حلا اتنرفزت عندما رأت سما وسما عندما دخلت غرفة الاجتماعات جلست بالمقعد جنب قصي وحلا جلست امام قصي ما بين ادم واريان اريان كان يترأس طرابيزة الاجتماعات على يمينه حلا وآسيا وبجانبها ادم وجميلة وعلى يساره قصي وبجانبه سما وبجانبهم حازم ومريم بدأوا يناقشوا الصفقة وسما كنت تنظر لقصي بإعجاب شديد وواضح جدا ادم كان قاعد وملاحظ نرفزة حلا بس كانت تحاول السيطرة على نفسها وكان هيموت ويضحك بسماسك نفسه بالعافية سما قدمت بعض الاقتراحات والتصاميم
قصي لسما لكي يغيظ حلا: بجد انتي مصممة محترفة التصاميم حلوة جدا
سما بدلع: الشرف لينا اننا نشتغل معاكم يا استاذ قصي
قصي: لا خليها قصي بس وبصراحة انتي غلطانة لان الشرف الاكبر لينا اننا نشتغل مع بنت زيك مثقفة وذكية ومحترفة
ومسك ايديها وقبلها
اريان كان بيشرب ماية شرق لانه ضحك مقدرش يمسك نفسه وادم بعد وجهه عن حلا باتجاه جميلة وفضل يضحك بس من غير صوت ووشه احمر من كتر الضحك وجميلة بتبصله باستغراب وسرحت في ضحكته ومانت اول مرة تشوفه بيضحك من قلبه وحلا قاعدة هتموت من الغيظ ومنطقتش ولا كلمة وقلبها تعَبها لانها مكنتش واخدة الدوا ولا المخدر والنرفزة مش حلوة عليها ده غير ان ضغطها عِلي من الغيظ والغضب حلا انخفضت على آسيا
حلا بهمس: آسيا معاكي الادوية بتاعتي
آسيا باستغراب: لا ليه هو انتي تعبتي
حلا حطت ايديها على فمها: خلاص مش عايزة حاجة يخرب يوم معرفتك يا شيخة
اريان وقصي استغربوا
اريان لحلا باستغراب: في ايه
حلا بصتله بتوتر: ل......لا......مفيش عادي
اريان: اومال كُنتي حاطة ايدك على فمها ليه
حلا بتوتر: عادي.....يا اريان كنت بسألها على حاجة
اريان: وايه الحاجة ديه
حلا: ها..... عادي شئ بينا
آسيا بانزعاج: بجد يعني مسألتنيش على دوا.........اااااه حلا ضربتها في رجليها
حلا بنرفزة: ممكن تخليكي في شغلك وملكيش دعوة بيا
اريان ببعض الخوف يحاول ان يداريه علشان سما: حلا انتي...........
قاطعته حلا: انا تمام يا جماعة
وقامت وقفت ونظرت لقصي
حلا: اظن ان انت مبقتش محتاجني في حاجة والعقود جاهزة على التوقيع واظن ان وجودي ملهوش لازمة عن اذنكوا علشان عندي شغل
وكانت هتمشي
سما بإنزعاج: انتي ازاي تتكلمي مع رئيسك بالطريقة ديه وبعدين هي كانت شركة ابوكي علشان تخرجي وتدخلي براحتك
الكل اتصدم من كلام سما واريان وادم وقصي اتنرفزوا من اللي هي قالته ولكن رد فعل حلا صدمهم اكتر من سما ومكنوش عارفين يتكلموا ولا حتى يفكروا
حلا بغضب ونرفزة ووشها احمر: اظن انها حاجة متخصكيش اتعامل مع قصي ازاي ديه حاجة تاني حاجة انتي مش من بقيت عيلته او مراته علشان تضايقي اوي كدة عليه ثم انه اظن ان واحدة زيك ملهاش الحق تقولي تلت التلاتة كام لانك مش في شركة ابوكي ويا ريت بعد كدة تخدي بالك وانتي بتتكلمي معايا علشان انتي متعرفيش انا مين وهتخسري وتندمي اوي وسيرة ابويا متجبهاش على لسانك علشان ساعتها كرامتك هيتمسح بيها الارض وميفرقش معايا انتي بنت مين وبالمناسبة اذا كانت الشركة شركة ابويا فأه هي شركة اخواتي اريان وادم بيكونوا اخواتي واظن انك من بقيت عيلتي علشان اديكي تقرير مفصل اروح فين واجي منين
