قصي بإنزعاج: بس هو ده معنى كلامك عموما اعملي اللي يريحك انتي انا ماشي رايح على الشركة عن اذنكوا
قصي ترك المرهم وذهب وانجلي والشباب كان هيمشوا وراه ويحاولوا يهدوه
حلا قامت وقفت: خليكوا انتوا انا هروح اتكلم معاه
حلا ذهبت بخطوات سريعة وخرجت من المول واتجهت للجراش ورأت قصي كان هيركب سيارته ركضت تجاه ومسكته من يده التي كان يضعها على مقبض باب السيارة وكان هيفتحها حلا وقفت قصاده وسندت على باب السيارة علشان ميفتحهاش
حلا بهدوء: ممكن تهدى وتخلينا نتكلم ونتفاهم
قصي بإنزعاج: بس انا مش فاضي وعندي شغل ابعدي من قدامي وخليني اروح
حلا: متأكد انك عايزني ابعد
قصي: اه
حلا: تمام. حلا بعدت ووقفت خلفه
حلا: بس قصي خليك فاكر انك انت اخدت موقف مني من غير ما تسمعني حتى او تديني فرصة اشرح وافسرلك
قصي وهو لم يلتفت لها وفتح باب السيارة: تمام
قصي ركب سيارته وادارها وانطلق ليتجه للشركة حلا نظرت للسيارة وهي تبتعد وابتسمت
حلا: مش هتقدر تفضل زعلان كدة وهتسمعني سواء برضاك او غصب
حلا دخلت المول وذهبت للشباب والبنات
انجلي بقلق: ها عملتي ايه
حلا: مشي ومرضيش يسمعني
فارس: طب ليه مأجبرتهوش انه يسمعك
حلا ابتسمت: لان هو مش هيقدر يفضل كدة وميسمعنيش فسيبوا الموضوع عليا انا عارفة بعمل ايه وخلونا نكمل تسوق يلا علشان نخلص
انجلي: ماشي بس هاتي ايدك الاول علشان الحرق اللي في ايدك
حلا مدت يدها لانجلي وانجلي دهنتلها المرهم وهنا روما ومايا وصلوا وكانوا قلقانين حلا استغربت من مجيئهم وكذلك الشباب
روما بقلق وخوف: لوئي انت كويس وانتي يا حلا كويسة
لوئي ابتسم: اه احنا كويسين
مايا كانت تنظر لفهد بخوف وقلق وفهد لاحظ ده بس لم ينظر لها ولم يعطيها اهتمام حلا نظرت للوئي ومايا وروما وفهد وابتسمت
حلا: انتوا جيتوا ليه وليه قلقانين كدة
روما بقلق: عرفت من يارا لما كنت بكلمها ان فيه عصابة في المول وفيه محل اتحرق علشان كدة جينا بسرعة
حلا: اممم قولتيلي طيب...... سمير انت وحازم روحوا على الشركة علشان الشغل واما بخصوص لوئي وفارس وفهد هما هيبقوا معانا. وغمزتله
سمير فهمها وابتسم: ماشي بس لو احتاجتوا حاجة كلموني
انجلي: حاضر
سمير وحازم ذهبوا للشركة
حلا: طب يلا بينا احنا يا جماعة نكمل تسوق
كملوا تسوق وحلا خلصت لبس البنات وكانوا على معاد الغدا
حلا: هنوقف دلوقتي وننزل الحاجة على العربية وبعدين نروح نتغدا وبعدين نكمل
انجلي: انا موافقة وخصوصي اني ميتة جوع
حلا نظرت لفهد ولاقيته مشغول بالتليفون ومايا كانت مزعوجة لانه من وقت ما جاءت وهو لم يعطيها وجه
حلا ابتسمت بإستغراب: فهد....من ساعة ما بدأنا تسوق وانت ماسك الموبايل ومش معانا في دنيا تانية قولي بس بتكلم مين شغلك عننا. وغمزتله
فهد ضحك: طبيعي هكون في دنيا تانية علشان بكلم اسماء وكمان بفكر ومش عارف اجيبالها هدية ايه في عيد الحب
حلا: ااااه قولتلي.....طب وانت يا لوئي هتعمل ايه مع ساندي
لوئي: مش عارف لسة بس بفكر اني اخلي اليوم ده يكون مميز بالنسبة ليها بس ازاي لسة مش عارف معندكيش افكار يا حلا
حلا: عندي بس خلي ان اليوم يكون مميز عليا وانا هظبطلكوا الدنيا
فهد: على ضمانتك يلا نروح نتغدى بقى علشان عصافير بطني بتصوصو وتكوكو
ميرنا ضحكت: طب يلا خلونا نروح
البنات والشباب ذهبوا لمطعم واكلوا وكملوا تسوق
__________________________________
في الشركة قصي فضل طول اليوم مزعوج ويتذكر اللي حصل وتذكر كلام حلا في الجراش انه مرضيش يسمعها وكان في حيرة شديدة وكان مخنوق قام وقف امام بلاكون المكتب شوية وبعد دقائق سمير دخل
سمير: قصي كنت عايز اناقش معاك الصفقة تبع........
قاطعه قصي: بعدين يا سمير انا حاليا مش قادر افكر وتعبان شوية
سمير نظر لقصي وقصي كان يعطيه ظهره سمير ترك الملف على المكتب وذهب وقف بجوار قصي
سمير: مدايق علشان اللي حلا عملته صح
قصي لم يرد
سمير: بس انت غلطان انك مديتهاش فرصة انها تبرر تصرفها
قصي بغضب: هتبرر ايه يا سمير وهو فيه حاجة تبررها اساسا يعني ايه السبب اللي هيخليها تقول قدام الكل انها متعرفنيش واني مجرد رجل اعمال بالنسبة ليها ولما رجل الامن سألها قالتله قريبي
سمير: بس هي مش غلطانة ومعاها حق
قصي بغيظ: والله انت شايف كدة
سمير: اه يا قصي لان مفيش حاجة رسمي بينكوا يعني انت المفروض متدايقش واكيد مش هتقول لرجل الامن انك حبيبها لان محدش يعرف انها معاك وانها ماسكة مهمتك وبكدة ممكن هي تفتح العين عليها ويكتشفوا الحقيقة قصي....حلا ميفرقش معاها حد غيرك ولا حتى نفسها فمتبقاش دبش ومتهور ومتسرع في الحكم عليها واتعلم ولو مرة في حياتك تسمع اللي قدامك وتديله فرصة انه يبرر تصرفاته وكل واحد على وجه الارض عمل تصرف اكيد عنده المبرر لتصرفه ده.......قصي بلاش تقسى على حلا لانها مش ناقصة وفيها اللي مكفيها محدش يعرف انها في البلد ومحدش يعرف انها ماسكة مهمتك ممكن يكون ده سبب من احد الاسباب اللي خلاها تقول انها متعرفكش وممكن يكون عندها سبب تاني اقوى اسمعها ولو مرة في حياتك مش هتندم ومش هتخسر ولا هيتقل منك لو سمعت الطرف الاخر ولو كان فيه حد غلطان في الموضوع فالحد ده انت
قصي بصدمة واستغراب: انا
سمير: ايوة انت يا قصي لانك مش خطيبها ولا جوزها علشان تحكم عليها بالطريقة ديه وتاخد موقف منها اساسا هي مش مطلوب منها تبررلك بس هي ميهونش عليها زعلك وجرحك ووجعك فبلاش تظلمها اسمعها الاول وبعدين احكم عليها....عموما ديه حياتك بس انا قولت انصحك كأخ كبير وفي الاول والاخر ديه حياتك وانت حر فيها...انا هروح اكمل شغل وانت لو حاسس نفسك تعبان او مش عارف تركز في الشغل روح على البيت ولو اني من رأيي تكلم حلا وتخليها تشرحلك...يلا سلام
سمير خرج وترك قصي في حيرته فكر انه يتصل بحلا بس غروره لم يسمحله ورجع عن قراره وترك هاتفه وبدأ يشتغل ويحاول ينسى الموضوع
__________________________________
في شركة الدالي وفي وقت البريك جميلة ذهبت لمكتب آسيا علشان يتغدوا مع بعض وكانوا يتحدثون
جميلة بزعل: بت يا آسيا تفتكري الخطة هتنجح
آسيا بلا مبالاة: معرفش
جميلة بغيظ: عن ابو برودك انتي ازاي كدة يا بنتي يعني الموضوع مش همك
آسيا بإنزعاج وغضب: يعني عايزاني اعمل ايه انا مش شايفة منه اي رد فعل ولا تصرف بيدل على اخره معايا هيبقى ايه وانا مبفكرش في الموضوع وزي ما تيجي تيجي
ادم هنا دخل وكان سامعهم من برا لانه كان داخل مكتب اريان آسيا وجميلة لما شافوه وقفوا ونظروا له بصدمة وتوتر
ادم بإستغراب: مالكوا في ايه فيه مشكلة
آسيا ابتسمت بتوتر: ابدا مفيش مشاكل نهائي
ادم: اومال كنتي متعصبة ليه وعن انهي خطة بتتكلمي يا جميلة
جميلة نظرت له بصدمة وتوتر ولآسيا ومن ثم اعادت نظرها لادم
جميلة: ا.....ابدا......مفيش حاجة
ادم رفع حاجبيه وبغيظ: والله طب انا عاوز اعرف خطة ايه اللي بتتكلموا عليها
جميلة بغيظ: ولو اني اظن شئ ميخصكش واحنا في مكان شغل
ادم: لا يخصني لان الشركة شركتي وغير كدة احنا في وقت الغدا فتقدري تشرحيلي عادي
جميلة: اذا كان كدة اسمع الخطة اللي احنا بنتكلم عنها.....
آسيا قاطعتها بتوتر وخوف: جميلة خلاص اسكتي
جميلة: لا استني لازم اشرحله مادام هو عايز يعرف يمكن يقدر يساعدنا
ادم بإستغراب: هو في ايه بالظبط
جميلة ابتسمت بغيظ: ابدا بس كل القصة احنا حاسين ان مالك ويزن عاملين لنا مفاجأة في عيد الحب واحنا فضولنا هيموتنا ونعرف ايه هي فعملنا خطة اننا مدايقين منهم علشان يصالحونا ويقولولنا على المفاجأة بس هما لحد دلوقتي معبروناش......عندك فكرة هما هيعملولنا ايه او عندك فكرة تقولها تخلينا نقدر نعرف المفاجأة ايه
آسيا تنفست بإرتياح وغمضت عينيها وادم اتغاظ بس مبينش وجميلة كانت مبتسمة وعرفت وحست انه اتغاظ
ادم بجمود: لا معنديش فكرة هو هيعمل ايه وانا مبفهمش في الامور ديه
جميلة ضحكت بخفة: توقعت الرد ده منك علشان كدة قولتلك شئ ميخصكش لانك مبتفهمش في الامور ديه
ادم نظر لها بإشتعال وبغيظ: اظن اننا في مكان شغل علشان سيادتكوا تقعدوا وتخططوا هتعملوا ايه مع حبيب القلب
آسيا بإستغراب: بس احنا يعتبر برا ساعات العمل لان ده وقت البريك والغدا فقولنا ندردش ومأظنش انكوا هتحددولنا المواضيع اللي هنتكلم فيها
جميلة: بالظبط وبعدين انت لسة قايل اننا في معاد البريك فعادي اني اتكلم ولا هو حلو لحضرتك واحنا لا يعني....وبعدين امور القلب ديه بتبقى خارجة عن الإرادة يعني مش بإيدينا بنفكر فيهم من غير سبب وبسبب كمان في اي وقت يعني لو تعرف ان فيه حاجة اسمها الشوق يعني مشتاقين ليهم وعايزين نشوفهم بس مأظنش هتفهم في امور الحب لانك بتفهم في امور الشغل وبس عموما حضرتك عايز حاجة وبعدين هو سيادتك جاي تتسمع احنا بنقول ايه
ادم بغيظ: وهتسمع على حديثكوا ليه ولا يهمني في حاجة انا كنت جاي لاريان وسمعتكوا وانا داخل بالصدفة مش اكتر وبعدين شئ ميخصكيش اتنصت ولا لا الشركة شركتي وانا حر فيها
وتركها ودخل مكتب اريان وجميلة دخلت في غيبوبة ضحك
آسيا ابتسمت: طلعتي الراجل عن شعوره
جميلة: لا الاهم كان هيموت من الغيظ وملامحه متتفسرش وقال ايه مش بنحبهم..وقلدت صوته
آسيا ضحكت بخفة: بجد الله يكون في عون حلا ديه هي اللي بتحاول تقنعهم
جميلة: اه والله صعبانة عليا......آسيا
آسيا نظرت لها: في ايه مالك قلقانة ليه
جميلة بقلق وخوف: خايفة بسببنا تحصل مشكلة بينهم ويتخانقوا ويفترقوا بسببنا
آسيا بتفكير: تصدقي فعلا معاكي حق
بعد ثواني آسيا هزت رأسها كأنها تتخلص من افكار زي ديه
آسيا: بس ادم واريان بيحبوا حلا اوي ومستحيل يزعلوها او تهون عليهم
جميلة: وجهة نظر برضه خلينا نكمل اكل وبعدين نخلص شغل علشان نروح
آسيا وجميلة بدأوا اكل وادم دخل لاريان وكان متعصب اريان كان يأكل ويشرب قهوة نظر لادم بإستغراب
اريان: مالك في ايه على وشك غضب الله ليه
ادم بغضب وغيظ: هاين عليا امسك الزفتة اللي برا اللي اسمها جميلة هي ومالك واقتلهم واخلص منهم
اريان ضحك: طب اهدى بس وقولي في ايه
ادم حكاله اللي حصل واريان دخل في غيبوبة ضحك
ادم بغضب اكبر: انت بتضحك على ايه
اريان: مش انت اللي سألتها وهي جاوبتك مدايق ليه. وضحك
ادم بغيظ: على فكرة قالتلي ان يزن كمان هيعمل مفاجأة لآسيا
اريان اختفت من على وجهه الابتسامة
اريان بغيظ: افندم
ادم بغيظ: ما انت لسة كنت بتضحك من شوية
ادم واريان سكتوا
ادم: احنا لازم نمنعهم من الخروج مع يزن ومالك بس ازاي هنعمل كدة
اريان بتفكير: هنرفض اجازتهم ونخليهم ينزلوا الشغل ونِشغلهم في الشغل
ادم: فكرة برضه
اريان: طب تعالى كل قبل ما الاكل يبرد
ادم: ده انا ميت جوع
اريان وادم اتغدوا سوى وقعدوا يخططوا لمنع آسيا ويزن وجميلة ومالك من الخروج مع بعض في عيد الحب
__________________________________
في المول البنات خلصوا تسوق على الساعة ٥ مساءا
انجلي بتعب: اااااه يا رجلي مش قادرة وبعد كل اللف ده ملقيتش فستان حلو او طقم حلو
مايا: مع انك نقيتي اطقم كتير وكانوا حلوين بس معرفش ليه حلا معجبهاش وبعدين هو انتي اللي هتلبسي ولا حلا
انجلي: بس ذوق حلا حلو
حلا: معجبونيش لانهم مش مناسبين ليها ولشخصيتها واما الفساتين مفيش فستان هيليق بعيد الحب يعني تلبس حاجة رقيقة جدا لانها مش هتروح فرح عموما ما علينا كدة كدة اكيد دولابك مليان فساتين وهدوم او ممكن يوم عيد الحب او قبليه بيومين او يوم ننزل نشوف اللبس تمام
انجلي: تمام
روما: ما تيجي تباتي معانا انهاردة يا نونو
انجلي: لا خليها مرة تانية بلاش انهاردة
فهد: حلا بخصوص الهدايا بتوعنا فينهم
مايا بإستغراب: هدايا ايه
فهد: هيكون هدايا ايه هدايا لاسماء علشان عيد الحب وهدايا لساندي علشان لوئي هيهديها في عيد الحب هدايا وفيه فارس ورقية وحازم ومريم
حلا: لسة هظبطهم وهبعتهولكم وممكن تستلموهم في المكان اللي هتعترفوا فيه بحبكم وابقى قول لحازم يكلمني ضروري
لوئي: إشطا انا معنديش مانع
فارس: ولا انا
فهد: وانا راشق وكدة كدة سيبلك انتي التخطيط والتنفيذ كمان وهبقى اقول لحازم يكلمك من عنيا
مايا وروما اتغاظوا من حلا وفهد ولوئي
حلا ابتسمت: يبقى كدة تمام
روما بغيظ: طب يلا بينا احنا نروح
حلا: اه يلا اركبوا عربيتكوا وامشوا قدامي على البيت يلا
كل واحد ركب سيارته وانطلق على البيت
__________________________________
سمير خلص شغل في الشركة وحازم خلص وروح سمير قرر يفوت على قصي ويشوف اخباره ايه واذا كان هيروح ولا لا سمير دخل مكتب قصي
