فارس اخذ حلا وراحوا على احد الشواطئ ولكن لكي تدخل على الشاطئ فيه بوابة سوداء كبيرة تفتحيها وتدخلي فارس ركن الشيارة وترجل منها هو وحلا
فارس: حلول اسبقيني وانا هجيب حاجة واجي
حلا ابتسمت: طيب متتأخرش
حلا دخلت وكانت مستغربة المكان وكانت حاسة بإحساس غريب عندما فتحت البوابة مشيت بعض الخطوات ومن ثم رأت الرمل عليه ورد احمر كتير بيدل على مسار معين فمشيت على المسار ده بإستغراب ودهشة وكانت تتلفت حولها لكي ترى اذا كان هناك احد تسأله عن المكان الذي يدل عليه المسار عندما ذهبت رأت ارض الشاطئ مليئة بالورد الاحمر وقصادها البحر تعجبت من المنظر ولكن حبيته كثيرا وابتسمت ومن ثم ذهبت امام البحر مباشرةً اغمضت عينيها وتنفست بعمق
: طب على الاقل سامحيني
حلا انتفضت من مكانها من اثر الخضة والتفت بسرعة لمصدر الصوت
حلا بغضب: انت.....انت بتعمل ايه هنا
قصي ابتسم: جاي اعتذر وهتسامحيني يا حلا يعني هتسامحيني
حلا بغضب ونرفزة: امم ولو مسمحتكش هتعمل ايه يعني
قصي ابتسم اكتر: عايزة تعرفي هعمل ايه
حلا بلا مبالاة: بصراحة لا ومش عايزة اعرف ويظهر اني جيت المكان الغلط
حلا كانت هتمشي بس قصي مسكها من معصمها حلا التفت له
حلا بغضب وهي تحاول التحرر منه: قصي سيب ايدي علشان متشوفش تصرف ش هيعجبك
قصي بحب: مش قبل ما تسمعيني اسمعيني وبعدين اعملي اللي انتي عاوزاه
حلا بغضب ونرفزة: وانا مش عايزة اسمعك سيب ايدي بدل ما اصرخ والم عليك الناس
قصي ركع على رجليه الاتنين ومازال ممسك بيدها حلا استغربت تصرفه وفضلت تنظر حواليها وتنظر له بإستغراب وتعجب وتساؤل
قصي بحب: عارف اني جرحتك وعارف اني بسببي دلوقتي انتي موجوعة وقلبك بيوجعك وان قلبك مجروح وعارف ان الجرح مش هَين ابداً بس انا اسف عارف ان اسفي لوحده مش كفاية اديني فرصة يا حلا اصحح غلطي كان معاكي حق يوميها اني غبي لاني فعلا غبي لاني مقدرتش اميزك او اعرفك
حلا بإستغراب: قصدك ايه بأنك مقدرتش تميزني
قصي ابتسم: قصدي ما بينك وبين البنت اللي كانت في الفيديو
( قصي كان يقصد انه غبي لانه معرفش يميز حلا حبيبته وانه ازاي معرفهاش طبعا هو كذب خوفا من انها لو عرفت انه عارف الحقيقة تسيبه او متسامحهوش )
قصي نظر لها بحب واسف: سامحيني يا حلا ارجوكي سامحيني
حلا تجمعت الدموع بعيونها: وليه اسامحك علشان ايه كدة كدة انا مجرد سكيرتيرة عندك او شرطية هتأدي وظيفتها وتمشي يعني كدة كدة مش هبقى في حياتك فليه مُصِر على اني اسامحك
قصي: لانك بالنسبالي مش مجرد سكيرتيرة ولا شرطية هتأدي وظيفتها وهتمشي انتي بالنسبالي اكتر من كدة حابة تعرفي انتي بالنسبالي ايه
حلا وهي تحاول ان تتحرر من قبضة يديه: لا ممكن تسيبني امشي لو سمحت
قصي: يظهر انك طرشة انا قولت مش هتمشي من هنا غير لما تسامحيتي
حلا: اممم يبقى هنفضل هنا طول العمر
قصي بهيام وحب: وانا معنديش اي مانع ده يوم المُنى
قصي قام وقف قصادها وبتحدي
قصي بتحدي: قدامك حل من الاتنين يا إما تسامحيني برضاكي او هتسامحيني غصباً عنك
حلا رفعت احد حاجبيها: ازاي بقى ان شاء الله
قصيابتسم ابتسامة خبيثة: ازاي سؤال حلو بس الاجابة عليه كبيرة بس هجاوبك هصرخ هنا قدام الناس واقول اني بحبك وعاوز اتجوزك وانتي مش راضية وساعتها الموضوع هيقلب جد لان ساعتها ىو موافقتيش ساعتها هشيلك وهتجوزك انهاردة سواء برضاكي او بالقوة
حلا اتصدمت من اللي قاله
حلا تحت تأثير الصدمة: في حد قالك قبل كدة انك مجنون
قصي ابتسم ابتسامة انتصار: اها مجنون بيكي
حلا بغرور وتحدي: امم طيب اسمع بقى مسامحة انا مش هسامح واعلى ما في خيلك اركبه
واعطته ظهرها ومشيت خطوتين ولم تستطع تكملت المشي لانها وقفت عندما سمعت صراخ قصي
قصي بصراخ وصوت عالي والناس رأته: حلااااااأااا
حلا التفتت له وظلت تنظر له تارة وللناس تارة اخرى
