الناس وافضل في حضنك انت وبس
قصي ابتسم وانخفض طبع قبلة على شفتيها عميقة مليئة بالحب والشوق ثواني ثم ابتعد
قصي وهو يداعب انفها بأنفه: بس كدة بقى هنقعد في اوضتنا ومش هنخرج خالص وكمان لما نرجع اسكندرية مش هنروح على اشغالنا ولا ايه بُصي بالنسبة ليا انا معنديش مانع اقعد من الشركة مادام انتي هتبقي معايا
حلا ضحكت بخفة: اه علشان اتحول لتحقيق واعدائي اما هيصدقوا وخصوصي العصابات هيعملوا افراح مش فرح واحد بس وهيبقى تاريخ عالمي بالنسبة ليهم
قصي: طب انتي عايزة ايه
حلا بحيرة: مش عارف قولت اقولك يمكن نلاقي حل سوى للمشكلة ديه يعني حاليا انا مش قادرة ابعد عن حضنك سنتي فهعمل ايه لما نرجع اسكندرية وانزل الشغل او انت تروح على الشركة
قصي: اممم خلاص عندي الحل مش انتي كنتي ماسكة مهمة وبتحميني وكنا عاملين تمثيلية انك سكيرتيرتي خلاص اتحلت اتوكلي امر حمايتي وانا هعينك بشكل رسمي سكيرتيرتي الخاصة ومديرة اعمالي كمان وبكدة مش هنبعد عن بعض خالص
حلا ضحكت بخفة: اه وسيادتك بقى تفضل طول اليوم تحضن وتبوس وتسيب الشغل ها لا طبعا لو انا اشتغلت معاك في مكان واحد انت مش هتركز في الشغل
قصي: مش انتي جيتي قبل كدة وحتى بالامارة فضلتي سهرانة معايا وبنشتغل يوم ما نمت وكنتي معايا في المكتب قبل ما نتجوز وكنت قاعد بشتغل ومجيتش جنبك
حلا: اديك قولت قبل الجواز مكنتش حلالك ومكنتش مراتك فبالتالي مش هتعمل معايا حاجة انما انا دلوقتي مراتك وحلالك والدنيا بيس بينا وانا عارفاك كويس يا حبيبي وحفظاك ده لما بتكون معايا في البيت مبتسيبنيش اخرج من الاوضة او حتى اعمل الغدا او الفطار وانت عارف الباقي فما بالك لو فضلت قدامك في الشركة مش هتشوف الملفات اساسا ولا هتفتحها اوعى بقى كدة خليني انزل احضر فطار
حلا تخطته وخرجت من غرفة الملابس قصي لحق بها وجذبها من ذراعها لحضنه وحاوط خصرها
قصي: طب خليكي معايا شوية
حلا ابتسمت: يا حبيبي ارحم شوية انا من امبارح طول النهار والليل معاك عايز ايه اكتر من كدة بُص هحضر الفطار وهبقى معاك بكل كياني وكلي على بعضي خليني بقى انزل احضر الفطار
قصي: انا مش جعان اساسا فمفيش داعي تحضري فطار
حلا رفعت احد حاجبيها بغيظ: طب انا جعانة بقى وعايزة اكول
قصي بخبث: ليه الاكل امبارح معجبكيش يعني حضني مشبعكيش
حلا ضحكت: لا ولا بَل ريقي حتى
قصي وهو يقترب منها: خلاص هبِل ريقك انهاردة
حلا: قصي ا...........
قبل ان تكمل جملتها كان ممسك بشفتيها في قبلة عميقة ويد تحاوط خصرها واليد الاخرى تسير على ظهرها بحب وشوق دقائق وحلا دفعته بقوة ليبتعد قصي استغرب وابتعد عنها
قصي بإستغراب: مالك
حلا حاوطت خصره وعانقته بقوة: قلبي واجعني وخايفة
قصي عانقها: من ايه خايفة يا حبيبتي
حلا بقلق وعدم ارتياح: خايفة اتحرم منك زي ما اتحرمت من بابا عشر سنين....خايفة نبعد عن بعض تاني.....خايفة الحب ده يسببلي وجع لاني مش هستحمل ومش هقدر على بعدك يا قصي هحس بسكاكين تغرز بقلبي هحس بوجع كبييير مش هستحمله خايفة ان حبي ليك يوصلني للموت او يخليني اتمنى الموت خايفة ان يحصل موقف تفهمني غلط فيه وتجرحني خايفة من الفراق والوجع
قصي اشتد على احتضانها واسند ذقنه على رأسها: بتحبيني
حلا: اه
قصي: قد ايه
حلا رفعت رأسها لتقابل عينيه بإستغراب وعدم فهم: ازاي يعني قد ايه
قصي: اوصفي مقدار حبك ليا
حلا: افندم مش هعرف بحبك اوي ومأظنش فيه حاجة تقدر توصف حبي ليك
قصي: يعني ممكن نقول مثلا قد البحر
حلا: لا
قصي نظر لها بإستغراب
حلا: مالك بتبصلي كدة ليه لا لانه قليل وقليل جدا كمان بحبك اكتر من كدة
قصي: البحر والمحيطات بسمكاتهم
حلا: اكتر
قصي: قد الكون كله
حلا: اكتر
قصي ابتسم: طب قد كل اللي انا قولته
حلا: اكتر برضه
قصي ضحك بخفة: طب اكتر قد ايه
حلا: معرفش بس اكتر من كدة بكتييييير بُص من الاخر كلمة بعشقك قليلة برضه
قصي ابتسم بحب: للدرجادي بتحبيني
حلا: انت مستحيل تتخيل ولا تتصور انا بحبك قد ايه ولا مكانتك في حياتي
قصي: بتثقي فيا
حلا ابتسمت بحب: اكتر من نفسي.....ممكن طلب
قصي طبع قبلة على جبينها وبحب: اميرتي تؤمُر
حلا ابتسمت: عايزاك توعدني ان مهما حصل متحكمش عليا من غير ما تسمعني ومهما كان الموقف تسألني وتسمعني وتثق فيا
قصي ابتسم: اوعدك اني هسمعك
حلا بحب وخوف: توعدني انك متتخلاش عني ابدا ومتبعدنيش عنك
قصي: المهم انتي متبعديش
حلا: انا مستحيل ابعد عنك إلا اذا انت ابعدتني
قصي: بس انا مستحيل ابعدك عني لاني بموت فيكي وعليكي وبعشقك مقدرش اعيش من غيرك
حلا: طب اوعدني
قصي بحب: اوعدك مش هبعدك عن حضني ابدا ومش هجرحك وهسمعك ومش هتسرع في الحكم عليكي واوعدك هفضل جنبك على طول لحد ما تزهقي مني وهنقضي الباقي من عمرنا سوى ان شاء الله وهفضل قاعد على قلبك كابس على نفسك
حلا ابتسمت بحب: على قلبي زي العسل وتنور حياتي وقلبي يا اميري الفريد
قصي ابتسم وعانقها وهي بادلته العناق
قصي: هو احنا كنا بنقول ايه
حلا ابتعدت قليلا وبمجرد ان اصبح وجهها مقابل وجهه امسك شفتيها في قبلة عميقة ليسبحوا في محيط عشقهم
               عودة من الفلاش باك
فتح قصي عينيه وعلى وجهه ملامح الانزعاج والغضب والوجع والحزن دفع الملفات بقوة من على المكتب لتسقط على الارض
قصي بغضب: غبي ومتهور
وضع رأسه بين يديه واغمض عينيه بقوة ووجهه احمر وحاول ان يسيطر على نفسه بعد ان تجمعت الدموع بعينيه جائه طرق الباب ثم انفتح الباب وكانت اسماء
اسماء: استاذ قصي ممكن ادخل
قصي مسح على وجهه بقوة: ادخلي يا اسماء
دلفت اسماء: تحب حضرتك تلغي حاجة من جدول انهاردة
قصي: لا بس فكريني عندنا ايه انهاردة
اسماء: فيه ٣ اجتماعات انهاردة ده غير ان فيه ملفات واقفة على توقيع حضرتك لان حضرتك مكونتش بتنزل الاسبوعين اللي فاته
قصي: تمام حضريلي الملفات وجهزي للاجتماعات
اسماء: اوامرك يا فندم اول اجتماع الساعة ١٢ والتاني الساعة ٣ والتالت الساعة ٦
قصي: تمام ابعتيلي سمير وحازم
اسماء: اي اوامر تانية يا بيه
قصي: ابعتيلي قهوة تقدري تروحي على مكتبك
استأذنت اسماء وخرجت ونفذت كلام قصي وذهب سمير وحازم لمكتب قصي لينهوا الاعمال التي تعطلت بغيابه ويتناقشون حول الاجتماعات
__________________________________
حلا ظلت تعمل طول النهار حتى انهت عملها وعادت للبيت على الساعة الثالثة عصرا
سحر: حمد الله على السلامة يا حلول ايه الاخبار
حلا: كله تمام روما في اوضتها
سحر: اه ولوئي في شغله تقدري تطلعلها
حلا صعدت لغرفة روما ودلفت بعد ان طرقت الباب
حلا: روما حبيبت قلبي
روما ابتسمت: حلول رجعتي ادخلي تعالي
حلا جلست بحانبها: ايه الاخبار عاملة ايه انتي ولوئي
روما: كويسين الحمد لله
حلا خلعت البليزر ورفعت اكمام بلوزتها: روحي هاتي كشكول وقلم ولو فيه كتب واللاب توب بسرعة
روما قامت وجلبت لحلا ما طلبته وجلسوا يدرسون معا وحلا تشرح لروما
في الاسفل سحر دلفت لغرفة الصالون
مها: مين جيه
سحر: حلا وطلعت لروما
سلمى بإستغراب: وليه مجتش تقعد معانا
مايا: ممكن تكون هتقعد مع روما علشان تدرسلها وكدة علشان امتحانات روما قربت
مها: هي بتدرس في امريكا صح
مايا: اه
سلمى: الله يكون في عون حلا
انجلي: بصراحة الضغط عليها كبير شغل ومهمات ومصايب وكمان شايلة هم اختها ودراستها
حلا وروما ظلوا ساعات يدرسون ولم يتغدوا روما رفضت حتى يأتي لوئي وحلا لم يكن لها نفس للاكل جلسوا يدرسون ست ساعات متواصلة
حلا: كدة خلصنا يعتبر تلت المنهج لو فضلنا على الحال ده في خلال اسبوع بالكتير هنلم المنهج ونراجع
روما بإرهاق وتعب: هو الموضوع متعب بس حلو معاكي شكرا يا احلى اخت بالدنيا مش عارفة من غيرك كنت هعمل ايه
وتعلقت بعنق حلا