وسابتهم ومشيت واريان وادم كانوا مصدومين اما بالنسبة لقصي فكان غايب عن الوعي تقريبا لانه اول مرة يرى حلا بالعصبية ديه اما بالنسبة لحازم ومريم وآسيا وجميلة دخلوا في غيبوبة ضحك وسما كانت هتموت من الغيظ والغضب
اريان: طب انا بقول اننا ننهي الاجتماع ونوقع العقد
فالكل وافق وقعوا العقد وسما مشيت وبمجرد ما سما هرجت ادم اتفتح في الضحك هو وفارس وحازم اريان ابتسم على ادم وضحك
قصي: انتوا لسة مخلصتوش
ادم وهو يحاول يسيطر على نفسه: انا عن نفسي بضحك على حاجة تانية
حازم: وانا. فارس: وانا
قصي باستغراب: وبتضحكوا على ايه بقى
ادم بضحك: بضحك........ على شكل حلا.........وانت عمال تمدح في سما...........بس بجد صعبت عليا
قصي: اه اه انت هتقولي يظهر صعبت عليك جدا وانت عمال تضحك بس انا مأخدتش بالي الصراحة كان مالها
فارس: لا هو انت ملاحظتش ان وشها احمر من كتر الغيظ وكانت بتحاول تسيطر على نفسها
قصي باستغراب: لا مأخدتش بالي
آسيا كانت سرحانة حازم شافها
حازم بمرح: مالك يا سوسو مين اللي واخد عقلك وتفكيرك
آسيا استيقظت من شرودها: ها لا ابدا مفيش
جميلة باستغراب: ومالك بتفوليها وانتي متوترة وخايفة كدة ليه
آسيا بقلق وخوف وانزعاج من فارس وحازم وادم: خايفة على حلا انتوا فعدتوا تضحكوا على انها كانت متنرفزة بس هي سألتني اذا كان معايا ادويتها ولا لا وده معناه ان قلبها تعَبها وهي مش واخدة الادوية
فارس بإستغراب: إشمعنا سألتك انتي
جميلة: لان دايما آسيا او مايا بيبقوا عاملين حسابهم ومعاهم ادوية حلا
آسيا بخوف: لاني عارفة حلا كويس مبتهتمش بنفسها
جميلة بخوف: طب انتي متأكدة انها تعبانة
آسيا: ايوة يا جميلة انا عارفة صوت حلا كويس وبقدر اميز اذا كانت متضايقة او عادية او موجوعة ونبرتها كانت باينة انها متضايقة جدا ومخنوقة وموجوعة
فارس: طب انا هكلم بابا واشوفها رجعت البيت ولا وهكلم امان واشوفها هناك ولا لا
__________________________________
حلا خرجت من الشركة ذهبت للبيت الملتحق بحديقة مليئة بالازهار وحلا هي اللي زرعتها وبعثت برسالة لعمها انها محتاجة تفضل لوحدها شوية علشان مخنوقة وقفلت تليفونها ودخلت البيت اخذت شاور واخذت ادويتها وحاولت تنام لانها كانت تعبانة جدا بس معرفتش تنام من كتر التفكير في اللي حصل في الاجتماع وده شئ نرفزها وكان الضغط العصبي عليها جامد وكانت حاسة ان قلبها وجعها اوي والشعور ده بيضايقها فاتنرفزت وقامت فضلت تكسر في كل حاجة تلاقيها قدامها مصنوعة من الازاز لحد اما جالها انهيار عصبي وفضلت تبكي وتصرخ من الوجع وايديها اتجرحت من الإزاز اللي قعدت تكسره
__________________________________
في شركة الدالي فارس اتصل بوالده وسأله عن حلا
فارس: يعني يا بابا هي قالتلك هي فين
محمد: لا هو ايه اللي حصل ومين اللي ضايقها