قصي ركع على احد رجليه واخرج بوكيه ورد من وراء ظهره وبصوت عالي: انا اسف سامحيني عارف اني غبي بس بيقولوا ان المسامح كريم وانا لو عليا اعيش جنبك العمر كله انا بحبك اوي ومقدرش اعيش من غيرك تقبلي تتجوزيني
حلا انصدمت من جرائته والكل سقف لقصي وقصي ابتسم ابتسامة انتصار ولكنه لا يعلم انه يقف اما دماغ مثل اليابس انشف من اليابس والله
حلا بعدم مبالاة هزت راسها بالنفي: لا والف لا
هنا اختفت ابتسامة قصي من على وشه وحلا اعطته ظهرها وذهبت هو ظل مصدوم من موقفها تخطت البوابة وذهبت وكانت تتجه للجراش ولكي تذهب للجراش هناك طريق يجب ان تعبره ذهب خلفها وامسكها من معصمها وهي تسير وجذبها ليه
قصي وهو يأخذ انفاسه بصعوبة من الركض خلف حلا ليلحقها: جلا ارجوكي اسمعيني اديني فرصة وصدقيني مش هتندمي
حلا بغضب: انا مبديش فرص لحد ومعنديش اساسا فرص لحد فبعد اذنك ابعد عني علشان مفرجش الناس عليك بما انه انت بتحب تتكلم بصوت عالي قدام الناس وتخلي اللي ما يشتري يتفرج
قصي بحب: حلا ارجوكي بليز انا اسف عارف ان اسفي مش هيفيد بحاجة بس على الاقل اديني فرصة واحدة بس وصدقيني مش هتندمي
حلا بإصرار: وانا قولتلك معنديش فرص لحد وشدت ايديهامن يديه وعبرت الطريق ولكنها سمعت صوت إطارات سيارة تصطق بالطريق مصدرة صوتاً قوياً وصوت كلاكسات السيارة حلا التفت للخلف رأت قصي مازال يقف مكانه وعندما ىفت نظرها من عليه رأت بالصدفة سيارة تتجه نحو قصي بسرعة فائقة وهو لا ينظر سوى لحلا بحزن ووجع واسف وحب ولم ينتبه للسيارة التي ستخبطه نظرت لقصي بصدمة وقلق وخوف وللسيارة
حلا بصراخ: ققصييييييييي
ركضت حلا نحو قصي ودفعته للخلف لكي يبتعد عن اتجاه السيارة وبالفعل ارتد قصي للخلف ولكنه لم يتزن من اثر الصدمة فوقع على ظهره على الارض وحلا فوقه كان يوجد حجر اصطدمت رأس حلا به فجُرحت رأسها وكانت الرؤية غير واصحة وتشعر بدوار وفقدت الوعي قصي شعر بثقل على جسده هو لم يعلم ان حلا اتصابت فقلق عليها فنقل حلا من فوقه على الارض ليرى ما بها ولكنه وجدها فاقدة للوعي ورأسها ينزف ولكن الجرح كان بسيط فقلق عليها كثيراً
قصي بخوف وهو يربط على وجه حلا: حلا..... فوقي....... حلا.......ردي عليا
__________________________________
فارس ظل يبحث عنهم ولم يعثر عليهم.
عندما قصي لم يطلق اي رد فعل من حلا حملها واجلسها على احد المقاعد وهنا تليفونه اصدر صوت يعلن عن مكالمة هاتفية من احد وعندما نظر الى محموله وجد المتصل ليس سوى فارس فأجاب عليه
فارس بقلق: انتوا فين يابني منك ليها انا دايخ عليكوا ومش لَقيكوا فأكمل بمرح
فارس بمرح وابتسامة: اوعى لا تكون استحايتها واخدتها بقى تفسحها ولا لا تكون اعترفت بحبك وطلبتها للجواز وهي وافقت وانت اما صدقت
قصي بخوف وقلق: فارس الحقني حلا حصل معاها حادث وفاقدة الوعي وانا مش عارف اعمل ايه
فارس اختفت من على وجهه الابتسامة وحل محلها الخوف والقلق
فارس بخوف: انتوا فين
قصي: احنا قصاد الجراش قبليه بحوالي خمسة متر
فارس: طب انا جاي بسرعة سلام
قصي رمى التليفون بجانب حلا وحاول يفوقها ولكنه فشل فارس ذهب اليهم ومعه زجاجة مياه ورش البعض منها على وجه حلا فلم تفيق فعندما يئس سكب على وجهها زجاجة المياه دفعة واحدة فحلا فاقت وظلت تكح وكانت الرؤية غير واضحة وظلت تفتح عينيها وتغلقها الا ان اصبحت الرؤية واضحة نوعاً ما
فارس بخوف وقلق: حلا انتي كويسة تحبي اخدك على المستشفى
حلا بضعف وألم: لا. ومن ثم عندما لم ترى قصي
حلا لفارس بخوف ودموع: فين قصي حصله حاجة
قصي كان يجلس بجانبها ولكنها لم تأخذ بالها لانه كان تارك مسافة بينهم لكي تستطيع اخذ نفسها
قصي بحب وخوف: انا جنبك اهو متقلقيش يا عمري
حلا نظرت له بقلق وخوف وبدأت تتفحصه بعينيها لترى اذا كان مجروح قصي مسك وجهها بين يديه ونظر في عيونها مباشرةً
قصي بإطمئنان: والله كويس مفيش حاجة ومحصليش حاجة
