حلا التفت لقصي ونظرت مباشرةً في عينيه ودموعها تنزل على وجنتيها كأنها قطرات مطر وبلعت ريقها بصعوبة
حلا بدموع وتوتر: هو.........يعني.......انا.....
قاطعها قصي بخوف وقلق ومسك وجهها بين يديه
قصي: حلا خلاص انا مش عايز اعرف حاجة بس اهدي علشان قلبك وبعدين انا مبحبش اشوف دموعك خلاص بقى اهدي
حلا مسكت يده ونزلتها من على وجهها وهزت رأسها بالنفي
حلا: لا الموضوع مينفعش يتأجل لاني تعبت ومبقيتش قادرة استحمل الحمل ده تقيل عليا مبقيتش قادرة يا قصي
قصي: طيب خلاص اهدي وبعد شوية نبقى نتكلم و......
حلا غمضت عينيها بقوة وقاطعت قصي: انا بكون بنته ليحي الدالي
قصي اتصدم او اتفاجئ لانه مكنش متوقع انها هتعترف دلوقتي حلا فتحت عينيها ببطئ
قصي نظر لها وبصدمة وعدم استيعاب: ايه......قولتي ايه....عيدي اللي قولتيه تاني كدة
حلا بتوتر وخوف وقلق: مش انت سألتني قبل كدة مين هما اهلي واسم والدي ايه
قصي وهو ينظر لها بتوتر وقلق وصدمة في نفس الوقت: اه سألتك ووقتها جاوبتيني وقولتيلي انه شئ ميخصنيش
حلا بلعت ريقها بصعوبة: هو بصراحة بيخصك واوي كمان لان والدي بيكون اللوا يحي الدالي الله يرحمه اللي كان صديق والدك اللوا احمد الشناوي يعني........انا..... هي البنت اللي انت بتدور عليها
قصي وهو مازال متفاجئ: حلا انا بحلم او يمكن بيتهيألي صح
حلا: اسمي الكامل حلا....يحي....الدالي البنت اللي انت بتدور عليها بقالك عشر سنين واللي حبيتها من عشر سنين
قصي ابتسم بسعادة والدموع في عينيه: انا مش مصدق اخيرا يا حلا
حلا نظرت له بحب وهزت رأسها بالموافقة
قصي: انتي عارفة انا بقالي قد ايه مستنيكي تيجي وتقوليلي الحقيقة
حلا بإستغراب: حقيقة ايه قصدك ايه......لحظة واحدة انت كنت عارف انا مين من الاول
قصي بتوتر: ا....ااا....اه كنت عارف بس كنت عايزك انتي اللي تيجي تصارحيني
حلا: وانت منين عرفت ومن إمتى عارف
قصي بتوتر: ابدا محدش قالي انا كنت شاكك اساسا لان كان فيه حاجات مشتركة وكنت شبه متأكد وكنت مستنيكي انتي اللي تثبيتيلي ده او تنفيه
حلا بعدم إقتناع: اممم قولتلي كنت شاكك وانا اللي اثبتلك شكوكك صح
قصي: سيبك من الاثبات والشكوك والهبل ده كله بس قوليلي ايه اللي خلاكي تحني عليا وتعترفي
حلا بحزن ووجع: لاني تعبت ومبقيتش قادرة استحمل لان ده كان عبئ عليا لاني كنت دايما بحاول اخبي مشاعري بالرغم ان عيوني كانوا بيفضحوني وغير الضغوطات اللي من كل جهة اخواتي وفارس وعمي محمد كانوا بيضغطوا عليا علشان اعترفلك بالحقيقة وكانوا بيجرحوني بكلامهم وانا اساسا قلبي وجعني لوحده مش ناقص وجع وبصراحة تعبت من اني اتهرب من عيونك ومن حبك ليا
قصي ابتسم بخبث: يعني لولا ان حبي ليكي كان ظاهر مكونتيش هتعترفي صح
حلا بخجل وتوتر: احم يعني.... على حسب
قصي بعدم فهم وإستغراب: يعني ايه على حسب قصدك ايه يا روحي
حلا بخجل وتوتر: يعني هنضطر نتكلم ونفتح الموضوع من اوله بُص يا سيدي فاكر اول مرة اتقابلنا فيها
قصي: قصدك ساعة اما جيتي الشركة اول مرة
حلا: لا لما اتقابلنا في المركز.... ساعة اما عمي محمد عرفنا على بعض
قصي بتذكر: ااه صح ساعة اما سلمت عليكي حتى ساعتها حسيت بشعور غريب بس مبينتش
حلا ابتسمت: وانا كمان لما سلمت عليكي ولمستني حسيت بشعور غريب وقلبي اتحرك من مكانه بس الاغرب اني كنت حاسة اني شيفاك قبل كدة او اني اعرفك المهم مش يوميها مايا جت وخرجنا انا وهي من المركز
قصي: اه
حلا: بُص اولا علشان تربط الاحداث ببعضها انا كنت من حوالي سنتين كنت واخدة اجازة من كل حاجة وقررنا نروح بيت المزرعة اللي هو بعيد عن المدينة شوية اللي انا اخدتك عليك قبل كدة المهم في يوم حسيت اني مخنوقة فقررت ارسم لما انا بكون مخنوقة برسم من غير محدد يعني برسم عشوائي وبكون مغمضة عيني ومصفية ذهني وبحاول افكر في حاجة حلوة او تريح الاعصاب وارسم وزي ما يطلع يطلع يوميها حصل شئ غريب اني رسمت شخص في حياتي كلها مقابلتوش ولا شوفته والاغرب اني حتى ملمحتش خياله في احلامي يعني رسمت شخص بأدق التفاصيل من غير ما اعرف هو مين ولا حتى مقابلاه في حياتي كلها المهم لما خرجت انا ومايا من المركز المفروض اننا كنا هنتغدا بس ساعتها قعدنا نتكلم بخصوصك يعني كنت حاسة اني شوفتك ومش عارفة شوفتك فين وساعتها هي فكرتني باللوحة اللي انا رسمتها من سنتين وكان الشخص اللي انا رسمته هو انت
قصي بصدمة: انا
حلا هزت رأسها بالموافقة: اه انت وبشكلك الحالي دلوقتي مع العلم اني مشوفتكش قبل كدة نهائي مع ان كان ليا اصدقاء كتير كانوا معجبين بيك ودايما يتكلموا عنك و....و....
قصي ابتسم بخبث: وايه
حلا: احم يعني زي البنات طبيعي لما يشوفوا شاب حلو وجذاب بيوصفوه ويقعدوا يتكلموا عنه وعن جاذبيته و....
قاطعها قصي بخبث: يعني بتعترفي اني جذاب وحلو واي بنت تقع في حبي بسهولة
حلا بتوتر: احم انا بقول ادخل لاخواتي احسن
حلا قامت وكانت هتمشي بس قصي جذبها بقوة من معصم يدها مما جعل توازنها يختل فوقعت على الارجوحة بجوار قصي تماما اي ملتصقة به وكتفها مايل على كتفه وكانت قريبة جدا من وجهه حلا وجهها اصطبغ باللون الاحمر من شدة الخجل والتوتر وبسرعة بعدت عنه قصي نظر لها بحب وشوق وحدث نفسه
قصي: يخربيت كدة ده وقت ان وشك يحمر ده انا بسيطر على نفسي في العادي بالعافية.... احم ربنا ما يقرب شوشو مني دلوقتي علشان مأظنش هقدر اقاومه هو كمان..... احم امسك نفسك شوية يا قصي
قصي لحلا: بُصي انا مش هسيبك غير لما تكملي الموضوع اللي فتحتيه
حلا نظرت له بتحذير: بشرط... متقاطعنيش ومتعلقش على كل كلمة هقولها
قصي ابتسم: ماشي هحاول بس يعني مش المفروض تعرفيني من وصف زمايلك او انك رسمتيني بسبب وصفهم ليا هما كانوا بيوصفوا شكلي
حلا بتلقائية: هما كانوا بيوصفوا كل حاجة بس انا مبحبش اسمع حديثهم عن الرجالة وخصوصي لو هيوصفوهم فكنت ببعد عنهم او بشغل اغاني واسمعها وانا حاطة الهاند فري في ودني بس كنت بعرف لما كانوا بيقولوا رجل الاعمال قصي
قصي بإستغراب: بيوصفوا كل حاجة ازاي يعني
حلا: بعدين هبقى اشرحلك المهم فمايا فكرتني اني رسمتك بصراحة مش هخبي عليك بس لما انا شوفت اللوحة انا توقعت ان ده هو انت يعني معرفش قلبي قالي ان ده شكلك وان ده انت فلما مايا قالتلي انك نفس الشخص اللي انا رسمته وانا افتكرت اللوحة خوفت جدا وقلقت لاني مكُنتش متوقعة اني هقابلك في يوم من الايام وبالطريقة ديه يعني هشتغل معاك وهتبقى قصادي فرجعت فورا على المركز وساعتها عمي اعطاني الملف تبعك اللي فيه كل حاجة بتخصك يعني والدك مين وكان بيشتغل ايه كل حاجة بأدق التفاصيل انا بطبيعتي لما بممسك مهمة زي مهمتك مبيهمنيش افتح ملف الشخص اللي هشتغل معاه يعني بحس بشعور غريب كأني بعرف سيرته الذاتية علشان مثلا هيتقدملي او هنتجوز فمكنتش بحب اقعد على الملف واقرئه فكنت بخلي عمي هو اللي يقرأه او فارس او لوئي بس انا مكنش يهمني الملف بس معرفش ليه ملفك انت بالذات اللي فتحته يعني انا اساسا يوميها على ما رجعت مايا على البيت وروحت المركز تاني الموضوع مكنش في بالي ودخلت مكتبي اشتغل عادي وفضلت قدام ملفك متوترة وخايفة افتحه ولما فتحته فضلت قدامه ساعتين استوعب ان ده انت
قصي ضحك: ليه يعني
حلا ابتسمت: اول صفحتين كانوا بيتكلموا عنك بعدين سمير ومن ثم لوئي وبعدين انجلي وفهد وكمال وتيتا فاطمة وفي الاخر اللوا احمد ومراته الشهادة لله انا في الاول اتصدمت لما عرفت ان سمير ولوئي اخواتك مع اني كنت بحاول اقنع نفسي انك بإذن الله مش هتطلع اللي في بالي بس صُعقت لما عرفت ان والدك ووالدتك هما اللوا احمد وطنط سلمى وفضلت اقلب في الملف يمكن اكون بحلم او يمكن بيقربك مثلا بس مش والدك وان ديه صدفة بس احم قدرت استوعب الصدمة بعد حوالي نص ساعة او ساعة يعني ساعتها عرفت ايه السبب اللي خلاني احس بشعور غريب لما سلمت عليك وفضلت افكر ازاي هبقى معاك وهبقى قصادك في شركة واحدة والانيل هبقى سكيرتيرتك يعني انا كنت افضل اشتغل مع عدوي واكون سكيرتيرته على اني اشتغل معاك
قصي ابتسم بإستغراب: ليه بتقولي كدة
حلا: لاني مكنتش عايزة اقابلك لاني عارفة نفسي مش هستحمل وهضعف وهعترفلك بكل حاجة بس بعد ما شوفت تعاملك الظريف معايا ساعتها ارتحت نوعا ما
قصي ضحك: غريبة انك ارتاحتي لما اتعاملت معاكي بغباء وقسوة وغرور مع انك المفروض تتعبي
حلا: تؤ ماهو انت لما تتعامل معايا بقسوة وغباء وغرورو وخصوصي الغرور ده انا عمري ما هفتكر اني عرفتك قبل كدة او بكنلك اي مشاعر او انك واحشني وبقالي فترة مشوفتكش فمش هحن ليك ابدا وده كان مريحني جدا ولما كنت بضعف قدامك كنت بتنرفز واتعصب واتقصد اخليك تتنرفز علشان مضعفش قدامك وتكشفني وتحس بيا
قصي: امممم انتي عارفة ان بالرغم من كل ده انا وقعت في حبك للمرة التانية بالرغم اني مكنتش شاكك انك انتي البنت اللي انا حبيتها من عشر سنين ومكنتش اعرف عنك حاجة حبيتك وفي اقل من اسبوعين وقعتيني وخلتيني احبك تاني وكنت ناوي اتقدملك
حلا بتوتر وبعض الخجل: احم عارفة
قصي بحب: هو انا ينفع اسألك سؤال
حلا نظرت له: اه طبعا
قصي نظر لها بحب وشوق: هو انتي بتعملي ايه فيا يعني ايه السحر اللي انت عملاهولي يعني انا في حياتي كلها محستش بالشعور اللي بحسه معاكي حتى انا مبقيتش عارف نفسي
حلا ضحكت: مش عارف نفسك ازاي
قصي: طيب انا بقول انك متضحكيش تاني علشان ممكن اتهور واعمل حاجة ميصحش انها تتعمل دلوقتي....اظن انك فهمتيني صح
حلا وشها احمر بشدة من شدة الخجل ونظرت في الارض وحاولت تداري وجهها عن نظر قصي بس قصي رأها
قصي: وبقول بلاش وشك يقلب فراولة علشان انا بعشق حاجة اسمها فراولة ولا يا سلام على طعم الفراولة انتي عارفة كان نفسي اكون في وعيي او فاكر طعم الفراولة اللي دوقتها من يومين
حلا من شدة الخجل وضعت يدها امام وجهها وقصي ضحك: بس لو حابة نعيدها تاني بس وانا في وعيي لما تحبي ابقي اديني رنة هتلاقيني في الخدمة على طول
حلا ضربته على كتفه: متحلمش انه يتكرر تاني
قصي قرب منها: بس اعترفي انك كنتي موافقة