فارس بإنزعاج: لما اجي هقولك بس انا مضطر اقفل دلوقتي
محمد: طيب يلا سلام
فارس: سلام وقفل مع محمد والتفت لقصي الذي كان ينظر له بقلق وخوف على حبيبته
فارس بإنزعاج: ميعرفش هي فين بس هي قالتله انها تعبانة شوية وعايزة تفضل لوحدها
فارس بتفكير: ادم حاول تتصل بحلا هي اكيد هترد عليك
ادم بتفكير: مش عارف بس ممكن نجرب
ادم اتصل بتليفون حلا لَقاه مغلق حاول مرة تانية تلقى نفس الرد مغلق
ادم بإنزعاج: مغلق
فارس باستسلام: يبقى هي كدة هتختفي كام يوم
قصي بإنزعاج: قصدك ايه بإنها هتختفي كام يوم
فارس بغضب: يعني سيادتك هي حاليا في مكان محدش يعرفه وقافلة تليفونها ونفسيتها تعبانة ومش هتظهر غير بعد اسبوع او اسبوعين اما بقى بخصوص اذا كانت هتبقى عايشة ولا ميتة فده ربنا بس اللي هيعلم بيه وبعدين مين الليقال لسيادتك تقعد تتغزل بسما انا مبقِتش فاهمك انت عايزها تقرب منك ولا تبعد وبعدين انت عارف انها اساسا مش بطيق سما علشان بتبصلك بنظرات إعجاب شديد واكيد انت لاحظت ده
قصي بندم: وانا ايش عَرفني انها هتتعب كدة
فارس: معروف ان الغيرة بتقتل الله واعلم هي عَملت ايه في نفسها دلوقتي
قصي بإستغراب: قصدك ايه
فارس بغضب وانزعاج: معروف ان لما حلا بتبقى مخنوقة او متنرفزة او متعصبة وعلى اخرها بتكسر في كل الازاز والمرايات وكل الازاز اللي في البيت بتكسره واكتر من مرة لَقيناها قطعة شراينها وكانت هتموت حلا عصبيتها مش كويسة عليها لانها ممكن توصل حالة قلبها للأسوأ لدرجة ان ممكن العمليات متنفعش وساعتها فعلا هتموت انا مش عارف انت ليه اصريت تثير غيرتها لازم يعني تتغزل بسما يا شيخ هي مش ناقصة اساسا وجع هي موجوعة لوحدها مكنش ناقص انك تثير غيرتها انا مش عارف انت عايزها تقرب منك وتعترف بحبها ولا تبعدها عنك ماهو بالتصرف ده عمرها ما هتيجي تعترف حتى وتقول حقيقتها
ادم: فارس قصي ملهوش ذنب انا السبب انا اللي قُلتله يعمل كدة ويخليها تغير بس مكنتش اعرف انها هتتعب وان الموضوع ممكن يوصل لكدة
فارس بغضب: بقى انت يا ادم ده انت اكتر واحد عارف انها بتموت على قصي وممكن غيرتها ديه تقلب لجرح وعلى الاغلب التصرف اللي انتوا عَملتوه جرحها وجرحها اوي كمان بس وربنا لو حصلها حاجة لهخليكوا تندموا وهتزعلوا جامد مني
ادم: طب هنعمل ايه
فارس: العمل عمل ربنا بقى
__________________________________
مر اسبوعين ومحدش قدر يعرف مكان حلا ولا اذا كانت كويسة ولا لا وحتى مقدروش يتواصلوا معاها بأي طريقة تليفونها مغلق وكان الكل قلقان عليها وبالاخص قصي وفارس وادم وعمها واريان اما بالنسبة لمايا كانت عارفة ان حلا هترجع بس هي محتاجة تقعد مع نفسها شوية
__________________________________
في صباح يوم جديد قصي ذهب للشركة وفهد وسمير وادم واريان ذهبوا لشركتهم فهد كان قاعد بيشتغل هو وسمير وبيتناقشوا في امور الشغل فجأة تليفون سمير رن برقم مجهول فرد
سمير: السلام عليكم مين معايا
: وعليكم السلام....