حلا ابتسمت: بس يا هبلة مفيش شكر بين الاخوات اقعدي بقى طبقي اللي احنا درسناه لمدة ساعة يلا وانا هقعد جنبك اهو علشان لو في حاجة وقفت قدامك يلا
روما خضعت لكلام حلا
في الاسفل على الساعة الثامنة والنصف عاد قصي وسمير وفهد ولوئي للمنزل وجلسوا بالصالون مع الجميع قصي لاحظ ان حلا مش موجودة
قصي: هي حلا لسة مرجعتش من المركز
سلمى: لا رجعت من بدري راجعة من حوالي سبع او ست ساعات بس قاعدة مع روما فوق من ساعة ما رجعت
لوئي: ليه بتعمل ايه كل ده مع مراتي
مها ضحكت: مش هتاكلها متقلقش قاعدة معاها بتساعدها علشان امتحانتها قربت
هبطت حلا ومعها روما ولكن اعلن هاتف حلا عن اتصال
حلا: اسبقيني انتي يا روما وانا هرد واجي
سبقتها روما وحلا اجابت وتحدثت مع امان روما ركضت على لوئي وعانقته وهو ابتسم على تصرفها الطفولي وبادلها العناق ورفعها لتصبح بمستواه
روما بحب: وحشتني اوي
لوئي: وانتي كمان يا حياتي
مايا: طب وانا موحشتكيش
روما: وتوحشيني ليه ما انتي في وشي اربعة وعشرين ساعة وبعدين فيه فرق بين الاخت والزوج وبعدين عايزة تفهميني ان فهد موحشكيش
مايا: وحشني بس اللي بجد وحشاني اوي هي حلا
دلفت حلا وهي تعبث بهاتفها نظرت للوئي: حمد الله على السلامة يا لوئي ايه الاخبار كله تمام
لوئي ابتسم: الله يسلمك كله تمام لحد دلوقتي
حلا: ان شاء الله ميكونش فيه مشاكل خالص بقولك هو الباسبور بتاع روما هيحتاج يتجدد ولا لا
لوئي: اظن انه هيحتاج يتجدد على اخر الشهر ده
حلا: طب عايزاك تديهولي علشان اجدده علشان تلحق تسافر علشان الامتحانات
لوئي: هتسافري معاها
حلا: اه وبالمرة هشوف الشغل برا لانهم طالبني روما عايزاكي تجهزي نفسك اسبوعين وهنسافر
لوئي: طب هترجعوا امتى
حلا: على ما اعتقد الامتحانات ممكن تاخد شهر او شهر ونص
لوئي بحزن: شهر ونص
حلا ابتسمت: تقدر لما تخلص شغلك تاخد اجازة وتسافرلها
لوئي: طب وانتي
حلا بإستغراب: مالك ومالي
لوئي: مش هترضي تخليني معاها
حلا ضحكت بخفة: اه صح مبقعدش في البيت لوحدي وخصوصي لو فيه شباب بس انا مش قاسية لدرجة هحرمك من مراتك ابقى تعالى بس وانا هتصرف ممكن اقعد في اي بيت متشغلش بالك بيا وبعدين ده في حال شوفتوا وشي
روما بسعادة: هو انت ممكن تخلص شغل وتيجي
لوئي نظر لها بحب: اه يا روحي
حلا: بس المهم متعطلهاش عن المذاكرة علشان مروحش فيكوا انتوا الاتنين في داهية
لوئي: عيب عليك يا باشا وبعدين مش انتي اللي بتدرسيلها
روما: لحظة واحدة لو لوئي جيه وانتي روحتي بيت تاني افرضي وقف معايا حاجة
حلا: هجيلك على العصر او الظهر على حسب ما اخلص شغل واقعد معاكي ونشوف اللي واقف معاكي وبعدين ابقى اروح على بيتي متشغليش بالك بيا واشغلي بالك بمذاكرتك وجوزك وانا ههتم بنفسي
مايا: متأكدة من كلامك انك هتهتمي بنفسك لانها محصلتش لحد انهاردة من ساعة ما اتولدتي
حلا وهي تجلس بجانبها وتضربها على مؤخرة رأسها: وانتي مالك يا ام لسانين ونص خليكي في حالك
مايا بحزن: حلا على فكرة انتي وحشاني اوي
حلا نظرت لها واخذتها بحضنها: ما انا ملطوعة اهو معاكوا
مايا: اه بس بقالنا فترة مقعدناش مع بعض زي زمان
حلا: معلش يا روحي حقك عليا عارفة اني مقصرة معاكوا بس غصب عني افوق بس من الشغل واظبط كل حاجة وهعملكوا اللي انتوا عايزينه بس بعد امتحانات روما
مايا بسعادة: اي حاجة هتنفذيهالنا
حلا ابتسمت: لو طلبتي عيوني هديهالك من غير تردد اللي باربي عايزاه هنفذهولها
روما: وعد
حلا نظرت لها: وعد
ندى: روما ومايا بس ولا كله
حلا: كله
البنات صرخوا بسعادة ومرح
حلا بجدية وصرامة: بس ده بعد الامتحانااات اظن ندى برضه عندها امتحانات
ندى: اه بس هخلص قبل روما
حلا: تمام وكمان ليكوا عندي مفاجأة لو جيبتوا علامات حلوة في الامتحانات
روما: احلفي
حلا ابتسمت: والله
مايا: اه مفاجأت حلا حلوة اوي وبتبقى مميزة
ندى: الله بحبك موووت بُصي انا بعشقك
حلا: بس لو العلامات معجبتنيش هعكنن عليكوا عيشتكوا
روما بلعت ريقها بصعوبة: يا ساتر يارب ديه مها مبتعملش معايا كدة
حلا: الكلام ليكي ولندى لاني عارفة انها بقالها اسبوعين مفتاحتش كتاب
ندى نظرت لها بصدمة: انتي بتشمي على ايدك ولا بتقرأي الافكار ولا انتي ايه نظامك
حلا ضحكت: لا ده ولا ده
ندى: اومال عرفتي منين
حلا: العصفورة جت قالتلي ذاكري علشان تفلحي محدش هينفعك اخواتك خلصوا الدور والباقي عليكي على الاقل ذاكروا علشان اهاليكوا علشان امك تبقى فخورة بيكي ويا سلام لو طلعتي الاولى على الدفعة تخيلي فرحتها بيكي
ندى: هو انتي كنتي بتطلعي الاولى علشان اهلك
حلا: اه وكمان علشان نفسي
روما: طب بعد حادثة بابا عملتي ايه
حلا ضحكت: سقطت سنتين
مها بصدمة: ايه
حلا: اه والله مكونتش بروح ولا بدرس وكنت تعبانة ونفسيتي زفت وكل ما اخرج من البيت يا اتخطف يا عربية تخبطني يا تحصل معايا مصيبة ومرجعش البيت يا ابقى في العناية المركزة بين الحياة والموت
روما: طب عملتي ايه بعد كدة
حلا: مفيش عمي محمد زور خبر موتي واتكلم مع مدير المدرسة واتفق معاه اني همتحن في البيت لوحدي وانا كملت دراستي عادي وعملت زي ما بعمل وبعد ما خلصت الثانوية سافرت برا وكملت تعليمي بالاضافة لتدريبي لفنون القتال والحاجات الخاصة بكلية الشرطة اكملتها برا اما السباحة كنت انهيتها هنا اساسا بس كنت بدخل بطولات ومسابقات بس
ندى: كنتي منظمة وقتك
حلا: ايام المدرسة اه من ساعة ما دخلت الجامعة لا لاني كنت بدخل مسابقات وتدريبات في فنون قتال وحاجات كتير فكان معظم وقتي مبلوع بس كنت بذاكر وبطلع الاولى على الدفعة من ساعة بقى ما دخلت الشرطة وقدمت وانا كان كل حاجة فوق بعضها 
روما جلست بجانبها: ليه
حلا: لاني كنت خلصت كل الجامعات مفضليش غير الطب والشرطة قولت على ما اخلص الاربع سنين شرطة اكون شبه خلصت اول اربع سنين في الطب ويبقى فاضل التخصص ولما هشتغل هبقى في اول الشغل والطلب عليا مش اوي والشغل مش كتير فهظبط واللي حسابته في الاخر محصلش واتقلب عليا
ندى: ازاي
حلا: في اول سنة شرطة عرفت اني عارفة معظم اللي هدرسه ده ان مكنش كله فلما العميد فوزي عرف امر بخضعي لاختبار شفوي بالاضافة للاختبار النظري ده غير بقى الذكاء والقوى وفنون قتال وبلاوي فعرفوا ان المعلومات اللي عندي بقيمة اول ٣ سنين فخلوني ادرس في خلال ٣ شهور اللي مش عارفاه وخلصت ترم واحد ودخلوني على المركز ومفيش مشكلة إلا اما يخلوني انا اللي احلها وافكر فيها وكان ضغط شغل كبير لدرجة انه كانت الامتحانات بتيجي بيبقى فاضل عليا اسبوعين تلاتة وانا مش فاتحة كتاب ولا بحضر في الجامعة ده غير العملي وببقى مصابة والمفروض اني ارتاح علشان الاصابات كنت بضطر اطبق بالاسبوعين والتلاتة علشان الحق الم النظري والعملي لدرجة كذا سنة متتالية اقع من طولي اخر يوم امتحان بعد ما نخلص وكانوا بيخدوني على المستشفى سيادتك انا مكونتش بشم نفسي حتى الاكل مكونتش باكول اول ما بخلص من مهمة الاقي الامتحانات داخلة عليا واول ما اخلص الامتحانات يقوموا رزعني مهمتين تلاتة وممكن توصل لست مهمات ده غير لو ضابط كان ماسك مهمة واتصاب ساعتها هنزل مكانه واكمل مهمته ده غير لو حصل مصيبة وغير لو اتخطفت من عصابة وغير لو عملت حادثة وبالرغم من كل ده وكنت بطلع الاولى ازاي مش عارفة والله اول سنة اعلنوا فيها اسمي كانوا بيعملوا حفلة مكونتش بروح الجامعة فمحدش يعرفني غير عميد الكلية ويعرفني اسم انما كشكل لا فلما عملوا حفلة تكريم في اول سنة مكونتش عارفة فئجلوا الحفلة واتصلوا بيا وبلغوني المعاد التاني ولما روحت واتكرمت العميد قالي ان كل الطلبة رفضوا يكملوا الحفلة من غير ما يشوفوني انا استغربت قالي كانوا عايزين يعرفوا مين المتفوقة ديه اللي مشافوش وشها انا كنت مصدومة اساسا ومش مصدقة اني الاولى على الدفعة يعني كنت بقول انا لو نجحت وجيبت تقدير امتياز يبقى حلو