سمير: قصي هتروح ولا ايه نظامك
قصي: لا فيه شغل كتير لازم على الاقل اخلص معظمه انت روح انا هتأخر في الرجوع على البيت
سمير: طيب مش محتاج مساعدة او حاجة
قصي ابتسم: لا تسلملي يا اخي الحبيب
سمير ابتسم: ماشي يا اخي الصغير سلام
قصي ضحك بخفة: سلام
سمير ذهب للبيت وقصي ظل بالشركة
__________________________________
حلا والبنات رجعوا البيت ودخلوا البيت وتفاجئوا بإيلين
مايا بسعادة: إيل حبيبتي وحشتيني مووووت
وعانقتها بقوة وإيلين بادلتها العناق
إيلين: انتي اساسا كلبوبة علشان جيت وملقيتكيش في البيت
حلا: انتي دخلتي ازاي
إيلين: من بلكون الجنينة هيكون منين يعني
روما ضحكت: عارفة مثل صغير بس يحير هو ده
إيلين بإستغراب: هو مش كان قصير بس يحير
روما: ياختي قصير صغير الاتنين معنى واحد تعالي هاتي حضن
إيلين ضحكت وعانقت روما
حلا: انا مش محتاجة حضن لاني شوفتك الصبح
روما بإستغراب: ايه ده شوفتوا بعض فين
حلا: شوفنا بعض في بيت قصي هي جت علشان تشوف فهد ولوئي وتتعرف عليهم
إيلين: بس بجد يا حلا لوئي وساندي بجد ثنائي يجنن وفهد وراني صور ليه هو واسماء مع بعض بجد يعني ربنا يحرسهم ويخليهم لبعض
حلا ابتسمت: فعلا معاكي حق
روما ومايا نظروا لإيلين وحلا بإستغراب وغيظ وبعدين طلعوا على غرفتهم من غير ما ينطقوا حرف واول ما دخلوا غرفتهم حلا وإيلين ضحكوا
إيلين: انا كنت حاسة اني مش هرجع لابويا وامي بعد نظرتهم ديه
حلا ضحكت: محدش يقدر يجي جنبك يا روحي طول ما انا عايشة
إيلين: لا بجد هما مصدقين نفسهم ازاي بكل ثقة بيقولوا انهم مش بيحبوهم
حلا: اسكتي ده انا روحي طلعت ومرارتي اتفقعت وقلبي وجعني من كتر الكلام فاضل اربعة ايام على عيد الحب ومش عارفة اعمل معاهم ايه
إيلين: لازم نزود الشغل اكتر
حلا رفعت احد حاجبيها وبغيظ: اكتر من كدة ايه
إيلين نظرت لحلا: معاكي حق
إيلين وحلا سكتوا بضع دقائق وحلا اخذت ترى الاكياس وتنظم هدايا الشباب وحاولت تضع هدايا كل واحد في كيس لوحده علشان متتلغبطش بينهم الى ان قطع هذا الهدوء إيلين
إيلين بتفكير: حلا......ممكن نخلي البنات يخافوا على الشباب من انهم يخسروهم للابد وكذلك نعمل مع ادم واريان ونخليهم يمروا بنفس الشعور تجاه آسيا وجميلة
حلا بعدم فهم: قصدك ايه وبعدين ما انا ده اللي بحاول اخليهم يمروا بيه يعني انهم هيخسروهم
إيلين ابتسمت: هيخسروهم كملكية انما ممكن يشوفوهم
حلا بعدم فهم: ملكية قصدك ايه مش فهماكي
إيلين: قصدي انهم يعني يخسروهم كملكية يعني مش هيبقى ليهم الحق الكلي فيهم يعني زيك انتي وقصي وهيبقوا ملك شخص تاني بس في نفس الوقت هيقدروا يشوفوهم في الشغل او برا فهمتي
حلا: فهمت قصدك بملكية بس هنعمل ايه يعني هنخليهم يحسوا انهم هيخسروهم ازاي
إيلين ابتسمت: حلا انتي كحبيبة قصي وبتحبيه ايه اكتر حاجة ممكن توجع قلبك عليه او تحسي انك ممكن تخسريه ومتقدريش تشوفيه تاني وده هيخلي مشاعرك تتحرك وهتخافي عليه وتموتي من الرعب عليه
حلا بعفاوية وبدون تفكير: لو حصله حاجة او دخل المستشفى لا قدر الله او عمل حادثة..... اتخطف......اتصاب مثلا برصاصة او سكينة يعني بالمختصر لو اتأذى او اتجرح جرح صغير ولو تعب او حاسس بوجع
إيلين اتسعت ابتسامتها: بالظبط وده اللي هنخلي اخواتك يمروا بيه
حلا نظرت في عيون إيلين مباشرة تقرأ افكارها وبعد ثواني
حلا: قصدك نقولهم انهم عملوا حادثة على الطريق والحادث خطير وممكن انهم يموتوا فيه
إيلين: بالظبط وممكن علشان ميبنش الموضوع تمثيل هنقول لروما ان لوئي اتصاب في احد المهمات ولمايا ان فهد حد اتهجم عليه وضربوا بسكين او ان عربيته عمل بيها حادث ونقول لاريان ان آسيا اتخطفت ولاقوها في الطريق فاقدة الوعي ومجروحة وممكن نقول لادم ان فيه حرامية هجمت على بيت جميلة
حلا: هي فكرة حلوة بس انتي ناسية انهم ممكن يروحوا المستشفى يسألوا عليهم
إيلين بتفكير: هنقولهم ان الموضوع من يومين وهما في البيت
حلا ابتسمت: افرضي راحولهم البيت وقتها ايه
إيلين: حلا انتي شرطية ودكتورة وممثلة يعني لما كانت جامعتك او مدرستك بيدخلوا مسابقات كانوا بيرشحوكي ويختاروكي من غير تفكير وغير كدة بتفهمي في الميكاب كويس
حلا: قصدك اروح للبنات واعملهم ميكاب على انهم مجروحين وكذلك فهد ولوئي صح
إيلين: بالظبط وممكن لوئي يتظاهر انه مضروب بسكين في بطنه كدة كدة روما مش هتقوله اقلع قميصك او تيشيرتك علشان تتأكد انه متصاب
حلا: بس الموضوع هياخد وقت كبير يعني على ما نقول للشباب والبنات ونتفق معاهم وطبعا لازم نقول لعمي واخوكي ويزن ومالك علشان يكونوا في الصورة وكمان هنضطر نفهم الموضوع كله لوالد آسيا عمو وليد ولوالد جميلة عمو عماد فده تقريبا عايز حوالي اسبوعين تلاتة على ما نقول للكل ونخطط ونتفق ونفبرك الموضوع بحيث انه يتصدق فلا بقولك مفيش معانا غير اربع تيام على عيد الحب
إيلين: ممكن انا وفارس نتولى الموضوع واكيد جميلة وآسيا ولوئي وفهد معانا وكمان انجلي وقصي وسمير وجاسر اخوكي عارف صح
حلا: اه عارف
إيلين: حلو ما احنا كذا واحد اهو
حلا: انا هركز في الهدايا وديكور المكان اللي هيعترفوا فيه ولا هركز في فبركة قصة حوادث لوئي وفهد وآسيا وجميلة ده غير شغلي والمهمات والمصايب ده هيبقى ضغط عليا
إيلين: طب خلاص سيبي الموضوع عليا
حلا: ومين هيقعد يكلم اهل البنات امي
إيلين: عمو وليد وعماد عارفني انا ممكن اروح اتكلم معاهم وبعدين هما عارفين رقية ممكن هي تقنعهم وفيه مايا كمان
حلا تنهدت: يارب انا تعبت ومبقيتش عارفة اعمل ايه........انا هروح احط الهدايا في العربية واجي
إيلين: طب ليه ما تطلعيهم على اوضتك
حلا: لاااا بدل ما ريا وسكينة اللي فوق يدخلوا ويبوظوا الهدايا وساعتها الشباب هيلففوني مولات مصر كلها مش هقولك اسكندرية علشان الاقي زي الهدايا هي هي نفسها وده هيبقى شئ مستحيل فخليني في السليم احسن وكدة كدة لسة محتاجين تظابيط
إيلين ضحكت: عندك حق والله
حلا: مش هطول
حلا خرجت وضعت الهدايا في سيارتها ودخلت البيت طلعت غرفتها غيرت هدومها ونزلت ذهبت للمطبخ لتجهيز حلويات وعشا للشباب لما يرجعوا
__________________________________
في غرفة البنات بالاعلى مايا وروما دخلوا غرفتهم ورموا الاكياس اللي بيدهم على السرير
مايا بغيظ: انا هموت وانزل فيهم ضرب هما الاتنين فهد واسماء وحلا وإيلين كمان وحلا بالذات لانها هي السبب
روما بغيظ: لا وإيلين بكل برود بتقول انهم ثنائي يجنن وربنا يخليهم لبعض ربنا ياخدهم.......او ياخد ساندي بس لوئي لا
مايا: وياخد اسماء كمان الاهي تعمل حادثة او تتشل قبل عيد الحب وميتجوزهاش ولا يعترفلها بحبه
روما لئلئت الدموع في عينيها: مايا هنعمل ايه والله ممكن اروح فيها لو لوئي اتجوز ساندي
مايا: وانا ممكن اموت لو فهد اتجوز الحرباية ديه اللي اسمها اسماء.....مش عارفة نعمل ايه
روما: معقولة يكون حلا معاها حق اننا بنحبهم علشان كدة حاسين بالشعور ده وحاسين بالوجع
مايا بحيرة: معرفش انا تعبت ومبقيتش فاهمة نفسي حتى ولا فاهمة حاجة
مايا وروما قعدوا يفكروا في كلام حلا بحيرة
__________________________________
قصي ظل بالشركة لحد الساعة ٩ مساءا بعدين رجع البيت اخذ شاور سريع وغير هدومه ولم شنطته وذهب لبيته وقفل تليفونه
__________________________________
في بيت الدالي ادم واريان رجعوا البيت واخذوا شاور وغيروا هدومهم وحلا حضرتلهم العشا وكلوا بس هي لم تأكل معاهم
اريان: حلول مش هتاكلي معانا
حلا: لا يا حبيبي انا اتغديت متأخر مش قادرة كلوا انتوا واشبعوا وانا هدخل اشوف اخبار الحلو ايه واجهز فشار انهاردة مفيش شغل هنسهر نتفرج على فيلم
إيلين: ايوة بقى واوعى بقى ده احنا هنظبط انهاردة
الكل ضحك
ادم: والله يا إيل وحشتيني والاكتر وحشني هبلك وجنونك ده
إيلين بغيظ: تشكرات يا سي ادم
ادم ضحك: انتي بعد سي ادم ديه متتكلميش تاني خالص
إيلين: خلاص تحب اقولك يا سي السيد ولا يا حضرة الكينج يا جامد بس خد هنا يا ادومة انت محلو كدة ليه ده انا فضلي شوية وهقع في حبك يا اخي
ادم بغرور: اومال انتي فاكراني ايه
إيلين: يخرب ام التواضع اللي مغرقك من ساسك لراسك
الكل ضحك
حلا: طب لمي لسانك شوية شوية تمدحي في قصي وفي فهد ولوئي ودلوقتي اشتغلتي على ادم مالك في ايه بتدوري على عريس ولا ايه
إيلين: حاجة زي كدة بس فين الواد جاسر مش شايفاه
روما: حبيبتي اللي بتقولي عليه واد ده اكبر منك بأربع او تلات سنين ده انا اللي اخته لو قولتله واد ممكن يشعلقني
إيلين: انتي ناوية تكبريني ولا ايه انا عندي عشرين بس وجاسر عنده ٢٣ يعني اكبر مني بثلاثة سنوات مش كتير يعني وبعدين هو مبيحبش يكبر نفسه اركني على جنب بقى وملكيش فيه
حلا ضحكت: هو في الشغل هيتأخر شوية وبعدين انتي كدة كدة بايتة معانا متقلقيش هتشوفيه ياختي
إيلين: والنبي هو الوحيد الفرفوش فيكوا انتوا عاملين زي الستات المطلقة ونكديين وبوم
حلا: شكرا يا ذوق يا محترمة يا واطية
مايا: بقى احنا وش بوم ماشي يا اللي شبه القرد
إيلين: انا شبه القرد انتي مبتشوفيش ولا ايه وبعدين الواد فهد مز اوي ده فرصة تتعوض انتي ازاي محبيتهوش يا بت يا مايا
حلا: لا ما انتي لسة قايلة انها عامية ومبتشوفش
إيلين: تصدقي معاكي حق يعني لو كنت قابلته قبل اسماء ديه كنت خطفته واتجوزته الواد مز اوي يا حلا يخربيت جمال امه ولا لوئي هو ليه عمو احمد جايب ولاده مزز اوي يعني يا بخت البت اسماء بفهد ويا بخت ساندي بلوئي ويا بختك يا حلا بقصي يعني واخدين المزز يا ولاد الإيه
مايا بغيظ: فيه سمير لو تحبي وعندك كمال كمان
إيلين بإستغراب: كمال مين
حلا: بن عم قصي واخو فهد بس هو مسافر في شغل الايام ديه ومطول شوية
إيلين: امم قولتيلي اخو فهد طب هو مز زي فهد كدة
حلا: لا كدة كتير عليا انا هروح اشوف الحلو بدل ما مرارتي تتفقع عن اذنكوا
ادم واريان وروما ورقية ضحكوا
إيلين: هو انا قولت حاجة غلط
رقية: يا بنتي اهدي شوية ده انتي طلعتي اسخن من مايا في وصف الرجالة يخرب كدة
إيلين: طب انتي قوليلي كمال مز زي فهد ولا
رقية: معرفش ياختي وبعدين انا مبركزش في الشباب
روما: بس بتركزي مع فارس صح
رقية: اه ياختي اركز مع فروستي هو اولى وبعدين وانتي مالك كنت بركز مع لوئي وانا معرفش
إيلين: لا ده لوئي حكاية تانية الواد عليه عيون يختااااااي
رقية وادم ومايا واريان ضحكوا
روما بغيظ: شكلك مش لاقية حد يلمك وان ملميتيش نفسك انا هقوم المك
رقية بضحك: اسكتي بدل ما نترحم على روحك اهدي
مايا: انا بقول انك تتمسي على المسى وتشيلي من قاموسك لوئي وفهد احسنلك
الكل خلص اكل ولموا الاطباق وساعدوا حلا في سكب الحلو والفشار وحلا اختارت فيلم كوميدي يتفرجوا عليه
حلا: اتفرجوا وانا هعمل مكالمة واجي
إيلين: هتطمني على حبيب القلب صح
حلا بغيظ: وانتي مالك ايه الرخامة ديه
رقية ضحكت: يبقى كدة فعلا هتكلمي حبيب القلب
حلا ذهبت واتصلت بقصي بس تليفونه كان مغلق حلا قلقت فأتصلت بأنجلي
__________________________________
في بيت الشناوي انجلي كانت بغرفة ستها ساعدتها لتستريح وغطتها وخرجت من غرفتها وهنا اتاتها مكالمة فأجابت
انجلي: اخبارك ايه يا حلول
حلا: انا كويسة يا حبيبتي هو انتي في البيت
انجلي: اه كنت في المستشفى ولسة داخلة اهو
حلا بإستغراب وقلق: ليه في ايه فيه حد حصلوا حاجة قصي كويس
انجلي ابتسمت: اهدي كله كويس بس تيتا ضغطها نزل شوية فاخدتها على المستشفى وعملتلها شوية فحوصات ولسة راجعين اهو بس متقلقيش هي كويسة
حلا: طيب يا حبيبتي بس لو حصلها حاجة تاني ابقي قوليلي ولازم تخليها تعمل فحوصاتها اسبوعيا يا انجلي
انجلي ابتسمت: حاضر يا حبيبتي بس هو انتي اتصلتي ليه فيه حاجة
حلا بقلق: بصراحة اتصلت بقصي علشان اطمن عليه لاقيت تليفونه مغلق فقلقت فقولت اتصل بيكي انتي تطمنيني عليه
انجلي بإستغراب وقلق: غريبة مش من عوايده يقفل تليفونه طب استني هطلع اشوفه في اوضته كدة
حلا: ماشي بس لو نايم متصحيهوش
انجلي ابتسمت: حاضر لحظة واحدة
انجلي طلعت على غرفة قصي ودخلت استغربت عندما لم تراه في غرفته
انجلي بإستغراب: حلا هي الساعة كام معاكي
حلا: يعني تيجيلها عشرة او عشرة الا بس ليه
انجلي: لا عادي بسأل لحظة واحدة
انجلي دخلت غرفة الملابس وفتحت الدولاب لم تعثر على هدوم قصي فإبتسمت وخرجت من غرفته
انجلي: قصي مش في البيت
حلا بقلق: اومال هيكون راح فين في وقت زي ده ومش من عو........
