حلا اعترفت بمشاعرها لقصي وقصي عانقها بكل مشاعره واحاسيسه وقبلها ليعبر لها عن مدى حبه واشتياقه لها وحلا لم تمنعه واستجابت معه وعانقته ايضا وقبلته ولكن..........
__________________________________
انجلي دخلت على غرفة قصي ليستيقظ لانه تأخر على الشغل انجلي فتحت البرادي ( الستاير) وفتحت البلكون لكي تدخل اشعة الشمس ولكن قصي مازال نايم في سابع نومة انجلي اقتربت منه
انجلي: قصي قوم يلا علشان الشغل قوم وبطل كسل
قصي ومازال مغمض العينين وبيحلم: حلا... انا.....بحبك.....متبعديش...عني.. تاني
انجلي ضحكت: يخرب عقلك هي وصلت لانك تحلم بيها...... قصي قوووم
قصي جذب انجلي من دراعها وانجلي وقعت عليه وقصي عانقها انجلي كانت هتموت من الضحك ملقتش غير حل واحد وهو
انجلي مسكت ابريق الماء وسكبته على قصي.. قصي قام مفزوع وينظر لانجلي بإستغراب ولغرفته بإستغراب
قصي بعدم فهم وإستغراب: فين حلا.... هو انا فين
انجلي دخلت في غيبوبة ضحك هستيري
انجلي بضحك: مش....... قادرة...... هموووووت..... بطنيييي........
وفضلت تضحك وقصي ينظر لها ولا يفهم شئ لحد اما فاق نوعا ما وفهم
قصي بإنزعاج: يعني ده كان مجرد حلم طب كنتي سبتيني اكمله يا شيخة يا الله منك ده انتي فصيلة دايما لازم تيجي تصحيني وانا بحلم بحلا انا قولتلك اني عايزة اصحى
انجلي حاولت تمسك نفسها: هي وصلت لانك تحلم بيها طب قولي بقى ايه اللي كان في الحلم وغمزتله
قصي: كل خير وكل حب بس لازم حد يطلع يفصلني من الرومانسية كنتي سبتيني احلم شوية بدل ما انا لا طايل لا سما ولا ارض
انجلي ضحكت: لا بجد حلمت بإيه
قصي: حلمت انها مسافرتش وجت تصحيني وقالتلك بحبك ومقدرش استغنى عنك وبعدين حضنا بعض وانا قبلتها وهي لم تعترض
انجلي ضحكت: تصدق ليك حق متفوقش من الحلم مادام فيها حضن وبوس فطبيعي
قصي مسك المخدة الصغيرة وحدف انجلي بيها
قصي بغيظ: وانتي مالك كنت حضنتك انتي ولا بوستك انتي
انجلي بغيظ: لا ماهو ده اللي ناقص
قصي: متعرفيش اذا حلا وصلت ولا لا
انجلي: لا بس شوف تليفونك يمكن تكون بعتتلك رسالة ومرضيتش تتصل علشان متصحكش وتقلق نومك
قصي تفحص تليفونه وفعلا عثر على رسالة من حلا ولكن برقم غريب وكان مضمون الرسالة
( قصي انا حلا ده رقمي في امريكا انا وصلت محبتش اتصل بيك علشان لو كنت نايم مقلقش نومك وبالاخص انك عندك شغل عموما خد بالك من نفسك وخد ادويتك واهتم بنفسك شوية ومتقلقش انا كويسة)
قصي قرأ الرسالة بصوت علشان انجلي
انجلي بمرح: انا حاسة الرسالة ناقصة حاجة
قصي بإستغراب وعدم فهم: ناقصة حاجة زي ايه
انجلي بضحك: كلمة من اربع حروف وهي ب.. ح.... ب.. ك.
قالتها بتقطع قصي مسك المخدة وكان هيحدفها بيها
قصي بغيظ: ما قولنا كل واحد يخليه في حاله احسنله
انجلي: قصي ما تتصل بيها لو عايز وبصراحة انا عايزة اكلمها
قصي: مش عارف بس بلاها لحسن تكون نايمة
انجلي: طب ما تجرب يمكن تكون صاحية وخصوصي ان توقيت امريكا مش زي عندنا
قصي: بس هي منامت............ قطعه رنين تليفونه وكان من رقم مجهول امريكي قصي رد
قصي: Hi
اتاه صوت يتحدث بالانجليزي بس كان صوت مش غريب عليه ولكن الكلام كان بخصوص شغل ومهمة وتخطيط
انجلي بإستغراب: مين اللي بيتصل........ قصي اشار لها بأنه لا يعلم
انجلي بإستغراب: افتح الاسبيكر
قصي فتحه ولما انجلي سمعت فرحت
انجلي: ديه حلول
قصي بإستغراب وصدمة: هو صوتها حلو اوي كدة وهي بتتكلم انجليزي
انجلي ضحكت: افترض هي سمعتك دلوقتي
قصي: شكلها اساسا اتصلت غلط
: الو.... قصي
انجلي: ايه يا حلول عاملة ايه وصلتي ولا
حلا: اه يا حبيبتي وصلت الحمد لله... انا كويسة بس هو قصي نايم ولا ايه
انجلي بخبث: والله غلبني على ما صحي ومش راضي يقوم من على السرير الا انتي فين وايه الدوشة ديه
حلا: لا انا في الشغل.... انا كنت حاسة انه هتروح عليه نومة علشان كدة قولت اصحيه انجلي لحظة خليكي معايا
انجلي: حلا لو مشغولة اقفلي وبعدين نبقى نتكلم
حلا: لحظة وهفهمك
انجلي: طيب
بعد دقائق اتاها صوت حلا
حلا: طب اولا صحي قصي او اديه التليفون اصحيه انا
انجلي: خدي ياختي تبقي عاملتي فيا معروف
قصي اخذ التليفون من انجلي: الو
حلا: الوين يا مصر تحب تقوم ولا محتاج اني اجي افوقك ولو اني منصحكش لانك هتضايق جدا من اللي هعمله فيك
قصي ابتسم: تعالي انتي بس وانا مش هضايق
حلا: متأكد من كلامك
قصي: اها
حلا: تمام لما ارجع انشاء الله نبقى نشوف الموضوع ده بس خليك فاكر جوابك علشان لو اتحولت انا هتحول وهقلب وقلبتي مش حلوة
قصي: وانا مقدرش على قلبتك انا قادر عليكي في العادي بالعافية ما بالك بقى قلبتك
انجلي نكزته في كتفه وحلا خجلت لانها فهمت قصده
حلا: لو فوقت بقى اديني انجلي
قصي بخبث: ليه متخليكي معايا احلى
حلا: هتديني انجلي ولا اقفل في وشك
انجلي: حلول قوليلي انتي نمتي كويس ولا لا
حلا تنهدت: لا منمتش لسة اهو في الطريق هروح انام بس على الله محدش يصحيني
انجلي: انتي ليه منمتيش
حلا: قولت اروح وكنت هنام لاقيت جون بيتصل بيا وقالي عايزك ضروري فاضطريت اخد شاور علشان افوق وشربت كوباية قهوة واخدت ادويتي وروحت اشوف فيه ايه ودلوقتي مروحة في الطريق اهو بكلمك وانا بسوق قولتلهم محدش يتصل بيا نهائي انهاردة بس انا عارفة انا مش مكتوبلي ارتاح ابدا
انجلي: يا حبيبتي روحي اقفلي تليفونك ونامي
حلا: لا مينفعش علشان ديه مسألة حياة او موت ديه ارواح ناس وبعدين علشان كمان لو فارس عاز حاجة بخصوص مهمة قصي فمينفعش اقفل التليفون او اعمله صامت عموما خلي قصي يفوق ويروح الشركة وبلاش كسل وقوليله ان مش معروف عن ال QAS الكسل ده ممكن يطربق الشركة على دماغ الموظفين لو حد اتأخر
قصي: على فكرة ده لاني سهرت امبارح مش اكتر دلوقتي هاخد شاور وكوباية قهوة واروح على الشركة
حلا: ممنوع تشرب قهوة يا افندي من غير ما تاكل وتاخد علاجك سامعني يا قصي ولا
قصي ابتسم: سامعك بس مفيش وقت
حلا: كدة كدة انت صاحب الشركة وكدة كدة زمان فهد وحازم وكمال وسمير هناك يعني الدنيا مش هتخرب لو فطرت يعني وبعدين في الوقت اللي هتتعمل فيه القهوة يكون اتحضرلك اي سندوتش صغير تاكله قول لانجلي بس اللي انا قولتلك عليه وهي هتتصرف على ما تاخد شاور وتلبس يكون السندوتش اتحضر تاكله وتاخد العلاج على ما القهوة تتحضر اظن كدة مفيش تضيع وقت ولا انا غلطانة اديني نظمتلك وقتك يا سيدي عد الجمايل
قصي ضحك: معاكي حق بس انا مليش نفس للاكل
حلا: بس بيقولوا ان لما حد بيسمع صوتي بتتفتح نفسه على الاكل وبعدين لو قولتلك علشان خاطر سكيرتيرتك كُل اي حاجة قبل القهوة وخد العلاج الامر مش مستحيل يا قصي يعني مبقولش ارمي نفسك في المحيط ده هو سندوتش صغير وبعدين انا بتكلم معاك ليه انت دماغك يابس مبتلنش اديني انجلي هي الوحيدة اللي هتجبرك على الاكل بطريقتها
انجلي ضحكت: انا سمعاكي يا حلا ومش هخليه يخرج غير لما يفطر وياخد ادويته
حلا: اذا كان كدة تمام انا كدة اطمنت يلا بقى انا هقفل علشان مأخرش الافندي قصي الكسلان
قصي ضحك: مع اني مبحبش حد يكلمني بالطريقة ديه بس حلوة منك
حلا بغرور: لا ماهي لازم تكون حلوة مني لاني اساسا دايما بقول حاجات حلوة ودايما على حق
قصي ضحك: يخرب بيت التواضع
حلا: اومال... وضحكت