سمير باستغراب: حلا انتي غيرتي رقمك
حلا: لا بعدين الموضوع ده اسألي فهد اذا كان ملف الصفقة وصل ولا لسة
سمير: فهد حلا بتسألك اذا كان ملف الصفقة بعتوه ولا
فهد باستغراب: صفقة ايه
سمير بغيظ: وهيكون ملف ايه يا غبي ملف العصابة
فهد: اااه اه وصل وهبعتوا لقصي دلوقتي علشان بوقعه
حلا: سمير اديني فهد
سمير اعطى التليفون لفهد
فهد: ايه يا حلا
حلا: متبعتش الملف لقصي خليه معاك ومتجبلوش سيرة بخصوص الملف وحضرلي ملف تاني عليه توقيع قصي ومتقولش لقصي حاجة وانا عشر دقايق وهكون عندك
فهد باستغراب: حاضر سلام
حلا قفلت معاه وذهبت للشركة
سمير: في ايه
فهد باستغراب وعدم فهم: مش عارف
سمير رفع احد حاجبيه: اومال هي كلمت مين امي
فهد وهو مازال تحت تأثير الصدمة ومستغرب ومش فاهم حاجة: قالتلي مبعتش لقصي الملف ومجبلوش سيرة بخصوص الموضوع ده واجهزلها ملف تاني عليه توقيع قصي
سمير باستغراب ايضا: ليه
فهد: مش عارف مرضتش اسألها علشان شكلها على اخرها
سمير: لما تيجي هبقى اسألها انا
فهد: تمام
بعد عشر دقايق حلا وصلت الشركة وطلعت على مكتب فهد ودخلت من دون ما تخبط فهد وسمير اتفزعوا وانتفضوا من اثر الخضة
حلا رفعت احد حاجبيخا وباستغراب: مالكوا اتخضيتوا كدة ليه زي ما تكونوا كُنتوا بتحبوا في بعض وفي لحظة رومانسية وانا قطعت عليكوا اللحظة ديه
فهد: ايه دخلت البوليس ديه يا بنتي انتي بنت ياحبيبتي مش راجل
حلا: على فكرة انا داخلة عادي على فكرة بس انت يظهر فيه حد واخد عقلك ولا حاجة
فهد بمرح: اه انتي
حلا بتريقة: هاهاها خفة دمك خفيف بطريقة لا تتخيلها يعني عموما انجز فين الملف
سمير: هو انتي ليه مش عايزة قصي يعرف حاجة عن الملف وليه عايزة ملف تاني عليه توقيع قصي
حلا: هتعرف دلوقتي فهد الملفات
فهد اعطاها ملف الصفقة وملف اخر عليه توقيع قصي حلا اخذت ملف الصفقة وقرائته بعناية وبتركيز شديد ومن ثم ابتسمت ابتسامة خبيثة وفي نفس الوقت ابتسامة انتصار
حلا: عيب كنت عارفة انهم هيعملوا كدة معناها شكي كان في محله
سمير بص لفهد وفهد بصلوا والاتنين مستغربين بعدين نظروا لحلا رأوها بسحب ورقة بيضاء فاضية ومسكت احد الاقلام وبدأت تكتب حاجة زي التوقيع وكانت فاتحة ملف تاني بس فيه توقيع قصي وقدرت خلال دقيقتين تعرف توقع زي توقيع قصي وبطريقته ومن ثم رأوها بتوقع على ملف الصفقة ولكن بإسم قصي وكأنه هو اللي وقع وبعدبن اغلقت الملفات واعطتها لفهد وهو وسمير ينظروا ليها باستغراب
حلا ضحكت: زورت توقيع قصي على ملفات الصفقة تبع العصابة
سمير: وليه عملتي كدة وليه مش عايزة قصي يعرف
حلا ابتسمت: ليه عملت كدة لانهم كانوا ناصبين فخ لقصي تقدر تفتح الملف وتقرأوا لو سمحت
سمير عمل كدة بس قرأ اول ثلاث ورقات
سمير: مفيش اي حاجة اهو
حلا: اقلب الورقة واقرأ كويس
سمير نفذ اللي حلا قالته واتصدم
سمير بصدمة: ده معناه ان قصي شريك معاهم في الاعمال الغير شرعية لان بتوقيعه هيبقى هو موافق على شروط مرور شحنة مخدرات