حلا من شدة الخوف والقلق من فقدان حبيبها ارتمت بحضنه وتعلقت بعنقه وعانقته بقوة ودفنت وجهها بعنقه تستنشق عطره لكي تطمئن بأن حبيبها بخير ولكي تتخلص من الخوف بداخلها وظلت تبكي بأحضانه من شدة وجع قلبها لمجرد احساس فقدان الحبيب قصي بادلها العناف ودفن وجهه بعنقها يستنشق عطرها الهادئ الذي يعشقه ولكي يطمئن هو الاخر فهو ليس اقل خوفا منها عانقها بقوة واصبح يملس على شعرها بحب وحنيه ليهدئها ويطمئنها ظلوا هكذا لدقائق ومن ثم ابتعدوا عن بعض
حلا: متأكد انك كورس طب......طب اتجرحت او اتأذيت ولا حاجة
قصي ابتسم: المجروح هننا هو انتي مش انا
فارس بمرح لكي ينسيها خوفها وقلقها على قصي: ما انتي كويسة اهو اومال قلقتي امنا عليكي ليه يا شيخة
قصي: حلا يلا علشان اخدك على المستشفى علشان الجرح اللي في دماغك ده
حلا: لا مفيش داعي ده جرح بسيط وسطحي قصي مفيهوش حاجة
قصي: لا علشان نطمن
حلا ابتسمت بحب: طب وحياتك انت انا كويسة ومفيش حاجة ده جرح بسيط
قصي بحب: وحياتي عظدك بجد مش حاسة بتعب
حلا ابتسمت وهزت رأسها بالنفي قصي قبل رأسها
فارس بغيظ ضرب قصي في كتفه بس بخفة هزار يعني
قصي بغيظ: ايه يعني خير شايفك عمال تحضن وتبوس ما تخدها احسن على غرفتك
حلا خجلت بشدة اما قصي اتعصب وقام ضارب فارس في كتفه وكانت الضربة جامدة وتأوه فارس من شدة الوجع
قصي بغضب: طب خف تعوم وملكش فيه واطلع انت منها
ومن ثم نظر لحلا رأى وجهها احمر من شدة الخجل ولكي يخرجها من خجلها
قصي نظر لفارس وبمرح: وبعدين صاحبتك هي اللي مطلعة عيني عمال من الصبح اعتذر واتأسف وهي مش عايزة تسامحني
ومن ثم نظر لحلا
قصي: عاجبك كدة يا ست هانم علشان سيادتك مش عايزة تسامحيني ربنا غضبان عليا وكنت همو.................... لم يستطع ان يتكلم لان حلا اسكتته عندما وضعت يدها على فمه
حلا بغضب: متقولش كدة بعد الشر عنك
قصي مسك ايديها ونظر لها بحب: ليه يفرق معاكي
حلا بحب: اومال هيفرق مع مين ان مفرقش معايا
قصي: ليه
حلا: لاني بح............... حلا وعت للي كانت هتنطق بيه وسحبت ايديها بسرعة
حلا بتوتر: لا......... يعني....... هو علشان انا بحميك وبعدين خلاص سامحتك
قصي ابتسم لانه فهم هي كانت هتقول ايه: اكيد
حلا هزت رأسها بالموافقة
قصي: اذا كان كدة يبقى تجهزي نفسك علشان هنروح شركة اخواتك هنعقد هناك صفقة
حلا: لازم اجي يعني
قصي: اه مش انتي سكيرتيرتي وغمزلها
حلا ابتسمت: اه للاسف
قصي رفع احد حاجبيه: هو انتي تطولي
حلا بإستفزاز: مش هرد عليك علشان انا عارفة انا ايه ولاني محترمة وعموما يعني الاجتماع الساعة كام
قصي: الساعة3 والساعة دلوقتي 12 ونص
حلا: يدوب اروح اغير هدومي واروح على الشركة
قصي: تحبي اعدي عليكي على كام
حلا: لا انت لما تجهز ابقى تعالى على الشركة هنبقى نيجي انا وفارس علشان في شغل في المركز هعمله بعد الاجتماع
قصي: ابقى اوصلك للمركز يا ستي ولما تخلصي ابقى اروحك على البيت
حلا: لا طبعا مينفعش وبعدين هو انت اما صدقت اني سامحتك عايز تروح وتيجي معايا
قصي بغيظ: هو انا هخدك افسحك ده شغل
حلا: ما هو مينفعش تفضل ورايا كدة علشان محدش يعرف ان انا معاك وبالاخص في المركز ميعرفوش اني في مهمة وبعدين مينفعش اركب معاك ونروح ونيجي لانك لا جوزي ولا خطيبي فمش هينفع
فارس: طب يلا خلونا نروح نجهز نفسنا
فارس اخد حلا وركبوا سيارتهم وذهبوا للبيت وكذلك قصي حلا دخلت البيت كانت عفاف في المطبخ فركضت الى غرفتها قبل ما عفاف تشوفها وتفتح معاها تحقيق بخصوص الجرح اللي في رأسها ودلفت الى الحمام اخذت شاور سريع وغيرت ملابسها وارتدت بنطلون ابيض وشميز ابيض وبليزر كحلي وحذاء بكعب عالي كحلي وصففت شعرها وعملته ذيل حصان ورفعته للاعلى وجابت شعرها على كتفها الايسر ووضعت من البرفيوم الهادئ وارتدت حلق صغير لونه اسود وسلسلتها الفضية وساعتها الفضية واخذت مفاتيح سيارتها ونظارتها الشمسية السوداء وانطلقت بسيارتها على شركة الدالي وخلفها فارس بسيارته حلا طلبت من فارس يسبقها على الشركة وهي هتذهب للمركز لترى الامور وصلت لفين وبعدين هتحصله