سلمى: بالرغم من كل الضغط اللي كان عليكي وكنتي الاولى
حلا: هي حظوظ بقى او يمكن اللي كان بيعلم الورقة كان ضارب حاجة ولا وهما بيراجعوا الدرجات ويسجلوها غلطوا وحطولي نتيجة حد متعرفيش
مها: انتي خلصتي الطب
حلا: اه خلصتوا قبل مهمة قصي لما رجعت عمي رزعني المهمة مع اني كنت نازلة اخد اجازة طويلة علشان احضر ماچيستير في الطب بس معرفتش
نسمة: انتي كنتي بتدرسي طب من وانتي عندك كام سنة
حلا: ١٧ او ١٨ ولسة مخلصاه اول السنادي
روفيدة: لحظة ازاي قدرتي تخلصيه في خلال ٣ سنين
حلا: لاني اخدت اول ٣ سنين مع بعض والسنة الرابعة والله ما فاكرة كانوا خمس سنين ولا اربعة ولا يمكن ستة مش فاكرة بس انا كنت بدرس كذا تخصص في ٧ شهور يعني ممكن اخودلي خمس تخصصات بالترمين وامتحن فيهم كنت بمشي عكس الطبيعي وكنت بمتحن في كل حاجة امتحانين علشان اخلص والحمد لله اخدت إفراج
مايا: وعايزة ترجعي للسجن تاني
حلا: احلى حاجة استمتعت في دراستها الهندسة والطب وبعدين انا حضرت ماچيستير ودكتوراه في كله جت على ديه يعني
مها: ناوية تحضري امتى
حلا: مش عارفة بس مش دلوقتي نهائي
ندى: الله يكون في عونك الواحد اما بيصدق يخلص من الدراسة والجامعة وانتي عايزة تحضري ماچيستير ودكتوراه وفي ايه في الطب ده انتي مش بعيد تفضلي عشرين سنة بتحضري فيهم
حلا: ان شاالله اموت وانا بحضرهم وانا ورايا ايه ولا حاجة وربنا يسامحني على الكدب ده
انجلي ضحكت: علشان الشغل صح
حلا: اه لو كانوا قبلوا بإستقالتي كنت هسافر واحضر الماچيستير والدكتوراه انما اعيد غلطتي تاني وادرس واشتغل الاتنين سوى لا ومليون لا انا تعبانة ومستحملة الشغل بالعافية لو دخلت دراسة كمان ده انا مش بعيد اموت نفسي بنفسي ومش هعيد غلطتي تاني اخدت على دماغي وشبعت ضرب الحمد لله دراسة وشغل مع بعض لا
ندى: هو للدرجادي كان صعب
حلا: نهائي كنت بموت بس كنت بتمنى الارض تنشق وتبلعني كان فضلي شوية واتحول زومبي او ياخدوني على مستشفى المجانين انتي عارفة يعني ايه يبقى جسمك كله بيوجعك وجرح ومفتوحة بقى والمفروض انك تنامي وترتاحي وتاكلي كويس بس سيادتك مكفية على الكتاب صبح وليل وقهوة ومبتاكليش ولا بتنامي انا يوم ما كنت انام هما ساعتين وبنامها في اسبوعين او كل اسبوع ساعتين انتي متخيلة قسما بالله لو واحدة منكوا كانت هتقول انا كدة كدة هسقط اذاكر ليه بس انا علشان املحق واعيد السنة تاني طب ماهي هي وبالعكس ممكن السنة اللي بعديها تبقى حالتي اصعب هفضل بقى كل سنة اعيدها مرتين طب وانا ايه اللي جابرني ما اسحب ملفي احسن بس اللي عنده عزيمة بيوصل ووصلت الحمد لله الدور والباقي عليكوا بقى
روما: حلول هتتغدي معايا انا ولوئي ولا لا
حلا: لا يا حبيبتي كلوا انتوا انا عندي شغل
حلا وقفت مها نظرت لها
مها: يا بنتي شمي نفسك وارتاحي شوية جيتي من الشغل وقعدتي مع اختك احنا مبنشوفش وشك غير وانتي خارجة من البيت ولو رجعتي
مايا: لازم تتعودوا على كدة بقى
حلا بمرح: وعايزة تشوفي وشي ليه من حلاوته اوي يعني
الكل ضحك
نسمة: هو احنا مقولنلكيش
حلا: لا مقولتليش
روفيدة: اصلك مزة اوي يعني كراميل كدة يتاكل اكل
حلا: ما بلاش كلمة مزة علشان متعقدة من ام الكلمة ديه
ندى: ولا تزعلي جاحدة
نسمة: لالالا صاروخ
حلا: متقلقيش هاخدك للفضاء واسيبك على اي كوكب وانزل
ندى ضحكت: ايه ده انتي بتقلشي حلو اهو اومال ضاربة بوظ الخشب ليه
حلا ابتسمت: انا مش فيقالك فيا اللي مكفيني بُصي افوقلوكوا بس وهظبطكوا واحدة واحدة همسح بكرامتها الارض
ندى: ليه طيب
حلا: اصلي واحدة ظالمة....عن اذنكوا
ودلفت للمكتب وجلست تنجز بعض الاعمال وروما حضرت الطعام لها ولزوجها وفهد ومايا اتغدوا معهم ولكن قصي انصرف وجلس بالحديقة ظل يفكر فهو يشعر بالضياع لا يعلم ما الذي يجب عليه فعله ولا كيف يتصرف تعب من كثرت التفكير اغمض عينيه وتنهد بقوة واسند رأسه بإسترخاء انجلي رأته فخرجت وجلست بجانبه وضعت يدها على قدمه بحب فقصي فتح عينيه ونظر لها
انجلي بهدوء: مالك...ليه حساك مهموم
تنهد قصي بحرارة: وانتي عايزاني ازاي مكونش مهموم واحد زيي كان بين ايديه نعمة كبيرة من عند ربنا بس بغبائه اتخلى ورفض النعمة ديه وجرحها وجدا كمان وجرح مستحيل يتنسي عايزاني ابقى عامل ازاي وحلا مش طيقاني ورافضة تسمعني وكرهاني ومعاها حق بس انا مش قادر اتحمل حاسس اني ضايع مش فاهم حاجة ولا عارف اعمل ايه بس كل اللي انا حاسس بيه اني بتخنق وبموت بالبطئ
رق قلب انجلي لحال اخوها وضعت يدها على يده وامسكتها ونظرت بعينيه
انجلي بهدوء: وانت مين اللي قالك انها بتكرهك
قصي نظر لها بإستغراب: عنيها وتصرفتها وردود افعالها يعني اومال هتكون ايه بتعشق اهلي مثلا
انجلي ابتسمت: وليه لا
قصي بضجر وانزعاج: انجلي متهزريش معايا لاني اساسا مش طايق نفسي
انجلي بجدية: بس انا مبهزرش بتكلم جد مين اللي قالك انها بتكرهك
قصي نظر لها: قصدك ايه هاتي من الاخر
انجلي: قصي طبيعي لما شخص يضايقنا بتصرف او بحاجة بغض النظر ايه الحاجة ديه بيبقى فيه جوانا غضب ووجع لسة مخرجش بنخاف اننا نطلع الغضب ده فيه او نجرحه الحب عمىه ما يتحول في يوم وليلة لكره لا مستحيل يحصل ده إلا اذا لو كان الشخص ده بيجرح ويئذي بإستمرار زي مثلا عمرو كدة انا مش قصدي حاجة بذكر اسمه بُص يا قصي حلا بتحبك وبتحبك فوق ما انت تتصور كمان هو ممكن تكون تصرفاتها ديه بسبب انها موجوعة تعبانة ومجروحة وحاسة بغضب ونار جواها الكلام الليانت قولته في حقها مش هاين برضه اديها فرصة تجمع نفسها وتهدى ممكن تكون بتتصرف معاك بالطريقة ديه لانها خايفة تجرحك بدون قصد او بقصد لانها مش هتستحمل واكبر دليل هو انها يوميها مجرحتكش مع انها كانت تقدر تجرحك بالكلام وعلى حسب ما فهمت من لوئي ان حلا مش ياهلة وبتمسح بكرامة اي حد يحاول يمس سمعتها الارض وبتهزأه بس هي معملتش معاك كدة وده اكبر دليل انها بتحبك عاوز دليل تاني هديك ليه لما هي شافتك هنا محاولتش ترميك بالكلام او تجرحك بالعكس كانت بتتجاهلك ليه طب ليه محكيتش لخالتها على اللي حصل بينكوا ها او لوالدتها او حد من اخواتها البنات او حد من الشباب ها حتى لما انا سألتها مدتنيش اجابة مقنعة ولا كاملة قالتلي روحي اسألي اخوكي مع انها كانت تقدر تقولي حصل واحد اتنين تلاتة اربهة وانك عملت واحد واتنين وتلاتة واربعة اوعى تفكر في يوم من الايام ان تصرف حلا معاك كدة كره لا هو غضب وعتاب ولوم و....حب اه حب لما تزعل منك تبقى عتبانة يعني لسة بتحبك لو انت متفرقش معاها مكانتش هتديك وش وهتتصرف عادي طب اقولك على حاجة انت لو لا قدر الله لو تعبت ووقعت من طولك دلوقتي او واحدة هتجري عليك وهتخاف عليك هي حلا اديها فرصة وبعدين حاول تكلمها بس خلي في بالك جرحها لسة مفتوح وبينزف ممكن لو حاولت تتكلم معاها دلوقتي مش هتقدر تسمعك ولا هتقتنع ولا هتقدر ومش بعيد تزود عليها الوجع او هي تجرحك من غير قصد ولما توعى وتعرف هي عملت ايه وانها جرحتك هتتعب اكتر بُص انا قولتلك وجهة نظري بس كل اللي اقدر اقولهولك اديها فرصة تجمع نفسها انتوا قسمتوها نصين انت وعمو يحي خليها حتى تفوق من صدمتها بس.....انا هسيبك بقى تفكر وهروح اشوف ماما
قامت انجلي ودلفت جلست مع الجميع جلس قصي يفكر بكلام فهد وحازم وانجلي بعد ساعات حلا انهت اعمالها وصعدت لغرفتها لترتاح اخذت شاور سريع وابدلت ملابسها واخذت ادويتها ونامت قصي كان يجلس بالحديقة حتى منتصف الليل صعد لغرفة حلا دلف وعندما رأها نائمة ظل ينظر لها قليلا بحب وهزن وندم ثم تنهد واخذ ملابس ودلف اخذ شاور وغير ملابسه وخرج اراح جسده بجانبها على الفراش وضع يده اسفل رأسه وظل ينظر للاعلى بشرود وتفكير جتى تعب وذهب في نوم عميق