حلا: تؤ كنت مصعوقة فمكنتش عارفة اعمل ايه او اتصرف ازاي بس فعلشان كدة كنت ساكتة
قصي: بس بصراحة من غير لف ودوران كل حرف قولته كان حقيقي ومن قلبي
حلا: عارفة مش مستنياك انت اللي تقولي
قصي بخبث: بفكر اعيده تاني يعني نعيد الموقف تاني ونشوف ايه اللي هيحصل ويعني على الاقل هنبقى وش لوش وفي وعينا وعارفين بعض كويس ولا انتي ايه رأيك
حلا بخجل ونرفزة في نفس الوقت: انت لو فضلت تتكلم بالطريقة ديه ساعتها هدخل ومتفتكرش انك هتشوف وشي تاني انت مش عايزني اتكسف بس طول ما انت بتتكلم عن الليلة ديه فهتستحمل ولو اتهورت ساعتها انت الخسران
قصي ضحك: بصراحة شكلك بيبقى طعم ولذيذ لما وشك يحمر من الخجل
حلا: انا بقول نغير السيرة احسن
قصي ضحك: ماشي اللي الاميرة عايزاه
حلا بخجل ونظرت لقصي بطرف عنيها: قصييي انا قولت ايه
قصي ضحك: لا ماهو لازم هتلاقيني واخد راحتي في الكلام ماهو مش معقولة لا كلام ولا افعال ده كدة عذاب
حلا بإستفزاز: والله اذا كان عاجب
قصي رفع احد حاجبيه وبغيظ: امم بصراحة مش عجبني وبلاش اقولك انا عايز اعمل ايه دلوقتي
حلا بغيظ: لا والله تصدق خوفت عايز ايه
قصي نظر لها وبخبث: متأكدة
حلا: اه عايز ايه اساسا انا مبخفش
قصي التف لها ونظر في عيونها مباشرةً: اذا كان كدة فانا عايز حاجتين
حلا بغيظ: ايه هما
قصي ابتسم بخبث ونظر لها بحب وشوق: عناق وقبلة
حلا نظرت له بصدمة: افندم
قصي بإبتسامة عريضة: زي ما سمعتي وبفكر مأخدش رأيك اساسا
حلا قامت بسرعة من على الارجوحة وبعدت كام خطوة وحطت صابعها امامها
حلا بتحذير: والله العظيم اصرخ والم عليك البيت كله......ده انت مش معقول
قصي ضحك: ليه بقى
حلا بغيظ: ابدا بس واخد دروس في قلة الادب وممتحن وواخد المركز الاول بجدارة
قصي ضحك جامد: في ديه معاكي حق وبعدين بالعقل مين يشوفك يعني ومينحرفش وينسى نفسه
حلا: قصي والله لو ما اتلميت واتعدلت ساعتها هسلط عليك ادم واريان ومعاهم فارس وعمي وهما يتصرفوا معاك
قصي: والله يا ريت علشان اتقدملك بالمرة واتجوزك واخطفك منهم وساعتها ابقي وريني هتمنعيني ازاي
حلا: لما ابقى مراتك بقى يبقى يحلها ربنا
قصي: ماشي يا حبيبتي نبقى نشوف
حلا: مش عايز تستفسر عن اي حاجة
قصي وقف واتجه ليها: لو قصدك عن العشر سنين لا مش عايز استفسر لان لو هقول حياتي امتى ابتديت فهي من انهاردة ابتديت
حلا بأسف وندم: انا اسفة اني جرحت.........
قصي وضع اصبعه على فمها ونظر في عيونها بحب: انا مش عايزك تتأسفي نهائي لاني عارف ومتأكد انك كنتي مجبرة وانا مش عايز افتح في جروحك ولا عايز نفتكر الماضي.....بُصي هنتفق اتفاق هننسى الماضي ونرميه ورا ضهرنا ونبدأ صفحة جديدة ماشي
حلا ابتسمت: ماشي اللي انت شايفه
قصي مسك وجهها بين يديه وقبل جبهتها ولما قصي قبلها بعدت عنه بسرعة
حلا: انا عارفة اللي بيدور في دماغك وانك عايز تحضني فانا بقول نحافظ على مسافة احسن
قصي بغيظ: ده على اساس المسافة هي اللي هتحوشك عني
حلا: هو نوعا ما هتحوشني
قصي: طيب حضن واحد بس وبلاش تفتري عليا انتي عارفة انك وحشاني
حلا: عفوا انا مفترية وبعدين ما انت كمان واحشني بس ميصحش وبعدين كفاية عليك الحضن اللي خدته من يومين تقدر تصبر نفسك بيه بقى
قصي بغيظ: فيه حد قالك انك مستفزة
حلا ضحكت: اه انت وبابا وبابا احمد وادم واريان وروما ومايا وتقريبا عمي محمد وفارس مأظنش فيه حد تاني اااه وجاسر
قصي كان متنرفز بس مقدرش وضحك غصب عنه
حلا ابتسمت: اهو شوفت ازاي انا فرفوشة وضحكتك اهو ودلوقتي عن اذنك هدخل اشوف الجثث اللي جوا اخبارها ايه
قصي بإستغراب: جثث ايه
حلا: بتكلم عن التماثيل والاصنام اللي جوا ادم واريان ومايا وروما
قصي ضحك: هما لسة محسوش انهم بيحبوا
حلا: بقالي شهر بحاول اقنعهم مش راضيين ده انا روحي هتطلع وهما مش هيقتنعوا برضه
قصي بإنزعاج: بعد الشر عنك متجبيش السيرة ديه على لسانك تاني والا هتشوفي تصرف تاني
حلا ضحكت: طب خلاص قلبك ابيض خلينا ندخل يلا
قصي: امشي انجري قدامي يا ست هانم
حلا ركضت بسرعة علشان هو ميحاولش يعانقها قصي فهمها وضحك وركض خلفها ودخلوا سوى
قصي بإستغراب: مالكوا عاملين زي المطلقين كدة ليه ايه الهدوء ده
حلا: تؤ شاكلهم كانوا بيحبوا والشخص اللي بيحبوه يا اما اتجوز او حب حد تاني ومش بعيد يكونوا اتخانوا
روما وقفت واتجهت لحلا بإستغراب: حلا حبيبتي انتي كويسة
حلا بإستغراب: اه ليه بتسألي
روما: استني كدة
روما وضعت يدها على جبهة حلا ورقبتها
روما بإستغراب: مفيش حرارة.....طب يا حبيبتي هو انتي وقعتي واخدتي ضربة على راسك
حلا بإستغراب: ممكن افهم في ايه
مايا: اصلك يا حبيبتي خرجتي وروحك في مناخيرك وعلى وشك البكاء وداخلة بسم الله ماشاء الله رايقة ومبتسمة وبتهزري كمان في حاجة حصلت معاكي ولا ليكون عفريت لبسك
روما بقلق: ولا ليكون عندك انفصام شخصية
حلا ضحكت: يعني هو انا لازم ادخل على وشي غضب الله علشان ابينلكوا اني متلبستش ولا حاجة وبعدين عادي خرجت شميت شوية هوا واتحسنت
ادم غمزلها: شميتي شوية هوا ولا حاجة تانية حصلت
حلا بغيظ: اظن انه شئ ميخصكش واساسا انا مبتكلمش معاك انت واريان من ساعة اخر مكالمة فاظن انكوا مش عايزين تسمعوا صوتي لاني بقول كلام فاضي وتافه
اريان: حلا متكبريش الموضوع
حلا: لا يا روحي انا لا هكبر ولا هصغر المهم جميلة آسيا خطوبتكوا امتى
جميلة: بعد 3 ايام
آسيا بإبتسامة: هتيجي يا حلول صح
حلا ابتسمت: ان شاء الله يا روحي وهجيب الكل معايا
جميلة بإبتسامة: استاذ قصي وانت كمان هتيجي انت والعيلة
قصي ابتسم: والله الموضوع بيتعلق بالاستاذة حلا لو هي هتيجي انا هاجي....ربنا يسهل
حلا نظرت له وابتسمت بحب وقصي غمزلها مايا وروما لحظوا ده
روما انخفضت على حلا وهمست: هو في ايه بينكوا انتوا الاتنين
حلا: هبقى اقولك بعدين
محمد: طب احنا بقى هنمشي
حلا بإستغراب: هتروحوا فين
محمد بإستغراب: انا وعفاف وفارس هنروح على البيت يعني هنروح فين
فارس بإبتسامة: والله انا ناوي ابات مع الشباب
حلا رفعت احد حاجبيها: افندم مفيش مرواح على مكان انتوا هتباتوا معانا
محمد: حلا انتي عارفة اني مبحبش ابات برا البيت وبعدين انتوا شباب مع بعض احنا ايه دخلنا
حلا: بس انت مش هتبات برا البيت ما ده بيتك كمان بقولك ايه يا عمي متخلنيش اطلع جناني عليك دلوقتي مرات عمي اتكلمي مع جوزك قوليلك اي كلمة
الكل استغرب ومحمد وعفاف نظروا لحلا بإستغراب ونظروا لقصي وعيلته
مايا: حلا
حلا بنرفزة: افندم نعم.......مالكوا بتبصولي بإستغراب كدة ليه
فارس: احم احم لان من امتى واللوا محمد بيبات في بيت غير بيته وبعدين يعني هو يقربلك ايه علشان يبات طب انا هبات بصفتي صديق الشباب هو هيبات بصفته ايه
حلا بإستغراب وعدم فهم: عفوا هو عمي وهيبات بصفته انه عمي وبعدين انت بتكون بن عمي كلامك مش مفهوم
فارس حط ايده على وشه لانه كان بيحاول ينقذ الموقف
محمد نظر لحلا: انتي عارفة انتي قولتي ايه يا حلا يعني واعية للي قولتيه
حلا نظرت له فهو اشار بعينيه على قصي فحلا لم تفهم وبعد دقائق فهمت قصده
حلا ابتسمت: ااااه فهمتكوا
فارس وقف وابتسم: طب الحمد لله انك فهمتي انه يعتبر زي عمك بس هو مش عمك فمينفعش يلا بقى يا بابا بالسلامة والقلب داعيلك
حلا ضحكت: تؤ عمي محمد مش هيروح على مكان وهيبات ولو انت عايز تمشي يا عمي هتروح لوحدك ومراتك هتفضل هنا
فارس نظر لها: حلا انتي من امتى غبية
حلا ضحكت: بصراحة انت اللي غبي مبقاش فيه داعي انكوا تمثلوا
محمد وعفاف وفارس بإستغراب: افندم قصدك ايه
قصي بإبتسامة: حلا حكتلي كل حاجة
الكل اتصدم
مايا بعدم استيعاب: ازاي يعني حكتلك وحكت ايه.....حلا ممكن تفهمينا
حلا وقصي ضحكوا
حلا بضحك: هكون قولتله ايه يعني قولتله الحقيقة ومين انا وبنت مين
محمد: بتهزري معانا احلفي كدة يا شيخة وقولي والله
حلا ضحكت جامد: لو مش مصدقني عندك قصي تقدر تسأله
قصي ضحك: مالكوا مستغربين كدة ليه
فارس: اصل حلا مستحيل تعترف كدة بسهولة
حلا ضحكت: طب اديني اعترفت اهو وبسهولة كمان
ادم ضحك: انتي مستحيل حد يتوقعك
حلا ضحكت: بالظبط كدة اول مرة في حياتك تقول كلمة في حقي وتطلع صح
محمد: طيب الحمد لله احنا كدة نقدر نرتاح بلا مخططات بلا قرف
حلا بإستغراب: ليه بتقول كدة
اريان ضحك: ابدا بس كنا كل فترة نتجمع ونفكر هنجمعكوا ازاي ونخليكي تعترفي
حلا: طب الحمد لله انا مشيت ورا قلبي واعترفت بدل ما كنتوا هتخلوا قلبي يوقف عن النبض للابد زي ما كنتوا هتعملوا قبل كدة فاكرين ولا
جاسر ضحك: يخرب كدة انتي ايه مبتنسيش
حلا: وهي ديه عاملة تتنسي ده انا انسى اسمي ومنساش اللي انتوا عملتوه فيا
محمد: طب يلا يا عفاف
حلا: انا قولت مفيش مرواح يعني مفيش مرواح......روما روحي اقفلي الباب بالمفتاح وهاتي المفاتيح وتعالي
روما ذهبت قفلت الباب واعطت المفاتيح لحلا
محمد بتحذير: حلا بلاش تصرفات اطفال وخليني امشي
حلا بمرح: انا لحد دلوقتي عاقلة بس لو حابب تشوف الجنان على حق وحقيقي هاخد مفاتيح البيت اللي مع الكل بما فيهم مفتاحي وارميهم في البحر ونفضل محبوسين كلنا في البيت هنا
محمد: يا الله منك يا حلا دماغك انشف من السراميك
فارس: خلاص يا بابا اقعد بقى مش هتفرق هي لو بيتنا هنا او في البيت وبعدين الكل متجمع وهنخربها يعني وانت عارف حلا مش هتسمحلك تمشي
محمد قعد بضجر
مايا بمرح: وبما ان قصي هنا يبقى هنعيش قصة حب وفيلم رومانسي محصلش
حلا: متحلميش احلام اليقظة مبتتحققش
مايا بحزن: يخرب ام التفاؤل اللي بينقط منك عندك كمية إحباط مش عند حد
روما بزعل: تؤ ده تحطيم حب ورومانسية وعشق وجنون بالاضافة تحطيم فؤادنا وأمالنا معاهم الله يكون في عونك يا قصي انا دلوقتي اتأكدت انك امك وحماتك داعيين عليك
حلا ضحكت بسخرية: هاهاها مبضحكش على فكرة وبعدين انتوا حابين وعايزين تعيشوا قصة حب ورومانسية وعشق وجنون روحوا حبوا انا مال اهلي انا
مايا: لا ما احنا قولنا نجرب التجربة عليكي اولا وبعدين احنا نخضع ليها
روما: تقدري تقولي كدة قررنا نضحي بيكي علشان لو اتأذيتي يبقى احنا في السليم