حلا: عموما روح يلا شوف هتعمل ايه وخلي بالك من نفسك واهتم بنفسك ربع ما بتهتم بالشغل مش هقول تاني الكلام ده يلا سلام
قصي: حاضر.. سلام
قصي قفل مع حلا ونظر لانجلي وانجلي كانت تنظر له مبتسمة
قصي بإستغراب: في ايه مالك بتبُصيلي كدة ليه
انجلي وهي مبتسمة: ابدا حبيبت القلب اتصلت تصحي حبيبها وتطمن عليه وتنصحه انه يفطر وياخد علاجه قبل ما يروح على الشغل. وغمزتله
قصي ضحك: يا الله منك امشي روحي اعمليلي اي سندوتش اكله قبل ما انزل
انجلي بإستغراب: ايه ده حلا قالت جملة ان انا اللي هقدر اجبرك بس انا شايفة تأثير حلا اعلى من تأثيري ولا انت ايه رأيك
قصي نظر لها بتهرب: انا بقول اروح اخد شاور احسن
وتركها ودخل الحمام وانجلي ضحكت
انجلي بصوت عالي: ولا ووقعت يا قصي وجت اللي تخليك تخضع لكلامها وتقولها امرك اؤمُريني
قصي فتح باب الحمام بس هو فضل ورا الباب وحدف تيشيرته على وجه انجلي
قصي: لو نقطيني بسُكاتك مش هيقولوا عليكي غلبانة امشي روحي اعمليلي حاجة اطفحها
انجلي ضحكت: حاضر
ذهبت انجلي لتحضر لقصي السندوتش
__________________________________
عند حلا رجعت بيتها اخذت شاور وارتدت بيجامة مريحة ونامت
__________________________________
عند فارس ذهب فارس ورقية يتغدوا في مطعم
رقية: اخبار حلا ايه يا فارس في اخر فترة انشغلت شوية عنها ومكناش بنتواصل مع بعض
فارس ابتسم: كويسة ومش كويسة
رقية بإستغراب: ازاي يعني
فارس: يعني جسديا كويسة مفيش اصابات جامدة نفسيا عصبيا مُدمرة
رقية: ليه ايه اللي حصل تاني
فارس: حياة قصي الايام ديه معرضة للخطر وهي خايفة عليه ده بالاضافة انها سافرت علشان طالبنها برا في شغل
رقية: اممم احنا هنساعدها ونقف جنبها وان شاء الله مش هيحصل حاجة وحشة لا لقصي ولا لحلا
فارس ورقية قعدوا يتناقشوا هيعملوا ايه بخصوص الشغل وفارس اتكلم عن بعض الامور بخصوص المهمة
__________________________________
بعد مرور 3 ايام في شركة الدالي كان يوجد اجتماع مع وفد مهم واللي كان موجود بالاجتماع اريان وادم وآسيا وجميلة وطبعا الاشخاص اللي هيوقعوا معاهم العقد
ادم ابتسم: اتشرفنا بالشغل معاكم
الرجل: احنا اسعد وبجد شركتكم احسن شركة ادخلها لحد انهاردة
اريان: وده يسعدنا ويشرفنا انها تكون احسن شركة انتوا دخلتوها عموما هنبقى نحدد المعاد واليوم اللي هنحتفل بيه ونوقع العقد والسكيرتارية هتبقى تبلغ حضارتكم بالمعاد واليوم
نهوا الاجتماع وكل واحد اخد سكيرتيرته وذهب للمكتب علشان الشغل
في مكتب ادم كان يجلس هو وجميلة ويتحدثون بالشغل
ادم: تمام يبقى احنا كدة خلصنا معظم الشغل ونظمنا الاجتماعات والشغل شوية
جميلة: اه وكدة احسن اظن اننا خلصنا شغل انهاردة
ادم بتردد: ا......اااا....اه صح معاكي حق خلصنا شغل انهاردة
جميلة بإستغراب: استاذ ادم ممكن اسألك سؤال
ادم: اه اكيد اتفضلي
جميلة: انت ع..............قاطعها رنين تليفونها
جميلة: اسفة بس لازم ارد
ادم: اه طبعا اتفضلي
جميلة: الو مين معايا
: مش معقولة تكوني نسيتيني يا جوجو
جميلة قفزت من الفرحة: مش معقول انت جيت امتى.......... بس لحظة انت فين.....وبعدين ليه غيرت رقمك
: طب الاول قوليلي انتي في انهي دور ومكتبك فين
جميلة بإستغراب: افندم.......بس لحظة....انت.....عايز تفهمني انك في الشركة دلوقتي
: اها هتنجزي تقولي انتي فين ولا اسأل
جميلة بصدمة: الدور الاخير 19 المكتب اللي على ايدك اليمين
: تمام سلام
جميلة بإستغراب: سلام
قفلت مع الشخص ده
ادم بإستغراب: في ايه
جميلة بعدم فهم وبإستغراب وصدمة: وحياتك انا زيي زيك مش فاهمة حاجة......معقولة يكون بيشتغلني......اصل مستحيل يجي هنا هو ميعرفش العنوان....طب ولنفترض انه عرفه عرفه منين
ادم بإستغراب اكتر: هو مين ده اللي بعد اما كلمتيه واقفة بتكلمي نفسك
قاطعهم طرق باب المكتب
ادم وجميلة في نفس الوقت: ادخل
هما الاتنين استغربوا ونظروا لبعض وسرحوا في بعض
__________________________________
في نفس الوقت في مكتب اريان
آسيا بإبتسامة: تؤمُرني بأي حاجة تانية يا استاذ اريان
اريان: لا شكرا
آسيا: تمام عن اذنك
وكانت هتمشي
اريان: آسيا
آسيا التفت له: نعم
اريان بتردد: هو.......انا عرفت من ح........
قاطعه رنين تليفون آسيا
آسيا: اسفة لحظة واحدة
اريان: براحتك
آسيا ردت
: حبيبتي انتي فين دلوقتي
آسيا بفرح: انا في الشركة ليه انت فين لا تكون في البيت مش معقولة كل مرة تعمل فيا كدة تروح البيت وتفاجئني انك رجعت من السفر ده مش عدل المفروض تكون قايلي قبليها علشان احضر نفسي واخد اجازة من الشغل علشان نقضي اليوم كله سوى او على الاقل اجي استقبلك من المطار وب........
قاطعها: اييييه واحدة واحدة ادي للغلبان ده فرصة يتكلم انتي في انهي دور في الشركة
آسيا بصدمة وإستغراب: ها......الدور 19 الاخير
: والمكتب منين
آسيا بصدمة وإستغراب اكتر: اللي على ايدك اليمين....لالالا قصدي اللي على ايدك اليسار
الشخص ده ضحك: طب اخر كلام يسار ولا يمين
آسيا: يسار بس لحظة هو انت ف.....
قفل في وشها التليفون
اريان بإستغراب: في حاجة
آسيا بتوتر وهي مش فاهمة حاجة ولا عارفة ترد تقول ايه: ها....ل....لا مفيش
آسيا وهي تحدث نفسها بصوت منخفض: اذا كنت انا مش فاهمة حاجة عايزني اقولك ايه
اريان كان ينظر لآسيا بإستغراب وابتسم على جنونها وعلى كلامها مع نفسها وسرح فيها ولكن قطع شروده بحبيبته طرق الباب آسيا كانت قريبة من الباب ففتحت الباب واتصدمت او اتفاجئت
: طيب مش هتقوليلي ادخل ولا فيه حضن ولا ايه
آسيا بعد دقائق قفزت من الفرح وارتمت في حضنه
آسيا بفرح: لا طبعا هو انا اقدر وبعدين انت وحشتنيييي اويييييي يا يزن عملت ايه في الشغل
يزن عانقها ورفعها من على الارض لانها اقصر منه: ده على اساس انك بتفهمي في شغلي
آسيا ضحكت: اه يعني كل اللي اعرفه انكوا بتلحقوا العصابات والمجرمين
يزن ضحك: طب كويس انك عارفة حاجة زي كدة
يزن نظر لاريان ولآسيا: هو ده اريان صح
آسيا بإبتسامة واسعة: اه هو
اريان وقف واتجه ليزن ويزن مد ايده يصافحه واريان استجاب ليه
يزن: انا بكون بن عم آسيا وخطيبها
اريان بشبح ابتسامة: اه اهلا وسهلا
آسيا بإستغراب وعدم فهم: خطيب مين
اريان استغرب: ليه مش انتوا مخطوبين
آسيا بإستغراب: لا
يزن بسرعة: جرى ايه يا سوسو اومال الخطوبة اللي نهاية الاسبوع اللي جاي ديه بتاعت مين
وبعدين نظر لاريان يزن: اصل انا كنت عاملها مفاجأة
آسيا بعدم فهم: لحظة واحدة ازاي خطوبة وانت بتكون ا.........
قاطعها يزن ونظر لها بقوة: اه معاكي حق يا روحي بس انا قعدت مع باباكي وهو وافق ناقص موافقتك انتي يا بيبي عموما مش هناقش امور زي ديه هنا واكيد اريان عنده شغل استأذنك يا اريان هاخد منك آسيا ساعة واحدة وارجعها تاني
اريان انزعج بس مبينش ده: لا على راحتك اساسا احنا خلصنا شغل انهاردة فلو عايز تاخدها بقيت اليوم وبعدين يعني اكيد مش هتستأذني في انك تاخد خطيبتك يعني
يزن ابتسم وعرف ان اريان انزعج: تصدق معاك حق عموما يلا يا حبيبتي
آسيا بإستغراب: هنروح فين
يزن ابتسم: مش انا كنت وعدك بخروجة يلا
آسيا: بس انت لسة راجع من السفر وشكلك تعبان روح نام وارتاح ونبقى نخرج بليل او بكرة مش مهم
يزن مسكها من خدودها: يا خلاثي على حلاوة الخدود وبعدين متقلقيش يلا
آسيا: بس.........