اما بخصوص قصي فذهب الى بيته وارتدى بنطلون اسود وقميص ابيض وبليزر كحلي وجذمة لونها اسود ووضع من البرفيوم وارتدى ساعته واخذ مفاتيح سيارته ونظارته الشمسية واحد الملفات وانطلق على شركة الدالي
__________________________________
في شركة الدالي ادم طلب من جميلة فنجان قهوة وجميلة جاباله القهوة ووضعتها على المكتب وكانوا بيتناقشوا بخصوص احد الصفقات ادم كان ينظر بأحد الصفقات ومد يده ليأخذ فنجان القهوة وعينيه متعلقة بالملف فبسرعة جميلة بعدت ايده للن الفنجان كان هيقع على ايده وبدلا من ذلك وقع على ايد جميلة ادم كان لسة هيتعصب من تصرفها ده ولكن عندما رأى يديها احترقت وانها تصرفت هكذا لان يديه كانت ستحترق تبدلت ملامح الغضب وحل محلها الخوف والقلق ومسك يدها بسرعة وبدأ يسكب عليها مياه
ادم بعتاب وانزعاج: في حد مجنون يعمل اللي انتي عملتيه ده كُنتي قوليلي انها هتقع على ايدي
جميلة بوجع: ده على اساس انك بتسمع من حد وبالاخص مني دايما ماشي عكسي وبتعند معايا وبعدين مكنش فيه وقت واهو اللي حصل بقى واساسا انت مبتسمعش من حد غير نفسك
ادم بصلها بغيظ: اممم طب كويس انك عارفة ان كلامك ملهوش اهمية
جميلة بغضب وغيظ: اه انت اللي دايما صح والباقي غلط انت اللي بتفهم والباقي مبيفهموش حمير محسسني انك مَلِك واحنا خدامين عندك او عبيد على فكرة انت زيك زينا ولا انت عندك رجل زيادة واحنا معندناش ومتشوفش نفسك على الفاضي لانك مفيش حاجة فيك مميزة علشان تفتكر نفسك انك مهم اوي وان البنات هتموت عليك لان لو كل البنات هتموت عليكي فانت بالنسبالي ولا حاجة
ادم بغيظ: وهو انتي تطولي اني ابصلك اساسا
جميلة: شكرا جدا مش عايزة انول الشرف العظيم ده
ادم ابتسم ابتسامة انتصار: كويس انك عارفة
جميلة ضحكت وبثقة وغرور: اه انا عارفة كويس بس انت اللي مش عارف انك اساسا متطولش ولا تستاعل واحدة زيي تبصلك لاني كتير عليك
خرجت جميلة من المكتب وتركت ادم يضرب اخماس في اسداس ويستشيط غضباً
__________________________________
في مكتب اريان كان يجلس هو وآسيا يتناقشوا بخصوص صفقة سما
اسيا: تمام يبقى كدة كل حاجة جاهزة حضرتك تؤمرني بأي اوامر تانية
اريان: لا شكرا تقدري تروحي تشوفي شغلك
آسيا اخدت النلفات والورق وكانت هتخرج بس وقفت فجأة فاريان استغرب تصرفها
اريان باستغراب: خير في حاجة
آسيا بخوف وتوتر: هو...... كنت عايزة اسأل حضرتك سؤال
اريان باستغراب: اتفضلي
آسيا: هو حضرتك فطرت قبل ما تخرج من البيت اصلي جيت لاقيت حضرتك هنا قبلي فده معناه حاجة من الاتنين يا إما كنت بايت امبارح في الشركة يا إما جيت بدري وملحقتش تفطر
ظهر على وجه اريان شبح ابتسامة: وانتي ايه اللي خلاكي تسأليني سؤال زي ده
آسيا بتوتر: لا ابدا بس باين على وشك انك تعبان بس برضه مجاوبتنيش فطرت ولا
اريان: لا مفطرتش خرجت من البيت بدري
آسيا: طب اذا كان كدة هطلبلك حاجة تاكُلها مع كوباية القهوة ومفيش اعتراض لان شكلك تعبان ومفيش اجتماع هيتم من غير ما تاكُل
اريان: بس انا مش جعان
آسيا باصرار: ماليش فيه هتاكُل ولا أئجل الاجتماع ليوم تاني
اريان باستسلام: طيب خلاص هاكُل
آسيا: تحب تاكل ايه
اريان: اي حاجة على ذوقك
آسيا هزت رأسها بالموافقة وخرجت لتجلب القهوة والاكل
آسيا قابلت جميلة في طريقها ورأت على وجهها ملامح الوجع
آسيا باستغراب: مالك يا روحي فيكي ايه
رأت يدها حمراء
آسيا بشهقة: يالهوي ايه اللي عمل فيكي كدة
جميلة بغيظ والم: مفيش بس يظهر طلع واحد مبيستاهلش ولا بيفهم ولا عنده احساس ولا ضمير ولا حتى بيفهمفي الذوق
آسيا: طبايه اللي حصل
جميلة: مفيش يا ستي فنجان القهوة كان هيقع على ايده يحرقها قومت انا بسرعة بعدت ايده بس واتا ببعد ايده وقعت على ايدي وحرقتني
آسيا بغيظ: ويعني هو انتي مفكيش عقل ولا مخ ليه تحرقي نفسك علشانه ما هو دايما بيسممك ويسمعك كلمتين حلوين كُنتيسبتيه يتحرق علشان يعرف ان الله حق معرفش دايما شايف نفسه ولا مناخيره اللي مرفوعة في السما ديه هاين عليا اكسرهاله