حلا: بصراحة اتوقع ده منكم لان من يوم يومكوا اندال وواطيين
مايا قبلت خد حلا: حبيب قلبي والله مش بحبك من فراغ
حلا: علشان انتي واحدة مهزئة
روما: حلا فيه مثل بيقولك من عاشر القوم سبعين يوم يا اختشي
حلا: اممم قصدك ان انا مهزئة صح
روما بتوتر: هو مش قصدي يعني مش بالظبط
حلا: لالا ما انا هقولك انا واحدة اهلها مربوهاش ومشافتش نص ساعة تربية علشان عندي اخوات زيكوا ربنا ابتلاني بمصيبتين
روما: انا لو هتكلم عن نفسي فانا بابا دايما كان بيقولي اني مصيبة واحلى مصيبة.طلعت لسانها تغيظ حلا
مايا: وانا عن نفسي كان دايما يناديني ويقولي يا اميرة الثلج. طلعت لسانها تغيظ حلا
حلا بإستفزاز: اوووه انتي عندك لقب واحد انتي وهي انا عندي اكتر من لقب يا روحي
آسيا بإبتسامة واسعة: اذا كانت مايا وروما وكانوا بيتدلعوا كدة اومال انتي كان بيتقالك ايه
روما بإستغراب: لحظة واحدة قصدك ايه بلقب واحد ايه مش مالي عينك
حلا بإبتسامة: لا مش مالي عيني هتعملي ايه
مايا: وانتي من امتى كان بيعجبك حاجة او بيملى عينك حد
حلا ضحكت: لا فيه اللي يعجبني واللي يملى عيني
فارس حط دراعه على كتف حلا وسند عليها
فارس بإبتسامة ومرح: اظن الكلام والتلميح على قصي صح
حلا نظرت له بغيظ: نزل دراعك وبعدين انت ايه اللي حشرك
فارس اختفت من على وجهه الابتسامة وضرب حلا على مؤخرة رأسها
فارس: دايما قافشة معايا ليه وبتتحولي في الثانية لعشر شخصيات
حلا بغيظ: طب وربنا ايدك لو اتمدت تاني هكسرهالك لان انا دماغي وجعاني بسبب الضربة اللي واخداها عليها وانت بإيدك التقيلة يا رخم زودت الوجع حسبي الله ونعم الوكيل
فارس: مقبولة منك يا ست وبصراحة تستاهلي الضربة اللي اخدتيها على راسك يمكن لولاها مكنتيش هتحسي بالراجل
جميلة: حلول قوليلي عمو يحي كان بيناديكي بإيه
حلا ضحكت: لا مكنش فيه اكتر من الالقاب اللي طالعة عليا
فارس: ايه هما لاني مش فاكر ولا واحد بس فاكر انه كان مطلع القاب كتير
حلا: سندريلا واميرة الاميرات وملكة الملكات وملكة الرومانسية والحب والدلع وملكة اللماضة وام لسان ونص وكان فيه اوقات بيناديني ويقولي ملكة قلبي حتى بسبب اللقب ده كان بيتخانق هو وماما كنت انا اوس المشاكل ما بينهم بس انا اللي كنت بصالحهم وكان فيه لقب تاني.....ايه هو يا ربي.....اااه....قنبلة موقوتة
جميلة ضحكت: ليه كان بيقولك كدة
حلا ابتسمت: لان كان فيه اوقات برجع من المدرسة على اخري فلما حد من الشباب يهزر معايا كنت اتنرفز واقعد ازعق بصوت عالي وادخل احبس نفسي في الاوضة ديه حاجة فيه حاجة تانية كمان يعني مثلا لو قاعدين بنتفرج على فيلم كنت بقعد اهزر معاه هو وماما بس بطريقة رومانسية وكوميدية في نفس الوقت ولما كان بيجي عيد الحب او عيد جوازهم كنت انا اللي بحضر المفاجأة واروح اقوله وهو بقى يتصرف مع ماما ويخليها تروح من غير ما تعرف كنت انا اللي بتولى امر المفاجأة لان فيه اوقات هو بيبقى عنده ضغط شغل غصب عنه ولو هو مثلا فاضي او في اجازة كنا بنقعد مع بعض وناخد رأي بعض بخصوص الهدية والمفاجأة بس معلش لو سمحتي كنت انا دايما اللي ببقى صاحبة الفكرة وبابا ممكن يزود او يشيل حاجة يعني بيعدل فيها بس
آسيا بسعادة: بمناسبة عيد الحب يا روحي هو الاسبوع اللي جاي فإيه
حلا بإستعباط: ايه في ايه
جميلة بقلق: مش هتعمليلنا مفاجأة زي كل سنة
روما بسعادة: ايه ده هي حلا بتعمل مفاجئات يوم عيد الحب
حلا: اه بعمل للي مش مرتبطين يعني علشان ميحطوش في قلبهم ويزعلوا بس انا السنادي مفكرتش في حاجة بصراحة ومأظنش هعملكوا انتوا الاتنين اساسا ورقية كمان
رقية بزعل: ليه بقى ان شاء الله
حلا رفعت احد حاجبيها وبغيظ: مش بقى ليكي حبيب اجيبلك ليه وافاجئك ليه هو يبقى يفاجئك ويجبلك واما بخصوص آسيا فيزن يبقى يجيبلك وانا مالي مش انتوا هتخطبوا بعد كام يوم ونفس الموضوع جميلة ومالك
جميلة بزعل: بس ده مش عدل يعني هتعملي لمايا وروما واحنا لا
حلا: بس مين قال اني هعمل لروما ولمايا
مايا بغيظ: ليه بقى ان شاء الله احنا مش مرتبطين
حلا: وهو انا قولت انكوا مرتبطين
روما بزعل: اومال مش هتعمليلنا ليه
حلا: لان انا مفكرتش في حاجة فمش هعمل اما بخصوص روما يعني انا كنت كل سنة بجيبلك هدية فانتي ليكي عندي عشر هدايا عيد حب وعشر هدايا عيد ميلاد يعني التوتال عشرين هدية لسة السنادي معرفش هجيبلك ايه
روما قفزت بسعادة: يعني هتعملي مفاجأة مش مش هتعملي
حلا: تؤ انا مش هعمل مفاجأة ديه هدايا السنين اللي فاتت اللي انتي كنتي بعيدة عني فيهم اما السنادي بفكر اريح
آسيا: خلاص ممكن نخرج
روما: انا موافقة
مايا: وانا كمان موافقة
جميلة: وانا كمان
فالكل نظر لحلا
حلا: انا معرفش يعني انا مش مضمونة
آسيا حطت ايديها في وسطها وبغيظ: ليه ان شاء الله ياختي
حلا: يعني هو انتوا اول مرة تعيشوا معايا ما انتوا عارفين طبيعة شغلي حتى لو في اجازة بنزل لو فيه مصيبة
مايا بغيظ: بس لو حبيب القلب قالك هنخرج هتوافقي فورا
حلا ضحكت: طب انتي مش ملاحظة ان حبيب القلب قاعد معانا وبمناسبة الخروج مش احنا خرجنا لاقيت فادي بيتصل بيا من المركز وبيقولي امان اتخطف يعني حتى الخروجة بصاله فيها مع انها اتفركشت
روما مسكت دراع حلا وحضنته: مقولتليش يا عمري عاملتوا ايه انهاردة في الخروجة
حلا: ولا حاجة اتعشينا ورجعنا
روما اضاقت عينيها ونظرت لحلا
روما بعدم اقتناع: عايزة تفهميني 3 ساعات وهو ده كل اللي حصل
حلا: تؤ هما مش 3 ساعات على فكرة
رقية: اومال قد ايه
حلا بتوتر: معرفش بس يمكن اقل او اكتر
جميلة بإبتسامة: شكلك لما بتكوني مع قصي مبتاخديش بالك من الوقت ده على كدة لو فادي مأتصلش بيكي كنتوا هتفضلوا لحد الصبح برا البيت
حلا بنرفزة: ما تتلمي يا جزمة قديمة ايه خير كلكوا عليا ولا ايه
مايا وقفت جنب حلا من الجهة الاخرى ومسكت ذراعها وحضنته
مايا بخبث: انا معاكي يا روحي بس بشرط لو قولتيلي السبب اللي خلى هدومك كلها ماية وتحكي كل حاجة بالتفصيل
حلا شدت دراعها من مايا وروما بغيظ: ايه الرخامة على فكرة بقيتوا فضوليين زيادة عن اللزوم إمبارح برضه مسيبتونيش غير اما حكيت ده ناقص لما اتجوز في نفس اليوم اللي هروح فيه على بيت جوزي تيجوا معايا وتناموا معانا في نفس الاوضة
روما: مش للدرجادي على فكرة
حلا بغيظ: لااا والله اومال هتعرفوا ازاي اللي حصل لاني عارفة مصارينكوا مش هتهدى غير لما تعرفوا اللي حصل في اول ليلة وبالتفصيل
مايا بإبتسامة واسعة: مش هنحتاج نيجي لانك هتحكي
حلا بدهشة: لا والله ومين قالكوا هوريكوا وشي لما اتجوز
روما: واخواتك يهونوا عليكي يا حلول
حلا: اه تهونوا عليا علشان على الاقل هاخد حريتي شوية
فارس ضحك: ما بلاش تتكلمي كدة بدل ما يتجوزوا ويعيشوا معاكي في نفس البيت والله مجانين ويعملوها
حلا ضحكت: والله فعلا
آسيا: بالمناسبة يا حلول كنت عايزة اخد رأيك في حاجة بما انك ذوقِك حلو في الفساتين والهدوم
حلا: اؤمري يا روحي هتاخده رأيي في فستان الخطوبة
آسيا: لا يزن ومالك عملوه وكله تمام بس انتي قوليلي الابيض ولا الرمادي انهي احلى
حلا بإستغراب: انتوا ناويين تلبسوا فستان ابيض في الخطوبة اول مرة اسمعها ديه
آسيا ضحكت: لا علشان الزفاف انا وجميلة اختلفنا هي بتقول نلبس ابيض وانا بقول نلبس رمادي فأنهي احلى
حلا ضحكت: لا بُصي خلينا متفقين انك تطلعيني برا مواضيع فساتين الزفاف والخطوبة لاني فاشلة في الاختيار بمعنى الكلمة
جميلة بغيظ: ده على اساس مش هيجي يوم وتختاري فستانك
حلا ضحكت: انا....ابدا
مايا: اومال مين اللي هيختار يا حيلتها مش انتي اللي هتلبسيه
حلا: اكيد مش انتي اللي هتختاري علشان اكيد التصميم هيستفزني فانا هخلي الشخص اللي هتجوزوا هو اللي يختار بس يبعدني عن مواضيع اختيار فستان الفرح
رقية: ده على اساس انه لو قالك اختاريلي بدلة هتقوليله لا
حلا: لا هختارله بس انا لو عجبني الاتيليه كله ممكن اشتريه بتتكلموا ازاي انا مبحبش الحيرة في اللبس او الفساتين بسبب كدة مبحبش انزل اتسوق يعني ممكن اتسوق لحد تاني انما ليا لا
مايا: طيب حلا انتي ناوية تلبسي ايه يوم خطوبة آسيا وجميلة
حلا: معرفش يعني على الاغلب فستان
روما: هتلبسيه لون ايه
جميلة: حلول البسي فستان فيه مزيج بين اللون النبيتي والاسود بيبقى شكلك مزة فيه اوي
حلا: اهو علشان انا هبقى مزة فيه مش هاجي باللون ده بالذات
آسيا: خلاص البسيه مزيج من اللون الموڤ الغامق والاسود
مايا: ديه كدة هتبقى طلقة طلقتين تلاتة
روما: وهتبقى امز من النبيتي
حلا ضحكت: انا بقول مجيش احسن
جميلة: والله اجي اجيبك من شعرك ومش بعيد ببرنس الحمام كمان
حلا: ومين قالك اني هخرج من اوضتي بالبرنس علشان اخرج من باب البيت اساسا
آسيا بزعل: حلا ابوس ايديكي تعالي وبعدين انا كنت بقول لجميلة حلا هتيجي وتحضر كدة تخيبيلي ظني
حلا: ماهو بُصوا من الاخر لو حد بصلي بصة ااا اللي انتوا فهمتوه ده او لو حد حاول يفتح مواضيع الفرح مش هيبقى فرح والباقي عندكوا
جميلة: هنبقى نقول لمالك ويزن وهما هيتصرفوا
مايا ضحكت: ده على اساس حلا بتستنى حد يتصرف بتكسر عضمهم قبل اي حد
آسيا: بلييز يا حلول
حلا: هوووف طيب خلاص ربنا يسهل......محدش يسأل هلبس ايه لاني معرفش
روما: انا بقول تلبسي اسود
مايا: تؤ بتبقى جامدة اوي فيه
رقية ضحكت: جماعة خلاصة الكلام من الاخر اعترفوا ان حلا بتبقى مزة وطلقة في كل الالوان وبتبقى جاحدة في الطقم العادي فما بالك الفستان
البنات: معاكي حق
حلا انتفضت من مكانها من الخضة
روما ضحكت: اهدي احنا بنشكر في جمالك وانتي اتخضيتي
حلا وهي حاطة ايديها على قلبها: صوتكوا كان عالي وانا كنت سرحانة في حاجة فأتخضيت انا من يوم يومي بقول معرفتكوا معرفة هباب
عفاف: طب مش ناوية تفرحينا بيكي يا حلا
حلا: سيبيك مني قوليلي الاول انتي مش نفسك تفرحي بعروسة.....ق...قصدي فروسة
وضحكت والكل ضحك
فارس بغيظ: هيجي يوم وهقصلك لسانك من لغلوغه
حلا: ياخويا اتنيل لما تبقى تهزمني في الملاكمة تبقى تقصلي لساني
عفاف ابتسمت: والله انا معنديش مانع افرح بيه بس بشرط
حلا وفارس بقلق: ايه هو