قاطعتها انجلي: اهديييي وخليني اكمل.....احنا اتفقنا علشان نخلي ساندي ترجع بيت اهلها هنعمل تمثيلية ان قصي مسافر في شغل ومنعرفش هيرجع امتى فممكن يكون هو قفل موبايله علشان ساندي تصدق ومتحاولش تتصل بيه وتزعجه وهو كلها كام يوم وهيرجع تاني فمتقلقيش
حلا: طيب يا انجلي بس غريبة انه مقاليش ولا حتى بعتلي مسدج هو كدة قرر ياخد موقف من غير ما يسمعني ماشي على راحته عموما هسيبيك ترتاحي وبكرة نبقى نتكلم
انجلي: هو مأتصلش بيكي ولا كلمك طول اليوم
حلا: لا ولا انا كلمته على اساس انه هيهدى ويكلمني على الاقل يطمن اذا كنت وصلت ولا لا بس خلاص بقى متشغليش بالك وروحي ارتاحي يلا عايزة حاجة
انجلي بإبتسامة: عايزة سلامتك يا حبيبتي
حلا: تصبحي على خير
انجلي: تلاقي الخير
حلا قفلت مع انجلي وكانت مدايقة من قصي وفي نفس الوقت خايفة عليه تنهدت بقوة ودخلت لاخواتها وجلست معهم لكنها لم تكن مركزة مع الفيلم وكذلك ادم واريان وروما ومايا كل واحد كان في دنيا تانية الفيلم خلص وإيلين ورقية نظروا للكل بإستغراب بس اكتر حد استغربوه حلا
رقية بصوت واطي: حلا في ايه فيه مشكلة
حلا استيقظت من شروده وحاولت تبتسم: ابدا مفيش
إيلين: قصي مدايق منك صح او اتخانقتي انتي وهو صح
حلا هزت رأسها بالموافقة وكانت مخنوقة وباين على وجهها الحزن والوجع والخوف
رقية بإستغراب: هو ايه اللي حصل
حلا حكت كل حاجة بس كان باين من صوتها انها مخنوقة وشوية وهتعيط
رقية: طب اهدي هو ممكن يكون بيحاول يهدي نفسه علشان يعرف يسمعك وبعدين اكيد مش هيقدر يفضل بعيد عنك وهيسمعك اكيد
حلا سكتت وسندت رأسها على الكنبة التي تجلس عليها واغمضت عينيها
ادم: حلا هو انتي قولتي للبنات ان الشباب عاملين مفاجأة ليهم
حلا فتحت عينيها بإستغراب: لا مقولتش حاجة لجميلة وآسيا اساسا بقالي فترة مكلمتهمش يعني من ساعة الخطوبة
اريان: هو انتي لسة بتساعدي الشباب علشان موضوع جوازهم
حلا تنهدت: اه ليه بتسأل
ادم: انا عايز افهم انتي بتساعديهم ليه
حلا ببرود: اومال عايزني اعمل ايه
روما: يعني هتستفيدي ايه لما تساعديهم وتوقفي ضدنا
حلا بصدمة: اقف ضدكوا
ادم: اه توقفي ضدنا مالك اتصدمتي ليه ماهو ده اللي انتي بتعمليه دلوقتي بتساعديهم انهم يتجوزوا بس احنا مش عايزين ده يبقى انتي واقفة ضدنا بس ليه بتعملي معانا كدة
حلا وقفت وبهدوء: انا مبعملش معاكوا حاجة انا قبل ما اساعدهم جيت وسألتكوا بكل صراحة ووضوح بتحبوهم قولتولي لا لما انتوا مبتحبوهمش ليه مش موافقين على جوازتهم وبعدين انتوا مين اساسا علشان تعترضوا او توافقوا او حتى ترفضوا
مايا وقفت وبغضب: بس متدعمهمش وتوقفي في صفهم وتساعديهم في الجواز كمان انتي بالتصرف ده بتقتلينا وانتي مش حاسة
حلا بغيظ: واحد وجيه طلب مساعدتي علشان يعترف بحبه لواحدة هقوله لا....يعني هرفض ليه يعني هقول لفهد اصل مايا مش عايزاني اساعدك وبعدين وانتوا مالكوا اساعدهم او لا ديه حرية شخصية وترجعلي انا
اريان وقف وبغيظ وغضب: لا مش حرة يا حلا مش حرة انك توقفي ضدنا وتيجي علينا بالشكل ده ده انتي محسسانا انك عدوتنا مش اختنا وانك اختهم
حلا اتصدمت من كلامه: عدوتكوا بقى كل اللي طلع معاك اني عدوتكوا
رقية وإيلين يعلمون ان حلا تعبانة ومش ناقصة فوقفوا وحاولوا يهدوا الموضوع
رقية بتوتر وقلق: حلا اهدي اكيد اريان ميقصدش
إيلين: اهدوا بس يا جماعة وصلوا على النبي اكيد فيه حل
اريان بغضب: لا انا عارف انا بقول ايه واقصد كل حرف وكلمة هي فعلا عدوتنا
ادم بغضب: يعني انا اللي مش عارف افسره ليه مصرة تخربي علينا حياتنا يعني ليه بتئذينا بالطريقة ديه
حلا اتصدمت من كلام اريان وادم وكانت تنظر لهم بصدمة ولم تنطق بحرف
روما بغضب: حلا مش ذنبنا انك عيشتي عشر سنين بعيدة عن قصي وانك اتعذبتي يعني ليه عايزانا نمر بنفس العذاب
حلا اتصدمت اكتر من كلام روما ورقية وإيلين كمان اتصدموا من كلامها
حلا بصدمة: بس انا عمري ما هتمنلكوا الوجع ابدا ولا عايزاكوا تمروا في اللي انا مريت بيه
مايا ضحكت بسخرية: لا ماهو واضح فعلا انك مش عايزة تخلينا نمر في اللي انتي مريتي فيه يعني تسمي انك بتدعمي الشباب وتساعديهم انهم يتجوزوا ده تسميه ايه احنا مش عايزينهم يتجوزوا وانتي عارفة ده كويس وحتى قبل ما تساعديهم عارفة ان حاجة زي ديه هتجرحنا وتوجعنا ومع ذلك وافقتي تساعديهم يعني بتشاركيهم في انهم يوجعونا يا حلا انتي كدة مسمية نفسك اخت وانك مش عايزانا نتوجع
روما: مفيش اخت تشترك في وجع اخواتها ابدا انتي مستحيل تكوني اختنا
مايا: مش ذنبنا ان حياتك كانت مليانة اعداء وعيوب وانك في حياتك منبسطيش ولا ارتاحتي مش ذنبنا انك اتوجعتي علشان تخلينا نمر في وجع ومرار وعذاب زي ما انتي مريتي فيه
رقية بصراخ: ماياااااا
اريان: انتي ليه بتسكتي مايا يا رقية مايا معاها حق ومش بعيد فعلا انك تكوني مش عايزانا نكون مبسوطين في حياتنا ابدا علشان كدة بتعملي كدة معانا
ادم: انا عمري ما شوفت اخت بتخرب حياة اخواتها زيك وحقودة زيك ياريت تخرجي من حياتنا وتسيبينا في حالنا
روما: ياريت تبعدي عننا
مايا: وياريت متوريناش وشك مرة تانية في حياتنا انا عمري ما هسامحك على اللي انتي عملتيه فينا ولا على الوجع اللي خلتينا نمر فيه
اريان: من يوم يومك مبتفكريش غير في نفسك وجاحدة وقلبك من حجر حتى انك فضيلتي بعيدة عن قصي عشر سنين حتى من غير اي سبب ومن غير حتى ما تفسريله او تشرحيله عارفة ليه لان ده طبع عندك تخلي الناس تتوجع حتى انك كنتي بترفضي تكلميه او تقابليه انتي انانية يا حلا ومبتحبيش تشوفي حد مبسوط
كل واحد منهم ذهب على غرفته حلا كانت مصدومة بكلام اخواتها رقية وإيلين كانوا يقفون بجوارها ويبكون من دون صوت وينظرون لحلا بقلق وخوف وخصوصي ان حلا لم تنطق بحرف على كلام اخواتها وكمان لم تنزل دمعة واحدة حلا تركت البنات وطلعت على غرفتها وقفلت على نفسها الباب ولم يصدر منها اي رد فعل
رقية بعياط: انا خايفة على حلا ومش عارفة ممكن تعمل ايه في نفسها
إيلين بعياط: انا....انا هتصل بفارس يمكن يعرف يهديها او يتصل بقصي
إيلين اتصلت بفارس بس تليفونه كان مغلق
إيلين بإنهيار: تليفون فارس مغلق هنعمل ايه
رقية بإنهيار ايضا: مش عارفة........ا....اتصلي بعمو محمد خليه يجي
إيلين: اه بابا.....بابا هيعرف يتصرف هتصل بيه
إيلين اتصلت بمحمد محمد رد
محمد بتعب ونوم: الو..... مين معايا
إيلين بدموع: ا....انا إيلين يا بابا
محمد قام مفزوع وبقلق: مال صوتك هو مش انتي عند حلا
إيلين بإنهيار: اه بس اخواتها اتخانقوا معاها وقالولها كلام جارح اوي يا بابا انا خايفة على حلا اوي هي حبست نفسها في اوضتها ولا عيطت ولا ردت على كلامهم بابا ونبي تعالى بسرعة حاول تتكلم معاها انا خايفة يحصلها حاجة او كلم قصي انا بتصل بفارس تليفونه مغلق ابوس ايديك يا بابا اتصرف بسرعة
محمد قام بسرعة من على السرير بقلق: طب اهدي انا هلبس وهاجي بسرعة اهدي انتي بس وحاولي تتصلي بفارس تاني متقوليش حاجة لقصي علشان ميقلقش تمام كلمي اخوكي وخليه يجيلكوا وانا هلبس بسرعة واجي ماشي يا حبيبتي انا مش هتأخر بس اهدي انتي يلا سلام
إيلين بدموع: حاضر سلام
إيلين قفلت مع والدها
رقية: قالك ايه
إيلين: قالي احاول اكلم فارس واخليه يجي
رقية: طب تعالي نخرج الحديقة يمكن تكون مشكلة شبكة
إيلين: ماشي
البنات خرجوا وحاولوا يتصلوا بفارس
__________________________________
في غرفة حلا بالاعلى حلا جلست على السرير بصدمة وكانت دموعها على وجنتيها مثل الشلال تبكي من دون صوت قلبها يعتصر من شدة الوجع وكان يتردد بأذنها كلام اخواتها حلا دخلت غرفة الملابس غيرت هدومها واخذت شنطة ووضعت فيها هدومها ومسحت دموعها واخذت اشيائها وخرجت من الغرفة بهدوء وقفلت بابها ونزلت وخرجت ركبت سيارتها وبعدت عن البيت ولم يشعر بها احد ذهبت لاحد البيوت الخاصة بها ولكن لا احد يعرف عن هذا البيت شئ حلا حاولت تتصل بقصي بس تليفونه مغلق عادت الاتصال حوالي خمس او ست مرات ولكن كان مغلق غمضت عينيها بوجع وحزن ودموعها لا تتوقف قفلت تليفونها ورمته على السرير وكانت تشعر بخنقة ووجع شديد في قلبها فخرجت تتمشى وتشم شوية هواء نقي
__________________________________
في المركز فارس كان خارج وقابل جاسر ولما خرجوا وبعدوا عن الانظار وقفوا امام سيارتهم
فارس: اخبار الشغل ايه
جاسر بتعب: انا مش عارف حلا بتستحمل ازاي ده انا حاسس اني هقع من طولي....انت بتعمل ايه في تليفونك هتتصل بحبيبت القلب
فارس: لا والله بفتحه علشان كنت قافله علشان كان فيه شغل كتير انهاردة ومكنتش عايز حد يزعجني.
