قصي رجع البيت وحبس نفسه في غرفته ورفض انه يشوف حد او يتكلم مع حد ومن الوقت اللي رجع فيه من المستشفى مفتحش بوقه بحرف او نطق ولم يأكل وفارس حاول يتواصل مع حلا ولكنه لم يستطع
فاطمة بقلق: انا خايفة على قصي لما جيه لا اتكلم مع حد ولا رضي ياكل..... فهد هو اكل حاجة في الشركة لانه خرج من غير ما يفطر
فهد: لا انا مشوفتوش بياكل خالص في الشركة وتقريبا كمان مأخدش دواه
سمير: انا مشوفتش حلا في المستشفى ولا جت هنا حتى معقولة تكون عارفة ومتجيش وازاي تسيب قصي بالحالة ديه وهي عارفة انجلي لقصي ايه
فارس بسرعة: لا حلا متعرفش حتى انا بحاول اكلمها من الصبح مبتردش تقريبا هي في المركز وتليفونها صامت
مايا: حلا لو عرفت اننا عارفين ومقولنلهاش هتضايق جدا وخصوصي لو قصي حصله حاجة بعيد الشر
روما: فارس طالاما انت اتصلت كتير وهي مبتردش روحلها المركز وقولها
فارس: طيب بس تابعوا قصي لو حصل اي حاجة كلموني
روما: ماشي
فارس: سلام عليكم
الكل: وعليكم السلام
فارس خرج من البيت وركب سيارته وذهب للمركز
__________________________________
في بيت جميلة كانت تجلس هي ومالك وآسيا ويزن
يزن: غريبة حلا رجعت بس مكلمتناش لحد دلوقتي
جميلة: عرفت من مايا انها مشغولة جدا في مهمة قصي وغير كدة امبارح عمها كان في المستشفى معاه حالة تسمم وبقالها يومين مبتروحش بسبب ضغط الشغل
مالك: طيب فاضل 5 ايام على خُطوبتنا بس هي يا ترى تعرف
آسيا: انا لا كلمتها ولا شوفتها من ساعة ما رجعت ومأظنش انها تعرف حاجة عن الموضوع
يزن: انا بقول نستنى يومين ونبقى نكلمها
آسيا: وانا بقول كدة برضه
مالك: خلاص هنستنى كام يوم على ما المشاكل تهدى شوية وتكون حلا جمعت نفسها
قعدوا يتكلموا بخصوص يوم الخطوبة
__________________________________
فارس وصل للمركز وقابل امان
فارس بصوت عالي نسبيا: اماان
امان التف له وابتسم: فارس اهلا جيت امتى
فارس بإبتسامة: لسة جاي دلوقتي هي سيادة الرائد حلا فين
امان: في مكتبها بقولك ايه صح سيادة اللوا محمد عامل ايه دلوقتي
فارس: كويس الحمد لله عدت على خير
امان: طب كويس الحمد لله
فارس: هي الرائد حلا معاها حد في المكتب
امان: لا بس قاعدة بتخلص كام حاجة كدة
فارس: طيب تمام شكرا يا امان.... سلام
امان: سلام
فارس اتجه لمكتب حلا ودخل دون ان يستئذن حلا اتفزعت لانه دخل بسرعة
حلا بعصبية: فيه حد يدخل بالطريقة المتخلفة ديه
فارس: معلش خليها عليكي بس انتي فين من الصبح يا هانم
حلا رفعت احد حاجبيها وبغيظ: وانت مالك
فارس: لو بتسألي عني انا كويس الحمد لله بس لو بتسألي عن قصي فهو مش تمام نهائي
حلا بنرفزة: امشي اطلع بر........ حلا سكتت فجأة تستوعب ما قاله فارس
حلا بإستغراب: افندم قولت ايه
فارس: انجلي عملت حادث وفي المستشفى وحالتها خطيرة وقصي اما عرف من ساعتها منطقش حرف مع حد كان عايز يبات في المستشفى بس بالعافية قدرنا نقنعه ان يروح بس من ساعة اما روح حابس نفسه في اوضته ومأكلش حاجة من الصبح ومش راضي يكلم حد ولا يشوف حد
حلا وقفت وبعصبية: ولسة فاكر تقولي دلوقتي
فارس: لو شوفتي تليفونك هتلاقيني متصل بيكي فوق ال 15 مرة.........المهم تعالي معايا دلوقتي انتي الوحيدة اللي هتخليه يهدى
حلا وهي بتلم حاجتها: وهو انا مستنياك تتكلم امشي قدامي
فارس: على فين
حلا: هو قصي في البيت صح
فارس: اه
حلا: يبقى على البيت الاول وبعدين هبقى اروح على المستشفى واتابع حالة انجلي بنفسي يلا
حلا وفارس خرجوا وكل واحد ركب سيارته واتجهوا لبيت قصي
__________________________________
في سيارة حلا اتصلت بشاهر
حلا: السلام عليكم
شاهر: وعليكم السلام
حلا: اخبار انجلي ايه
شاهر: لحد دلوقتي حالتها مستقرة بس لسة في خطر
حلا: اممم طيب تقدر توصفلي الاصابة فين
شاهر: هي دماغها اتفتحت وكان فيه نزيف داخلي بس الحمد لله قدرنا نوقفه
حلا: تمام طيب اسمعني اعمل كل التحاليل والاشاعات بمعنى اصح فحوصات كاملة مكملة ولما تطلع النتايج اتصل بيا وقولي وانا هاجي تمام
شاهر: حاضر يلا سلام
حلا: سلام
__________________________________
في سيارة فارس روما اتصلت بيه
فارس: ايه يا روما
روما: قدرت تقول لحلا
فارس: اه وانا وهي داخلين على البيت اهو
روما: طيب يلا سلام
فارس: سلام
__________________________________
في بيت قصي
مايا بقلق: ها فارس قدر يوصلها
روما: اه وقالي انهم داخلين على البيت اهو
فاطمة بقلق:انا بقول بلاش حلا تطلع تتكلم معاه ونسيبه لوحده
فهد: بس انتي عارفة قصي اكيد هيئذي نفسه لو فضل كدة والوحيدة اللي هتقدر تهديه حلا
فاطمة بقلق: بس انت عارف قصي مبيحبش يبين ضعفه لحد وممكن يجرح حلا بالكلام
فهد نظر لفاطمة بقلق والكل كمان بان على وجههم القلق والخوف رن جرس الباب ومهدي فتح وحلا وفارس دخلوا الكل وقف ونظروا لحلا بقلق وخوف فجأة سمعوا صوت قصي وكان عالي جدا
في غرفة قصي بالاعلى ساندي دخلت
ساندي: قصي متقلقش انجلي هتبقى كويسة
قصي نظر لها وبصوت واطي وهادي: اطلعي برا
ساندي: لا مش هسيبك لوحدك بالحالة ديه
قصي ببعض النرفزة: انا قولت مش عايز اشوف حد وعايز افضل لوحدي اتفضلي اطلعي برا
ساندي بإستفزاز: بس غريبة يعني مشوفتش حلا حبيبتك جت ايه لا تكون نسيتك او لا تكون عرفت ومكبرة دماغها
قصي بغضب وصوت عالي: قولتلك اطلعي برا
وصوته كان مسمع الڤيلا كلها ووصل لكل اللي قاعد تحت حلا نظرت لغرفته ونظرت للكل والكل نظروا لحلا بقلق وخوف
حلا: انا هطلع اشوفه.......مهدييي ندهت على مهدي بصوت عالي نسبيا
مهدي: نعم يا حلا هانم
حلا: جهزلي اكل لقصي وطلعوا على غرفته
مهدي بخوف: بس هو قال انه مش عايز حد يدخل غرفته ولا يشوف حد
حلا: اهدى متخفش هات الاكل وانا هاخده منك وانا هتصرف مع قصي
مهدي: حاضر
مهدي ذهب يحضر الاكل لقصي
فاطمة بقلق: حلا بلاش تطلعي قصي متعصب بلاش بدل ما يفش غله فيكي وممكن يجرحك وهو ميقصدش بلاش يا بنتي خليكي هنا و..........
