تاني يوم حلا راحت على الشركة قبل قصي علشان تشوف الاخبار ايه وبعدين تليفون حلا رن برقم غريب بس هي مخدتش بالها وردت على التليفون وكانت باصة في الورق اللي قدامها
حلا: الو مين معايا
: مش عارفة مين معاكي ليه مش مسجلة رقمي
حلا عرفت مين بس حبت تستفزه: لا معرفش يا ظريف ويا اما تقول انت مين يا إما تتكل على الله وتروح تشوفلك واحدة تانية تتسلى بيها
: لا يا شيخة طب يا حلا الكلب اما اشوفك
حلا مسكت نفسها من الضحك: لا ده انت يظهر مش ناوي تلم نفسك ومحتاج اللي يلمك ولو مقفلتش دلوقتي مش هقولك انا هعمل ايه
وقفلت في وشه السكة وفصلت الضحك حازم دخل عليها لقاها عمالة تضحك جامد لحد اما عنيها دمعت حازم استغرب منظرها
حازم باستغراب: في حاجة بتزغزغك ولا ايه
حلا وهي تحاول ان تمسك نفسها من الضحك: اصل قصي اتصل عليا
حازم: ااااااه قولتيلي حبيب القلب اتصل
حلا باستغراب وتوتر: قصدك ايه
حازم: لا متقلقيش سرك في بير وضحك
حازم: المهم قوليلي ايه اللي حصل
حلا: مفيش استفزيته وقفلت في وشه
حازم شد كرسي وقعد قصادها: لا معلش الموقف يتحكي بالتفصيل
حلا حكتله كل حاجة وحازم فضل يبص لحلا بأستغراب وصدمة وفجأة واحدة دخل في غيبوبة ضحك
حازم وهو يحاول يمسك نفسه: ده إحنا الشباب مبنستجرأش نعمل معاه كدة بقى انتي يا حلا تقفلي في وشه المكالمة ده احنا مبنقدرش نقف في وشه وهو متعصب
حلا: انت لكن مش انا اللي اخاف انا مبخافش من حد وانت عارف ده كويس وبعدين ماله يعني لما يكون متعصب عادي
حازم بإستغراب: عادي في المعادي ياختي قال عادي قال ده بيبقى عامل زي أسد الغابة وصوته بيبقى عالي زي زأير الاسد ببقى حاسس انه شوية وهينقض علينا
حلا ضحكت جامد ومقدرتش تمسك نفسها ودخلت في غيبوبة ضحك لدرجة ان عنيها دمعت جامد وحازم ضحك على ضحكها وهنا فهد دخل عليهم ولقاهم عمالين يضحكوا
فهد: الله الله سايبين الشغل وقاعدين تضحكوا وتهزروا
حازم: اسكت انت متعرفش ايه اللي حصل
فهد بفضول: طب ما تقولي يا صاحبي ايه اللي حصل
حازم: قصي اتصل بحلا وحلا هزأته وقفلت في وشه السكة
فهد اتصدم وبعدم فهم واستيعاب: افندم ده اللي هو ازاي يعني مش فاهم قصدك ايه انها قفلت في وشه السكة.....يعني قصدك قصي اتقفل في وشه السكة.......ازاااااي لالالالا انت اكيد بتهزر
حلا وحازم فضلوا يضحكوا على منظروا
حلا: مالك يا ابني في ايه
فهد بصدمة: ازاي يعني قصي يتقفل في وشه السكة..ده...ده لو حد لف واداله ظهره وهو بيتكلم يمسح بكرامته الارض يعني ازاي يعني وبعدين ده هينفخك لما يجي مش هيعديها بالساهل يا حلا
حلا اراحت ظهرها على الكرسي: هيعمل ايه يعني بص انا مبخافش من حد مبخافش غير من اللي خلقني
فهد ابتسم: ده قصي يا حلا مش اي حد بقدر يقف قصاده احنا اخواته بنخاف نقف قصاده وهو متعصب
حلا ابتسمت: اللي انت متعرفهوش اني قبل كدة واجهت اسد لوحدي ومعروف عن الاسد انه مفترس وقوي وانا هزمته من غير رصاص ولا نار ولا اي حاجة بقدر اتعامل مع الحيوانات كوبس اوي وبفهم لغتهم ولو قصي بيبقى دب او نمر او اسد وهو متعصب بقدر اتعامل مع الحيوانات كويس اوي
فهد فتح بوقه على الاخر وحازم اتصدم والاتنين في نفس الوقت: هزمتي اسد لوحدك من غير سلاح ازاااااي
فهد: عموما بس ده برضه قصي يا حلا مش هتقدري تُقفي في وشه
حلا بتحدي وثقة: نبقى نشوف مين اللي هيكسب ولو انا كسرتلك غروره ايه
فهد رفع حاجبه: ايه الثقة ديه مش هتقدري يا حلا وبلاش تحاولي لانك ممكن تجرحيه وصدقيني لو جرحتيه يا حلا وقتها هتندمي اوي وانا اللي هخليكي تكرهي حياتك
حلا ابتسمت بوجع بس اللي لاحظه هو حازم: متقلقش مش هجرحه ولا هوجعه من غير ما تقول انا مش هعمل كدة
فهد حس انه جرحها بكلامه وحس بالوجع في نبرة صوتها واستغبى نفسه ولعن نفسه لانه عارف ان حلا بتحب قصي اوي وبتخاف عليه اكتر من اي حد وعارف كويس ان لو قصي جرحها هي مش هتقدر تجرحه وبعدين استأذن هو وحازم راحوا على مكاتبهم وحلا كملت شغل
__________________________________
في بيت قصي بعد اما حلا قفلت في وشه بقى بيبص لهاتفه بصدمة وعدم استيعاب وغضب
قصي بنبرة مثل زأير الاسد: ماشي يا حلا الكلب إما جيت ووريتك مبقاش انا قصي الكينج انا تقفلي في وشي التليفون ومش مسجلة رقمي إما وريتك يا حيوانة
سكت شوية وبعدين قصي بحب: بس برضه بعشقها اعمل ايه بس يا ربي ده انا مكنتش بتهز من اي بنت بس هي من نظرة واحدة تلغبطلي حالي كدة وتشقلب كياني طب ليه يعني ايه المميز فيها ومش موجود في البنات التاني بس الحق يتقال هي كلها على بعضها مميزة وفريدة مز نوعها مفيش منها اتنين عيونها اللي بعشقهم اللي لما ببص فيهم واسرح بحس اني غريق في بحر من العسل ولا خدودها اللي بتحمر من الخجل ولا شعرها اللي بعشقه يكون مبلول او مفرود عاى ظهرها مبحبهاش تلمه ولا لما تلمسني بحس اني في عالم تاني بحس اني متخدر ولا لما بتخاف عليا وتقلق ولما تهتم بيا بحبها اوي لما تهتم بيا ولا شفايفها اللي زي..... سكت شوية لقى في صوت من خلفه
انجلي بابتسامة: زي ايه كمل
قصي اتفزع ولف بسرعة وحط ايده على قلبه: حرام عليكي يا شيخة خضتيني قولي اي حاجة طب تدل على انك موجودة
انجلي قربت منه وعنيها في عنيه: بس برضه مردتش عليا ولا جاوبتني شفايفها زي ايه
قصي بحرج: احم احم انتي عارفة شوشو بقى لما بيدخاي مبعرفش اسيطر على نفسي عموما انتي هنا من امتى
انجلي ضحكت: انت مش محتاج شوشو اساسا ده انت إبليس ذات نفسه ده انت لما تشوف البت نظرتك بتتغير وبتبقى غريبة ومبتشلش عنيك من عليها وبترصد كل حركة هي بتعملها ده انت بيبقى فضلك شوية وهتقوم تاكلها اكل اتقي ربنا وبطل النظرات ديه لانها مش مراتك يا قصي وبعدين ربنا امرنا بغض البصر