بمجرد ما فارس انهى جملته اعلن هاتفه عن اتصال من اخته
فارس ابتسم: اهو الازعاج بذات نفسه بيتصل
جاسر: ايه رقية
فارس: ياريت ديه إيلين اختي
جاسر بصدمة واستغراب: هي رجعت من السفر امتى ومقولتليش ليه يا حيوان
فارس: طب استنى اشوفها عايزة ايه وبعدين هزأني براحتك
فارس رد بمرح: خير يا وش البرص عملتي مصيبة ايه اكيد فيه مصيبة علشان بتتصلي بيا الساعة ١٢ نص الليل خير
إيلين بإنهيار: فارس ونبي الحقني تعالى بسرعة على بيت حلا
فارس بقلق: مالك في ايه بتعيطي ليه ايه اللي حصل
إيلين: اخوات حلا اتخانقوا معاها وقالوا في حقها كلام وحش اوي وجارح وهي حابسة نفسها في اوضتها ونبي يا فارس تعالى بسرعة انا خايفة عليها خايفة لحسن يحصلها حاجة ولا تعمل في نفسها حاجة
فارس بقلق: طب اهدي انا جاي في الطريق سلام
فارس قفل مع إيلين
جاسر بقلق: في ايه
فارس: اخواتك متخانقين مع حلا وجارحينها بالكلام وحلا حابسة نفسها في اوضتها وإيلين ورقية خايفين عليها امشي خلينا نروح نشوف في ايه
جاسر: خلينا نلحق حلا ديه مجنونة ممكن تعمل في نفسها حاجة
فارس وجاسر ركبوا سيارتهم وانطلقوا بسرعة على بيت الدالي
__________________________________
في بيت حازم ومريم اصدقاء حلا وقصي
مريم: حازم انا مخنوقة خلينا نخرج شوية
حازم: انتي عارفة الساعة كام علشان نخرج وبعدين مخنوقة ليه يا بيبي تعالي بس وانا هعدلك مزاجك
حازم اقترب من مريم وحاوط خصرها وقربها اليه واخذ يوزع قبلاته على عنقها
مريم: حازم بجد عايزة اخرج....وبعدين بقالنا فترة مخرجناش يلا بقى علشان خاطري
حازم رفع راسه ونظر لها: طيب البسي يلا
مريم قفزت بسعادة: بجد انت موافق
حازم ابتسم: موافق بس لو فضلتي واقفة ساعتها هرجع عن قراري ومحدش هيرحمك مني ومش هيبقى فيه خروج بس السرير موجود يعني فيا إما تروحي فورا تغيري هدومك او معرفش ايه اللي ممكن يحصل في الثانية اللي جاية
مريم قفزت مرة اخرى و طبعت قبلة على خد حازم: بحبك يا حزومتي
وركضت على غرفة الملابس بعد ما حازم اتحرك وكان هيمسكها وضحكت
حازم: ماشي هعديها بس نرجع ومش هسيبيك اما وريتك يا مريم الكلب
مريم من خلف الباب طلعت راسها: لما نبقى نرجع بقى. ودخلت كملت لبس وحازم ضحك وغير هدومه واخذها وركب سيارته ومشي شوية
مريم: على فكرة بقول مخنوقة وعايزة اتمشى
حازم: هاخدك على مكان هادي شوية تتمشي فيه
مريم: حازم اقف هنا وخلينا ننزل نتمشى
حازم بإستغراب: هنا
مريم: اااه يلا اركن
حازم خضع لكلام مراته: حاضر
حازم ركن سيارته على جنب ونزل هو ومريم يتمشوا ومريم تعلقت بذراعه وسندت رأسها عليه
حازم: ممكن افهم مخنوقة من ايه
مريم تنهدت: مش عارفة يا حازم بس فجأة حسيت بوجع في قلبي واني مخنوقة
حازم بإستغراب: غريبة بس انتي مكنتيش بتحسي بالشعور ده غير لو حلا مثلا موجوعة او مخنوقة يعني غريبة انك تحسي بالشعور ده
مريم رفعت راسها بقلق وتفكير: معقولة يكون حصل معاها حاجة
حازم: اهدي يعني اكيد هي كويسة ليه متتصليش بيها وتطمني عليها
مريم: ماشي هتصل بيها
__________________________________
قصي كان يجلس في بيته يفكر بكلام سمير وفي تصرف حلا فجأة شعر بوجع في قلبه لم يعرف مصدره وشعر بخنقة ومكنش عارف ياخد نفسه فنزل جلس بحديقة البيت ووقف امام البحر ينظر للموج
__________________________________
في نفس الوقت حلا كانت تمشي بالشارع بدون هدف او غاية وكانت تتذكر كلام اخواتها في حقها وتذكرت العذاب اللي مرت فيه في العشر سنين وتذكرت كل وجعها وحزنها جائت سيارة من خلف حلا وكانت تسير بسرعة كبيرة وكان يظهر ان الفرامل تبع السيارة لا تعمل فكان السائق يزمر لكي حلا تنتبه ولكن حلا لم تنتبه السائق حاول ينحرف بسيارته بس للاسف لم يلحق واصطدمت بظهر حلا فحلا تدحرجت فوق السيارة واخذت السيارة كلها ووقعت على الارض وكان جبينها ينزف بغزارة وفقدت الوعي
__________________________________
قبل الحادث بدقائق
مريم بقلق: تليفونها مغلق يا حازم انا قلقانة وخايفة عليها اوي
حازم: اهدي يا حبيبتي اتصلي بمايا واسأليها على حلا
مريم بدموع: حاضر
مريم لسة هتتصل فجأة صدر صوت اصطدام قوي مريم وحازم اتفزعوا من الصوت وفجأة الناس كلها اتجمعت
مريم: هو في ايه
حازم: مش عارف بس يظهر فيه حد عمل حادثة وعربية خبطته خلينا نروح نشوف في ايه
حازم مسك ايد مريم ودخلوا في التجمع واتصدموا عندما رأوا بنت مرمية على الارض والارض غرقانة دم مريم انخفضت وجلست بالارض ووضعت يدها على كتف البنت لتلفها اليها وترى وجهها وعندما رفعتها على رجليها ورأتها اتصدمت هي وحازم حلا كان نصف وجهها غير واضح من الدم
مريم بإنهيار وهي تخبط على خد حلا بخفة: حلا.......ردي عليا.......حلا افتحي عنيكي....حلا متسيبنيش حلا
حازم انخفض ووضع يده على عنق حلا يقيس نبضها
حازم بإطمئنان: اهدي هي لسة بتتنفس ساعديني في حملها وخلينا ناخدها على المستشفى واتصلي بشاهر وقوليليه بسرعة
حازم حمل حلا وذهب على السيارة ووضعها بالمقعد الخلفي ومريم جلست بجوارها ووضعت رأسها على رجليها وحاولت توقف النزيف وكانت منهارة من العياط وحازم انطلق بالسيارة على المستشفى واتصل بشاهر
شاهر: ايه يا حزومة عاش من سمع صوتك يا راجل
حازم: انت فين يا شاهر
شاهر بإستغراب: في المستشفى يعني هكون فين بس كنت هخرج منها وارجع على البيت بس بتسأل ليه فيه حاجة
حازم: خليك في المستشفى انا جايلك حلا عملت حادث سيارة خبطتها ودماغها مجروحة وبتنزف
مريم بإنهيار: حازم النزيف مش بيقف
حازم: شاهر النزيف مش بيقف
شاهر بقلق: طب هاتها بسرعة على المستشفى وانا هجهز غرفة العمليات سلام
حازم قفل مع شاهر وزود سرعة السيارة ووصل بعد خمس دقايق المستشفى حمل حلا ودخل بيها من بوابة المستشفى الرئيسية استقبله الممرضات بسرير متحرك حازم وضع حلا على السرير واحد الممرضات قاست نبضها واخذوها على غرفة العمليات فورا وخرجت بعد ساعة من غرفة العمليات
مريم بخوف ودموع: شاهر حلا حالتها ايه هي كويسة صح
شاهر: اه اهدي مفيش اصابات خطيرة ولا نزيف داخلي ولا حاجة الحمد لله جت سليمة انا من رأيي تروحوا ترتاحوا هي كدة كدة مش هتفوق دلوقتي انتوا روحوا ارتاحوا
مريم: لا انا هفضل هنا لحد ما تفوق
شاهر: مريم روحي ارتاحي صدقيني وجودكوا ملهوش لزوم وبعدين انا موجود لو حصل حاجة هقول لحازم وهو هيبقى يجيبك ويجي خلاص بقى بطلي عياط والله هي كويسة........حازم..... خد مراتك وخليها ترتاح
حازم: شاهر معاه حق يا مريم وجودنا لا هيقدم ولا هيأخر تعالي نروح والصبح هجيبيك هنا يلا يا حبيبتي
حازم اخذ مريم وروحوا بيتهم
__________________________________
محمد وصل البيت ووصل معاه فارس وجاسر ودخلوا بسرعة لان جاسر كان معاه مفاتيح البيت إيلين ركضت على حضن ابيها وظلت تبكي
فارس: هو ايه اللي حصل
رقية حكتلهم اللي حصل
رقية: حاولنا نهديهم ومنخليهمش يتكلموا علشان الموضوع ميكبرش وحلا تتجرح وتزعل بس اريان مسكيتش
جاسر: يا ليلة مش فايتة دول ازاي قدروا يقولوا كلام زي ده لحلا......طب هي حلا فين
إيلين: فوق في اوضتها
جاسر طلع ركض وطرق الباب
جاسر: حلا.....حبيبتي انا جاسر ممكن ادخل عايز اتكلم معاكي شوية......حلا
جاسر عندما لم يطلقى رد فعل دخل بسرعة وبقلق بحث عنها بالغرفة وبالبلكون وبالحمام واخيرا غرفة الملابس وعندما لم يجدها كان هيخرج بس رجع تاني وشعور لا إرادي جاله انه يفتح الدولاب ويشوفه وفعلا جاسر فتح الدولاب واتصدم واتفاجئ عندما لم يجد هدوم حلا جاسر نزل بسرعة
فارس: ها اخبارها ايه
جاسر: انتوا متعرفوش هي راحت فين يعني مقليتش لحد فيكوا
رقية بإستغراب وعدم فهم: راحت فين فين هما بعد اما اتخانقوا هي طلعت قدامنا على اوضتها ومخرجيتش منها من ساعتها
جاسر: حلا مش فوق ودولابها فاضي
إيلين شهقت بفزع وانهارت من العياط
محمد: طب انا هحاول اتصل بيها
محمد بحث عن رقم حلا الى ان وجده واتصل بها ولكن وجده مغلق
فارس: قافلة تليفونها صح
محمد: اه
فارس: يبقى هي كدة عايزة تفضل لوحدها بس ربنا يستر متئذيش نفسها علشان انا عارفها كويس
جاسر بغضب: اريااان.....اددددم.........روماااا........ماياااااا
فارس: جاسر اهدى ابوس ايديك وبلاش تكلمهم دلوقتي.....يعني خليها في وقت تاني
محمد بغضب: لا لازم دلوقتي علشان يظهر انهم مش عارفين معنى الرجولة ومش عارفين معنى الاخوة وايه هو واجب الاخ والاخت وشكلهم مبيشوفوش اللي حلا بتعملوا علشانهم
اريان وادم وروما ومايا نزلوا بإستغراب
روما: مالك صوتك عالي ليه كدة
جاسر بغيظ: فين حلا تعرفي هي فين دلوقتي
روما بإنزعاج: لا تروح مطرح ما تروح
جاسر: طب يا هل ترى هي عايشة ولا ميتة
مايا بإنزعاج: لا منعرفش والاحسن انها تموت وتريحنا
جاسر لم يتحمل ورفع يده وصفع روما ومن ثم مايا على وجنتهم
اريان بغضب: جاااسر انت ازاي ترفع ايدك على البنات
جاسر بغضب وغيظ: لا انت بالذات متتكلمش نهائي ومش عايز اسمع صوتك خالص تخرس وتحط لسانك جوا بوقك لان دورك جاي
ادم: انت ناسي انك بتكلم اخوك الكبير ولا ايه
محمد: عن انهي اخ كبير بتتكلموا انتوا الاتنين ليه هو انتوا تسموا نفسكوا اخوات هو انتوا رجالة بالاساس
ادم: هي حلا لحقت وحكتلكوا تصدق فعلا معندهاش دم ولا بتحس
محمد رفع يده وصفع ادم الكل اتصدم من رد فعل محمد لانه ولا مرة رفع يده على ولاده علشان يرفعها على ولاد اخوه
فارس: بابا
محمد بغضب: بلا بابا بلا زفت.......انا اللي عايز افهموا هي حلا عملتلكوا ايه علشان تقولوا عنها مش اخت وانها مبتحبكوش ها كام مرة ضحت علشانكوا كام مرة جت على نفسها علشانكوا بس للاسف طلعت بتعمل وترمي في البحر لانكوا متستهلوش شبه الكلاب تاكلوا وتنكروا
جاسر بغضب: لو جيينا من جهة الحقوق والواجب احنا كلنا مأثريين معاها عارفين ليه لانها كانت دايما بتقف جنبنا في مشاكلنا وحزننا وهمنا قبل سعادتنا وراحتنا دايما كانت بتشتغل على ازاي تخلينا مرتاحين ومبسوطين لو فيه مشكلة من غير ما نتكلم تحس بينا وتلاقيها اول واحدة واقفة جنبنا وبتحلهلنا دايما كانت قايمة بدور الام والاخت ودايما كانت تأدي واجبها تجاهنا بس احنا احنا فين في اللي هي بتعمله احنا حتى عمرنا لما كنا مسافرين عمرنا ما فكرنا نرفع السماعة نطمن اذا كانت عايشة ولا ميتة كنا بنقول انها مع عمي هتبقى كويسة احنا بالاسم بس اخواتها بالاسم انها عندها ثلاثة شباب اكبر منها والمفروض انهم رجالة ويحموا اختهم كانت بتواجه عمرو لوحدها ويااا عالم اذا كان فيه زي عمرو تاني ناس غيره وناس بتكرهها زيه وعايزين يكسروها ويذلوها ولا لا عمرها ما اتصلت ولامتنا كانت دايما تقول هما اكيد مشغولين عمرها ما اتصلت وقالتلنا انا محتاجاكوا عمرها ما اتصلت قالتلنا عن عمرو وعن اللي بيحاول يعملوا فيها احنا عرفنا بالصدفة من قصي وفارس انه حاول يشوه سمعتها قدام قصي وعيلته ومتفتكروش ان هو ده بس اللي عمله لا اكيد عمل معاها حاجات كتير في السنين اللي فاتت بس هي مقالتش عارفين ليه لانها مش عايزة تخلينا نشيل همها كفاية علينا الشغل ومشاكله عمرنا ما فكرنا نقعد معاها ونخليها تشاركنا وجعها اقولكوا على حاجة اكتر واحدة قلبها محروق وموجوع على فراق اهلنا هي حلا محدش فينا موجوع زيها ومحدش فينا يستحمل اللي هي شافته مفيش راااااجل ملو هدومه يستحمل يشوف اهله وهما بيموتوا قدامه لا والالعن انهم ميتين محروقين وبإنفجار سيارة انتوا تعرفوا حالتها كانت عاملة ازاي بعد الحادث لا ولا حتى انا اعرف بس يمكن مايا تكون عارفة انا بجد مصدوم فيكوا انتوا مستحيل تكونوا اخوات لا ده انتوا حتى خسارة فيكوا يتقال عليكوا انكوا اعداء لانكوا عاملين زي الشياطين هي كانت بتعطينا حقوقنا وتأدي واجبها كأخت وكأم وبالاخص كأم انا عن نفسي ولا مرة حسيت ان حلا اختي انا بحسها امي دايما لما ارجع في عز الليل الاقيها صاحية وتقعد معايا تطمن عليا وعلى اخبار الشغل وتسألني اذا فيه مشكلة ولا لا واذا كنت محتاج مساعدة او تعبان ولو انا تعبان ومقولتش كانت هي تحس بيا ومن غير ما اتكلم او تواجهني تروح وتسأل عمي او زمايلي عن اخبار الشغل والمهمات وكدة ولما كانت تعرف ان فيه شغل كتير ومشاكل كانت بتسيب شغلها وتقعد على شغلي انا علشان تخلصهولي علشان متعبش ده غير شغلها اللي بتقعد سهرانة عليه بالاربع والخمس تيام يعني بتتعبلي قبل ما تتعب لنفسها ومهماتها مش سهلة....