__________________________________
استيقظ الجميع باكرا وذهب الجميع لأشغالهم وجميلة وآسيا ذهبوا للشركة مع ازواجهم وحلا ظلت بالبيت وكانت نائمة واستيقظت على التاسعة صباحا وقصي ذهب للشركة وحلا جلست ببلكون غرفتها ووضعت الهاند بأذنيها واخذت مفكرتها وظلت تكتب ما تشعر به فهي اعتادت على الكتابة وخصوصي عندما تشعر بالوجع او الحزن او الاكتئاب ظلت تكتب حتى دلفت مها عليها ورأتها تجلس بالبلكون فدلفت فعندما شعرت حلا بها ازالت الهاند من اذنيها ونظرت لها وقفلت المفكرة وتركتها
مها بإبتسامة وهي تجلس بجانبها: ليه قاعدة لوحدك
حلا بادلتها الابتسامة: عادي بس مخنوقة شوية فقولت اقعد شوية لوحدي
مها بهدوء وترقب: امم ايه الاخبار
حلا فهمت والدتها لما تلمح: زي ما احنا ليه بتسألي ما انتي عارفة
مها بهدوء: حلا مفيش انسان كامل ومفيش انسان مبيغلطش كل البشر بيغلطوا بس لازم نسامح ونمنح فرصة واتنين وتلاتة لولا ان الحياة فرص مكنش حد هيعيش ولا ايه.....سامحيه يا حلا انتوا بتحبوا بعض حرام يضيع من عمركوا مش كفاية العشر سنين اللي فضلتي بعيدة عنه فيهم
حلا وجهها احمر نتيجة لمقاومتها حتى لا تبكي ولا تنهار امام والدتها سلمى وانجلي دلفوا ليطمئنوا على حلا وسمعوا مها
حلا بهدوء: ماما غيري الموضوع لو سمحتي
مها وقفت بغيظ: ليه اغيره يا حلا لحد امتى هتتهربي من الكلام في الموضوع مدايقة منه ومتعصبة فشي غلك فيه موجوعة اوجعيه زي ما وجعك بس اتصافوا اعملي اللي هيداوي وجعك الكل عارف انك بتحبي قصي وجدا كمان متحاوليش تقنعيني ان حبك ده اتقلب في يوم وليلة لكره راحتك ويعادتك مش مع حد غير قصي ليه بتأوحي ليه مُصرة تبعدي واجهيه بالحقيقة عاتبيه ولوميه طلعي كل اللي جواكي فيه انتي بتصرفك ده انتي مش بتعاقبي قصي وبس لا انتي بتعاقبي نفسك واكتر من قصي وبتعذبي قلبك وروحك طب ليه يا بنتي ليه الوجع ده
حلا وقد فاض بها بدموع وانهيار: لان المشكلة مش في الجرح اللي قصي سببه لا المشكلة في العذاب اللي شوفتوا في حياتي وهو زي ما قدر يخليني انسى كل العذاب والوجع والقهر اللي مريت بيه قدر برضه يخليني افتكروا كله في لحظة الوجع مش هاين زي ما انتوا فاكرين انتوا مش فاهمين حاجة ولا حاسيين باللي جوايا ولا بشعوري ولا يمكن حد يحس بيا لان محدش منكوا يعرف انا مريت بإيه في حياتي ولا العذاب اللي كنت عايشاه انا وجعي عشر اضعاف الوجع اللي قصي مسببه ليا ده غير كلام ابويا في حقي اللي المفروض بدل ما يضربني ويصدق الكلام القذر ده في حقي ويطردني ويتبرى متي ويتخلى عني في اكتر وقت انا محتاجاه فيه المفروض انه يقف جنبي ويدافع عني ويكون سندي يجرحني ويهني
ابتسمت بسخرية من وسط دموعها: المفروض انهم يقووني ويدعموني مش يكسروني ويذلوني انتي عارفة يا ماما....لاول مرة في حياتي كلها بالرغم من اللي مريت بيه احس بالاهانة والذل والكسرة ومن مين من ابويا وجوزي حب حياتي كلكوا عارفين اني بعدت عنه بس متعرفوش السبب ولا تعرفوا اللي مريت بيه في بعده عني ولا حالتي كانت ازاي مريت في حياتي بمواقف كتير تسبب الموت مش بس الذل بس مع ذلك مضعفتش ولا اتكسرت من افعال اعدائي بس مكونتش اعرف اني هتكسر من اهلي يعني اللي اعدائي مقدروش يعملوه في عشر سنين هما قدروا يعملوه في يوم وليلة انا معتبتش حد فيكوا لما غيبتوا عني عشر سنين وكنت عايشة في وهم وبالنسبالي رعب وجحيم انكوا ميتين وقدرت ظروفكوا بس برضه محدش منكوا ليه الحق يجي يحاسبني انا كنت عايشة ازاي في العشر سنين دول لان مش انا اللي قولتلكوا تبعدوا وتسيبوني بالرغم بقى ايه كانت ظروفكوا مش ذنبي ان ابويا مبيثقش في تربيته ليا.......عارفة يا ماما انا يوميها اتمنيت انه ياريت ما كنت قابلت قصي تاني ولا اتجوزت ولا كنتوا ظهرتوا في حياتي حتى
بكت بحرقة حلا بدموع: لاول مرة في حياتي اتمنى بعدكوا عني عن قربكوا....لاول مرة في حياتي اتمنى اعيش من غير اهل ومن غير حد في حياتي.....انتي مش حاسة باللي انا حاسة بيه ولا هتحسي بالنار ولا بالسكاكين اللي بتغرز في قلبي غرز انا كل يوم بتمنى انام ما يصبحش عليا صبح لاني تعبت من حياتي وقلبي تاعبني من الوجع والعذاب اه بحبه مش هنكر وللاسف اني لسة بحبه وللاسف اني مش قادرة على بعده بس برضه مش قادرة استحمل قربه كل ما هيحاول يقرب مني كل ما هفتكر كلامه وتصرفه القاسي في حقي مش سهلة يا ماما الموضوع مش سهل متفتكريش اني فرحانة بحالي ده ده انا بتمنى ياريت كنت موت في الحادث اللي حصل معايا يوميها يمكن كنت هرتاح من الوجع والعذاب اللي انا عايشة فيه دلوقتي زي ما قربه وحضنه كانوا ها كانوا بيحسسوني براحة دلوقتي هيحسسوني بالوجع وهيفكروني بكلامه القاسي في حقي......ديه تاني مرة قصي يجرحني في اخلاقي ونفس الموقف هو هو............حطي نفسك مكاني لو فضلتي طول حياتك بتحاولي تحافظي على نفسك بشتى الطرق الممكنة والغير ممكنة علشان في الاخر تكوني للشخص اللي بتحبيه وبيستاهلك وعانيتي في انك تحافظي على نفسك لوحدك من غير راجل في حياتك وفي يوم وليلة يجي الشخص اللي بتحبيه يشكك في اخلاقك وسمعتك وفي حبك ليه حطي نفسك مكاني وقوليلي هتعملي ايه هتقدري تسامحيه في يوم وليلة......انا اسفة يا ماما بس انا مش قادرة اسامحهم حتى مش قادرة اقعد مع قصي في مكان واحد انا لحد انهاردة مش عارفة اكرهه بس مش عارفة اسامحه مش قادرة قلبي بيوجعني مش بإيدي انا اسفة مش هقدر
اخذت هاتفها وخرجت من الغرفة ومن البيت بأكمله مها انهارت على اقرب كرسي واخذت دموعها مثل الشلال على وجنتيها بصمت وصدمة حتى سلمى وانجلي لم يستطعوا كبح انفسهم من منظر حلا وكلامها ونبرتها المليئة بالوجع والحزن دلفت سلمى ووضعت يدها على كتف مها..مها رفعت نظرها لسلمى قليلا ثم انفجرت بالبكاء وسلمى تربط على ظهرها وتبكي بصمت لا تعلم كيف تواسيها فهي ايضا تشعر بالوجع والحزن لاجل حلا وقصي
__________________________________
مر النهار سريعا ليحل المساء وعاد قصي للمنزل ومعه فهد وسمير عندما دلف صعد لغرفة حلا فورا وقام بنقل اغراضه للغرفة المجاورة لحلا وهبط جلس مع الجميع ولكن لم يتحدث مع احد كان يجلس وهو شارد سلمى لاحظته ونظرت له بحزن وآلم لأجله ولكن لابد من ان يتعلم من الدرس ولابد ان العقاب سيكون صعب عليه ومؤلم اكثر مما هو صعب لوئي دلف للمنزل وصعد لغرفته اخذ الباسبور الخاص بروما وذهب ليقابل حلا ليعطيها اياه......حلا عادت هي ولوئي للمنزل الساعة التاسعة مساءا وهم يدلفون للصالون كان لوئي يتحدث مع حلا والكل انتبه لهم وسمعوهم
لوئي: قسما بالله انتي في اوقات بتصعبي عليا من اللي بيحصل فيكي في المركز هو مش انتي المفروض في اجازة يا بنتي ازاااي بتنزلي تشتغلي ارحمي نفسك
حلا ضحكت: بذمتك من اليوم اللي عرفتني فيه شوفتني في مرة اخدت اجازة كاملة ولو حتى لو كانت يوم واحد
لوئي: بصراحة لا بتبقي بتموتي او ناجتي من الموت ونازلة الشغل لا مؤاخذة انتي بتعمليها ازاي يعني الجروح مبتئلمكيش مبتتعبيش طيب
حلا بلا مبالاة: عادي متعودة على الوجع والتعب فعادي وبعدين انا مبحبش قاعدة السرير ومعاملة المرضى والعيانين لاني ساعتها مش بعيد اموت بسكتة قلبية من الخنقة وبعدين ماله الشغل حلو حد يقدر يعترض
لوئي: معاكي حق احنا اللي جيبناه لنفسنا مش داخلنا شرطة نستحمل بقى
حلا: اتكلم عن نفسك انا بحب شغلي علشان كدة دخلته وبمجهودي مش بوسطة الحمد لله انت بقى مُجبر فديه مشكلتك