قصي بحرج: ما هو انا مبعرفش ايه اللي بيحصلي لما تبقى قدامي يا انجلي ببقى عاجز بحس ان لساني مشلول مبعرفش اتكلم وبعدين هي وحشاني اوي نفسي اخدها في حضني احسسها اني جنبها مش هسيبها ابدا نفسي ادفن وشي في رقبتها اشم عطرها احس بحبها ودفئها وحنيتها بحبها اوي يا انجلي غصبن عني بتمناها معرفش ايه اللي بيحصلي لما تقف قصادي بنسى كل حاجة عقلي بيتلغي ومبعرفش افكر وكل اللي في بالي واللي عايزه اني احضنها اخبيها من كل العيون مش عايز حد يشوفها غيري عايزها تكون مراتي وتشيل اسمي واولادي يكونوا منها عايزها قدامي اربعة وعشرين ساعة وحواليا دايما مش طايق فكرة انها تفضل بعيدة عني بحبها لدرجة محدش يتخيلها ده غصب عني يا انجلي حاسس ان فيه حمل تقيل عليا عايز اصارحها بالحقيقة بس خايف انها لما تعرف تبعد عني وتحرمني منها تاني حاولت اكرهها بس معرفتش حسيت اني بكره نفسي بدل ما اكرهها حاولت انساها معرفتش حاولت احب غيرها معرفتش بالنسبة ليا هي الحياة هي النفس اللي بتنفسه من غيرها مش هقدر اعيش انا تعبااان يا انجلي وموجوع وقلبي بيوجعني اوي والوحيدة اللي تقدر تخفف الوجع ده حلا مش حد غيرها بجد انا مش عارف اعمل ايه هتجنن مش عارف تعبت وصبري نفد مبقتش قادر استحمل اني اقف قدامها على اني معرفش اني هي حلا البنت اللي حبتها اه مبتكلمش ولا بصارحها بحبي بس عيوني فضحاني يا انجلي وانا عارف انها بتشوف الحب والشوق في عيوني بس بتحاول تتهرب مني دايما حتى مش عايزة تصارحني وتقولي هي مين ويوم ما هجيب اخري هتجوزها برضاها او غصبن عنها هتبقى مراتي يعني هتبقى مراتي ومش هسمح انها تكون لغيري انا مش عارف هي ازاي قادرت تقف قصادي وعادي ولا كأن في حاجة بينا ازاي قادرة تكدب عليا معقولة تكون مبتحبنيش طب معقولة تكون حبت حد تاني يعني.....يغني ازاي قادرة تستحمل البعد ده والقسوة ديه يعني انا مبوحشهاش
انجلي ابتسمت بوجع على وجع اخوها
انجلي بحزن: لا يا قصي متظلمهاش حرام عليك انت متعرفش هي بتحس بإيه يمكن هي حاسة بيك وموجوعة اضعاف مضاعفة بس مش مبينالك ده يمكن حزنها ووجعها اكبر من وجعك بمراحل واظن انك اكتر واحد عارف انها حساسة جدا وعلى حسب كلامك وكلام بابا عنها انها مبتحبش تشوف حد موجوع ولا تقدر تجرح حد بتحبه وبابا قالي حاجة عن حلا قبل كدة بس معرفش قالك ده ولا لا قالي ان حلا ممكن تقسى على نفسها وممكن تقسى على اللي بتحبهم بس علشانهم وقبل ما تقسى عليهم بتقسى على نفسها وبيبقى وجعها اضعاف وبصراخة حلا صارحت بابا لما سألها وطلب منها تجاوبه بصراحة اذا كانت بتحبك ولا لا وقتها هي جاوبته وبكل صراحة وثقة وبدون تردد وقالتله اه
قصي اتصدم وفتح عينيه على وسعها
انجلي ابتسمت: اه قالتله اه واللي انت متعرفهوش انها قالت كل حاجة في قلبها لبابا وقتها بابا سألها قالها بتحبي قصي اد ايه جاوبته بدون تردد وقالتله معرفش وقتها بابا استغرب وقالها ازاي متعرفيش يعني مثلا بتحبيه زي ما بحبه قالتله اكتر قالها ممكن تعملي ايه علشانه قالتله اي حاجة علشان يكون مبسوط ومرتاح حتى لو هضحي بسعادتي علشان سعادته انا مستعدة لده لو هضحي بحياتي علشان هو يكون مرتاح ومش تعبان ولا موجوع مستعدة اعمل ده وعارف قالتله ايه حاجة انت مش هتتوقعها
قصي باستغراب وفضول: ايه
انجلي بحب وحنان: قالتله انها لو حسيت في يوم ان وجودها في حياتك ممكن يجبلك الاذى او الوجع او انها تخسرك وقتها هتكون مستعدة انها تبعد عنك بس انت متتأذيش وقالتله كمان انك لو في يوم حبيت بنت غيرها بس البنت ديه تستاهل بجد وهتصونك وهتحبك وتشيلك في عنيها وقتها هي مش هتعترض ولا هتقف في طريق سعادتك تخيل يا قصي انها مستعدة تضحي بكل حاجة بس علشان تشوف ابتسامتك وتشوفك مرتاح ازاي تقول انها مبتحسش بيك او انها مش بتحبك بالعكس حلا اكتر واحدة تحس بيك حتى اكتر مني
قصي بصلها باستغراب وصدمة
انجلي: ايه مستغرب اه بتحس بيك اكتر مني وبتخاف عليك اكتر مني ومش بعيد تكون بتحبك اكتر مني وان مشكش في ده بالعكس انة متأكدة منه حلا بتحبك حب مستحيل حد يحبهولك يا قصي ديه مستعدة تضحي بحياتها علشانك واظن ان المهمة دبه كفيلة انها تبينلك هي اد ايه بتحبك اللي يخليها تدخل جوا العصابة بس علشان تعرف هما عايزين منك ايه او هيعملوا فيك ايه مع انها عارفة كويس انها ممكن تخسر حياتها في حاجة زي ديه هتقولي هي لو هتعمل كدة هتعمله علشان تعرف معاد المهمة ومكان التسليم هقولك حلا تقدر تعرفه بأي طريقة مش لازم تدخل جوا العصابة طب انا هقولك واديك دليل انها لسة بتحبك وبتخاف عليك ومستعدة تفديك بحياتها ليه حلا مسكت المهمة ديه ليه مأدتهاش لفارس او جاسر اخوها بلاش ليه لما عرفت ان لوئياخوك متنزلتش وادتهاله هي عارفة كويس انهم ضباط كفائة واذكية ليه فضلت مسكاها مع ان فارس معاها في المهمة كانت ممكن تسلمله مهمتك مسألتش نفسك ليه هقولك انا ليه لانها خايفة عليك وخايفة انها تخسرك فقالت انها تمسك المهمة ديه علشان تحميك مع انها عارفة كويس ان التعامل معاك ممكن يخليها تضعف وتعترف بحبها ها لسة عندك شك انها بتحبك ولا لا
قصي: طب لنفترض ان كلامك صح ازاي قادرة تستحمل تشوفني موجوع ومدى حبي ليها وشوقي ولهفتي ليها ومتقولش حاجة ازاي قادرة تستحمل وجع الحب ازاي قادرة تخبي مشاعرها
انجلي بوجع: قصي انا اللي عرفته من مايا ان حلا مرت بظروف صعبة اوي انت مستحيل تتخيلها ومرت بوجع ملهوش اول ولا اخر ممكن تكون خايفة انها تخسرك زي ما خسرت اهلها قصي حلا مستحيل تستحظل مجرد فكرة فراقك او انها تخسرك زي ما خسرت اهلها مستعدة تشرب كاس المر في بعادك وبعدها عنك ومتعترفش باللي في قلبها على انها تخسرك وتمر في الوجع ده تاني وانا هبقى اثبتلك ده روح على الشغل انهاردة بص في عنيها هتلاقي في وجع بتحاول تخبيه وحاول تخرجوا بدري وهاتها وتعالى وهثبتلك هي بتحبك اد ايه
قصي هز راسه بالموافقة: ماشي انا هقوم البس واروح الشغل علشان اتأخرت
انجلي بابتسامة: ماشي يا حبيبي وحاول تبعد عن شوشو شوية علشان خاطر ربنا لانه حرام ها
قصي ابتسم: موعدكيش بس هحاول حاضر
