حلا كانت مصدومة من رؤية اهلها واهل قصي على قيد الحياة وتذكرت الحادث بتفاصيله واخذ صوت الانفجار يتردد بمسامعها مرات عديدة ومنظر السيارة والنيران تتأكل بها بدأت تعود للخلف وجسدها يترنح ووقعت فاقدة للوعي الجميع انصدم عندما حلا فقدت وعيها وقلقوا عليها قصي انخفض وجلس على ركبتيه ورفع رأسها على رجليه ويحي انخفض وجلس بجانبها على الجهة الاخرى
قصي وهو يربط بخفة على وجهها: حلا.....حلا فوقي
احمد ناول يحي زجاجة مياه قصي اخذها ووضع القليل على يده واخذ يرشه على وجهها مرة اتنين حتى استعادت وعيها وفتحت عينيها بثقل قصي ساعدها في الاعتدال وجعلها تشرب القليل من المياه
قصي بخوف ولهفة: انتي كويسة
حلا هزت رأسها بالموافقة
قصي بقلق: انتي اخدتي ادويتك زي ما قولتلك ولا
حلا هزت رأسها بالموافقة مرة اخرى
شاهر انخفض وقاس نبضها وضغطها: اظن ضغطك نزل من الصدمة بس شوية وهتبقي كويسة بس اهدي ابوس ايدك
قصي جلس امامها وامسك يديها وبحب وحنان وإطمئنان: بصي يا حبيبتي كل الحكاية ان اهلي واهلك نجوا من الحادثة والحمد لله لسة عايشين يعني احساسك حقيقي مش تخريف واللي شوفتيه حقيقي برضه مش حلم
حلا كانت تنظر لقصي بصدمة وعدم فهم وإستيعاب حتى شعرت بيده التي تملس على ظهرها بحنان ودفئ وحب بالغ لفت نظرها لتقابل اعينه المليئة بالدموع
يحي: حبيبتي.....عارف اني سيبتك سنين كتيرة وعارف انك اتعذبتي....بس والله كان غصب عني....انا اسف
التفت ونظرت للكل ومن ثم لقصي وعندما رأى بعينيها نظرت الشك والتساؤل هز رأسه بالموافقة بمعنى كل هذا حقيقي ومش حلم لحظات وارتمت بحضن أبيها تبكي بحرقة ومرارة وحاوطت خصره وتشبثت بجاكيته بقوة ودفنت وجهها بصدره وهو حاوطها بذراعيه وعانقها بقوة وحب وحنان وشوق وقبل رأسها
يحي: حقك عليا انا اسف اني سيبتك كل الفترة ديه بس والله كان غصب عني
عانقها يحي بدفئ وحنان وهي لم تعرف اتغضب وتنزعج منه لانه تركها كل هذه الفترة ام تفرح لانه رجع إليها بعد غياب وعذاب عشر سنين ظلت بحضنه متناسية الجميع واي شئ وكل شئ بعد دقائق
احمد بمرح: طب احنا عارفين انك بتموتي في يحي موت بس احنا كمان عايزين نحضن ماهو مش هياخد كل الحب والحضن لوحده...قوم يا عم كفاية عليك كدة
يحي ضحك: ديه لو بنتك مش هتقولي كدة
احمد: لا ماهي بنتي فعلا وهو انت فاكرها بنتك
حلا ابتعدت عن يحي ووجنتيها تغرقها الدموع ووجهها احمر بشدة وانفها احمر وشفايفها ايضا
احمد بدهشة: يلهوي انتي احلويتي كدة ليه
قصي بنرفزة: طيب يا بابا يا حبيبي متنساش اني لسة قاعد والله
احمد بإستفزاز: تصدق مختش بالي منك
قصي بغيظ: هخطفها منكوا وقدامكوا ومش هخلي اي حد يطولها انتوا حريين
يحي ضحك: ده على اساس اننا مش هنقدر عليك ولا ايه وبعدين ديه بنتي وقرة عيني وهو انت فاكرني هديهالك كدة بالساهل
قصي: عادي يا بابا هخطفها مش قصة هي.
حلا وقفت وقصي ويحي وقفوا معها اتجهت لاحمد وعانقته وهو ايضا حاوط بذراعه كتفها وقبل رأسها
احمد: احنا لو اعتذرنا من هنا لعشرين سنة جاية مش هتسامحينا صح
حلا ابتعدت عنه وهي تمسح دموعها بكفيها: اي نعم قلبي اسود وبزعل وبتعصب بس مش للدرجادي بس برضه عايزة تفسير مقنع يخليكوا تبعدوا عننا الفترة ديه كلها وكمان تزوروا خبر موتكوا وهتحكولي كل حاجة وبالتفصيل
احمد ابتسم بحب وحنان: الاميرة تؤمر بس بلاش انهاردة خليها يوم تاني
سلمى اتجهت لحلا وعانقتها وحلا ايضا بادلتها العناق ومن ثم ابتعدت عنها
سلمى بخبث ومرح: وانتي صغيرة كنتي حلوة بس لما كبرتي احلويتي اكتر كدة ليه ده وانتي صغيرة كنت هموت واجوزك الواد قصي بس دلوقتي بفكر اخطفك انهاردة واجوزكوا لبعض
حلا ابتسمت بخجل
قصي: ماما حبيبتي بلاش تتكلمي مع ديه كلام حلو علشان هي خِلقة لوحدها وشها قالب سوق فراولة هتمدحي فيها هتقلب برقوق وانا كدة هتهور
الكل ضحك وحلا ضحكت بخجل ونكزته في ذراعه ونظرت لمها التي تنظر لها وعينيها مليئة بالدموع وبحب وحنان
حلا: هتعيطي مش هحضنك انتي عارفة اني مبحبش اشوفك بتعيطي ها
مها ابتسمت ومسحت دموعها وحلا اتجهت لها واخذتها بحضنها وعانقتها
فارس بمرح: طب احنا خلصنا احضان وبوس وست حلا استوعبت الموضوع بس مين يحس بأهلي ويستوعب ان عصافير بطني بتكوكو من الجوع عاااايز اكووول يا جدعااان يا بششرررر
الكل ضحك
حلا: وهو انت امتى مكنتش جعان انت بسم الله ما شاء الله اربعة وعشرين ساعة جعان وعايز اكول حتى وانت قاعد وبتضرب سندوتشات بتبقى جعان برضه انت بطنك مخرومة يا بني ولا فيه خنزير جواها مهما تاكل مبتشبعش نهائي ده لو احنا مربيين فيل في البيت مش هياكل ربع اكلك
الكل ضحك بشدة
فارس بغيظ: وانت مالك يا ام نص لسان
قصي: طب خلونا نروح نتعشى علشان ننجز بقى
حلا بإستغراب: ومالك انت راخر مستعجل ليه جعان انت كمان
قصي ضحك: لا بس محضرلك مفاجأة
حلا: مفاجأة ايه
قصي بغيظ: تفتكري يا روحي لو قولتلك هتبقى مفاجأة
حلا: هي مش هتبقى مفاجأة بس انا عايز اعرف ومش عايزة مفاجأت تاني كنت هتوقفلي قلبي بسبب المفاجأة الاولى الله واعلم ايه ممكن يحصل من تحت راس المفاجأة التانية
قصي ضحك: بس انا عايزها تبقى مفاجأة انا حر يا ستي المفاجأة تعود ليا وانا اللي اقول اذا كنت هقولك ولا لا وبعدين متستعجليش اوي كدة علشان ممكن لو قولت اعملها دلوقتي بس ساعتها هتهور وفي اي وقت فخليني احسن نتعشى وبعدين هبقى اقولك على المفاجأة علشان اعرف اسيطر على نفسي
حلا بعدم فهم: وايه علاقة المفاجأة بدماغك الشمال يا حبيبي
قصي ابتسم وبخبث: بينهم علاقة ترادف وحب وشوق وكل حاجة حلوة وشوية قلة ادب لو عايزة
الكل ضحك
حلا بغيظ: لا ديه مش العلاقة بينهم بس تقدر تقول انك وصفت دماغك الشمال
قصي: طيب هتمشي قدامي على العشا ولا تحبي اوريكي دماغي الشمال حلو
حلا: وهو انت فاكرها سايبة يا حبيبي
قصي ابتسم: هو انا مش فاكر بس شوشو فاكر كدة انها سايبة
حلا: اممم طيب خليك مع شوشو وابقى قابلني او تف في وش اهلي ان وريتك وشي تاني
الكل ضحك
احمد: هتقلب عليك وانت حر اما صدقنا قلبها حن واعترفت بحبها
قصي بحب: واهون عليكي يا اميرتي
حلا نظرت له بطرف عينيها: مبتثبتش يا حبيبي وحاسب بقى بدل ما انا اللي اثبتك وساعتها مش هيطلع في ايدك تعمل حاجة
قصي: لو فيها برقوق وخوخ انا معنديش مانع اتثبت
حلا بغيظ: لا بس احب اطمنك فيها شطة وعشرين كيلو فلفل احمر بس مقولكش صاروخ من هنا على المستشفى طوالي وان لحقت كمان
قصي: طيب بعد المفاجأة هعرف اتصرف معاكي براحتي
الكل ذهبوا للمطعم الذي يوجد على بُعد عشر خطوات وجلسوا يتعشون قصي استأذن في نهاية العشاء بأنه سيذهب للحمام وبعد دقائق جائت بنت
البنت: انسة حلا
حلا التفت لها وابتسمت: نعم
البنت: الاستاذ قصي منتظر حضرتك برا
حلا بإستغراب: برا فين هو فيه حاجة
البنت بإبتسامة: مفيش حاجة بس هو طلب مني اوصلك لعنده
حلا نظرت للكل بإستغراب والكل اتظاهر بأنهم لا يعلمون شئ حلا ذهبت معها وخلفها الكل وصلتها على صالة كبيرة بنهايتها منضدة وسط وحولها ستة كراسي والارض مفروشة بالورد الاحمر حلا استغربت المكان البنت جلبت كرسي لحلا ووضعته في الممر
البنت: اقعدي استنيه وهو ثواني وهيكون موجود عن اذنك
حلا اومأت بتفهم وخلعت جاكيتها وجلست دقائق ودلف ومعه صندوق من اللون الموڤ الغامق حجمه وسط قصي ركع على احد ركبتيه امام حلا وحلا نظرت له بإستغراب وعدم فهم
قصي ابتسم بحب: عمي يحي وانتي صغيرة قرر يناديكي سندريلا واليوم اللي سمعته وهو بيندهلك وشوفتك قد ايه فرحانة بالاسم ده وانا من يوميها قررت ان هحققلك الكرتون واخليه على ارض الواقع مش مجرد فيلم او قصة
حلا بعدم فهم: قصدك ايه
قصي بحب: الاول انتي فاكرة القصة كاملة
حلا بإستغراب: اه
قصي: طيب تقدري تقوليلي ازاي الامير قدر يتعرف على حبيبته واميرته
حلا بتلقائية: يعني من خلال حذائها يعني هو عمل حفلة علشان جوازه وهي ذهبت بعد ما الساحرة حولتلها فستانها واعطتها حذاء من الزجاج وكان لازم ترجع قبل اخر دقة من الساعة عندما تعلن عن منتصف الليل وعندما سمعت دقة الساعة وهي تجلس مع الامير بالحديقة خرجت تركض لتلحق تصل قبل انتهاء السحر وهي تنزل من على الدرج حذائها انخلع من قدمها ولم تستطع العودة لاخذه حتى لا يلحقها الامير فالحذاء ظل مع الامير الى ان استطاع العثور عليها وطلبها للجواز...بس ليه بتسأل
قصي ابتسم: طب بالنسبة للاميرة اللي قدامي دلوقتي تفتكري ايه اللي ناقصها علشان تبقى سندريلا بجد
حلا بإستغراب: مأظنش ناقصها حاجة يعني الفستان والحلق وكمان دبوس الشعر مأظنش فيه حاجة ناقصة.....ممكن افهم ليه كل الاسئلة ديه
قصي: مديلي رجلك
حلا بإستغراب: ليه
قصي: هقلعك الصندل اللي انتي لبساه
حلا: ليه
قصي بغيظ: هو انتي علقتي كل ما اقولك على حاجة ليه هتمديلي رجلك بالذوق ولا امسكها بالعافية
حلا: طب فهمني انت عايز ايه وانا هعمله
قصي: اقلعي الصندل
حلا ابتسمت: طب ليه طيب
قصي نظر لها بغيظ: برضه
حلا بإبتسامة: طب قولي عايزني اقلعه ليه
قصي بغيظ: انا لو بقولك اقلعي الفستان مش هتسألي كل الاسئلة ديه
حلا بخجل: قصييي
قصي مد يده وكان هيمسك قدميها ولكن حلا ابعدتهم قبل ان يمسكها فرفع نظره لها
حلا: انا هقلعه خلاص بس ابعد شوية
قصي: طب ما انا اخلعهولك احسن بدل ما توطي وضهرك هيوجعك
قصي مد يده مرة اخرى ولكن حلا ابعدت قدميها
قصي بغيظ: هتخليني اقرصك قرصة تخليكي قبل ما تبعدي رجلك للمرة التالتة تفكري
حلا: انا هقلعه ب......
قصي نظر لها: عارف انك مبتحبيش حد يلبسك الجذمة او يقلعهالك حتى لو بتموتي من الوجع والالم بس انا ليا مزاج اقلعهولك انا
حلا: بس....
قصي: حرف زيادة وهتشوفي وشي التاني وهقلب ولو اتعصبت انتي ادرى انا ممكن اعمل ايه
حلا سكتت وقصي رفع الفستان لتظهر قدمها البيضاء مد يده ليفك الجنزير ويخلع عنها حذائها ونفس الشئ في رجليها الثانية حلا كانت تشعر بالانزعاج لانها لا تريده ان يفعل هذا الشئ لان في بعض الناس ترى ان عندما الرجل يلمس قدم امرأة فهذا يقلل من شأنه وهي لا تحب ان يقلل احد من شأنه لانه اعلى بكثير ومكانته غير اي احد ولكن في نفس الوقت كانت تشعر بالخجل والتوتر وخصوصي بعد ان لمس قدميها بيده فهذا جعل القشعريرة تسري بجسدها لدرجة انها كانت لا تشعر بجسدها كأنه مخدر بالكامل
بعد ان خلع عنها حذائها فتح الصندوق لتظهر جذمة من الزجاج تبرق كبريق الكرستال بكعب عالي حلا فرغت فمها بصدمة واعينها وكذلك الجميع ولكن سلمى واحمد ابتسموا لانهم يتوقعوا اكثر من هذا الشئ من قصي تجاه حلا لانهم يعلمون انها لو طلبت نجوم السماء سيجلبها لها لانه يعشقها
حلا بصدمة وانزعاج: قصي ليه كدة كفاية الفستان و......
قصي بحب: تستاهلي اني اجيبلك الدنيا كلها تحت رجليكي وممكن بقى يا فصيلة هانم يا اللي كل شوية تفصليني من الرومانسية تتخرسي خالص ومسمعش صوتك
حلا: بس كدة كتير انا مش هقبل الهدية ديه و.......
قاطعها قصي بغيظ ونرفزة: يلعن ابو فصلانك يا شيخة
الكل ضحك وهي ضحكت بخفة
حلا: بس......
قصي: محدش خد موافقتك او رفضك
حلا بغيظ: بس انا اللي هلبسه يبقى لازم اوافق او ارفض
قصي: معلش خليها عليكي المرادي
حلا: قصي بس انا بجد مش هقدر اقبلها
قصي: ليه....علشان التكاليف....وانتي مالك وبعدين سبق وادفع فلوسها وجيبتها خلاص وهتلبسيها يعني هتلبسيها
حلا بسرعة: مش هعرف امشي بيها
قصي نظر لها ورفع احد حاجبيه: ليه يا نن عيني ده انتي بتلبسي كعب اعلى من ده وبتمشي بيه زي القطة وبسبع ترواح كمان عموما البسيها وانا هشيلك يلا
حلا: قصي علشان خاطري حاول تفهمني انا مش هقدر اقبلها
قصي بنفاذ صبر: لو مش هتقبليها هخليكي تقبليها بطريقتي ديه حاجة تاني حاجة لو قصدك علشان انتي خطيبتي ومش مراتي وان كللل ده تكاليفه كتير والحوارات ديه فإحب اقولك انا واحد بحب اصرف كتير وحتى لو مستعد اصرف كل فلوسي علشان بس اشوفك مبسوطة......
قاطعته حلا بإبتسامة عذباء: بس وجودك جنبي ده بالنسبالي السعادة بذاتها وانا مأظنش هيبقى فيه سعادة بعد ديه وبعدين كفاية الفستان والإكسسوار ده غير الفستان اللي انت جيبته في عيد الحب وغير الهدايا يا قصي انا مش محتاجة كل ده....كدة كتير وكتير اوي وانا مأستاهلش كل ده
قصي ابتسم بحب: لا تستاهلي اكتر من كدة بكتير وان مكنتيش هتقبليها علشان انتي مازلتي مش من حقي ومش مراتي فأحب اطمنك انك هتبقي مراتي ومش هترجعي انهاردة البيت غير وانتي شايلة اسمي
حلا انصدمت: ها ده ازاي
قصي اخذ احد فردتي الحذاء ونظر لحلا بحب بالغ: حضرة الاميرة سندريلا تقبلي تتجوزيني انهاردة وتشيلي اسمي وتبقي مراتي قدام ربنا وقدام الناس كلها
حلا ابتسمت وفي عينيها الدموع: اقبل بس...