جميلة: مهنش عليا وقلبي مطاوعنيش وبعدين مغرفش ايه اللي حصلي لاقيت رجلي جريت عليه وايدي اتمدت علشان تمنع ايده من الحرق بصراحة مبقتش عارفة ايه اللي بيحصل معايا
آسيا وهي تنظر بعينيها: لا تكون وقعت يا حب وانت مش حاسس ولا حد سمى عليك
جميلة بتوتر: حب ايه بس يا بت قال وقعت قال وبعدين ملاقيتيش غير البني ادم ده اللي اقع في حبه ده بوقه بينقط سم اربعة وعشرين ساعة اااااه يا ايدي
آسيا: طب تعالي معايا تقريبا معايا مرهم للحروق في الشنطة تعالي اما اشوفه واحطلك منه
ذهبوا لكي يبحثوا عن المرهم
__________________________________
حلا انهت عملها بالمركز وانطلقت على شركة الدالي
قصي وصل للشركة وذهب للجراش يركن سيارته وعندما ترجل منها وكان يغلقها رأى حلا تدلف بسيارتها وتركنها وعندما ترجلت من السيارة واغلقتها وكانت تتجه نحو باب الجراش علشان تتجه نحو باب الشركة اعلن محمولها عن اتصال وقفت حلا لترد قصي كان خلفها فكان يراها ويسمع ولكنها لم تلاحظ وجوده
حلا بابتسامة: السلام عليكم
: وعليكم السلام انتي فين يا بت منك ليه هو انتوا ما صدقتوا خرجتوا
حلا ضحكت: جرى ايه يا ميدو ما انا وزعتلك فارس اهو علشان تاخد راحتك مع فوفا الله وبعدين بخصوص احنا فين في الشركة عند ادم واريان
محمد: ليه انتي قي شركة اخوكي مش المفروض يا اما تكوني في المركز او شركة قصي
حلا: لا ما انا لسة جاية من النرمز حتى كنت لسة بركن غربيتي قدام الشركة اهو ثم ان انا مش عايزة اجي بس قصي فيه عنده شغل هنا وهو عايزني فأضطريت اروح انا لو عليا كنت ناوية اخد انهاردة اجازة بلطجة من المركز والشركة بس يلا بقى
محمد ضحك: ليه حاسس ان طالع عينك مع قصي
حلا ضحكت: غلطان قصدك روحي طالعة معاه وكله قوم وتنشيف الدماغ كوم تاني خالص مبيحبش يسمع من حد غير نفسه انا قولت كفاية عليا ادم مكنتش ناقصة قصي كمان انا كدة هيتخلص عليا بدري بدري
محمد ضحك: اذا كان عاجب
حلا: عاجب طبعا وهو اتا اقدر اتكلم او انطق ما انا اللي جبته لنفسي
محمد: هو ده الحب مش انتي دايما كُنتي بتقعدي تتكلمي عنه وانه شعور حلو ها ايه رأيك
حلا بوجع: شعور حلو لما تكون مع حبيبك وهو عارفك وعارف انك انت الشخص اللي هو بيحبه وان الشخص اللي قدامه ده بيبادله نفس المشاعر ونفس الشعور واكتر عكس كدة يبقى بيوجع ما علينا اقفل دلوقتي علشان لازم اروح
محمد: انتي اللي بإيدك تخليه يعرف بس انتي منشفة راسك ومش عايزة تعترفي اعملي حسابك اني هقعد معاكي لما ترجعي نتكلم بخصوص الموضوع ده يلا روحي شوفي شغلك وابقي سلميلي على حبيب الروح وعلى ادم واريان
حلا ضحكت: حاضر هسلملك عليهم وعلى حبيب الروح اي اوامر تانية يا سيادة اللوا
محمد ابتسم: لا يا حتة من قلب اللوا سلام يا روحي وخلي بالك من نفسك
حلا: حاضر يلا لا إله إلا الله
محمد: محمد رسول الله
قفلت معاه حلا وتنهدت بقوة: اما نشوف اخرتها ايه في العذاب ده اللي ملهوش بداية ولا نهاية
ذهبت باتجاه الشركة وقصي سمع المكالمة وابتسم: هيبقى ليه نهاية يا حلا وقريب جدا
حلا دخلت الشركة ووقفت امام المصعد تنتظر ان يفتح وعندما فتح دخلت وكان خلفها قصي عندما رأته ابتسمت
حلا: جاي قبل المعاد يعني لسة فاضل ساعة على الاجتماع
قصي: فيه بعض الامور هناقشها مع ادم واريان وبعدين هو تحقيق ولا ايه
حلا رفعت يديها باستسلام: لا وهحقق معاك ليه كنت جوزي اسفة ليك هقفل بوقي ومش هفتحوا تاني
قصي: امم لا عادي كنت بهزر مبتهزرش يا جعفر
حلا رفعت احد حاجبيها: جعفر امم طب انا من رأيي تخليك في حالك يا فواز علشان متزعلش مني
قصي: طب هو احنا هنطلع الدور الكام ولا انتي مش عارفة شركة اخوكي
حلا لم تعطيه اي اهتمام وضغطت على احد الازرار
__________________________________
في مكتب اريان اتجمع ادم وفارس