انجلي خرجت وقصي غير هدومه ولبس بنطلون اسود وتيشيرت ابيض وعليه بليزر لونه رمادي فاتح وكوتشي ابيض ووضع من البرفيوم الخاص بيه وسرح شعره وارتدى ساعته ونظارته الشمسية واخد مفاتيه سيارته وتليفونه ونزل سلم على سته واخد ادويته وانطلق بسيارته للشركة
__________________________________
حازم اخذ احد الملفات وراح على مكتب حلا
حلا كانت قاعدة في مكتبها سمعت صوت طرق على الباب
حلا: ادخل. حازم دخل
حازم: بقولك ايه يا حلول كنت عايز اناقش معاكي شوية بنود بخصوص احد الصفقات مع الشركات اللي قي اسطنبول ( تركيا)
حلا: خير قي ايه في اي مشاكل
بدأول يناقشوا الصفقة
قصي دخل بهيئته المعتادة وطلع بالمصعد الخاص بيه ودخل بسرعة على مكتب حلا من غير ما يستأذن لقى حازم واقف جنب حلا وحلا قاعدة على كرسي المكتب بتاعها والاتنين عمالين يضحكوا حلا وحازم محسوش بيه
حلا بضحك: يخرب فقرك يا حازم دمك خفيف جدا انت الواحد مينفعش يقعد معاك بطني وجعتني من كتر الضحك كفاية كدة
حازم: ابدا ندراً عليا ده كله الا الضحكة ديه وبعدين يا شيخة فُكي كدة الدنيا مش مستهلة وبعدين كفاية ضحكتك يا حلا وبعدين وحشني الهزار معاكي وكله الا التهزيئ اللي كنت بتهزأه وحشني برضه
حلا رفعت احد حاجبيها: وحش اما يلهفك وبعدين ده طبيعي لانك واحد مهزأ
حازم بمرح: حبيب قلبي تسلميلي يا عيوني
قصي بغضب: لا خليهملك
حازم وحلا اتفزعوا وحلا صدرت منها صرخة من اثر الخضة لان قصي كان صوته عالي نوعا ما حلا حطت ايديها على قلبها من الخضة قلبها وجعها وكانت بتحاول تنظم تنفسها
حازم وشه اصفر بعد اما شاف قصي وهو متعصب: مكنش قصدي حاجة والله يا قصي
قصي بغضب: فهمو ولا مفهمتش سايب الشغل وواقف تهزر وتضحك
حازم بلع ريقه بصعوبة ومكنش عارف يرد يقول ايه
حلا لحازم: تقدر تروح على مكتبك يا حازم وانا هبقى ادرس الملف واجبهولك تمام
حازم: تمام بس متتأخريش علشان الوفد مستني اديلهم الموافقة
حلا: لا مش هتأخر ساعة بس والملف هيكون عندك تقدر تتفضل على مكتبك
حازم خرج بسرعة من المكتب واتجاهل قصي قصي كان واقف عند بابا مكتبه وباب مكتبه قصاد مكتب حلا يعني حلا في وش الباب بس بعيد شوية عن باب مكتب حلا ففهد دخل من غير ما يخبط ومأخدش باله من قصي
فهد بابتسامة: حلول تحبي تفطري ايه
حلا بابتسامة: لا شكرا مش جعانة
فهد: لا لازم تاكلي يلا يا حلول انجزي هتقولي ولا اخطفك واخدك ونسيب الشركة ونفطر في مطعم برا
حلا: عندي شغل مش هقدر اخرج برا
فهد: يبقى انجزي وقولي هتاكلي ايه
حلا باستسلام: خلاص اطلب انت اي حاجة عادي
فهد: اممم ايه رأيك في بيتزا وبيبسي
حلا ضحكت: بيتزا وبيبسي على الصبح وعلى الفطار اومال انت سيبت ايه للغدا
فهد: ما هو اكيد مش هناكل سندوتشات العيانين ها
قصي وهو يحاول يسيطر على نفسه: فهد
فهد جسمه اتنفض واتفزغ ولف بسرعة لقصي لانه نداه بنبرة هادئة غير العادة
فهد لنفسه: احيه ده هينفخ امي لان هذا الهدوء هدوء ما قبل العاصفة ربنا يستر يارب احميني وبلع ريقه بصعوبة
قصي بهدوء: ممكن تيجي معايا المكتب علشان عايزك
فهد بتردد: ااا....اه....طبعا
قصي وفهد دخلوا المكتب وقصي قفل الباب
قصي بهدوء تام: ممكن بقى افهم انت كنت بتنادي لحلا بإيه برا
فهد بلع ريقه بصعوبة: ها......ااااا.....ولا حاجة
قصي ببعض الغضب: هتنطق لوحدك ولا اخليك تنطق بطريقتي
فهد: حلول
قصي ببعض الغضب: وسيادتك تقربلها ايه علشان تناديلها وتدلعها وتقولها حلول
فهد: على فاكرة انت فاهم غلط انا بعتبر حلا زي اختي مش اكتر
قصي كان هيتكلم بس حلا دخلت من غير ما تخبط
قصي رفع احد حاجبيه وبغضب: محدش علمك تخبطي قبل ما تدخلي
حلا باستفزاز: لا محدش علمني كانوا مستنيين سيادتك تيجي تعلمني
قصي بغضب: حلا اتعدلي على الصبح
حلا باستفزاز: ايه شايفني بشد في شعري قدامك ولا ايه
قصي: امم طب اطلعي برا وخبطي ولما ابقى ائذنلك تدخلي ابقي ادخلي
حلا لفت واتجهت ناحية الباب قصي وف افتكروا انها هتخرج وتنفذ ده فعلا ولكن حلا اتجهت للباب علشان تقفله ورجعت تاني لقصي وقصي استغرب من تصرفها
حلا ببعض الغضب: اولا انا مش شغالة عندك علشان تؤمُرني اعمل ايه ومعملش ايه وانت اللي محتاجني مش انا ثانيا انا مش داخلة احب فيك او اقولك كلمتين حلوين واتغزل فيك علسان استأذن قبل ما ادخل ثالثا انا مش داخلة اوضتك علشان اخبط قبل ما ادخل واظن ان ده مكان شغل وده مكتب رابعا وده الاهم عارفة اني المفروض استأذن قبل ما ادخل بس فيه شغل ميتعجل وعايز توقيع سيادتك وبصراحة كنت ناوية اعتذر بس بما انه انت اتعاملت بإحترام زيادة معايا فمش هعتذر واتفضل وحدفت الملفات في وشه وقصي وفهد كانوا مصدومين
حلا بغضب وهما لاحظوا ده: ديه الملفات اللي محتاجة توقيعك واءا كنت عايز شرح لتفاصيل او اي حاجة فعندك فهد او حازم انما انا مش فضيالك
لفت وكانت هتخرج بس لفت لقصي وبصتله
حلا: مرة تانية مسمحلكش تتعامل معايا على اني شغالة عندك او خدامة تؤمُرها وتقولك امرك يا سي السيد وعموما انت مضطر تستحملني لمدة 3 ايام وبعدين مش هتشوف وشي في الشركة تاني
وخرجت ورزعت الباب وراها من الغضب قصي وقف مصدوم ومش مستوعب وفهد واقف عمال يضحك حازم دخل عليهم
حازم بابتسامة: قصي كنت عايزك في موضوع
قصي فاق من شروده: عايز ايه
حازم بخوف: موضوع بخصوص الشغل
قعدوا يتناقشوا في الشغل بعدين سمعوا طرق على الباب
قصي: ادخل
اسماء دخلت بملفات
( اسماء سكيرتيرة قصي سابقاً ولكن حالياً سكيرتيرة سمير)
اسماء: قصي بيه ديه الملفات اللي كنت طالبها من الانسة حلا
قصي باستغراب: اومال حلا فين
اسماء: معرفش بس هي مشيت من شوية وقالتلي اسلم حضرتك الملفات ديه
حازم: طب معرفتكيش راحت فين
اسماء: لا
فهد: طب تقدري تروحي على شغلك يا اسماء
اسماء: هي حلا قالتلي اخد مكانها لحد ما اجي
قصي: طيب خليكي مكانها علشان لو عوزت حاجة
اسماء: تمام يا قصي بيه عن اذنك
اسماء خرجت وفضلت مكان حلا
قصي بغضب: راحت فين بنت المجانين ديه
فهد: يمكن عندها.............