قاطعها قصي بجدية مصطنعة: لو سمحتيلي البسك الجذمة ساعتها هعرف انك كدة راضية عن الجوازة اما اذا رفضتي ساعتها هعرف ان فيه حد جبرك على الجوازة
حلا بصدمة: لالا محدش اجبرني بس...
قصي: يبقى تسمحيلي
حلا بإستسلام: طيب خلاص هقبلها
قصي ابتسم ومد يده
حلا: انا قولت هقبلها بس انا اللي هلبسها كفاية انك خلعت الصندل هات انا هلبسها
قصي ضحك: بس انتي لسة قايلة ان الامير بذات نفسه هو اللي جرب الجذمة على رجل سندريلا
حلا ابتسمت: يا سيدي هو مكنش يعرف اذا كانت هي ولا لا بس كان شاكك وكان عايز يعمل كدة انت بقى متعرف على سندريلتك بقالك عشر سنين ومعاها بقالك ٣ شهور ومتأكد منها هات بقى خليني البسه انا
قصي: طب وحياة اغلى حد عندك لا تخليني البسهالك
فارس بمرح: قصي... لو عايزها توافق او تتجبر على انك تلبسهالها بنفسك يبقى لازم تحلفها ب.......
حلا بغيظ: انت تخرس خالص ومسمعش صوتك يا حقنة
مايا: لازم تحلفها بحياتك يا قصي علشان توافق
حلا نظرت لها بغيظ وغضب
فارس: او علشان تخليها تتخرس حلفها بحياتك وحياة عمي يحي
حلا وضعت يدها على جبينها بغيظ وسندت على يد الكرسي قصي نظر لهم بإستغراب ودهشة
قصي: ده إشمعنا
فارس: بُص هو انا معرفش اوي بس لما كنا نعوز حاجة منها وهي ترفض كنا نحلفها بحياتك او بعمي يحي ومعظم الاحيان كان بيكوا انتوا الاتنين فكانت توافق
مايا: وفيه اوقات لو حلفناها بحياتك تخضع لكلامنا وتوافق فورا
قصي نظر لها بحب: ممكن اعرف السبب
حلا ووجهها احمر من شدة الغيظ والغضب
حلا بهدوء: يعني لو قولتلك مش هتحلفني
قصي: مأوعدكيش بس انا كدة كدة مادام ديه اللي هتخرسك وتخليكي تسمعي كلامي فهحلفك
حلا بغيظ: طب بدل ما تتعب نفسك وتحلف يا حبيبي لبسني علشان اخلص منكوا يلا
قصي ضحك: بس برضه مليش فيه مش هسيبك غير لما تقوليلي السبب
قصي لبسها الحذاء وحلا كانت ترغب بأن تقوم تكسر عضمه وتكسر دماغ مايا وفارس لانهم افشوا بسرها
قصي مد كفه لحلا: يلا
حلا مدت يدها ووقفت بإستغراب: على فين
قصي: على كتب كتابنا يا روحي
حلا: بس مفيش مأذون
قصي: لوئي راح يجيبه وزمانه على وصول
حلا بصدمة: انت بتهزر معايا صح
قصي ابتسم: لو تفتكري انا قولتلك تقبلي تتجوزيني انهاردة وتشيلي اسمي وتبقي مراتي قدام ربنا وقدام الناس وانتي قبلتي مالك في ايه
حلا: ماشي انا معاك بس مركزتش في اليوم او انك قولت انهاردة بس فيه اجراءات لازم تتعمل
قصي: مايا وروما جابولي صور ليكي شخصية واعطتها للمأذون واما بخصوص بطاقتك فهي معايا مايا جابتها وهي جاية اي سؤال تاني
حلا بصدمة: يعني الكل عارف
قصي: عارفين بموضوع كتب الكتاب وموضوع عمي يحي اما بخصوص الفستان والجذمة لا
حلا ابتسمت بخجل: تصدق انا اتأكدت انك مجنون رسمي فهمي نظمي مجنون مجنون وجدا كمان فيه حد يعمل اللي انت بتعمله ده
قصي: اه فيه حد يعمل اللي بعمله ده العاشق هو اللي يعمل كدة اما بخصوص اني مجنون قولتهالي على التليفون وقولتلك اني مجنون بيكي يلا بينا. ومد ذراعه لها
حلا ابتسمت ووضعت يدها بذراعه وذهبوا جلسوا على المنضدة وفي نفس اللحظة دلف لوئي ومعه المأذون وعقدوا قرانهم وبعد ان انتهوا عفاف ومها وسلمى زغرطوا وكذلك البنات
رقية: حلا يلا
حلا نظرت لها بإستغراب ولكن رقية اشارت لها بعينيها ففهمت
مايا: ايوة يلا يا حلا مستنية ايه
حلا بإعتراض: لالا مش هعمل كدة
روما: ليه ياختي خايفة انك توجعيه اهو يتوجع مرة من عمره
حلا: لا ياختي كفاية الوجع اللي مر بيه في العشر سنين دول بسببي
مها فهمت البنات ولما يلمحه فقررت ان تحرض حلا وتتحداها
مها: خلاص يا بنات احنا عارفين ان حلا ضعيفة ومتقدرش انها تعمل كدة علشان هي جبانة
حلا بغيظ: على فكرة انا مش ضعيفة ومش جبانة
البنات معا: لا جبانة....وجدا كمان
قصي بإستغراب: هو في ايه عايزين منك ايه
مها: ودلوقتي هتقوله احنا عايزين ايه ومش هتنفذ وده دليل يا بنات على انها....
البنات بمرح: جبانة
حلا بغيظ: عايز تعرف هما عايزين ايه
قصي: اه
حلا: عايزني اعمل كدة
بمجرد ان انهت جملتها دعست بحذائها الزجاجي على قدمه ولكن بخفة حتى لا تؤلمه
قصي ابتسم: بس على حسب خبرتي لازم تدوسي جامد مش براحة
رقية: ايوة يا حلا لو مدوستيش جامد هتبقي جبانة فعلا
حلا بغيظ: مش هدوس ويا ستي انا جبانة وعاجبني واللي مش عاجبه يرقع راسه في الحيط
سلمى: بس لو مدوستيش على رجله جامد انا هزعل منك وكمان يحي واحمد ومها
حلا نظرت لها بصدمة: هو انتي امه ولا عدوته
سلمى ضحكت: امه بس لو زعلك هبقى حماته وامك انتي دوسي جامد على رجليه
حلا: هو مش انتوا كنتوا عايزيني ادوس على رجليه وانا دوست خلصت خلاص
سلمى: تؤ تؤ لازم تدوسي جامد
حلا بخوف: لا مش هقدر اعملها
قصي: ليه
حلا: لانك ممكن تتعور او رجلك توجعك فلا مش هدوس جامد لو السما بتنطربق على الارض
البنات كانوا هيتكلموا ولكن قصي اشار لهم بعدم التحدث وجائت برأسه فكرة
قصي: حلا بقولك ايه
حلا نظرت له: نعم
قصي: شوفتي البنت اللي بعتها علشان تجيبك
حلا بإستغراب: اه مالها
قصي ابتسم: ابدا بس عليها عيون ملونة حلوة اوي وكمان رسمة عنيها بكحل لايق اوي عليها
الكل فهم ماذا ينوي ان يفعل وكانوا يرغبون بالضحك ولكن لابد مراقبة ماذا سيحدث
حلا بغيظ: ديه لينسيز يا عيوني مش عنيها
قصي بخبث: وماله لينسيز لينسيز ولونه ازرق كان لايق على عنيها وبشرتها اوي وحتى كنت بفكر..........ااااااه
لم يستطع تكملت جملته بسبب دعست قدم حلا بقوة على قدمه لدرجة ان قدمه المته وبشدة ووجهه احمر عندما صرخ من شدة الوجع وهنا انفجر الجميع ضاحكا قصي ضحك من وسط تألمه
حلا بغضب: تصدق كان المفروض اكسر رجليك مش ادوس عليها
الكل ضحك
سلمى: قولتلك دوسي مرضيتيش اشربي بقى
حلا بغيظ: عجبك كدة جيبتلي الكلام اما وريتك ما ابقاش انا حلا يحي الدالي ماشي يا قصي.....انا غلطانة اني وافقت على كتب الكتاب انهاردة كان المفروض اعذبك شوية كمان واطلع عينك علشان تبُص لغيري حلو انا هعلمك ازاي تبص ماشي....اصبر عليا
قصي ضحك ووضع يده على كتفها وقربها لحضنه وبنبرة حب: بس انا عيني مبتشوفش غيرك ومفيش حد هيملى عيني وقلبي زيك
حلا نظرت له بطرف عينيها: انت فاكر انك بالطريقة ديه هتثبتني ها.....الكلام ده معايا مبيأكلش عيش يا حبيبي
قصي ابتسم بخبث: معاكي حق مبيأكلش عيش لانه بيأكل خوخ وبرقوق وحاجات حلوة ومسكرة
حلا خجلت بشدة ولكن لكي تداري خجلها
حلا بحدة وغيظ: وعلشان سواد عيونك مفيش لا برقوق ولا خوخ علشان انت عجبك الينسيز الازرق صح وانا بفكر اوريك الجن الازرق يا حبيبي وبعدين هبقى افكر اديك برقوق وخوخ ولا لا
الكل ضحك
فهد بمرح: اوبا هيتعلم عليك يا قصي
سمير بمرح: مش هتقدر تاخد اللي انت عايزه
لوئي بنبرة حزينة: يا حزني عليك يابني
الكل ضحك
قصي رفع احد حاجبيه: مالك بتعدد زي الست المطلقة كدة ليه يا لوئي روما شكلك هتتجوزي صحبتك
الكل ضحك بشدة
لوئي بغيظ: تصدق حلال اللي حلا هتعمله فيك....حلا بُصي مش هوصيكي بس ياريت تتوصي بيه وبراحتك وعلى الهادي ها عايزك تسويه على جنابه الاتنين
قصي قام وكان هيضربه ولكن لوئي ركض فقصي عاد وجلس بجانب حلا ولسة هيحط ايده على كتفها
حلا بحدة: ايدك يا بابا انت هتستحلاها
قصي رفع احد حاجبيه: وحياة بابي ومأستحلاش ليه يا قطة بقيتي مراتي خلاص
حلا: ااااه قول بقى انك كنت عايز تكتب الكتاب علشان تقضيها
الكل ضحك
قصي: شكلك فاهمني صح يا نُصة
حلا ضحكت: من يوم يومي فهماك صح والاهم اني فاهمة دماغك الشمال
قصي: إلا صحيح يا روحي رفعتي شعرك كحكة ليه
حلا ببرود: بيعجبني اكتر وبرتاح اكتر لما ببقى رفعاه كحكة ليه بتسأل
قصي بغيظ: بسأل علشان بعتلك رسالة وقولتلك سيبيه مفرود لاني مبحبهوش كحكة بيستفزني
حلا: بس سندريلا كانت رفعاه كحكة ولا ناسي وبعدين ده شعري انا وانا حُرة فيه ارفعه اسيبه ان شاالله حتى اقصه محسسني اني كنت بسرحلك شعرك انت
الكل ضحك
قصي بغيظ: لسانك طول وعايز قصه وبعدين نفسي مرة تبطلي لماضة
حلا: تؤ مش هبطل وهو ده انا اذا كان عاجب
قصي: لا مش عاجب هتعملي ايه بقى
حلا التفت له: على حسب علمي حضرتك حبتني واتجوزتني بعندي ولماضتي جاي تعترض دلوقتي ليه....ايه لا يكون مش عاجبك
قصي بخبث: لو عايزة جواب لازم تدفعي
حلا بإستغراب وعدم فهم: ادفع ايه
قصي: ا.........
قاطعه فارس: قصي المصور وصل
قصي بغيظ: فارس هو انت مصتقصد امي ولا فيه حد مسلطك عليا
فارس بإستغراب: وهو انا دوستلك على طرف يابني ده انا حتى مجيتش جنبك
قصي بغيظ: دايما بتيجي في اوقات غلط
فارس ابتسم وغمزله وبمرح: كنت ناوي تدوق البرقوق ولا ايه
قصي بغيظ: ما خلاص بقى....قومي انتي كمان يلا
حلا بإستغراب: على فين تاني
قصي: هنتصور يلا....يلا انتي لسة هتبُصيلي
قصي امسكها من معصمها وسحبها خلفه وذهبوا للحديقة واخذوا صور كثيرة لهذه اللحظة السعيدة والكل اتصور معهم والبنات استغلوا الموقف واتصوروا مع حلا صور كثيرة ومجنونة ايضا
حلا: كفااااية كرهتوني في الصور والتصوير
رقية ضحكت: ده بعينك ده احنا اما صدقنا
مايا: يعني بلاش نتصور معاكي تصدقي انك وحشة
روما: وبعدين لازم العروسة تتصور مع اخواتها....تصدقي مش لايق عليكي انك تكوني سندريلا
حلا: طب لما انا مليقش واقفة بتتصوري معايا ليه اقولك على فكرة حلوة
البنات بفضول: ايه
حلا بصوت عالي نسبيا: لوئيييي....فهدددد تعالوا عايزاكوا
روما ومايا لم يفهموا ولكن باقي البنات فهموا وضحكوا بشدة
جميلة: يخرب عقلك يا حلا
رقية: بلاش علشان هيعملوا منك فراخ بفتيك
حلا: محدش يقدر يعمل معايا حاجة عيب عليكي
لوئي: نعم يا حلا
حلا: خطيبتك عاوزة تتصور معاك
لوئي ابتسم: بجد
روما بصدمة: يا بنت.....لا على فكرة يعني مش بالظبط هو
حلا ضحكت: خلاص يا روما بقى مفيش داعي تتوتري وتتكسفي وبعدين لوئي مننا وعلينا
قصي اتجه لهم: في ايه مالكوا واقفين كدة ليه
حلا: ابدا بس مايا وروما عايزين يتصوروا مع فهد ولوئي فأنا بقول يا شباب تاخدوهم وتتصوروا بدل ما يزعلوا واهو علشان متصورتوش في عيد الحب تتصوروا انهاردة ولا انتوا ايه رأيكوا
فهد: فكرة حلوة وبعدين مادام حبيبتي عايزة كدة انا تحت امرها
مايا خجلت ونظرت بالارض وكذلك روما كانت تشعر بالخجل فحلا وضعتهم في مأزق حلا كانت تقف في المنتصف بينهم انخفضت على اذنيهم وهمست
حلا: اي خدعة بما اني مبليقش لسندريلا بس اكيد انتوا تحبوا تتصوروا مع اميركم
فهد مد ذراعه لمايا ومايا امسكته ونظرت لحلا بتوعد وكذلك لوئي وروما
آسيا: حرام عليكي يا حلا كانوا هيموتوا من الخجل
حلا: تحبي تحصليهم انتي كمان يا عمري
قصي بإستغراب: هو ايه اللي حصل
رقية حكت له ما حدث
إيلين: على فكرة يا حلا مايا وروما مش هيرحموكي
جميلة: انتي جنيتي على روحك
حلا: الشيطان بيوسوسلي علشان انادي ادم واخليكي تتصوري معاه
قصي ضحك: مالك ومال البنات
حلا: كرهوني في عيشتي مشبعوش صور ده انا اتصورت معاهم اكتر ما اتصورت معاك ايييه مش كدة عايزين تتصوروا كل الصور في يوم واحد
قصي وهو يقترب وبخبث: لو عايزة تتصوري معايا يا قلبي تاني معنديش مانع.....شكلك استحليتي حضني
حلا رجعت للخلف: وهو انا امتى قولت اني عايزة اتصور معاك تاني
هنا جاء ادم واريان
ادم: حلول
حلا: نعم يا عيون حلول
قصي بغيظ: والله اومال منشفة ريق امي معاكي ليه
ادم ضحك بخفة: ممكن نستعير منك جميلة وآسيا
حلا: استعيروا يا حبيبي وماله وبعدين هما ملككوا وانتوا خطبينهم بس ممكن اعرف ليه
اريان: هنتصور معاهم
حلا غمزتله: ايوة يا عم الله يسهلوا
جميلة: شايفك فرحانة اوي
حلا: ابدا بس لسة كنت بقولك هبعتكوا لعندهم بس هما جم لوحدهم شكل القلوب عند بعضها ولا انتوا ايه رأيكوا
جميلة بخجل: ادم انا بقول نمشي احسن ما اصور قتيلة في اختك
ادم بمرح وخبث: ليه بس ده حتى معاها حق
جميلة خجلت بشدة
اريان: آسيا
آسيا بإبتسامة عذباء: نعم
اريان: بفكر اكلم عمو وليد لانك بتزيدي حلاوة وانا كدة هتهور
حلا ورقية وإيلين ضحكوا بشدة وآسيا وجهها احمر بشدة من شدة الخجل
حلا وهي تضحك: هموووت......مش قادرة....علشان تعرفوا اللي كنتوا بتعملوه فيا بيترد دلوقتي
الشباب اخذوا البنات وذهبوا وجاء فارس
فارس: روكا تعالي عايزك
حلا: عايزها ليه وفي ايه
فارس بغيظ: وانتي مالك يا رخمة
حلا رفعت احد حاجبيه: طب رقية مش هتروح معاك
فارس: قصي انت مش ناوي تاخد مراتك وتقعدوا لوحدكوا شوية ولا مش عايز تدوق
رقية وإيلين ضحكوا بشدة وقصي ضحك ايضا
حلا بغيظ: صَدق اللي طلع عليك لقب حقنة يا حقنة
فارس: يبقى سيبيلي المزة بتاعتي
رقية خجلت
حلا بدهشة: المزة وبتاعتك اومال اما تتجوزها هتعمل ايه وبعدين مينفعش تروح معاها لوحدكوا لانك مخطبتهاش
فارس بغيظ: محسساني اني هاخدها واخطفها
إيلين: طب هو انا ملقيش اي كلب يتف في وشي ليه يعني بلاش راجل حتى حيوان اي بوبي كدة يتف في وش اهلي طب اي حاجة
الكل ضحك
حلا: انتي عايزة اي حد يعبرك وخلاص ان شاالله تكون حشرة ماشية على الارض
إيلين: اه ونبي انا راضية
عند محمد واحمد ويحي كانوا يقفون على بُعد يرون الشباب والبنات وكان يقف معهم سمير وانجلي وجاسر احمد انتبه لسمير الذي ينظر لإيلين نظرات إعجاب فإبتسم
احمد: ايه عايز تقعد معاها شوية
سمير اخفض نظره بحرج: احم هي مين ديه
احمد: اللي عينك مرقباها من ساعة ما جينا ولا انت ايه رأيك
سمير نظر له وابتسم: شكلك مركز معايا اوي
احمد بادله بإبتسامة: اه يعني لازم اركز معاك انت واختك مفضلش غيركوا امتى ناوي تتجوز ولا اقول ان شكلك كدة ناويت او هتقع الاول وبعدين تنوي
سمير نظر له بصدمة وإستغراب: قصدك ايه
احمد: هتفهم قصدي بعدين روح روح
يحي انتبه ليهم: هيروح فين
احمد: يقعد مع إيلين يتكلموا وعلشان قصي يقعد مع حلا براحتهم. وغمز ليحي
يحي لم يفهمه جيدا بإستغراب: اه طيب روح يا سمير