قاطعتها حلا: اسفة اني بقاطع كلامك بس اهدي متقلقيش ولو فش غيله فيا يبقى كويس اهدي متقلقيش انا هطلع احاول اتكلم معاه
حلا طلعت ولم تعطي لاحد فرصة للحديث معاها وهي داخلة غرفة قصي ساندي خرجت منها وكانت بتقفل الباب وراها ونظرت لحلا من فوق لتحت
ساندي بإستفزاز: خير ايه اللي جابك
حلا رفعت احد حاجبيه وتنهدت بقوة: اللهم طولك يا روح.......وانتي ايه اللي حشرك....احب اقولك ان سبب مجيئي لهنا شئ ميخصكيش
حلا كانت هتتخطاها وتدخل غرفة قصي ساندي مسكتها من دراعها ودفعت حلا بقوة للخلف
ساندي بغيظ: هو مش عايز يشوف حد ومأظنش انه عايز يشوف خِلقتك
حلا نزعت يدها من يد ساندي بقوة وغيظ ونرفزة
حلا: اظن اني بسمع مش طارشة وعارفة انه مش عايز يشوف حد بس اظن انه عايز يشوفني واوي كمان وانصحك بلاش تُقفي في وشي علشان هتزعلي اوي وكرامتك هتبقى تحت سابع ارض واظن اللي مش عايز يشوف خِلقتها هنا هي انتي
ساندي بغيظ: وانا مش هخليكي تدخليله
حلا رفعت احد حاجبيها وقربت من ساندي جدا وبكل ثقة وغرور: امنعيني لو تقدري
ساندي بثقة: تؤ مش انا اللي همنعك قصي اللي هيمنعك ومش بعيد يطردك
حلا: خلينا نشوف اذا كان هيطردني زي ما طردك ولا لا
ساندي اتغاظت وحلا سابتها واتجهت لباب غرفة قصي وخبطت
قصي بعصبية: قولت مش عايز اشوف حد انتوا ايه مبتفهموش
ساندي ابتسمت على حلا وحلا دخلت ووقفت خلف قصي ببضع خطوات
حلا: حتى لو كان الحد ده انا
قصي غمض عنيه وحاول يسيطر على نفسه
قصي بهدوء: حلا معلش ممكن تسيبيني لوحدي
حلا: لا مش ممكن.....ممكن انت تهدى شوية
قصي التف لها وبهدوء: عايز افضل لوحدي شوية
حلا: هو انا كدة اقدر اصنف هذا الهدوء ان ده هدوء ما قبل العاصفة
قصي ببعض النرفزة: حلاااا انا مبهزرش ممكن تطلعي برا وتسيبيني شوية
حلا: انت بتطردني
قصي بنفاذ صبر: حلا انا بجد معنديش طاقة للكلام مع حد فبليز سيبيني لوحدي لان روحي في مناخيري
حلا: ولو انا جرادة ومش عايزة اسيبك هتعمل ايه
قصي بنرفزة: حلا انا مش شايف قدامي ومش عايز اجرحك بالكلام من غير قصد فبعد إذنك سيبيني لوحدي
حلا: طب انا عندي حل اعمل اللي انت عايزه كأني مش موجودة في الغرفة معاك
قصي بعصبية: حلااااا لو مخرجتيش هسيب البيت وهروح على مكان محدش يعرف عنه حاجة وانتي عارفة اني مبحبش العند وانا على اخري ومبحبش حد يضغط عليا
حلا: طيب خلاص على راحتك
حلا اتجهت للباب وساندي كانت برا وشافت وسمعت كل حاجة لان الباب كان مفتوح حلا شافت ساندي واقفة مبتسمة ابتسامة انتصار وشماتة وقصي وساندي ظنوا ان حلا هتخرج بس الحقيقة هي مش هتخرج حلا اتجهت للباب وقفلته وفضلت في الغرفة قصي كان يعطي ظهره للباب حلا دخلت بهدوء حتى لا يشعر بها قصي ووقفت في احد اركان الغرفة بحيث انها تكون بعيدة عن نظر قصي وميشوفهاش ساندي كانت واقفة برا لما حلا قفلت الباب وفضلت جوا اختفت الابتسامة من على وجهها واتغاظت جدا وذهبت لغرفتها لكي تفش غليلها بأي شئ
__________________________________
في بيت محمد الدالي
عفاف بقلق: محمد انا مش مطمنة الساعة 10 ونص وفارس لسة مجاش وبتصل بحلا مبتردش
محمد: تلاقيها عملاه صامت ومش سمعاه واما فارس تلاقيه خرج مع حد من صحابه
عفاف: طب اتصل بيه وخلينا نطمن علشان انا مش مطمنة
محمد: يا ربي منك يا عفاف انتي دايما بتقلقي من غير سبب هما كويسين وبعدين هما قد نفسهم
عفاف: علشان خاطري يا محمد نطمن عليهم مش هنخسر حاجة
محمد بغيظ: حاضر يا عفاف
محمد اتصل بفارس وفتح الاسبيكر علشان يسمع عفاف وتهدى
محمد بغضب: انت فين يا زفت
فارس بإستغراب: في بيت قصي ومالك بتتكلم معايا كدة ليه شكل عفاف خنقاك صح
محمد: إتلم يالا هي كانت قلقانة عليك انت وحلا تعرف حلا فين
فارس ضحك: حلا معايا في بيت قصي ليه بتسألوا
محمد بإستغراب: وهي حلا بتعمل ايه في بيت قصي في وقت زي ده طب انت ممكن نقول انك بتصيع عادي بس حلا بتعمل ايه وفي وقت زي ده مش من عوايدها تروح بيوت الناس في وقت زي ده الا للضرورة
فارس بسرعة: لا متظلمش حلا وتفكر فيه بسوء هي ملهاش ذنب انا اللي جبتها علشان تقعد مع قصي و............
محمد بغضب: وانت ازاي تخليها تقعد مع قصي ولوحدهم هو اساسا مفيش حاجة ما بينهم يعني هو لا خطيبها ولا جوزها وبعدين ممكن لو هو اعترف بحبه هي تسيب البلد وتمشي انت متخلف وبعدين لنقول انك متخلف ومبتفهمش حلا عمرها ما هتقعد مع قصي وفي وقت متأخر زي ده
فارس: براااااحة علينا اديني فرصة اكمل.....حلا جت معايا لان قصي مش كويس لان انجلي عملت حادثة وحالتها خطيرة وقصي مأكلش حاجة من الصبح ورافض يقعد او يشوف او يتكلم مع حد وحالته صعبة وخايفين عليه فقولت لحلا تيجي معايا وتهديه
محمد بصدمة: اييييه انجلي عملت حادث وانت لسة فاكر تقولي دلوقتي
فارس: احنا اساسا مش في المستشفى شاهر قالنا وجودكوا مش هيفيد وبعدين انت تعبان يعني احنا كدة كدة هنروحلها بكرة ان شاء الله هبقى اخدك معايا
محمد: لا هو انا هستنى لبكرة انا هجيلكوا على البيت
فارس بسرعة: لا والله مجيئك مش هيفيد ولا هيقدم ولا هيأخر فاسمع الكلام وارتاح انهاردة وانا بكرة هاخدك معايا المستشفى ممكن بقى تروح ترتاح وتطمن ماما وتقولها اننا كويسين يلا انا لازم اقفل
محمد: ماشي سلام
فارس: سلام
__________________________________
في غرفة ساندي بدأت تدور الغرفة ذهابا وإيابا بغيظ وغضب
ساندي بغضب وغيظ: هي فاكرة نفسها مين......فاكرة انها هتقدر على قصي.....كنت انا قدرت عليه......بس ليه هي متقدرش ما هي بتحبه وهو بيحبها وبتقدر تسحره وتسيطر عليه!......لالا مش هتقدر اكيد.....ولو قدرت ممكن تضعف وتعترف لقصي بحبها او العكس......لالا مأظنش انها هتضعف وتعترف كانت اعترفت من زمان......بس ممكن تضعف وتعترف لو قصي اعترف.......لالا مأظنش قصي هيعترف لانه مش فايق للموضوع ده هو زعلان على اخته....اه بس الضغط كبير عليه وممكن ميستحملش ويعترف......هووووف بقى انا تعبت من التفكير.....لازم الاقي حل للي اسمها حلا ديه واوقفها عند حدها مستحيل اخليها تفوز بقصي ويتجوزوا