قاطعه صوت زنين تليفونها فأجاب
فهد: الو
حلا: فهد انا روحت على المركز في مشكلة هحلها واجي ابقى قول لقصي علشان ميقلقش وبخصوص الاكل متعملش حسابي معاك لاني معرفش هرجع امتى تمام سلام
فهد: سلام
قفل معاها وبص لقصي ولقاه قلقان عليها
فهد: هو للدرجادي حلا بتحس بيك
قصي بصله باستغراب: قصدك ايه وليه بتقول كدة
فهد ابتسم: ابدا بس هي اتصلت بيا وقالتلي اطمنك علشان متقلقش انها راحت على المركز فيه مشكلة هتحلها وتيجي وكل ده علشان متقلقش وانت قلقان اهو
قصي باستغراب: هي قالتلك علشان انا مقلقش ولا انت بتقول كدة علشان اتصلت بيك وقالتلك هي رايحة فين
فهد: لا قالتلي بلسانها اعرفك علشان متقلقش حرفيا الجملة ديه اتقالتلي وقالتلي معملش حسابها في الاكل علشان متعرفش هترجع امتى
قصي: طيب خلاص روحوا افطروا وانا هبقى اتصرف معاها بخصوص الاكل
حازم وفهد راحوا يجيبوا حاجة ياكلوها
قصي في مكتبه فضل يفكر في كلام انجلي وكلام حلا اللي قالته لفهد
قصي في نفسه: معقولة انجلي معاها حق ان فعلا حلا اكتر واحدة بتحس بيا معقول فعلا تكون لسة بتحبني وانها بتحبني اكتر من اي حد فضل يفكر بعدين فارس دخل عليه لقاه سرحان
فارس: مش معقولة اربعة وعشرين ساعة يا اخي بتفكر فيها اىحم نفسك وقلبك يا اخي
قصي: اعمل ايه في بنت عمك اللي مجننة امي
فارس: ما هي مطلعة عين اللي خلفوني رزعاني شغل اربعة وعشرين ساعة وكل ده علشان حبيب القلب
قصي بتردد: فارس هي حلا بتحبني بجد ولا في حد تاني في حياتها
فارس اتصدم من السؤال واستغرب: هو انت شاكك في حبها ليك
قصي: مش عارف يا فارس تعبت مش عارف اي حاجة ما هو ازاي هي مستحملة البعد ده وازاي قادرة تقف قصادي ومتقوليش على الحقيقة ازاي قادرة تستحمل تشوف الوجع في عيني وشوقي ليها وحبي وتبعد عني يعني قلبها مش بيوجعها مش بتحس بيا
فارس صعب عليه قصي: عارف انك موجوع وعارف انك محتار مش عارف ايه الصح ولا الحقيقة فين بس حلا بتحبك يا قصي
قصي: طب ليه بتبعد عني
فارس بحزن ووجع: قصي حلا موجوعة اوي وصدقني هي بتتوجع اوي لما تبعد عنك او لما تشوف الوجع في عنيك هي عارفة كويس اوي انك موجوع وان بعدها عنك بيقتلك ويوجعك بس هي خايفة انها تخسرك زي ما خسرت اهلها خايفة انها تتوجع فيك لانها مش هتستحمل
قصي: انا مش عارف اعمل ايه حاسس اني متلغبط تعبت مبقتش قادر اخبي مشاعري اكتر من كدة يا فارس حاسس اني مخنوق حاسس اني هموت حاسس اني روحي بتتسحب مني
سند على المكتب ووضع رأسه بين يديه
فارس ربط على كتفه: اصبر وصدقني قريب هتيجي وتعترف
قصي قام ووقف قصاد شباك المكتب اللي عبارة عن ازاز من فوق لتحت وطوله زي طول الباب
قصي: تعبت يارب
هنا الباب خبط فارس: ادخل
حلا دخلت وحلا بصت لفارس باستغراب
حلا باستغراب: انت بتعمل ايه هنا
قصي لف وبصلها بحزن ووجع وشوق وحب ولهفة بس هي مأخدتش بالها منه
فارس باستغراب: ايه جيت اقعد مع اخويا شوية فيه مانع عند سيادتك وانا معرفش
حلا: لا عادي
فارس قرب منها وباستغراب: مالك يا حلا في ايه صوتك مش عاجبني
حلا بحزن: مفيش بس تعبانة شوية
كانت هتمشي وتروح بأتجاه مكتب قصي فارس مسكها من دراعها
فارس باصرار: لا في حاجة وبتحاولي تخبيها في ايه يا حلا انطقي الموضوع بخصوص عمرو صح اتصل بيكي وقالك ايه انطقي
حلا بغضب وحنق وكان فيه في عيونها دموع: خلااااص يا فارس في اييييه مش كل شوية سيرة الزفت ده مخنوقة يا اخي في ايه مخنوقة شوية ودضايقة مش لازم تجيب سيرته يعني ياربي هو لو مأتصلش وسممني بصوته وكلامه يبقى انتوا اللي تجيبوا سيرته وتذكروا اسمه قدامي تعبانة ارتحت لما عرفت هديت دلوقتي
فارس: لا يبقى الموضوع اكبر في ايه عنيكي فيها دموع ليه
حلا مسحت عنيها وحطت ايديها على وشها: حلا مفيش يا فارس بس بجد مخنوقة ومش قادرة اتكلم عادي كدة لوحدي نفسيتي تعبانة شوية متقلقش ده الطبيعي بتاعي
سكتت شوية حلا: اومال فين قصي
فارس ابتسم: ليه وحشك
حلا ضحكت: والله انت مصيبة على فكرة احنا في الشركة ها فأتلم
فارس ابتسم: لا بتكلم جد عو وحشك وبعدين ايه يعني في الشركة
حلا ضحكت: اولا ده مكان شغل وبعدين افترض حد سمعك هيقولوا ايه عني ثانيا افترض قصي سمعك ساعتها بقى هيسمعني كلمتين حلوين زي ما حصل من شهر ولا نسيت وانا اساسا نفسيتي مش ناقصة
فارس: بس برضه مجاوبتنيش على سؤالي
حلا بصتله: عايز توصل لأيه يا فارس بدل اللف والدوران ده
فارس: لسة بتحبي قصي ولا لا
حلا تنهدت بقوة: اه وبعدين
فارس ابتسم: قصي وحشك ولا لا
حلا: ومن امتى مكنش بيوحشني
فارس ابتسامته وسعت: يعني وحشك طب وحشك اد ايه
حلا ضحكت: لو كنت اقدر احدد مدى حبي ليه كنت اكيد هقدر اخدد هو واحشني اد ايه بس مش فاهم بتسألني ليه دلوقتي كل الاسئلة ديه
فارس: مدى حبك ليه اد ايه
حلا رفعت احد حاجبيها: لا ده انت زودتها كل ده علشلن تقولي قصي فين شكرا انا هعرف لوحدي
فارس: لا بتكلم جد والله وعموما قصي في الحمام قولي بقى
حلا: معرفش
فارس: ازاي يعني
حلا: يعني اتخطيت جميع مراحل الحب تقدر تقول مجنونة بيه او مُدمناه
فارس اتصدم: افندم ياختي
حلا ضحكت: مالك عامل كدة ليه مش مصدقني اني مدمنة بيه
فارس هز رأسه بالنفي: لا مش مصدق
حلا: ليه