سمير اتجه لحلا وقصي وكان يفكر في كلام والده بإستغراب ويحاول يفهم قصده
يحي: هو فيه ايه وغمزتلي ليه
احمد ابتسم: شكل سمير هيقع هو كمان
يحي بصدمة وسعادة: بجد مين سعيدة الحظ.....اوعى تقول من عيلتنا
احمد ضحك: شكلكوا موعودين بينا
يحي ضحك: مين بقى
احمد: إيلين
محمد جاء من خلفهم: مالها إيلين بنتي
يحي واحمد انتفضوا بفزع
احمد بغيظ: يا عم قول اي حاجة تدل انك هنا فزعتنا
محمد ضحك: معلش مكنتش اعرف ان قلبك رهيف اوي كدة...المهم مالها إيلين بنتي
يحي: شكل سمير هيقع في حب بنتك
محمد: جرى ايه يا احمد انت حالف انك متسيبلناش البنات وتخدهم كلهم ولا ايه
الكل ضحك
احمد: انا برئ مليش فيه الولاد هما اللي بيخطفوهم انا مالي
جاسر: بابا
يحي: نعم يا حبيبي
جاسر: عاوز احب واتجوز
الكل ضحك
احمد: طب ما تروح تحب وتتجوز
جاسر: ماهي بنت الموكوسة لو تظهر انا هتجوزها بس لسة مظهرتش ولا بان عليها الامان
يحي ضحك: هتظهر متقلقش يا حبيبي وهتيجي تطلع عينك ان شاء الله
جاسر: انا موافق بس هي تيجي
__________________________________
في امريكا تجلس فريدة مع اختها بغرفتها
فريدة: عاملة ايه دلوقتي يا ميار
ميار بإبتسامة: انا بقيت احسن....اه صح مش كنتي هتروحي لحلا إسكندرية
فريدة: لا ما انتي عملتي حادثة فانا لاغيت الرحلة هبقى اروحلها بعد ما اخلص امتحانات وكمان تكوني خفيتي ونبقى ننزل انا وانتي
ميار: ماشي يا روحي
__________________________________
سمير اخذ إيلين للتمشية وكذلك فارس ورقية وتبقى قصي وحلا قصي سحب حلا وذهبوا ليجلسون لوحدهم بعيدا عن الكل وجلسوا على ارجوحة مزينة بالورد وجلسوا عليها وكان على مسافة منهم البحر وامواجه حلا كانت تنظر للبحر بشرود وقصي ظل ينظر لها بحب وكان يسود الصمت الى ان قرر قصي قطعه
قصي: اميرتي
حلا انتبهت له: ها نعم
قصي ابتسم: كنتي سرحانة في ايه
حلا ابتسمت: ولا حاجة يعني عادي بس فيه اوقات منظر البحر يجذبني ويخليني اسرح من غير ما اكون بفكر في حاجة
قصي: اممم يعني بتحبي البحر اكتر مني
حلا بإستغراب: ليه بتقول كدة
قصي بتظاهر ملامح الحزن: ابدا اصلي بقالي نص ساعة قاعد جنبك وانت ولا هنا ولا معايا وسرحانة في البحر وسيباني اضرب اخماس في اسداس
حلا ضحكت: ايه غيران من البحر كمان.....خلاص يا كينج حقك عليا وبعدين كل ده علشان سرحت شوية وفي البحر اومال لو سرحت في راجل هتعمل ايه
قصي امسكها من ذراعها بقوة وبغيظ وغضب: والله ده اللي ناقص حاولي تفكري فيها مجرد تفكير هوريكي وشي التاني بلاش تثيري غيرتي لاني غيرتي مش حلوة
حلا ضحكت: على فكرة انا مكنش قصدي بس مش معقولة ده بالناقص تغير عليا من الهوا
قصي اشتد على ذراعها اكثر وهو يقربها إليه وبغيظ وغضب: مش هنكر اني حتى بغير عليكي من خصلات شعرك لما تيجي على وشك فأكيد هغير من الهوا
حلا ابتسمت بحب: يعني بتغير عليا ومن شعري مع انك كنت عايزني اسيبه مفرود على ظهري
قصي: منظرك بيبقى احلى لما تكوني مسيباه
حلا: بيبقى احلى ولا بيبقى مغري
قصي نظر لها: الاتنين
حلا ضحكت: طيب يبقى المفروض متغيرش من شعري عليا لانك لسة قايل انك بتحبه وهو مفرود
قصي: بس لازم تعترفي انك رفعتيه كحكة قصدا علشان تستفزيني صح
حلا ضحكت: شكلك فهمتني صح
قصي بغيظ: يعني انتي اللي بتستفزيني فكل واحد بيستحمل نتيجة عمايله
حلا ضحكت بخفة: قصدك ايه
قصي مد يده بسرعة وسحب الدبوس من شعر حلا لينساب شعرها على ظهرها ليغطيه بأكمله ولان طوله يصل لبعد الخصر فكان منساب على الارجوحة ايضا وتبعثرت خصلاتها القصيرة على وجهها لتعقد حاجبيها بإنزعاج ورفعت يدها لتبعدهم عن عينيها ولكن قصي سبقها ومد يده وابعدهم عن عينيها ووضعهم خلف اذنيها حلا شعرت ببعض الخجل والتوتر اثر لمساته الهادئة على وجهها
قصي مد يده بالدبوس: لو رفعتيه تاني لكحكة هزعلك وهشدك منه وهعلمك ازاي بيكون الاستفزاز على حق وحقيقي
حلا بإنزعاج: بس انا مبحبش اسيبه قدام حد غريب
قصي بحب: بس انا مش غريب انا جوزك وده من حقي على فكرة
حلا توردت وجنتيها من الخجل: مش قصدي يعني مبحبش افرده برا البيت ده ان فردته جوا البيت اساسا
قصي: بس احنا قاعدين لوحدنا ومفيش حد غيرنا
حلا: بس إفرض حد جيه
قصي: محدش هيجي
سكتوا وبعد ثواني
قصي: ايه رأيك نرقص
حلا نظرت له بإستغراب: هنرقص هنا
قصي: اه
وقف ومد يده
قصي: تسمحيلي
حلا مدت يدها وابتسمت بإستغراب: موافقة بس مفيش موسيقى
قصي بإبتسامة: بس كدة
قصي اتجه للمنضدة الصغيرة الذي يوضع عليها كاست واختار احد الشرايط وشغله وعاد لحلا ومد يده وانخفض قليلا للامام
قصي بحب: اميرتي تؤمر بأي حاجة تانية
حلا مدت يدها وابتسمت بخجل وابتعدوا قليلا عن الارجوحة وحلا وضعت يد على كتف قصي واليد الاخرى ممسكة بيده وقصي وضع يده الاخرى اسفل ظهر حلا واخذوا يتمايلون مع الموسيقى حلا شعرت بتوتر بسبب يده على خصرها وقربه ايضا فالمسافة بينهم شبه منعدمة وكانت تشعر بنيران الخجل تتأكلها ووبخت نفسها انها وافقت على الرقص معه فهي تعلم ان قربه يوترها ويجعلها عاجزة عن التفكير او التصرف قصي لاحظ توترها هذا وابتسم بحب: لو كنت اعرف انك بتتوتري مني اوي كدة وبتتكسفي اوي كدة كنت اتجوزتك يوم عيد الحب
حلا وجهها تلون باللون الاحمر من شدة الخجل
قصي بمرح: طب وحياتي عندك يا شيخة بلاش سوق الفراولة يظهر دلوقتي علشان احنا لوحدنا ها يا حياتي الشيطان تالتنا بلاش
حلا بغيظ وهي تنظر بعيدا عن وجهه: طب بطل تتكلم بالطريقة ديه
قصي بحب: مقدرش
حلا: خلاص يبقى تستحمل
قصي: تؤ مش هستحمل انا هدوق على طول
حلا وجهها ازداد احمرارا
قصي ابتسم بحب وخبث: انا كدة اقدر اقول ان الفراولة استوت والبرقوق قرب يطلع
حلا سحبت يدها والتفت لتبتعد عنه وبمجرد ان تقدمت خطوتين حاوط خصرها من الخلف ودفن وجهه بعنقها
قصي بهدوء: رايحة فين
حلا بتوتر اثر انفاسه على عنقها وقربه منها: هروح لبابا
قصي: ومين قالك اني هسيبك
حلا بخجل وهي تحاول ان تفك يده: لا ماهو انت لازم تسيبني وتبعد شوية بدل ما حد يجي يشوفنا.....اوعى
قصي فك يده وحلا ظنت انه سيتركها وجائت لتذهب ولكن قصي كان اسرع منها جذبها من ذراعها بقوة وهنا التفت وشعرها التف ليستقر بعضه على كتفها اليسار واصطدمت بصدره العريض وشعرت بالتوتر الشديد وبقشعريرة كأن كهرباء صعقتها جائت لتبتعد ولكن لم يعطيها فرصة وحاوط خصرها بذراعيه ضاغطا على خصرها مقربها إليه ودفن وجهه بعنقها الاخر وعانقها بقوة وشوق وحب ولهفة
حلا بتوتر: ق....قصي
قصي بنبرة مخدرة: صدقيني لو قادر اسيبك واخليكي تبعدي عني مكنتش اتجوزتك انهاردة وكنت استنين شوية بس انا معدتش قادر حاولي تفهميني وتحسي بيا شوية
حلا بخجل: بس افرض ان فيه حد جيه شافنا
قصي رفع وجهه ليقابل عينيها التي كانت تخفضها بالارض من الخجل ورأى وجهها الاحمر بشدة من شدة الخجل لم يستطع كبح نفسه اكثر والتهم شفتيها في قبلة عميقة يعبر من خلالها عن مدى شوقه وحبه لها حلا اغمضت عينيها بقوة وكانت تريد ان تبعده ولكن شعرت بإستكانة من جسدها غير مقبولة بالمرة كأن جسدها وقلبها يرفضون الخضوع لامرها ولا يريدون الابتعاد ولكنهم يريدون القرب فقط وقلبها ازدادت ضرباته لتصبح عنيفة وكذلك قلب قصي حلا لم تشعر بيدها التي تحركت لا إراديا لتستقر على قلب قصي واليد الاخرى على ذراعه قصي لم يستطع السيطرة على مشاعره فعندما شعر بيدها تستقر على قلبه تعمق اكثر بقبلته وكأنه ينتقم منها على بعدها عنه طول هذه السنين وضغط على خصرها اكثر مقربها إليه كاسرا كل الحدود والمسافات شعر بأنفاسها التي تكاد تنقطع ولكنه لم يستطع الابتعاد عنها او تركها حلا دفعته بخفة ولكنه لم يستجب فدفعته بقوة بيدها الاثنين ليبتعد عنها ويلصق جبينه بجبينها وهي تصارع لتلتقط انفاسها وهي مغمضة العينين بشدة وضربات قلبها التي تتسابق وتدق بعنف قصي فتح عينيه ونظر لها وهو مازال لاصق جبينه بجبينها
قصي لاهثا وهو يتنفس بعنف: لو تعرفي انتي وحشاني قد ايه......وكام مرة رغبت فيكي وسيطرت على نفسي بالعافية.....وكام مرة مكنتش عايز غير القرب بس كنت مجبور على البعد......وكام مرة كنت عايز احضنك بس بتصرفاتك كنتي بتجبريني ابعد.....لو تعرفي انا بحبك قد ايه او مقدار شوقي ليكي....مش هتفكري مجرد تفكير انك تبعدي عن حضني او تطلبي مني اني ابعد
هبط على عنقها ليدفن وجهه به ويستنشق عطرها الهادئ الذي يعشقه حلا لم تشعر بنفسها غير انها استجابت له وحاوطت عنقه بذراعيها دافنة وجهها بعنقه تستنشق عطره الذي تعشقه
__________________________________
عند جميلة وادم
ادم: هتفضلي ساكتة كدة كتير
جميلة بتوتر وخجل: يعني مش عارفة هتكلم في ايه
ادم: في اي حاجة
جميلة: زي
ادم بخبث: زي مثلا نخطط ليوم فرحنا
جميلة خجلت لانها فهمت على ماذا يرمي
جميلة: لا انت كدة مش بتتكلم على يوم فرحنا انت بتتكلم على اللي هيحصل بعد الفرح
ادم ضحك: شكلك فهماني غلط ده انا حتى برئ
جميلة: اااه يا حبيبي انت هتقولي ده انت البرائه بتشع منك كدة
ادم: قولتي ايه من شوية
جميلة بإستعباط: مقولتش حاجة واظن انت سمعت كويس مش هعيد تاني زوري واجعني
ادم ضحك: انتي ليه فهماني اوي كدة وصح كمان
جميلة ابتسمت: ده طبيعي اني افهمك
ادم: لا بجد بتكلم جد والله ليه فهماني كدة
جميلة بتلقائية وعدم وعي: ده طبيعي لاني بعشقك
ادم نظر لها بصدمة هل نطقت بها جميلة انصدمت لإخراج هذه الكلمة منها بسهولة لم تعلم كيف استطاعت نطقها شعرت بالخجل الشديد وبالتوتر من ردة فعله الآن
ادم: هو انا سمعت صح ولا انا بحلم ولا ايه....انتي قولتي ايه يا حبيبتي من شوية
جميلة بتوتر وخجل وهي تنظر بالارض: مقولتش حاجة
ادم: لا يا شيخة وحياة ابوكي لا انتي قايلاها تاني بدل ما هشيلك ومن هنا على المأذون عيدي اللي قولتيه تاني.....جميلة
جميلة لم تستطع التحدث فالخجل الجم لسانها ادم مد يده ليمسك ذقنها ويرفع وجهها لتقابل وجهه وينظر بعينيها
ادم بحب: قوليها تاني علشان خاطري
جميلة نظرت بعيونه التي تظهر حبه لها وسرحت بها وبدون وعي: بعشقك
ادم ابتسم ومن شدة سعادته لم يعي لما يفعل وعانقها بقوة ودفن وجهه بعنقها جميلة شعرت بالخجل ولم تعرف كيف تتصرف
جميلة بتوتر: ادم....مينفعش كدة
ادم ابتعد عنها وهو يمسح على وجهه: تصدقي حسيت بقصي واللي بيحسه مع حلا فعلا انتوا عاملين زي القنابل الذرية امشي امشي من قدامي انا لازم اكلم ابويا نيجي نطلب ايدك واكتب الكتاب لحسن قعدتي معاكي هتخليني اخد ذنوب وهتوديني جهنم حدف امشي امشي الله يسامحك يا شيخة على اللي بتخليني امُر بيه
جميلة ذهبت امامه وهي تضحك بخجل على كلامه
__________________________________
عند لوئي وروما اتصوروا بعض الصور وبعدين جلسوا مع بعض
لوئي: دلوقتي الحمد لله قصي وحلا اتجوزوا وكتبوا الكتاب عقبالنا بقى.....وعقبالنا ليه ما احنا فيها انا بقول اقوم اكلم عمي يحي يكون احسن
لوئي قام ولم يجيب على نداء روميساء له اتجه لمجلس الكبار واحمد ويحي ومحمد شافوه
احمد بإستغراب: مالك في ايه
لوئي: حمايا انا عايز اكتب كتابي على روميساء
روميساء نظرت للارض بخجل والكل ضحك
سلمى: انتوا عملتوا للشباب ايه طب قصي وهنقول معذور علشان بِعد عن حلا عشر سنين للدرجادي واقعين
لوئي: ماهو انا ممكن اتهور في اي وقت والشيطان شاطر فانا بقول احسن ليا وليها وللكل اكتب كتابي يكون احسن
يحي: طب مكتبتهوش انهاردة مع قصي وحلا ليه
انجلي: لا وهو يقدر ده قصي كان شوهله وشه لانه مش عايز حد يشاركه في يوم فرحه ولا كتب الكتاب وعايزه يبقى مميز
جاسر ضحك بخفة: والله جدع
لوئي: ها يا عمي قولت ايه
يحي: الموافقة موافقة العروسة ها يا روما ايه رأيك موافقة
لوئي: لا ونبي بلاش تاخد رأيها علشان هتعمل حجتها حلا
روميساء: انا قولت بعد فرح حلا وقصي
لوئي: وهو انا بقولك هنتجوز ونعمل الفرح قبليهم انا بقول نكتب الكتاب بس هنعمل زيهم
جاسر بمرح: حرام عليكي حسي بالواد واقع من على ارتفاع ٥٠٠٠ كيلو متر
الكل ضحك
يحي: ها يا روما قولتي ايه
روميساء بخجل: اللي انتوا تشوفوه
يحي: على بركة الله قرروا انتوا يوم وشوفوا هتعملوا ايه
هنا جاء فهد ومايا
فهد: متجمعين من غيرنا كدة
احمد: طب قصي وكتب كتابه انهاردة ولوئي وقرر يكتب هو كمان وانت ايه مش ناوي تكتب زيهم علشان يبقى بالمرة
فهد ابتسم: يسلملي بوقك العسل اللي بيقول كلام زي السكر وفي وقته لاني كنت جاي اتكلم مع بابا يحي في الموضوع ده......انا عايز اكتب كتابي على مايا بكرة بإذن الله فقولك ايه يا حمايا
يحي ضحك: اللي انتوا عايزينه
مايا بغيظ: لحظة واحدة انت مأخدتش رأيي
فهد نظر لها: لا ما انا اخدته الاسبوع اللي قبل اللي فات قبل ما عمي احمد يظهر بيوم وقولتيلي استنى لما حلا وقصي يتجوزوا واظن هما اتجوزوا انهاردة ايه حجتك التانية يا روحي ولا ليكون عندك اعتراض لا سمح الله
مايا: لا هعترض ليه بس انت مقولتليش ففجئتني
فهد ابتسم: يعني افهم انك موافقة ومعندكيش اي اعتراض
مايا بغيظ: ده على اساس لو عندي هتوافق تأجل
فهد بغيظ: لا طبعا
مايا بغيظ: ولازمتها ايه اتعب حنجرتي واتكلم
فهد بغيظ: يعني افهم انك مش موافقة ومش عايزانا نكتب دلوقتي
مايا بغيظ ونرفزة: هو انت بتحب تفسر الكلام على مزاجك انا مقولتش كدة
فهد بغيظ: بس كلامك معناه كدة
لوئي وقف في المنتصف: بسسسس ونبي ما ترجعوا لخناقكوا تاني اهدوا بس كدة كل حاجة بالخناق إلا الجواز بالاتفاق.....مايا انتي ليه معترضة على كتب الكتاب دلوقتي
مايا: انا مش معترضة بس كدة بسرعة اوي يعني هي الايام خلصت ومفيش غير بكرة
فهد بهدوء: يعني انتي موافقة
مايا: ايوة موافقة بس بسرعة اوي
فهد ابتسم: لو علشان الاجرائات انا هتولى امرها ومتشغليش بالك بحاجة
مايا: بس يا فهد.......