عفاف ضحكت: لو مرات ابني هتكون رقية معنديش مانع
رقية ابتسمت والكل تنفس بإرتياح
حلا: لا لو عايزينها من دلوقتي خدوها
رقية ضربتها في كتفها
عفاف: رقية تعالي جنبي عايزة اتكلم معاكي شوية
رقية كانت متوترة وخايفة حلا رأتها وحست بكدة فحطت ايديها على كتف رقية
حلا بمرح: فوفا ديه مش هتلاقي زيها يا رقية حنينة وطيبة بطريقة لا تتخيليها وهي بالنسبالي مش مرات عمي لا امي التانية
عفاف ضحكت: بس علشان اغيظك رقية هتاخد كل الحب والحنية بدالك
حلا بدهشة: لحظة واحدة يعني لو انا اتجوزت هتحبي جوزي اكتر مني اخص عليكي يا فوفا اخص خديها ياختي واشبعوا ببعض
دفعت رقية تجاه عفاف ورقية كانت هتقع بس فارس مسكها من دراعها وبعدين خلاها تقعد مكانه بجوار امه واتجه لحلا
فارس بغيظ: براحة على البونية مش قدك
حلا بخبث: انت قصدك بونية ولا بونبونايا
فارس بتفكير: تصدقي معاكي حق
الكل ضحك ورقية كانت هتموت من الخجل
عفاف حضنت رقية: ملكوش دعوة ببنتي حبيبتي انت وهي خلوكوا في نفسكوا
حلا رفعت ايديها بإستسلام: انا معنديش مانع بس هو هيتجوزها ازاي ملهوش دعوة يعني ما تتكلم يا فارس بدل متطولش لا بلح الشام ولا عنب اليمن
فارس: امي حبيبت قلبي عمرها ما ضحي بإبنها
عفاف: هو انا مش هضحي بيك بس لو زعلتها ساعتها يا ويلك مني
حلا: عننننك سبيلي انا الطلعة ديه هخلي حياته اسود من سواد الليل وهطين عيشتك لو فكرت بس مجرد تفكير انك تجرحها في يوم من الايام هخليك تبحر البحور السبعة علشان توصلها بس
فارس: لا وعلى ايه هي تزعلني احسن بدل ما افارق الحياة
الكل ضحك
حلا: ايوة كدة اتعدل............ اه صح جميلة..... آسيا ابقوا اتصلوا بمالك ويزن يجوا يفطروا معانا بكرة علشان عايزاهم في موضوع مهم
جميلة بإستغراب: ايه هو
حلا: وانتي مالك موضوع خاص بيهم هما
حلا التفت لفهد ولوئي: فهد ولوئي وانتوا جهزولي نفسكوا. وغمزتلهم
مايا بإستغراب وعدم فهم: يجهزوا نفسهم لإيه
حلا: للجواز هيكون لإيه
فهد كان بيشرب عصير شرق وفضل يكح ولوئي كان بيشرب ماية بلعها بصعوبة وكان هيشرق لوئي وفهد نظروا لبعض ولقصي ولحلا وروما ومايا ومايا وروما اتصدموا
روما بصدمة: هو لوئي هيتجوز.... هيتجوز مين مجبليش سيرة عن الموضوع ده
لوئي: وحياتك انا ذات نفسي معرفش حلا بتتكلم عن ايه
فهد بصدمة: وانا كمان
حلا نظرت للشباب بقوة وهي بتجز على اسنانها: جرى ايه منك ليه انتوا نسيتوا انكوا بتحبوا بنتين
فهد ولوئي ابتسموا على ظن انها بتتكلم عن مايا وروما: اه
حلا: طيب وانا قررت اجوزكوا
مايا: احم وهما هيتجوزوا مين
حلا بتوتر: سؤال حلو بس ميخصكيش
مايا بغيظ: لا يخصني علشان اروح اهني وابارك العروسين وبعدين فهد بيكون صديقي مين البنت يا حلا ومتخلنيش اطلع جناني عليكي دلوقتي
حلا بتوتر: مين هي ضروري انك تعرفي
مايا بنرفزة: حلااااا...اقولك انا مش هعرف منك
التفت لفهد
مايا: مين البنت اللي انت معجب بيها وانا معنديش خبر
فهد: ان.......
قاطعته حلا بسرعة وتوتر: اسماء
الكل استغرب وحلا استغربت اللي قالته
حلا لنفسها: ياختااااي ودلوقتي هتسأل اسماء مين وانا ذات نفسي معرفش
مايا بإستغراب: اسماء مين
حلا نظرت لمايا بتوتر وتردد وخوف: هو....يعني......بصراحة...
قصي بسرعة: اسماء السكيرتيرة عندنا في الشركة سكيرتيرتي قبل حلا هي ديه فهد معجب بيها وبنفكر انا وحلا نجوزهم
حلا غمضت عنيها بإرتياح لانه قصي انقذها ولما فتحت عنيها نظرت له وهو غمزلها وهي ابتسمت
روما: ولوئي معجب بمين هو كمان
حلا بتعب من التوتر والضغط: على فكرة انتوا مش ملاحظين انكوا زودتوها معايا اوي وانا مش حمل الضغط ده كله
روما بإستغراب: بس انا سألتك سؤال بسيط مش بضغط عليكي مين البنت اللي لوئي هيتجوزها
حلا بعصبية: وانتوا مالكوا مش فتحت معاكوا موضوع امبارح وقولتولي مستحيل وفتحته قبل ما اسافر وقولتولي انتي بتخرفي ليه قاتلين نفسكوا وعايزين تعرفوا هما هيتجوزوا مين
روما نظرت لحلا بقوة وبهدوء: حلا....مين البنت اللي هيتجوزها لوئي ولا ديه قصة من تأليفك لاني عارفاكي زي ما عاملتي مع ناس ها واظن فهمتي قصدي
حلا بتوتر: ابدا مش تمثيلية ولا حاجة حتى تقدري تسألي انجلي او تيتا فاطمة
انجلي وفاطمة نظروا لها بإستغراب وهي نظرت لهم بنظرة ترجي
روما: الكلام ده صح يا تيتا فاطمة
فاطمة بتوتر وعدم فهم: ا....ا....اااه بس انا لسة عارفة دلوقتي من حلا لوئي مجبليش سيرة عن الموضوع
حلا: هو معجب بساندي
لوئي نظر لها بصدمة واستغراب والكل كذلك
انجلي: ساندي مين
حلا: بنت خالتكوا اللي عايشة معاكوا في البيت
روما حطت ايديها على كتف حلا اليسار وضغطت بقوة: وانتي عرفتي منين
حلا بوجع: عرفت من لوئي وبعدين....
حلا مسكت ايد روما ونزلتها
حلا: انا بقول تروحوا تجيبولنا الايس كريم اللي في الفريزر...وانتي يا مايا روحي ساعديها
جميلة وآسيا: واحنا هنيجي معاكوا
البنات اتجهوا للمطبخ
رقية: طب انا كمان هروح اساعدهم عن اذنكوا
رقية ذهبت خلف البنات وحلا نظرت لهم الى ان تأكدت انهم دخلوا المطبخ
لوئي بنرفزة: يعني انتي ملقيتيش من بين بنات العالم كلها غير ساندي
فهد بغضب: لا واسماء سكيرتيرة قصي السابقة
حلا بغضب: الله عليكوا كل اللي فارق معاكوا الاسماء ومش فارق معاكوا ان كتفي كان هيتخلع بسبب حبيبتك روما
فارس: هي عملت ايه
حلا: شكلها اتغاظت فضغطت على كتفي اليسار بعزم قوتها لدرجة ان كنت حاسة روحي بتتسحب مني ومش قادرة اخد نفس بسبب ان قلبي وجعني
فهد: يعني انتي من بين الافكار كلها ملقيتيش غير فكرة الجواز
حلا: اولا انتوا شوفتوا وشهم عامل ازاي لا يفسر ومتغاظين وهيموتوا يعني غيرانين ثانيا لما هيحسوا انهم هيخسروكوا قلبهم هيوجعهم وساعتها بس هيعرفوا انهم بيحبوا بصوا انا اللي عليا عملته علشان عيد الحب الاسبوع اللي جاي واظن انكوا عايزين تفاجئوهم في يوم زي ده صح ولا انا غلطانة
فهد ولوئي معا: صح
حلا ابتسمت: حلو يبقى سيبوا الموضوع عليا ولو عرفتوا تقولوا اي حاجة تدايقهم يبقى عال العال
قصي: انا مع حلا في الفكرة
انجلي: وانا مش مهم البنات كدة كدة هما مش هيبقوا في الصورة صح يا حلا
حلا بإبتسامة واسعة: صح يا قلب حلا انتي كدة بدأتي تفهميني
لوئي بعدم فهم: ازاي يعني مش هيبقوا ظاهرين في الصورة
حلا: يعني مش هنجوزكوا بجد ونمثل بجد ديه مجرد حجة او كذبة علشان نثير غيرتهم بسسس فيه مشكلة
قصي بإستغراب: ايه هي
حلا: لو مايا جت الشركة فهد هيضطر يمثل انه معجب بأسماء وكذلك لو روما جت البيت عندكوا لوئي هيضطر يمثل على روما
لوئي وفهد: لااااا مستحيل
حلا: افهموا مش هتمثلوا يعني هيبقى قدامكم البنات وبتحبوا فيهم وتتغزلوا فيهم لا يعني مثلا لنفترض ان الموقف ده معايا انا وقصي بس قصي بيمثل عليا وقالي انه معجب مثلا برقية هل رقية حاليا معانا
الكل: لا
حلا: حلو انا روحت لقصي فقصي يبتدي يشتغل على الوتر الحساس مثلا زي يخترع كذبة ويقولي انهم اتعشوا امبارح ورقية كانت طالعة جميلة جدا وانها خطفت قلبه او مثلا انه معرفش ينام طول الليل لانه كان سهران بيتكلم مع حبيبت القلب كدة يعني
قصي وهو ينظر لحلا بحب: يا ريت والله
حلا: اسكت انت وممكن مثلا لو انا وهو مثلا قاعدين في كافيه او بنتمشى يعمل نفسه بيتكلم في التليفون مع حبيبته ويبتدي يقول كلام حب وغزل اظن كدة محدش عندوا اعتراض واي خدعة عدوا الجمايل اديتكوا كمان افكار واهو بالطريقة ديه هيبقوا برا الصورة
في نفس الوقت في المطبخ مايا وروما دخلوا متنرفزين وهيموتوا من الغيظ
روما بغيظ: افهم بس هو شاف ايه عدل في ساندي ديه
مايا بغيظ: لا والاهم ايه اللي عجبه في أسماء
جميلة ابتسمت: بس انتوا ايه اللي مدايقكوا في الموضوع
آسيا: لا تكونوا بتحبوهم
مايا: حب ايه انتي كمان
روما: لا مش بحب لوئي يعني عادي اصدقاء بس ساندي مش من مقامه يعني متستاهلهوش هو يستاهل بنت احسن منها
رقية: طب ما يمكن هي حبيته واتغيرت وبقيت احسن وبعدين كل واحد حر في حياته الشخصية ودلوقتي خلونا نحضر الكاسات يلا. البنات حضروا الكاسات وصبوا الايس كريم فيها وخرجوا وسمعوا حلا وهي بتقول واهو بالطريقة ديه هيبقوا برا الصورة
روما بإستغراب: مين دول اللي هيبقوا برا الصورة
حلا انتفضت من مكانها ووضعت يدها على قلبها بفزع: بسم الله الرحمن الرحيم
روما رفعت احد حاجبيها وبغيظ: ايه شوفتي عفريت
حلا: فيه حد يتكلم كدة قولي احم ولا دستور حتى علشان نعرف انكوا جيتوا
مايا: تمام بس مقولتيش يعني هو ايه اللي هيبقى برا الصورة
حلا: طب اولا حطي الصينية وبعدين نتكلم
مايا وروما حطوا الصواني ورجعوا لحلا
روما: ها سمعينك
حلا بتوتر: البنات هما اللي هيبقوا برا الصورة
مايا بإستغراب: بنات مين
حلا: مايا وساندي مين غيرهم يعني
روما: وقصدك ايه بإنهم يبقوا برا الصورة
حلا بتوتر: احم....هو...يعني....بصراحة لوئي وفهد ناويين يعملولهم مفاجأة في عيد الحب.قالتها بسرعة
مايا: ممكن اعرف ايه هي المفاجأة
حلا بتوتر: قصي انا بقول انا وانت نتجوز انهاردة واتنقل على بيتك احسن لاني مأظنش هيكون فيه امل اننا نتجوز بعد كدة لانك هتحضر جنازتي قريب
الكل ضحك ماعدا روما ومايا
مايا بنرفزة: حلااااا...انا سألتك سؤال جاوبي عليه وسيبيك من حبيب القلب دلوقتي
حلا بعصبية ونرفزة: ما خلاااااص بقى
الكل اتفزع لان حلا صوتها عِلي جدا
حلا بغضب: نازليين معايا تحقيق انتي وهي زي ما اكون انا اللي قولتلهم روحوا اتجوزوا وميجيبوش سيرة عن الموضوع ليكوا وشوية وهتاكلوني وتفترسوني زي ما اكون انا اللي هتجوزهم وهو انا مال اهلي ما تولعوا انتوا الاربعة كاتكوا الهم
روما بهدوء وخوف: كل ده علشان سألناكي سؤال واحد
حلا بغيظ ونرفزة: والله سؤال واحد يا مفترية ولا عشر اسئلة مين وامتى وفين ده ناقص اقولكوا هيعملوا ايه اول ليلة فرح ليهم او تسألوني هيعملوا ايه مستقبليا مع بعض
الكل ضحك
فهد بإبتسامة: مش للدرجادي يا حلا
لوئي بإبتسامة: براحة على البنات يا حلا
حلا بغيظ ونرفزة: ممكن تخرسوا ومسمعش صوت مخلوق لان كل ده بسببكوا ده انتوا كرهتوني في الحب على اللي بيحبوا
مايا: حلا.....