لوئي نظر لها بترقب: بتحبيه علشان بتفشي غلك ها
حلا ضحكت: دايما فاهمني صح بس مش بالظبط
لوئي ابتسم: عارف هدفك تحققي العدل والامان في البلد
حلا: بالظبط انا احقق للناس الامان وانا مين يحققلي الامان ده
لوئي: ربنا بقى هو اللي هيحققهولنا
حلا: على رأيك
لوئي: انا كل ما بمسك مهمة بقول يا ترى ايه هيحصل لو مرجعتش من مهمة البيت تاني
حلا: عادي هتتكل على الله وهندفنك ونعملك عزا وهندعيلك مش حوار هو
لوئي نظر له بإستغراب: ايه ده عادي كدة مفرقش معاكي نهائي اومال كنتي بتدافعي عني وتنقذيني من المافيا والعصابات ليه
حلا ضحكت: مش كدة بس بتكلم بالنسبة ليك وبعدين بالنسبة ليا انت مش هتفرق معايا على قد ما هتفرق مع مراتك بس بتكلم من المجمل يعني
لوئي: طب انتي ايه موقفك من الموضوع شعورك ايه
حلا: بِص انا هكون صريحة معاك انا بروح المهمة وبدعي يارب ما ارجع منها واموت لسبب بسيط اني هرتاح
لوئي نظر لها بصدمة
حلا: ايه بتبصلي كدة ليه
لوئي: مستغربك مكونتش ااعرف انك بتمسكي مهمات مستحيلة للسبب ده
حلا: هو ده احد الاسباب بس انا بحب شغلي وبحب الحاجة الصعبة بس لو كنت هخسر حياتي اثناء تنفيذها معنديش مانع عادي وبعدين بذمتك واحدة زيي كل يوم بتشوف اشكال ما يعلم بيها إلا ربنا هيكون ليها نفس للحياة
لوئي ضحك: لا من الناحية ديه معاكي حق
حلا: بُص كل حاجة مقدرة ومحدش هيعيش اكار من اللي مقدرله ومكتوبله يعني ربنا بيخلق الاسباب بس في الاول والاخير قدر لو انا مكتوبلي مرجعش من المهمة مش هرجع ما انا ممكن ارجع من المهمة بس تصحوا الصبح تلاقوني قاطعة النفس وموت موتة ربنا اهي مش بالمهمات انت بس سلم امرك لله واوثق فيه هو الوحيد اللي مش هيخذلك فعادي
لوئي ابتسم: معاكي حق فعلا
مها التفت لسحر: روما فين يا خالتو
سحر: تلاقيها قاعدة بتذاكر
حلا بإستغراب: وفين العرسة هانم
سحر ضحكت: قاعدة بتذاكر برضه
حلا بعدم ارتياح: فيه إنة في الموضوع روما ونظى بيذاكروا ومن نفسهم ازاي اقنعوني
مها: البركة فيكي بقى مش وعدتيهم بمفاجأة
مايا: ولازم تنفذي وعدك ليهم
حلا: عمري وعدتكوا بحاجة ومنفذتهاش
رقية: مش هيقبلوا بأي حاجة لازم تكون مفاجأة بمعنى الكلمة ومميزة كمان
حلا: اكيد ديه روما وندى دول اتنين مبيقبلوش اي حاحة ومبيعجبهمش اي حاجة لازم تكون حاجة ليها قيمتها كدة ووضعها
جميلة بفضول: هتعميليلهم ايه يا حلا
حلا: مش عارفة لسة بس اهو ادينا بنحاول نبتكر مفاجأة مميزة للهوانم
مايا: انا الفضول هيموتني واعرف هتعميليلهم ايه
حلا: بُصي هما مفاجئتني مش واحدة يعني اول حاجة اللي هما نفسهم فيه ايان كان هنفذه ده غير مفاجئتي انا بس ربنا يستر انا اللي متفاجئش
الكل ضحك
آسيا: طبعا ده حاجة وهدية النجاح غير
حلا: فيه حد قالوكوا انا لاقية نفسي علشان انزل انقي هدايا
مايا: لو مجيبتيش للبنات هقول لروما انك كونتي علشان تشجعيني وتفرحينا تجيبلنا هدايا لما ننجح وتخرجينا بقى وبتعمليلنا جو انما ايه
حلا: انا عارفة اني فتحت على نفسي فاتحة سودا 
جميلة: والله وحشتني ايام مفاجأتك
حلا رفعت احد حاجبيها: ده على اساسا اللي حصل في عيد الحب كان اسمه ايه رعب ولا هدية جوازك انتوا هتعملوا زي الكلاب تاكلوا وتنكروا
آسيا بحرج: احم مش بالظبط بس حاسة انك بقالك كتير مفاجئتناش
حلا: انتي مش اتجوزتي يا روح امك جوزك يفاجئك انا مالي وظيفتي خلصت
جميلة بزعل وطفولة: لا مليش دعوة مفاجأة الزوج والحبيب غير مفاجأة الاخت واحنا كمان عايزين مفاجأة زي ندى وروما
حلا: حاضر هقول لادم واريان يخدوكوا شهر عسل لمدة سنة مشوفش وشكوا او لحد ما روما وندى يخلصوا امتحانات
مايا: انتي هتفاجئي روما مع انها متجوزة ما لوئي يفاجئها يا اما تفاجئينا مع روما
حلا بصدمة وغيظ: طب يا ماما منم ليها ديه اختي وكانت غايبة عني عشر سنين اظن ان انتوا في حياتي من قبلها يعني جميلة وآسيا اظن تقريبا في حياتي من خمس او اربع سنين ورقية من 3 سنين وانتي يا روح خالتك معايا من صغرك عشرين سنة ولا واحد وعشرين كمان مكفوكيش
مايا وقفت ووضعت يدها بوسطها وبإنزعاج: اه قولي بقى ان روما هي اختك وانا لا
حلا مسحت على وجهها بقوة: مايا انتي عارفة اني مقصدش كدة بس اولا روما اتحرمت مني عشر سنين وانا عاوزة اعوضها عن كل الايام اللي بعدتها عني انتي كنتي معايا ثانيا انا عملت كدة علشان اشجعها على المذاكرة ثالثا اظن ان انتوا خدتوا حقكوا مني وبزيادة في ايه بقى كل واحدة مسئولة من راجل
جميلة: طب ما روما مسئولة من راجل برضه ولا ايه يا لوئي
لوئي: انا كدة كدة هفاجئ روما بس مش قايلها بس مليش دعوة بمفاجأة حلا هما اخوات واحرار مع بعض بس احتمال احتاج مساعدتك يا حلا
اومأت له حلا بالموافقة
آسيا: اشمعنا روما بقى
حلا: بسسسسس خلاص يلعن اللي يناقش دماغكوا الجزمة في حاجة اللي انتوا عايزينه هيحصل
البنات هيصوا
حلا: بشررررط
البنات صمتوا
حلا: ممنوع اي طلبات مني في الايام اللي جاية لحد ما الامتحانات تخلص
رقية: يعني ايه
حلا: يعني مفيش واحدة تيجي تطلب مفاجأة او هدية هرميها بأقرب ڤازة وهروح فيها في داهية
مايا: لحظة بس احنا ايه ضمنا انك هتنفذي اللي احنا عايزينه والشغل
حلا: ان شاء الله على ما روما تخلص امتحانات هكون خلصت مهماتي وغير كدة في مهمة سرية انا مسكاها من ساعة ما رجعت من شهر العسل بس اهملتها الفترة اللي فاتت بسبب الحادث اللي عجزني بس هتابعها من تاني وهشوف وصلت لحد فين...انا هطلع اشوف روما وندى عن اذنكوا
حلا صعدت لروما وجلست تنهي معها بعض الامور التي لم تفهمها ثم ذهبت لندى وجلست تساعدها ايضا ثم اتجهت للمكتب لتنهي اعمالها ثم على الساعة التاسعة صعدت لغرفتها لتبدل ملابسها ودلفت لغرفة الملابس لتأخذ ملابسها فتحت المكان المخصص لملابس قصي بدون وعي وعندما جائت تغلقه لفت انتباهها ان الدولاب فارغ عقدت حاجبيها بإستغراب ثم سرعان ما فهمت انه انتقل على غرفة اخرى اغلقت درفته واخذت ملابس لها ودلفت للحمام اخذت شاور وجلست على السرير تعبث باللاب توب الخاص بها قليلا ثم اغلقته ونامت
__________________________________
في يوم جديد حلا استيقظت باكرا قبل الجميع ولكن كعادتها قامت مفزوعة بسبب الكابوس المعتاد قامت اخذت شاور وتوضأت واصلت وجلست تقرأ قليلا بالمصحف ثم قامت ابدلت ملابسها بملابس رياضية وهبطت للچيم قامت ببعض التمارين ولعبت على بعض الآلات الرياضية ثم عادت للمنزل طلبت من ساجدة قهوة وسندوتش صغير ثم صعدت لغرفتها اخذت شاور سريع وابدلت ملابسها وارتدت بدلة نسائية لونها رصاصي غامق يميل على الاسود قليلا واسفلها بلوزة باللون الابيض وحذاء بكعب عالي باللون الرصاصي ورفعت شعرها ذيل حصان وارتدت ساعتها ووضعت من برفيومها الهادئ واخذت سلاحها وهاتفها ومفاتيح سيارتها ونظارتها الشمسية وهبطت للاسفل واخذت السندوتش والقهوة وخرجت انطلقت للمركز وجلست تعمل
__________________________________
على الظهر طرق جرس الباب ففتحت ساجدة وعندما رأت الطارق ابتسمت بسعادة ورحب والشاب ابتسم وساجدة دلته على مكان جلوس الجميع فدلف
: سحووووووررررر
سحر التفت له ثم ابتسمت بسعادة فركض عليها وعانقها بحب وشوق ولهفة ورفعها ودار بها
: وحشتيني موت موت موت
سحر: يا بكاش ده انت مكونتش بتسأل عليا حتى
: غصب عني والله الشغل بقى اخد كل وقتي بس ليكي عندي مفاجأة.... ناويت انقل كل حاجة هنا وهستقر معاكوا
سحر بسعادة: بجد يا آسر
آسر طبع قبلة على رأسها: جد الجد يا سحور
ثم التف ورأى مها   
آسر: ايه ده ماما مها هنا ومحدش يقولي عاملة ايه يا ست الكل
امسك يدها وقبلها وقبل رأسها وعانقها
مها: حمد الله على السلامة كل ديه غيبة
آسر: ما انا جيت اهو اومال فين البنات