يزن لم يعطيها فرصة لتتكلم وشدها من ايديها وخرجوا برا الشركة اريان كان منزعج جدا فشرب بعض الماء لكي يستطع التحكم بأعصابه ويقلل من حدة غضبه
__________________________________
في مكتب ادم دخل مالك جميلة كانت تنظر لادم ولكن بعدين تحول نظرها لمالك وفرحت جدا وركضت عليه وعانقته بقوة
جميلة بفرح: ليه مقولتليش انك هترجع من السفر انهاردة
مالك ابتسم: علشان كنت عايز اعملهالك مفاجأة
جميلة: واحلى مفاجأة طبعا
مالك: خلصتي شغل ولا
جميلة: اه بس ليه بتسأل
مالك: لا ابدا بس ناوي اخطفك
جميلة قفزت من الفرح: هيييه هتاخدني فين
مالك ضحك على طفولتها: انا عايز اعرف هو فيه شحطة عندها 21 سنة وتتصرف زي الاطفال
جميلة بإحراج: جرى ايه يا مالك يعني هو انت لسة تعرفني وبعدين ما انت عارف لما بفرح بنبسط وببقى عاملة زي الاطفال
ادم: احم احم طب مش تعرفينا يا جميلة
جميلة كانت هتتكلم بس سبقها مالك علشان اكيد هتقع بالكلام
مالك: انا مالك بن خالت جميلة وزوجها المستقبلي
ادم بلع ريقه بصعوبة ونظر لجميلة ولمالك مالك مد ايده لادم يصافحه وادم صافحه
ادم بإبتسامة صفراء: اهلا وانا ادم يحي الدالي مدير جميلة في الشركة
مالك ابتسم وعرف انه وصل لغرضه: اه طبعا انت غني عن التعريف ديه جميلة صدعت دماغي بالكلام عن حضرتك
ادم ابتسم: اتمنى يكون حاجة حلوة
مالك: لا متقلقش من الناحية ديه كل خير وكل حاجة حلوة
ادم نظر لجميلة وجميلة كان وجهها احمر من الخجل فلم تنظر لادم
مالك: احم طيب تسمحلي اخطف جميلة منك ساعتين
ادم: ا...اه طبعا تقدر اساسا احنا خلصنا شغل
جميلة: ناوي تخطفني فين
مالك ابتسم: لو قولتلك مش هتبقى مفاجأة
جميلة بفرح: يا ترى ايه هي المفاجأة
مالك: هتعرفي لما نروح يلا
مد دراعه ليها وهي تعلقت بذراعه
جميلة بفرح: يلا
مالك اخذها وادم كان يريد ان يضربه ويخبره ان جميلة ملكه وحده ادم كان متعصب جدا لدرجة انه حدف كل اللي على المكتب من شدة عصبيته
( مالك بن خالت جميلة وبيكون اخوها بالرضاعة شاب وسيم بشرته بيضاء عيونه لونها عسلي شعره لونه بني غامق طويل وعريض المنكبين وجسمه رياضي جدا بيحب جميلة زي اخته وبيخاف عليها جدا ليه شركات لتصميم السيارات ومشهور وغني)
( يزن اخو آسيا طويل وجسمه رياضي وهذا بحكم شغله يعمل في المخابرات السرية بشرته بيضاء عيونه لونها سماوي شعره بني فاتح ويوجد شبه بينه وبين آسيا ولكن بسيط)
__________________________________
في امريكا حلا كانت في مكان عملها وكانت مشغولة جدا خلصت شغلها ورجعت بيتها على الساعة 9 مساءا بتوقيت امريكا اخذت شاور وغيرت هدومها ونزلت عملت سندوتش خفيف واكلته واخذت ادويتها وقعدت ترتاح شوية ومن تعبها غفيت بعد ساعة او ساعتين قامت مفزوعة من شدة وجع قلبها كان قلبها مقبوض بطريقة فظيعة لدرجة انها كانت تشعر بالالم حطت ايديها على قلبها واغمضت عينيها حاولت تنظم تنفسها وفورا خطر على بالها صورة قصي فتحت عينيها بسرعة وفورا ومن دون تردد ضغطت على زر الاتصال واتصلت بقصي مرة...... اتنين...تلاتة
__________________________________
في اسكندرية وخصوصا ببيت قصي كان قصي راجع من الشغل الساعة 10 مساءا وكان هلكان وتعبان جدا فاخذ شاور وغير هدومه ونام اعلن تليفونه عن متصل ما فانزعج من نومه واخذ تليفونه ورد ولكن لم ينظر الى من يتصل وكان شبه مستيقظ
قصي بصوت ناعس: الو خير في مشكلة
حلا تنفست الصعداء: لا بس قولت اتصل اطمن عليك
قصي فتح عين واحدة ومن ثم الاخرى الى ان استوعب ان المتصل حلا قام قعد على سريره بصدمة واستغراب وعدم تصديق ونظر لتليفونه ليتأكد انها حلا ومن ثم اعاد التليفون الى اذنه حلا رأته غاب ولم يرد
حلا بقلق: قصي انت كويس
قصي: ا....اه بس مش مستوعب انك متصلة بيا في وقت زي ده والساعة 1 بعد نص الليل
حلا: لو ازعجتك اقفل عادي
قصي: لالا متفهمنيش غلط بس انتي بقالك 3 ايام مكلمتنيش بس فانا قولت انك مش هتكلميني غير لما ترجعي فمش مصدق اني صحيت على احلى صوت وفي وقت زي ده
حلا ضحكت: اعتبر ده مدح ولا ذم وعموما اسفة اني صحيتك بس قلقت شوية فقولت اطمن عليك واما بخصوص ال 3 ايام اللي فاته مكنتش عارفة اكلم نفسي علشان اكلم حد كنت برا البيت وكنت مضغوطة في شغل تقولشي اما صدقوا اني جيت وعمالين يرزاعوني في شغل
قصي: اولا انتي لما صحتيني انا فرحت فمفيش داعي للاعتذار ويا ستي لو كل يوم هصحى على صوتك الجميل فانا معنديش مانع اني لو ميت اصحى علشان اكلمك
حلا بسرعة: بعد الشر قصي وربنا لو قولت الكلام ده تاني هتشوف مني وش مش هيعجبك
قصي ابتسم: ثانيا بقى وبخصوص الشغل هما شكلهم معجبين بيكي فمش عايزينك ترجعي البيت
حلا ضحكت: معجبين مرة واحدة يا بني انت متعرفش انا بتعامل معاهم ازاي بُص يا قصي متقيسش تعاملي معاك بإن هو ده تعاملي مع باقي الناس
قصي بإستغراب: قصدك ايه
حلا: بُص يا سيدي انا اعرفك بحكم اني اشتغلت معاك حوالي اكتر من 3 شهور يعني مدة تخليني افهمك واعرفك كويس ده بالاضافة ان اللوا محمد كلمني عنك كتير ديه حاجة فيعني فيه سهولة شوية في التعامل بُص يا قصي انا مع عيلتي شخصية مع اصدقائي شخصية مع اصدقائي في الشغل شخصية مع الرجالة الغريبة شخصية برا البيت بقى اياً كانت حالتي يعني مثلا خرجت مع فارس او مع اخواتي او لوحدي فديه شخصية تانية يعني تقريبا في اليوم الواحد بتحول من ٥-٦ شخصيات فانا مش زي ما بتعامل معاك بتعامل مع واحد معايا في الشغل ولعلمك اسأل لوئي او فارس انت ممكن تشوفني بهزر واضحك معاهم وانا قاعدة معاكوا في البيت لو شوفتهم في الشارع معرفهمش يعني كأني اول مرة اشوفهم وفي الشغل بقى اظن انك تسأل لوئي وهو يقولك انا ببقى عاملة ازاي في الشغل. وضحكت
قصي بصدمة: ايييه ده كله يا بنتي انتي عندك انفصام في الشخصية
حلا ضحكت: حاجة زي كدة
قصي: ده على كدة يتخاف منك
حلا: امممم ممكن وممكن لا على حسب انت مين بالنسبة ليا
قصي: اممم وانا مين بالنسبة ليكي
حلا: ليه يهمك الموضوع
قصي: اه يهمني
حلا: بس انا مليش مزاج اجاوبك هتعمل ايه بقى
قصي: خالص هحجز على اول طيارة رايحة لامريكا واجيلك
حلا ضحكت: للدرجادي
قصي: واكتر
حلا: انجلي وتيتا فاطمة والشباب عاملين ايه
قصي: كويسين الحمد لله بيسلموا عليكي كتير
حلا: الله يسلمهم الشغل اخباره ايه فيه مشاكل ولا حاجة
قصي ابتسم: لا كله تمام
حلا: طب الحمد لله ا..........قاطعها رنين جرس البيت
حلا بسرعة: طيب يا قصي انا هقفل بقى واسيبك تنام وترتاح يلا سلام
قصي: سلام
حلا تركت التليفون على الطرابيزة وذهبت بسرعة وفتحت الباب على ظن انه احد من الشغل
عمرو: عاملة ايه يا حلا
حلا بغضب: في حد قالك انه مرحب بيك اوي علشان تيجي
حلا كانت هتقفل الباب في وشه بس هو كان اسرع منها وحط ايده على الباب ودخل بسرعة وقفل الباب حلا تركته ودخلت على غرفة الجلوس كان البيت يتكون من طابقين وغرفة الجلوس بالطابق الاسفل عمرو دخل وراء حلا
عمرو: فهميني يا حلا ليه بتتعاملي معايا المعاملة ديه
حلا بغضب وصوتها كان عالي نسبيا: افندم عايزني اتعامل معاك ازاي يعني وبعدين اظن اني بتعامل معاك بالمعاملة اللي بتستحقها وبعدين عايزني اتعامل مع واحد زيك ازاي
قصي كان هيقفل بس سمع صوت حلا فحس انها مضايقة ففضل يسمع علشان يعرف فيه ايه
عمرو بغضب: لا والله ده على اساس انك بتتعاملي مع قصي زي ما بتتعاملي معايا
حلا بنرفزة: ياااا ربيييي مالك ومال قصي ليه دايما بتقارن نفسك بيه يا بني انت فين وقصي فين. وضحكت بسخرية
عمرو بغضب: وليه ان شاء الله قصي فيه ايه مش موجود فيا او ايه اللي ناقصني علشان تصدقيه وتحبيه وانا ترفضي حبي شوهت سمعتك بفبركة فيديو بينك وبين حازم صديقك علشان يكرهك ويبعد عنك ومع ذلك مسبكيش سمعك كلام زي السم قولت انه لما هيندم ويجي يعتذر انتي مش هتسامحيه بس انتي سامحتيه طيب اشمعنا سامحتيه وبتتعاملي معاه عادي وبتروحي وتيجي معاه وبتروحي بيته اشمعنا انا بقى بتتعاملي معايا بأسوأ معاملة ده انا حتى حاولت اقتله بس انتي انقذتيه وكنتي هتموتي فيها كل ما احاول ائذيه الاقيكي في وشي مستعدة انك تموتي علشانه اشمعنا قصي يا حلا يعني انتي سبتي كل رجالة العالم واخترتي من بينهم كلهم قصي