قاطعتها حلا بغيظ ونرفزة: عايزين تعرفوا اي استفسار فهد ولوئي عندكم فيه حد قالكوا انهم موكليني محامية او اني اتكلم عن امور بتخصهم
فهد بقلق وتوتر: بس احنا كنا لسة بناقش الموضوع انا حتى نسيت المفاجأة هي كانت ايه يا حلا
حلا نظرت له بغيظ: تحب اقولك كمان المفروض تتعامل معاها ازاي لما تتجوزوا
قصي ضحك: انا بقول تقوليلي انا اتعامل معاكي ازاي لما نتجوز
حلا: لا يا حبيبي انت مش محتاج اللي يقولك لانك دارس ومتعلم على مستوى عالي في المواضيع ديه فانت المفروض تعلمهم
قصي: لحظة واحدة عيدي كدة انتي قولتي ايه
حلا بإستغراب: قولت انك مش محتاج ودارس و.....
قاطعها قصي: لالا اللي قبليها
حلا بإستغراب: قولت لا
قصي: اللي بعديها
حلا: يا قصي
قصي بغيظ: لا قولتي حاجة تانية
حلا: بجد قولت ايه
قصي: انسي ولا حاجة
مايا همست في ودنها: ارحمي الواد وبطلي استعباط
حلا: تؤ هقولهاله بس مش قدام الكل لانه هيكون عايز يسمعها اكتر من مرة انا عارفاه كويس
لوئي: بصراحة بخصوص المفاجأة قررنا نعترف بحبنا للبنات ونطلب ايديهم للجواز
حلا: ممكن ازغرط لان اخيرا حد فهم انا اقصد ايه
قصي: هو انتي بتعرفي تزغرطي
آسيا: بسم الله ماشاء الله من غير حسد بتعرف تعمل كل حاجة
فارس: اه حلا فاكريني اكلمك في موضوع مهم
حلا: موضوع ايه
فارس: لما نبقى لوحدينا هبقى اقولك
حلا: تمام
قعدوا يهزروا شوية ويضحكوا
فهد بتعب: انا تعبت وهموت وانام حلا....
حلا: البيت بيتك واللي انت عايز تعمله اعمله من غير استئذان وانا هطلع انام لاني تعبانة جدا ومنمتش من امبارح
سمير: طب احنا هنام فين
اريان: احنا هندلكوا على الغرف قوموا يلا
فارس بخبث: حلا هي الغرفة اللي جنب غرفتك لسة فاضية
حلا بإستغراب: انا فيه غرفتين جنبي غرفة على الجهة اليمين وديه البنات بيناموا فيها اما اللي على الجهة اليسار فديه فاضية
فارس: خلاص يبقى ننام فيها انا وقصي
حلا بإستغراب: طب ما انت عندك البيت طويل عريض ومليان غرف وينفع حتى يتفتح فندق هتنام انت وقصي في غرفة واحدة ليه
فارس بخبث: علشان متعرفيش امتى الشيطان بيهمس
حلا فهمته: اولا محدش من الشباب بيدخل اوضتي واساسا مش عايزة لا شباب ولا بنات يدخلوا يصحوني عايزة انام لبكرة ولبعد بكرة كمان
محمد ضحك: سيب قصي يختار الغرفة اللي هيرتاح فيها وينام فيها
فارس: ما انا عارف انه هيرتاح اوي في الغرفة اللي جنب حلا
ادم: اساسا هي ديه الغرفة اللي هو كان بيبات فيها لما كانوا بيجوا يباتوا معانا كان بينام في الغرفة اللي بجوار غرفة حلا صح يا حلا ولا انا غلطان
حلا: اه صح
اريان: فارس سيب قصي على راحتوا ومتكبسش على نفسه كفاية عليه حلا وكدة كدة مأظنش حلا هتفتحله الباب اساسا ده هي اعترفتله كدة صدفة
قصي: اه صح اعترفت بس اعترفت بالحقيقة بس مأعترفتش باللي انا عايزها تعترف بيه
حلا: اعترفت على فكرة
قصي: بس بأسلوب غير مباشر
حلا: بس انت فهمت قصدي
قصي ابتسم: بس مسمعتش الكلمة اللي المفروض اسمعها من عشر سنين
حلا بإستفزاز: مليش مزاج اقولها
جاسر: حراام عليكي الواد ريقه نشف مستخسرة فيه كلمة من اربع حروف
حلا بغيظ: بقولكوا ايه انا طالعة انام لان دماغي وجعاني ومش ناقصة وجع تصبحوا على خير
الكل: تلاقي الخير
حلا طلعت على غرفتها
محمد: سيبوها على راحتها وكدة كدة قصي مش هيسيبها غير لما تقولها بس هيخليها تعترف بطريقته هو صح ولا انا غلطان
قصي ابتسم: صح
ادم: تقدر تنام في الغرفة بتاعتك يا قصي بس بلاش تسمع كلام شوشو علشان احنا منشويش لحمك ونتغدا عليه بكرة
قصي ضحك: حاضر وبعدين انتوا عارفين مستحيل ادخل عليها الغرفة نهائي
محمد: طيب يلا بقى اطلعوا ناموا شكلكوا تعبان اوي وانا كمان هطلع انام
الكل طلع ينام بغرفته البعض عرفوا يناموا وعشاقنا معرفوش ادم واريان فضلوا يفكروا بآسيا وجميلة وكانوا خايفين انهم يخسروهم فهد ولوئي كانوا بيفكروا في روما ومايا وازاي هيخلوهم يغيروا عليهم مايا وروما كانوا بيفكروا في فهد ولوئي وهل هما فعلا ممكن يتجوزوا ولا ديه تمثيلية ولا ايه وكانوا مشوشين جدا وطبعا قصي معرفش ينام فضل يفكر في كلام حلا ومكنش مصدق اللي حصل
قصي: امتى بقى تبقي مراتي وملكي وربنا ما هسيبك لحظة ولا هخليكي تبعدي عن حضن اميرك يا اميرتي. وابتسم وفضل يتمشى في الغرفة
في غرفة حلا فضلت تفكر في كلام عمرو وتهديداته وكانت خايفة على قصي جدا الى ان قطع تفكيرها رنين هاتفها فردت
حلا: السلام عليكم خير يا فادي
فادي: وعليكم السلام معلش يا حلا اني بتصل بيكي في الوقت ده
حلا: لا عادي ولا يهمك وبعدين مش انت الوحيد اللي بتتصل بيا الساعة 2 بليل عموما خير فيه مشكلة
فادي: بصراحة اه ممكن تيجي على المركز ضروري
حلا: يعني الموضوع ميتأجلش للصبح
فادي: للاسف لا انا عارف انك تعبانة بس مفيش حل لازم تيجي لانها ممكن تتحول لمصيبة
حلا: طيب نص ساعة وهكون عندك بإذن الله سلام
قفلت مع فادي وقامت اخذت شاور وارتدت بنطلون جينز ابيض وشميز وردي ودخلته في البنطلون وبليزر اسود وبوط باللون الاسود طوله لبعد الكعب وبكعب وسط وعملت شعرها سمبولة وجابته على احد كتفيها وارتدت ساعتها ووضعت من البرفيوم الهادي واخذت مفاتيح البيت والسيارة وتليفونها ونظارتها الشمسية وخرجت من غرفتها وفي نفس الوقت قصي خرج من غرفته بس حلا لم تأخذ بالها منه لانها كانت تعطيه ظهرها
قصي بإستغراب وصوت واطي: حلا
حلا التفت له: انت ايه اللي مصحيك لحد دلوقتي
قصي: معرفتش انام بس انتي لابسة ورايحة فين
حلا كانت هترد بس رجعت عن قرارها وقررت تستفزه
حلا بإستفزاز: وانت بتسألني ليه
قصي رفع احد حاجبيه وبغيظ: لاني شايفك متشيكة وبعد نص الليل فممكن افهم رايحة فين يا هانم
حلا: لا مش ممكن بأي حق عايز تعرف انا رايحة فين
قصي كان هيرد بس محمد خرج من غرفته ورأى حلا
حلا بزعل: احنا صحيناك انا اسفة يا عمي
محمد: لا يا حبيبتي انا منمتش اساسا فقولت اخرج اتمشى شوية في الحديقة بس فيه ايه كنتوا بتتخانقوا ليه
قصي بغيظ: بسألها رايحة فين في وقت زي ده بس هي مش راضية تجاوبني
محمد: وبتسألها بصفتك ايه
حلا ابتسمت: سمعت ولا
قصي نظر لمحمد بمعنى ليه كدة
محمد ضحك: انا كنت بهزر مش اكتر
تليفون حلا رن
حلا: اسفة لحظة واحدة
حلا ردت: الو ايه يا فادي
فادي بقلق وخوف: ممكن تيجي بسرعة لان المشكلة بقيت مصيبة
حلا: طيب انا في الطريق سلام
حلا قفلت معاه ونظرت لمحمد وقصي بإستعجال
حلا: انا لازم امشي انا هروح على المركز طلبني في شغل مهم
محمد: طيب يا حبيبتي الله يكون في عونك
حلا ابتسمت: سلام
حلا نزلت ولم تعطي لقصي فرصة انه يتكلم حلا نزلت كام درجة وبعدين وقفت ونظرت بجانب وجهها ناحية قصي بس كانت تعطيه ظهرها
حلا: انا معرفش امتى هرجع البيت واحتمال اتأخر او اجي تاني يوم بليل فمحدش يستناني لا على فطار ولا غدا ومحدش يقلق لو لاقيته تليفوني مقفول...سلام
حلا نزلت وخرجت من البيت وركبت سيارتها وانطلقت للمركز قصي ابتسم لانه عرف انها بتفهمه من نظرة وبتحس بيه لانه كان هيسألها هترجع امتى بس هي جاوبته من غير ما يسألها علشان ميقلقش عليها
محمد ربط على كتف قصي: نصيحة مني انت هتعاني معاها لحد اما تتجوزوا لانها مش هتسمحلك تقرب سنتي منها الا لما تكون جوزها ويكون ده حقك شرعا وقانونا
قصي ابتسم: عارف بس مستني الوقت المناسب علشان اعرض عليها الجواز
محمد ابتسم: قصدك عيد الحب صح
قصي ابتسم: اه
محمد: بس لازم ناخد موافقة ولي امرها ولازم نقوله على اللي حصل انهاردة
قصي: اه صح انا تاه عن بالي خالص واكيد باله مشغول علينا تعالى ننزل الحديقة ونكلمه تحت
محمد: يلا
نزلوا واتصلوا بيحي وقصي حكاله اللي حصل
يحي: بتهزر ديه اكيد مش حلا تلاقيها اتلبست ولا حاجة
محمد ضحك: والله احنا قولنا كدة بس لا كانت في كامل وعيها وفاكرة ايه اللي حصل وايه اللي قالته
يحي بسعادة: طب الحمد لله ريحتوني انت ناوي تعمل ايه يا قصي دلوقتي
قصي: والله ناوي اعمل حاجات كتير بس الموضوع واقف عليك
يحي: لو على موافقتي انا موافق
قصي بإستغراب: موافق على ايه
يحي: على انك تتجوزها
قصي: اااه ماشي بس مش ده اللي اقصده يعني الجواز مينفعش يتم من غيرك وحلا متعرفش لسة انك عايش ممكن افهم واعرف ناوي تقولها امتى مادام قولت لروما قولها هي كمان حرام انت مشوفتش الوجع ولا الحزن اللي بيبقى في عنيها لما تفتكركوا وهي دايما بتفكر فيكوا
يحي بحزن: عارف بس مستني الوقت المناسب
قصي: طيب انا كنت ناوي اعترفلها يوم عيد الحب واخطبها كمان ايه رأيك قولت ايه
يحي: ماشي يا قصي بس اوعى تزعلها او تجرحها
قصي ابتسم: حاضر بس مش هتكون عايز تشوف بنتك في يوم زي ده
يحي: ابقى ابعتلي العنوان اللي هتروحوا عليه وانا هتصرف
قصي: حاضر هشوف واقولك
يحي: الا قولولي ادم واريان وجاسر عاملين ايه
محمد: هما تمام ومش تمام
يحي بعدم فهم وإستغراب: ازاي يعني
محمد: يعني جاسر تمام وعال العال اريان وادم بيحبوا بس مش عارفين وحلا تعبت من محاولة اقناعهم
يحي ضحك: ومستحيل يقتنعوا
قصي: وروما ومايا نفس النظام
يحي: ده على كدة حلا هتعاني كتير مع الاربعة دول
محمد: هي مش هتعاني لانها بتعاني اساسا اصل هي علشان تقنعهم عملت تمثيلية عليهم هما الاربعة