حلا: اها ومش بس كدة وتهريب سلاح كمان ومش بعيد يكون في جرايم قتل يلفقوها ليه او ممكن يكونوا كمان ناويين يخطفوا بنات ويبيعوهم برا للرجالة ويشغلوهم في بيوت ضعارة
فهد بصدمة: طب ما انتي بتزويرك لتوقيع قصي كدة كدة هو متورط لانك قلدتي توقيعه بالظبط
حلا ابتسمت: في حاجة اسمها خدعة او خدع البصر انا قلدت التوقيع بس مش هو هو انت اما هتشوفه هيبانلك انه توقيع قصي بس هو في الحقيقة فيه اختلاف في التوقيع احنا عندنا في القانون في حاجة اسمها فحص ادلة ومعرفة اذا كانت متطابقة مع الشخص الموجه ليه التهمة ولا لا بس
فهد وسمير في وقت واحد: مش فاهم حاجة
حلا: يعني لو هيحاولوا يتهمه قصي ويشيلوه الليلة كلها ويتسجن بدلهم مش هيعرفوا لان الادلة قبل اما تتعرض على القاضي هيتم عرضها وفحصها من قبل معمل التحليل الجنائي وهيطلبوا من قصي ان يعطيهم توقيعه ووقتها قصي هو اللي هيوقع وهناك هيعرفوا ان التوقبع مختلف وغير متطابق فقصي مش هيتورط وفي الحالة ديه انا هعترف ان انا زورت توقيعه وهقول الاسباب وطبعا فيه نسخة من الملف قبل التوقيع معاكم صح
فهد: اه
حلا: انا يلزمني الملف ده او تحافظ عليه بقدر الامكان او تعطيه لمحامي العيلة بتاعكم او تديهولي انا وانا هعرف احافظ عليه بطريقتي
سمير: انا من رأيي خليه معاكي يكون افضل
فهد: وانا كدة كدة معرفش ليه طق في دماغي اصور نسختين فبكده هما لو حاولوا يسرقوا النسخة بتاعت اعمالهم اللي هنا هيبقى فيه نسحة معاكي
حلا: تمام انا كدة كدة معنديش مانع
سمير باستغراب: بس انتي ايه اللي عرفك انهم هيعملوا كدة
حلا: اولا هما عارفين اني همسك المهمة ديه بس محدش عارف اني في البلد الكل فاكر اني مسافرة في اجازة فهما عملوا كدة علشان محدش يقدر يمسكهم وقال يعني هيخدعوني علشان مقبُضش عليهم ومقدرش الاقي ليهم داخلة بس...... بس اللي ساعد على ده انهم ميعرفوش شكلي.
سمير: طب مش كدة مممن لو عرفوا حقيقتك وانتي مين يقتلوكي ديه عصابة مش سهلة ودماغهم سم
حلا: هو مش ممكن هو اكيد ومش انا لوحدي وقصي كمان
سمير وفهد في نفس الوقت: افندم
حلا: مش عارفة ليه حاسة انهم مستنيين يخلصوا ويخلوا الشحنة تمر وبعدين يقوموا قاتلين قصي وعلى الاغلب ممكن يخطفوه وفي حالة اذا اكتشفت وعرفوا حقيقتي فبإذن الله انا وقصي هنتخطف وهيستنوا لحد اما ينفذوا اللي في دماغهم ويقتلوا قصي اما بالنسبة ليه فعلى الاكيد مش هيسموا عليا وهيقتلوني فورا ومش بعيد قبل قصي علشان ملحقش انقذوا
سمير وفهد اتصدموا وفتحوا فمهم على الاخر
حلا ابتسمت: طبعا انتوا رجالة وقد كلمتكوا صح الكلام اللي اناقولته ده ممنوع يتفتح مع اي حد وبالاخص قصي وانجلي وستي وحسكوا عينكوا تقولوا لحد عن الموضوع ده لانكم هتفتحوا ابواب جهنم علينا كلنا
سمير: اكيد مش هنتكلم في الموضوع ده مع حد بس لازم قصي يعرف
حلا: لا ده بالذات لو عرف مش هيعرفني اي حاجة عن الصفقة وهيمنعني اجي الشركة واظن اكيد يعني انتوا عارفين ليه
فهد وسمير في نفس الوقت: اه علشان بيحبك وهيخاف عليكي