وظلت تفكر كيف توقف حلا وتخلي قصي يكرهها
__________________________________
في غرفة قصي حلا كانت تقف بأحد الزوايا وتنظر لقصي بحب وقصي ظن انها خرجت وانه لوحده في غرفته قعد على حافة سريره وتذكر عندما خسر اهله وتملكه شعور بالخوف من فراقها هو مش عايز يخسرها زي اهله وغصب عنه نزلت دموعه من عنيه حلا لم تراه ولكنها شعرت بيه ولكنها لم تتحدث تركته قصي مقدرش يستحمل وقام كسر كل ما يمكن تكسيره بالغرفة وجرح ايده وفضل يصرخ ويبكي
قصي بإنهيار: يااااارب انا مقدرش اخسر شخص تاني متحرمنيش من اختي الوحيدة يارب ارحمني انقذلي اختي وخليها تعيش لو عايز تعاقبني عاقبني انا بس هي لا متحرمنيش منها يارب
قعد في الارض وظل يبكي ويصرخ بوجع وحلا رأته وبكت على بكائه ولكن من غير صوت
حلا لنفسها: لازم تمسكي نفسك شوية يا حلا ومتضعفيش علشانه على الاقل ولازم تعطيه شوية قوة..........قوة ايه بس وهو بالحالة ديه انا ذات نفسي مش قادرة اشوفه وهو بينهار كدة
حلا مسحت دموعها وتنهدت واتجهت لقصي وقعدت جنبه وربطت على كتفه بحنان وحب
حلا: قصي حرام عليك نفسك متعملش كدة انت مأكلتش حاجة من الصبح وانا واثقة انك مأخدتش علاجك يعني زمان السكر والضغط واطيين حرام عليك نفسك
قصي كان وجهه مصفر ولونه احمر في نفس الوقت وعيونه لونها احمر كالجحيم
قصي نظر لحلا ودموعه مثل الشلال على خده: اختي يا حلا بتموت في المستشفى انا مش هقدر اخسرها انا خسرت اهلي وعيشت من غيرهم عشر سنين مش هقدر اخسر اختي حلا انجلي مش اختي وبس لا كانت امي وصديقتي كانت دايما جنبي انا في حياتي كلها محستش اني محتاج لامي كانت دايما جنبي وكانت دايما بتحاول متخلنيش احس بفراق امي عني انا بحبها جدا وهي بتمثل حياتي انا من غيرها مسواش مقدرش على فراقها يا حلا حاولي تفهميني
حلا بلعت ريقها بصعوبة ومسكت وجهه بين يديها ونظرت في عيونه مباشرةً
حلا: طيب جاوبني انت تقبل انها تشوفك بالحالة ديه......بُص على وشك وشوف نفسك انت تعبان ومحتاج تاكل وتاخد علاجك يا قصي علشان خاطري قوم معايا كُل اي حاجة ولو حاجة بسيطة وخد ادويتك وبعدين اوعدك اني هسيبك لوحدك شوية بس كُل اي حاجة انت لو جرالك حاجة انا مش هستحمل وانجلي هتتعب كمان علشان خاطري يا قصي.....طب على الاقل علشان اختك ها ارجوك قصي متعملش في نفسك كدة يا حبيبي انت كدة هتتعب جامد قوم معايا يلا
قصي بدموع: حلا ممكن اطلب منك طلب
حلا نظرت له وهزت رأسها بالموافقة: اممم
قصي: اوعديني انك متسبينيش ابدا ابدا ومهما حصل انا محتاجلك جنبي يا حلا
حلا نظرت له وبحب: اوعدك بس عايزاك تسمع الكلام وتقوم تاكل دلوقتي
قصي لف يده حول خصرها وعانقها ودفن وجهه بعنقها يستنشق عطرها حلا اتصدمت من تصرفه وعانقته بتردد واخذت تملس على شعره ويده بحنية كأنه طفل وهرب من العالم الى حضن امه لكي يستمد منها القوة
حلا: قصي يلا علشان تاكل لُقمة وتاخد ادويتك
قصي وهو مازال في حضنها: لا مليش نفس بس عايزك تفضلي جنبي
حلا: ما انا هفضل جنبك ومش هسيبك بس قوم كُل اي حاجة ان شاالله حاجة بسيطة
لم تتلقى اي رد من قصي سوى انه شد بيده على خصرها وقربها اليه اكثر ( ولو اني معرفش اكتر من كدة ايه ☺️😊) حلا سكتت ولم تتحدث وعانقته واخذت تملس على شعره
__________________________________
في الاسفل
فاطمة بقلق: انا مسمعتش صوت قصي ولا حلا خايفة لحسن يكون حصلهم حاجة
فهد: طب انا هطلع اشوفهم
مهدي جيه بصينية الاكل
فهد: هات انا هطلعها
مهدي اعطى لفهد الصينية وفهد طلع طرق الباب قبل الدخول
__________________________________
حلا وقصي كانوا يجلسون بالارض وحولهم الازاز والڤازات المتكسرة حتت صغيرة وطبعا قصي مش راضي يبعد عن حضن حلا اتاهم طرق الباب
حلا: ادخل
فهد دخل بصينية الاكل وحطها على الطرابيزة
فهد بصوت منخفض: ايه الاخبار
حلا: فيه جهاز ضغط وسكر هنا
فهد: اه
حلا: طب ممكن تجيبهملي وتجيبلي شاش وقطن وبتادين
فهد: حاضر ثواني
فهد جلب لحلا كل اللي طلبته قصي كان شبه واعي ووشه مصفر جدا حلا اراحت رأسه على السرير وحاولت تفك ايده عنها حتى نجحت واخذت تقيس ضغطه وسكره وطبيعي لاقيتهم منخفضين جدا
حلا: قصي لازم تاكل حاجة
قصي: لا مش هاكل مش جعان
حلا بنرفزة: بس ديه مش طريقة انت عايز تعاقب نفسك عاقب نفسك ذنب معدتك ايه قصي اسمع الكلام بالذوق بدل ما اتصرف معاك بالقوة
قصي بعصبية: قولت مش عايز اكل
حلا قامت وقفت واخذت تبحث عن شئ الى ان وجدت سرنجة وزجاجة صغيرة بها دواء اخذت تعبيئ هذه الزجاجة بالسرنجة وفرغت الهواء منها
فهد بإستغراب: انتي هتعملي ايه
حلا: هعطيه إبرة مهدئ انت مش شايف حالته عاملة ازاي وهو معاند مفيش غير الطريقة ديه علشان يرتاح شوية
حلا اخذت ترفع احدى اكمام قميص قصي واعطته الحقنة بذراعه
حلا جلبت الاكل وجلست بجانب قصي ومدت يدها بالاكل
حلا: على ما الحقنة تعطي مفعولاها اتفضل يلا كُل ومن غير اعتراض
قصي هز رأسه بالنفي
حلا: طب يرضيك تكسف ايدي
قصي رفض ان يأكل
حلا بتحذير وإصرار: قصي....افتح بوقك يلا
قصي بتعب: قولت مش عايز اكل
حلا كانت هتستسلم بس فهد غمزلها وهي مفمتهوش
فهد: حلا سمعت من مايا ان الاكل من ايدك بيبقى طعمه حاجة كدة فوق الخيال بما ان قصي مش راضي ياكل طب ليه متأكلنيش انا بداله ما انا موجود
حلا فهمته: بس كدة انت تؤمر اتفضل يا سيدي بالهنا والشفا
حلا مدت ايديها بالاكل لفهد قصي مسك ايد حلا ووجهها ليه واكل بدل فهد
قصي بتعب: انا بس اللي ليا الحق اكل من ايديها انت مين علشان هي تأكلك
فهد ضحك: حتى وانت تعبان بتضايق لا حول ولا قوة إلا بالله
حلا بإستفزاز: وفيها ايه لما أئكله زي ما بأكلك فهد زي اخويا عادي يعني
قصي بغيظ: يعني افهم منك انك بتأكليني لاني زي اخوكي
حلا بصتله وبلعت ريقها بصعوبة ولم تعرف بماذا تجيب
قصي: ايه خرستي دلوقتي ما تنط........