فارس ضحك: طب والله واحشتني ايام زمان لما كنا نتفق ونعمل مقالب في حلا ومايا وهنا يردولنا المقلب
اريان بحزن: واتفاق بابا معاهم علينا بجد ياريت الزمن يرجع من تاني
فارس بمرح: لا بقولك ايه متقلبليش على احمد كامل وتبقى اسير احزان واوجاع لما انت كدة اومال حلا تعمل ايه
ادم بحزن ووجع: الله يكون قي عونها لان مهما كنا متضايقين على فراق بابا هي هتبقى اضعاف مضاعفة
فارس بمرح: مين ديه ديه حلا ديه عاملة زي جبل من التلج ماشي على الارض قمة في البرود ولا الحبروت اللي عندها انا في اوقات بحس ان قلبها ميت ومعندهاش دم ولا بتحس
هنا حلا دخلت وسمعت كلام فارس
حلا بصوت عالي فارس انتفضت من الفزع
حلا: شكرا يا محترم يا اخرت صبري بقى بعد كل ده وميطمرش فيك حاجة وفي الاخر قلبي ميت ومعنديش احساس وجبروت وجبل من التلج يعني انا اللي شيطان وانت ملاك صح انت بريئ وانا شريرة ومعذباك ومخلياك مش طايق حياتك
فارس بتوتر: لا يا حب ده انا حتى كنت بمدح فيكي قبليها بس انتي دايما ظلماني
حلا بغيظ: اه انا اللي ظلماك بس انت مبتظلمش حد خااااالص وبخصوص مديحك انا عارفة كويس انهي نوع من المديح اللي بتحب تمدحه فيا
تخطته واتجهت نحو اريان اريان كان هيقف ليها بس هي حطت يدها على كتفه تمنعه وانخفضت لمستواه وقبلته من خده قصي شعر بغيرة لما رأهل تقبل اريان من خده
حلا: مفيش داعي تقف علشان تستقبلني انا مش غريبة انا اختك
اريان مسك يدها وقبلها: ومين يشوف اميرة الاميرات وميُقفش ويسلم عليها وياخدها بالحضن كمان
اريان وقف وحضنها وهي بادلته العناق
اريان: وحشتيني يا اللي مطلعة روحنا
حلا ضحكت: والله وانتوا وحشني اكتر
ادم بإنزعاج: كدااابة لانك لما رجعتي من الحادث مجيتيش وسلمتي علينا او حتى تطمني علينا اذا كُنا عايشين ولا ميتين
حلا بغضب: اقسم برب العزة يا ادم ورحمة بابا اللي ما عندي اغلى منه ووحيات الشخص اللي بحبه لو ذكرت السيرة ديه تاني لا تشوف وش مش هيعجبك نهائي وبعدين انا اطمن على البنات اه على اريان وجاسر ماشي انما عليك ليه وبعدين عيب في حقك يكون لقبك الكينج واختك هي اللي تطمن عليك وبعدين انت في الاول والاخر راجل المفروض انت اللي تطمن عليا مش انا اللي اطمن عليك
ادم بغيظ: اه صح بس تطمني على حبيب القلب اهم حد عندك هو واحنا ولا هنا
حلا ضحكت: لا بجد انتوا ايه مشكلتكوا معاه انت ومايا مالكم عاملين كدة ليه ده لو انا مراتك مش هتبقى كدة وبعدين اللي يشوفك وانت متغاظ يفتكرك بتحبني واللي يشوفك متعصب كدة ميشوفكش وانت بتهزأني علشانه
ادم بحب: طب هو انا ماليش حضن زي اريان ولا ايه
حلا رفعت احد حاجبيها: عجبتُ لك يا زمن انت مش كنت لسة هتمسك فيا دلوقتي ايه اللي جرالك ولا انت ركبك عفريت
ادم ضحك: لا عندي انفصام في الشخصية زي حبيب القلب
حلا ضحكت: اه هو انت هتقولي ده انتوا الاتنين شخصية واحدة نفس الدماغ اللي مش بتلين واللي عاملة زي اليابس لو اليابس في امل انه يلين انتوا الاتنين دماغكوا مش هتلين ونفس الاسلوب المستفز
ادم قرب منها وحط ايده على كتفها وجذبها
ادم بابتسامة خبيثة: بس برضه بتموتي فيه
حلا بصتله بغيظ وادم ضحك
ادم: خلاص خلاص بلاش جون سينا وجعفر يطلعوا سوى مع بعض تصدقي جون سينا وحشني اوي. وعانقها وهي بادلته العناق
قصي بغيظ: طب هنبتدي شغل ولا هنقضيها احضان وبوس كتير
هنا ادم وفارس واريان رأوه غيران على حلا انفجروا من الضحك وحلا كانت مستغرباهم ولكن عندما عينيها وقعت على قصي بالصدفة رأت الغيرة في عينيه وابتسمت ولكنها سرعان ما اخفت الابتسامة حتى لا يأخذ باله
ادم واريان في نفس الوقت: على مهلك يا كينج هنشتغل بس انت اهدى
هنا دخلت آسيا ومعاها سندوتش لاريان وفنجان القهوة حلا بصتلها باستغراب
حلا باستغراب: الحاجات الجميلة ديه لمين
آسيا ابتسمت: هيكون لمين يعني لأستاذ اريان
حلا كانت تجلس على سطح المكتب فآسيا تقدمت نحو اريان ولكن حلا جذبتها من ذراعها بخفة