حلا بغضب شديد ونرفزة: امم اولا قصي فيه ايه ومش موجود فيك فيه رجولة وتربية واخلاق عنده شهامة وكرامة مش عندك يعني تقريبا يعني اللي عند قصي مش عندك واساسا واحد وسخ زيك مينفعش يقارن نفسه بواحد محترم واعلى منه بمراحل لانه اكيد هيخسر عايز تقارن نفسك قارن نفسك بواحد وسخ زيك سواء بقى في نفس درجة وسختك او اوسخ منك انا سيبالك القرار وحرية الاختيار ثانيا بقى تفتكر واحد عنده كل الصفات ديه ميتحبش ثالثا وده الاهم ليه مسامحش قصي ليه اسمح لواحد وسخ زيك يدخل بينا واخليه ينجح في خطته انا عارفة انك انت اللي مفبرك الفيديو الوسخ ده وعارفة ان هدفك هو ان قصي يكرهني ويبعد عني اخلي خطتك الوسخة تنجح ليه واخليك توصل لهدفك ليه رابعا انا لا بروح مع قصي ولا مقضياها معاه وحتى لو كنت مقضياها معاه شئ ميخصكش وانا مش مضطرة ابرر لواحد زيك ملهوش مكان ولا ليه اي تلاتين لازمة في حياتي خامسا اه اضحي بحياتي علشانه ومتفتكرش انك لو قتلت قصي يبقى انت كدة كسرتني وذلتني وانا كدة هجيلك راكعة على رجليا وانام في حضنك غلطان ولا تفتكر انك لما تقتله ساعتها هبُص في وش اللي خلفوك واحبك لا ده انت كدة تبقى غلطان وغلطان اوي وغبي ومبتفهمش سادسا بقى وده الاهم اشمعنا قصي من بين رجالة العالم ده على اساس اني لو كنت حبيت واحد تاني غير قصي كنت هتسبني في حالي وبعدين اشمعنا قصي اللي من بين رجالة العالم فتقدر تقول هو الراجل الوحيد اللي مر في حياتي وتقدر تقول ان ده القلب وما يريد
عمرو ضحك بصوت عالي وكانت ضحكته مستفزة ومليئة بالشر: وهو انتي فاكراني هسيبك تتهني انتي وحبيب القلب لا يا حلا فوقي على نفسك لانك مش هتكوني ملك لشخص غيري حتى لو اضطريت اقتلك علشان متكونيش من حق حد غيري
حلا ضحكت بنفس الطريقة: والله انا مش فاكرة بس ده انا متأكدة انك مش هتخلينا نتهنا ببعض اما بخصوص موضوع اني اكون ملكك فأظن اني قولتلك قبل كدة ان احلام اليقظى مبتتحققش وانا قولتلك قبل كدة انا لو من حق حد فانا من حق قصي وبس يعني لا انت ولا غيرك ولو فيه حد هيلمسني فهو قصي مفيش حد غيره بس طبعا هيبقى في الحلال مش في الحرام زي ما انت عايز اما بقى بخصوص اني من حقك فريح نفسك انا عمري ما هخلي واحد وسخ زيك يلمسني لا في الحرام ولا حتى في الحلال واما بخصوص موضوع قتل قصي لو وخلي بالك من لو ديه وحط تحتيها 100 مليون خط لو نجحت وقتلته يبقى انت كدة جنيت على روحك وعلى ابوك وامك وهخليك تندم على اليوم اللي انخلقت فيه وشوفت وش اهلي وهخليك تندم اكتر واكتر انك دخلت حياتي وحاولت تخربها وبصراحة ده وعد اني ساعتها هفتح ابواب جهنم عليكوا ده في حالة لو انها متفتحتش قريب متفتكرش اني ناسية قتل جدي او قتل اهلي واهل قصي انا عارفة كويس انك انت وابوك وامك كنت ورا الموضوع ده وكذلك موضوع اختفاء روما وطبعا فيه مواضيع تانية زي محاولة الاعتداء والاغتصاب اللي كنت بتحاول تعملها معايا وغير تحريض اصدقائك الوسخين زيك علشان يعتدوا عليا ولا محاولة الخطف والتعذيب والتخدير ومحاولة الاعتداء ولا محاولة القتل سواء قتلي او قتل حد انا اعرفه ده غير تشويه السمعة قدام اللي يسوى واللي ميسواش وقدام الغريب قبل القريب وقدام اللي ميعرفنيش قبل اللي يعرفني وده غير السحر والعمل والشعوذة اللي انت وابوك كنتوا بتعملُهولي يعني تقريبا قدرت اجمع معظم اللي انا شوفته منك انت وابوك في خلال العشر سنين اللي فاته تيجي كدة نقارن كل اللي انت عملته باللي قصي عمله قصي لما عرف اني مش عايزة اكلمه او اقابله محاولش يجبرني بالعكس تفهم الوضع هو حاليا شاكك ان انا هي البنت اللي حبها وسألني وانا جاوبته وهو مقتنعش بإجابتي ولا صدقها ومع ذلك مأجبرنيش على اني اتكلم او اقول اي حاجة فيه ظروف وحاجات كتير بتثبت او بتدي لقصي شك ان انا هي ديه البنت مثلا اسماء واعمار اخواتي...... اسلوبي في اللبس...... البرفيوم اللي بحطه....... طريقة تفكيري.....الواني المفضلة.....اكلاتي المفضلة......وحاجات كتير ومع ذلك مأجبرنيش على الكلام ولا على اي حاجة على عكسك انت كل حاجة عندك اجبار بتحاول تجبرني اني اطيقك مش هقولك اتعامل معاك فتقريبا بالمقارنة ديه بينك وبين قصي اديني سبب واحد ميخلنيش احبه ميخلنيش اضحي بحياتي علشانه او اقولك يكون احسن انك متتكلمش عنه لانه اساسا اكبر منك انت اساسا الاسم انك راجل انت حتى خسارة فيك يتقال عليك انك واحدة ست لانك اساسا معندكش كرامة وبخصوص انك بتحبني لاااا انت بتحب التملك اتعودت انك كل ما تفتح دراعك لاي بنت تعجبك وتدخل مزاجك تستجيب ليك وتقولك حاضر وامين وانا تحت امرك بس اما جيت تعمل كدة معايا لاقيت جوابي لا عكس ما كنت متوقع حاولت توهمني انك بتحبني ومع ذلك لاقيت نفس الجواب لا حاولت تتجوزني على سُنة الله ورسوله ونكتب كتب كتاب ونتجوز عادي وبرضه لاقيت نفس الجواب لا عرضت عليا الجواز العرفي ولاقيت برضه نفس الجواب لا قولتلي نتعامل في الحرام وهنا بقى اللي لاقيت رد فعل غير متوقع نهائي وهو مسح بكرامتك الارض وطردتك من حياتي زي الزبالة اما برميها برا بيتي عاملتك اسوأ ما بعامل كلب وظيفته انه يحرس بيتي دايما كنت بمسح بيك الارض سواء في الشارع في الجامعة في البيت في اي مكان كنت اشوف وشك وتحاول تتعرضلي ضرب واضربت دخول مستشفى من تحت ايدي وكنت هتموت وحصل ولولايا انا كان زمانك ميت بس انا مش وسخة زيك انا كدة كدة مبعتبركش ابن عمي ولا بعتبر ابوك عمي اصلا انا اللي حايشني عنكوا هو صلة الرحم ورابطة الدم اللي بتربط ابوك بابويا للاسف لولا كدة وربنا ما كنت هخليكوا تتهنوا ثانية واحدة في حياتكوا وانا ابويا مربيني تربية وهو اني مأعاملش الناس بنفس المعاملة او بمعنى اصح اعمل بس نيتي تكون اني بعمل لربنا بس متفتكرش اني دايما هفضل ساكتة ومش هتكلم ولا هتعدى حدودي لا انا لو عايزة اتعدى حدودي واخلي اللي ما يشتري يتفرج اعمل ده وزيادة معنديش اي مانع لو عايزني انسى تربية ابويا ليا واوريك الوساخة على حق وحقيقي اعمل كدة مش انت كان هدفك من الفيديو المتفبرك تخلي قصي يتفكرني اني واحدة وسخة واني بلف على حل شعري انا بقى ساعتها هوريك الاوسخ من الفيديو بمراحل وهعرفك المشي على حل الشعر على اصوله بيكون ازاي ولو ابوك وامك معرفوش يربوك انا هربيك واعيد تربيتك انت واللي خلفوك وساعتها هظهر وشي التاني وهخليكوا تتمنوا الموت ومتلقيهوش متفتكرش اني لما اعمل كل ده يبقى ساعتها هقتلكوا تؤ لا تكون غلطان وغبي لاني مش هبلة ولا غبية علشان اودي نفسي في داهية واوسخ ايدي بناس وسخة متستاهلش لا انا هخليكوا تتعذبوا كل يوم وكل ثانية ولحظة في حياتكوا وعذابكم كل يوم يبقى اشد من اللي قبله وهخليكوا تتمنوا الموت ومتلقيهوش ولو انت راجل يا عمرو وابن راجل وريني عرض كتافك وحاول تلمس شعرة من قصي او من عيلته او حد من عيلتي وساعتها متلومش حد غير نفسك واتفضل بقى من غير مطرود كدة اطلع برا وخلي يومك يعدي بدل ما اخليك تقضي اجازتك في امريكا في المستشفى وفي غرفة العناية المركزة
عمرو: ماشي يا حلا بس متفتكريش اني خوفت انا مبتهدتش وهخليكي تندمي على اليوم اللي عرفتي فيه واحد اسمه قصي احمد الشناوي والايام ما بينا وهنشوف مين اللي هيبقى اد كلامه في الاخر
حلا: اعلى ما في خيلك اركبه والشاطر والذكي هو اللي هيضحك في الاخر
عمرو خرج من البيت وهو على اخره وبيفكر ازاي هيبعد حلا عن قصي حلا اتنرفزت واتعصبت لدرجة انها وقعت كذا ڤازة وكسرتها
حلا: انا مش عارفة اخلي البني ادم ده يسيب قصي في حاله ويبعد عنه ازاي يارب احميه يارب احميه هو واخواتي وعمي ومراته وابنه هما اللي باقينلي انا مبقتش عارفة احمي قصي من مين ولا مين ده انا بقيت حاسة ان حياتي عبارة عن ناس بوشين واوسخ ما يكون بقيت حاسة ان حياتي عبارة عن تعابين وحيات وعقارب وناس عاملة زي الحرباية بمليون لون انا تعبت مبقيتش عارفة الاقيها من الشغل ولا من اعداء ابويا ولا من قرايبي ولا من الغريب انا مش عارفة انا عملت ايه في حياتي بتعاقب عليه ومأحصدش غير الكره والحقد والعداوة انا ولا مرة اذيت حيوان مش هقول بني ادم لا حيوان يعني اكيد مش هقدر ائذي بنى ادمين علشان اتئذي من كل البشر كدة........ بجد وحشتيني يا بابا الحياة وحشة من غيرك اوي فعلا صدق اللي قال اللي ابوه مات هيفضل مكسور ومذلول طول حياته عمر ما هيكون فيه حد سند غير الاب وانا اتكسرت فعلا بعدك ليه سبتني لوحدي في الحياة القاسية ديه ليه سبتني ما بين بشر بس هما مش بشر هما وشهم بشر بس هما وحوش ليه سايبني اتعذب من بعدك ليه مأخدتنيش معاك انا عارفة انك مبتستحملش تشوفني موجوعة او مقهورة بس انا بقالي عشر سنين موجوعة ومقهورة ومكسورة بتظاهر بالقوة علشان الناس متقساش عليا اكتر بس انا تعبت من التظاهر بالقوة اتمنى انك دلوقتي تكون مبسوط وانت شايفني بالحالة ديه يارب خدني وريحني وريح العالم مني.