اتفاجئ تاني يوم بيها راجعة الصبح تسألني انا رايح فين اقولها فيه عندي شغل كتير ولازم اخلصه تقولي انا خلصتهولك وجاهز على التنفيذ اطلع نام وارتاح لانك منمتيش كويس كانت بدور دايما على راحتي مع انها مكنيتش بتنام ولا بترتاح دايما بنلاقيها بتقدم المساعدة للغريب قبل القريب وهي متصابة وعاملة عمليات بتنزل مبتقولش لحد محتاج مساعدة لا واحنا لما كنا نقع في مشكلة كنا بنلاقيها سايبة كل حاجة شغلها ومشاكلها وهمومها وتيجي تقعد معانا وتسمع مشاكلنا وهمومنا وتشتغل على حل المشاكل وعلى راحتنا مفيش اخت تعمل كدة مع اخواتها شغل حلا الاساسي شرطة ومخابرات سرية ملهاش علاقة بشغلكوا بس هي دارسة وعارفة وفاهمة شغلكوا لما بتحتاجوا نصيحة او حل مبتبخلش وتقول وانا مالي دول فضلوا عشر سنين برا البلد ومكنوش بيسألوا عليا اقدملهم مساعدة ليه لا والف لا ديه كانت بتقعد معاكوا وتعرف المشكلة وتحلهالكوا ومتسيبكوش غير لما المشكلة تتحل لو انتوا نمتوا هي متنامش غير لما تحلها دايما بتقف في ضهركوا وتسندكوا من غير ما تطلبوا ده دايما بتساعدكوا في نجاحكوا ومحدش يقدر ينكر انها وقفت جنبكوا وساعدتكوا كتير اول ما جينا هنا ومحدش قالي انا اللي كنت بشوف وليكون في علمكوا انا بقى اللي عارف ده كانت بليل لما انتوا تناموا كانت بترتب ورق شغلكوا وتروح تشوف اخبار الشركة ايه وفيه مرة روحت معاها لاقيتها بترتبلكوا مكتبكوا وبتشوف الحاسوب بتاعك انت واريان واذا كان فيه مشكلة او فيه شغل عايز يخلص وكانت بتقعد تشتغل وترجع وش الفجر قبل ما حد فيكوا يصحى ليه مقاليتش ليكوا علشان متدايقوش انها مبترتاحش وبتتعب علشان تبدأوا شغلكوا في اسرع وقت ممكن كانت دايما بدور على سعادتكوا وراحتكوا حتى لو على حساب راحتها وسعادتها انتوا قولتولها انها معندهاش قلب ومبتحسش انها سابت قصي عشر سنين. هنا صوت جاسر عِلي
جاسر بغضب وصوت عالي: وانتوا مييين علشان تحكموا عليها الحكم ده انتوا تعرفوا اسبابها اللي خلتها بعيدة عن قصي الفترة ديه محدش يقدر يبعد عن حب عمره ولو قدر مش هتبقى فترة طويلة زي ديه انتوا عارفين هي كانت بتمر بإيه وهي بعيدة عنه عارفين مدى الوجع والالم اللي هي مرت بيه دايما على لسانها بتقول انا مش عايزة حد فيكوا يمر في الوجع ويشوف المرار اللي انا شوفته لان وجع الحب مش سهل ده معناه انها كانت شاربة كاس المر ومستحملة ومكنيتش بتعترض او تتكلم عمرها ما جت قالتلنا انا فيه مشكلة او عقبة في حياتي دايما بلاقيها قاعدة يا في مكتبها او اوضتها قافلة على نفسها وبتفكر في همها لوحدها بس احنا كانت بتشاركنا حتى من غير ما نطلب ولما انا كنت احس بيها واروح اسألها كانت تقولي متشغلش بالك انا قد نفسي وهقدر وهعرف احل مشاكلي بنفسي ارتاح انت ومتشغلش بالك بس لو.....ها وحطوا مليون خط تحت الجملة اللي هقولها دلوقتي كانت تقولي لو قابلتك مشكلة تعالى وانا وانت نفكر في حلها ومتترددش انا موجودة في اي وقت ولو مشغولة هفضالك لاني عندي كام اخ يعني هما ثلاثة ومستعدة افديهم بروحي وعمري كله. وهنا دموع جاسر نزلت
جاسر: اذا كانت مع اخواتها ومستعدة تفديهم بعمرها وروحها ما بالك اللي بتحبه تعمل علشانه ايه اللي يخليها تستحمل وجع الحب وفراقه وتمنع نفسها انها متكلمش قصي ومتقابلهوش ده محدش يقدر يعمله اي بني ادم على وجه الارض مهما كان جبروت وقوي مصيره هيضعف وخصوصي لو الامر يتعلق بالحب هي اه صح قلبها من حجر وجبروت ومبتحسش بس مش تجاهنا ولا تجاه قصي تجاه نفسها هي قاسية في حق نفسها جدا ومأثرة في حق نفسها عارفين ليه لانها للاسف كانت بتعمل على راحة ناس متستاهلش وانت جاي تقولي بكلم اخويا الكبير كبير ايه يا كبير وهو انتوا اساسا اخوات......انا عن نفسي ميشرفنيش اني عندي اخوات زيكوا حسبي الله ونعمة الوكيل فيكوا انتوا الاربعة ربنا ينتقم منكوا شر انتقام
محمد: اريان انت قولتلها انها عدوتكوا وانها مبتحبكوش ليه يعني ايه اللي خلاك تقول عنها كدة
اريان: لانها بتساعد يزن ومالك في جوازهم من جميلة وآسيا وهي عارفة اننا مش عايزين ده يحصل
محمد: يعني لو إيلين ساعدت سمير علشان مثلا يتجوز رقية هل فارس ليه الحق يقولها ساعدي ده ومتساعديش ده......لا ابوك ربى اختك على حاجة او يمكن ده طبع فيها اساسا من صغرها لما حد يطلب مساعدة وهي في مقدورها انها تساعده وتنفذ طلبه تعمل كدة من غير تفكير وده مع الغريب فما بالك لو صديقها او صديقتها ولو حلا بتساعد الشباب فبتساعدهم علشان البنات وسعادتهم ولو تفتكروا هي جت وسألتكوا بكل وضوح قبل ما تساعدهم بتحبوهم قولت لا وسألت السؤال اكتر من مرة بأي حق وعين جايين تقولوا انها عدوتكوا وانها مبتحبش غير نفسها وانها انانية لو فيه حد اناني فهو انتوا مش حلا انتوا اللي انانيين عايزين الشباب والبنات بس في نفس الوقت انتوا مش بتحبوهم لو ده مش حب يبقى ايه.......دلوقتي انا عايز اعرف مكان حلا وهي فين حد عنده فكرة هي فين
اريان وادم وروما ومايا: لا
جاسر بغضب: وربنا لو حلا حصلها حاجة ورحمة بابا لا اخليكوا تندموا على اليوم اللي اتولدته فيه وساعتها هبقى عدوكوا فعلا وهدمرلكوا حياتكوا ربنا ياخدكوا حسبي الله ونعمة الوكيل فيكوا انا مش مسامحكوا ليوم الدين ومن انهاردة لا انتوا اخواتي ولا اعرفكوا انا معنديش غير اخت واحدة وهي حلا غير كدة معرفش
جاسر تركهم وخرج إيلين وفارس ركضوا ورائه
فارس: جاسر
جاسر وقف
إيلين: ممكن تهدى الامور مبتتحلش كدة يعني اكيد مكنوش يقصدوا وقالوها ساعة غضب
جاسر بعصبية: ساعة غضب او لا محدش ليه الحق يقول على حلا انها عدو او انها مبتحسش هما اللي مبيحسوش وقلبهم من حجر انا كل اللي يفرق معايا دلوقتي الاقي اختي واعرف هي فين
فارس: طب اهدى يعني خلينا نفكر بإيجابية شوية هي لو عملت حادثة لا قدر الله او حصلها حاجة اكيد شاهر كان هيقولنا مادام شاهر متصلش يبقى هي كويسة
جاسر بقلق وحيرة: مش عارف يا فارس بس انا قلبي مش مطمن وبيقولي انها حصل معاها حاجة
إيلين: طيب ممكن يكون فيه حد هي قريبة منه تروح تبات عنده مثلا
جاسر: هي قريبة من قصي جدا بس عمرها ما هتروح تبات عنده قبل الجواز وكمان بتحب انجلي بس مش هتبات عندهم علشان البيت فيه شباب وانا مش عايز اقولهم علشان ميقلقوش قصي ممكن يقلب الدنيا على حلا بس مش عايز اشغله باله ولازم احنا ندور عليها
فارس: لحظة بس هي قريبة من عمو وليد والد آسيا وعمو عماد والد جميلة
جاسر: بس الوقت متأخر يا فارس الساعة دلوقتي داخلة على واحدة بعد نص الليل يعني عيب اننا نتصل بالناس دلوقتي ونصحيهم ونقلقهم كمان
إيلين: معاك حق طب متتصلوا بجميلة وآسيا واسألوهم
فارس: مينفعش الوقت متأخر نبقى نكلمهم الصبح
إيلين: انتوا متأكدين ان مفيش حد تاني غير اللي انتوا قولتوهم
جاسر: تقريبا لا
فارس بتفكير: فيه حازم ومريم
جاسر: مأظنش حلا هتروح بيت حازم في وقت متأخر يا فارس ايه يعني انا اللي هقولك حلا هتعمل ايه ومتعملش ايه ده انت اقرب ليها مني وغير كدة انت اللي كنت معاها في العشر سنين اللي فاته
فارس: معاك حق علشان انا بس متوتر وقلقان عليها
إيلين: طيب مش ممكن تكون قالتلهم مكانها
جاسر: تؤ هتقول لحازم ليه هي لو هتقول لحد على مكانها هما شخصين مفيش غيرهم
فارس وإيلين معا: مين
جاسر: يا قصي يا عمي علشان ميقلقوش عليها
فارس: بس لو بابا يعرف مكنش هيبقى متوتر وقلقان اكتر مننا
جاسر: يبقى مفيش غير قصي
إيلين: مش انت لسة قايل انك مش عايز تقوله علشان ميقلقش هتسأله ازاي
جاسر بحيرة: مش عارف
فارس: سيبوا الموضوع ده عليا احنا هنروح الصبح الشركة كأننا بنطمن عليه وكدة وسلمولي انا امر سؤاله عن حلا انا هستفسر عنه بطريقتي
جاسر: لا ونبي بلاش انت لحسن تودينا في داهية وانت اساسا مبتعرفش تمسك لسانك وهتقوله هتقوله
إيلين: ايوة صح جاسر معاه حق
فارس: انا وقصي بنعرف نتصرف مع بعض سيبوها بس عليا متشغلوش بالكوا
جاسر: طيب انا هاجي معاك الصبح علشان لو وقعت بالكلام اصلح انا ولو اني مش عارف ازاي بس نحاول
إيلين: ان شاء الله هنلاقيها وهتبقى كويسة
فارس: طيب خلونا ندخل نرتاح والصبح ربنا يفرجها ويحلها من عنده
جاسر: انا مش قادر ادخل البيت وحلا مش فيه ادخلوا انتوا انا هفضل برا
إيلين: لا مينفعش لازم ترتاح علشان تقدر تدور عليها بكرة على الاقل لو مش هترتاح علشانك انت ارتاح علشانها انت عارف انها بتدايق لما انت بتتعب ومبتنامش علشان خاطر حلا ادخل ارتاح شوية يلا
جاسر خضع لكلام إيلين ودخل بس طلع على غرفته دون ان ينظر لاحد او يتكلم ومحمد بات معاهم وفارس كمان كل واحد دخل اوضته بس المعظم لم يأتيه نوم او المعنى الاصح محدش عرف ينام
__________________________________
في صباح اليوم التالي على الساعة السابعة والنصف في المستشفى حلا بدأت تستعيد وعيها وفتحت عينيها ببطئ الى ان اعتادت على الضوء وفي نفس اللحظة دخلت الممرضة وعندما رأتها استعادت وعيها ابتسمت
الممرضة: حمد الله على السلامة
حلا ابتسمت: الله يسلمك
الممرضة: جرى ايه يا سيادة الرائد هنضعف ونستسلم للتعب ولا ايه لا انا مش متعودة عليكي كدة
حلا ابتسمت: ما قولنا بلاش رسميات قوليلي انت اخبارك ايه يا سيرين
سيرين ابتسمت: لما شوفت العيون الحلوة ديه والابتسامة اللي تشرح القلب ديه بقيت زي الفل واحسن كمان لحظة واحدة هنادي للدكتور شاهر وهاجيلك
سيرين ذهبت لمكتب شاهر وطرقت الباب الى ان اتاها اذن الدخول من شاهر
شاهر: ادخل
دخلت سيرين: دكتور شاهر الانسة حلا فاقت
شاهر: بجد بقالها قد ايه
سيرين: لسة حالا قولت اجي اقول لحضرتك علشان تفحصها وتطمن عليها
شاهر: طب امشي قدامي يلا
شاهر ذهب هو وسيرين لغرفة حلا ودخل وحلا هنا قامت قعدت على السرير
شاهر: صباح الجمال وانا عمال اقول المستشفى نورت ليه اتاري الاستاذة حلا بذات نفسها فاقت
حلا ابتسمت: صباح النور
شاهر: حاسة بإيه دلوقتي
حلا: قلبي بيوجعني شوية وحاسة بوجع خفيف في راسي
شاهر: الوجع اللي في راسك ده طبيعي اما بخصوص قلبك يظهر ان نفسيتك تعبانة لان حالة قلبك مش كويسة وقولتلك مليون مرة ارتاحي ومتحطيش في نفسك علشان قلبك مش مستحمل يا حلا وابعدي عن الضغوطات النفسية
حلا نظرت له بغيظ: انت تاني يابني اللي يسمعك يقول ان انا بحب الضغوطات النفسية عموما انا كويسة بس عايزة اخرج
شاهر بغيظ: افندم يا روح خالتك مفيش خروج دلوقتي علشان قلبك حالته مش مستقرة حلا بلاش تستفزيني
حلا بحنق وتعب: شاهر ورحمة ابوك وامك لا تسيبني في حالي لاني بجد تعبانة نفسيا اكتر من جسديا فانا لو مطلعتش من المستشفى ممكن يجرالي حاجة من كتر الخنقة ولو انت مكتبتليش على خروج انا هخرج من غير ما حد يعرف والله انا مش قادرة اتكلم فاخر الكلام هتكتبلي خروج ولا اهرب من المستشفى
شاهر تنهد: طيب يا حلا بس لازم تاخدي بالك من نفسك انا هخرجك بس علشان حالتك النفسية
هنا جائهم طرق الباب
شاهر: ادخل
مريم دخلت وحازم خلفها مريم اقتربت من حلا وعانقتها بقوة وبحب وحلا بادلتها العناق بإستغراب
حازم: حمد الله على السلامة يا حلا يا شيخة حرام عليكي خلتينا نقطع الخلف من الخضة
حلا ضحكت: ليه هو انت بتحس اساسا بس انتوا عرفتوا منين اني في المستشفى
شاهر: هما اللي جابوكي اساسا على المستشفى
مريم: احنا كنا موجودين لما العربية خبطتك بس مأخدناش بالنا غير لما اتخبطتي وكنا فاكرين ان ده شخص عادي احنا منعرفهوش بس اما قربت منك وشيلتك وحطيتك على رجلي لاقيت ان الشخص اللي العربية خبطته هو انتي انا عايزة افهم انتي عامية مبتشوفيش يعني مأخدتيش بالك من العربية اللي هتخبطك
حلا: اساسا العربية جت من ورايا مش من قدامي وانا كنت ماشية سرحانة وبفكر في حاجة ومأخدتش بالي ان فيه عربية هتخبطني عموما جت سليمة
شاهر: مريم حازم اتكلموا مع البني ادمة ديه عايزة تخرج من المستشفى دلوقتي
مريم: لا يا حلا انتي مش شايفة وشك دبلان ازاي وبعدين باين عليكي التعب ولسة كنتي عاملة حادثة امبارح حتى مفاتش ١٢ ساعة عليها لا لازم تفضلي في المستشفى علشان نطمن عليكي
حازم: حلا انتي بتهزري وبعدين دماغك مفتوحة مفيش خروج اياك تطاوعها يا شاهر ديه شكلها اتجننت ولا يظهر الضربة اللي خدتها على دماغها اثرت عليها
حلا: يا جماعة انا مخنوقة واساسا مبحبش قعدت المستشفيات فلو مخرجتش مش بعيد روحي تطق واموت