يحي: لا الموضوع يتحكيلي
محمد: بُص اريان بيحب سكيرتيرته آسيا انت عارفها بنت وليد ولميس وادم بيحب سكيرتيرته جميلة بنت عماد صديق وليد المهم حلا كذبت عليهم وقالتلهم ان جميلة وآسيا هيتخطبوا ومين اللي في التمثيلية يزن اخو آسيا ومالك بن خالة جميلة واخوها بالرضاعة فبيمثلوا انهم عايشين قصة حب وهيتجوزوا قريب اما نشوف اخرتها ايه
يحي بحزن: يا حبيبتي يا بنتي هي اللي بتخطط علشان تفهم شوية حمير وعلى الله يفهموا بعد كل ده طب روما ومايا بيحبوا مين
قصي: انت ديه مش هتصدقها بقى
يحي: ليه
قصي: بصراحة احنا عيلة الشناوي عيلة طماعة شوية فقررنا بدل ما ناخد حلا بس فقولنا هناخد روما ومايا كهدية مع حلا
يحي ضحك: معنى كلامك انهم بيحبوا حد من عيلتكوا مين
قصي ابتسم: مايا بتحب فهد بن عمي وروما بتحب لوئي اخويا
يحي: طب انتوا مش ناويين تاخدوني انا ومراتي فوق البيعة بالمرة
قصي ومحمد ضحكوا
قصي: بس كدة ده احنا نشيلك من على الارض شيل انت وطنط مها
يحي: طب يلا توكلنا على الله بس هما يعرفوا ولا زي الخيبة التقيلة
قصي: زي الخيبة التقيلة حتى حلا انهاردة عملت عليهم تمثيلية وكان قلبها هيقف من كتر الخوف والتوتر بسببهم
يحي: ايه اللي حصل
قصي: اسمع يا سيدي هو............
فضلوا يتكلموا ويهزروا لوش الصبح واما حلا خلصت المشكلة ورجعت الصبح على البيت
في بيت حلا الساعة 5 صباحا قصي ومحمد كانوا يجلسون بالصالون فعفاف والشباب والبنات نزلوا
محمد بإستغراب: مش من عوايدكوا انكوا تصحوا بدري وخصوصي لو نايمين متأخر
روما: انا معرفتش انام
مايا: وانا كمان
رقية: انا قولت هعمل شوية رياضة وبعدين هطلع اكمل نوم
آسيا: وانا معرفتش انام بسبب يزن فضل يكلمني طول الليل فهعمل رياضة وبعدين اطلع انام
جميلة: وانا نفس النظام بسبب مالك
محمد: وانتوا يا شباب
سمير: انا وكمال وفارس هنعمل رياضة وبعدين يا اما هنروح على الشغل او هناخدها اجازة
فهد: وانا معرفتش انام
لوئي: وانا كمان
قصي بخبث: ليه كنتوا بتفكروا في حبيبت القلب
فهد ابتسم: تقدر تقول حاجة زي كدة
جاسر: وانا قايم اعمل رياضة وبعدين هروح على المركز علشان عندي شغل
محمد: لو الشغل يتأجل خد انهاردة اجازة وريح لان شكلك تعبان
حلا دخلت الصالون لاقيت الكل متجمع وسمعت جاسر ومحمد
حلا: جاسر يا حبيبي انت انهاردة اجازة وهتريح
جاسر: لو هينفع كنت قعدت بس فيه شغل عليا كتير
حلا ابتسمت: لا ينفع لان انا خلصتلك شغلك واول مهمة عندك بكرة والمخطط وتوزيع الفريق والمكان وكل حاجة في الملف
جاسر بدهشة: لحقيتي تعمليهم امتى
حلا: ابدا فادي اتصل بيا الساعة 2 وقالي انزل المركز ضروري علشان فيه مصيبة فانا حليت المصيبة وعرفت من فادي انك بقالك كذا يوم مطحون شغل فدخلت مكتبك وشوفت الملفات وحليلتها وكل حاجة متظبطة على التنفيذ بس انت ريح جسمك ونفسك انهاردة علشان تبقى فايق لمهمتك بكرة
جاسر عانقها وقبل رأسها وخدها: انتي احلى واروع اخت في الدنيا ربنا يخليكي ليا ومتحرمش منك ابدا
حلا: لا اطمن مش هتتحرم قاعدة على قلبك وكاتمة على نفسك
جاسر ضحك: بس كدة سندريلا تنور قلبي وحياتي ودنيتي
حلا: على فكرة مفيش راجل على وش الارض يعرف ياكل بعقلي حلاوة فمتحاولش علشان هتفشل
اريان: طب بما انه الكل صاحي ايه رأيكوا كلنا نطلع نعمل رياضة
جاسر: فكرة روعة
ادم: ايه رأيك يا قصي
قصي: والله انا كنت ناوي اطلع انام لاني منمتش بقالي يومين بس معنديش مانع اعمل رياضة وبعدين اما ارجع انام
سمير: ايه رأيك يا حلول
حلا: لا انا طلعوني من حسابتكوا لاني ميتة تعب وجعانة نوم فانا وش على السرير ومش بعيد انام بهدومي
عفاف: حلا روحي اعملي رياضة معاهم مش هتخسري حاجة وانا هحضر الفطار لحد ما ترجعوا وكدة كدة مش هخليكي تنامي من غير ما تاكلي ولو نمتي هصحيكي
حلا بتفكير: طيب ماشي اصلا بقالي فترة معملتش رياضة هطلع اغير هدومي عن اذنكوا
حلا طلعت غيرت وقصي كمان وعفاف ذهبت لتحضر الفطار حلا وقصي نزلوا مع بعض
مايا: حلا هنروح فين
حلا: انا كنت ناوية اروح النادي اللي جنبنا اجري فيه فشوفوا
اريان: خلاص كلنا هنروح لهناك يلا
الشباب والبنات ذهبوا كل واحد كان ماشي جنب حبيبته قصي جنب حلا وادم جنب جميلة واريان جنب آسيا ومايا جنب فهد وروما جنب لوئي وفارس ورقية مع بعض اما سمير وكمال وجاسر وشاهر فكانوا ماشيين مع بعض
قصي: حلا هو انتي هيبقى عندك اي مخططات يوم عيد الحب
حلا: هو لحد دلوقتي لا ماعدا حاجة واحدة
قصي: ايه هي
حلا: بفكر اقلب التمثيلية جد شوية بمعنى هقول لادم واريان ان جميلة وآسيا هيتجوزوا في اليوم ده وهيكتبوا كتب كتابهم والفرح هيعملوه مثلا بعديها بيومين واما بخصوص روما ومايا فهضغط عليهم شوية وممكن اقولهم نفس الكلام وناوية احجز مكان لفارس ورقية وللشباب علشان يعترفوا بحبهم بس لسة ملقيتش المكان ايه رأيك تساعدني في الموضوع ده وخصوصي الشباب لاني بجد تعبت من محاولة اقناعهم وشوية وهرفع راية الاستسلام قدام جبروتهم
قصي ضحك: طبعا هساعدك يا روحي مش هسيبيك لوحدك واما بخصوص حجز المكان فإيه رأيك تسيبيه عليا
حلا: موافقة يبقى انت كدة ريحتني من هم كبير
قصي بحب: وهو انا موجود ليه علشان اريح حبيبتي ومراتي وام عيالي مستقبليا
حلا بخجل: احم طب انا بقول تنقطني بسكاتك احسن
قصي ضحك: مأوعدكيش بس المهم هو انتي مخلصة شغل ولا هيجي في اليوم ده ويبقى عندك شغل
حلا: ماهو ده اللي انا خايفة منه لاني عايزة اكون مع الشباب والبنات بس لو طلعلي شغل مش هعرف بس المهم انهم يقتنعوا بس انت ليه بتسألني اذا كنت هبقى فاضية ولا لا
قصي: ابدا عادي بس كنت ناوي نخرج مع بعض بس بما انه فيه موضوع العشاق المستحيلين فوماله نفضالهم
حلا: خلاص نخلص منهم ونخرج بس انت ادعي انه ميطلعليش شغل ويبقى كدة تمام
قصي: حاضر وهدعي انك تكوني من نصيبي قريب جدا
حلا ابتسمت بخجل: هو انت لازم كل ثانية تقول كلام بيكسف
قصي: وهو انا قولت حاجة عيب ولا حرام بقول نصيبي يعني مراتي وملكي انا وبس ومن حقي
حلا خجلت بشدة
قصي ضحك: مش ذنبي انك بتخجلي من حاجة بسيطة زي كدة
حلا: ده على اساس انك مش عارف معنى كلامك ايه
قصي بحب: عارف وعلشان كدة بقوله لانه بيبقى شكلك حلو جدا لما تخجلي بس بيبقى احلى لما تكوني متنرفزة او غيرانة
الكل وصل للنادي ودخلوا
مايا: ايه رأيكوا نعمل سباق
حلا: لا مع نفسكوا
فهد: ليه خايفة انك تخسري
حلا: انا في حياتي كلها ما خسرتش قدام حد دايما بكسب بس انا عندي برنامج معين ومش هفسده علشان سيادتك
شاهر: حلا بلاش تفتري اوي على نفسك في التمارين علشان قلبك
لوئي: انت بتتكلم عن حلا يابني ديه مفيش حد اتحداها وطلع كسبان من التحدي
قصي: ياااه للدرجادي
فارس: واكتر اتحداها ملاكمة او مصارعة او سباق سيارات او درجات نارية او جري او سباق خيل هتهزمك
مايا: حتى ممكن المبارزة بالسيف او الرمح هتغلبك برضه
فهد: انتوا مش ملاحظين انكوا مأفورينها شوية.......انا بتحدى حلا في سباق جري خمس لفات قولتي ايه يا حلا
حلا بسخرية: انت بتهزر معايا خمسة بس
فهد: ايه خوفتي
حلا بتحدي وثقة: تؤ انا مبخفش غير من اللي خلقني وخلقك وبعدين انا بلف في اليوم حوالي 25 لفة وبحاول ازود فانت خمس لفات بالنسبالي مش قصة خمس دقايق واهزمك عادي يعني
فهد: طب خلينا نشوف
حلا وفهد استعدوا وبدأوا جري وفعلا حلا هزمت فهد وسبقته
حلا: لسة ناوي تتحداني في حاجة تاني
فهد وهو يأخذ نفسه بصعوبة: كفارة مستحيل
حلا ضحكت: علشان تحرم بعد كدة
قصي: انا وحلا هندخل سباق
حلا نظرت له بصدمة: افندم
قصي وقف قصادها وبتحدي: زي ما سمعتي وانتي تقدري تحطي عدد اللفات اللي انتي عايزاها
جاسر: انا بقول نخليهم سبعة
قصي: موافق
حلا بإنزعاج: هو انتوا جايين تلعبوا ولا ايه
قصي ابتسم: والله اللي اعرفه انه سباق ومنه رياضة ومنه بنتسلى
روما بسعادة: بس بجد انا في حيرة مين اللي هيفوز يا ترى الحبيب ولا الحبيبة
حلا بنرفزة: لا حبيب ولا حبيبة انا هروح اعمل رياضة وانتوا خليكوا بتتسلوا
قصي: ليه خايفة انك تخسري إكمني كنت بهزمك وانتي صغيرة
جاسر: اه بالمناسبة يعني انت كنت بتقدر تهزم حلا بس لما احنا الثلاث شباب لما كنا ندخل سباق مع حلا كانت بتهزمنا
حلا بتوتر: عادي بتحصل
قصي انخفض على ودن حلا وهمس: عادي بتحصل ولا انتي كنتي بتتقصدي تخليني افوز مع انك كنتي تقدري تهزميني
حلا نظرت له بصدمة وكان قصي قريب جدا من وجهها فسرحت في عيونه وهو كذلك
فارس بخبث: قصي انت قولت لحلا ايه في ودنها
حلا وقصي استيقظوا من شرودهم وبعدوا عن بعض
قصي بإستفزاز: اظن انه شئ ميخصكش
حلا لقصي: يعني انت كنت عارف وفاهم ومع ذلك لسة بتتحداني
قصي ابتسم: اه عارف بس الغريب ليه بتعملي كدة
حلا بإستفزاز: شئ ميخصكش ولو الزمن يرجع تاني هتصرف نفس التصرف علشان تكون عارف
قصي ضحك: طيب ليه مش عايزانا نتسابق لا تكوني خايفة انك تخسري قدامي
حلا: هو انتوا ليه كل حاجة بتحللوها على انها خوف
لوئي: لو انتي مش خايفة يبقى لازم تقبلي التحدي مع قصي
حلا بضجر: ماشي موافقة
قصي ابتسم: متعمليش زي زمان ها
حلا نظرت له ولم تتكلم وبدأوا السباق وحلا كانت هتفوز بس في اخر دقيقة سرعتها انخفضت فقصي هو اللي فاز قصي استغرب من تصرفها