فارس: اصل انتي بتقفي قدامه ومش بتصارحيه بالحقيقة وازاي قادرة على بعده
حلا بحزن ووجع:ااااه تاني يا فارس
فارس: والله ما هاجي عليكي ولا هجرحك بالكلام ولا قصدي حاجة بس ازاي قادرة تستحملي الوجع ده
حلا تنهدت بقوة: طب هقولك كل حاجة وهصارحك بس بشرطين
فارس: ايه
حلا: اول شرط مش هتفتح معايا الموضوع ده تاني ثانيا وده الاهم متقولش لقصي اي حاجة
فارس: موافق ها
حلا تنهدت بقوة: بخصوص قصي انا مش عارفة اذا كنت بحبه ولا بموت فيه ولا بعشقه ولا مجنونة بيه ولا مدمناه عارفة انك بتقول ازاي بحس بالمشاعر ديه كلها وازاي مصارحتهوش او ازاي قادرة على بعده وعلى الاكيد اللي بيدور في دماغك انت وقصي ازاي بعمل ده ازاي ببعد عنه ازاي بقف قصاده ومصارحهوش بالحقيقة او ازاي قادرة اشوف الوجع والحب واللهفة والشوق في عنيه واقاوم وابعد عنه كأن مفيش حاجة بينا وعارفة انك محتار اذا كنت بحب قصي ولا لا والا مكنتش سألتني الاسئلة ديه
فارس باستغراب: ازاي عرفتي ان ده اللي بيدور في دماغ قصي
حلا ابتسمت: فارس انا بحس بقصي وبفهمه كويس اوي وعارفة انه محتار اذا كنت بحبه ولا لا بالرغم انه ميعرفش انا مين خلاصة الموضوع اني انا مش بتوجع لما بشوف قصي او لما اقف قدامه ولا لما اشوف مشاعره ليا ووجعه وحزنه
فارس باستغراب وصدمة: مش معقولة تكوني جبروت للدرجادي يا حلا
حلا ابتسمت بوجع: شوفت انك فهمتني غلط انا مش بتوجع بس بتقتل هو انت فاكر لما تقابل حب عمرك وحياتك على انك غريب ومش معرفه حاجة ده شئ سهل لا طبعا ولا لما تشوفه محتاج لحضنك ولحبك ودفئك بس انت بتبعد عنه ده شئ سهل ده شئ زي الموت انا بموت علشان امنع نفسي من الضعف عارفة انك هتقولي طب مادام انتي بتتعذبي للدرجادي طب ماهي الفرصة قدامك هو اهو موجود روحي قوليله حاولت اصارحه كتير بالحقيقة بس مقدرتش خايفة اني اخسره زي ما خسرت اهلي مش هستحمل الوجع ده مرة تانية وبالاخص مع قصي فارس انت اكتر واحد عارف اني ليا اعداء كتير غير عمرو انا وقصي مش هنتهنى ببعض عارفة ان ده عذاب وعارفة انه صعب بس كل ما بكون عايز اقرب منه معرفش ليه فجأة بشوف حادثة بابا قدامي لمجرد التفكير بس اني ممكن اخسره يا فارس ده بيقتلني قلبي بيوجعني مش هقدر اواجهه مش هقدر اكون معاه مش عايزة اقوله حقيقتي لانه لو عرف مش هيخليني امشي حتى لو وصل معاه الامر انه يتجوزني بالقوة والغصب وبعدين انا مش عايزة اصارحه علشان لما امشي ميتوجعش تاتي مش عايزاه يتعلق بيا مش عايزة اعلقه في امل انا مش هقدر انفذه مش عايزاه يجي يعترفلي بحبه او يتقدملي للجواز لاني وقتها هتضطر اجرحه وانا مش هقدر اجرحه يا فارس انا عارفة انكوا كلكوا انت واخواتي وقصي اني بقسى عليه اوي بس انا بقسى على نفسي اضعاف مضاعفة قبل ما اقسى عليه انا مقدرش اجرح قصي يعني انا لمجرد بس اني مش معرفاه حقيقتي وببعد عنه بالرغم اني حاسة بيه وحاسة بوجعه بتعذب فما بالك لو جرحت ساعتها هموت مش قادرة انا مستحملة الوجع ده لحد اما المهمة تخلص واطمن انه كويس وبخير وبعدين هرجع لحياتي تاني. كانت دموع حلا على خديها مثل الشلال
فارس بدموع: ياااااااه معقولة شايلة كل الوجع ده في قلبك ومقولتليش عليه ليه طب بتقسي على نفسك يا حلا عيشي معاه اخلقي ذكرى حلوة ما بينكوا
حلا بدموع: مستكفيى بذكرياتي معاه من عشر سنين مع انها ذكريات بتعذبني بس مش هقدر يا فارس لمجرد التفكير اني ممكن اخسره مش قادرة
قصي كان وراها وسامع الحوار كله من اوله لاخره طبعا فارس شايف قصي بس حلا لا وهو كدب عليها علشان يعرف قصي بحقيقة مشاعر حلا وكانت دموع قصي مسبقاه لانه اكيد حس بمدى الوجع اللي في قلبها من صوتها وقلبه وجعه على حبيبته
فارس مسح دموعه وبمرح: اظن انك حاليا محتاجة لحضن دافي اوي
حلا مسحت دموعها وابتسمت: يلا يالا من هنا روح شوف شغلك متشكرين ده انت لما بتصدق
فارس بمرح: لا انتي فهمتيني غلط مش قصدي حضني قصدي حضن قصي
حلا مسكت المخدة وحدفت فارس بيها
حلا بخجل ووشها احمر: اطلع برا يا حيوان
فارس ضحك: مادام وشك احمر يبقى انا معايا حق ها يلا يا حلا اعترفي مجتش على ديه
حلا: ده على اساس ان وشي محمرش من العياط عموما اه نفسي ارتحت يخرب القاعدة معاك يا شيخ امشي من هنا يا قصي قصدي يا فارس
فارس ضحك: بتخبي ووحشك وقولنا ماشي انما تناديني بأسمه اهو ده بقى اللي مينفعش خالص مش معقولة انه وحشك اوي كدة
حلا بخجل ونرفزة في نفس الوقت وصوت عالي: فااارس
هنا حلا سمعت صوت باب الحمام بيتفتح طبعا قصي عمل كدة علشان فارس قالها ان قصي في الحمام بس هو سمع كل حاجة ومسح دموعه علشان حلا متلاحظش ده
قصي: في ايه ومالكوا بتزعقوا ليه
فارس بمرح وابتسامة خبيثة: قوليله يا حلا ليه وغمزلها
حلا لفت لقصي: لا ابدا مفيش بس يظهر انه عايز يتربى من اول وجديد
فارس: لا بتكلم جد قوليله
حلا بغضب ونرفزة: روح شوف شغلك يا فارس
فارس رفع احد حاجبيه واستفزاز: ده مش مكتبك علشان تطرديني منه ده مكتب اخويا وهو اللي يقولي افضل ولا امشي
قصي: تفضل طبعا
حلا بغضب: فارس انت نفذت الشغل اللي انا طلبته منك امبارح
فارس بلع ريقه: لا
حلا بغضب: يبقى تروح دلوقتي يا حيوان تنفذه انت بتهزر يا فارس