مريم: بعد الشر عليكي طب خلاص هخرجك وهتيجي عندي البيت
حلا: لا صدقوني انا كويسة وهبقى احسن مفيش داعي للقلق بس عايزة هدومي
مريم: طب انا هساعدك في تغيير هدومك
حازم: طيب انا وشاهر هنطلع بقى يلا
حازم وشاهر خرجوا من الغرفة ومريم ساعدت حلا في تغيير هدومها وبعدين سندتها وخرجوا من الغرفة
حلا: انا كويسة يا مريم واقدر امشي لوحدي انتوا روحوا على الشركة وانا هروح لوحدي
حازم: لا طبعا هنوصلك الاول على البيت وبعدين نروح على الشركة ومفيش اعتراض
حلا سكتت لانها كانت تعبانة ومعندهاش طاقة للكلام او للمناهدة حازم وصل حلا على بيت الدالي وحلا نزلت وسلمت عليهم وانتظرت الى ان مشيوا وبعدين رجعت للبيت الخاص بها
__________________________________
في بيت الدالي رقية وإيلين قاموا اخذوا شاور ومن ثم نزلوا يجهزوا الفطار
إيلين: انا معرفش اي حاجة في المطبخ فهنعمل ايه
رقية: طب خلاص انتي خدي السلطة قطعيها وانا هعمل الفطار
إيلين: ماشي
رقية بدأت في تحضير الفطار وإيلين جهزت السلطة ووضعوا الاطباق على السفرة هنا محمد وفارس وجاسر نزلوا
رقية بإبتسامة: صباح الخير يا عمي
محمد بإبتسامة: صباح النور يا حبيبتي
إيلين: تعالى يلا علشان نفطر يا بابا ده حتى مرات ابنك المستقبلية هي اللي مجهزة الفطار انهاردة
رقية: بس اسكتي
محمد: الف هنا وشفا بس انا مش جعان كلوا انتوا
جاسر: ولا انا جعان
رقية: عفوا منكم مفيش حد مش هياكل الكل هياكل وخصوصي انت يا عمي لان فيه دوا ضغط لازم تاخده ومش هينفع تاخده من غير اكل وجاسر هتاكل ورجليك فوق رقبتك يلا على السفرة
جاسر: طب خلاص اعمليلي سندوتش
إيلين: اظن الكلام واضح على السفرة يلا
رقية: انا هطلع اصحيهم علشان يفطروا
جاسر: انا مش هقعد معاهم على طرابيزة واحدة فاعملولي سندوتش او اقولكوا انا اساسا مش جعان ومليش نفس
رقية بتمثيل الزعل: انت مش جعان ولا علشان انا اللي محضرة الفطار مش عايزين تاكلوا انا عارفة انكوا متعودين انكوا تاكلوا من تحت ايد حلا بس والله انا تلميذتها وهي اللي معلماني الطبخ وبعدين ده انا عملت حاجات بسيطة لو مكلتوش انا كدة هزعل وهجيب ناس تزعل ومش هاكل وهفضل صايمة طول اليوم وذنبي في رقبتكوا
محمد: طب خلاص مكنش ده قصدنا هناكل خلاص بس انتي تفطري
رقية نظرت لجاسر: على الاقل علشان خاطر حلا
جاسر تنهد: طيب ماشي
الكل ذهب لغرفة السفرة ورقية طلعت لغرفة مايا وروما ودخلت
رقية بجمود وصرامة: الفطار جاهز لو عايزين تفطروا
مايا: لا انا مش جعانة
روما: وانا مليش نفس
رقية وهي لم تنظر لهم وتعطيهم وجه: على راحتكوا بس حد يدخل يقول للشباب ان الفطار جاهز علشان لو حابين يفطروا
روما: مأظنش هياكلوا بس هروح اسألهم
رقية: انتوا حرين
رقية خرجت وتركتهم روما ومايا نظروا لبعض وتذكروا حلا
فلاش باك
من حوالي كام يوم اليوم اللي انجلي خرجت فيه من المستشفى عندما حلا جلست مع مايا وروما ورقية وحكت لهم عن اللي حصل بينها وبين قصي لما مكنش في وعيه واعترافه بحبه في صباح اليوم التالي عندما حلا جهزت الفطار طلعت تصحي البنات بعد ما صحيوا على رنين تليفون حلا وناموا تاني حلا دخلت غرفتهم
حلا: يلا يا بناتيت صحي النوم يلا علشان تفطروا
مايا بنوم: لا انا مش هفطر بس سيبيني انام
روما بنوم ايضا: وانا جعانة بس جعانة نوم سيبينا ننام
رقية: اه ونبي يا حلا احنا تعبانين اوي
حلا شدت الفرش من عليهم: ماشي افطروا وبعدين ناموا يلاااااا
مايا: يا حلا انتي ليه بتعذبينا زي العيال الصغيرة كلامنا واضح عايزين ننام مش كفاية اسي الافندي بتاعك ده اللي صحانا لما اتصل
حلا رفعت احد حاجبيها وبغيظ: ده على اساس ان لو كان المتصل فهد كنتي هتقولي كدة قومي يا فصعونة منك ليها
رقية: ونبي يا حلا عايزة انام ورحمة ابوكي وامك يا شيخة لا تسيبيني انام
روما: اه يا حلا وحياة قصي يا شيخة لا تسيبينا ننام
حلا: طب ورحمة ابويا اللي ما عندي اغلى منه ووحياة حب عمري قصي لا انتوا قايمين دلوقتي علشان تفطروا ومش سيباكوا غير لما تقومي انتي وهي وتفطروا افطروا وبعدين ناموا يلاااااااا مبحبش اعيد كلامي كتير
البنات فضلوا نايمين ومقاموش
حلا: طب وربنا لو ما قومته لا اجيب ماية متلجة من الفريزر واسكبها عليكوا واخليكوا تقوموا جري على الحمام
البنات قاموا قعدوا بسرعة بس كانوا مغمضين العينين
مايا: طيب اعمللنا سندوتشات وهاتيها واحنا هناكل وننام
حلا: قومي يا روح امك منك ليها مفيش سندوتشات هتتعمل هتنزلوا ونفطر سوى يلااااااا قومي فزي من على البيض ياختي منك ليها قومي يا بت انتي وهي
البنات قاموا وكانوا يضربون برجلهم في الارض مثل الاطفال
روما: تصدقي ما فيه ارخم منك عايزة انام ياشيخة حرام عليكي
حلا ابتسمت: افطري الاول وبعدين كملي النوم ان شاالله تنامي لبعد العصر مش هصحيكي بس افطري الاول يا حبيبت قلبي وبعدين نامي يلا يا رورو
رقية: طب انا هستحمى وبعدين احصلكوا
حلا: لااااا يا روحي مفيش حموم مش بعيد تدخلي تناميلي في الحمام قدامي على تحت افطري وبعدين اعملي اللي انتي عايزاه
مايا: عايزة الشباب يشوفونا كدة
حلا: مالكوا قمامير وعساسيل وحلوين اهو وبعدين مكنش حبيبك اللي هتقعدي معاه على السفرة دول اخواتك وياما الاخوات بيشوفوا من بعض يلا ياختي منك ليها
حلا بدأت تدفعهم امامها بخفة ونزلوا وفطروا وبعدين طلعوا يناموا
عودة من الفلاش باك
مايا دموعها نزلت وتذكرت الكلام اللي قالته في حق حلا واغمضت عينيها بوجع
مايا بإنهيار: انا ازاي كلمتها بالطريقة ديه.....ازاي اتجننت وعملت كدة......اه كنت متعصبة بس ده ميدنيش الحق اني اجرحها بكلامي ازاااااي عملت كدة يا ربي
روما بوجع: اظن اننا قسينا عليها بالكلام
مايا وقفت وابتسمت بسخرية: بتظني لا ده اكيد احنا قسينا عليها لو حصلها حاجة انا مش هسامح نفسي حلا متستحملش كلام زي ده ممكن تروح فيها ديه عندها القلب....يعني ازاي اتهمتها اتهامات ملهاش وجود من الاساس ازاي عملت كدة وجرحتها
روما: الندم مش هيفيد يا مايا جرحناها وخلصت وهي دلوقتي مختفية ومحدش يعرف عنها حاجة
مايا بإنهيار: يا روما.....حلا انا عارفاها كويس.....لما بتزعل يا اما بتحط في نفسها....وبالطريقة ديه بتحصل معاها ازمة قلبية وحالتها بتبقى سيئة وممكن تموت فيها......او ممكن علشان تتخلص من الوجع اللي جواها......تكسر كل ما يمكن من ازاز ومرايات بس بإيديها.....اكتر من اربع مرات دخلنا البيت لاقيناها غرقانة في دمها وشارينها مقطوعة........بتبقى مش في وعيها لما بتكسر في الازاز من شدة الوجع والحزن اللي جواها ممكن تموت.....او تموت نفسها......انا اللي كنت عايشة معاها عشر سنين......وشوفتها بكل حالتها......لما بتبقى نفسيتها تعبانة او.......او مخنوقة.....او متعصبة.....كانت بتختفي عن الانظار.....وتقعد لوحدها علشان متجرحش حد......ومتضعفش قدام حد.....انا خايفة تكون عملت حاجة في نفسها.....او حصلها حاجة......قلبي واجعني اوي.......حاسة انها حصل معاها حاجة مش كويسة
روما بدموع: مايا ونبي ما تخوفيني عليها ابوس ايديكي انا ممكن اموت لو حلا حصلها حاجة......انا اتحرمت منها عشر سنين......معنديش طاقة اني اخسرها تاني....واتحرم منها
مايا حاولت تسيطر على نفسها: جاسر وفارس وعمي محمد وإيلين ورقية مش طيقنا فمش هيرضوا يسمعونا ولو كلمناهم وهما كانوا عارفين عنها حاجة مش هيرضوا يقولولنا فانتي روحي قولي لادم واريان يمكن يعرفوا عنها حاجة
روما مسحت دموعها: طيب انا هروح اقولهم واسألهم يمكن عرفوا حاجة لو معرفوش هكلم لوئي
روما خرجت وذهبت لغرفة اريان وكان ادم معاه
اريان بإستغراب: مالك يا روما وشك مخطوف لونه كدة ليه
روما: اريان معرفتش حاجة عن حلا
ادم: لا معرفناش ومسألناش اساسا بس ليه بتسألي
روما: طب ونبي دوروا عليها لحسن يكون حصلها حاجة
اريان: ما يحصلها وايه يعني على الاقل نرتاح منها
روما بعياط: انتوا ازاي قلبكوا قاسي كدة اييييه مبتحسوش ولا عندكوا دم ديه مهما كانت تفضل اختنا انتوا اتجننتوا بابا لو كان هنا مكنش هيسمح لحد فينا يكلمها ربع حرف او يتعامل معاها بالقسوة ديه اه انا ومايا غلطنا كمان بس كانت ساعة غضب ومكناش في وعينا احنا بنقول ايه ودلوقتي فوقنا وعرفنا غلطنا معقولة انتوا مش حاسين انتوا عملتوا معاها ايه ولا نتيجة الكلام اللي قولتوه في حقها ايه
ادم واريان سكتوا
روما: ما تردوا......سكتوا ليه......احنا كلنا عارفين انها بتحبنا وبتخاف علينا اكتر من اي حد.....حتى اكتر من نفسها عمرها ما قصرت معانا......بالعكس لو فيه حد مقصر في حقها فهو احنا......احنا اذيناها اوي وجينا عليها بزيادة وهي مش ناقصة ومش حمل الوجع اللي احنا سببنهولها......معقولة انتوا محسيتوش بغلطكوا لحد دلوقتي يظهر الكف اللي عمي ادهالكوا مأثرش ومحتاجين كف تاني بس يمكن برضه ميأثرش.
ادم ببرود: عايزانا نعمل ايه يعني ماهي خرجت من البيت من غير ما تعرف حد
روما بغضب وعصبية في وسط دموعها: وهي خرجت ليييييه مش علشان احنا اللي قولنالها تطلع من حياتنا وتسيبنا في حالنا.......هاااا انتوا بتسموا نفسكوا رجالة انتوا وانكوا اخوات اكبر مننا في السن......انتوا يمكن كبار في السن بس كأخوة وكرجولة صفر.......وانت جاي تقولي بكل برود اعصاب هنعمل ايه يعني هي اللي سابت البيت......والله اللي اعرفه من واجبك تقلب الدنيا عليها وتلاقيها.....وسواء برضاك او غصب تدور عليها يا ادم سامعني ولا لا لو حصلها حاجة فإحنا هنبقى السبب لان احنا اللي جرحناها وطردناها من البيت
ادم: مالك مكبرة الموضوع اوي كدة ليه
اريان بحزن ووجع: روما معاها حق يا ادم احنا قسينا عليها وفشينا فيها غليلنا ووجعنا وعصبيتنا وهي ملهاش ذنب
ادم: مالكوا في ايه هتبقى كويسة اهدوا
اريان بعصبية: انت يابني جايب برود اهلك ده منين بقولك اختك مختفية بسببنا ولو انت ناسي حلا تعبانة وعندها القلب ودايما بتاخد كل حاجة على اعصابها ونفسيتها واللي احنا عملناه جرحناها بالكلام يعني قلبها وجعها يعني ممكن تموت فيها وانت بكل برود وهدوء اعصاب جاي تقولي اهدى انت شكل جرى لمخك حاجة
ادم: عادي يا جماعة مش اول مرة نتخانق وبتحصل بين الاخوات هتلاقوها هنا ولا هنا بتشم شوية هوا
اريان لكم ادم في وجهه بعصبية واول مرة في حياة اريان دموعه تنزل
اريان بدموع: انت شكلك مش في وعيك ومش واعي ولا فاكر انت قولت ايه في حقها امبارح ولا اللي احنا قولناه....احنا قولنا لاختنا انها عدوتنا وانها مش اخت وانها مبتحبناش وبتحقد علينا.....قولنلها انها دمرت حياتنا بس الحقيقة احنا اللي دمرناها بكلامنا امبارح.....قولنلها تخرج من حياتنا وتسيبنا في حالنا.......قولنلها اننا ميشرفناش انها تكون اختنا.....وانها عايزانا نتوجع زي ماهي اتوجعت في العشر سنين.....وانها عايزانا نتحرم من آسيا وجميلة زي ماهي اتحرمت من قصي.....بس محدش فينا يعرف السبب........جرحناها وقلبنا عليها مواجع عشر سنين........يعني وجعها عشر اضعاف....يعني مستحيل تستحمل وتعيش وممكن تموت فيها وده وارد جدا.....بس لو حصلها حاجة احنا السبب......من واجبنا نداوي جروحها ونحميها.....بس احنا رميناها في الشارع وبدل ما نداويها جرحناها......واتهمناها اتهامات ظلم مع انها دايما كانت جنبنا وبداوينا وتشيل عننا همنا وتحللنا مشاكلنا سواء في الشغل او برا الشغل دايما كانت بتحاول تسعدنا وتخلينا نحس اننا مش ناقصنا حاجة دايما كانت بتحاول تملى مكان ابوك وامك علشان منحسش بفراقهم ونتوجع زيها دايما كانت بتحمينا من الوجع.......حتى لو على حساب راحتها وانت جاي بكل برود وهدوء اعصاب تقولي مش هيجرالها حاجة وتلاقيها هنا ولا هنا انت ناسي عمرو اللي بيكرهها الله واعلم ممكن يعملها ايه هو انت بني ادم طبيعي ولا انا شايف غلط ولا اتعميت.....يعني عندك قلب وبتحس ولا لا
ادم بذهول وعدم وعي: انت بتهزر معانا احنا اكيد مقولنلهاش الكلام ده
روما ضحكت بسخرية: لا ده انت فعلا مش في وعيك....انا ميفرقش معايا حد غير حلا دوروا عليها وانا هقول للوئي يمكن يكون عارف عنها حاجة
هنا جاسر دخل
جاسر بعصبية: لا انتوا بالذات متحاولوش تدوروا عليها واياكوا تحاولوا تقربوا منها تاني وربنا لاكون مصور فيكوا قتيل...اياكوا تحاولوا تلاقوها او تتكلموا معاها وخصوصي بعد اللي حصل إمبارح
روما بعياط: جاسر ا......