كانت بتتكلم وهي بتبكي طبعا قصي كللللل ده كان فاتح الموبايل وسمع حديثها مع عمرو وكلامها بعد اما عمرو مشي وبكى على بكائها.
اليوم عدى بصعوبة على بعض ابطالنا لتشرق شمس يوم جديد مليئ بالاحداث والتي ستكون متعبة ومؤلمة للبعض ومريحة للبعض الاخر
__________________________________
تاني يوم فهد ومايا خرجوا مع بعض يتغدوا
مايا: قولي بقى كنت عايزني في ايه
فهد: هتصدقيني لو قولتلك اني مش عارف
مايا ابتسمت بإستغراب: مش انت قولتلي انك عايزني في موضوع مهم يعني اكيد كان في بالك موضوع عايز تكلمني فيه لو نسيت حاول تفتكر
فهد: بصراحة انا قولتلك كدة علشان ترضي تخرجي معايا متسألنيش ليه لاني معرفش
مايا ضحكت: طيب طيب خلاص مش هسألك بس مكنش فيه داعي انك تكدب علشان نخرج مع بعض
فهد: يعني لو كنت قولتلك تخرجي معايا كُنتي هتخرجي
مايا: كان ممكن يعني على حسب المزاج عامل ازاي بس انا بقولك لاني بكره الكدب هعديها المرادي بس
فهد ابتسم: خلاص متتحوليش طب
مايا: ماشي
فهد: بس حليانة اليومين دول فيه ايه لا تكوني بتحبي جديد. وغمزلها
مايا ضحكت واتكلمت بغرور: انا اساسا دايما حلوة بس انتوا مبتاخدوش بالكوا
فهد: يخرب بيت التواضع يا شيخة وعموما ولا تزعلي بعد كدة هبقى اخد بالي
مايا بتلقائية: ليه هتحبني ولا هتتجوزني
فهد نظر لها بإستغراب ومايا وعيت للي قالته عضت على شفتها السفلى بخجل
مايا لنفسها: يا ختااااي ايه اللي انا هببته ده كان لازم اتكلم بالطريقة ديه دلوقتي هبُصله ازاي
فهد سرح فيها ومايا رفعت نظرها ليه وعلشان تغير الموضوع
مايا بتوتر: ا...اخبار الشغل ايه يا فهد
فهد وهو سرحان فيها: كويس......كله تمام
وقعدوا يتكلموا ويهزروا
__________________________________
روما كانت قاعدة زهقانة فقررت تخرج تتمشى شوية وهي ماشية لوئي شافها كان في مهمة وخلصها فمشي وراها
لوئي: روميساء
روما لفتله روما بفرح وابتسامة عريضة: اهلا يا لوئي اخبارك ايه
لوئي بادلها الابتسامة: الحمد لله انتي اخبارك ايه
روما بمرح: تمام الحمد لله بتعمل ايه هنا لا تكون بتراقبني
لوئي ضحك: انا اللي المفروض اسألك السؤال ده وعموما اطمني انا مش براقبك كان عندي شغل ولسة مخلصه
روما: امم الله يكون في عونك انا حسيت نفسي مخنوقة وزهقانة فقولت اتمشى شوية
لوئي: ومش خايفة على نفسك لحسن حد يخطفك وانتي حلوة كدة
روما خجلت: واعتبر ده مدح ولا ايه
لوئي ابتسم: حاجة زي كدة.....تسمحيلي امشي معاكي.......علشان لو حد اتعرضلك بس مش اكتر
روما ابتسمت بخجل: ماشي
لوئي: اتفضلي
لوئي وروما مشيوا مع بعض واتكلموا
لوئي: ممكن اسألك سؤال شخصي شوية
روما: اه تقدر عادي خد راحتك
لوئي ضحك: لو هاخد راحتي يبقى ساعتها هعرف كل حاجة عنك من طق طق لسلام عليكم
روما ضحكت: عادي عايز تعرف ايه
لوئي: فيه حد في حياتك
روما: اه فيه ادم واريان وجاسر وحلا ومايا وانت وعمي وفارس وقصي وسمير وفهد يعني فيه ناس كتير
لوئي ابتسم: مش قصدي دول قصدي حبيب مثلا شخص مميز
روما: اااه لا مفيش....وانت
لوئي: لسة ملقيتش اللي تخطف قلبي او يمكن لاقيتها مش عارف
روما بإستغراب: مش عارف ازاي يعني هي يا إما بتحب بنت يا إما لا
لوئي: انا مش خبير في امور الحب اوي
روما: يبقى لازم تكلم صديقتك
لوئي بإستغراب وعدم فهم: صديقتي مين بقولك مبفهمش في امور البنات يعني مفيش بنات في حياتي
روما ضحكت: مش ده قصدي اقصد حلا اختي كلمها واكيد هي هتساعدك
لوئي: تصدقي فكرة هبقى اكلمها......المهم ايه رأيك ناكل حاجة لاني جعان وشكلك انتي كمان جعانة
روما: اه يلا
ذهبوا يتغدوا مع بعض ويتكلموا ولما خلصوا لوئي وصلها على بيتها وبعدين رجع بيته
__________________________________
ادم كان مخنوق وملوش نفس انه يشتغل وجميلة كانت واخدة اجازة وكذلك آسيا وكان حال اريان مش اقل من حال ادم فادم قرر يتصل بحلا ويكلمها اتصل بيها
حلا: حبيبي وحشتني اوي اخبارك ايه
ادم: كان نفسي اقولك اني كويس بس للاسف
حلا بقلق: مالك يا ادم فيه ايه روما حصلها حاجة او عمي او قصي انطق في ايه ولا ليكون عملت حادث مالك انطق في ايه
ادم ضحك: طب اهدي واديني فرصة اتكلم كلهم كويسين محدش حصله حاجة وانا كويس لا عملت حادث ولا حاجة بس..
حلا: بس ايه
ادم تنهد بقوة: مش عارف بس حاسس بخنقة غير طبيعية مش طايق نفسي وقلبي بيوجعني اوي مش عارف مصدر الوجع ده ايه ممكن تريحيني انتي وتقوليلي في ايه وايه اللي بيحصل معايا
حلا ابتسمت: ا.... لحظة يا ادم خليك معايا
نظرت لتليفونها رأت ان اريان يتصل بها
حلا ابتسمت: هو انت واخوك متفقين انكوا تكلموني في وقت واحد ولا ايه
ادم: لا هو في مكتبه وانا في مكتبي
حلا: طيب انا هدخله في المكالمة ومتتكلمش اما اشوف ايه اللي بيحصل معاه هو كمان
حلا ردت على ادم ودخلته في المكالمة
حلا: ايه يا اريونتي اخبارك ايه واخبار الشغل
اريان: الشغل تمام
حلا: وانت عامل ايه
اريان: مش عارف بس حاسس بشعور غريب
حلا: طيب الشعور ده حلو ولا وحش
اريان: وحش زي ما اكون خايف اني اخسر حد مخنوق وحاسس بوجع في قلبي
ادم: هو انت يا بني دايما كدة زيي في كل حاجة لازم تقلدني يعني
اريان بإستغراب: انت ايه اللي حشرك في المكالمة يالا
حلا: خلاص انتوا الاتنين متتخانقوش
ادم واريان في نفس الوقت: طب احنا مش عارفين ايه اللي بيحصل معانا
حلا ضحكت: طب اهدوا اولا قولولي ايه اللي مضايقكوا
ادم: مش عارف ما انا اللي هينقطني ويشلني اني مش عارف ايه اللي مضايقني
اريان: وانا كمان
حلا: طب انا هسألكوا شوية اسئلة وتجاوبوني بكل صراحة
ادم واريان: موافقين
حلا: جميلة وآسيا في الشركة ولا لا
ادم واريان: لا
حلا: تعرفوا هما فين دلوقتي
اريا بإنزعاج: آسيا مع...مع خطيبها يزن
ادم بإنزعاج: وجميلة مع زوجها المستقبلي مالك هاين عليا امسكه وانزل فيه ضرب
اريان: وانا عايز اقتل اللي اسمه يزن ده
حلا حاولت تتحكم في نفسها ومتضحكش بس فشلت وفضلت تضحك
حلا بضحك: يا الله منكوا بتتصرفوا زي الاطفال بس اغبية ومبتفهموش طب هسألكوا سؤال اخير انتوا مضايقين علشان آسيا وجميلة مش في الشركة ولا لانهم واخدين اجازة علشان ازواجهم المستقبلية
ادم واريان: علشان ازواجهم المستقبلية
ادم: انا مش عارف جميلة شافت في اللي اسمه مالك ده ايه مميز علشان تحبه
حلا: ده على اساس ان انت فيك المميز ده
اريان: طب اديني سبب واحد يخلي آسيا تقع في حب يزن ده
حلا: انت اديني سبب واحد يخليها متحبهوش
ادم بغضب: انتي في صفنا ولا في صفهم
حلا: انا في صف الحق لو تفتكر انا سألتكوا اذا كنتوا بتحبوهم ولا لا قولتولي لا بس انا شايفة عكس كدة انكوا بتحبوهم
ادم واريان: اكيد لا مبنحبوهمش
حلا بغضب: مادام كدة لكان ليه مضايقيين اوي انهم هيتجوزوا ليه بتحاولوا تطلعوا العيوب في ازواجهم ليه مضايقين انهم قاعدين وواخدين اجازة علشانهم وليه قلبكوا واجعكوا اوي كدة مادام انتوا مش بتحبوهم بصوا بقى لحد هنا واستوب انتوا مادام مفيش اي حاجة ولا مشاعر ولا احاسيس تجاههم معناها انتوا ملكوش الحق انكوا تدخلوا في حياتهم يحبوا اللي يحبوا ويتجوزوا ويعيشوا مع الشخص اللي بيحبوه واللي بيخاف عليهم ويصونهم واظن مش انتوا اللي هتحددوا ده بس احب اقولكوا حاجة انتوا اغبية وهتفضلوا طول عمركوا اغبية لانكم بتحبوهم وبتحبوهم جدا كمان سواء كلامي عجبكم او لا بس هي ديه الحقيقة وانتوا حريين عايزين تسمعوا كلامي يبقى انتوا فيدتوا نفسكوا مش عايزين تسمعوا كلامي يبقى ترقعوا راسكوا في اتخن حيطة ومتضايقوش لان البنات بيخرجوا مع مالك ويزن تمام انا قولت اللي عندي عايزين تقتنعوا اهلا وسهلا مش عايزين ديه حياتكوا بس احب اقدملكوا نصيحة لوجه الله لو مفقتوش دلوقتي وعرفتوا انكوا بتحبوا هتخسروا وهتخسروا كتير وساعتها الخنقة والوجع اللي انتوا عايشين فيه دلوقتي وبتحسوا بيه هيبقى دايما ده شعركوا بس هيزيد مع مرور الايام وساعتها هتندموا وساعتها الندم مش هيفيد اللهم بلغت اللهم فأشهد