فارس: اسف والله عارف ان المهمة ديه مهمة بالنسبالك اوي انا اسف هروح دلوقتي اعمل اللي قولتيلي عليه سلام
حلا وقصي: سلام
حلا لفت لقصي: قصي الملفات ديه كنت عايزاك تلقي عليها نظرة
قصي كان بيبصلها: مش انتي شوفتيهم
حلا بصتله باستغراب: اه
قصي: يبقى هبص عليهم ليه واخد القلم ووقع على الاوراق
حلا: بس.......قصي ازاي توقع على اوراق انت مش عارف فيها ايه وبعدين انا اللي اعرفه عنك انك بتقرأ اي ملف قبل ما توقع عليه
قصي خلص توقيع على الاوراق وساب القلم وبصلها: انا بثق فيكي لابعد الحدود ومش مهم اعرف الملفات ديه بتتكلم عن ايه لانك عارفة صح
حلا اتصدمت من كلامه
قصي: صح ولا انا غلطان
حلا هزت راسها بالموافقة وكانت تحت تأثير الصدمة
قصي ابتسم: يبقى خلاص في حاجة تاني انتي عايزاها
حلا فاقت من صدمتها: كنت عايزني في حاجة الصبح ايه هي
قصي باستغراب: لا مقولتلكيش اني عايزك في حاجة
حلا: اومال اتصلت بيا الصبح ليه
قصي باستغراب: انا متصل............. افتكر مكالمة الصبح
قصي بصلها بخبث ولفلها وقعد قصادها على طرف المكتب
قصي: افهم من كلامك انك كنتي عارفة ان اللي بيتصل انا ومسجلة الرقم
حلا بابتسامة عذباء والابتسامة ديه بتخلي قصي مش في وعيه
حلا ابتسمت وبتلقائية: لا مش متسجل بس عرفت من صوتك ومش هكدب عليك حبيت استفزك بس قفلت في وشك لان كان فيه ملف مهم في ايدي ومكنتش عايزة افقد تركيزي علشان شغلك مهم
قصي ابتسم على تلقائيتها وبرائتها: يعني عرفتي ان ده انا من صوتي ازاي
حلا باستغراب: زي السكر في الشاي يعني انا بشوفك كل يوم وفيه بينا تعامل واكيد بسمع صوتك بملسون طريقة ازاي مش هعرفه لما تتصل من رقم غريب
قصي: لا غريبة انك حافظة نبرة صوتي يعني نادر ان حد حفظ نبرة شخص تاني
كلا بعفاوية وتلقائية: لا طبيعي لما يكون الشخص ده مهم عند الاخر
قصي ابتسم لانها وقعت بالكلام فحب يلعب بأعصابها: يعني انا مهم بالنسبالك وافرق معاكي
حلا بعفاوية وتلقائية وبسرعة: اه طبعا
بعدين بصت لقصي ووعيت على اللي قالته
حلا بتردد: لا.....اه......يعني انت فهمت غلط.....انا.....انا كان قصدي انك مهم علشان حمايتك مسؤليتي بس مش اكتر
اخذت الملفات بتوتر وبسرعة ولفت وكانت هتتجه للباب قصي مسكهها من معصمها فحلا لفتله قصي مد ايده التانية واخذ الملفات وضعها على المكتب ووقف قصادها ومازال ماسك ايديها
قصي: ليه دايما بتتهربي مني يا حلا وليه لما ابص في عنيكي بتتوتري في حاجة انتي مخبياها عني
حلا وهي بتحاول تتهرب من عنيه: لا مفيش
وكانت هتمشي بس هو شدها من ايديها لفها ليه ولوى دراعها االي سحبها منه ورا ظهرها ومسك وشها ورفعه ليواجه عيونها
قصي: ولما هو مفيش حاحة انتي مخبياها ليه بتقوليها وانتي بتتهربي مني قوليها وعنيكي في عنيا
حلا وهي بتبص في عنيه مقدرتش تنطق
قصي ومازال ماسك وشها: بتحبيني يا حلا
حلا غمضت عينيها بوجع ومنطقتش وحاولت تحرر نفسها منه ونجحت وحاولت تبعد عنه بس هو لم يعطي لها فرصة وسحبها من دراعها لحضنه وعانقها بقوة ودفن وجه برقبتها حلا اتصدمت من التصرف بس هي كمان محتاجة لحضنه عانقته بتردد وهي تحت تأثير الصدمة ودفنت وجهها بصدره تشتم عطره الذي تعشقه والذي ينسيها كل اوجعها وحزنها لم تستطع المقاومة على مشاعرها فهذه المرة قلبها ومشاعرها آبوا ورفضوا المقاومة والبعد عانقته بكل قوة وحب وشوق وهو كذلك عانقها بقوة مثل وكأنه يحاول ان يخبئها بين ضلوعه ظلوا هكذا بفترة ليست قصيرة او لنقول كانوا غايبين عن الدنيا وفي عالم تاني استيقظوا من غيبوبتهم على رنين تليفون حلا بعدوا عن بعض وحلا كان وجهها لونه احمر من الخجل والاحراج اما قصي عادي وبالعكس فرح لما بدلته العناق وهو لاحظ اصطباغ وجهها باللون الاحمر ولكن حاولت تتهرب من عيونه ودارت واعطته جنبها وردت على التليفون
حلا بخجل: الو
: حلا انتي في المكتب مع قصي
حلا: اه يا انجلي بس ليه بتسألي
انجلي: طب افتحي الاسبيكر
حلا نفذت اللي انجلي قالت عليه
حلا: تقدري تتكلمي فتحت الاسبيكر
انجلي: قصي ممكن تخلي حلا تيجي على البيت دلوقتي
قصي بإستغراب: ليه
انجلي بغضب: علشان عايزاها وانت مالك وبعدين هي وحشاني
قصي فهم انجلي عايزاها ليه بخصوص الموضوع اللي اتكلموا فيه الصبح
حلا: بس عندي شغل كتير يا انجلي
انجلي: انا اخدت رأيك في حاجة
قصي: طيب ماشي هتلاقيها عندك بعد ربع ساعة
حلا: بس يا قصي الشغل وانا......
قاطعها قصي: الشغل يتأجل وبعدين انا كنت ناوي اخدك بعد ساعة ونطلع على البيت تتغدي معانا
حلا سكتت ومعرفتش ترد تقول ايه وهو مش هسرضى يخليها تكمل شغل
قصي: انجلي خلي بالك من حلا وخليها تاكل لانها مأكلتش حاجة من الصبح ووجهها لونه اصفر ويظهر ضغطها واطي
انجلي: انت عبيط يا ابني بتوصيني على اختي الصغيرة امشي ياقصي علشان مزعلكش قدام حلا
قصي ضحك وحلا ابتسمت
قصي: سلام
انجلي: سلام متتأخريش يا حلول ها
حلا: حاضر
قفلت معاها وبصتله وكانت لسة هتتكلم
قصي: روحي على البيت انتي اساسا شكلك تعبان
حلا: وهو انا كنت جيت واشتكتلك
قصي: لا يا عمري ما هو انا مش لسة هستنى انك تيجي تشتكي وبعدين انا عارفك مش هتشتكي انتي هتستني لما تُقعي واحنا نبقى نتصرف
حلا: بس.......