مايا بحزن: انتي مش كنتي هتفوزي ايه اللي خلاكي تبطئي سرعتك في اخر دقيقة
قصي: اه ده اسمه غش ومينفعش والسباق هيتعاد تاني ولو التصرف اتكرر تاني هنعيده عادي احنا فاضيين ومش ورانا حاجة
حلا وهي تلتقط انفاسها: قلبي وجعني وحسيت اني مش قادرة اخد نفس فسرعتي انخفضت غصب عني مش بإيدي
قصي بعدم اقتناع: نفسي اصدقك بس مش مقتنع يعني قلبك وجعك في سباقي انا وانتي وموجعكيش في سباقك مع فهد
شاهر: عادي يا قصي بتحصل
قصي: ماشي هعديها
روما بقلق: طب انتي حاسة بإيه دلوقتي
حلا: احسن متقلقوش شوية وهبقى كويسة
لوئي: ايه رأيكوا كلنا نعمل سباق مع بعض بصراحة الفكرة عجبتني اوي
روما بقلق: طب روحوا انتوا وانا هفضل مع حلا
قصي: لا انتي روحي انا هفضل معاها
حلا: لا انت ولا هي انا كويسة وبقيت احسن مش هيحصلي حاجة لاني واخدة المخدر ومفعوله لسة مأنتهاش فالموضوع يطمن شوية الحمد لله انتوا بقى روحوا يلا اعملوا رياضة وانا شوية وهقوم اجري شوية كمان وبعدين نرجع على البيت
قصي وروما معا: متأكدة
حلا نظرت لهم وضحكت وقصي وروما نظروا لبعض وابتسموا
حلا: اه تقدروا تروحوا
قصي: انا ه.....
قاطعته حلا: انا كويسة تقدروا تعملوا رياضة روحوا يلا
قصي: قولي والله كدة
حلا ضحكت: وحياتك انت انا كويسة حلو كدة
مايا: بس طالاما هي حلفت بحياتك يبقى هي عال العال يلا خلونا نروح
روما: حلا لو عوزتي حاجة ابقي رنيلي تليفوني معايا
حلا: ماشي
الكل ذهبوا للجري وحلا بعد شوية قامت تجري هي كمان بس في مكان غير المكان اللي الشباب بيجروا فيه فحلا وهي بتجري في شابين رأوها واعجبوا بها
الشاب: واد يا محمود شايف البنت اللي بتجري هناك ديه شكلها مزة اوي
محمود: اه والله مزة يعني معظم البنات بيحطوا ميكاب وبيدهنوا وشهم حاجات غريبة كدة علشان يبقوا حلوين بس ديه شكلها مش حاطة حاجة وبالجمال ده يالهوي......بقولك ايه يا واد يا عمر ما تيجي نحاول نتعرف على القمر ده
عمر ابتسم: تعالى يلا
محمود وعمر ركضوا تجاه حلا حلا كانت تركض وتضع الهاند في اذنها وبتسمع اغاني وهي بتركض بعدين حسيت ان فيه حد وراها ظلت تركض ولكن لم تنظر خلفها ونزلت الهاند على رقبتها
محمود وهو بيركض خلف حلا: هنعمل ايه دلوقتي يعني هنفتح موضوع معاها ازاي
عمر بإبتسامة: سيب الموضوع عليا
حلا سمعتهم وكانت بتغلي من الغيظ والغضب عمر ركض بسرعة الى ان وصل لمستوى حلا
عمر: انا اسمي عمر ممكن نتعرف لو سمحتي يعني اسم القمر ايه
حلا: مليش مزاج واحسنلك تبعد عني بدل ما مترجعش لاهلك انهاردة
حلا زودت سرعتها وعمر استغرب من رد فعلها جدا ووقف محمود شافوا فوقف هو كمان
محمود بإستغراب: ايه قالتلك ايه
عمر بإعجاب: واثقة في نفسها اوي بقولها انا اسمي عمر ممكن نتعرف يعني القمر اسمه ايه لاقيتها بتقولي مليش مزاج واحسنلك تبعد عني بدل ما مترجعش لاهلك انهاردة
محمود: لا ديه مش ثقة ده غرور
عمر: بس عجبتني ومش هسيبها
عمر ركض ليلحق بحلا ومحمود ركض وراه والاتنين حاصروا حلا كل واحد من جهة وحلا في المنتصف وكانوا يركضوا
محمود: على فكرة احنا مش قصدنا حاجة يعني هنبقى اصدقاء بس
عمر: وبعدين شكلك واثقة في نفسك اوي
حلا وقفت وهما وقفوا بس قدام شوية والتفوا لحلا ووقفوا قصادها
عمر ابتسم: ايه شكل الجميل هيوافق
حلا: هو انتوا بصيتوا لنفسكوا في المراية واما بخصوص حوار اننا نبقى اصدقاء فانا عندي كتير ومش عايزة
عمر قدم خطوة تجاه حلا: ليه ده احنا حتى هنعجبك اوي. ومد ايده ليصافحها
عمر غمزلها: يلا بقى كدة كدة كل البنات بتعمل نفس الموضوع بيمثلوا انهم مش عايزين يتعرفوا بس هما عايزين يتعرفوا انا من رأيي تشيلي القناع اللي على وشك ده ونخلينا حبايب احسن
حلا نظرت له بغيظ: معاك حق لازم اوريك وشي الحقيقي
محمود ضحك: ايوة كدة
عمر ضحك: مش قولتلك
حلا ابتسمت ابتسامة صفراء ومدت ايديها في ايد الشاب والشاب ظن انها هتصافحه بس هي بحركة سريعة لفت دراعه وكسرته عمر صرخ محمود كان هيضرب حلا بالبوكس في وشها بس تفادت الضربة وضربته 3 بوكسات في وشه لدرجة ان عينه ازرقت وانفه وفمه نزف وضربته بالروسية في وشه فوقع ومكنش شايف قدامه وفضل ماسك راسه عمر اتصدم من اللي هي عملته وكان ينظر لها بصدمة وماسك دراعه وقاعد في الارض ولما هي لفتله ونظرت له هو رجع خطوتين لورا من الخوف
حلا بغضب: انا نصحتك بس مسمعتش مني استحمل بقى واه صح انا غير كل البنات لان الصنف الوسخ اللي زيكوا انا ادوس عليه برجلي ومش بعيد اخليه يندم على اليوم اللي انخلق فيه انا همشي وهسيبكوا بس لو لمحت خيالكوا بالصدفة بس ساعتها هدخلكوا العناية المركزة وهكون حريصة انكوا متخرجوش منها غير على الدفن
حلا سابته ومشيت وذهبت للحمام تغسل وشها من العرق وعلشان تهدى شوية علشان محدش يلاحظ انها متضايقة وانها حصل معاها حاجة
عند الشباب خلصوا جري وقعدوا على طرابيزة ياخدوا نفسهم ويشربوا ماية قصي كان بينظر في كذا مكان بقلق
فارس ضحك وبمرح: اهدى تلاقيها راحت تكمل جري
قصي نظر لفارس وبإستغراب: هي مين ديه
فارس: اللي عنيك بتدور عليها
قصي: خايف بس لحسن تكون تعبانة ولا حاجة
مايا ضحكت: متقلقش هي بتحب تجري لوحدها مع نفسها كدة شوية وهتلاقيها جت ولو تعبت اكيد اول شخص كانت هتتصل بيه انت او فارس او كانت هتتصل بأي حد اهدى
روما بصدمة: ايه ده
الكل نظر مكان ما روما بتنظر
مايا بقلق: في ايه يا بت خضتيني
روما: شايفة الشابين دول يظهر في حد ضاربهم
مايا نظرت للشباب بصدمة وقلق: فااارس ممكن تيجي شوية
فارس ذهب ووقف بجانب مايا وكان ينظر للشباب ايضا بخوف
مايا بقلق وهي تنظر للشباب: بتفكر في اللي انا بفكر فيه
فارس: اه وحاسس ان حلا اللي ورا الموضوع ده
روما: لالا حلا متضربش بالوحشية ديه ده واحد منهم شكل دراعه مكسور والتاني وشه متشلفت
مايا ضحكت والكل انتبه ليهم وفارس كمان فضل يضحك
قصي بإستغراب: مالكوا في ايه بتضحكوا كدة ليه
فارس وهو بيضحك: ه....همووووتت......مش....قادر
مايا: حبيبتي انتي على نياتك حلا تعمل اسوأ من كدة يعني احمدي ربك انهم لسة بيتنفسوا او يقدروا يمشوا على رجليهم
روما بصدمة: لالا حلا مستحيل تعمل كدة مستحيل تضرب بالوحشية ديه
فارس بإبتسامة: هي مستحيل تضرب بالوحشية ديه الا اذا كانوا محتاجين تربية من اول وجديد
مايا بإبتسامة: بس انا مش شايفة حلا
روما: تلاقيها في الحمام ولا بتجري
قصي وهو ينظر خلف روما بالصدفة رأى حلا تتجه ناحيهم وكانت بتتكلم في التليفون
قصي: حلا اهي
الكل نظر اتجاه حلا
حلا: ماشي يا فادي شكرا سلام
حلا قفلت التليفون وقعدت ومسكت زجاجة المياه الخاصة بها وشربت ونظرت للكل لاقيتهم ينظروا لها
حلا بإستغراب: مالكوا بتبصولي كدة ليه
فارس قعد على طرف الطرابيزة قصاد حلا
فارس: حلا قولي بصراحة انتي اتخانقتي مع حد
حلا بلا مبالاة: وبتسأل ليه
فارس ابتسم: يبقى اتخانقتي مع حد وعلى اخرك مادام وشك عامل كدة ومبيتفسرش
حلا سكتت ولم ترد فمايا حاوطت رقبتها من الخلف وعانقتها
مايا: مالك بس يا حلول احكيلي ايه اللي حصل
حلا: مفيش
روما: حلول الواد فارس والبت مايا بيقولوا عليكي متوحشة وانك ممكن تضربي ناس بوحشية زي الشباب اللي هناك دول
فارس ضحك: انتي لسة مستوعبتيش حلا هي اللي ضربتهم
روما: تؤ اختي حبيبتي طيوبة وحنينة مستحيل تضرب حد بالطريقة ديه
حلا بغيظ: اه انا طيوبة وحنينة بس لو واحد كان بيستظرف المفروض علشان انا طيوبة وحنينة اخده بالاحضان
مايا ضحكت وفارس والشباب كمان بس قصي اتغاظ
قصي بغيظ: فكري فيها مجرد تفكير وهشعلقك من رجليكي
حلا كانت متنرفزة وعلى اخرها بس اما رأت قصي وسمعته ضحكت قصي ابتسم
قصي: على فكرة وشك مش حلو وانتي مكشرة اضحكي يا شيخة يعني هنعيش كام مرة
حلا ابتسمت وهزت رأسها بالموافقة
فارس: بس برضه مجاوبتنيش يا حلا
حلا اختفت من على وجهها الابتسامة والتفت لفارس ونظرت له بغيظ
حلا بغيظ: يابني هو انت عدوي ولا عدوك اني ابتسم شوية.....اااه انا اللي ضربتهم اتبط واهمد بقى
روما بصدمة: طب ضربتيهم ليه يا حلا
حلا بغيظ: كانوا عايزين يتعرفوا واما قولتله مليش مزاج قالي بلاش تمثيل واظهري وشك الحقيقي فظهرتله وشي الحقيقي يعني هو اللي كان عايز
مايا ضحكت: ده على اساس انه حتى لو مقالكيش اظهريه مكنتيش هتضربيه
حلا بغيظ ونرفزة: والله المفروض يبوس ايده وش وظهر انه لسة قادر يتنفس هو انا ناقصة قرف
مايا: بس شكلهم مزز
حلا حدفت زجاجتها بنرفزة والكل اتفزع وخاف من حلا ومايا رجعت خطوتين لورا حلا من غير ما تلتف لمايا
حلا بصوت عالي وغضب: مايا انا على اخري حرف زيادة وربنا لا هخلي حالتك اسوأ من حالتهم وهعيد تربيتك من اول وجديد لانك عارفة كويس ان وصف الرجالة ده بينرفزني وانا خِلقة متنرفزة وعلى اخري
مايا بخوف: خلاص طيب انا اسفة بس اهدي
قصي بقلق: حلا ممكن تهدي علشان قلبك يا روحي
حلا حطت ايديها على وشها ومسحت وجهها بقوة لكي تهدأ
حلا بإنزعاج: انا هروح على البيت
ومشيت وتركت الكل ولم تعطي لحد فرصة انه يتكلم بس قصي لِحقها من غير ما يتكلم ومشي جنبها من غير ما يفتح فمه بحرف والشباب لموا حاجتهم وذهبوا خلف قصي وحلا حلا طول الطريق متكلمتش ولما وصلوا البيت
عفاف: حلول ان......