وقفلت في وشهم السكة
حلا بغضب: يا ربي ايه الدماغ اليابس ديه قال لا اومال مضايقين ليه افهم افهم بس دول هيفهموا امتى الله يكون في عون آسيا وجميلة لانهم حبوا اتنين زي دول يا ربي عيني اني اخليهم يقتنعوا ولو اتنين في المية
حلا كملت شغلها
__________________________________
عند ادم واريان فكروا وسرحوا في كلام حلا وسرحوا ايضا في جميلة وآسيا من اول لقاء ليهم لحد اما يزن ومالك ظهروا
__________________________________
فهد رجع البيت رأى لوئي قاعد في الصالون وسرحان
فهد: ايه يا عم مالك زي ما تكون مراتك حامل ومش عارف تعمل ايه
لوئي ضحك: يا خويا اتنيل مش لما يبقى عندي زوجة يبقى عندي بن
فهد: لا بجد مالك
لوئي: هتصدقني لو قولتلك مش عارف
فهد: اممم يظهر حالك مش اقل من حالي وشكلنا وقعنا يا معلم
لوئي: والله معاك حق وشخص واحد بس اللي هيفيدنا
فهد ولوئي نظروا لبعض وفي وقت واحد: والشخص ده هو حلا
لوئي اكمل: بس هنجيب رقمها ازاي
فهد غمزله: من حبيب القلب طبعا
لوئي ضحك بسخرية: ده على اساس ان قصي اهبل وهيدهولك كدة من غير ما يسألك عن السبب
فهد: يا عم انا هتصرف بس المهم هو في اوضته
لوئي: اه
فهد طلع لغرفة قصي ودخل بهدوء وهو يتفقد الغرفة ويبحث عن قصي وعن تليفونه سمع صوت المياه في الحمام فعرف انه في الحمام وبياخد شاور بحث عن تليفون قصي فلم يعثر عليه خرج قصي من الحمام وكان هيتجه لغرفة الملابس لولا انه لاحظ وجود فهد فاتجه لفهد
قصي بإستغراب: انت بتعمل ايه هنا
فهد: هو انت معاك رقم حلا اللي بتتكلم بيه من برا
قصي بإستغراب: اه ليه
فهد: ابدا بس كنت عايزه
قصي رفع احد حاجبيه: ليه بقى ان شاء الله
فهد بإستفزاز: هحب فيها يا قصي.....ايه السؤال المستفز ده وانت مالك
قصي بغيظ: طب انا مش هدهولك
فهد: اخلص وقصر في ليلتك لاني عايزها ضروري
قصي: قولت مش هدهولك عايز تكلمها كلمها من تليفوني
فهد عثر على تليفون قصي فركض واخذه قبل قصي
قصي بثقة: ابقى قابلني لو عرفت تفتحه
قصي تركه ودخل غرفة الملابس ليرتدي ملابسه
فهد قدر يفتح تليفون قصي واخذ الرقم منه
فهد بصوت عالي: بصراحة يا قصي تقول الكلام ده لانجلي او لحلا او لاخوك لوئي او حتى لسمير بس مش عليا ده انا صحبك قبل ما اكون بن عمك واخوك
قصي خرج وهو يرتدي التيشيرت ونظر له بإستغراب وعدم فهم: ليه بتقول كدة
فهد بمرح: لو كان الحبيب معملش كلمة السر شئ بخصوص حبيبته ميبقاش حبيب
قصي بعد ان فهم كلام فهد
قصي بغضب: ليلتك مش هتعدي يا فهد الكلب
فهد ركض وقصي ركض ورائه
قصي بغضب: انت ازاي عرفت ان الباسورد شئ بخصوص حلا
فهد: حلا اميرتي مش ده برضه الباسورد
قصي: هات التليفون يا فهد
فهد حدف لقصي التليفون وركض لخارج الغرفة ولكن قبل ما يخرج وقف
فهد: قصي....شكرا على رقم حلا
قصي ركض خلف فهد الى ان وصلوا للصالون وكانت انجلي وفاطمة وسمير وكمال ولوئي يجلسون هناك
لوئي بإستغراب: في ايه مالكوا بتجروا ورا بعض ليه
قصي وهو يأخذ نفسه بصعوبة: ليه متسألش الكلب ده
فهد: كل ده علشان اخدت رقم حلا اومال لو خرجت معاها ولا عزمتها على الغدا هتعمل ايه
قصي: خليها مفاجأة وساعتها هبقى اقولك هعمل ايه
لوئي: طب المهم دلوقتي اتصل بيها انجز
فهد جلس بجانب لوئي وقصي جلس بجانب فاطمة وانجلي
فهد بمرح: ايه رأيكوا نلعب بأعصابها شوية
انجلي بأستغراب وعدم فهم: ازاي يعني
فهد: يعني حد فينا يعمل نفسه انه بيعاكس ونشوف رد فعلها طبعا مستحيل قصي يقدر يعمل ده
قصي بإستغراب: ليه ان شاء الله
لوئي: لانها عارفة صوتك كويس اوي وانا مش هينفع لانها هتعرف صوتي
سمير: وانا كمان مش هينفع لنفس السبب
انجلي: واظن انا وتيتا مش هينفع نعمل كدة
فهد نظر لكمال
كمال: وانا مستحيل اعمل حاجة زي كدة
فهد: امم يعني مفضلش غيري خلاص نسيبها على الله ونجرب ونشوف
فهد اتصل بحلا من تليفونه
__________________________________
في امريكا حلا كانت في بيتها لسة راجعة وكانت تتحدث بالتليفون
حلا: تمام يا فارس لو فيه حاجة جديدة ابقى قولي
فارس: تمام يلا عايزة حاجة روحي ارتاحي بقى شوية
حلا: لا عايزة سلامتك يلا سلام
فارس: سلام
حلا طلعت على غرفتها اخذت شاور وارتدت ملابسها وكانت تقف امام المرأة تجفف شعرها وكانت سرحانة في مهمة قصي قطع سرحانها رنين هاتفها الذي اعلن عن ان هناك رقم مجهول من اسكندرية يتصل بها فأجابت وفتحت الاسبيكر
حلا: الو مين معايا
فهد: تقدري تقولي معجب
حلا اتنرفزت: افندم يعني اعتبر اسمك معجب
فهد: تؤ تقدري تقولي اني معجب بيكي
حلا: امم ويا ترى يا معجب بيا تقدر تقولي اذا كانت امك دعيالك ولا داعية عليك
فهد كبح نفسه من الضحك بالعافية: ليه بس كدة يا قمر ده حتى اللي يشوفك يقع في حبك فورا
حلا بهدوء: لا والله وانت بقى من اللي بيقعوا بسهولة ويريلوا على البنات مش كدة
فهد: هو مش كدة بس علشانك اعمل اي حاجة معنديش مانع
حلا بغضب: لا ده انت فعلا امك داعية عليك وفي ساعة استجابة كمان بُص نصيحتي تروح تبُص لنفسك في المراية قبل ما تتكلم ويظهر انت متعرفش بتكلم مين وانا مين والرقم ده لو لمحته بيتصل بيا تاني ساعتها ابقى قول لامك تحضرلك الكفن وتشوف هتدفنك فين
فهد: ليه بس كدة وبعدبن انا بصيت لنفسي لاقيت اني شاب قمور وحلو ليه لا وبعدين انا بقول معجب يعني ممكن تديني رقم حد من عيلتك اتواصل معاه
حلا: بمناسبة الرقم وكويس انك فكرتني جبت رقمي من مين
فهد: من حد
حلا بغضب وغيظ: تصدق انا كدة عرفت
فهد: مش مهم انا جبته من مين المهم القمر موافق ولا لا
حلا بغضب: هو انا يا ربي موعودة بالصنف ده من الرجالة في حياتي ليه
فهد: يمكن لانك قمر يا قمر
حلا بغضب: بقولك ايه احترم نفسك ولم نفسك بدل ما وربنا ما اخلي صبح يصبح عليك
فهد: يااااه هموت على ايدين البنت اللي بحبها طب وربنا عثل وربنا بحبك
قصي والكل ضحك بس حاولوا يسيطروا على نفسهم
حلا بغضب: حبك برُص يا بعيد بصراحة اتصلت بالبنت الغلط
فهد: ليه يعني الغلط لا الصح وصح اوي كمان
حلا بغضب: تصدق انك مش راجل ولا عندك دم ولا عندك كرامة ومن الاخر متتحبش وعموما للاسف انا محجوزة مسبقا
فهد: اكيد الشخص ده ميستهلكيش وانا اللي استاهلك
حلا بنفاذ صبر: وانت مال اهلك ومال اللي خلفوك واللي خلفوا اللي خلفوك
فهد بإستفزاز: كلهم كويسين الحمد لله
حلا: هتقولي مين اللي اداك رقمي ولا تحب اجي اطربقها فوق دماغ اهلك واهله
فهد: ده انت نور يا قمر
حلا: يا طولت بالك يا اخي ده انت انسان غتت........ لحظة واحدة اللي اداك الرقم عمرو مش كدة
فهد بإستغراب: عمرو مين
حلا: متستعبطش فيها عمرو محسن الدالي
فهد بتلقائية: لا ده انا اخدته من قصي
حلا: اا.......... حلا اتصدمت وفهد طرق رأسه
حلا بصدمة: افندم.... قصي.... مين
فهد بتلقائية ايضا: هيكون مين يعني قصي احمد الشناوي هو فيه غيره في حياتك
لوئي ضرب فهد وقصي بصله بإستغراب
حلا: وانت مين اللي قالك ان فيه شخص في حياتي بالاسم ده
فهد: العصفورة قالتلي ولا لتكون العصفورة غلطانة
حلا: ا.... اه اكيد غلطانة انا معرفش حد بالاسم ده....... بس مقولتليش اسمك ايه
فهد: بتحاولي توقعيني بالكلام وبعدين يفرق معاكي انا مين
حلا: ده على اساس انك موقعتش بالكلام من شوية وذكرت اسم الشخص اللي اداك الرقم مع انه مستحيل يعملها واكيد اسمك بيهمني