فهد: بصي حبيبتي هي كلمة واحدة اه ولا لا
مايا بخجل: اه
فهد ابتسم: يبقى على بركة الله
لوئي: خلاص وانا بعد فهد بعد بكرة
يحي: الله انا شايف انكوا بتقسموا مع نفسكوا وهتخطفوا ولادي مني ومش عاملين حساب ليا ولا لابوكوا مالكوا في ايه
فهد: ابدا يا بابا قطع لسان اللي يقول كدة وبعدين احنا لسة مش هنخطفهم منك يعني لما نعمل الفرح هنخطفهم
الكل ضحك
مها: لا انا كدة اطمنت عليكوا مستقبليا
مايا: اومال ادم واريان وفارس فين
فهد: وقصي وحلا وسمير فينهم
روما: ورقية وإيلين وجميلة وآسيا الكل اختفى راحوا فين
هنا جاء ادم ومعه جميلة وبعد ثواني اريان وآسيا ورقية وفارس
اريان: ايه سبب التجمع الظريف ده
يحي: ابدا فهد ولوئي كانوا بيناقشونا في موضوع كتب كتابهم
ادم: واستقريتوا على ايه
فهد: انا هكتب كتابي بكرة
لوئي: وانا بعد بكرة
ادم ضحك: الله ينور مستعجلين على ايه على الاقل خدوا نفسكوا وراحتكوا كام يوم قبل ما تدبسوا ويطلع عينكوا
جميلة: بتقول حاجة يا ادم
ادم: كنت بقول اني لازم اكلم ابويا علشان كتب كتابي
الكل ضحك
مها: بصي يا جميلة عايزاكي تطلعي عينه ها وانتي كمان يا آسيا
اريان: الحق يا ادم امك بدل ما تعمل حمى عليهم بتعمل علينا احنا حمى
ادم: حظنا فقر يا حبيبي هنعمل ايه حتى نفس الموضوع مع قصي
مها بغيظ: عندكوا اعتراض ولا حاجة لا سمح الله
اريان وادم معا: ابدا ولا اي حاجة
الكل ضحك
ادم: بابا
يحي: ايه عايز ايه انت كمان
ادم ضحك: كل خير.....عايزك تحدد معاد مع والد جميلة علشان نروح نطلب ايديها
اريان: وانا نفس الكلام مع والد آسيا
يحي: طيب ماشي
ادم: وفكرني اكلمك في موضوع مهم بس لما نروح
يحي: ماشي
فهد: اه صح هو احنا كدة المفروض انا ولوئي نتقدم لمايا وروما ولا ايه
يحي: لا لان سبق وقصي طلب ايد البنات مني ليكوا فإنتوا في السليم وغير كدة اخدتوا موافقة الشباب اما ادم واريان فهما علشان اللي طلب الاذن حلا وده مينفعش وفيه اصول لازم تتعمل فإنتوا تكتبوا كتابكوا عادي
روما: فين الباقي وحلا وقصي وسمير وإيلين
احمد: سمير وإيلين بيتمشوا وحلا وقصي هتلاقيهم هنا ولا هنا
لوئي: لحظة واحدة حلا وقصي لوحدهم
جاسر ضحك: نفس اللي قولته
محمد: ما تسيبوهم على حريتهم شوية الله وبعدين هو بقى جوزها مالكوا في ايه ولا انتوا متغاظين علشان متجوزتوش ومش عارفين تاخدوا راحتكوا
روما: طب انا عايزة اروح هموت وانام والساعة بقيت ١٠ ونص
سمير وإيلين عادوا وجلسوا مع الكل
فارس: هنسيبهم على راحتهم ماشي بس دول بقالهم تقريبا ساعتين مع بعض ولا اكتر كمان لا يكون قصي اكل حلا
الكل ضحك
جاسر بسرعة: قوم خلينا نطمن على حلا ونجيبهم علشان نروح
فارس وجاسر ذهبوا
فارس: طب انت عارف هما فين
جاسر: شوفتهم وهما متجهين للحديقة الخلفية
فارس غمزله: شكلك قاعد مركز معاهم اوي
جاسر ضحك: لا والله عيني جت عليهم بالصدفة وشوفتهم
__________________________________
قصي وحلا لم يعرفوا كم مر من الوقت وهم يعانقون بعضهم حلا ابتعدت شوية وقصي ألصق جبينه بجبينها ورفض تركها
قصي: ممكن اسألك سؤال
حلا بخجل: اممم
قصي: ايه نوع السحر اللي القتيه عليا يعني سحرتيني ازاي....ازاي خليتيني مش انا
حلا ضحكت بشدة وابتعدت عنه: هقولك اصل ده سحر الحب يا اميري الساحر.
وضحكت قصي ابتسم على لقبه
حلا حاولت تسيطر على نفسها: مع اني انا اللي المفروض اسألك السؤال ازاي خلتني احبك واتعلق بيك في وقت قصير جدا.
قصي اقترب منها وحاوط خصرها وبإبتسامة وحب وهو ينظر في عينيها مباشرةً: مش انتي لسة قايلالي اني اميرك الساحر
حلا بإبتسامة عذباء سحرته: اه
قصي بحب: وبما اني ساحر فطبيعي هبقى جذاب فجذبتك ووقعتك في حبي
حلا ضحكت بخفة: هي وجهة نظر تحترم وكل حاجة بس انا مش مقتنعة بيها
قصي ابتسم: ليه بقى عندك شك ان اميرك مش جذاب
حلا: انا مقولتش انك مش جذاب بس يعني انا مش من نوع البنات اللي تنجذب لشاب بمعنى مبركزش اوي او في دماغي موضوع الحب والجواز والدلع واني اشوف واحد وارسمه بعنيا رسم لا انا مش كدة يعني ممكن تلاقيني بتكلم وعيني في عين الشخص اللي قدامي حتى ممكن تقول ان حفظت ملامحه بس لو جيت سألتني مثلا عن لون عيونه او اي تفصيلة في وشه هقولك معرفش لاني مبركزش يعني فهد انا معرفتش ان عنيه ملونة غير من مايا مع اني بشوفه في الشركة كتير وبقابله كتير بس مبركزش بس انت غير يعني بالرغم اني مبركزش بس شوفتك مرة واحدة وملامحك علقت معايا بلاش ديه لما كنت صغيرة مكنش في دماغي الحب والجواز وكنت رفضاهم من الاساس وقافلة قلبي بالمفتاح والقفل زي ما بيقولوا وكمان باب حديد بس انت جيت وكسرت القفل والكالون والباب الحديد وخلتني غصب عني اتشد ليك واحبك مع اني حاولت كتير اني مأحبكش ولا اتعلق بيك بس انت زي ما تكون ضدي وعند فيا بتعمل كدة كل ما بقول هبعد عنك ومش هشوفك الاقيك طالع في وشي ولا كإنك بتيجي بمجرد ما افكر اني ابعد عنك علشان مأتعلقش بيك بالرغم اني اتعرفت عليك قبل الحادثة بثلاثة اشهر وكنت بشوفك كل اسبوع مرة او مرتين يعني هنقول المجمل وان يكن عشرين مرة او ١٥ مرة انت في الفترة القليلة ديه قدرت تستحوز على قلبي وتخليني احبك بالرغم من الحواجز اللي انا كنت حطاها وبالرغم اني بعدت عنك عشر سنين بس كنت فاكرة ملامحك بأدق التفاصيل وحتى وصلتني لمرحلة اني ارسمك واعرف شكلك قبل ما اشوفك بس انا مكنتش عارفة ده بس مش هنكر اني يوم ما رسمت اللوحة حسيت ان ده انت بس كنت ما بين شك ويقين
قصي ابتسم: طب ليه حسيتي ان ده انا
حلا بحيرة وتفكير: مش عارفة يمكن علشان كنت وحشني ومحتاجالك مش عارفة
قصي: ولما انا وحشك اوي كدة وكنتي محتاجاني ليه مجيتيش لعندي
حلا: انا ساعتها كنت في تركيا تقريبا او امريكا كنت بخضع لمسابقات زي تصميم ازياء وكنت انا اللي بصممها وسباحة وخيل وسباقات تانية كتير وكنت بجهز نفسي لدخول كلية الشرطة فكنت ما بين عايزة اجي بس فيه حاجة منعاني او كل اما اقرر اني هروحلك احس ان فيه حاجة بتمنعني
قصي: امم يعني بتعترفي اني جذاب وحلو صح
حلا ابتسمت: بس انا مقولتش كدة انت هتحلل الكلام على مزاجك
قصي بترقب: يعني انا مش حلو ولا جذاب
حلا: انا برضه مقولتش كدة
قصي: اومال انا ايه يعني قولتلك انا حلو وجذاب قولتي هتحلل الكلام على مزاجك قولتلك يعني انا لا حلو ولا جذاب قولتيلي انا مقولتش كدة ماهو حاجة من الاتنين مفيش حل تالت
حلا: ممكن يكون فيه
قصي رفع احد حاجبيه بإستنكار: والله ده من وحي خيالك واقتراحك
حلا: تؤ ديه الحقيقة اللي انا شايفاه او تقدر تقول نظرتي فيك ورأيي
قصي: اممم وحضرة الاميرة سندريلا رأيها ايه في حبيبها
حلا: اولا انت مش حبيبي يعني من انهاردة انت بقيت اميري اما بخصوص نظرتي فيك فأنا شايفة انك لا حلو ولا جذاب يعني مش بالظبط بمعنى ان الوصف ده قليل عليك يا...اميري الحلو.