سحر: ندى في كليتها وروفيدة ونسمة بيتسوقوا
آسر: طب حلول فين
مها: في شغلها
آسر: طب هيطلع ارتاح شوية واما اصحى ابقى اقعد معاهم بس اوعوا تقولولهم خليها مفاجأة
سحر: ماشي يا حبيبي اعملك حاجة تاكلها قبل ما تنام
آسر قبل رأسها: تسلميلي يا ست الكل عن اذنكوا
صعد آسر لغرفته اخذ شاور وابدل ملابسه وغطى في نوم عميق
[ آسر بن سحر يبلغ من العمر 25 عاما رجل اعمال ذكي ووسيم جدا طويل القامة بشرته بيضاء عينيه رمادي فاتح وليست بالضيقة وليست بالواسعة شعره بني فاتح جسمه رياضي جدا يكون اخو حلا بالرضاعة وهو الابن الاصغر لسحر فاخوه الاكبر هو سامر واخته الاكبر هي روفيدة والفرق بينه وبين نسمة عام واحد وندى الاصغر يحب حلا كثيرا فهو لا يخبئ عنها شيئا وهم مقربين جدا من بعض فعندما تراهم تقول انهم يعيشون قصة حب وليس اخ واخت وحلا ايضا تحبه كثيرا مثل اخوانها ولكنها مقربة اكثر لآسر شخصية مرحة وجنون ويحب المزاح ونادر اذا تحدث جد]
__________________________________
في شركة الدالي في مكتب ادم استدعى جميلة لتجلب له احد الملفات فدلفت جميلة وبيدها الملف الذي طلبه
جميلة بجدية ورسمية: اتفضل تؤمُرني بأي حاجة تانية
ادم مد يده ولكن ليس لاخذ الملف وانما ليمسك بيدها ويجذبها له لتسقط جالسة بحضنه حاوط خصرها سريعا واخذ الملف وتركه على المكتب جميلة تفاجأت من رد فعله
ادم بحب: هو ان جينا من ناحية الحق عايز اعمل حاجات كتير وللاسف مش لطيفة خالص
واقترب ودفن وجهه بعنقها وعانقها
جميلة بتوتر: ا....ادم مينفعش كدة حد يدخل علينا ابعد
ادم ابتعد قليلا لينظر بعينيها واردف بحب ونبرة هادئة: والله اللي اعرفه انك مدامتي يعني حلالي ومحدش ليه عندي حاجة واللي ليه حاجة يجي ياخدها
جميلة: بس مينفعش لان...........
قاطعها بقبلته الشغوفة والمليئة بالحب فإستكانت بين يديه ثواني وابتعد
ادم بضجر: شايفك الايام ديه رغاية وبتحبي تتكلمي كتير ولازم اسكتك كل شوية
جميلة ضحكت: وحضرت البشمهندس ادم يحي الدالي بيحب الفعل عن الكلام صح
ادم وهو ينظر لها بحب وشوق ومبتسم: اوي وخصوصي اللي من النوع ده وبعدين العملي من يوم يومه بيجي بفايدة عكس الكلام
جميلة: اممم قولتلي طب عن اذن سعادتك علشان ورانا شغل
جائت لتقف ولكنه جذبها مرة اخرى لتسقط بحضنه
ادم بحب: خليكي انتي وحشاني اوي
جميلة: ادم احنا مش في البيت في الشغل لما نرجع ابقى اعمل كل اللي انت عايزه مش هعترض ولا هفتح بوقي بس دلوقتي خلينا نشتغل
ادم: بشرط اخد ضريبتي
جميلة ابتسمت واقتربت منه وطبعت على شفتيه قبلة رقيقة وجائت لتبتعد وضع يده اسفل رأسها ليثبتها حتى لا تبتعد دقائق وابتعد وجميلة قامت بسرعة وخرجت وتركته وادم ابتسم
__________________________________
آسيا واريان كانوا يجلسون بالمكتب منكبين على الاوراق والملفات يعملون لساعات وعندما انتهوا تنهدت آسيا بقوة
آسيا بتعب: ياااه اخيرا خلصنا
اريان نظر لها وابتسم: ليه تعبتي
آسيا: مش اوي بس جوعت
اريان: امم طب ممكن اعرف الملكة تحب تاكل ايه
آسيا ابتسمت بحب: الملكة هتسيب الامر للملك هو يختار ويطلب الاكل على
ذوقه
اريان ابتسم: بس كدة اوامر الملكة بس ممكن طلب من حضرت الملكة
آسيا: اكيييد
اريان: اطلبلنا فنجانين قهوة على ما اطلب الاكل
آسيا: من عنيا
اريان طلب بيتزا وآسيا نفذت طلبه وذهبت لتجلب القهوة بعد دقائق وصل طلب اريان وجلسوا يأكلون سويا
اريان: انا بقول نعمل شهر عسل تاني ولا انتي ايه رأيك
آسيا شعرت بوجهها يحترق من شدة الخجل: ها احم...هو.....البيتزا طعمها حلو جدا
واخذت تأكل دون ان تنظر لاريان اريان ابتسم لانه وصل لهدفه ثم اكمل بخبث
اريان: اه البيتزا طعمها حلو بس شهر العسل كان اطعم منها والذ واحلى
آسيا خجلت كثيرا ولم تعرف كيف تغير الموضوع ولكن سرعان ما خطرت ببالها فكرة
آسيا: اه صح هو احنا هنعمل ايه مع حلا وقصي
اريان وقد فهم انها تتهرب: مش عارف بس يستحسن نسيبهم يتصافوا مع نفسهم وكدة كدة قصي مش هيعرف يتكلم مع حلا لانها حاليا غاضبة ومجروحة كمان مش هتقبل تسمعهم احنا لما زعلناها معرفناش نكلمها غير لما هديت خالص وكان ده بعد شهر تقريبا حلا جرحها وزعلها سهل بس رضاها صعب جدا لانها مبتنساش بسهولة
آسيا: بس يا اريان مش هنسيبهم كدة حلا هتعاند ومش هترجع لقصي وحتى لو سامحته مش هتقبل ترجعله انا عارفة حلا كويس اه ممكن تسامح بس مش هتعدي الموضوع كإن مفيش حاجة حصلت وهي بتحب قصي هو بالنسبة ليها كل حاجة بس حلا جبروت تقدر تحط قلبها تحت رجليها وتيجي على نفسها وتتخطى انها بتحبه بسبب عملته ديه وممكن مترجعلوش احنا مش عايزينها ترمي نفسها في نفس العذاب اللي كانت فيه من عشر سنين يا اريان لازم نحاول احنا معاها او نهديها ونحسنلها مودها بحيث لما قصي يحاول يتكلم معاها تسمعه
اريان: بُصي هو كلامك حلو بس مش حلا لان حلا ذكية جدا والمشكلة اننا مش هنعرف نخبي عنها وهتفهم احنا عايزين نوصل لايه فمش بعيد نكبر المشكلة اكتر بدل ما نلمها نزيد الطين بلة زي ما بيقولوا فانا من رأيينتصرف عادي ونتعامل عادي ونسيبها تهدى لوحدها وبعدين نبقى ندخل ونحاول نقنعها انها تسامح قصي وتسمعه وترجعله
آسيا: لو انت شايف كدة خلاص ماشي وانا معاك بس المهم انهم يرجعوا لبعض لان محدش هيداوي جرح حلا غير قصي
اريان بخبث مرة اخرى: بس برضه مقولتليش ايه رأيك
آسيا بإستغراب وعدم فهم: على ايه
اريان غمز لها بعينيه: على شهر العسل
آسيا بتهرب: احم طب يلا علشان نخلص شغل ونروح
اريان: لو هعرف استفرد بمراتي نروح من دلوقتي
آسيا بخجل: اريااااان
اريان ضحك: شكلك فهماني صح ق..قصدي غلط
آسيا بتحذير: والله لو ما بطلت لاسيبك واروح اشتغل مع ادم واخلي جميلة هي اللي تشتغل معاك
اريان: لاوعلى ايه الطيب احسن هتكتم خالص اهو
ووضع يده على فمه ومن ثم اكملوا طعامهم وعندما انتهوا جلسوا يكملون عملهم
__________________________________
استيقظ آسر على السادسة مساءا وكانت ندى بغرفتها ومعها اخواتها روفيدة ونسمة وكذلك باقي البنات ارتدى ملابسه وخرج من البيت وذهب وجلب ورود للبنات وشوكولاتة ثم عاد وسأل ساجدة عليهم قالت له انهم يجلسون بالصالون فدلف كان قصيوباقي الشباب عادوا والكل متجمع ماعدا حلا ندى عندما رأت آسر صرخت وقفزت عليه وعانقته آسر ابتسم وبادلها العناق
آسر: وحشاني يا بنت المجانين
ندى: انا لو قولتلك انت وحشتني قد ايه يعني مش عارفة ولا قادرة احدد بس وحشتني اوي اوي
قبل رأسها واعطاها البوكيه والشوكولاتة وكذلك مع روفيدة ونسمة والبنات فرحوا كثيرا بعودة اخيهم إليهم خرجت مايا وروما من المطبخ واتجهوا للصالون صدموا بآسر ولكن كان يعطيهم ظهره
مايا بإستغراب: مقولتوش اننا هيجيلنا ضيف يعني
التف آسر وهو يتحدث: معلش اصلي ضيف غلس
صُدمت مايا وروما واردفوا معا: آسر
ابتسم آسر: كويس انكوا لسة فاكريني قولت انكوا نسيتوني
ركضت مايا وعانقته فهد استغرب وانزعج كثيرا فكيف تعانقه هكذا وامامه ايضا
مايا: وحشتني اويييي
آسر: لسة مجنونة زي ما انتي ولا عقلتي
مايا ابتعدت عنه: مين ديه اللي تعقل تعرف عني كدة برضه
آسر: ايوة يا مسيطر
عانقته روما: حمد الله على السلامة
آسر: الله يسلمك يا روبي
روما ابتسمت: عرفت منين اني روما واني مش حلا
روفيدة: عيب عليكي لما تسأليه عرف حبيبته ازاي يا بنتي ما كلنا عارفين علاقته بحلا ايه
نسمة: الحبيب والحبيبة
آسر ضحك: خليكوا كدة مفروسين منها معرفش هي عملتلكوا ايه اه صح اومال فينها لسة مجاتش
مها: لا لسة ايه رأيك تكلمها وتعرف هتيجي امتى
آسر: لا لازم تبقى مفاجأة ومينفعش على التليفون
روما: هي جاية انا لسة قافلة معاها يعني دقيقتين كدة وتلاقوه....