فهد: ليه يهمك
حلا بنفاذ صبر: حسبي الله ونعم الوكيل يهمني علشان اعرف عنوانك علشان اجي اطلع روحك بإيدي وا............ قاطعها رنين تليفون البيت فحلا ذهبت وردت
حلا بنرفزة: الو مين انت كمان يا ترى معجب ولا حبيب علشان نبقى فاهمين
: حلا مالك يا بنتي بتتكلمي كدة ليه
حلا بتوتر: عمي هو ده انت..... ا.... اسفة بس بجد اليوم مش طبيعي من اوله بشوف اشكال ما يعلم بيها الا ربنا ودلوقتي اتصل بيا واحد من اسكندرية يزودها عليا بجد واحد مستفز الاهي يتشل في لسانه وفي رجليه
محمد ضحك: طب اهدي علشان العصبية والنرفزة مش حلوة علشانك قوليلي الاول انتي اخدتي الادوية
حلا: لسة دلوقتي راجعة ومأكلتش بقالي يومين ولسة مأخدتش الادوية
محمد: امم واكيد دلوقتي قلبك تعبك من النرفزة
حلا بغضب ونرفزة: يعني عايزني اعمل ايه واحد بيتصل وبيقولي معجب اقوله اهلا وسهلا شرفت والله كنت بإنتظارك........ ااااه
حلا قلبها تعبها جامد وقعدت على السرير
محمد بغضب: اهو اديكي تعبتي وقلبك وجعك
حلا بوجع: كله......من الحيوان اللي اتصل طيب يا عمي.......انت متصل في حاجة.....يعني لا يكون قصي جراله حاجة
محمد: لا متقلقيش هو كويس بس كنت بتصل على تليفونك كان مشغول فقولت اتصل على رقم البيت واطمن عليكي
حلا: انا كويسة وبصراحة لما انت او فارس بتتصلوا بيا بتشائم وبحس ان ديه نهايتي
محمد بإستغراب: ليه
حلا: ساعتها بقول ان قصي اتخطف او حصل معاه حاجة مش كويسة
محمد ضحك: مفيش في بالك غير قصي طب افترضي ان انا او فارس حصل معانا حاجة
حلا: اكيد قصي في بالي وخصوصي في ظرف زي ده وبعدين مش هكدب عليك بقالي كذا يوم قلبي مقبوض وانا مبحسش بالشعور ده غير لو هيحصل حاجة مش كويسة وبعدين اكيد لو انت حصل معاك حاجة او فارس مش انتوا اللي هتكلموني ساعتها
محمد: معاكي حق طب انا هسيبك تخلصي مع المعجب بيكي وترتاحي وتاكلي يا حلا وتاخدي ادويتك. قالها بنبرة امر وتحذير
حلا: انا اساسا نسيت امر الزفت المعجب وحاضر هاكل اما بخصوص الراحة فطول ما ورايا ناس زي المعجب ده مش هرتاح نهائي
محمد: ماهو لو تسمعي الكلام وتتجوزي هترتاحي
حلا: هووووف بقولك ايه مش هنبتديها سيرة الجواز هتقلبلي على عفاف وربنا لا اكون سيبالكوا البلد باللي فيها وابقوا قابلوني لو عرفتولي مكان ولا اذا كنت عايشة ولا ميتة
محمد: حتى لو قولتلك ان الشخص ده هو قصي
حلا: عمي انت عارف رأيي بخصوص موضوع الجواز وانت عارف اني لو هتجوز ها لو يعني لو هتجوز مش هيكون غيره وانت عارف اني جوابي هيكون لا حتى لو هو وانت عارف ليه فقفل على الموضوع الله يخليك والله ما ناقصة وجع قلب قلبي واجعني خِلقة من غير حاجة
محمد: يعني هو مش صعبان عليكي يا حلا
حلا: اكيد طبعا صعبان عليا واكيد حاسة بيه وقلبي وجعني بسبب كدة انا لو عليا مش عايزاه يتوجع الوجع ده كله وبعدين بكرة تدخل على حياته بنت الحلال اللي تنسيه حبه ليا وعموما بقى انا لازم اقفل علشان اشوف موضوع المعجب
محمد: طيب يا حلا مفيش فايدة من الكلام معاكي
حلا ضحكت: بالظبط وانت عارف كويس ان مفيش فايدة في الكلام معايا فبتفتح الموضوع معايا ليه وانت عارف رأيي وجوابي كويس اوي
محمد: مش عارف قولت يمكن تحني على الواد يلا روحي شوفي هتعملي ايه
حلا: سلام
محمد: سلام. خلصت مع عمها وطبعا فهد سمع كل حاجة حلا قالتها وكذلك الكل لانه كان فاتح الاسبيكر
حلا: الو
فهد: اخيرا خلصتي
حلا: ده انا قولت انك قفلت
فهد: لا وهقفل ليه وفيه حد يسمع الصوت الحلو ده ويقفل بس مين بيكون حبيب القلب
حلا كانت هتتكلم بس عرفت مين اللي بيكلمها
حلا: احب اطمنك يا استاذ فهد واقولك انه شئ ميخصكش
فهد ضحك: لسة فاكرة انك تعرفي صوتي دلوقتي ده انا قولت انك هتعرفيني من الاول
حلا: بصراحة كنت مشغولة وبفكر في مهمة قصي ده غير اني كنت تعبانة فمركزتش بس بجد انت مستفز يا فهد بالرغم التهزيئ اللي اتهزئته ومع ذلك فضلت تزيط فيها تصدق حلال فيك التهزيئ اللي قولته
فهد: طب بذمتك بعد اما عرفتي انا مين التهزيئ طالع من قلبك
حلا: الا طالع من قلبي ده طالع من منابع قلبي كمان حسبي الله ونعم الوكيل بس بجد فورت دمي منك لله يا شيخ
فهد: طب افترضي ان ده كان واحد بجد بيعاكس كنتي هتعملي ايه
حلا: ولا حاجة هبعت الرقم لامان واخليه يجبلي اراره واروح اطلع عينه وعين اللي خلفوه انا مستحيل اعدي حاجة زي كدة لازم اخد حقي بإيدي
فهد ضحك: لا يظهر فعلا انك مش هتعملي ولا حاجة بس مين امان ده
حلا: مع اني مش قادرة اناهد معاك واقولك شئ ميخصكش بس هجاوبك علشان تحل عن راسي امان ده بيكون مساعدي وايدي اليمين بالشغل لوئي يعرفه لو سألته عليه هيقولك مين هو بس امان بالنسبة ليا اكتر من مساعد وزميل في الشغل لاني بعتبره زي اخويا دماغك ما تروحش لبعيد علشان انا عارفاك في الامور ديه دماغك بتحدف شمال
فهد ضحك: طب كويس انك لحقتيني
حلا: فهد خليك معايا لحظة
فهد: ليه هتعملي ايه حلا ابوس ايديكي سيبك من اللي هتعمليه وخليكي معايا لاني عايزك في موضوع شخصي
حلا: هحط سماعة البلوتوث واكلمك منها وبعدين انا ميتة جوع انت اكيد مفوتش وجبة مأكلتهاش انا بقالي يومين مأكلتش وقبليها من ساعة ما جيت هنا فضلت ٣ ايام متواصلين برا البيت مأكلتش ولما رجعت من كام يوم اكلت سندوتش بسيط فانا مش زيكوا مقطعة الاكل وباكل فخليك لحظة هكلمك وانا بعمل الاكل استنى لحظة يعني الدنيا مش هتخرب
فهد: طيب خلاص اهدي
حلا حطت سماعة البلوتوث واخذت تليفونها ونزلت المطبخ
حلا: انا سمعاك بس قبل ما تتكلم وتقولي عايزني في ايه تقولي جبت رقمي ازاي لاني مأتصلتش بيك ومفيش شغل معاك علشان اعبرك واكلمك ومستحيل من سبع المستحيلات قصي يديك رقمي ولو هنقول ممكن يديهولك عمره ما هيديهولك من غير ما يقولي فننجز ونقول كدة زي الشطار
فهد: حسيت اني وحشتك فقولت اكلمك اما بخصوص قصي هو مدانيش الرقم انا اللي اخدته من تليفونه وعلشان اكون صريح طلبته منه بس هو رفض يديهولي بس ايه اللي مخليكي واثقة اوي في قصي يا حلا
حلا: اولا وحش اما يلهفك ثانيا يعني يعتبر سرقت رقمي من تليفون قصي من غير ما يعرف ثالثا ملكش دعوة انا بثق في قصي ليه ولانهي درجة شئ ميخصكش
فهد ضحك: والله ما عارف من غير تهزيئك ده كنت هعمل ايه بس احب اقولك اني بعد اما سرقته قولتله
حلا: ومادام انت بتتكلم معايا عادي دلوقتي معناها انك نفدت منه بصعوبة لانه مستحيل يسيبك وخصوصي بعد اما رفض انه يديك الرقم وانت سرقته منه بس بصراحة كان نفسي يضربك ويربيك من اول وجديد عموما انجلي وستي وسمير ولوئي وكمال والباقي عاملين ايه
فهد: كله تمام ما عدا شخصين
حلا: انت ولوئي هات لنشوف في ايه ومتصل بيا ليه
لوئي بإستغراب: بخصوص انك عرفتي ان فهد مش تمام ممكن اصنف ده لانه اتصل بيكي عرفتي انما انا عرفتي منين اني مش تمام
حلا ضحكت: العصفورة قالتلي بصراحة مليش مزاج اريحك بس هاتوا لشوف في ايه كله تمام
فهد: هو اه ولا او مش عارفين
حلا بإستغراب: ليه بقى
فهد: بُصي يا حلا احنا متلغبطين ومش فاهمين حاجة وبجد مش عارفين نعمل ايه
لوئي: وانتي الوحيدة اللي تقدري تساعدينا
حلا: لحظة واحدة اشمعنا انا يعني كان ممكن تكلموا قصي مثلا كان اكيد هيفدكوا اكتر مني
فهد: هو معاكي حق بس انتي هتفدينا اكتر لان الموضوع مرتبط بيكي
حلا: اممم خييير بس لو مصيبة فبراحة عليا لاني مش واخدة ادويتي ولسة مأكلتش يعني هقع من طولي وانا عايشة لوحدي في البيت يعني ممكن اموت ومحدش هيعرف ولا هيسأل
فهد: متقلقيش بُصي احنا بنقابل شخص معين بنحس بشعور غريب معاه....... وبنكون عايزين نشوفه بإستمرار....