جاسر بصوت عالي وغضب: انتي تخرسي خالص مش عايز اسمع صوتك انا اساسا مش طايقكوا ومستحملكوا بالعافية انا لو عليا انزل في كل واحد فيكوا ضرب لانكم مستحيييل تكونوا بني ادمين وبتحسوا الكلام اللي قولتوه امبارح في حق حلا مش هقول في حق اختكوا هقول في حق واحدة عندها القلب ده انا يا راجل لما عرفت الموضوع من رقية وإيلين قلبي وجعني بس من كلامكم واسمي راجل مش بنت وعندي القلب كمان ده لو اعدائها مش هيموتوها انتوا موجودين تقوموا بالواجب وزيادة وتخلوها تتمنى الموت ومتلقيهوش......لو حد منكوا حاول يدور عليها او عرف مكانها وحاول يتكلم معاها بس او فكر مجرد تفكير في ده ساعتها اترحموا على نفسكوا لاني مش هرحمكوا
جاسر كان هيخرج بس رجع
جاسر: اه صح لو حلا حصلها حاجة مش هخليكم تتهنوا او ترتاحوا ولو ثانية واحدة في حياتكوا واه انتوا قولتولها ايه......ا...اه انها دمرت حياتكوا ساعتها بقى انا هخلي حياتكم جحيم ادعوا اني الاقيها في اسرع وقت وتكون بخير علشان لو كانت مخدوشة خدش صغير هخلي وشكوا ده عبارة عن لوحة فنية سواء بنات او شباب وخصوصي ادم ومايا
جاسر خرج بعصبية ورزع الباب وهو خارج والكل تحت سمعوا صوته لانه كان عالي
جاسر بصرامة: يلا يا فارس
فارس بإستغراب: على فين
جاسر: على شركة قصي هيكون على فين
فارس: الشركة دوامها بيبدأ الساعة ٨ وقصي بيروح هناك على ٩ او ١٠ فلسة شوية وبعدين انا لسة هغير هدومي
جاسر: طب انا هخرج برا لما تبقى تخلص وتيجي تروح اتصل بيا سلام
جاسر خرج من البيت واخذ يمشي بالشارع وتذكر موقف حصل من عشر سنين لما يحي كان عايش
فلاش باك
حلا كانت تضع الاطباق على السفرة علشان الغدا فغصب عنها وقعت كوباية واتكسرت فجاسر شافها وكان عنده ١٣ سنة فجاسر ضرب حلا على ظهرها وحلا توجعت
حلا: ااااه يا جاسر حرام عليك ضهري بيوجعني
جاسر: علشان توقعي كاسات حلو مش عارفة تحطي كوباية على الطرابيزة
حلا دموعها نزلت من شدة وجع ظهرها: حرام عليك والله....ضهري واجعني اوي ووقعت عليه امبارح اما صدقت الوجع راح شوية......بضربتك ديه الوجع رجع تاني
يحي رأهم فركض على حلا وانخفض على ركبتيه
يحي بقلق: مالك يا روح بابا بتعيطي ليه بس مش احنا اتفقنا اننا منعيطش مالك يا حبيبتي فيكي ايه
حلا بدموع: هقولك بس بشرط
يحي بإستغراب: ايه هو
حلا: متتعصبش ومتزعلش جاسر
يحي: طيب بس ايه اللي حصل
حلا بدموع: وانا بحط الكوباية...... وقعت مني غصب عني...... واتكسرت فجاسر جيه.....من ورايا.....وضربني على ضهري......علشان وقعت الكوباية واتكسرت.....وانا ضهري وجعني علشان كدة بعيط......وبعدين انت عارف اني امبارح اتزحلقت ووقعت على ضهري.....وكان وجعني اما صدقت الوجع راح شوية.....بس بعد ضربة جاسر.....رجع يوجعني اكتر من الاول
يحي اتعصب وكان هيرفع ايده على جاسر حلا وقفت قصاد جاسر
حلا بدموع: اتفقنا قبل ما اقولك متتعصبش ومتزعلهوش بابا علشان خاطري خلاص هو مكنش يقصد وبعدين.....هو ميعرفش ان ضهري واجعني واني وقعت عليه
يحي بعصبية: بس مينفعش يرفع ايده عليكي لانه اخوكي الاخ بيكون سند وبيداوي وجع اخته مش يسببلها الوجع لازم يكون جنبك ويداوي جروحك مش يسببها يا حلا ومينفعش يرفع ايده عليكي وعلشان كوباية الكوباية تتعوض يا جاسر انما الاخت متتعوضش خليك دايما فاكر ان حلا اختك مش عدوتك علشان تضربها وتسببلها الوجع يابني البنات مبيستحملوش الوجع وخصوصي لو من شخص قريب منهم وبيحبوه
حلا: ايوة علشان احنا كائنات كيوت ورقيقين
جاسر ويحي ضحكوا
يحي: ااااخ منك انتي الوحيدة اللي تعرفي تخليني اضحك في نص عصبيتي وممكن افهم حضرتك ليه دافعتي عنه لازم يتربى من اول وجديد علشان يبقى يمد ايده عليكي حلو وخصوصي وانا عايش
حلا حاوطت خصر جاسر وعانقته: علشان هو اخويا حبيبي ومقدرش اشوف حد مزعله او يسببله الوجع حتى لو انت وبعدين الموضوع بيني وبينه بتدخل ليه انا وهو نحاسب بعض بس انت متحاسبهوش لانك هتضربه وتجرحه سواء بالكلام او بالفعل وانا ساعتها هزعل اوي ووجعي هيزيد لانه اخويا مني وحتة من قلبي وروحي وحياتي متكملش غير بيه وبعدين انت لسة قايل ان الاخ سند عايزني اخسر سندي ولا ايه وبعدين مقدرش على زعل حد من اخواتي الشباب بابا لازم تتعلم حاجة مش كل حاجة بالعصبية والضرب ومينفعش تضرب حد من الشباب قدامنا او قدام ماما لازم تهدى وتفهمهم براحة لان انا مبحبش حد يزعل اخواتي او يتجرحوا سواء جرح صغير جسدي او مشاعري حتى علشان خاطري انا وحياتي عندك سماح المرادي سامح جاسر هو مكنش يقصد والله يعني انا عارفة اخويا اكتر منك علشان خاطري متزعلهوش
يحي: طيب خلاص بس جاسر لو اتكررت تاني ووجعت اختك سواء بالكلام او بالفعل انت او حد من اخواتك هقصلكوا لسانكوا واقطعلكوا ايديكوا قبل ما تتمد عليها
جاسر بإحراج: انا اسف يا بابا والله ما اقصد.....اسف يا حلول مكنتش اعرف ان ضهرك وجعك وكان قصدي بس اهزر معاكي
حلا بغيظ: يعني انت يوم ما تهزر تهزر بالايد وتضرب على ضهري كمان ده هزار ده يا إسماعيل ولا ناوي تموتني
يحي وجاسر ضحكوا جامد
حلا: ايوة كدة اضحكوا وخلوا حياتي تنور بضحكتوا
جاسر: على رأي المثل قصير بس يحير
حلا: والله اذا كان عاجب ياخويا ده اللي موجود عندنا في السوق حاليا
يحي ضحك: ربنا يخليكوا لبعض واشوفكوا دايما كدة مع بعض
حلا: لا متقلقش بس انت اطلع منها واحنا هنظبط
يحي: اطلع منها ازاي ده انتوا لما بتتجمعوا بحس البيت هيولع من مصايبكوا
حلا: على فكرة احنا كائنات كيوت يعني ميغركش اننا اشباح بس والله عساسيل ونتحب وبعدين يعني مش احنا اخوات دايما لازم نكون مع بعض على الحلوة والمُرة
يحي: طيب يا فصعونة واد يا جاسر بدل ما تضرب اختك ساعدها
جاسر: حاضر يا بابا
حلا: لا يساعد مين بقى انا ضهري واجعني وبقيت زي الست العجوزة عقابا ليك هتعمل الشغل كله
يحي: بالظبط كدة هو ده عقابك
حلا: انت اما بتصدق راخر ده جسورتي هنعمل انا وهو سوى
يحي رفع احد حاجبيه: هو انا ليه حاسس اني مش موجود يعني كدة اهون عليكي ده انا بابا حبيبك تبيعيني علشان الكلب ده
حلا بعصبية: متقولش عليه كلب ليه اسم اسمه جاسر عايز تدلعه قوله جسورة مش طايقه متنديلهوش بس متشتمهوش والا هزعل وهجيب ناس تزعل كمان
يحي: لالا خلاص احنا اسفين يا استاذ جاسر حِبي فيه ياختي حبيه ودلعيه هيطلع كل ده على عنيكي في الاخر دلعي فيهم حلو
حلا: وهو انا عندي كام جسورة وكام ادومة وكام اريونة علشان مدلعهمش ياخويا ادلعهم ومدلعهمش ليه هفضل ادلعهم لحد ما يتجوزوا وتيجي مراتتهم اللي تدلعهم وتغمورهم بحبها بس انت ملكش دعوة بس بينا وقول الله اكبر متحسدناش
يحي ضحك: انا بالرغم اني مدايق من جاسر من اللي عمله بس فرحان لانك انتي في حياتهم عارفة ليه
حلا: عنننك الطلعة ديه عارفة اللي هتقوله....علشان لو حصلي حاجة يا حلا انتي موجودة وهتاخدي بالك منهم ومش هتسمحي للهوا انه يئذيهم.....ونبي بلاش نكد وفقر وروح شوف مراتك خلصت الاكل ولا لسة
جاسر ضحك: انتي محسساني انك ضُرت امي مش بنتها
يحي ابتسم: بس بجد انا بتكلم يا حلا انتي مفيش منك اتنين لا في قلبك ولا في حنيتك بتحبي اخواتك وبتخافي عليهم جدا حتى مني بتخافي اني اجرح مشاعرهم او اضربهم دايما تقفي في وشي علشانهم وكذا مرة تاخدي الضرب بدالهم مفيش اخت تعمل كدة علشان اخواتها نادر ان لاقينا بنت تتصرف كدة وتحب بالطريقة ديه
حلا بغرور: ما انا عارفة اني عُملة نادرة واني مميزة ده انا اللي هتجوزه امه هتبقى داعياله في ساعة استجابة
يحي وجاسر ضحكوا جامد
جاسر: لا ده انتي مشكلة من دلوقتي بتتكلمي عن الجواز اومال لما تكبري هتعملي ايه
يحي: هتجنن شباب مصر والعالم كله وتخليهم يجروا وراها علشان يطلبوها
حلا: تعرف عني غير كدة يا سيادة اللوا يحي
يحي وجاسر معا: احنا نعرف عنك ابو كدة
حلا: طب كويس انكوا عارفين من دلوقتي علشان متتصدموش ان لاقيتوا شباب العالم كله جايين يطلبوا ايدي للجواز
يحي: وهو يا روح امك انتي فاكرة ان قصي هيسيبك كدة ليه فكراها سايبة ولا ايه
حلا: اولا تصحيح للمقولة انا روح ابويا مش روح امي ثانيا يعني ماله قصي اظن انه ملهوش سلطة عليا لا هو خطيبي ولا جوزي ولا قارئ فتحته عليا
جاسر: طب تحبي احنا نقرأها على روحك ولا نقرأها علشان جوازك
حلا: تصدق انا غلطانة اني دافعت عنك انا من رأيي انك تضربه يا يحي
جاسر بصدمة: يحي مرة واحدة ده انا اللي اكبر منك اتكسف اناديه بإسمه
حلا: لا ما انا مش عايزة اكبره وهو لسة صغير وحلو كدة ومز وقمور
جاسر: بابا انت مش عندك حاجة واربعين سنة
حلا: عنده ٤٣ سنة لسة صغير ومز وحليوة اهو
جاسر: بابا تحب اطلبلك المأذون ولا انت مبسوط كدة
يحي ضحك: ده انا امي داعية عليا لان عندي ولاد زيكوا خلاص كفاية علشان بطني وجعتني من كتر الضحك وانا اساسا جعان
حلا: طب روح شوف مراتك خلصت ولا لا لو مخلصتش قولها تنجز
يحي: حاضر اي اوامر تانية يا سندريلا
حلا ابتسمت: اه عايزة بوسة
يحي ضحك وطبع قبلة على رأسها ووجنتيها
يحي: حاجة تاني
حلا بتفكير: كنت عايزة حضن كبيييير اوي بس خليها بعد الاكل علشان ناخد راحتنا
جاسر: الله الله حضن وبوس اومال سيبتي ايه لمراته
حلا بغيظ: تعرف تقفل بوقك وتنقطني بسكاتك انا بنته اولى من مراته مراته خدت راحتها لحد ما انا جيت كفاية عليها لحد هنا
يحي ضحك: طب انا هروح اشوف اخبار الاكل
يحي وقف وذهب
حلا بصوت عالي: شوف اخبار الاكل مش تشوف مها وتاخد بالك منها
يحي ضحك وذهب للمطبخ وجاسر ساعد حلا في تحضير السفرة
عودة من الفلاش باك
جاسر دموعه نزلت: فينك يا بابا لو كنت لسة عايش مكنتش هتسمح بحد منهم يجرحها سيبتنا ليه يارب دليني على مكانها انا عارف وحاسس بيها وبإنها موجوعة وقلبها وجعها يارب ساعدني ودليني على مكان اختي ويارب تكون كويسة وبخير ومتكنش اتأذت يارب انت اللي عالم بحالنا ساعدنا يارب....فينك يا حلا فينك ليه عايزة تحرقي قلبي عليكي يارب ساعدني اديني طرف الخيط اللي يخليني اوصل ليها
__________________________________
في بيت قصي على الساعة ٨ صباحا قصي لم يستطع النوم بسبب ان قلبه كان مقبوض ووجعه ولا يعلم مصدر هذا الشعور ايه وكان مخنوق جائه طرق باب البيت فذهب لفتح الباب وكانت اخته الكبيرة
انجلي بإبتسامة: صباح الخير
قصي: صباح النور ادخلي
انجلي دخلت وبإستغراب: مال وشك باين عليه التعب ليه
قصي وهو يجلس على الركنة: منمتش من امبارح
انجلي بإستغراب وقلق: ليه
قصي: معرفش كنت حاسس نفسي مخنوف وقلبي مقبوض ووجعني وحاولت انام معرفتش ففضلت صاحي وكنت لسة هعمل قهوة لاقيتك بترني الجرس
انجلي: مفيش قهوة من غير فطار تفطر وبعدين القهوة...... بس غريبة انك حسيت بالشعور ده لدرجة انك منمتش
قصي: مش عارف