قاطعها صوت احتكاك اطارات سيارة حلا بالارض
مايا: جيبنا في سيرة القط جيه ينط اهي جت اهي فاجئها بقى براحتك بس فين البوكيه والشوكولاتة يا بشمهندس
آسر ضحك: بس كدة احلى شوكولاتة واحلى ورد لاحلى وردتين في حياتي
واعطاهم الورد والشوكولاتة
روما: تصدق حلا كان معاها حق لما قالت انك احلى اسورة في الدنيا
مال قصي على اذن فهد وهمس: مين الظريف اللي عمال يحضن في مراتك وماشي يوزع ورد وشوكولاتة على البنات
نظر له فهد بغيظ وغضب فقصي ابتسم
قصي: والله وشوفتك هتموت من الغيظ والغيرة على مراتك علشان تعرف بس احساسي لما بشوفك مع مراتي
دلفت حلا: السلام عليك.........
صمتت عندما رأت آسر
مها: وعليكم السلام
حلا بصدمة: لا مش ممكن
آسر ضحك: ليه لا
حلا: لا انا حاسة اني بحلم ولا يمكن تأثير الشغل مأثر وانا بيتهيألي
آسر: لسة زي ما انتي يا حلول ما زال الاستيعاب عندك صعب
حلا ابتسمت: ماه.اصل لو هيبقى استيعاب ان واحد ندل وواطي ومبيسألش يكون رجع بعد غياب اكتر من تسع سنين لا حس ولا خبر وارجع فجأة الاقيه رجع اهو ده اللي مستحيل يتصدق
آسر: احم هعتبر انه مدح واشكرك جدا على كل الكلام الحلو اللي طالع من بوقك زي العسل بس بعني هو مفيش حضن ولا....شكلي موحشتكيش
حلا: لحظة بس انا اللي المفروض اقول الجملة ديه مين اللي مبيسألش مين اللي من ساعة ما سافر مرفعش سماعة التليفون يعرف حتى اذا كنت عايشة ميتة ولعت بجاز مين الواطي مين الندل ها يبقى مين اللي من حقه يعاتب التاني وبعدين اشك اصلا انك كنت بتفكر فيا ولا جيت على بالك واشك اني وحشتك اساسا وكفاية عليك كدة لاني مش طيقاك وانا اساسا زعلانة منك جامد ومش طايقة اشوف وشك
آسر: لاااااا كله الا زعل قمري ان شاالله يجلي اسهال في مناخيري انا ازعلك ازاي وبعدين من الغبي الحمار بن الحمارة بن الغبية اللي يزعل الجمال ده
حلا: كول بعقلي حلاوة كول بس لمعلوماتك بقى انا مبتثبتش واوعى كدة من وشي
تخطته حلا وبمجرد ان تخطته واعطته ظهرها التف آسر وجذبها من خصرها وعانقها وتصرفه هذا جعل الدماء تغلي بعروق قصي
آسر: ميهونش عليا زعلك حقك عليا يا قلبي بس انتي عارفة الشغل وكدة انا عارف اني مقصر معاكوا كلكوا وانتي اولهم بس غصب عني يا حلا يعني ضغوط الشغل وحياة بىا على ما الواحد ياخد على عادات وتقاليد بلد تانية ويدرس ويتعلم وبعدين يكون نفسه بنفسه حقك عليا يا ستي انا اسف خلاص بقى سماح
حلا نظرت له بطرف عينيه: بشرط
آسر: موافق بكل شروطك
التفت له حلا: هتقضي معايا اجازتك كلها وهتفسحني وتعوضني عن كل السنين اللي غيبتها عني هااا
آسر ابتسم ابتسامته الساحرة: بس كدة سيادة الاميرة تؤمُر
حلا: مش هقبل بأي عذر
آسر: انا تحت امرك من انهاردة وبعدين فيه مفاجأة تانية احلى وهتعجبك جدا
حلا: ايه هي
آسر: قررت انقل هنا واستقر
حلا بصدمة وعدم تصديق: احلف
آسر: والله
حلا: وحياة امك يا اخي بتتكلم جد
آسر ضحك بخفة: طب وحياتك انتي وغلاوتك وحلاوتك اللي زايدة ديه انا بتكلم جد وجد الجد كمان
قفزت حلا بسعادة وعانقته بقوة: بحبك بحبك بحبك بحبك بُص من الاخر كدة انت بقيت عشقي
ضحك آسر وعانقها ورفعا لتصبح بمستواه
آسر: لسة زي ما انتي اوزعة حتى وانتي لابسة كعب
ابتعد حلا قليلا لتقابل وجهه ولكن كانت قريبة منها وتحاوط عنقه بغيظ ورفعت احد حاجبيها 
حلا: اذا كان عاجب
آسر: عاجب طبعا يباشا وميعجبش ازاي يعني وده اسمه كلام برضه وبعدين انتي مزة في كل حالاتك.
قالها وهو ينزلها
حلا بغرور: انا عارفة اني في كل حالاتي حلوة اصلا
حاوط آسر عنقها وجذبها له: بس مقولتليش جايبة الجمال ده كله منين ولا ضاربة كيلو ميكاب زي البنات. وغمز لها
نكزته حلا بذراعه ببطنه بغيظ فتأوه
روفيدة ضحكت: انت ايه قولك يا آسر ده ميكاب ولا طبيعي
آسر بثقة وسخرية: اكيد ميكاب طبعا
روما وهيتحاول كبح نفسها من الضحك بعد ان رأت نظرت حلا له المليئة بالغيظ الممزوج بهدوء وبرود اعصاب
روما: متأكد لانك هتتنفخ
آسر: يا بنتي كل البنات بتحط مجاتش على حلا يعني وبعدين يعني هو اه حلا جميلة من وهي صغيرة بس عادي يعني اذا حطيت مكياج فيها ايه ما كله بيحط
البنات ضحكوا بشدة: لقد وقعت في الفخ
آسر لم يفهم عليهم
مايا حاولت ان تتمالك نفسها: للاسف اجابتك خاطئة واخفقت في التعرف على حبيبة القلب
حلا: تصدق انا كان معايا حق لما قولت انك ندل وواطي وانا غلطانة اني بديك وش اساسا ده انا قولت انت اكتر حد عارفني من اهلي كلهم في الاخر تخذلني اخص عليك اخص
آسر بعدم فهم: انا مش فاهم هو فيه ايه
نسمة: حلا مبتحوطش ميكاب ودهمعروف عنها وهي صغيرة يا آسر
آسر: طب ما انا عارف انها وهي صغيرة مبتحبش الميكاب وحتى مرة ماما مها اجبرتها انها تحط ميكاب واتخانقت معاها وعمو يحي طلب من ماما مها انها تسيب حلا على راحتها ومتجبرهاش على حاجة
ندى: ومازالت يا حبيبي مبتحطش حاجة
آسر: طي........نعم! قالها بصدمة ثمنظر لحلا
آسر: عايزين تفهموني ان ده جمال طبيعي رباني كدة
اومأ جميع البنات بالموافقة
آسر: انت بتهزروا استحالة يكون كل ده طبيعي
ندى: بُص نفس وجهة نظري بالظبط مشلونا خالص ولا شبه خالتو ولا حتى عمو يحي
آسر بصدمة: حلا انتي متأكدة انك مش حاطة روچ او اي ميكاب احمر خدود او البتاع اللي بيفتح ده
حلا: بُص على ما تخلصوا من هبلكوا ده اكون انا اخدت شاور وغيرت هدومي متنامش يا زفت عايزاك. ووجهت كلامها لآسر وصعدت لغرفتها بالاعلى اخذت شاور سريع ثم دريس موڤ غامق به القليل من اللون الاسود بتلتين كوم مفتوح من احد القدمين وارتدت اسفله بنطلون كرينة اسود وجففت شعرها وصففته حيث رفعت قليلا من شعرها كحكة والباقي تركته منسدل على ظهرها ووضعت من برفيومها الهادئ وهبطت للاسفل
آسر: هو انتي كدة استحميتي
حلا ضحكت: مالك يا بني في ايه
آسر: اصلك احلويتي عن وانتي جاية من برا بت انتي انتي متأكدة انك بنت مها وعمو يحي اشك في الموضوع
حلا: تصدق انا اشك اكتر منك انكوا تقربولي اساسا
آسر: ماما بُصي انا قررت اتجوز يلا بينا على المأذون يا حلا
حلا ابتسمت: يلا
الكل ضحك
حلا: بُص لو بصيت كدة ولا كدة ولا عينك راحت كدة ولا كدة هتبقى امك داعية عليك في ساعة استجابة كمان
آسر: ده مين المتخلف اللي يبص على غيرك او يحب بعدك يا بنتي انا قررت اخطفك قبل ما حد تاني يخطفك مني
حلا: انا جاهزة في اي وقت تحب تخطفني فيه اديني رنة بس وهتلاقيني عندك ومن غير شنطة الهدوم كمان
سحر: طب يلا بقى نقرأ الفاتحة
الكل ضحك حلا جلست بجانبه وهو وضع يده على كتفها محتضنها
حلا: قولي بقى مفيش حاجة كدة ولا كدة
آسر بمرح: منين وبعدين عيب ابُص برا وانا عندي الجمال ده كله
حلا: بتكلم جد والله مبهزرش
آسر نظر لها: تمام منين بقى
حلا رفعت احد حاجبيها بغيظ: منين ايه يا روح خالتك اومال انت كنت بتعمل ايه في بلاد برا عايز تفهمني انك مشوفتش واحدة كدة ولا كدة او اتعرفت عليها
آسر: يا بنتي هو انا كنت بفضى كنت بدرس وبكون نفسي علشان اعمل شركة وكدة وطبعا لولاك انت يا جميل مكونتش وصلت للي انا فيه