قصي بنرفزة: حلا متخلنيش اتنرفز عليكي اعملي اللي قولتلك عليه واساسا انا كدة كدة مكنتش هخليكي تكملي شغل لانك تعبانة واتفضل بقى روحي على البيت يلا انجلي مستنياكي
حلا بضجر: حاضر
لفت وكانت هتغادر
قصي: حلا. لفتله
حلا: نعم
قصي ابتسم: كُليكويس علشان خاطري
حلا بحب ابتسمت: حاضر اقدر امشي
قصي بحب: لو عليا مش عايزك تمشي ابدا سكت شوية
قصي: تقدري تروحي وخلي بالك من نفسك
حلا ضربتله تعظيم سلام زي الظباط: حاضر يا فندم اي اوامر تانية سعادتك
قصي ضحك: لا تقدري تتفضلي
حلا ابتسمت وغادرت وهو ابتسم على مرحها بس كان فرحان اوي من العناق
( يخرب عقلك بتموت لي قلة الادب😂😂)
قصي كمل شغل وحلا انطلقت على بيت قصي واستقبلتها انجلي عانقتها بقوة وحلا بادلتها العناق
انجلي بسعادة: وحشتيني يا حلول الجرح اللي في رجلك عامل ايه دلوقتي
حلا: احسن الحمد لله
انجلي سحبتها من ايديها: تعالي ده تيتا هتموت وتشوفك
حلا: بعد الشر عليها متقوليش كدة
دخلوا الصالون
انجلي: شوفي مين جيه
فاطمة رفعت نظرها وشافت حلا ورا انجلي
فاطمة بسعادة: حلول جيتي امتى
انجلي: انا كلمت قصي وقولتله يخليها تيجي
فاطمة فتحتلها دراعها وحلا عانقتها وفاطمة ملست على شعرها بحب وحنية وعانقتها بشوق وحب وحنان
انجلي: انا هروح اجيب حاجة لحلا تاكلها لحد ما قصي والشباب يرجعوا ونتغدى سوى
انجلي ذهبت للمطبخ وحضرت لانجلي ساندوتش وكوباية نسكافيه
في الصالون
حلا امتلأت عينيهابالدموع لان هذا العناق ذكرها بأمها وجدتها حلا ابتعدت عنها فاطمة استغربت من دموعها وانجلي دخلت بالصينية بس متكلمتش
فاطمة باستغراب وحنية وحب: مالك يا حلا بتعيطي ليه
حلا ابتسمت من وسط دموعها: مفيش بس حضنك ده فكرني بحضن ماما وجدتي والدة بابا
فاطمة ابتسمت وملست على شعرها: وهو انا مش في مقام جدتك برضه
حلا بدموع: طبعا بس انا مش متعودة على الحب ده ولا الحنية ديه كلها ومش عايزة اتعود عليها انا مستهلش كل ده منك
فاطمة بزعل: لا هتتعودي لانك من اليوم ورايح في مقام احفادي وانتي عندي زي انجلي بالظبط وبعدين مين اللي قالك يا هبلة انك متستهليش وبعدين مش انتي اللي هتقرري ده انا اللي هقرره تعالي في حضني يا كلبة
حلا اترمت في حضنها وبكت انجلي بكت على بكائها ولكنها مسحت دموعها وقامت شدت حلا من حضن فاطمة وبصت لفاطمة
انجلي بعتاب ومرح: عجبك كدة خليتي البت تعيط ونكدتي علبها طب دلوقتي اجبلها عريس منين
حلا بعدت عنها وهي بتمسح دموعها وكانت هتقع بس قدرت تلحق نفسها
حلا: لا ياختي شكرا قال عريس قال متشكرين جدا ليكي في حد قالك اني عايزة اتجوز
انجلي غمزتلها: حتى لو كان العريس ده حبيب القلب
حلا باستغراب: وهو انتي عارفاه ولا عارفة اسمه او شكله حتى
انجلي بابتسامة: ماهو انتي هتقوليلي اسمه وكل حاجة عنه ولا مش بتثقي فيا
حلا: لا طبعا بثق فيكي بس المسألة مش مسألة ثقة بس عادي مش عايزة حد يعرف انا حرا
انجلي: طب اوعدك اني مش هقول لحد
حلا: طب لنفترض ان الشخص االي بحبه كان حد من اخواتك هتعملي ايه
انجلي: هجوزكوا لبعض طبعا
حلا: اها وده دليل على انك هتقولي وعلشان كدة مش عايزة اقول لحد انا عمي ذات نفسه ميعرفش
فاطمة: خلاص اجلوا الكلام بعدين قعدي يا حلا كلي الاول
حلا: لا لما يجي وقت الغدا نبقى نقعد ناكل سوى
انجلي: لا قصي وصاني انك لازم تاكلي وبعدين ده ساندوتش خفيف وكوباية نسكافيه يلا بقى
حلا: بصي انا ممكن اشرب النسكافيه بس الاكل هبقى اكل معاكوا
تليفون انجلي رن وردت
قصي بقلق وخوف: حلا وصلت
انجلي ابتسمت: وعليكم السلام في حاجة اسمها السلام عىيكم الاول يا استاذ وبعدين ابقى اسأل اذا كانت وصلت ولا لا
قصي بغضب: السلام عليكم يا انجلي ها حلا وصلت
انجلي ضحكت: وعليكم السلام ياخويا اه وصلت
قصي بغضب: هي تليفونها مش معاها
انجلي بصت لحلا: حلا هو تليفونك معاكي
حلا بإستاراب: اه لبه
قصي: انجلي افتحي الاسبيكر
انجلي فتحته قصي بغضب: ممكن يا هانم تشوفي تليفونك وتشوفي انا كام مرة متصل بيكي
حلا كانت بتشرب النسكافيه شرقت وفضلت تكح
حلا بصدمة: قصي في ايه خير في حاجة انت كويس
قصي فرح من قلقها بس كان متعصب
قصي بغضب: فين تليفونك يا حلا
حلا بإستغراب: في جيبي ليه
قصي: طب ممكن بعد اذنك تطلعيه وتشوفي انا متصل بيكي كام مرة
حلا طلعته لقت عشر مكالماتمن Q A S هي مسجلاه كدة
حلا وشها اصفر واحمر في نفس الوقت
حلا بتوتر: والله ما سمعته اصل..... انا عملته صامت لما روحت المركز ونسيت ارجعه تاني انا اسفة بس ليه متصل عشر مرات في حاجة او مشكلة ولا لتكون تعبان فيك حاجة يا قصي اتكلم مبتردش ليه
وكانت بتتكلم بقلق وخوف فاطمة وانجلي بصوا لبعض وكانوا مبسوطين من خوفها عليه بس ما كانوش في يعادة قصي
قصي نسي غضبه وابتسم: مستنيكي تسكتي علشان اعرف اتكلم
حلا بخوف: اديني سكت ها
قصي: انا كويس متقلقيش بس قلقت لما اتصلت عشر مرات وسيادتك مردتيش كنت عايز اطمن بس انتي وصلتي ولا لا
حلا تنفست الصعداء وكأنها تتخلص من الخوف والقلق على حبيبها وحطت ايديها على قلبها
حلا:وقعت قلبي فيه حد يتصل بحد عشر مرات علشان يطمن بس انا قولت جرالك حاجة حرام عليك يا شيخ
قصي بغضب: وهو انا اللي قولتلك اعمليه صامت ياختي
حلا بمرح: خلاص متتحولش حقك عليا انا اسفة بس نسيت ارجعه لاني مش متعودة حد يتصل ويسأل غير احواتي وهما مبيتصلوش غير لو انا في المركز بس طول ما انا في الشركة مبيتصلوش يعني اوقات معينة ومرات عمي بتتصل بيا لما تعرف اني في مهمة خطيرة ومبتتصلش الا لما انا ابعتلها مسدج او اتصل بيها واطمنها اني كويسة يعني بس عموما انا اسفة
قصي ابتسم: لقد عفوت عنك بس من اليوم ورايح في البيت في المركز في الشركة في اي حتة تسبيه بصوت ومن اليوم ورايح تتعودي اني هطمن عليكي
حلا بإستغراب: وتطمن عليا ليه عيلة صغيرة ولا هتخطف مثلا
قصي: انتي فعلا عيلة صغيرة بالنسبالي واه ممكن تتخطفي عارف انك اد حالك بس اعمل ايه القلب وما يريد ولا انتي فاكرة انه من حقك تطمني عليا وانا مطمنش عليكي
حلا وجهها احمر من الخجل وعلشان تداري ده: لا عادي وبعدين انا اطمن عليك اه لان حمايتك مسؤليتي افرض حد حاول يئذيك من العصابة ابقى عارفة بس مش اكتر انما انت هتطمن عليا ليه
قصي: لنفس السبب يمكن حد من افراد العصابة يحاول يئذيكي لانك بتحميني ووقتها اعرف على الاقل حالتك ايه وفين