قصي ابتسم: طيب وايه نظرتك فيا يا اميرتي
حلا: امم ممكن نقول انك ساحر يعني فيك من ده لانك قدرت بكل بساطة وفي وقت قليل جدا تسيطر على قلبي وعقلي وتفكيري وروحي وكلي على بعضي فنقدر نقول انك ساحر....بس مقولتليش يا ساحري ايه نوع السحر اللي عملتهولي او عملته لقلبي
قصي ضحك: لما ابقى اعرف هبقى اقولك بس يظهر السحر اللي عملتهولك انقلب عليا انا كمان
حلا ضحكت: وارد جدا وممكن السحر ينقلب على الساحر
قصي قبل جبينها وعانقها: بحبك فوووق ما تتصوري
حلا سكتت ودفنت وجهها بصدره تستنشق عطره الذي يجعلها بدنيا اخرى متناسية كل شئ قصي اسند ذقنه على مؤخرة رأسها يد تحاوط خصرها واليد الاخرى يملس بها على ذراعها اليسار وتحاوط ظهرها وقفوا ينظرون للبحر وامواجه
جاسر من خلفهم: استحليتها انت ها
قصي نظر خلفه وحلا ابتعدت عن قصي قليلا لكنه لم يزيح يده من على خصرها
قصي: ايه اللي جابكوا
فارس بمرح وإستفزاز: دفعنا فلوس واشترينا تذاكر وحجزنا مكان في السنيما الرومانسية الجميلة الجذابة ديه علشان نتفرج
قصي: خفة يالا تصدق دمك خفيف بشكل مخليني عايز امسكك اعملك خريطة جمهورية مصر في وشك
جاسر ضحك: احنا جينا علشان ناخد حلولتك منك علشان هنروح البنات تعبانين وعايزين يروحوا
قصي: طب ما تروحوا انتوا وانا شوية وهوصلها على البيت
جاسر: لا معلش كفاية عليك الساعتين اللي قعدتهم معاها وبعدين ابقى تعالى بات معانا في البيت واقعدوا براحتكوا وبعدين ده امر من السلطات العليا واساسا عايزينكوا ضروري
حلا بإستغراب: ليه في حاجة
جاسر: معرفش ممكن يكونوا هيقولولكوا اخر الاخبار
قصي: وايه هي اخر الاخبار
فارس: مش هنقولك علشان تيجوا معانا
جاسر: بالظبط كدة
قصي بغيظ: يلعن ابو رخامتكوا غوروا من وشي وقولولهم شوية وهنيجي
جاسر وفارس معا: تؤ تؤ ناووو
قصي بغيظ: انا بقول نعمل الفرح بكرة علشان انا كدة هرتكب جريمة قتل وهروح في الاتنين دول في داهية
حلا: طب اسبقونا يا جاسر واحنا هنيجي وراكوا
جاسر: بتأيدي كلام حبيب القلب
فارس: مش هينفع لازم تيجوا معانا وبعدين متخافيش يعني مش هيوحشك اوي هنخليكي تركبي معاه في العربية واحنا راجعين على البيت مش هنحرمك منه
حلا بغيظ: هلم شعري يا ظريف منك ليه هرفعه لانه اتفك
جاسر بخبث: وايه اللي فكه يا عنيا
حلا رفعت احد حاجبيها وبغيظ: وانت مال ام مناخيرك حاشرة نفسها في اللي ملهاش فيه ليه اتفك لوحده
جاسر غمزلها: اتفك لوحده برضه...عموما لينا بيت يلمنا وهخليكي تحكيلي يا روحي
حلا وهي تتجه للأرجوحة لتبحث عن دبوس شعرها: ده عند ام حسن
جاسر: هنشوف يا سيادة الاميرة
جاسر وفارس ذهبوا وحلا رفعت شعرها واعادته مثل ما كان ووضعت دبوس الشعر وعندما انتهت قصي حاوط خصرها وهي كذلك حاوطت خصره وذهبوا للجميع
__________________________________
بمجرد ذهاب جاسر وفارس
مها: الواد فارس والواد جاسر رخمين ومش هيخلوهم يتهنوا شوية واكيد هيرخموا عليهم
سمير ضحك: يبقى هيرجعوا ووشهم متشلفط
سلمى ضحكت: اوبا كدة مش هنعرف نلاقي عروسة لجاسر
فهد: طب وفارس
يحي: لا ما كدة كدة رقية موجودة ومش هتسيبه ولا ايه يا روكا
رقية: طبعا يا بابا وهي ديه فيها كلام
عفاف: انا مش عارفة انتوا ليه مخطبتوش زيهم يعني مأجلين ليه
رقية: انا حاليا في مهمة وشغل سري فمش هقدر اخد اجازة دلوقتي وهيبقى صعب هخلص شغل واظبط دنيتي وانقل شغلي هنا وبعدين ربنا يسهلها
مها: هو انتي بتشتغلي ايه يا روكا
إيلين بمرح: بتشتغل زي حلا مخابرات سرية هي المفروض انها بتحقق في مهمة وده طبعا بمساعدة حلا وبعض المعارف بس الموضوع سري شوية صح يا روكا
رقية اومأت بالموافقة
عفاف: طب ما تخلي فارس يبقى معاكي في المهمة
رقية: هو عرض عليا بس انا رفضت لان بصراحة الموضوع فيه خطورة شوية وانا مش عايزة اورطه في الموضوع لانه كان ساعتها في مهمة قصي ومهمات تانية ولسة عنده ضغط شغل في المركز فلا بلاش مش عايزة اتعبه وارهقه معايا كفاية انه في اليومين اللي فاته مكنش بينام كويس بسبب الشغل في المركز ومهمة قصي والامور في المركز مش مستقرة اوي
روما بإبتسامة: الله على الحب المقطع بعضه
رقية بغيظ: وانتي مالك يا ام لسان طويل....ما بلاش انتي علشان اسرارك معايا هفضحك قدام حبيب القلب
روما: ده انتي عسل وحياتي واهون عليكي برضه يا اختي الكبيرة العزيزة القمورة العسولة
رقية: انتي هتكبريني وخلاص انا عندي عشرين سنة وقربت اتم الواحد وعشرين انا اكبر من حلا بأربع شهور بس اييه اللي يسمعك يقول اني عجزت خلاص
الكل ضحك
سلمى: بس انتي يا روكا ميلقش عليكي شغل المخابرات ده والتحقيق
رقية: فعلا ماهو انا مكنتش عايزة ابقى محقق وكنت داخلة بشتغل يعني مسؤلة عن الحاسوب وكدة يعني اقدر اخترق الحواسيب واسرق البيانات من عليها وكنت حابة الشغلانة ديه ومكنتش بحب اني الاحق مجرمين وكدة بس حلا اللي شجعتني وقالتلي اني لازم اكون محقق وزقتني في الموضوع وقدمتلي وحطتني تحت تدريبها ومراقبتها يعني بقيت من ضمن فريق حلا بس انا لسة مش بقالي كتير في الموضوع يعني من قيمة ست شهور وديه المهمة الرابعة ليا
سلمى: امم وهتخلصوها امتى
رقية: لسة بنحقق في الموضوع وممكن يطول شوية لانه سري يعني حاجة زي كدة بتاخد وقت ومبيبقاش متحددلها وقت يعني مثلا مهمات حلا بتبقى عارفة لانها مرتبطة بوقت معين الوقت ده يعود للعصابة يعني على حسب العصابة هتسلم امتى وتستلم امتى فعلى الاساس ده بتقول المهمة هتخلص بعد شهر او اتنين انما ده تحقيق في قضية
محمد: قضية ايه
رقية: قتل واغتصاب او بمعنى اصح محاولة اغتصاب بس كانت هتتحول لقتل
عفاف: ازاي يعني ماهي حاجة واحدة يا ده يا ده او الاتنين مع بعض بس مش حاجة هتتحول لحاجة
رقية: لا ماهو الضحية اتعرضت لمحاولة اغتصاب يعني كانوا ناويين يعتدوا عليها بس والله واعلم حاولت تهرب او تضربهم فضربوها بحاجة على راسها او وقعت اتخبطت في راسها فتقريبا لما شافوا منظر الدم خافوا ومشيوا وسابوها واللي جابوها على المستشفى جيرانها
عفاف: يا حبيبتي وهي ديه ملهاش اهل
رقية: للاسف لا......اهلها متوفيين من سنة تقريبا
عفاف: طب وحالتها ايه
رقية: حالتها صعبة لان الضربة كانت على دماغها وهي حاليا في غيبوبة ومستنينها تفوق علشان نعرف تفاصيل اكتر بس في نفس الوقت بنحقق برضه
عفاف: ربنا يقومها بالسلامة وينتقم من كل ظالم ومفتري
جاسر وفارس جائوا في هذه اللحظة وحلا وقصي خلفهم
قصي بغيظ: انتوا مليقتوش غير ارخم اتنين وتبعتوهم
انجلي ضحكت: اووووه شكلهم قطعوا عليكوا لحظة رومانسية صح
جاسر: روحت لاقيتهم حاضنين بعض وايه بقى الحب كان مولع
فارس: ماهو طبيعي اما صدقوا
قصي: اخرسوا انتوا الاتنين يستحسن ليكوا.....المهم كنتوا عايزنا في ايه
احمد: فهد ومايا هيكتبوا كتابهم بكرة ولوئي وروما بعد بكرة ايه رأيك
قصي ابتسم: الله ينور بس إشمعنا يعني بكرة وبعد بكرة
فهد: وانت مالك يا رخم احنا حريين نعملوا بكرة نعملوا الاسبوع اللي جاي او حتى بعد شهر وانت مالك
قصي: بقى كدة طب يا بابا انا بقول نأجل الموضوع لبعد شهر عسلي
احمد ضحك: ده انت نابك اسود اوي عموما انا معنديش مانع واهو نكون فوقنا شوية
فهد: جرى ايه يا عمي انا بالطريقة ديه هخطفها واخد موافقة بابا يحي ومن هنا على المأذون وانت بطل يا خفة بدل ما اتجوزها انهاردة ودلوقتي
قصي: جرب تعملها هحول الفرح وكتب الكتاب لدفنى وعزا بإذن الله
فهد: ده انت حبيبي واخويا قبل ما تكون صديقي وبن عمي والله عسل وبحبك اوي
الكل ضحك
يحي: طب انتوا هتعملوا ايه يعني قررتوا الفرح امتى
قصي: لا لسة
حلا: انا بقول يكون بعد ما ادم واريان يتقدموا للبنات يعني بعديها هنبقى نقعد ونحدد يوم للفرح
قصي: ده كتير اوي
حلا بدهشة وإستغراب: نعم! هو ايه اللي كتير.....تحب يا حبيبي نعمل الفرح بكرة بعد كتب كتاب فهد ومايا
قصي: ياريت
حلا وضعت يدها على وجهها بإستنكار وغيظ
سلمى ضحكت: اهدى شوية متستعجلش بدل ما تطير منك
قصي مسك ايد حلا وابتسم: لا انا ضمنتها خلاص وان حاولت تطير هلحقها واجيبها من شعرها
حلا ابتسمت بخجل
قصي: عموما يعني الشباب كدة هيكتبوا بكرة وبعده يبقى على بركة الله طب واريان وادم ناويين امتى ان شاء الله
اريان ابتسم: هي حلا مقالتلكش
قصي بإستغراب: مقالتليش ايه
حلا: هات ودنك
قصي اقترب منها وهي همست في اذنه
حلا: اريان وادم ناويين يتقدموا لآسيا وجميلة اخر الاسبوع بس هيخلوها كتب كتاب كمان بس البنات ميعرفوش وديه مفاجأة ليهم
وابتعدوا عن بعض
قصي ابتسم: لا حلوة الفكرة وعجبتني بالتوفيق
حلا: بس انا بقول يا شباب خلوها في نفس اليوم هتبقى احلى يعني اتنين في واحد فهمتوا
ادم: لسة بنفكر وهنشوف
جميلة بإستغراب: بتفكروا في ايه وهتشوفوا ايه
ادم بخبث: بفكر في يوم فرحنا والمغامرات اللي هنعملها تحبي تفكري معايا يمكن تفيديني بأفكارك
مها وحلا فهموه فضحكوا بشدة وجميلة وجهها احمر من الخجل واما روما ومايا اخذوا وقت لإستيعاب الامر ومن ثم دخلوا في غيبوبة ضحك والكل واقف مستغرب على ضحكهم وقصي ابتسم
يحي بإستغراب: بتضحكوا على ايه
مها: ولا حاجة
روما: معقولة يا بابا انت مفهمتش قصد ادم
يحي: قصده على يوم الفرح وتخطيطاتهم لليلة زفافهم يعني هيعملوا ايه في الفرح وكدة
ادم: مكنتش اعرف يا حج انك بتفهمني غلط كدة كنت فاكرك بتفهمها وهي طايرة بس خيبت ظني
يحي بعدم فهم: هو في ايه مالكوا
حلا: ولا حاجة يا بابا لما نروح هقولك انا كان قصده ايه
قصي: طب متفهميني انا قصده ايه يعني انا اولى برضه
الكل ضحك
حلا بغيظ: ده على اساس انك مفهمتش قصده يا حبيبي ده انت اكتر واحد واولنا هتفهم قصده وكويس اوي
قصي: قريب يا قطتي هتفهميني وبالتفصيل كمان ومش بعيد يكون بالعملي كمان
حلا لم تفهم قصده ولكن احمد وسلمى فهموه وابتسموا وكذلك الشباب اما البنات فلم يفهموا شئ ماعدا انجلي الذي فهمته وابتسمت
روما: طب يلا نرووووح عااايزة اناااام يا بشششرررررر
يحي: طب يلا خلونا نروح
الكل وقف واستعدوا للرحيل واتجهوا للسيارات
قصي: بابا
يحي واحمد معا: نعم
قصي ابتسم: احم قصدي بابا يحي
يحي: نعم يا قصي
قصي: ممكن حلا تركب معايا عربيتي واوصلها على البيت
يحي ابتسم: هي بقيت ليك ومراتك ومن حقك.....تقدري تروحي معاه يا حلا
حلا اومأت بتفهم وبعض الخجل وصعدت بسيارة قصي وجلست بجواره وروما ومايا صعدوا مع يحي ومها بسيارتهم والشباب عادوا للبيت مع احمد وسلمى ماعدا قصي فذهب لبيت حلا اولا ليوصلها وعندما وصلوا للبيت
قصي: عارفة نفسي في ايه دلوقتي
حلا ابتسمت: تحب اقولك ولا تقول انت
قصي ابتسم: لا قولي اما نشوف مدى فهمك وإحساسك بيا
حلا ضحكت: عندك شك
قصي: هو ميعتبرش شك او لنقول حاجة بسيطة
حلا: عموما انت نفسك انك تاخدني على البيت عندكوا وابات معاكوا او بمعنى اصح معاك وفي اوضتك
قصي ابتسم: هو انا واضح ولا انتي ساحرة وبتفهمي ايه اللي بيدور في راسي
حلا ضحكت: لا ده ولا ده بس تقدر تقول اني بحبك وبحس بيك وبفهمك اكتر ما بتفهم نفسك حتى.....تصبح على خير
قصي بحب: وانتي من اهلي
حلا خجلت وترجلت من السيارة ودلفت خلف الكل قصي ادار سيارته عائدا لبيت الشناوي ولكن وهو في منتصف الطريق لمح هاتف حلا بالسيارة
قصي: شكلها نسيت تليفونها.....طب اخليه معايا واديهولها بكرة ولا ارجع اديهولها......لا احسن اني ارجع واديهولها بدل ما يكلموها من المركز بخصوص حاجة وانا كدة ممكن اوقعها في المشاكل هرجعهولها احسن
قصي ادار سيارته عائدا لبيت الدالي
__________________________________
في بيت الدالي البنات صعدوا لغرفهم ليبدلوا ملابسهم وينامون ماعدا حلا ادم واريان ويحي وحلا ومها جلسون مع بعضهم في الصالون اما جاسر فصعد ليرتاح لانه كان يعمل من ليلة البارحة بالمركز
يحي: اولا كان قصد ادم ايه
ادم: مازلت مبتنساش يا ساتر يارب
الكل ضحك
حلا ابتسمت: كان قصدوا على اللي هيحصل بعد الفرح. وغمزتله
يحي ضحك: انا برضه اللي يا ساتر يارب لما انت بتفكر في الامور ديه قبل الجواز اومال بعد الجواز هتعمل ايه
ادم: سيبك من ده كله عايزك في موضوع مهم
يحي: قول
ادم: اولا بس انت اللي هتكلم والد جميلة ولا اكلمه انا
يحي: شوف اللي يريحك انت ايه
حلا: ممكن اقول حاجة
الكل: قولي
حلا: بما إن بابا ووالد جميلة اصدقاء من الصغر فأنا بقول تعملهاله مفاجأة ده في حالة جميلة مقالتلوش حاجة وتقعد معاه وبعدين تكلمه بخصوص موضوع جواز ادم وجميلة واظن انك في نفس الوقت هتقابل والد آسيا
يحي: فكرة حلوة جدا
ادم: وانا هكلم جميلة واقولها متقولش حاجة لاهلها
اريان: وانا هكلم آسيا برضه
يحي: يبقى تمام بس انا معيش رقم اي حد
حلا بإبتسامة ود: ولا يهمك انا سجل المكالمات والارقام بتاعك اي حد انت عايز رقمه او تكلمه انا في الخدمة اربعة وعشرين ساعة انت تؤمرني بس يا باشا وانا هنفذ فورا
يحي قبل رأسها وعانقها وهي بادلته العناق: حبيبتي دايما كدة بلاقي حل مشاكلي عندك
حلا ابتعدت عنه وبغرور: طبعا ما انا في الاول والاخر الرائد حلا وبنت اللواء يحي الدالي وحفيدة اللواء سعد الدالي وبنت اخو اللواء محمد الدالي
ادم: نسيتي انك اخت الرائد جاسر وبنت عم الرائد فارس وفي مثابة اخته يا حبيبتي
اريان: كدة ناقص انك تقولي انك مرات الكينج ونسيبت الرائد لوئي ومرات ابن اللواء احمد الشناوي هو انا ناسي حد ولا حاجة
حلا: كويس انكوا ذكرتوا الباقي عني
الكل ضحك
اريان: طب اسمك حاليا ايه
ادم: انا هقولك اسمها الكامل هو بيتنطق بثلاثة طرق وانت اختار بقى الطريقة الاولى حلا يحي الدالي قصي احمد الشناوي.. الطريقة التانية حلا يحي الدالي سعد الدالي قصي احمد الشناوي..والطريقة التالتة حلا يحي سعد الدالي قصي احمد الشناوي
حلا: الطريقة الاولى عجباني اكتر اما بخصوص اسمي في الطريقة التالتة فنصفه متسجل بيه شهادة ميلادي
اريان: بس اسمك طويل اوي ايه ده
حلا ضحكت: بس انت لما هتيجي تناديني هتناديني باول اسم اللي هو اسمي
ادم بمرح: وممكن نناديكي بمدام قصي وانا بقول اللقب ده احلى او لو تحبي ممكن نخليها مدام الكينج
حلا: لسة على فكرة مازلت انسة
مها: عارفين انك مازلتي انسة بس بعد كام اسبوع هتبقي مدام ولا ناوية تفضلي انسة طول حياتك وهتوقفيها على كتب الكتاب
حلا: ومستعجلة ليه يا مها ايه لا اكون قاعدة على قلبك ولا عاوزة تستفردي بيحي لوحدك مش كدة
مها: شوف البت ام لسان ونص
ادم واريان ويحي ضحكوا
اريان بمرح: وبكدة نقول ان ريا وسكينة هيرجعوا لعادتهم القديمة
الكل ضحك
حلا: هو انا مصيري ارجع بس لو كل واحد خلاه ضمن حدوده ومتعداش على حدود التاني هنبقى تمام وعال العال
مها: ومين في رأيك كان بيتعدى حدوده ها
حلا: ابويا الله وبعدين كفاية عليكي انك كنتي معاه وشبعتي منه قبل ما انا اجي يبقى دورك خلص وجيه دوري
يحي ضحك: طب وقصي ده ايه حضرتك
حلا: جوزي وحبيبي وانت ابويا وحبيبي برضه ومأظنش فيه بنت هتقدر تختار ما بين جوزها ووالدها عموما ادم انت كنت عايز تقول لبابا ايه
ادم بتذكر: اه صح كنت عايزك يا بابا لما تكلم والد جميلة تقولوا اننا هنكتب الكتاب مع قرائة الفاتحة يعني هنجيب المأذون او هنكلمه ونديله العنوان وهو يجي
اريان: اه وانا كمان
يحي: ده بالناقص انكوا تقولولي هتكتبوا الكتاب في نفس اليوم
ادم واريان وحلا معا: وده وارد جدا واحتمال كبير
يحي نظر لثلاثتهم بدهشة وإستغراب وابتسم والشباب وحلا نظروا لبعض وضحكوا
يحي: طيب خلاص اتفقنا اول لما اتفق مع اهل العروستين هبقى ابلغكوا اي اوامر تانية
حلا وادم واريان نظروا لبعض ومعا: اه فيه
يحي: اللهم اجعلوا خير في ايه
حلا وادم واريان انقضوا على يحي وعانقوه مثلما كانوا يعانقوه من عشر سنين يحي ابتسم وعانقهم
حلا ابتعدت عنه: انا هطلع اغير وانام وبكرة نبقى نقعد مع بعض ونتكلم ماشي
يحي: تصبحي على خير يا سندريلا
ادم: بس الشهادة لله مكونتش اعرف ان اختي مزة كدة كنتي مخبية الحلاوة ديه كلها فين ها وبعدين نهون عليكي تبقي حلوة لقصي واحنا اللي قاعدين معاكي لا إخص عليكي إخص
اريان: بس بجد لايق عليكي فستان سندريلا جدا واللقب لايق اكتر
حلا ضحكت: خلاااص كفاية ايه ناويين تتعشوا عليا.....يلا تصبحوا على خير
الكل: تلاقي الخير
حلا صعدت لغرفتها وبمجرد صعودها اعلن جرس الباب عن رنينه
مها: خليكوا انا هروح افتح
يحي: لا خليكي انا هقوم اشوف مين
مها: بس......