حلا: اولا انتي وحشاتيوعيب لما تعديني كأني هوا مش شايفاه ثانيا بقى انا شامة ريحة قهوة
آسيا ضحكت: هو انتي عمرك ما هتنسي ريحتها
حلا بغيظ: طب ننجز علشان مزعلكيش
آسيا: استاذ اريان طلبها
حلا اخذت منها الكوباية: هدوقها قبل اريان
آسيا باستغراب: ده إشمعنا
حلا بصت لاريان: اخويا حبيبي اهافعليه فلازم مخليهوش يتهنى بالقهوة فبصت في الصينية اللي آسيا شايلاها فرأت السندوتشات
حلا بإستغراب: ليه حدثي يخبرني ان اخي العزيز لم يفطر حتى الآن وعلى الاغلب مفيش حاجة دخلت معدته
اريان بتوتر: لا ابدا بس هو انا جوعت فقولت لآسيا تجبلي اكل
حلا كانت تعطيه ظهرها وقفت وبصتله
حلا بهدوء مرعب: عيب اوي تكون انت الكبير وتكدب عيني عينك ده على اساس اني غريبة ومش اختك ومعرفكش افهم بقى اديني سبب واحد يخليك تخرج من البيت متفطرش
اريان ببعض الغضب: شغل يا حلا كان عندي شغل لازم يخلص
حلا اتنرفزت بس حاولت تسيطر على نفسها نظرت لادم: طبعا وانت زيه
ادم بتوتر: لا انا اكلت لما جيت الشركة
حلا رفعت احد حاجبيها واده نرفزها اكتر
حلا بهدوء نظرت لآسيا: حبيبتي ممكن تروحي تناديلي جميلة وتيجي علشان انتوا وحشني جدا
آسيا فهمت انها عايزة تتكلم مع اخواتها على انفراد وفي نفس الوقت كانت عايزة تشوف جميلة
اسيا: حاضر هروح اجيبها واجي بعد عشر دقايق كدة علشان في شغل لازم اخلصه
حلا: تمام يا روحي وقولي لعلي يجيب سندوتشات لادم واريان
اسيا: حاضر
حلا انتظرت لما آسيا خرجت من المكتب وقفلت الباب وراها ونظرت لآريان بغضب
حلا بغضب: قولتلي علشان الشغل امم
فجأة مسكت كل الملفات اللي على المكت ورمتهم بعنف على الارض وقربت منه السندوتشات
اريان بغضب: حلا انتي عارفة انتي عملتي ايه
حلا بغضب ونرفزة وكاد صوتها يعلى: ممكن مسمعش صوتك خالص بدل ما اطربق الشركة ديه فوق دماغك واتفضل كُل علشان متشوفش وشي التاني وهتزعل مني جامد يا اريان
اريان زاح السندوتشات: انا مش جعان عايز اشرب قهوة علشان دماغي هتنفجر وكان هيمسك الكوباية حلا مسكتها بسرعة
حلا بغضب: مفيش شُرب قهوة من غيرما تاكل
اريان: انا مش جعان ممكن الكوباية
حلا بنرفزة: عايز الكوباية
قامت خدفت الكوباية بعنف في الارض اتكسرت حتت والقهوة وقعت على الارض الكل استغرب تصرفها مع اريان لانها عمرهاما اتعاملت معاه بالطريقة ديه
اريان بنرفزة وصوته عِلي نوعا ما: حلا انتس اتجننتي
حلا بغضب ونرفزة: اه اتجننت وعلشان مطلعش جناتي عليك هتاكل دلوقتي ومفيش لا شغل ولا اجتماعات غير لما تاكل الاول ولا في قهوة كمان وبلاش انا يا اريان علشان هتزعل مني جامد اتفضل كُل
فارس بقلق وخوف: طب حلا ممكن تهدي طيب علشان قلبك
حلا عقدت ذراعيها امام صدرها
حلا بغضب: هتاكل من نفسك ولا اعتبرك عيل صغير واجي اجبرها انك تاكل بالقوة
اريان كان متعصب ولما سمع جملتها ضحك وادم ايضا
اريان بابتسامة: يعني هتعتبريني ابنك وانا اكبر منك بسبع سنين
حلا بغضب: انا مبهزرش يا اريان وانت عارف كويس ان الشغل يتعمل في اي وقت واي مكان انما الاهم صحتك وعارف كويس انك لو شربت قهوة من غير ما تاكل هتتعب جامد واتفضل كُل
اريان ابتسم: هو انتي لسة فاكرة وبعدين الموضوع ده مر عليه 11 سنة
حلا: يعني انت عارف كويس انك لو شربت قهوة من غير ما تاكل هيحصل معاك هبوط وضغطك هينزل جامد وممكن تتحجز في المستشفى وزمان لما عملت كدة كنت هتموت وانا بصراحة مش مستعدة اخسرك علشلن غبائك
اريان ضحك: تمام شكرا على المديح الرائع ده
حلا: العفو يا حبيبي ها قولت ايه
اريان: هاكُل وامري لله
علي دخل ومعاه الاكل اللي حلا طلبته وده اللي مسؤل عن الكافيتيريا وحط الحاجة على المكتب ونظف الكوباية اللي حلا كسرتها وخرج
حلا بغيظ: ايه يا حبيبي هو انت ناوي تتفرج على الاكل ولا ايه
ادم بصلها باستغراب: هو انتي بتتكلمي معايا
حلا بغيظ: لالا بتكلم مع قصي هيكون بتكلم مع مين يعني يا ادم اتفضل اقعد اطفح لاني بجد متغاظة منكوا.