حلا: بس اكيد كنت بتخرج مع زمايلك او على الاقل ايام الجامعة اكيد اتعرفت على بنات متقوليش لا انت كنت ايام المدرسة مقضيها عايز تفهمني انك ايام الجامعة توبت
الكل ضحك وآسر ايضا
آسر: يا بنتي انتي ليه بتفكري فيا غلط ودايما فهماني صح قصدي غلط عيب عليكي والله انا مش بالسوء ده
روفيدة: اه ما احنا عارفين انك مش بالسوء ده بأمارة انه كان طاله عليك ساحر البنات
حلا: والنبي ما اعرف على نيلة ايه
آسر: انتي مبتشوفيش ولا ايه وبعدين يا بنتي خفة دمي كفيلة تخلي اي بنت تنجذب ليا
حلا: متجمعش علشان متتهزأش
ندى: بُص هو من ناحية انك مز انت مز واوي ومن ناحية خفة الدم فدمك شربات
حلا بغيظ: لا دمه عسل.....ما تيجي تاكليه احسن
الكل ضحك
آسر: طب تصدقي انتي الوحيدة اللي نصراني على المفترية القوية ديه
حلا بغيظ: بقى كدة انا مفترية وقوية طب خف تعوم يا روح امك بدل ما اقلب عليك واوريك الافترى والقوى على حق وحقيقي
آسر بمرح: يا ساتر يارب ايه نبرة ريا وسكينة ديه وبعدين انتي محسساني اني قاعد مع چون سينا مبنتهددش يا ماما
مايا: بلاش انت علشان انت مش قدها واديني نبهتك
روما: ايه يا حلا ساكتة يعني مش من عوايدك
حلا: والله مبحبش اتكلم عن نفسي وبحب افعالي هي اللي تتكلم بالنيابة عني
آسر بمرح: ايوة يا جاامد لا وواثقين كمان
حلا بثقة: عيب عليك يا بني من يوم يومي تعرف عني غير كدة
آسر: قوليلي بقى عملتي ايه
حلا: في ايه
آسر: دخلتي شرطة زي ما انتي بتحبي ولا ايه وعملتي ايه احكي
حلا: طبعا دخلت وحاليا انا رائد
آسر: واخبار الفروسية وفنون القتال ايه
حلا: كله تمام
آسر: اما نشوف هختبرك في كل حاجة
حلا: انا جاهزة في اي وقت
مايا: انا واثقة ان حلا هتفوز عليك يا آسر
آسر: هنشوف مين اللي هيضحك في الاخر
نسمة: ده انت على كدة ناويلها نية سودا
حلا: ولا بنتهز عادي
آسر بمرح: متخافوش مش هاكولها كلها هسيبلكوا حتة منها
حلا ضحكت: ده في حالة اذا كان فيك نفس اصلا للاكل
روما: آسر مازلت بتغني ولا بطلت
مايا: اه وحشني صوتك اوي غنيلنا يلا
آسر: لا انا مش قادر اغني دلوقتي
ندى: لا يلا يا ابيه وحشني صوتك اوي
نسمة: اه يا آسر علشان خاطري
روفيدة: يلا بقى بطل رخامة....خلاص هنسهلهالك غني لحلا
آسر نظر لها: انتي ايه رأيك يا مزتي
حلا: بُص مش هقولك اني مش عايزاك تغني لاني هبقى كدابة بس لو تعبان خلاص
روما: اهو حلا قالت بلسانها ان صوتك وحشها قوم بقى وبطل رخامة
وقف آسر: موافق بشرط
البنات: موافقين
آسر مد يده لحلا: سندريلا ترقص معايا
حلا ابتسمت: موافقة طبعا
انخفض فهد على قصي وهمس: اظن انه مستلم البنات كلها وخصوصي مراتك
قصي نظر له بغيظ ونظرة حارقة آسيا وجميلة رأوا غضب قصي ولاحظوه آسيا نكزت اريان بذراعها فنظر لها فأشارت بعينيها لقصي وكذلك جميلة وادم
جميلة بهمس: مش ملاحظين ان قصي متغاظ من آسر
ادم بتفكير: شكل الغيرة هتجيب مفعول ولا انت ايه رأيك يا اريان
اريان: انا بقول اننا منعرفهوش ان آسر اخو حلا بالرضاعة ونشوف اخرت الحكاية ايه يمكن الغيرة ترجعهم لبعض ولا ايه....مش عارف بصراحة
آسيا بتفكير: عندي فكرة
الكل نظر لها وانصت لها بإهتمام فقالت ما يجول بفكرها
ادم: هي فكرة حلوة بس قصي ممكن يقتل آسر فيها ومش بعيد يموت حلا معاه
جميلة: في الحالة ديه ممكن نستعين بلوئي وفهد
اريان: انتوا مش شايفين لوئي وفهد هياكلوا آسر بعنيهم بس
ادم: علشان هما ميعرفوش الحقيقة لو عرفوا ممكن يتصرفوا عادي ويشاركونا في خطتنا كمان
آسيا: طب انا من رأيي تقولولهم دلوقتي علشان متحصلش مشكلة بينهم وبين البنات
ادم واريان وافقوا واستدعوا لوئي وفهد واخذوهم بعيدا قليلا
فهد بغيظ: هو اللي دمه خفيف ده يقربلكوا ايه
ادم ابتسم: ابن خالتنا و........
لوئي بغيظ: وابن خالتكوا بيحضن ويبوس عادي كدة في البنات عندكوا ده فارس اللي بن عمكوا مبيعملش كدة
اريان ضحك: ماهو لو انتوا تخرسوا شوية وتسمعونا للاخر هتفهموا
فهد: طب اتفضل يا اخويا
اريان: آسر بن خالتنا اه بس اخونا بالرضاعة هو في سن ادم مولودين مع بعض الفرق بينهم ايام بس خالتو كانت تعبانة جدا فماما كانت بترضع آسر فبالتالي هو اخو حلا ومايا وروما بالرضاعة زيه زينا اهدوا وبعدين يعني اظن انكوا عارفين حلا كويس مبتحضنش اي حد مين ماكان يكون
لوئي: ما انا استغربت اما لاقيتها بتحضنه
فهد: يعني هو اخوكم بالرضاعة
ادم: بقولك ايه منك ليه سيبك من الهبل ده كله وركزوا معايا بُصوا..........
واخبرهم ما ينون فعله
فهد بتفكير: تصدق خطة طلقة
لوئي: احم مع العلم ان هو بن عمك وانه اخويا مبيتفاهمش فممكن في خطة زي ديه رقبتنا تطير كلها ده اساسا هاين عليه يقوم يضربه مش طايقه وسيادتك عايزنا نحرضه اكتر ضد آسر احب اقولك بس انه كدة هيتحرض كمان ضد حلا
ادم: حلو يمكن لما يغير اكتر يتكلموا ويتفاهموا ويمكن ده يخليه يحس بالندم اكتر على اللي عمله في حلا ده بالاضافة انه لو اتكلم مع حلا حلا هتحس بندمه ووجعه وممكن في الحالة ديه تسامحه بقولكوا ايه خلاصة الموضوع هتساعدونا ولا لا
فهد: ماشي بس قصي مبيتفاهمش يا ادم وقصي يعني انا ممكن اهدى ولوئي كذلك اظن انت عارف نفسك لو لاقيت واحد قريب من مراتك وانت فاكره قريبها او حتى غريب ده انت كنت بتموت على جميلة من مالك واسمه بن خالتها اه بس اخوها بالرضاعة ومازلت مبطيقهوش ولا بتستحمل خياله يكون قريب منها وقصي لو قولنا انه استحمل وسكت وعدى الموضوع مش هيفضل ساكت دايما هبجي يطلع غضبه ووجعه كله في يوم وده ممكن يزود المشكلة بدل ما يحلها
اريان: انت معاك حق بس قصي مش هيقدر يجرح حلا وبعدين ده المطلوب انه يطلع وجعه كله قدام حلا لانها في الحالة ديه مش هتستحمل تشوفه بيتعب وبيتوجع وساعتها يمكن تسامحه وتحس بندمه وبعدين ادينا بنجرب
لوئي: يعني يعتبر كدة آسر منافس قصي
فهد: وربنا يستر قصي ميخلصش عليه بدري بدري
لوئي: انا بقول نعرف البنات وماما وبابا بالحوار ده وكمان حمايا وحماتي علشان يبقى الكل في الصورة
ادم: اه وكمان علشان ابوك ليه كلمة على قصي وكذلك انجلي ومها فممكن بهدوه ويخلوه يبعد عن آسر وميحتكش به
فهد وهو ينظر لقصي بقلق: طب حاليا حلا هترقص مع آسر وديه بس كفيلة تخليه يقوم يضربه لان اظن هيكونوا قريبين من بعض ده غير لو غنى اغنية يعني احم زي ما فهمتوا
لوئي: الاغنية الرومانسية هتخلينا كلنا نتمنسر معاها
ادم بإستغراب وعدم فهم: يعني ايه نتمنسر
فهد ضحك: يعني هتخلي قصي يقلب الجو الشاعري على الكل بس ديه بإسلوب مختلف اسلوب لوئي
اريان: خلونا نروح نقعد ونشوف ايه اللي هيحصل احنا هنقعد جنب قصي ونحاول نهديه
ذهبوا وجلسوا بجانب قصي
روفيدة: ها هتغني ايه
آسر: محتار لان حلا متتوصفش باغنية ده غير ان الاغنية هتبقى قليلة في حقها فلازم حاجة كدة تبقى عليها القيمة
بعد دقائق همس لندى وندى نفذت كلامه صدعت موسيقى لاحدى الاغاني وكانت من الواضح انها رومانسية