حلا قاطعته: بتحس انك مش عايز الوقت يمر مع الشخص ده.........ولما بتبعدوا بتكون عايز تشوفه او تسمع صوته بأي طريقة عايزه يكون قدامك بصورة دائمة.....بتحس انه بيوحشك.....وانت قاعد مع الشخص ده بتسرح فيه وممكن تتخيل امور غير متوقعة معاه.......بتحس بشعور حلو بس في نفس الوقت وحش......وبيكون جواك خوف ايه مصدره انت مش عارف
لوئي وفهد بإستغراب في نفس الوقت: انتي قدرتي توصفي شعورنا ازاي
حلا: انا عايزة افهم بس هو انهاردة اليوم العالمي لاستشارتي مبقاش ناقص غير سمير وقصي وفارس يتصلوا بيا ويقولولي انهم بيحسوا بنفس الشعور وعايزين علاج لده في حد قالكوا اني فضيالكوا كل شوية حد يتصل ويقولي بحس بشعور غريب وقلبي واجعني ومش عارف اعمل ايه بس اول ما اقول اللي عندي وتفسير للشعور بتنكره ده وبصراحة معنديش استعداد اقولكوا علشان مانجلطش او تحصل معايا سكتة قلبيه من ورا الموضوع ده انا مالي بحياتكم الشخصية اولعوا فيها
لوئي: لحظة واحدة مين غيرنا اللي اتصل بيكي وقالك الكلام ده وليه متنرفزة للدرجادي
حلا: ادم واريان كلموني انهاردة ولما قولتلهم انهم بيحبوا آسيا وجميلة قالولي لا مستحيل
فهد: يبقى اكيد مبيحبوهمش يا حلا طالاما هما قاله كدة
حلا: امم تقدر تفسري انزعاج راجل من راجل اخر مع امرأة هو يعرفها ده تفسيره ايه يا استاذ فهد
فهد: اظن يعني انها غيرة
حلا: وهل فيه غيرة من غير حب يا فهمان
فهد: ممكن يعني ممكن اغير على اختي مثلا
حلا: فهد متجننيش انا بتكلم مثلا لو قصي غار منك عليا تفسر ده بإيه انا بدي مثال مش اكتر
فهد: افسر ده انه بيحبك
حلا: ده اللي حاولت اشرحه ليهم الصبح بس هما دماغهم انشف من اليابس مستحيل يفهموا موضوع زي ده هما مش هيفوقوا غير بعد فوات الاوان وغير لما يتوجعوا اوي
لوئي: طب يا حلا ممكن تريحينا بلييييز بُصي احنا بنثق فيكي وبالاخص انا وانا عارف انك ليكي نظرة في الاشخاص ودايما بتبقي على حق وصح ولو احنا اعترضنا ساعتها ابقي اعملي فينا اللي يريحك ابقي تعالي فشي غلك فينا بس ابوس ايديكي ريحيني انا على الاقل وحياة قصي عندك
حلا تنهدت بقوة: طيب هقول بس وربنا لو نكرته هاجي انزل فيكوا ضرب وبالاخص الزفت اللي اسمه فهد لاني مش طيقاه وقصي ذات نفسه مش هيقدر يحوشكوا مني
فهد: تمام قولي بقى
حلا: كللل اللي انتوا بتحسوه ده مشاعر حب
فهد ولوئي بصدمة: افندم بتهزري
حلا: بوضوح اكتر فهد بيحب مايا ولوئي بيحب روما
لوئي بإستغراب: انتي ازاي عرفتي ان الشخص ده هما مايا وروما
حلا ضحكت: مش انت لسة قايل ان ليا نظرة في الشخص وانا من الاول كنت عارفة انكوا هتحبوا بعض كان باين اعجابكوا ببعض اوي
فهد: معقولة يا حلا
حلا: اه معقولة ونص مش مصدقني روح استشير قصي وهو هيقولك بخبرته بما انه بيحب اكيد بيحس بشعور زي ده لو مش عايز تعرفه اسأله بأسلوب غير مباشر يعني مثلا قوله كان ايه شعورك مع البنت اللي حبيتها وعرفت ازاي انك بتحبها وهو هيجاوبك بشعوره وتقارن شعورك بشعور قصي وتعرف الاجابة على السؤال
فهد: انا عندي ثقة فيكي وبصراحة انا كنت شاكك
حلا: افهم من كدة انك اقتنعت
فهد: اه
حلا: وانت يا لوئي
لوئي: اه
حلا: طب الحمد لله لاقيت حد استجاب ليا مع اني مكنش عندي امل فيكوا انكوا تقتنعوا بكلامي
فهد: طب حلا تفتكري مايا وروما بيحبونا
حلا: انا افتكر بس هما لا
لوئي بعدم فهم: قصدك ايه
حلا: قصدي انهم زي اريان وادم مش راضيين يقتنعوا فبما انكوا عرفتوا انتوا حاسيين بإيه فانا هسيبكوا منكوا ليهم تخليهم يقتنعوا انهم بيحبوكوا
فهد: لا حلا لحظة متسيبيناش كدة لاننا وربنا ما عارفين نعمل ايه وخصوصي اننا خايفين نجرحهم
حلا ضحكت: يعني انت عندك البوس وجاي ليا انا..... عندك اللي هيقدر يساعدك حاليا بس انا مش هقدر لاني برا البلد مش معاكوا بالاضافة اني حتى اما هرجع مش هبقى فاضية علشان مهمة قصي
فهد: قصدك مين البوس
حلا: قصي طبعا اظن انه خبير في المواضيع ديه
لوئي: انا معاكي انه خبير بس انتي عارفة اكتر منه ايه اللي روما ومايا بيحبوه وايه اللي بيضايقهم ويجرحهم
حلا: اللي بيجرحهم ويضايقهم اللف والدوران والكدب والخيانة يعني حاولوا متكدبوش عليهم ولا تلفوا ودوروا
فهد: طب ازاي هنخليهم يعترفوا بحبهم
حلا: حسسوهم انهم هيخسروكوا او انكوا هتبقوا ملك لشخص تاني العبوا على الوتر الحساس وهو وتر الغيرة مايا لو غارت بتتعصب ولو اتعصبت بتفش غلها ولو فشت غلها هتعترف بكل اللي في قلبها حتى لو هي مش مقتنعة لسانها من تلقاء نفسه هيقول مشاعر قلبها غصب عنها اما روما ده هيجرحها وممكن يخليها تبكي وتتوجع ولما هتتوجع هتعرف انها بتحبك يا لوئي
لوئي: لالا انا رجعت عن كلامي مش عايزها تعترف طالاما هتيجي بوجع قلبها مستحيل اعملها
حلا: بس لو انت معملتش انا هعمل
لوئي: قصدك ايه وهتعملي ايه
حلا: معروف ان شغلي انا وانت خطير وحياتنا معرضة للخطر اربعة وعشرين ساعة وتزوير خبر صغير بخصوص انك مُت مش هيأثر كتير غير انها ممكن تدخل في انهيار عصبي
لوئي بعدم تصديق: انتي بتهزري صح مستحيل اسمحلك بده وبعدين انتي عمرك ما هتستحملي حاجة زي كدة تحصل معاكي
حلا: لا اطمن انا لو وصلي خبر ان حبيبي عمل حادثة مش هقولك مات بعيد الشر عمل حادثة بس انا هروح فيها بمعنى اصح هفارق الحياة انت عارف ان عندي القلب فمش هستحمل نهائي اما روما انا هكون معاها متقلقش وبعدين انا مش هخليها عايشة في الوجع ده ايام دول هما كام دقيقة وانت هتبقى موجود علشان بعد اما تتوجع وتعترف انت هتظهر قدامها وتعترفلها بحبك يعني متقلقش انا هكون معاكوا وبعدين احب اطمنك لو حصل معاها انهيار عصبي انا واخدة شهادة معتمدة من الجامعة الامريكية اني دكتورة ممتازة يعني هقدر اعالجها فورا
لوئي: بس يا حلا قلبها هيوجعها اوي لالا بلاش
حلا: بلاش جُبن في اوقات لازم تخلي قلبك حجر في الحب علشان تقدر تعدي وتوصل للي انت عايزه حتى لو كان غصب عنك ومجبور هي ديه الحياة
لوئي: بس يا حلا.......
حلا قاطعته: لوئي بُص بخصوص الموضوع ده اما ارجع نبقى نتكلم فيه انا هرجع قريب يعني يومين تلاتة كدة وهرجع بس انا بجد تعبانة جدا ومش قادرة اتكلم فانا اسفة بس اوعدك ان روما مش هتكون لحد غير ليك وكذلك مايا مش هتكون غير لفهد ودلوقتي تصبحوا على خير ومتزعلوش مني بس انا مضطرة اقفل لاني لو استمريت معاكوا هقع منطولي لاني مش واخدة ادوية وبقالي فترة مإرتاحتش فلازم حاليا اخد الادوية وانااام يلا عايزين حاجة
لوئي ابتسم: ولا يهمك بس خلي بالك من نفسك وارجعيلنا بالسلامة عايزينك دايما تبقي بخير وبصحة وسلامة
حلا: حاضر مأوعدكش بس هحاول سلملي على كل اللي عندك يلا سلام
لوئي: يوصل سلام
قفلوا معاها وحلا طلعت تنام وعدى اليوم عادي
__________________________________
بعد اربع ايام حلا رجعت ولكن هناك مصايب بإنتظارها
_________________________________
يا ترى ايه هما المصايب دول؟!