حلا طلعت جري على غرفتها من غير ما تنطق بحرف واحد او ترد على حد
عفاف نظرت بإستغراب لقصي: في ايه مالها
محمد لقصي: لا تكونوا اتخانقتوا
فارس: لا قصي ملهوش ذنب بس انت عارف لما حد يتعرض لحلا بتبقى عاملة ازاي
محمد: معناها فيه شباب اتعرضولها
مايا: اه وهي مرحمتهمش
عفاف ضحكت: ديه حلا عايزاها ترحمهم ازاي يعني
قصي بقلق: بس انا خايف عليها شكلها متعصبة اوي وده مش حلو علشان قلبها
عفاف: اهدى متقلقش هي شوية وهتهدى وتنزل زمانها دخلت تستحمى وتاخد شاور علشان تهدى شوية
قصي: بس ديه منطقتش طول الطريق واحنا راجعين
مايا: هي متكلمتش علشان متجرحكش بالكلام من غير قصد بُص يا قصي حلا لما بتبقى على اخرها ومتعصبة بتتعزل عن الكل علشان متجرحش حد من غير قصد علشان لما بتتعصب مبتشوفش قدامها زي ما شوفتها امبارح كدة مع عمرو
عفاف: المهم اطلعوا خدوا شاور وغيروا هدومكوا وانزلوا علشان تفطروا
الكل طلع واخذوا شاور وغيروا هدومهم حلا نزلت قبل الكل علشان تساعد عفاف في فرش السفرة بس متكلمتش خالص عفاف ابتسمت لان بالرغم انها متعصبة ومبتتكلمش بس مهانش عليها تسيب عفاف لوحدها تحضر الفطار وبعدين الكل نزل وقعدوا على السفرة محمد طلب من فاطمة هي اللي تترأس السفرة وفاطمة خضعت لكلامه وترأست السفرة وبجانبها من جهة اليسار جلس محمد وبجواره عفاف وقصي كان يقف ينتظر حلا
محمد بإستغراب: على فكرة لو قعدت هي هتيجي يعني مش هتسافر
قصي ضحك: ما انا عارف بس معرفش هي هتقعد فين
مايا: اكيد جنبك يعني هتقعد فين مثلا غير جنبك
حلا جائت ووضعت الاطباق اللي بيدها ونظرت لقصي بإستغراب
حلا: انت مقعدتش ليه
روما ابتسمت بخبث: كان خايف انك متجيش وكان مستنيكي
حلا نظرت لها بقوة
روما: ايه قولت حاجة غلط
قصي: هتقعدي فين
حلا نظرت لقصي بإستغراب: هقعد فين يعني على الكرسي طبعا
قصي ابتسم: مش قصدي هتقعدي جنب تيتا ولا جنبي
حلا ضحكت: انت واقف علشان كدة
قصي: اه عندك مانع يا مزمازيل
حلا: انت اقعد جنب تيتا لانك بتحب تقعد جنبها دايما وانا هقعد جنبك
قصي بخبث: علشان انا بحب اقعد جنب تيتا ولا علشان انتي عايزة تقعدي جنبي
حلا رفعت احد حاجبيها وبغيظ: لو حسبتها انا في الحالتين هبقى جنبك فدماغك متروحش بعيد
حلا شدت الكرسي وقعدت قصي ابتسم فشد الكرسي تبعه وجلس بجوار سته وبدأوا اكل
محمد: ايه اخبار الشغل يا حلا
حلا: يعني افهم انت بتسأل على ايه بالظبط
محمد: مهمة قصي
حلا: لحد دلوقتي تمام وكل حاجة عال العال
فارس: اه بابا اتصرف مع حلا لانها مش ناوية تاخدني يوم التنفيذ معاها
محمد: كنت متوقع ده حلا مينفعش تنفذي المهمة لوحدك
حلا تركت المعلقة بنرفزة وشبكت اصابعها ببعض ونظرت لمحمد
حلا: عمي انت عارف كويس اوي ان انا مش موافقة ان فارس يكون معايا في المهمة وانت خليتوا يوقع على استلام المهمة معايا من غير ما اعرف فزي ما انتوا عملتوا اللي في راسكوا واللي يريحكوا من غير ما تقولولي فانا كمان هعمل اللي شايفاه صح وفارس مش هاخده معايا يوم التنفيذ وده اخر كلام والا....
محمد: والا ايه
حلا: هتنازل عن المهمة لفارس واسافر واشتغل برا ومش هرجع تاني كدة كدة هما محتاجيني برا وده اخر كلام واللي عندي قولته
قصي: ده على اساس اني هسمحلك تروحي
حلا وهي تأكل: انا لو حبيت اختفي ومحدش يوصلي هعمل كدة واكتر حد عارف ده مرات عمي وعمي وفارس ومايا وتقدر تسألهم لو مش مصدقني
محمد: عموما لما يجي يوم التنفيذ يبقى يحلها ربنا
جميلة: ايه رأيكوا نروح على السنيما
آسيا: حبيبتي الساعة 8 الصبح سنيما ايه اللي هتبقى فاتحة الصبح
جميلة: ننزل نتسوق ولما نخلص يعني على ما نلبس ونتسوق تبقى 12 او 1 الظهر وبعد كدة نروح السنيما
مايا: انا معنديش مانع
محمد: والله فكرة حلوة
عفاف: خلاص الشباب انتوا انهاردة اجازة وكلنا هننزل نتسوق ونروح السنيما
الكل: تمام
بس حلا مردتش
مايا: حلول مش هتيجي معانا
حلا بلا مبالاة: لا روحوا انتوا
روما: حلا يلا بقى وبطلي رخامة خلينا نخرج
حلا: روما حبيبتي انا تعبانة جدا لاني من ساعة ما رجعت من امريكا منمتش ولا شوفت الراحة واساسا مكنتش برتاح في امريكا وكنت عاملة حادثة ومرتحتش فانا شيلوني من مخططاتكوا انهاردة لاني ناوية اقفل تليفوني واناام بس ممكن تعملوا مخططات بليل مثلا وانا ممكن ابقى معاكوا
رقية: فكرة حلوة اننا نخرج بليل
روما: خلاص نعمل شوبينج ونتفرج على فيلم في السنيما ولما نرجع نشوف هنعمل ايه بليل
جاسر: انا هنام زي حلا فانا برا الشوبينج الممل بتاع الستات ده والسنيما
محمد: والله على رأيك الشوبينج بتاعهم بيبقى ممل الا اذا حلا كانت معانا
حلا: والله اعذروني بس بجد تعبانة جدا ولو منمتش مش بعيد ادخل في غيبوبة لمدة شهر
عفاف: بعد الشر عنك ان شاالله عدوينك واللي بيكرهوكي
حلا ضحكت: والله نفسي الدعوة ديه تتحقق بس مبتتحققش وهما اللي بيدخلوني العناية المركزة ما علينا انتي ترتاحي وانا والبنات هنلم السفرة وهعمل للشباب حاجة يشربوها
ادم: ياريت قهوة
حلا: لا لا قهوة ولا شاي هعملكوا عصير غلط تشرب قهوة او شاي بعد الاكل مباشرة تعبان ودماغك مصدعة اطلع نام شوية
حلا والبنات لموا السفرة وحلا غسلت الاطباق وعملت للكل عصير وصبته وقدمته
حلا: عايزين مني حاجة بقى
قصي: على فين مش هتشربي عصير
حلا: لا هروح غرفة الرياضة اعمل شوية رياضة وبعدين اطلع انام يلا سلام
حلا ذهبت غرفة الرياضة تدربت على كيس الملاكمة وبعض حركات الكونغ فو والكاراتيه وانواع تانية من الرياضة وعملت بعض تمارين اليوغا وطلعت على غرفتها اخذت شاور ودواء قلبها ونامت والشباب ذهبوا مع البنات للشوبينج والسنيما ماعدا قصي وجاسر طلعوا يناموا لانهم كانوا تعبانين وعفاف ومحمد كمان ريحوا شوية وناموا
الشباب والبنات رجعوا على الساعة 6 المغرب وهنا قصي وجاسر كانوا نازليين من غرفتهم
قصي: ايه رجعتوا بدري يعني
ادم: بدري من عمرك احنا بقالنا يجي اكتر من 6 ساعات برا
جميلة: بس فاتك انت وحلا حتة فيلم رومانسي كنت هتخطفها ووشك على المأذون
قصي ضحك: اذا كان كدة يبقى لازم اشوفه
مايا: بجد الفيلم حلو اوي والبطل كان مز اوي
فهد بغيظ: من ساعة ما الفيلم خلص مبطلتش كلام عن البطل ما تتلمي بقى تحبي يا حبيبتي اروح اجيبهولك وتتجوزوا
مايا: ياريت والله ده الواد عليه عيون ملونة ياختاااي
روما ضحكت: حلا لو كانت صاحية كانت هتعمل من خدودك شاورما يا روحي
رقية: طب تعالوا نطلع نغير هدومنا
الكل طلع يغير هدومه وقصي جاله تليفون فخرج الحديقة يرد وجاسر فضل قاعد محمد وعفاف نزلوا وقعدوا مع جاسر اما حلا استيقظت ونزلت من الدرج المقابل للمطبخ فمحدش عرف انها صحيت ودخلت المطبخ تعمل قهوة مايا خلصت ونزلت
مايا: تحبوا تشربوا حاجة انا هروح اعمل نسكافيه
محمد: لا انا مش عايز
جاسر: مش عايزين روحي انتي
مايا: ماشي
مايا ذهبت للمطبخ ودخلت ورأت حلا بس حلا كانت تعطيها ظهرها وسمعت حلا وهي بدندن
حلا: يا حبيبي.....ياحبيبي....الليل وسماه ونجومه وقمره قمره وسهره وانت وانا يا حبيبي انا يا حياتي انا
مايا صفرت وحلا اتفزعت
حلا: يخرب اليوم اللي عرفتك فيه خلتيني اقطع الخلف
مايا بإبتسامة: بنغني لام كلثوم يا حبيبي والليل وقمره ونجومه لالا انتي تطورتي
حلا ابتسمت: والله ابدا معرفش ايه اللي خلاها تيجي في دماغي واغنيها المهم انتي جيتي المطبخ ليه
مايا: هعمل نسكافيه
حلا: طب انا هعملك بس عينك على القهوة لحسن تفور
حلا عملت النسكافيه لمايا وصبت القهوة وخرجوا سوى كان الكل نزل تحت وقصي كان يجلس بجوار محمد
مايا بمرح: دخلت قفشت حلا وهي بتغني لام كلثوم الف ليلة وليلة
روما: اوبااا وحياتك ما هتعدي بالساهل يا روحي وهتغني دلوقتي
حلا: هو انتوا اما بتصدقوا الكلمات جت في دماغي وكنت بدندن مع نفسي بس ده مش معناه اني اغني دلوقتي اساسا دماغي هتنفجر من الصداع
انجلي بإبتسامة واسعة: لا معلش هتغنيها دلوقتي على الاقل علشان قصي
مايا: هننضم ليكي انا وروما..... لحظة واحدة
مايا شغلت الموسيقى بتاعت الاغنية