انجلي بتفكير: قصي انت كلمت حلا امبارح
قصي: لا
انجلي: قصي بصلي
قصي نظر لاخته وانجلي جلست جنبه وربطت على كتفه بحب وحنان
انجلي: بلاش تاخد موقف من حلا من غير ما تسمعها اسمعها واحكم عليها وعاتبها واعمل اللي انت عايزه بس اديها فرصة تبرر وتشرح وبعدين ينفع تقلقها عليك امبارح انت مأتصلتش واطمنت عليها اذا كانت وصلت البيت ولا لا وهي زعلت هي سابتك على اساس تهدى شوية علشان تعرف تتكلم معاك افرض مثلا حصلها حاجة مش تطمن عليها وبعدين لما لاقيت تليفونك مغلق قلقت عليك واتصلت بيا وانا طمنتها وقولتلها على حوار انك مسافر وكدة طب على الاقل سيبلها مسدج
قصي: كنت مخنوق يا انجلي ومحبيتش اكلمها علشان خايف اني اجرحها او ازعلها بكلامي من غير قصد فقولت اهدى وبعدين هبقى اكلمها
انجلي: بس توعدني انك تسمعها للاخر ومتزعلهاش ولا تجرحها
قصي ابتسم: انا بحسك اختها هي مش اختي
انجلي ضحكت بخفة: انا اختكوا انتوا الاتنين ها قولت ايه
قصي: اوعدك
انجلي: على فكرة قلبك وجعك علشان سيبتها قلقانة عليك ومكلمتهاش فقرر يعاقبك ومخلكش تنام وتستاهل على فكرة هقوم احضرلك الفطار والقهوة هتروح على الشركة ولا هتريح انهاردة
قصي: لا هروح
انجلي: طيب قوم يلا خد شاور وانا هجهزلك هدومك يلا
قصي طلع اخذ شاور وانجلي جهزتله هدومه ونزلت جهزتله فطار خفيف وفنجان قهوة صغير وقصي نزل فطر وشرب قهوته واخذ علاجه وذهب للشركة وانجلي فضلت في البيت ظبطتله دولابه ونظمتله هدومه وعملتله الغدا ووضعته في الثلاجة ورجعت على بيت والدها بيت الشناوي
__________________________________
ادم واريان ذهبوا الشركة وروما ومايا كانوا يجلسون بالبيت قلقانين على حلا كثيرا جاسر وفارس وإيلين ذهبوا لشركة قصي ومحمد ذهب للمركز علشان فيه شغل وعلشان لو حلا ذهبت للمركز وبالنسبة لفهد وسمير جهزوا نفسهم وذهبوا للشركة وظلت فاطمة وساندي ولوئي بالبيت
__________________________________
في بيت الشناوي انجلي دخلت على الكل
انجلي: السلام عليكم
الكل: وعليكم السلام
ساندي: كنتي فين من وش الصبح يا انجلي
انجلي: اظن شئ ميخصكيش بس احب اريحك كنت بشم شوية هوا واكسجين علشان فيه ناس هنا بتزود نسبة السموم في الهوا فقولت اشم هوا نضيف شوية
ساندي بلا مبالاة وبإستغراب: انا مشوفتش قصي يعني هو فين وغير كدة ملقيتهوش في اوضته هو كان بايت في الشركة امبارح ولا ايه
لوئي بإستفزاز: لا كان بايت عند حلا
ساندي بغيظ: افندم
لوئي: مالك اتغاظتي كدة ليه وبعدين انتي لا مراته ولا خطيبته علشان تعرفي هو فين متخليكي في حالك ومتدخليش في اللي ميخصكيش
فاطمة: لوئي مينفعش تتكلم مع بنت خالتك كدة وبعدين مهما حصل تفضل بنت خالتكوا برضه
انجلي: ريحي نفسك يا ساندي قصي مسافر في شغل
ساندي: مقالش هيرجع امتى
لوئي: مستحيل يرجع طول ما انتي في البيت مش بعيد يكون طفش منك
فاطمة: وبعدين يا لوئي
لوئي: لا بعدين ولا قبلين انا هروح احسن لسمير الشركة اقعد معاه بدل ما يجيلي الضغط والقلب والسكر هنا ومرارتي تتفقع كمان سلام
لوئي ذهب للشركة
انجلي: لا مقالش هيرجع امتى بس قال انه مطول علشان كمان المهمة وكدة فممكن يرجع بعد شهر او اتنين او تلاتة وممكن اكتر الله واعلم
ساندي انزعجت وطلعت على غرفتها
وانجلي ابتسمت بسعادة: يس
فاطمة: والله انتوا مجانين ولسانكوا محتاج قصوا
انجلي: ونبي خلينا نفش غليلنا شوية فيها ومتقلقيش حبيب القلب تمام وزمانه دلوقتي وصل الشركة
فاطمة ضحكت: دايما فهماني كنت لسة هسألك عليه يعني هو كويس وفطر كويس يا انجلي واخد علاجه
انجلي ضحكت: ونبي قصي كويس والله وفطر واخد علاجه بطلي بقى القلق الزايد ده علشان صحتك وتعالي خلينا نتفرج على فيلم او مسلسل او اي حاجة
وقعدوا يتكلموا مع بعض في مواضيع مختلفة ويتفرجوا على التليفزيون
__________________________________
في بيت الدالي رقية اتصلت بجميلة
رقية: صباح الخير يا جوجو عاملة ايه
جميلة: الحمد لله يا حبيبتي انتي اخبارك ايه
رقية: تمام الحمد لله بقولك ايه يا جوجو هي حلا مكلمتكيش امبارح ولا قابلتك مثلا
جميلة بإستغراب: لا انا مشوفتهاش ولا كلمتها من ساعة الخطوبة ليه فيه حاجة
رقية بتوتر: لا مفيش بسألك بس لانها مدايقة فقولت يمكن تكون قالتلك هي مدايقة من ايه
جميلة: لا مقالتليش بس هي كويسة ولا ايه بقولك ايه مش هينفع كلام تليفونات انا هاجي اطمن عليها بنفسي
رقية بسرعة: لالالالا هي كويسة بلاش تيجي علشان هي لو عرفت اني قولتلك هتدايق اكتر انتي عارفة حلا عموما هي لما تتحسن هبقى اقولك تبقي تيجي تشوفيها بس بلاش دلوقتي بالله عليكي
جميلة: طيب ماشي بس لو حصل حاجة قوليلي
رقية: حاضر يا حبيبتي يلا انا مضطرة اقفل سلام
جميلة: سلام يا روحي
رقية قفلت مع جميلة واتصلت بآسيا ونفس الحوار دار لكنها لم تستطع معرفة شئ عن حلا اتصلت بفارس
رقية بقلق: الو يا فارس عرفت حاجة عن حلا
فارس: انا لسة في الطريق للشركة اهو وقربت بس انتي كلمتي جميلة وآسيا زي ما قولتلك
رقية: اه بس هما ميعرفوش حاجة عنها
فارس: طيب يا رقية انا يعتبر داخل على الشركة اهو لو عرفت حاجة هبلغك يلا سلام
رقية: ماشي سلام
رقية قفلت مع فارس وجلست بالحديقة ولم تتحدث مع مايا وروما نهائي
__________________________________
في شركة QAS قصي كان يجلس بمكتبه يعمل دخل عليه فهد وسمير
سمير: ايه الاخبار
قصي ابتسم: قصدك على ايه بالظبط
فهد: قصده انت وحلا
قصي: لسة مكلمتهاش بس كنت ناوي افوت عليها اخر النهار واخدها ونخرج ونتكلم
فهد: بس اوعى تستفرد بالبت علشان انا عارفك وعارف شوشو حبيبك
قصي ضحك: متقلقش ياخويا
هنا جائه طرق الباب
قصي: ادخل
دخل لوئي وفارس وجاسر وإيلين
سمير ضحك: وربنا انا مبقيتش حاسسها شركة بقيت حاسسها كافيه
الكل ضحك
لوئي: انا قاعد معاكوا علشان مرارتي متتفقعش من اللي اسمها ساندي ديه وكل اما اتكلم ستي تخرسني فانا علشان ضغطي ميعلاش على الصبح قولت اجي اقضي اليوم معاكوا
فهد: ورحمة اهلك لا انت حاكي اللي حصل بالتفصيل
لوئي حكى
سمير: لا كويس اني مكنتش موجود مش بعيد كنت روحت فيها في داهية والله
فارس: انتوا الله يكون في عونكوا مستحملين بني ادمة زي ديه ازاي مش عارف
جاسر بتوتر: قصي هو.....انت وحلا.....اتكلمتوا.....امبارح او اتقابلتوا
قصي بإستغراب: يعني كنت معاها في المول بس اتخانقنا انا وهي او بالاصح حصل موقف فانا اتعصبت وادايقت ورجعت على الشركة ومن ساعتها مكلمتهاش
جاسر بحزن ووجع: افهم من كلامك انكوا انتوا الاتنين متخانقين ومبتكلموش بعض
قصي: يعني حاجة زي كدة بس غريبة انك بتسأل يعني انا قولت انك عرفت من فارس او من حلا
جاسر غمض عنيه بوجع وقلق وحزن على حلا
فارس: يعني انت من ساعتها مكلمتهاش نهائي
قصي: لا
فارس: ولا حتى اطمنت عليها اذا كانت وصلت او لا طب حلا مأتصلتش بيك
قصي بقلق وعدم ارتياح: هو في ايه بالظبط مالكوا نازلين تحقيق كأنكوا بدوروا على عيلة تايهة مش فاهم يعني في ايه علشان بتسألوا كمية الاسئلة ديه فيه حاجة يعني حد حصله حاجة حلا كويسة ولا انتوا مخبين ايه عني
جاسر: ولا حاجة متقلقش كله تمام
قصي: جاسر....... في ايه
إيلين بتوتر: يا قصي مفيش حاجة متقلقش كنا بنسأل بس عادي لان حلا إمبارح مكنيتش على طبيعتها وكانت مدايقة ومتوترة بس فقولنا يمكن هي اتكلمت معاك ولا حاجة بس
قصي بشك: نفسي اصدق بس مش عارف
هنا دخل حازم
حازم: اوعى ايه ده الكل متجمع هنا صباح الخير ولو اني مش حاسس انه خير بالتجمع ده
الكل ضحك: صباح النور
حازم بمرح: لا انا بقول يا نفتح مدرسة او نعمل مظاهرات
الكل ضحك
جاسر: يخرب فقرك يا حازم
حازم: عيب عليك يا ابو الصحاب
جاسر: مريم اخبارها ايه
حازم: مريم عال العال الا قولي حلا اخبارها ايه يعني بقيت احسن ولا لسة تعبانة
قصي بإستغراب: ليه مالها حلا وقصدك ايه بكلامك
جاسر: لحظة واحدة انت قابلت حلا إمبارح....امتى
حازم بإستغراب: امبارح خرجت انا ومريم بليل يعني بعد نص الليل كدة وقابلناها بس يعني ميعتبرش قابلناها لان الموقف مكنش يعتبر مقابلة
جاسر: ممكن توضح كلامك وتتكلم بصراحة وبوضوح قصدك ايه
حازم بإستغراب: انا فاكركوا عرفتوا لاني وصلتها على البيت الصبح يعني انهاردة خرجت من المستشفى
قصي وقف بصدمة وقلق: اييه مستشفى..... مستشفى ايه وليه ايه اللي حصل امبارح يا حازم انطق انت مخبي ايه
حازم بإستغراب وحيرة: والله مش مخبي حاجة امبارح لما كنا بنتمشى انا ومريم سمعنا صوت اصطدام شخص بسيارة ولما اقتربنا لاقينا حلا فاقدة الوعي وبتنزف من دماغها نقلناها على المستشفى فورا ولسة خارجة انهاردة الصبح وانا موصلها على البيت عندكوا غريبة انكوا متعرفوش ليه مشوفتوهاش ازاي يعني ده حتى القطن والبلستر باينين على جبينها
قصي: جاسر فارس انتوا تعرفوا
فارس بصدمة: والله ابدا علمي علمك لسة عارف حالا
جاسر بقلق: انت متأكد يا حازم انك وصلتها على البيت عندنا احنا
حازم بإستغراب: ايوة اكيد مش هتلغبط في العنوان حتى بالامارة كان معايا مريم لما وصلتها وشاهر كان موجود وانا ومريم وخدنها من المستشفى هو في ايه ازاي متعرفوش يعني انا موصلها من قيمة ساعتين يعني كان المفروض تكونوا عرفتوا او شوفتوها وهي حكتلكوا اللي حصل
إيلين: بس حلا مرجعتش البيت من امبارح
قصي بغضب وغيظ: لحظة واحدة قصدك ايه من امبارح ومن امتى ممكن افهم ايه اللي حصل
إيلين بتوتر: هو بصراحة بعد ما حلا حاولت تكلمك ولاقيت تليفونك مغلق وكلمت انجلي احنا قعدنا نتفرج على فيلم بس هي مكنيتش مركزة وكانت قلقانة عليك وحتى لما سألناها حكتلنا اللي حصل بينكوا وكانت خايفة عليك بعد شوية مايا وروما وادم واريان اتخانقوا معاها علشان موضوع جواز لوئي وفهد من اسماء وساندي وجواز يزن وآسيا وجميلة ومالك وجرحوها بالكلام وحلا سابت البيت ومشيت ومنعرفش هي فين من إمبارح
قصي غمض عينيه بوجع وقلق وخوف على حبيبته وندم انه قفل تليفونه
سمير: طب اهدوا يمكن تكون ذهبت لبيت احد من اصدقائها
جاسر: كلمنا جميلة وآسيا مش عندهم وميعرفوش حاجة عنها وادي حازم ومريم وميعرفوش عنها حاجة مفيش غير قصي ومأظنش انها هتروح عنده وكمان متكلموش من إمبارح وتليفونها مغلق ومنعرفش عنها اي حاجة
قصي مسح بيده بقوة على وجهه وكان يشعر بالقلق والخوف على حلا وخصوصي ان قلبه وجعه عليها
قصي بغضب:..................................
__________________________________
يا ترى رد فعل قصي ايه؟!
وهل هيستطيع إيجاد حلا؟!
وهل حلا هتسامح اخواتها؟!
__________________________________
بعتذر عن التأخير بس اليومين اللي فاته كنت مشغولة في حجز الدروس وكنت برجع تعبانة بعتذر جدا وان شاء الله البارت الجديد هينزل بعد يومين او تلاتة بالكتير