يحي بصرامة: اظن البيت فيه رجالة وانا لسة مموتش عايش
الشباب ومها بسرعة: بعيد الشر عنك
يحي ذهب وفتح الباب وكان قصي
يحي ابتسم: هو انت بتيجي على السيرة ولا ايه
قصي ضحك: يمكن
يحي: ادخل
قصي: لا انا كنت بس.....
يحي: وهو انا باخد اذنك
يحي جذبه من يده للداخل ودخلوا للصالون
ادم وهو يغمز له: ايه سندريلا لحقت توحشك
قصي: هكون صريح معاك هي بتوحشني وهي معايا فما بالك بقى وهي بعيدة عني
يحي: ملكوش دعوة بيهم وخلونا نشوف بكرة هتعملوا ايه في سندريلا الخاصة بيكم
ادم: طب انا بقى هطلع ارتاح وانام
اريان: وانا كمان
يحي: وانت حابب تنام في اوضة حلا ولا في اوضة تانية
اريان: وينام في اوضة حلا ليه يجي ينام معايا احسن
مها نكزته في ذراعه: بطلوا تغلسوا عليهم بقى
قصي: لا انا مش جاي ابات انا جاي ادي لحلا تليفونها لانها نسيته معايا في العربية
مها: ومادام جيت مش هترجع تاني وهتبات وده اخر كلام
قصي: بس........
يحي قاطعه: انا هكلم احمد وسلمى
قصي: بس يا ع........
قاطعه يحي مجددا: ده اخر كلام ومفيش اعتراض
اريان بإبتسامة: فكر في الموضوع يا قصي ده عرض مغري هتنام في اوضة اميرتك سندريلا
ادم: انا لو منك وحمايا عرض عليا العرض المغري ده هوافق ومش هتردد لحظة واحدة
قصي ضحك: ده انتوا بتحبوا حلا حب وبعدين ديه ممكن تكرشني من الاوضة
مها: ديه روحها فيك مش هتقدر اساسا
يحي: وبعدين محدش يقدر يطردك وانا موجود وبعدين انت مش جوزها ولا ملكش سيطرة عليها
ادم ضحك: هيسيطر اكتر من كدة ايه انت شكلك مستغني عن بنتك بس احنا مش مستغنيين عن اختنا اوعى تسيطر اكتر من كدة هموتك لو سيطرة اكتر
الكل ضحك
قصي: انا برئ والله معملتش حاجة
اريان: كل ده ومعملتش يا قسوتك يا اخي
قصي: لا اخدها بس بيتي وهعمل كل خير
يحي ضحك: طب اطلع اطلع يا حبيبي عارف اوضتها ولا ادلك
ادم: لا عارفها واعز المعرفة ولا انا غلطان يا كينج
اريان: وبعدين لو مش عارف قلبه هيدله
قصي: كنت فاكر ان جاسر بس اللي رخم بس يظهر كل الاخوات رخميين
الكل ضحك
يحي انخفض على اذن قصي وهمس: بلاش نتهور اوي ها وابعد عن شوشو احسن
قصي ضحك وبصوت واطي: حاضر واكيد مش هيبقى التهور كله لازم اخلي حبة ليوم الفرح
يحي ضحك بشدة: يخرب دماغك السم امشي امشي ده انت فعلا شوشو صاحبك
قصي والشباب ضحكوا
مها: اطلع وانا هجيبلك هدوم من هدوم ادم علشان تغير
اومأ قصي بتفهم وصعد لغرفة حلا ادم واريان سلموا على والدهم وصعدوا على غرفهم ومها صعدت لغرفة ادم لاخذ هدوم لقصي
__________________________________
في غرفة حلا قفلت البلكون والستاير وخلعت حذائها ووضعته بأحد الزوايا وخلعت حلقها ووضعته على المنضدة الصغيرة التي تقابل فراشها على بُعد ووقفت ظهرها للبلكون مقابل فراشها فكت دبوس الشعر لينساب شعرها الناعم على ظهرها لتأخذه وتضعه على احد كتفيها وتمد يدها خلف رقبتها محاولة لفتح سحاب الفستان ولكن يدها لا تطوله ظلت تحاول حتى سمعت دخول احد من غرفتها حلا لم تلتف وظنت انها رقية
حلا: رقية ممكن تساعديني ففتح السوستة لاني مش عارفة اطولها
قصي ابتسم واقترب ووقف خلفها ومد يده وفتح السوستة ليظهر له منتصف ظهر حلا حلا مدت يدها لتفك السلسة التي ترتديها وهنا شعرت بأنفاسه قبل شفتيه على عنقها وكتفها ويده التي تحتضن خصرها حلا انصدمت وتسمرت مكانها واغمضت عينيها بقوة وكانت ضربات قلبها سريعة قاطع هذه اللحظة الرومانسية طرق مها ودخولها للغرفة قصي ابتعد عن حلا وهو يحاول ان يسيطر على افعاله وتصرفاته وحلا التفت لتقابل وجهه وكان وجهه احمر بشدة وينظر بجهة اخرى بعيدا عن وجهها ففهمت انه يحاول ان يسيطر على نفسه فدخلت للحمام بسرعة لتأخذ شاور سريع
مها: قصي اتفضل ديه الهدوم
قصي: شكرا
مها بإبتسامة: نام وارتاح ولو البت حلا كلمتك اديني رنة وانا هاجي اظبطهالك
قصي ابتسم: متقلقيش انا مسيطر
مها ضحكت: ربنا يخليكوا لبعض يلا تصبح على خير
قصي: تلاقي الخير
مها خرجت وقفلت الباب قصي جلس على السرير وحدث والدته واخته وسته لكي يطمأنهم عليه وسلمى اخبرته بأن يحي اخبرها بمبيته عندهم وبعد دقائق قليلة حلا خرجت من غرفتها وكانت تظن انه ليس بغرفتها فخرجت وهي تلف جسدها بمنشفة وبيدها منشفة اخرى تجفف بها شعرها ولم تنتبه لقطرات المياه التي تتساقط من شعرها على الارض ولا لوجود قصي وقفت امام تسريحتها وهي تجفف شعرها قصي رفع نظره بمجرد ان سمع صوت باب الحمام وهو يغلق ونظر لحلا واخذ ينظر لها بدهشة من اعلاها لأسفلها
قصي وقف وعلى ثغره ابتسامة خبيثة وحب ومرح: بسم الله ماشاء الله شكلك ناوية تخلي ليلتك بيضة ومش هستنى لحد يوم الفرح بالمنظر ده
حلا انتفضت بفزع وصدر منها صرخة من شدة الفزع وهي تلتف ونظرت لقصي بإستغراب وصدمة
حلا: انت بتعمل ايه هنا........انا انا افتكرتك خرجت
قصي بخبث: بعمل كل خير يا روحي
حلا لم تفهم نظراته لها فنظرت لنفسها رأت حالها بوضوح ففهمت نظراته وكلامه جائت لتركض بإتجاه الحمام انزلقت على الارض متألمة بسبب المياه التي سقطت من شعرها ولكن شعورها بالخجل والتوتر من وضعيتها امامه الان كان اكثر من الوجع الذي شعرت به في جسدها اثر الوقعة قصي ابتسم واتجه ومد يده لها ليساعدها لتقف حلا لم تنظر له ولكن مدت يدها بتردد وخجل وامسكت يده وجاء ليجذبها له لتقف انزلق واختل توازنه فوقع فوقها
قصي ابتسم: لازم اعترف ان ده قدرك وقسمتك ونصيبك يا عمري
حلا: طب ابعد علشان انت كتمت على نفسي
قصي: ابدا ما يحصل
حلا: ايه ناوي تنام كدة
قصي ابتسم وغمزلها: مش بس انام ده انا مستعد اقضي بقيت حياتي كدة
حلا وجهها احمر بشدة من شدة الخجل
حلا بتوتر: ط....ط.....طب....ا...ابعد...بقى....خليني اقوم
قصي: يرضيكي البرقوق يطلع ومأكولش منه
حلا اغمضت عينيها بقوة بخجل وتوتر لانها تعلم جيدا انه لن يتركها إلا عندما يأخذ ما يدور بعقله قصي التهم شفتيها في قبلة عميقة مليئة بمشاعر الحب والشغف وعندما شعر بأنفاسها التي تكاد تنقطع لم يتركها هبط على عنقها ليوزع قبلاته عليها حلا كانت تشعر بالخجل والتوتر الشديد بعد دقائق ابتعد قصي عنها وقام وقف ومد يده لها
حلا: مدتها مرة ومش مستعدة امدها تاني
وجائت لتقوم وتقف ولكن قبل ان تستطع وانزلقت قدمها ووقعت مرة اخرى على الارض
قصي ضحك بخفة: ده اخرة اللي يرفض مساعدتي
حلا لنفسها: ياربي انا ليه بيحصل فيا كدة وإشمعنا انهاردة
قصي: هتمدي ايدك ولا هتفضلي على الحال ده بس انا بصراحة مش ضامن نفسي
حلا اغمضت عينيها بخجل وإحراج
قصي ضحك ومد يده: هاتي ايدك
حلا مدت يدها ولكنها مازالت لا تنظر بوجهه وساعدها لتقف وبمجرد ان استطاعت الاتزان والوقوف
قصي: بصراحة انا واحد غلس ورخم وطماع
حلا استغربت لما قال هذا ولكنها لم تستطع التحدث او الاستيعاب بسبب جذب قصي لها لتصطدم بصدره ويحاوط خصرها ضاغطا عليه مقربها إليه بذراعه واليد الاخرى خلف عنقها ليثبتها ويقربها إليه ويقبلها بكل جوارحه ومشاعره حب..شوق..لهفة يقبلها بكل احاسيسه كاسرا كل الحدود بينهم والمسافات دقائق وابتعد ولكنه الصق جبينه بجبينها
قصي: بُصي لازم اعترف انك من اقل تصرف او حركة او رد فعل بدمريني فقدامك فرصة تمشي من قدامي وتدخلي تغيري هدومك لان انا معرفش لو فضلتي قدامي بالحال ده انا ممكن اعمل ايه ومأظنش هقدر اتحكم في نفسي واحنا الاتنين لوحدنا في الاوضة والشيطان تالتنا فانا بقول تمشي من قدامي احسن ليا وليكي
تركها وابتعد عنها لتفتح عينيها ببطئ وتقابل وجهه ونظراته التي لا تنم عن حسن النية نهائي ركضت على غرفة تبديل الملابس وقفلت الباب خلفها قصي ابتسم على تصرفها واخذ الهدوم ودلف لحمامها ليأخذ شاور سريع هو الاخر حلا ارتدت بيجامة من الستان لونها كشمير غامق ثلاث قطع بنطلون ضيق ولكن ليس كثيرا بلوزة بحمالة رفيعة وروب قصير يصل لبعد الخصر بحاجة بسيطة به يتخلله بعض اللون الاسود والقليل من الابيض خرجت وجلست على فراشها واخذت ادويتها ومخدرها وهبطت للاسفل لتجلب ابريق مياه بعد دقائق خرج قصي من الحمام واخذ المنشفة التي كانت بيد حلا تجفف بها شعرها فهي تركتها على التسريحة اخذها قصي وجفف بها شعره هنا دلفت حلا للغرفة ووضعت الابريق على احد الكوميدو الذي بجوار فراشها قصي رأها وجلس مقابل لها على الفراش
حلا: افهم بقى انت مش كنت مروح ايه اللي جابك
قصي: ايه زعلانة اني رجعت....شكلك زعلانة خلاص بقى انا همشي
قصي وقف حلا مسكته من يدها وجذبته بقوة فسقط على الفراش
حلا: اهدى انا مقولتش كدة انت بتفسر على مزاجك قصدي يعني انت وصلتني ومشيت ايه اللي رجعك تاني وبعدين ازاي تدخل اوضتي ومن غير ما تستأذن حتى
قصي ضحك بخفة: اولا رجعت علشان اديكي موبايلك اللي نسيتيه في العربية ثانيا حمايا هو اللي اصر اني ابات معاكوا انهاردة ثالثا بقى وده الاهم الاوضة اوضة مراتي استأذن ليه قبل ما ادخل
حلا شعرت ببعض الخجل ولكن حاولت ان لا تظهر هذا
حلا: طيب ليه فكيت السحاب
قصي: هو مش انتي اللي طلبتي ده
حلا بغيظ: انا طلبته على اساس ان اللي دخل رقية مش انت
قصي ابتسم: طب ما انا موجود هتحتاجي رقية ليه وبعدين يرضيكي ارفض طلب القمر
حلا بخجل: طب روح شوفلك اوضة تنام فيها انت مستحيل تنام معايا في اوضة واحدة وخصوصي بعد اللي حصل من شوية
قصي: يعني بذمتك انا راضي ذمتك واحدة خارجة من الحمام بفوطة تفتكري يعني هسيطر وخصوصي وهي قمر كدة
حلا بخجل: ما انا كنت فاكراك خرجت من الاوضة ايش عرفني انك هتبات
قصي بخبث: يعني افهم انك بتخرجي بفوطة وانت لوحدك بس
حلا بتوتر: ل......لا.....مش دايما...ق...قصي اطلع لبرا احسن
قصي ضحك وهو يقترب منها: ده عشم إبليس في الجنة.....بقيتي مراتي ومكان ما هتكوني وهتنامي هكون وهنام فيه....وبعدين يرضيكي اسيب البرقوق المسكر ده واخرج ده انا ابقى حمار وغبي ومبفهمش
حلا وهي تبتعد: قصي لو قربت تاني هصوت وهنادي لبابا وهو يتصرف معاك
قصي توقف: وهتقوليله ايه يا عنيا.....استني انا هقولك هتقوليله بصراحة يا بابا قصي بيحاول يبوسني هتقوليله كدة
حلا خجلت بشدة وقصي ابتسم وتركها وجلس بجانبها وفرد رجليه على الفراش
قصي: انا مش هخرج من الاوضة لانها عجباني وحبيتها
حلا اخذت الغطاء لتفرده عليها وعلى قصي وكانت ستنام
قصي بإستغراب: هتنامي بالروب
حلا بإستغراب: وبتسأل ليه
قصي: لا بس مستغرب لان اللي اعرفه ان مفيش حد بينام بالروب ولو فيه انتي مش هتنامي بيه لاني عارفك كويس مبتحبيش تلبسي كتير
حلا ابتسمت: بس انت معايا في الاوضة فلازم البس كتير تحصيناً ليا
قصي: وهتحصني نفسك مني ليه وبعدين انتي بتبقي جذابة في اي حاجة فحتى لو لبستي الدولاب كله اللبس مش هيحوشك مني
حلا ضحكت وهي تخلع الروب: ما انا عارفة انك في جميع الاحوال مش هتسيبني
حلا خلعت الروب ووضعته على الفراش
قصي فتح ذراعه لها وحلا ابتسمت
حلا: هنام ها
قصي ضحك: هنام بس مش هخليكي تنامي ولا هنام الا اذا نمتي في حضني
حلا ابتسمت واغلقت المصباح الذي بجانبها ووضعت رأسها على صدر قصي وحاوطت خصره وهو عانقها وقبل رأسها وذهبوا في سبات عميق قبل الفجر بدقائق قصي اخذ يتقلب بضيق وخنقة فقام خلع تيشيرته ورماه على الارض ونظر لحلا التي تنام على ظهرها ومعظم شعرها على كتفها مد يده وابعد خصلات شعرها عن كتفها ومد يده الاخرى وحاوط بها خصرها وطبع قبلة رقيقة على كتفها ودفن وجهه بعنقها ونام بعمق
__________________________________
في صباح يوم جديد استيقظ الكل ماعدا مايا وروما وحلا وقصي ومها ورقية حضروا الفطار وادم واريان فطروا بسرعة وذهبوا للشركة
مها: انا هروح اصحي البنات
يحي: لا سيبيهم نايمين لانهم ناموا متأخر وحلا اساسا نايمة بعديهم بساعة تقريبا فخليهم يناموا براحتهم ولما يصحوا يبقوا يفطروا
مها: وانتي صحيتي بدري ليه يا روكا اطلعي ناميلك شوية علشان ترتاحي
رقية: لا انا مضطرة اصحى بدري علشان هروح على المكتب عندي شغل هبقى اشرب قهوة علشان اصحصح عايزين حاجة
يحي ومها: سلامتك
رقية بإبتسامة: سلام
رقية ذهبت على مكتبها
يحي: هو الواد جاسر راح على المركز ولا نايم
مها: انا صحيت ملقيتوش في اوضته اظن انه ذهب للمركز
يحي: طيب انا هكلمه واطمن عليه
هنا اعلن جرس الباب عن وصول احدهم
مها: انا هفتح ديه اكيد انجلي قالتلي انها هتيجي تجيب هدوم لقصي علشان الشغل
يحي: طيب
مها ذهبت وفتحت وكانت بالفعل انجلي دخلت ورحبوا بها كثيرا وجلست معهم يتحدثون ويضحكون ويحي حدث جاسر وطمأنه انه بالمركز لان لديه الكثير من العمل وحتى ينهيه ليستطع حضور كتب كتاب اخته مايا وانضم لانجلي ومها وظلوا يتحدثون عن حلا وقصي وفيما بعد استيفظت روما ومايا وهبطوا للاسفل وانضموا لهم
روما: اومال حلا فين يا بابا
يحي: نايمة
مايا بإستغراب: عفوا بس مين اللي نايمة لحد الساعة ١١ ونص حلا....انت متأكد انك بتتكلم عن حلا
مها: مالكوا مستغربين كدة ليه