حلا حشرت فم قصي بالاكل
حلا بإستفزاز: مليش مزاج ارد عليك ايه عافية هي
قصي: على فكرة بتوجع
حلا بغيظ: ما انت اللي استفزتني استحمل بقى
قصي: طب يلا علشان الاكل حلو اوي
حلا رفعت احد حاجبيها ومدت يدها له بالاكل وبغيظ: ليه ما كنت من شوية مش عايز تاكل وملكش نفس
قصي بعدم وعي: بس طلع كلام فهد صح الاكل من ايدك طعم تاني ويفتح الشهية
حلا خجلت واكلت قصي لحد اما شبع وبعدين حطت الصينية على الطرابيزة
حلا: قوم يلا نام على السرير علشان المهدئ اللي انا اديتهولك هيخليك تنام غصبن عنك وكدة تريح الكل من نرفزتك وقلقنا عليك من انك تعمل حاجة في نفسك هيخف شوية
قصي حاول يقوم بس مقدرش يقف لانه كان دايخ وجسمه سايب
حلا عندما رأته اتجهت له لكي تساعده وساعدته هي وفهد وقدروا يريحوه على السرير حلا ساعدته في وضع المخدة تحت رأسه وقلعته الجذمة والشراب وكانت هتغطيه بس قصي قام فجأة جذبها من دراعها وحلا توازنها اختل فوقعت فوق قصي وقصي ظل ينظر لها بحب
حلا بخجل: قصي خلاص سيبني وبعدين انت مش في وعيك علشان المخدر نام وارتاح واما تصحى نبقى نتكلم
فهد عندما رأى حلا خجلانة لانه واقف وغير كدة الموقف مش حلو
فهد: طب انا هنزل اشوف ستي واشوف الباقي تحت
حلا هزت رأسها بالموافقة فهد خرج وقصي رفض ترك حلا وحاوط خصرها بيده
قصي بعدم وعي وحب: بس انا مش عايزك تبعدي عن حضني ولو للحظة واحدة
حلا نظرت له وعندما رأت الحب في عينيه لم تستطع التحرك او إشاحت نظرها عن عينيه
حلا بتوتر: مش هبعد ولا هسيبك بس مش حلوة حد يدخل يشوفنا بالمنظر ده ممكن تسيبني بقى
قصي لفها وقعها من عليه وخلاها تنام جنبه غصب بسبب ان ايده كانت محاوطة خصرها ورفع رأسه ونام على كتف حلا وبحضنها حلا كانت في قمة الخجل والتوتر ولم تعرف كيف تتصرف
قصي: مش هسيبك تروحي بعيد عني تاني
حلا لم تعرف بماذا تجيب وهي بهذه الحالة وعقلها وقف عن التفكير وكانت مذهولة من الموقف وفي دنيا تانية قصي عندما لم يتلقى رد رفع رأسه ونظر لحلا
قصي بحب: ساكتة ليه ما تتكلمي قولي اي حاجة
حلا بشرود: ها.....عايزني اقول ايه
قصي: اي حاجة
حلا بتوتر: طيب انت اتكلم لاني معنديش كلام بس الاول ابعد عني شوية وسيبني لان......لاني مش عارفة اخد نفسي كويس
قصي مد يده الاخرى واخذ يملس على شعرها وحلا كانت محاصرة بيده وجسده ولا تستطيع رفع نفسها عندما قصي بدأ يبعث بشعر حلا حلا شعرت بالخجل بشدة وتوترها ازداد لدرجة ان لسانها عجز عن النطق بحرف واحد وتفكيرها اتشل ولكن نبضات قلبها كانت سريعة جدا
قصي بحب وعدم وعي: حلا انا مقدرش استغنى عنك افتحيلي قلبك ولو لمرة واحدة وقوليلي الحقيقة انا عارف وواثق انك مخبية عني حاجة مهمة اوي قوليلي ايه هي انتي متعبتيش يعني من كتر ما بتحاولي تخبي بس عيونك بيفضحوكي في كل مرة بتحاولي تخبي حبك ليا ليه بتكابري وتعاندي للدرجادي كلمة من اربع حروف صعبة عليكي حلا انتي متعرفيش انا بحبك قد ايه ويمكن بعشقك كمان انا مقدرش اتخيل حياتي من غيرك صدقيني اموت لو بعدتي عني انا بحبك من زمان بس خايف اصارحك بحقيقة مشاعري تسيبيني وتروحي لبعيد ومقدرش اوصلك انا اتعلقت بيكي لدرجة اني مش طايق الشغل ولا الشركة من غيرك فما بالك لو روحتي وبعدتي عني وقتها هحس ان حياتي ملهاش معنى حلا كفاية عند وكفاية مكابرة واعترفيلي بحقيقة مشاعرك هو انتي مبتتعذبيش وانتي بتحاولي تخبيها انتي ازاي قادرة تتحكمي في مشاعرك وقلبك ده انا مش عارف اسيطر عليهم لمدة دقيقتين بس مش اكتر مش قادر اخبي مشاعري وكل ما بحاول اخبي عيوني يفضحوني......حلا انتي ليه ساكتة قولي اي حاجة
حلا كانت مذهولة وتنظر لقصي بحب والدموع تغرق وجنتيها كانت تريد التكلم ولكن لسانها عاجز ومربوط لم تستطع الكلام ولم تعرف بماذا تجيبه قصي سرح في عيونها وبدأ يقترب من وجهها ببطئ حلا كانت تظن انه سيفقد الوعي او ينام ولكن تفاجئت بتصرفه لانه قبلها بكل حب وشغف وشوق شد على خصرها وتعمق في قبلته كثيرا حلا اتصدمت وفتحت عينيها على وسعهما ولم تستطع التحرك ولا التصرف وعقلها وقف عن التفكير ونبضات قلبها اصبحت سريعة جدا لدرجة انها كانت تشعر بأن قلبها سيخرج من مكانه ظلوا على هذا الوضع بضع دقائق وحلا كانت ما تزال تحت تأثير الصدمة قصي ابتعد عنها شوية ولكنه لصق جبينه بجبينها وصارت انفاسه تلحف بوجهها واغمض عيونه وكان نبضه وتنفسه غير منتظمين زي حلا
قصي بهمس: انتي بتدمريني يا حلا دايما بتسحريني دايما بتخليني ارغب فيكي ودايما بتخلي حبي ليكي وشوقي ليكي يزيدوا كل لحظة دايما بتجبريني على النظر ليكي انتي وبس ومقدرش اشوف غيرك ولا اشيل عيني عنك والمشكلة انك مبتعمليش حاجة ومع ذلك بأقل تصرف منك بتغريني دايما بيكون عندي شعور بأني اخدك واضمك لحضني ومأخلكيش تبعدي عني ولو للحظة واحدة دايما عايزك تبقي قدامي متفارقيش عيوني حلا انا عايز اقضي بقيت حياتي معاكي عايزك تشيلي اسمي واولادي يكونوا منك والاهم يكونوا حلوين زيك سواء كان جمال اخلاق وتربية او شكل مش عايزك تبعدي عني ابدا ابدا او تفارقي عيوني او تفارقيني نهائي خليكي جنبي دايما خليكي معايا.
قصي بعد عنها واعاد رأسه على كتفها ودفن وجهه بعنقها يستنشق عبيرها
قصي وهو يغيب عن الوعي : انا مش..... هبعد عن حضنك....... ابدا يا حلا...... انا.... ب.. ح... ب... ك..... اوي
حلا كانت مذهولة من كل حاجة كلامه وقبلته ومشاعره ولمست يده وكانت مصدومة وكلامه كان بيتقرر في اذنها وظلت هكذا لبضع دقائق وعندما شعرت ان قصي نام بعدته عنها واراحت رأسه على المخدة وازاحت يده عن خصرها ووضعتها على بطنه وغطته كويس وعقمتله الجرح اللي في ايديه وبعدين نظفت الغرفة من الزجاج المكسور وخرجت نزلت لتحت وكانت تفكر في كلام قصي فارس شافها شاردة
فارس: مين اللي شاغلك عقلك يا حلا
حلا استيقظت من شرودها على صوت فارس: ها...لا...ابدا بفكر في انجلي
فارس: طيب اخبار قصي ايه
حلا: جرح ايده جرح بسيط بس متقلقوش انا عقمته وهو جرح صغير واعطيته إبرة مهدئ علشان ينام شوية وهو كدة مش هيصحى غير الصبح يعني تقدروا تسيبوه نايم وتناموا وترتاحوا شوية
فاطمة: هو قصي رضي ياكل
حلا: اه خليته يخلص طبقه كله متقلقيش بقى
فارس: طب يلا احنا نروح ونسيبهم يرتاحوا
حلا: يلا يا روما ومايا........ عايزين حاجة مني قبل ما امشي
فاطمة بإبتسامة: عايزين سلامتك يا حبيبتي ربنا يفرحك ويجبر بخاطرك بجد مش عارفين من غيرك كنا هنعمل ايه شكرا يا حلا
حلا: انا معملتش حاجة علشان تشكريني عليها واه صح انتي اكلتي واخدتي ادويتك ولا عملتي زي الباشا اللي فوق
فاطمة ضحكت: لا الحمد لله اكلت واخدت ادويتي والبركة في روما ومايا ما سابونيش من غير اكل وادوية وفضلوا يزنوا فوق راسي لحد ما زهقت واضطريت اكل
حلا ابتسمت ونظرت لروما ومايا: طب الحمد لله استفادنا منهم بحاجة
روما ومايا ضربوا حلا على كتفها
مايا: هو انتي فاكرة نفسك انك الوحيدة اللي تقدري تهتمي بيها واحنا لا ده احنا بنيجي هنا اكتر منك
حلا: والله انا اللي اعرفه مش بالزيارات ولا المجيئ ولا المرواح
روما: اه عارفين بالمعزة والمحبة وبعدين تيتا فاطمة تدخل القلب على طول
فاطمة ضحكت: لا ده انتوا اللي تخلوا الواحد يتعلق فيكوا غصبن عنه
حلا: ربنا يخليكي ويديكي الصحة يا تيتا يلا احنا لازم نمشي وانتوا ناموا وارتاحوا ها يلا سلام