قالتها بعصبية وغضب ونرفزة
ادم بغيظ: ما براحة علينا يا بنتي ده احنا لو متجوزينك مش هتعملي كدة
حلا: لا يا حبيبي ده لو انت جوزي كنت هتشوف وش تاني مش هيعجبك
آسيا وجميلة دخلوا جميلة جريت على حلا عانقتها وكذلك حلا عانقتها
حلا: عاملة ايه يا اللي مغلبة قلبي معاكي
جميلة ضحكت: الحمد لله يا قلبي انتي عاملة ايه وبعدين على فكرة انتي حيوانة علشان اختفيتي فجأة
حلا ابتسمت: شكرا يا ذوق بس اتعرضت لهجوم وحادث خفيف كان ممكن يتسبب في موتي بس علشان كدة اختفيتي كام يوم لحد ما الاوضاع تتظبط
آسيا بخوف وقلق: طب انتي كويسة موجوعة ولا حاجة او فيه جرح بيوجعك
جميلة ضربت آسيا بخفة على كتفها
جميلة بمرح: ما انتي شايفاها زي القردة اهي
حلا ضحكت: انا كويسة يا آسيا متقلقيش
فارس لجميلة: على فكرة حلا متصابة في رجليها يعني مش سليمة اوي زي ما انتي فاكرة
حلا بصتله بغيظ وجميلة وآسيا نظروا لها بقلق
حلا بغيظ: كان لاوم تتكلم سد بقى
آسيا وجميلة: انتي م............
قاطعتهم حلا: والله كويسة خلاااااص بقى وبعدين احنا في مكان شغل قفلوا على الموضوع
وبعدين حازم دخل ومريم
حازم لحلا: ايه ده انتي بتعملي ايه هنا
حلا: انت اللي بتعمل ايه هنا
قصي: حازم ومريم هنا علشان الاجتماع والصفقة اما بالنسبة لحلا فسيادتك اكيد عارف انها سكيرتيرتي ومديرة اعمالي
حازم غمزله: اه ده انا اكتر واحد عارف
حلا: لالالا كدة كتير انا عارفة ان نهايتي هتبقى على ايدك انت وفارس
فارس بمرح: لا ساعتها هتصل بحبيب القلب يجي ينقذك
مريم: اه ويا سلااام بقى لما الشخص اللي بتحبيه هو اللي يجي ينقذك ولا في الافلام
حلا ضحكت: قصدك ولا فقع المرارة وبعدين انا من يوم يومي سواء مع رجالة او بنات انا اللي بنقذهم ولا مرة اتخطفت ولاقيت راجل ينقذني وخليني ساكتة احسن
فارس: اوكي اعترف ان في اوقات كتير كنت هطير رقبتك فيها بسبب غبائي بس اديكي عايشة اهو عاملة زي القطة اللي بسبع ارواح
الكل ضحك حلا ضربت كف على كف: اذا كنت عايشة وسليمة مش عاجب وان كنت ما بين الحياة والموت مش عاجب ولو متصابة وها قادرة اتحرك يا دوب مش عاجب وان كنت مصابة وراقدة في السرير مش عاجب والله اشك اني لو مُت هيعجب
الكل ضحك
اريان بضحك: انت مالك ومال اختي يا عروسة
فارس بغيظ: يادي ام اللقب النستفز ده منك لله يا حلا يا بنت ام حلا
الكل ضحك على فارس لانه قالها بطريقة مضحكة
حلا: بلاش انت علشان انا مبئوئة منك
قصي: انا عايز افهم انتوا ليه عاملين زي القط والفار اربعة وعشرين ساعة
فارس: من حبها فيا بتتخانق معايا
حلا: امم بحبه جدا جدا لدرجة اني خايفة يتسبب في موتي بسبب حبي ليه
حازم ضحك: لا ده كدة هو اللي بيحبك جدا
بعدين ذهبوا لغرفة الاجتماعات وجلسوا يتناقشوا في الموضوع وبعد حوالي ساعة سما وصلت ودخلت غرفة الاجتماعات وكانت الصدمة لحلا لانها مبتطقهاش
__________________________________
يا ترى ماذا سيحدث؟! وميف ستتعامل حلا مع الموضوع ومع قصي ومع سما؟!