مايا: حلا عمرها ما نامت كل الوقت ده واساسا من ساعة الحادثة مكنيتش بتنام عدل اخرها او بكتيرها اوي تنام اربع او ست ساعات وده ان حصل حتى دايما كانت بتصحى على الفجر غريبة ديه
انجلي بإستغراب: هو قصي كمان لسة نايم
مها: اه يعني لو كان صحي كان نزل
انجلي: غريبة نايم كل ده هو مش ناوي يروح على الشركة ولا ايه.....انا هطلع اصحيه هو نايم فين
مها: في اوضة حلا
روما بإستغراب: هو قصي عندنا
يحي: اه
مايا: ونايم في اوضة حلا
يحي بإستغراب: اه
روما: اومال حلا نايمة فين
مها: في اوضتها هيكون فين
انجلي: يعني الاتنين نايمين مع بعض في اوضة واحدة صح
مها بإستغراب: هو فيه اييييه
انجلي ابتسمت: لا ولا حاجة كان مجرد سؤال عادي انا هروح اصحي قصي علشان يروح على الشركة لان لو فضل كدة يبقى مش هيصحى
مها: ده إشمعنا
انجلي: بُصي العلم عند الله قصي هو اللي يعرف السبب مش انا....عن اذنكوا
انجلي صعدت لغرفة حلا لتيقظ قصي دلفت للغرفة ورأتهم نائمين ورأت قصي وهو ينام على معدته ويحاوط خصر حلا بذراعه ويدفن وجهه بعنقها فإبتسمت واقتربت منه وحاولت ان تيقظه دون ان تيقظ حلا
انجلي بصوت منخفض: قصي.....قصي
قصي تململ بإنزعاج
انجلي: اصحى يا عم انت استحليتها قوم علشان تروح على الشغل
قصي وهو مغمض العينين وشبه مستيقظ: مش هروح انهاردة سيبيني انام
انجلي ضحكت: هتنام اكتر من كدة ايه قوم يا حبيبي احنا بقينا الظهر قوم يلا
قصي فتح عينيه بإستغراب: بتهزري
انجلي بإبتسامة: لو مش مصدقني بُص في ساعة موبايلك
قصي اخذ هاتفه ورأى ان الساعة تشير للحادية عشر ونصف قصي انصدم من نومه لهذا الوقت واستغرب انه مازال يرغب بالنوم وبشدة
انجلي ابتسمت: لسة عايز تنام
قصي: هبقى كداب لو قولتلك لا
انجلي ضحكت: لا شكل حضن حلا عمل الواجب وزيادة
قصي نظر لاخته بإستغراب ومن ثم حول نظره لحلا وكانت ما زالت نائمة وابتسم
قصي: احم هو انتي ايه اللي جابك
انجلي: جيت علشان اجيبلك هدوم علشان الشغل بس شكلك مش هتروح وناوي تستقر هنا......عموما الهدوم هناك على الطرابيزة الصغيرة ديه شوف انت بقى هتقوم ولا هتنام انا مضطرة امشي علشان فهد كان عايزني اروح معاه علشان ننقي فستان لمايا بس مايا متعرفش واه فهد مراحش الشركة بس سمير راح والله يكون في عونه
قصي قام جلس: لا يبقى لازم اروح مش هخليه يشيل الشغل كله لوحده واساسا كنت ناسي ان فهد هيكتب كتابه انهاردة
انجلي عبثت بشعره وابتسمت: طيب يا حبيبي اللي يريحك اعمله تؤمرني بأي حاجة تانية
قصي ابتسم وطبع قبلة على وجنتها: سلامتك بس ابقي طمنيني عملته ايه
انجلي: حاضر يلا سلام
قصي: سلام
انجلي نزلت واخبرت الكل انها ايقظت قصي واستأذنت للرحيل في الاعلى بغرفة حلا
قصي التف لحلا ونظر لها غرز اصابع يده بخصلاتها واخذ يبعث بها ويداعب بيده الاخرى وجنتها ويملس عليها برقة وحب حلا تملمت وعقدت حاجبيها بإنزعاج
حلا وهي شبه مستيقظة: بابا ونبي سيبني انام
قصي ابتسم: قومي كفاية نوم يا روحي
حلا فتحت عينيها بإستغراب ونظرت لقصي: انت بتعمل ايه هنا وازاي دخلت اوضتي
قصي: نهارك مش معدي يا روح قلبي انتي نسيتي اللي حصل امبارح ولا ايه ولا انتي مصابة بزهايمر بس لو ناسية افكرك تعالي
حلا بسرعة: لالا خلاص افتكرت
قصي: لا معلش انا اما صدقت انك ناسية ومصر افكرك ولو فاكرة عادي افكرك برضه
سحبها لتصبح تحته وهبط على شفتيها ليقبلها وحاوط خصرها ويده الاخرى اسفل عنقها ثواني وابتعد عنها
قصي: ها يا اميرتي افتكرتي ولا انتي استحلتيها وعايزاني افكرك تاني
حلا خجلت وجائت لتنظر للاسفل انتبهت انه لا يرتدي تيشيرته فشهقت وهي تغمض عينيها بقوة
حلا: ط.....طب قوم والبس....ت....تيشيرتك علشان مينفعش كدة
قصي: ليه يعني مش حلو كدة وبعدين انتي عارفة اني مبحبش انام بالتيشيرت بتخنق
حلا وهي مازالت مغلقة عينيها: بس انت حاليا صاحي مش نايم قوم بقى البس تيشيرتك
قصي وهو يدفن وجهه بعنقها ويعانقها وبنبرة مخدرة: مش عايز اقوم
جائت لتتحدث ولكن اسكتتها قبلاته على عنقها دقائق وابتعد عنها وقام جلس وارتدى تيشيرته وحلا قامت جلست على الفراش وهي تشعر بالخجل والتوتر الشديد قصي انتبه لبلوزة البيجامة ولونها الذي يليق على بشرة حلا البيضاء وشعر برغبة في التهامها وعدم تركها نهائيا قصي زفر بقوة وبإنزعاج حلا انتبهت له واستغربته: مالك في ايه
قصي: ابدا بس شكلك حلو على الصبح وشوشو عمال يوسوسلي وشكلي هستجيب له
حلا انتبهت لما ترتديه فوضعت الغطاء عليها وبتحذير وصرامة: قوم غير هدومك علشان تروح للشركة يا حبيبي بدل ما الم عليك البيت هو صبح وليل ولا ايه امشي
قصي ضحك: طيب اخدك بس على بيتي وهيبقى نهار وليل وظهر وعصر وكل الاوقات يا حبي
خطف قبلة سريعة من شفتيها واخذ ثيابه التي جلبتها انجلي له ودلف للحمام ليأخذ شاور سريع ويبدل ثيابه حلا قامت ورتبت فراشها وارتدت روبها وهبطت للاسفل
حلا بإبتسامة: صباح الخير
الكل: صباح النور
روما: هو المفروض مساء الخير لاننا بقينا الظهر
حلا: بس الظهر لسة مأذنش يا خفة لسة فاضل عليه نص ساعة
حلا جلست
مايا: انما مقولتلناش سر النوم ده كله ايه مش من عوايدك يعني
حلا: ليه هو النوم حرام ولا عيب لا سمح الله
مايا: لا بس نمتي كتير اوي
حلا بغيظ: طب ما انتي من يوم يومك بتنامي كتير كنت جيت وسألتك عن السبب جاية على اللي بقالها عشر سنين مبتنامش ساعتين على بعض تسأليها ايه سبب النوم الكتير تعبانة يا حبيبتي فقولت ارتاح شوية اكمنك انتي مرتاحة من يوم يومك فعادي بالنسبالك اما انا كنت بشتغل صبح وليل مصابة مش مصابة كانوا بيجبولي المصايب فوق راسي وانا المفروض احلها اما صدقت اخدت اجازة ومرتاحة فيها مبيتصلوش يقولولي عايزينك فيه مصيبة
مها: اومال فين قصي
حلا: بياخد شاور وبيغير هدومه علشان يروح على الشركة
مايا وروما جلسوا بجانب حلا
مايا: مقولتليش يا حلول النوم مع قصي طعمه احلى صح
روما: احكي بقى ايه اللي حصل امبارح بالتفصيل من ساعة ما احنا مشينا مع الشباب لحد دلوقتي
حلا نظرت لهم بإستغراب وغيظ
حلا بغيظ: تحبه ليلة دخلتي احكيلكوا ايه اللي هيحصل وبالتفصيل ولا تحبوه فيديو صوت وصورة احسن
مايا: والله يبقى كتر الف خيرك
حلا: هو انا قولتلكوا قبل كدة انكوا وسخين وتفكيركوا وفضولكوا اوسخ
روما ضحكت: حبيبي تسلم انجزي بقى يا روح امك واحكي ايه اللي حصل
حلا: بابا انت سألتني عن اللي حصل بيني وبين قصي امبارح
يحي ضحك بخفة لانه فهم بنته: لا وهسأل ليه ديه خصوصيات بينكوا
حلا: ابويا ومسألش وقال انها خصوصيات احكيلكوا انتوا بقى بصفتكوا ايه ان شاء الله
مايا: بصفتنا اننا اخواتك
حلا: بُصي هكون صريحة معاكي لو ابويا هو اللي سأل هجاوبه وبكل صراحة لاني مبخبيش عنه حاجة غير كدة لا وغوري انتي وهي من وشي على الصبح
روما: لا هتحكي يعني هتحكي
حلا: طب هنتفق اتفاق لما تكتبوا كتابكوا وتيجوا تحكولي اللي حصل بينكوا وبين الشباب ساعتها هقولكوا اللي حصل بيني وبين قصي
روما: انا موافقة
حلا ابتسمت: فكري في الموضوع لانه مش هيبقى سهل
روما: انا معنديش مانع وبعدين انتي اختي وصديقتي وامي كمان فعادي
حلا: اما نشوف العادي ده في الشرح هيبقى ازاي
مايا: وانا موافقة وربنا يستر بقى
حلا: طب انا جعانة
مايا: واحنا كمان لسة صاحيين ومأكلناش
مها: انا هقوم احضرلكوا فطار تفطروه وعلى ما قصي ينزل يكون جهز
حلا: وانا هقوم استخدم حمام مايا علشان اخد شاور واغير هدومي عن اذنكوا
حلا صعدت لغرفتها اخذت ثياب لها ودلفت لغرفة مايا واخذت شاور وارتدت ثيابها وكانت عبارة عن بدلة من اللون الكشمير بنطلون البدلة ليس ضيق كثيرا وليس واسع ايضا فكان متناسق مع قدم حلا وكان حلو وارتدت بلوزة باللون الابيض من القطن بحمالة عريضة وفوقيها بليزر البدلة الذي كان بتلتين كوم وإسورة البليزر كانت باللون الابيض واسفل الجاكيت القليل من الورد صغير باللون الابيض وحذاء بكعب عالي من اللون الابيض وحلق مزيج بين اللون الابيض والكشمير ورفعت شعرها ذيل حصان وتركته على احد كتفيها ووضعت من برفيومها الهادئ وارتدت ساعتها الفضية وسلسلتها التي ترتديها دائما ارتدت اسدال مايا لتؤدي فريضتها وتصلي الصبح.....قصي ارتدى بنطلون ابيض وقميص اسود وبليزر ابيض وكوتشي اسود وارتدى ساعته وصفف شعره ورأى زجاجة البرفيوم الذي يضعه والتي حلا تصنعه موضوعة على تسريحتها استغرب لما تضع زجاجة من البرفيوم الخاص به على تسريحتها وقرر يسألها اخذ الزجاجة ووضع منها ادى فريضته وصلى الصبح واخذ هاتفه ومفاتيح سيارته وخرج من الغرفة وحلا خرجت واتجهت لغرفتها لتأخذ علاجها ومخدرها وهاتفها وعندما دلفت للغرفة عرفت ان قصي نزل للاسفل....قصي هبط للاسفل ورأى يحي يجلس مع مايا بالصالون
قصي بإبتسامة: صباح الخير
يحي ومايا: صباح النور
يحي: نمت كويس ولا
مايا بمرح: انت مش شايف وشه منور ازاي دليل على انه نام وشبع نوم وشكله كان عايز ينام تاني لان انا عارفة حضن حلا بيخليك عايز تنام مهما نمت جربته قبل كدة حسيت كإني ضاربة استروكس قوي
الكل ضحك
قصي: بصراحة كنت عايز انام تاني بس خطيب حضرتك هرب من الشغل وسايب سمير لوحده في الشركة فحرام انا كمان اقعد وبعدين مش علشان هو سنجل واعزب ومش مرتبط يبقى نشيله الليلة كلها
مايا بفضول: إلا مقولتليش يا قصي ايه اللي حصل إمبارح
قصي وهو يجلس بجانب يحي
قصي بإستغراب وعدم فهم: ايه اللي حصل في ايه
يحي: يا بت إتلمي
مايا: ماهو انا فضولي هيموتني وعايزة اعرف ايه اللي حصل بينهم امبارح ها قول يا قصي انا مش غريبة فاضل كام ساعة وهبقى مرات بن عمك واخوك قولي بقى وحياة اغلى حاجة عندك
قصي ضحك: بصي انا مليش دعوة خلي اختك هي اللي تحكيلك وانتوا بتعرفوا تتصرفوا مع بعض
مايا: ماهي لو راضية تحكي مكونتش سألتك على فكرة
قصي: ديه حاجة ما بينكوا انا مالي....انا بقى هستأذن علشان اروح على الشركة
مها دلفت: مفيش مرواح على الشغل قبل ما تفطر
قصي: بس.......
يحي: هو انت يا بني بتحب تبسبس كتير ليه ما تسمع من اول مرة وانت ساكت
روما بمرح: تلاقيه عجبته قطتك ولا حاجة فإتعود يبسبسلها
الكل ضحك وهنا حلا هبطت للاسفل وكانت تتحدث بالهاتف مع رقية قصي رأها وانسحر بها ويحي كمان انبهر بجمال صغيرته فهي لا تضع اي ميكاب بوجهها او حتى شئ بسيط فبمجرد ارتدائها اي شئ اياً كان لونه فجمالها يعطي للمظهر بريق خلاب وجذاب ونظر لقصي ولاحظ نظرات قصي لحلا فإبتسم بمجرد ان هبطت الدرج انهت المكالمة ولاحظت نظرات قصي لها ونظرات ابيها وكذلك البنات ووالدتها
روما بدهشة: هو الجواز بيحلي ولا ايه
مايا وقفت بجانب حلا: لا هي مشكلة اختك بتحلو كل يوم عن اليوم اللي قابله
حلا: مالكوا في ايه على الصبح ومالكوا انتوا كمان متنحنلي كدة ليه
يحي: والله انا كنت عارف انك مزة بس متوصلش للدرجة ديه انتي ناوية تسحري الشباب كلهم ولا ايه ما كفاية قصي
حلا ضحكت: لا هو مش للدرجادي وبعدين متقلقش مش هسحر حد
مها: انتي هتروحي لمكان يا حلا
حلا: هو مش دلوقتي يعني بعد ساعتين كدة هروح على مكتب رقية علشان نتناقش في مهمتها المهم الفطار جاهز
مها: اه يا حبيبتي بس اتكلمي مع قصي لانه مش عايز يفطر ويروح على الشركة
حلا: قولتيلي قصي....بُصي هديكي تعامل تتعاملي بيه مع البني ادم ده وهو انك متتكلميش وتقوليله اعمل لانه مش هيعمل فإنتي احسن حاجة تمسكي ايده وتسحبيه وتجبريه على الاكل كدة هياكول ومش هيفتح بوقه
قصي: انتي مش ملاحظة اني واقف وعلى فكرة لسة لساني متقطعش علشان مأتكلمش وبعدين انا هفطر في الشركة بس لازم اروح علشان سمير في الشركة لوحده
حلا: هو انت لسانك لسة متقطعش بس انا عارفة هسكتك ازاي
قصي ابتسم وفهمها: ازاي ها
حلا: انت اما صدقت بقى
حلا مسكته من يده وسحبته خلفها على غرفة السفرة
حلا: هتاكل قدامي هنا قبل ما تروح الشركة وتاخد علاجك كمان لاني عارفة انك لو روحت على الشركة هتنشغل بالشغل ومش هتاكل
قصي استسلم لحلا وجلس يفطر معهم لانه يعلم انها لن تتركه يرحل إلا اذا اكل واخذ دوائه قصي فطر معهم وودعهم وقبل جبين ووجنتي حلا وودعها وذهب حلا اخذت والدها ودلفوا للمكتب وجلسوا للتحدث
حلا: ممكن اعرف ليه كنتوا لمدة عشر سنين بُعاد عننا وموضوع الدفنى والعزا وخبر موتكوا ومين كان عارف انكوا عايشين كل حاجة بالتفصيل هتحكهالي دلوقتي واوعى تحاول تكدب عليا لاني هعرف وهزعل منك لو خبيت عني حاجة
يحي تنهد وبدأ في سرد كل حاجة: يوم ما كنت اخدتك علشان اخرجك وانسيكي كل اللي حصل وانسيكي اختفاء اختك روما علشان حالتك النفسية كانت سيئة جدا وانا سايق انتبهت لصوت غريب وبعد لحظات عرفت ان العربية فيها قنبلة علشان كدة وقفت وقولتلك انزلي وانفعلت شوية لاني كان مهما حصل مكنتش عايز اكون السبب في خسارة بنتي حتى لو كنت هخسر حياتي ساعتها ولما انت نزلتي وقتها.........