حلا وفارس والبنات خرجوا من البيت ووقفوا امام السيارات فجأة تليفون حلا رن فردت
حلا: ايه يا شاهر
شاهر: مفيش بس فيه بعض نتايج التحاليل والاشاعات طلعوا فقولت اقولك لو عايزة تيجي تشوفيهم
حلا: انا كدة كدة كنت هاجي عموما اديني نص ساعة او ساعة بالكتير وهبقى عندك
شاهر: تمام سلام
حلا: سلام
حلا قفلت مع شاهر
فارس بإستغراب وعدم فهم: انتي هتروحي المستشفى
حلا: اه
مايا: علشان تتابعي حالة انجلي صح
حلا: اه بس هوصلكوا على البيت الاول
فارس: لو مستعجلة انا ممكن اخد البنات معايا عادي
حلا: لالا انا كدة كدة هروح اغير هدومي وبعدين هما معاهم عربية هيركبوا ويبقوا قدامي وبعدين مش عايزة اتعبك معايا وشكلك اساسا هتموت وتحضن السرير ومخدتك حضن واتحداك انك هتروح تنام بهدومك ديه ومش هتقدر تستنى لحد ما تغير
فارس ضحك: تصدقي معاكي حق والله فعلا السرير واحشني اوي حاسس بقالي فترة منمتش
حلا تنحت
فارس: مالك بتبصيلي كدة ليه
حلا: ابدا بس بقول الله يكون في عوني ده انا ليا الجنة على اللي انا بشوفه وبمر بيه ده انا بقالي حوالي 5 تيام منمتش غير امبارح وفي المستشفى يا مؤمن وانت بتنام كل يوم وبتقولي حاسس انك بقالك فترة منمتش طب انا بقى بقالي شهور منمتش
روما ضحكت: انتي بتقولي لمين الكلام ده ده فارس يا روحي بيحب النوم زي عنيه ده لو عليه يفضل نايم كل حياته
حلا ضحكت: على رأيك يلا بقى بيتك بيتك خلي بالك من نفسك يا فارس يلا سلام
فارس: حاضر بس متنسوش لما توصلوا البيت تطمنوني انكوا وصلتوا
مايا بمرح: لو فضلت عايش وصاحي لوقتها نبقى نطمنك
فارس: ماشي يا مايا الكلب
كل واحد ركب عربيته وانطلقوا على البيت حلا اخذت شاور سريع وغيرت هدومها وذهبت للمستشفى
__________________________________
فارس رجع البيت وهو داخل لقى مايا بتتصل بيه فكنسلها واتصل هو
فارس: ايه وصلتوا
مايا: اه الحمد لله انك لسة عايش ومموتش
فارس ضحك: روحي اتخمدي يا ام لسان ونص
مايا ضحكت: حاضر يلا تصبح على خير
فارس: تلاقي الخير
فارس قفل مع مايا واتخض لما شاف ابوه مستنيه في الصالون
فارس: ايه يا بابا خضتني كنت على شوية هقطع الخلف
محمد: تعالى قولي ايه اللي حصل
فارس بعدم فهم: اللي حصل في ايه بالظبط
محمد: تعالى احكي كل حاجة مش هتنام غير ما تحكيلي
فارس قعد وحكاله كل حاجة
محمد: ومتعرفش حلا هدت قصي ازاي
فارس: لا بس هي اديته إبرة مهدئ علشان ينام ويرتاح شوية
محمد: يا خوفي يكون قالها انه يعرف هو مين او يكون اعترفلها بحبه
فارس: مأظنش لانها كانت نازلة طبيعية من غرفته والا اكيد كانوا هيشدوا مع بعض او حلا كانت هتجرحوا او هتسيب البيت وتمشي بس محصلش اي حاجة من ديه عموما انا ميت تعب وجعان نوم فهطلع ارتاح علشان بكرة هنروح لانجلي ماشي
محمد: ماشي يا بني اطلع ارتاح لان باين عليك التعب
فارس: عايز حاجة مني
محمد: لا يا حبيبي تسلم
فارس: تصبح على خير
محمد: تلاقي الخير
فارس طلع وفعلا مقدرش يستنى ورمى نفسه على السرير من غير ما يغير هدومه وذهب في سبات عميق
__________________________________
في المستشفى حلا وصلت وطلعت لمكتب شاهر
حلا: ها في اي حاجة خطيرة
شاهر: لا الحمد لله الدماغ مفهاش اي حاجة والفحوصات تمام بس ايديها اليمين مجزوعة
حلا: تمام فيه اي تقدم في حالتها يعني فاقت او اي حاجة
شاهر: لا بس احنا مخلينها في العناية المركزة تحت الملاحظة بس مش اكتر
حلا: تمام انا هدخل اشوفها
شاهر: طيب
حلا دخلت وشيكت على نبض انجلي وتنفسها وضغطها وكل حاجة وبعدين خرجت وشافت باقي الفحوصات والاشاعات وفضلت للصبح في المستشفى
__________________________________
فهد كان يجلس مع فاطمة
فاطمة: هو قصي ليه مصحيش لحد دلوقتي الساعة بقيت ٨ مش من عوايده ينام كل النوم ده
فهد: ممكن يكون من المهدئ اللي حلا اديتهوله
فاطمة: طيب هنروح احنا على المستشفى ولا هنستناه
فهد: انا بقول نستناه احسن بدل ما يصحى يعمل حاجة في نفسه ده مش مضمون ومجنون
فاطمة: معاك حق والله
__________________________________
في غرفة قصي على الساعة ٨ صباحا قصي بدأ يفيق فتح عينيه ببطئ وقام قعد وسند راسه على السرير قصي مسك رأسه بإيديه
قصي: يا ربي دماغي هتنفجر
وبعدين غمض عنيه شوية افتكر لما حلا اكلته وفتح عنيه
قصي بإستغراب: هو انا ليه مش فاكر اي حاجة غير ان حلا اكلتني......انا متأكد ان فيه حاجات تانية حصلت بس انا مش فاكرها.........معقولة اكون جرحتها......ولا لاكون اعترفت بحبي ليها......هووووف انا ليه مش فاكر حاجة......هتجنن....هي حلا فين م........
اعلن تليفونه عن ان هناك متصل ما لم ينظر للمتصل ورد فورا
قصي: الو
: صباح الخير انت كنت صاحي ولا انا صحيتك
قصي بفرح: لا لسة صاحي يعني بقالي حوالي دقيقة او دقيقتين قبل اما تتصلي.....بس انتي فين مش قولتي انك مش هتروحي ولا كنتي بتقولي كدة علشان اكل يا حلا هانم
حلا ضحكت: شكرا على حسن الظن يا استاذ قصي بس انا اضطريت اروح على المستشفى علشان شاهر اتصل بيا وبعدين انا قولت هفضل معاك وقت اما تحتاجني هتلاقيني إنما اني اقيم معاكوا في نفس البيت ده على اي اساس
قصي بحب: بس لو عايزة ممكن نحط اساس
حلا بعدم فهم: ازاي يعني
قصي: يعني مش شرط تكوني بتنتمي للعيلة علشان تقعدي معاهم لانك اساسا من العيلة ديه مادام الكل بيحبك وبعدين ستي بتعتبرك واحدة من العيلة وبعدين فيها ايه لو جيتي وفضلتي معانا يومين تلاتة وبعدين اظن انك تعرفي لوئي وسمير قبل وانتوا اصدقاء صح ولا انا غلطان والبيت كبير يعني فيه مليون غرفة تقدري تقعدي في الغرفة اللي تريحك
حلا ضحكت: ده انت يظهر لسة مفوقتش من تأثير المهدئ او يمكن لسة نايم ومفوقتش
قصي: طب والله بتكلم جد
حلا: اممم بتتكلم جد طب مادام انت بتتكلم جد فهمني تقبل ان انجلي تيجي تبات عندي في البيت بس اللي فيه اخواتي مع العلم ان فيه ٣ شباب وبنتين ها تقبل بده
قصي: لا طبعا
حلا: يعني مش قابل الموقف مع انها كانت هتبات مع اخواتي وفيه مايا وروما يعني مش لوحدها وعايزني انا اجي ابات في بيت فيه ٥ رجالة بتهزر يا قصي وربنا
قصي بإحراج: يعني انتي قوليلي هتبات عندكم بصفتها ايه
حلا: وانا هبات عندكم بصفتي ايه مستحيل اللي انت بتطلبه ده انت اكيد بتهزر معايا قال اجي ابات قال
قصي: ليه للدرجادي معندكيش ثقة فينا ولا فيا على الاقل وبعدين اكيد مش هقصد اجرحك او ائذيكي
حلا: قصي انا مش قصدي كدة بالعكس بثق فيكوا وبثق فيك انت اكتر من نفسي بس مش هينفع يا قصي المبدأ ذات نفسه مش ماشي على بعضه
قصي: ليه
حلا تنهدت: طيب بُص هعرفك حاجة انا بيت عمي مش ببات فيه مادام ابنه فيه بفضل اعيش في بيت طويل عريض ولوحدي بس مقعدش في بيت فيه رجالة واسمه بن عمي وبثق فيه اوي وهو زي اخويا واكتر واحنا قريبين من بعض وجدا كمان يعني يعرف عني كل صغيرة وكبيرة ماعدا بعض الامور ومع ذلك مش ببات في بيت عمي واسمه عمي يعني اخو ابويا وبيخاف عليا زي ما بيخاف على بنته بس مع ذلك مش ببات في بيت فيه رجالة سواء اعرفهم او لا والله انا عمي بيتحايل عليا اروح اعيش معاهم في نفس البيت لانه خايف عليا وعارف ان الدنيا مش مضمونة بس انا متعودة على كدة من صغري وهو فاهمني كويس ومقدر ده فالحكاية مش حكاية ثقة يا قصي هي المشكلة عندي انا انا طبعي كدة وتربيتي كدة فمش هعرف ومش هينفع على فكرة انا واحدة ميفرقش معاها كلام الناس لان كدة كدة الناس بتتكلم محدش بيسلم من كلامهم فانا مش بعطيهم اكبر من حجمهم ولا بعطيهم اهتمام اساسا بس ده طبع عندي المفروض انك تستحملني شوية لان طبعي صعب جدا ومحدش يستحملني اساسا بطبعي ده انا عمي بيشد في شعره مني