حلا: بالظبط واظن ان لولا الفيديو الوسخ اللي اتعمل كان هيتقدملي يوميها
سمير وفهد بصولها باستغراب وصدمة
حلا ضحكت: لا متقلقوش محدش قالي حاجة بس ده اللي شوفتوا في عيون قصي وبعدين محدش هيقدر يفهموا قدي عموما انا لازم اروح لاني عندي شغل كتير
حلا كانت هتخرج
فهد: حلا
حلا التفت ونظرت له فهد: انتي ناوية تسيبي الشركة الفترة ديه
حلا: اه علشان اجهز نفسي للمهمة لانها بعد اسبوعين بس لو هما عملوا حفلة وقالوا لقصي عليها ابقى بلغني بالمكان والزمان وانا هتصرف لان مينفعش قصي يروح هناك لوحده او خلوا لوئي يروح معاه لو ساعتها مقدرتوش تتواصلوا معايا وابقوا بلغوا اللوا محمد الدالي وهو هيقدر يتواصل معايا بأي طريقة ويبلغني وانا هبقى اتصرف بس من غير ما قصي يعرف اي حاجة يعني خلي لوئي يقولوا اي عذر انه زهقان وعايز يخرج مع اخوه او انه بقاله فترة مقضاش وقت معاه او نفسه يشوفوا بيعمل ايه في حفلات زي كدة اي عذر يعني وقولوا للوئي وفهموه كل حاجة باختصار وهو هيفهم وهيعرف يقنع قصي انه يروح معاه الحفلة او الاجتماع وهيعرف يلاقي عذر مقنع
فهد: تمام
سمير: حلا ممكن اسألك سؤال شخصي شوية
حلا: طب ياريت نخلص علشان ورايا شغل قول عايز تستفسر عن ايه
سمير: هو انتي بتحبي قصي
حلا اتصدمت من السؤال مكنتش تتوقع ان سمير يسألها سؤال زي ده
حلا بتوتر ولكن تحاول ان تخفيه: ليه بتسأل سؤال زي ده
سمير: عادي بس حاسس انك مهتمية اوي بقصي وغير كدة بتفهميه من نظرة وبتعرفي هو حاسس بإيه وايه هي مشاعره وغريبة اوي يعني احنا اخواته في معظم الاحيان مبنفهمهوش اساسا اه والله فما بالك اننا نعرف هو بيحس بإيه بس كل اللي احنا نعرفوا ان هو كان بيحب بنت من عشر سنين وكانت البنت ديه بنت رفيق وصديق ويمكن كان زي الاخ يعني اكتر من صديق للعيلة ولبابا وهي البنت ديه رافضة تكلموا او حتى تشوفوا ومؤخرا وصلنا انها ماتت في مهمة هو رافض يصدق ده وقلبه بيقولوا انها عايشة احنا كل اللي نعرفوا انه بيحبها جدا وبعدها عنه وجعه قابل بنات كتير بس معرفش ينسى البنت ديه ولا عرف يحب غيرها او واحدة تانية تخطف قلبه بس فجأة انتي دخلتي حياته حبك مع انه في حياته كلها خلال عشر سنين اظن انها فترة مش هينة نهائي يعني كان يقدر ينسى او يحب تاني بس ده محصلش فجأة بعد عشر سنين تدخلي انتي حياته وتخليه يحبك والغريب انها اسمها حلا وانتي على نفس الاسم والاغرب وعلى حسب كلام انجلي انكوا شبه بعض اوي ونفس الشخصية ونفس الاسلوب مع اختلاف بعض الاشياء
حلا:.................................
__________________________________
بعتذر عن التأخير بس الامتحانات واخدة وقتي بس هحاول انزلكوا بارتين كمان كل سنة وانتوا طيبين ورمضان كريم
__________________________________
يا ترى هتكون رد فعل حلا على كلام سمير ايه؟!
ويا ترى قصي هيعمل ايه لما يعرف ان حلا مش هتشتغل في الشركة تاتي؟!
ويا ترى هلكلام حلا صح وحقيقي بخصوص المهمة؟!