فلاش باك
من عشر سنين وبالاخص يوم الحادث حلا ترجلت من السيارة
احمد بقلق: في ايه يا يحي
يحي بسرعة: فيه حد زرع قنبلة في السيارة ولازم ننزل منها بسرعة.....بسرعة يا احمد
احمد انزل سلمى ومها نزلت ومن ثم احمد ويحي وللاسف لم يستطيعوا الابتعاد عن السيارة كثيرا فالسيارة انفجرت ومع الانفجار اتحدفوا بعيدا والنار تأكلت بظهرهم ووقعوا ببركة المياه وفقدوا الوعي
عودة من الفلاش باك
يحي: وقتها فيه راجل كبير في السن لاقانا في النهر ده او البحيرة واخذنا وبدأ يعالجنا الحروق كانت عميقة وكنا في غيبوبة لمدة خمس سنين انا واحمد فوقنا الاول وبعد شهر مها وسلمى فاقوا بس حالتنا كانت سيئة فكنا منقدرش نتحرك بسبب الحروق والوجع اللي كنا بنحس بيه وكنا شبه مشلولين مكناش نقدر نتحرك حروقي انا واحمد كانت اعمق من حروق مها وسلمى بس هما اخذوا خبطة على راسهم في صخرة معرفش امتى اتخبطوها وكان فيه كسر في رجل مها وكسر في ذراع سلمى حروقهم كانت بسيطة بس حالتهم كانت خطيرة بسبب الضربة اللي اخذوها على رأسهم فأخذنا حوالي سنتين على ما قدرنا نتعافى ونقدر نمشي على رجلينا كنت هاجي علشان اقولك بس مها وسلمى اتخطفوا من قبل عصابة عرفت اننا عايشين وهددونا بيهم فقررنا اننا نروح ننقذهم واحنا بننقذهم وقعنا في الاسر وبدأوا يعذبونا بأبشع انواع التعذيب بعد شهر فيه شخص من المخابرات السرية قدر يجي وينقذنا بس حالتنا كانت صعبة برضه لاننا كنا لسة متعفيناش تماما من الحرق فأخذنا على الاقل تقريبا ست شهور علشان نسترجع وضعنا ونقدر نقف وكانت العصابة مش سايبانا في حالنا وكانت بتدور علينا علشان يقتلونا فساعتها قررنا اننا هناخد المهمة ديه وهتبقى سرية ومكناش هنقدر نظهرلكوا لاننا كنا خايفين نعرض حياتكوا للخطر فإضطرينا ننهي المهمة الاول وبعدين نرجعلكوا والموضوع خد وقت طويل محدش كان يعرف اننا عايشين عمك محمد عرف قبل ما نقول لاخواتك بحوالي شهر او شهر ونص يعني فاكرة اليوم اللي عمك محمد كلمك فيه وقالك انك تنسي الحادثة
حلا وهي دموعها على وجنتيها: اه
يحي: يوميها احنا كنا في البيت وكان لسة عارف وشوفناكي كان هاين عليا اخدك في حضني واحضنك بس كنت خايف بكدة اعرض حياتك للخطر وخصوصي بعد ما عرفت ان جالك القلب بعد حادثتنا من الزعل اخواتك عرفوا قبل ما نقولك بإسبوع يوم ما نزلتي للمركز وكنتي في المول مع رقية وإيلين يوميها كنا في البيت وعرفنا الكل وقولنالهم ميقولولكيش علشان اصابتك ومتتعابيش واننا هنقولك في يوم تاني واتفقنا اننا نقولك يوم كتب كتابك من قصي واتفقنا على يوم الجمعة بس ده كل اللي حصل
حلا عانقت والدها: كل ده يحصل معاكوا طب ليه مفكرتش تقول لعمي محمد كان هيساعدكوا اكيد او لما كنت رجعت وعرفت عمي محمد كنت قولتلي وكنت هساعدكوا في مهمتكوا
يحي عانقها: حبيبتي وقتها كان عندك شغل كتير ده غير مهمة قصي وكمان كنتي تعبانة جدا بسبب موضوع انك مقولتيش على حقيقتك لقصي وفي حيرة تقولي ولا لا ومكنتش عايز ازودها عليكي
حلا ابتعدت: حتى لو كنت هحاول انقذكوا بأي طريقة
يحي ابتسم: بس احنا قبضنا عليهم وكل حاجة تمام خلاص بقى ننسى الماضي ونبدأ صفحة جديدة
هنا دلفت مها
مها: حلول ممكن تروحي تودي الاكل ده لجاسر لانه خرج من بدري جدا ومفطرش
حلا بأسف: اسفة مش هينفع ومش هقدر بس متقلقيش اكيد اكل لانه عارف انه لو مأكلش هزعل منه وهو ميقدرش على زعلي
مها بإستغراب: ليه متقدريش فيه حاجة متخانقة انتي وهو
حلا: لا ابدا
يحي: اومال في ايه.....حلا انتي مخبية ايه
حلا تنهدت: هو انا مش مخبية بس كل الحكاية اني بالنسبة للعالم ميتة
مها بصدمة: قصدك ايه
حلا: بعد حادثتكوا وبعد ما قررت ارجع تاني وابدأ دراستي واخلصها مكونتش برفع راسي من الحوادث واعداء بابا كانوا عايزين موتي وموت قصي فعمي علشان يحميني زور خبر موتي وموت قصي واول ما انهيت الثانوية سافرت برا علشان اكمل دراستي الجامعية برا وغير كدة كنت بخضع لمسابقات سباحة وسباق ورماية ومسابقات كتير وعلشان ابعد شوية عن جو الحوادث والعصابات فبالتالي اضطريت اغير كل بياناتي على الكمبيوتر يعني زي اني مليش اهل ومعنديش عيلة ولا اخوات وعايشة لوحدي واهلي ماتوا وانا عندي سنتين وكمان مش حطى اي اسم اب او عيلة يعني انا بالنسبة للعالم مجهولة اسمي ايه حلا بس محدش يعرف اني عندي اخوات او عم او بن عم عمي محمد وفارس وجاسر معايا في المركز بس بنتعامل بحدود ورسمية وجدية فمقدرش اخدله اكل والسبب الاول والاخير اللي مخليني اعمل كدة انا ليا اعداء كتير غير اعداء بابا عايزين موتي واكتر من مرة حياة مايا تتعرض للخطر بسببي ولو حد شم خبر اني عندي عيلة وقتها مكنتش عارفة هعمل ايه وانا مكنتش مستعدة اخسر حد تاني بعديكوا وكمان قولت لقصي اني مش هقدر اعلن اني متزوجة علشان مأعرضش حياته للخطر وحتى بعد ما انتوا رجعتوا مش هقدر اعلن نهائي عن كنيتي او عيلتي او اسم والدي انا حاليا بحارب اعدائي واعداء بابا بس هما ميعرفوش ان انا بنت اللواء يحي فمش هقدر اخاطر واقول عن عيلتي لاني مش عايزة اعرض حياتكوا للخطر وخصوصي اني خسرتكوا عشر سنين ومريتوا في ايام صعبة وانا مش مستعدة اعرض حياتكوا للخطر اكتر من كدة ومش مستعدة اخسركوا تاني انا اسفة يا بابا بس مش هقدر اقول لحد اني بنتك مش علشان اعدائك او اني خايفة انهم يموتوني لا انا من يومي مبخفش اذا مُت او عيشت وانت عارف ده كويس بس خايفة على اللي يقربلي لانهم لو عرفوا اني عايشة هيعرفوا ان قصي كمان عايش وغير كدة ممكن يعرفوا ان ليا اخوات وانك عايش كمان وقتها مش هقدر ارفع راسي لان وقتها اعدائي واعدائك هيتحدوا علشان يخلصوا علينا وانا مش هسمح لحد يستخدمكوا كنقطة ضعف ليا لاني مش هستحمل ومش هقدر اتصرف انا عيشت عشر سنين لوحدي بواجههم حاولوا يكسروني ويذلوني بس معرفوش وحاولوا يخلوني اضعف انا كنت بضعف بس مكنتش ببين ده انا بالنسبالهم بني ادمة مبتحسش او آلة او صخر مبيحسش من كتر ما حاولوا يئذوني وكانوا عايزين يشوفوني ضعيفة ومهزوزة وموجوعة بس انا كنت دايما ابتسم واظهر اني قوية ومبحسش وانهم مهما عملوا اللي في دماغهم مش هيحصل لو على موتي فلو عرفوا ان عندي اب وام واخوات واني بحب شخص وقتها هيخطفوكوا وهيحاول يئذوكوا ده في حالة ان مقتلوش حد فيكوا فانا مش هقدر اخاطر مخاطرة زي ديه فعلشان كدة لو هترجع للمركز وهتبقى معايا في نفس المركز انا وانت منعرفش بعض تمام فهمتني
يحي ابتسم وتفهم وجهة نظر حلا: امم فهمتك يا حبيبتي واللي انتي شايفاه صح اعمليه
حلا نظرت لوالدتها: ممكن تتصلي بفارس يجي ياخده ويدهوله
مها ابتسمت: ماشي
يحي ومها سعدوا بعدما ايقنوا ان صغيرتهم كبرت واصبحت عاقلة وتخطط لحماية الكل قبل نفسها ومستعدة تعمل اي شئ لحماية الكل وسعادتهم وراحتهم
يحي: حلا....ايه حكاية عمرو وعمرو مين بالظبط يعني احنا نعرفه
حلا انصدمت من السؤال وحدثت نفسها: لو انا قولتله وقتها مش بعيد هيتعصب وهيقلب الدنيا ومش بعيد يحاول يروح يئذي عمرو ومش بعيد يقتله او ممكن عمرو يقتله او يئذيه فأحسن حاجة اني مقولوش حاجة
يحي: حلاااا...روحتي فين
حلا انتبهت له: ها انا معاك ا....ا....عمرو ده حكايته انه صديق.....ايام الجامعة....و....وكان معجب بيا بس انا رفضته وقت اتقدم فهو مُصر انه يتجوزني وتقدر تقول انه مريض نفسي نوعا ما ومش راضي يقتنع اني رفضاه ومش عايزاه حتى خطفني كذا مرة وخطف مايا علشان يتجوزني بالغصب بس انا واجهته وكدة بس فمش عايزاه يعرف حاجة عن قصي علشان ميئذيهوش بس ديه كل الحكاية
يحي بإنزعاج: معاكي رقمه او عنوانه انا هتصرف معاه
حلا بسرعة: لا لا بلاش تدخل في الموضوع ونبي مش عايزة اخسرك تاني وده واحد مجنون ممكن يقتل بقلب بارد عادي بُص انا بثق فيك وكل حاجة بس مبثقش فيه فعلشان خاطري سيبني انا هتصرف معاه واما بخصوص رقمه لا مش معايا لانه دايما برقم شكل ومش عايزة اعرف رقمه اساسا ولا يهمني وكمان معرفش عنوانه فإنت انسى الموضوع اساسا هو بقاله فترة مختفي ففكك من الموضوع ان.............
قاطعها رنين هاتفها
حلا: لحظة هشوف انجلي عايزة ايه
حلا اجابت: السلام عليكم
انجلي: وعليكم السلام حلول انتي فاضية
حلا: امم مش اوي ليه في حاجة
انجلي: فهد عايزك تيجي معانا المول لانك انتي اللي عارفة مقاس مايا في الفساتين وذوقها والوانها المفضلة كمان وعلشان حاجات تانية كتير ليها علاقة يعني
حلا ضحكت: اخوكي لما جاب الفستان ومستلزماته مأخدش رأيي ولا مقاسي وجابهم عادي وعجبتني وبعدين مايا ملهاش حاجة معينة يعني بتحب كل حاجة بس عموما ممكن عادي انزل معاكوا بس ممكن تخلوها على الساعة ٣
انجلي: ماشي كدة كدة لسة هنروح نحجز مكان ونشوف المأذون اه فهد بيقولك عايز صور شخصية لمايا و....
حلا: انا عارفة المأذون هيحتاج ايه للاوراق بفهم في امور الجواز الشرعية والقانونية عموما هجبله كل الاوراق والصور واديهاله لما اشوفكوا في المول بس انا بقول بلاش يجيب فستان لان مايا عندها فساتين كتير
فهد لانجلي: قوليلها ملكيش دعوة انا حر وعايز اجيبلها
حلا سمعته: طب اديهوني كدة
انجلي اعطت الهاتف لفهد
فهد: نعم
حلا: نعمة الله عليك يا بابا مين ديه اللي ملهاش دعوة انت ناسي يا روح خالتك ان لولايا انا مكنش زمانكوا دلوقتي هتتجوزوا وكان زمانك قاعد في اوضتك مكتئب ما بلاش انت معايا بدل ما امسيك بعلقة واخليك عريس غفلة بحق وحقيقي
فهد بسرعة: لا ابدا مكنتش اقصد يا حلول وبعدين يعني كان قصدي ان انا عايز اجيبلها فستان جديد ويكون مميز علشان المناسبة مميزة قلبك ابيض يا حجة
حلا: اولا اتعود انك تقولي حلا من هنا ورايح لان مأظنش قصي هيرحمك ثانيا لو قولتلي تاني مليش فيه هقولك معنديش اخوات للجواز تمام فإحذر مني لاني قلبي اسود ونابي ازرق وبنفسجي ولو ظهروا هيبقى الله يرحمك ها فإتلم احسنلك....عموما شوف امور المكان وشوف مأذون وانا هقابلكوا في المول على الساعة ٣ بس ابقى ابعتلي اسم المول اللي هتشتروا منه في مسدج تمام
فهد: تمام شكرا يا حلا والله مش عارفة اقولك ايه وعارف ان تعبك معايا
حلا: اولا انت غبي وحمار ومبتفهمش ثانيا انت زي ادم واريان وجاسر يعني انت اخويا قبل ما تكون جوز اختي وعنيا ليك انت بس تؤمر ثالثا انت ناسي انك اللي هتتجوزها اختي فعادي اني اساعدك علشانها رابعا وده الاهم انا بتعب لاخواتي مش لحد غريب فمرة تانية لو شكرتني على حاجة فساعتها هندمك على اليوم اللي اتعرفت فيه عليا انت حر وانت الجاني على روحك
فهد ضحك: ربنا يخليكي لينا
حلا ابتسمت: الاهم انه يخليكوا لبعض ولو زعلتها هولع فيك انت حر عموما نبقى نتكلم لما اشوفك
فهد: تمام سلام
حلا: سلام
حلا قفلت معه ونظرت للساعة وقامت وقفت
حلا: انا مضطرة اروح علشان هقابل رقية عايزين مني حاجة
مها: ترجعلنا بالسلامة
يحي: خلي بالك من نفسك
حلا ابتسمت: عيب عليك انت بتكلم الرائد حلا
قبلته من وجنتيه وجبينه ويده وكذلك والدتها وودعتهم وذهبت لمكتب رقية وجلسوا يتناقشون بالمهمة وبعدين اتجهت للمول وساعدت فهد في اختيار الفستان والإكسسوار واعطته الاوراق المطلوبة لكتب الكتاب وبعدين اخذت الفساتين والاكسسوارات وعادت لبيتها ولتعطيهم لمايا ويتجهزوا لكتب كتاب اختها
__________________________________
يا ترى هل عمرو سيظهر مرة اخرى ام لا؟!
ويا ترى ماهي عواقب ظهوره مرة اخرى؟!
وهل يحي سيعلم بالحقيقة التي اخفتها حلا عنه؟!
وهل ستستطع اتمام زواجها من قصي؟!
وماذا ستكون رد فعل جميلة وآسيا على مفاجأة ادم واريان لهم؟!
وكيف ستكون رد فعل وليد وعماد على موضوع ان يحي مازال حي؟!