قصي ضحك: بس على فكرة انا اقدر استحملك عادي
حلا ضحكت: يبقى كدة انت في حد داعي عليك في ساعة استجابة او انك مستغني عن نفسك بقى
قصي: لا عادي فداكي
حلا: يااااه للدرجادي
قصي بحب: واكتر صدقيني انتي متعرفيش
حلا بحزن: لا عارفة وانا اكتر واحدة عارفة حتى اكتر من نفسك بس ما علينا عامل ايه دلوقتي حاسس بتعب او حاسس ان ضغطك نازل
قصي: لا انا كويس بقيت احسن بس دماغي هتتفرتك من الصداع و......ومش فاكر اي حاجة غير اني اكلت بعد كدة مش فاكر حاجة زي ما اكون واخد ضربة على دماغي
حلا بصوت واطي: كويس انك مش فاكر حاجة
قصي بإستغراب: بتقولي حاجة يا حلا
حلا: لا ابدا بس انا من رأيي تريح نفسك مش لازم تفتكر يعني محصلش حاجة مهمة انت اكلت وبعدين نمت محصلش حاجة مهمة يعني
قصي: بجد اومال انا ليه حاسس ان حصل حاجات كتير بس مش فاكر
شاهر رأى حلا وكانت هتشرب قهوة فشد منها الكوباية
شاهر: انتي مجنونة هتشربي قهوة ومأكلتيش حاجة
حلا: هشرب القهوة وبعدين اكل
شاهر: لا يا روحي مفيش قهوة من غير ما تاكلي
قصي: اه يا حلا اسمعي كلام شاهر
حلا: مالكم انتوا الاتنين في ايه قولت هشرب القهوة الاول وبعدين هاكل دماغي هتتفرتك لاني منمتش من امبارح ولو مشربتش قهوة دلوقتي الحرب العالمية التالتة هتقوم فهات الكوباية خليني اشربها
شاهر: لا انا عارف هتشربيها وتقولي مش قادرة اكل علشان شاربة قهوة والقهوة سدت نفسي
حلا: لا هبقى اكل حاجة خفيفة اي سندوتش كدة على الماشي هات بقى القهوة
شاهر: ماشي بس وربنا انتي لو مأكلتيش هأكلك بالعافية
حلا: ماشي روح بقى بعيد عني يلا
شاهر: هو انتي بتكلمي قصي
حلا: اه ليه في حاجة
شاهر: لا مفيش بس سلميلي عليه
قصي: قوليله وصل وكدة كدة ساعة وهكون عنده
حلا: سمعك وبيقولك سلامك وصل وهي ساعة ويجي ويقعد على قلبك
شاهر ضحك: لا كفاية عليا انتي بس انما انتي وهو كدة كتير
حلا: ايه مش عجبك ولا ايه وبعدين ده انا حتة كراميل
شاهر: وهو انا اقدر اقول حاجة
حلا: طب كويس انك عارف انك متقدرش
قصي ضحك: طيب انا بقى هقفل هروح اغير علشان اجيلكوا...... حلا هو انتي هتفضلي في المستشفى
حلا: ا..ا....لحظة يا قصي خليك معايا بس دقيقتين هشوف امان عايز ايه
قصي: ماشي
حلا حطت قصي على الويت وردت على امان
حلا: ايه يا امان خير
امان: حلا ممكن تيجي على المركز شوية
حلا: طيب ماشي عشر دقايق او ربع ساعة بالكتير وهكون عندك
امان: ماشي سلام
حلا: سلام
حلا رجعت تاني لمكالمة قصي
حلا: الو
قصي: ايه في حاجة خطيرة ولا ايه
حلا: لا عادي انت كنت بتقول ايه قبل اما ارد على امان
قصي: كنت بقولك انتي هتفضلي في المستشفى ولا هتروحي
حلا: والله يا ريت اروح انا البيت وحشني اوي.....عموما انا دلوقتي هروح المركز اشوف في ايه وبعدين هاجي على المستشفى
قصي: طيب انا هقفل بقى عايزة حاجة
حلا: عايزة سلامتك وكل قبل ما تيجي ولو هتشرب قهوة كل قبليها وخد علاجك يا استاذ
قصي ابتسم: حاضر يلا سلام
حلا: سلام
حلا قفلت مع قصي شربت القهوة وذهبت للمركز
__________________________________
في بيت محمد عفاف دخلت غرفة فارس لكي تيقظه
عفاف: فارس يا حبيبي قوم يلا علشان تروح انت وابوك على المستشفى
فارس وهو مازال مغمض عينيه: هي الساعة كام
عفاف: ٨ وربع قوم يلا
فارس اعتدل في قعدته ونظر لوالدته
فارس: هو انتي ملبستيش ليه مش هتيجي معانا
عفاف: والله كنت عايزة اجي بس ابوك مش هيرضى
فارس: طب روحي جهزي نفسك انا هاخدك معايا يلا
عفاف: ابوك هيضايق
فارس: سيبك من بابا انا هتكلم معاه بس روحي اجهزي بسرعة يلا
عفاف بفرح: حاضر
فارس قام اخد شاور ولبس ونزل
محمد: يا عفاف قولتلك لما ترجع البيت هاخدك تشوفيها
عفاف: لا انا عايزة اروحلها المستشفى
فارس: خلاص يا بابا انا اللي قولتلها تجهز نفسها انا عارف انك خايف عليها بس احنا هنبقى معاها
محمد: طب يلا امشوا قدامي انا هاخد عفاف معايا وانت اطلع في عربيتك
فارس: طيب يلا
كل واحد طلع بعربيته وانطلقوا للمستشفى
__________________________________
قصي اخذ شاور وغير هدومه واكل سندوتش صغير واخذ علاجه وذهب للمستشفى هو وفهد وفاطمة اما كمال وسمير ذهبوا للشركة علشان فيه شغل مهم ولوئي طلبوه في المركز قصي كان راكب عربيته ومعاه سته وفهد ركب عربيته وانطلقوا للمستشفى
__________________________________
في بيت اخوات حلا مايا وروما جهزوا نفسهم
مايا: تفتكري حلا لسة في المستشفى
روما: معرفش بس تفتكري قصي زمانه وصل ويا ترى لوئي معاه ولا لا
مايا: مش عارفة فهد كمان هيروح المستشفى ولا الشركة وبعدين احنا ملناش دعوة احنا رايحين علشان انجلي يارب تكون اتحسنت وتخرج انهاردة
روما: يارب......بت يا مايا احنا لازم نسأل حلا ايه الي حصل امبارح يعني ايه اللي حصل ما بينها وبين قصي امبارح
مايا: اه صح ابقي فكريني لانها امبارح كانت نازلة من عنده وشها غريب وميتفسرش
روما: ماشي يلا خلينا نروح علشان منتأخرش
مايا وروما نزلوا والشباب شافوهم
اريان: انتوا رايحين فين
ادم: انتوا مش ملاحظين ان مرواحكم وقعدكم مع عيلة قصي كتر الايام ديه
روما: احنا رايحين المستشفى لان انجلي عملت حادث امبارح
ادم: اييه ومحدش قالنا ليه وانتوا متصلتوش ليه
مايا: احنا ملحقناش يا دوبك دخلت العمليات وخرجت دخلوها العناية المركزة تحت المراقبة وبعدين مشينا لان شاهر قالنا مفيش فايدة من وجودنا
اريان: ادم روح انت مع البنات وانا هروح اخلص الشغل اللي في الشركة واجيلكوا
ادم: ماشي
جاسر: وانا هروح اخلص الشغل اللي عندي في المركز وهجيلكوا
كل واحد ذهب للمكان اللي هيروحوا
__________________________________
حلا وصلت المركز ودخلت على مكتبها واستغربت من وجود رقية في المكتب
حلا بإستغراب: رقية انتي بتعملي ايه هنا
رقية بإبتسامة: جيت اشوفك يا وحشة بقالي كتير مشوفتكيش وعلشان اديكي الفلاشة ديه
حلا عانقتها: والله انتي وحشاني اكتر يا روحي....بس ديه ايه
رقية: اللي انتي كنتي عايزاه
حلا: هو مش عربيتك ولعت باللاب توب بتاعك جبتيهم ازاي
رقية: لا انا نقلتهم على الفلاشة وسيبت اللاب توب علشان يفتكروا اني ملحقتش الاقي حاجة بس روحت انهاردة اجيب من بيتي حاجة لاقيتهم حرقوه
حلا: زي ما كنت متوقعة طيب كدة معندكيش حجة وهتعيشي معانا
رقية: لا هبقى اتصرف واحجز غرفة في فندق
حلا بنرفزة: نعم يا روح امك
حلا قعدت على الكرسي بتاعها وفتحت اللاب توب ودخلت فيه الفلاشة
رقية نظرت لها بصدمة وضحكت: حلا مالك يا ماما احنا في مكان شغل
حلا: متخلنيش اتجنن عليكي قال فندق قال
رقية: يا حلا مش عايزة ابقى تقيلة على حد
حلا: ومين قالك انك هتبقي تقيلة على حد وبعدين انتي اختي ومش هسمحلك تروحي تباتي في فندق مادام بيتي موجود ومفتوحلك في اي وقت انتي متخلفة عايزاني اسيبك تتبهدلي في الفنادق اترزعي قدامي علشان مقومش اديكي جوزين قلمين على وشك يفوقوكي
رفية قعدت: بس يا حلا انا.......
حلا قاطعتها: بلا حلا بلا بطيخ نا قولت اخرسي وخليني اعرف اخلص شغل علشان اروح المستشفى
رقية بإستغراب: هتروحي المستشفى ليه
حلا: اخت قصي انجلي عملت حادث امبارح
رقية: وهي عاملة ايه دلوقتي
حلا: احسن بس لسة مفاقتش لحد دلوقتي
رقية: طب انا هروح اطمن عليها
حلا: استني طيب هخلص كام حاجة ونروح سوى
رقية: طيب انا كدة مش هعملك مشاكل
حلا: لا يا روحي وكدة كدة انتي بتشتغلي تبع المخابرات فعادي
حلا بدأت تشوف المعلومات اللي رقية جبتها وتحللها وبعد حوالي نص ساعة
حلا: زي ما كنت متوقعة
رقية بإستغراب وعدم فهم: ايه في ايه
حلا: خطف قصي اللي حصل من كام يوم كان فخ علشان يوقعوني ويقتلوني وتنفيذ المهمة لسة بعد ٣ اسابيع
رقية: طب افرضي حاولوا يخطفوه تاني
حلا: انا مش هسمحلهم لاني هنا لما اتخطف اول مرة كنت انا مسافرة وانا مش هسمح انه يمسوا اي اذى حتى لو اضطريت اخسر حياتي..........اه صح انتي وفارس عملتوا ايه
رقية: لما نبقى نخرج نبقى نتكلم علشان المكان مش مناسب
حلا: اوكي استني بس هشوف اذا كان امان عايزني في حاجة ولا لا وبعدين هنروح على المستشفى
حلا ضغطت على ازرار التليفون الموضوع على المكتب
حلا: ابعتلي النقيب امان
ومن ثم اعادت السماعة الى مكانها وبعد دقائق اتاها طرق على باب المكتب
حلا: ادخل
امان دخل: حضرتك عايزاني
حلا: اه اقعد الاول
امان قعد
حلا: فيه اي حاجة انت محتاجني فيها او فيه اي مشكلة
امان: اولا هو سيادة اللوا محمد طلب مني اعطيكي الملف ده وتوقعي عليه
حلا بإستغراب: ده بتاع ايه
امان: معرفش انا مفتحتوش
حلا اخذت منه الملف وفتحته وقرأته وبعدين وقعت عليه ومن ثم اعطته لامان
حلا: تمام في اي حاجة لان عندي شغل تاني ومش هاجي المركز تاني
امان: بخصوص مهمة رجل الاعمال عاملتي ايه
حلا: اطمن حليتها بس المهم محدش يعرف اني ماسكة المهمة ديه وخصوصي اللي اسمه عادل
امان: حاضر
حلا وقفت ولمت اشيائها: لو حصل اي مشكلة او اي حاجة اتصل بيا تمام
امان: حاضر
حلا: يلا يا رقية
حلا وامان ورقية خرجوا من المكتب امان ذهب لمكتبه وحلا ورقية وهما خارجين قابلوا لوئي حلا شافته وهو شافها بس متكلموش مع بعض خرجوا كأنهم ميعرفوش بعض ولما ذهبوا للجراش
حلا: انت ليه مروحتش المستشفى
لوئي: لان طلبوني ضروري في شغل مستعجل فاضطريت انزل وانا هروح اهو انتي هتروحي على المستشفى ولا وراكي مهمة ولا ايه
حلا: لا رايحة على المستشفى
لوئي: طيب تمام يلا سلام اشوفك هناك
حلا: سلام
حلا ركبت سيارتها ورقية ركبت معاها ولوئي ركب سيارته وخلى حلا تطلع قبليه حلا ذهبت لمحل ورد وجابت بوكيه ورد حلو جدا لانجلي لانها بتحب الورد كثيرا وبعدين ذهبت للمستشفى ووصلت هي ولوئي في نفس الوقت وطلعوا مع بعض
__________________________________
قبل تلت ساعة في المستشفى قصي وفهد وفاطمة وصلوا المستشفى وطلعوا لانجلي ووقت اما وصلوا كان شاهر خارج من غرفتها قصي ركض عليه
قصي بقلق: انجلي كويس صح يا شاهر طمني
شاهر: اهدى هي كويسة وجدا كمان ولسة فايقة دلوقتي
قصي بفرح: ينفع اشوفها
شاهر: اه بس استنى هننقلها لغرفة عادية الاول
قصي: طيب
نقلوا انجلي لغرفة تانية وريحوها وظبطوا المحاليل وهنا حلا ورقية ولوئي وصلوا وشافوا الكل واقف امام غرفة تانية قصي عندما رأى حلا فرح جدا بس استغرب لانها كانت بتتكلم مع لوئي وشكلها متضايقة
عند حلا ولوئي
لوئي: فيه اي اخبار عن مهمة قصي
حلا: اه زي ما كنت متوقعة قصة خطف قصي كان فخ علشان يوقعوني وتنفيذ المهمة بعد ٣ اسابيع وعرفت كل المعلومات اللازمة وزي ما كنت متوقعة سناء لم تعطيك المعلومات الصح لانها كانت شاكة فيك بس انت هتستمر في تمثيلك عليها لحد اما نخلص المهمة ديه على خير يمكن يكون فيه حاجة هما هيخططوا ليها ضد قصي وده مش هيبقى متسجل على الحاسوب
لوئي: ما هي سناء كدة مبتثقش فيا
حلا: ده اختبار ليك علشان تعرف اذا كنت صادق ولا لا في مشاعرك فانت سايرها وخليك مستمر وهي اكيد هتندم وتعرفك الحقيقة وبعدين فين سحرك يا لوئي انا اللي هعرفك ازاي تسحرها خليها تحبك وفهمها انك عايز تلاقي شغل بس مش لاقي وعرفها انك كنت بتشتغل مع عصابات بس انا قضيت عليهم كلهم وانك بتكرهني وعايز تقتلني وهي كدة ممكن تدخلك معاهم ونعرف معلومات اكتر
لوئي: تمام وبخصوص الخطورة اللي قصي متعرضلها لسة زي ما هي
حلا: ويمكن زادت ربنا يستر ويسهل ويطلع منها على خير
لوئي وقف: قصدك تطلعوا منها انتوا الاتنين على خير
حلا كانت سبقاه بكام خطوة رجعتله وبصتله وقلعت نظارتها الشمسية
حلا بإنزعاج: لوئي ده شغلي ووارد جدا اخسر حياتي في المهمة وبعدين مهما كانت الاسباب والطريقة اللي هموت بيها فده قضاء وقدر لو مكتوبلي اني اعيش هعيش ولو مكتوبلي ان ديه هتبقى اخر مهمة هتبقى ديه اخر مهمة ومحدش هيقدر يعترض
لوئي: بس يا حلا......
حلا: قفل على الموضوع وبعدين احنا مش في مكان مناسب للكلام ده وبعدين انا مش عايزة حد يعرف وخصوصي قصي علشان ميقلقوش
حلا سابته ومشيت ورقية نظرت للوئي ولحلا
رقية: حلا عنيدة واظن انك عارف ده ولو حسيت ان فيه خطورة على حياة قصي ولازم تضحي بحياتها علشان تنقذه هتعمل كدة حتى لو هتخسر حياتها فريح نفسك لان الكلام معاها مش هيفيد
لوئي تنهد: معاكي حق والله
لوئي ورقية ذهبوا خلف حلا تجاه العائلة
فاطمة ابتسمت لحلا: عاملة ايه يا حبيبتي نمتي وارتاحتي
حلا قبلت رأسها وخدها وعانقتها: انا تمام وعال العال ونمت اه
قصي بإستغراب: مش انا من ساعة كنت بتكلم معاكي وقولتي لشاهر انك من........
هنا شاهر خرج من غرفة انجلي
شاهر: هي فايقة اللي عايز يدخل يشوفها يتفضل بس براحة عليها ومتخلوهاش تتكلم كتير
قصي: تمام ومن ثم نظر لحلا
قصي: هتدخلي ولا
حلا كانت هترد بس اللي وقفها رنين هاتفها وكان محمد
حلا: خلاص ادخلوا انتوا وانا شوية وهاجي وراكوا
الكل دخل وحلا ردت
حلا: السلام عليكم
محمد: وعليكم السلام انتي فين يا حبيبتي
حلا: في المستشفى ليه
محمد: طب انتوا في الطابق الكام وغرفة كام
حلا: في الطابق السادس غرفة رقم ٥٠٦
محمد: طيب يا روحي استنيني انا طالعلك اهو
حلا: ماشي سلام
محمد: سلام
حلا انتظرت محمد
__________________________________
في غرفة انجلي قصي دخل مسك ايد انجلي وقبلها وقبل رأسها
قصي بحب: حبيبتي حاسة بإيه دلوقتي
انجلي ابتسمت: احسن الحمد لله
فاطمة: كدة يا نونو تقلقينا عليكي
فهد بمرح: كانت عايزة تعرف غلاوتها عندنا
انجلي: انا اهو كويسة وزي القردة كمان مفيش حاجة تخوف وبعدين البركة في شاهر يعني لولاه مكنش زماني عايشة دلوقتي شكرا يا شاهر
شاهر رفع ايده بإستسلام: لو فيه حد يستحق الشكر فهي حلا مش انا فضلت طول الليل جنبك وكل شوية تكشف عليكي وحتى خلتني اعملك فحوصات كاملة سواء ان كان ليها علاقة بإصابتك ولا لا وهي اللي اعطتك العلاج المناسب يعني تقريبا كانت الدكتورة بتاعتك يعني انا نمت حوالي ساعتين او ٣ ساعات ويمكن اكتر بس هي فضلت صاحية طول الليل ومتحركتش من قدام اوضتك وكل شوية كان امان يتصل بيها علشان كان فيه مشاكل كانت بتحلها وهي هنا ومرضيتش تنزل المركز غير لما تطمن عليكي
انجلي: اومال هي فين
قصي: هي...... قاطعه طرق الباب ومن ثم حلا دخلت رأسها
حلا بمرح: ادخل ولا حد قالع راسه
انجلي ضحكت: تعالي يا ام لسان ونص
حلا دخلت ووراها محمد وعفاف وفارس
انجلي: عمي محمد جيت ليه كنت فضلت في البيت ترتاح بقيت كويس ولا
محمد ابتسم: جاي اطمن على بنتي بلاش متقلقيش انا كويس وبقيت احسن وزي القرد اهو
حلا: جبت احلى بوكيه لاحلى عيون خدي ويارب يعجبك
انجلي بفرح: الله ده جميل اوي بس مكنش ليه لزوم يا حلول تكلفي نفسك
حلا: لا اكلف نفسي واوي كمان هو فيه حد يطول يشوف القمر وميهتمش بيه وبعدين انا عارفة انك بتحبي الورد ونفسك في بوكيه وبما انك مش مرتبطة فقولت اجيبهولك ولو في اي حاجة تانية نفسك فيها قولي ومتتكسفيش وانا احققلك كل امانيكي بس بشرط متعمليش حوادث تاني
انجلي ضحكت: ايه كل ده كفاية ده انا شوية ومش هعرف انطق من الخجل وبعدين انا مش عارفة اشكرك ازاي عذبتك معايا
حلا بإستغراب: عفوا بس بتشكريني على ايه
انجلي: مفيش حد يسهر طول الليل جنب اخت مديرها في الشغل وتتابع حالتها كمان
حلا: تؤ ومين قالك اني عملت كدة علشان انتي اخت مديري.......انا عملت كدة علشان بعتبرك اختي مش علشان انتي اخت مديري وبعدين عفوا منك قصي مش مديري هو مدير على نفسه مش عليا
انجلي: طبعا يا روحي احنا اخوات
حلا: بس لحظة انتي عرفتي منين ان انا كنت متابعة حالتك
انجلي: شاهر وقالي انك فضلتي سهرانة طول الليل
حلا نظرت لانجلي بعتاب: هو لو انا مقولتلكش متقولش تقول كان ضروري يعني
شاهر: كانت بتشكرني على اني انقذت حياتها وبعدين مينفعش انسب مجهودك وتعبك ليا ضميري ميسمحليش بكدة
حلا: ضميرك ميسمحلكش ولا في هدف تاني في دماغك
شاهر ابتسم: انتي دايما ظلماني
حلا: لااا يا راجل انا برضه اللي ظلماك
فارس ضحك: والله شاهر هو اكتر واحد يقدر يفهمك
حلا: وانا محدش يقدر يستغفلني عموما ان شاء الله يا نونو هتخرجي انهاردة بليل تمام
محمد: ايه يا حلول اخبار الشغل ايه
حلا: انت تقدر تقول تحفة تحفتين تلاتة عشرة
فارس ضحك: بسسس يبقى كدة انتي طالع عينك
حلا: طالع عيني بس ده انا من ساعة ما رجعت من امريكا وانا مشوفتش وش السرير هموت وانام ٥ ساعات بس
عفاف ضحكت: يا حبيبتي انا سمعت من مايا انك بقالك اسبوع مروحتيش البيت
حلا: هو انا اخباري وصلالك اول بأول كدة ليه فيه مشاكل كتير فوق راسي في المركز الحمد لله خلصت معظمها
محمد: اخبار مهمة قصي ايه
حلا: ميت فل وعشرة وعال العال بس على الله في اخرها متكونش ميت صفر وواحد من عشرة
الكل ضحك
محمد: خلاص خدي ٤ تيام اجازة
حلا: اه ونبي عايزة ارتاح شوية ده لو شميت الراحة
انجلي: للدرجادي بتتعبي وحتى في الاجازة مبترتاحيش
حلا: امان وفارس لو سابوني ارتاح يبقى تمام يوم واحد بس
فارس ضحك: انا ذنب امي ايه ان كان فيه مشاكل ومصايب
حلا: ولا حاجة يا فارس ولا حاجة
اعلن تليفون حلا رنينه وكان امان
حلا: عن اذنكوا
حلا ردت
حلا: خير يا امان
امان: في قنبلة في فندق(........) وطالبينك علشان تفكيها
حلا: طب متعرفش فاضل قد ايه من الوقت
امان: تقريبا ساعة الا
حلا: طيب سلام
حلا قفلت مع امان ونظرت للكل
حلا: انا اسفة بس لازم امشي دلوقتي سلام
حلا خرجت بسرعة وركضت قصي لحقها ومسكها من دراعها
قصي: في ايه اهدي
حلا: فيه قنبلة في فندق وطالبيني علشان اوقفها لانهم مش عارفين يوقفوها ومفضلش كتير
قصي: طب انا هاجي معاكي
حلا: لا خليك مع انجلي وانا مش هتأخر
حلا ركضت للاصانصير ومن حسن حظها كان مفتوح دخلت بسرعة ونزلت ركبت عربيتها وانطلقت بسرعة كبيرة على الفندق فكيت القنبلة وذهبت لبيت قصي جابت هدوم لانجلي ورجعت على المستشفى وتفاجئت بأخواتها
حلا: انتوا هنا من امتى
ادم: من حوالي ٤ ساعات انتي كنتي فين انا قولت هاجي الاقيكي
حلا: لا ما انا سبقتوكوا وبايتة هنا من امبارح وروحت الصبح للمركز ورجعت تاني بس اضطريت امشي قبل ما انتوا تيجوا علشان كان فيه شغل مهم
اريان: ومقولتلناش ليه يا كلبة
حلا: والله مكنش فيا دماغ اني اقولكوا وبعدين دماغي كانت مقلوبة
روما نغزت مايا في دراعها ومايا بصتلها بإستغراب روما غمزت لمايا فمايا فهمت
مايا: حلول كنت عايزاكي في موضوع مهم
حلا: طب لما نرجع البيت
روما بفرح: هو انتي هتيجي تباتي عندنا انهاردة
حلا ابتسمت: تؤ مقيمة لكام يوم.... انجلي خدي ديه الهدوم اهي يلا بقى اخرجوا علشان انجلي تغير وانا هساعدها
الكل خرج وحلا فضلت مع انجلي وساعدتها في تغيير هدومها وبعدين سندتها لحد ما خرجت من الغرفة وقصي رفض انها تمشي على رجليها حملها لحد العربية وذهبوا للبيت وحلا والشباب والبنات رجعوا البيت
روما: يلا بقى خلينا نعرف ايه اللي حصل
مايا: طب خليها ترتاح انهاردة وبكرة نبقى نكلمها
روما: لا انهاردة يلاااا
مايا: طب امري لله
مايا طرقت بابا حلا الى ان اتاها اذن حلا بالدخول و........
__________________________________
يا ترى ايه اللي هيحصل؟!