حلا ضحكت: قصي علشان تبقى عارف كل حاجة وبصراحة مش مهمتك هي اللي معرضة حياتي للخطر انا من غير حتجة ومن غير مهمات فيه اعداء وعصابات عاوزين موتي يعني مش العصابة تبع مهمتك وبس اللي عايزين موتي لا كتير واكتر منهم مفيش ومش شرط اني لو اتخطفت يبقى اللي خطفني عصابة تانية ساعتها هتعمل ايه
قصي: هنقذك برضه
حلا: امم وافرض خسرت حياتك وانت بتتقذني او اتأذيت
قصي: عادي ميفرقش معايا
حلا: هو ايه اللي عادي وميفرقش معاك ولا انت ناسي ستك واخواتك اللي محتاجينك وبيحبوك وبعدين ليه كل ده وعلشان ايه ومين
قصي: علشان بحبك اما بخصوص مين فبخصوص حبيبتي
حلا اتصدمت من كلامه ومعرفتش ترد تقول ايه بس وجهها بقى شاحب ولونه اصفر انجلي خافت لحسن يجرلها حاجة فغيرت الموضوع
انجلي: قصي حلا مش راضية تاكل وبتقولي هتستنى لحد ما تيجوا وناكل سوى
هنا مايا وروما كانوا جايين من ورا حلا وكانوا ناويين يفاجئوها ولكن
حلا من غير ما تلتفت وراها: بطلوا العادة القديمة ديه وتحاولوا تخضوني يا مايا ويا روما لاني مش كل مرة هبقى سليمة ومش هقع من طولي هيجي يوم من الخضة اقع ومتقومليش قومة
الكل: بعد الشر عليكي
روما عانقتها من الخلف وتشعلقت في رقبتها
روما: اخص عليكي متقوليش كدة وبتفولي في وشي
حلا فكت ايديها ووقفت وسحبت روما وخلتها قدامها ولفت ايديها حوالين خصر روما
حلا: يعني يرضيكي ان قلبي يوجعني وتخضوني دايما ماهو حظي انهاردة تحفة مأخدتش ادويتي ولا اخدت المخدر وشاهر مش هنا في المستشفى وانا نسيت اخدهم لاني كنت مستعجلة علشان الشغل اللي كان منتظرني في الشركة
مايا بغضب: اها اول حاجة قصي واهم حاجة قصي انا مش عارفة ليه يعني هو اهم هو اهم من انك تاكلي هو اهم من انك تاخدي ادويتك انتي عارفة كويس انك لو مأخدتيش ادويتك ممكن يجرالك حاجة
حلا بنرفزة: وانتي ايه اللي غايظك
مايا: يعني كلامي صح انه اهم
حلا باستفزاز: اممم اه اهم هتعملي ايه بقى
مايا بغضب: هروح اقوله الحقيقة
حلا بغضب ونرفزة: مايا انتي عارفة اني مبحبش شغل لوي الدراع وانا دراعي مبيتلويش وعايزة تروحي تقوليله انا مش حبساكي ولا قافلة الباب بالمفتاح روحي قوليله بس محدش يجي ويسمعني كلام طالع نازل
روما: خلاص اهدوا حلا ابوس ايديكي النرفزة مش حلوة عليكي وبالاخص انك مش واخدة الادوية
حلا حست بدوخة وكانت هتقع بس روما سندتها وقعدتها على الكرسي وحلا حطت راسه ما بين ايديها
روما بغضب: عجبك كدة اهي داخت انتي عارفة كويس ان الطريقة ديه في الكلام مع حلا بتعصبها وعارفة كويس انها ممكن تموت لو اتعصبت وبالاخص انها مش واخدة الادوية ولا المخدر
مايا بغضب: ماهي بصراحة نرفزتني مش معقولة حتى ادويتها متاخدهاش علشان الشغل ملعون ابو الشغل وبعدين هي نرفزتني
روما بغضب: انتي عارفة كويسقصي بالنسبة لحلا ايه......
حلا بسرعة: بالنسبالي واحد وبحميه من عصابة ممكن تطير رقبته في ثانيتين او يضربوا برصاص خلصت
الكل بصلها وهي بصت لروما ومايا
حلا: ما هو اصلي انتوا الاتنين عايزين تتخانقوا اتخانقوا في البيت وانتوا لوحدكوا مش هنا لان بسم الله ماشاء الله زي ما الاستاذة اشارت على روما ومن ثم وكملت
حلا: كانت هتقع بالكلام
روما ومايا بصوا لبعض وضحكوا
روما: يعني انتي كل اللي همك الحقيقة متتعرفش ومش همك انك كنتي هتقعي من طولك دلوقتي وبعدين انا بدافع عنك
حلا وقفت: شششكررررا لو اثناء ما انتي بتدافعي عني هتقعي بالكلام وتقولي الحقيقة اللي مخبياها من عشر سنين مش عايزاكي تدافعي عني
الكل ضحك طبعا قصي سمع كل حاجة
حلا: مايا اكيد انتي معاكي ادويتي
مايا: لا مجبتهاش على اساس انك في الشركة وانك واخدة الادوية ومش هتيجي هنا
روما: طب هو اسم الدوا ايه يا مايا
مايا بصتلها: امممم مش فاكرة لما نرفزتني نسيت
قصي: انجلي اديني حلا
انجلي اعطت لحلا التليفون: قصي عايز يكلمك
حلا: نعم يا قصي
قصي: اسم الدوا ايه
حلا: دوا ايه
قصي: ادويتك يا حلا دوا القلب اسمه ايه
حلا: دوا قلب ايه
قصي ضحك: عارف ان عندك القلب ممكن ننجز بقى وتقولي اسم الدوا
حلا: بس ليه يعني
قصي بنرفزة: اقفلي يا حلا انا هعرف من شاهر
حلا: خلاص خلاص يخرب اللي يسألك على حاجة متزعلش خلاص
قصي: طب انجزي وقولي
حلا: اسم الدوا...............
قصي: والمخدر
حلا بتذكر:امممممم اسمه.........
قصي: متأكدة
حلا: اه
قصي: تمام كُلي وانا عشر دقايق وهكون عندك ومعايا الادوية كُلي بدل ما اتنرفز عليكي
حلا: بس انا مش جعانة و......
قصي قاطعها: مفيش حاجة اسمها مش جعانة كُلي علشان هتاخدي الادوية اديني انجلي حلا اعطت لانجلي التليفون
قصي لاخته: خليها تاكل حتى لو هتجبريها هجيب الادوية واجي
انجلي: طيب بقولك ايه كلم اخوان حلا الشباب وهاتهم في طريقك وهات معاك الواد حازم ومريم
قصي: حاضر يلا سلام
انجلي: سلام
انجلي بصت لحلا: الاوامر من الجهات والسلطات العُليا هتاكلي يعني هتاكلي
حلا بضجر: يا ربي
حلا اضطرت تاكل ولما خلصت اكل البنات
مايا: حلا متغني حاجة
روما: اه ياحلا صوتك واحشني اوي
حلا رفعت احد حاجبيها: ده على اساس اني مبكلمكيش كل يوم
روما: لا قصدي يعني لما تغني
انجلي: اه يا حلول عايزة اسمع صوتك يلا
مايا: غني اغنية حبيتك بالتلاتة
انجلي: الله الاغنية ديه رومانسية جدا وانا بحبها يلا يا حلول
مايا: لحظة قومي علشان هترقصي معايا بقالنا كتير مرقصناش مع بعض
انجلي: وانا هشغل الموسيقى بتاعت الاغنية
حلا لمايا: لا انا مش قادرة ارقص حِلي عن اهلي
مايا شدتها من ايديها ووقفت قصادها وسحبت ايد حلا وضعتها على خصرها ومايا حاوطت رقبت حلا بايديها وفي الوقت ده قصي والشباب دخلوا بس لما شافوا مايا وحلا وقفوا وسكتوا يعرفوا ايه اللي بيحصل
حلا: اللي يشوفنا بالمنظر ده هيفكر غلط وبعدين الاغنية تترقص دع شاب وبنت مش بنت وبنت لانها بتتكلم عن الحب
مايا بعدت وحطت ايديها على وسطها
مايا بغيظ: اه قصدك تترقص مع حبيب القلب
حلا: اللهم طولك يا روح مالك ومال حبيب الروح مش القلب عنداً فيكي
مايا لروما: اهو شوفتي بتستفزني ازاي
روما ضحكت: طب ماهي بتقول الحقيقة يعني تكدب عليكي وبعدين مالك صح يا مايا
مايا: بغير بلاش اغير
حلا: يختاااااي الا مؤاخذة يعني بتغيري من ايه ومين علشان انا تعبانة شوية والتعب مأثر
مايا: بغير من حبيب القلب يعني بتتغزلي فيه وتغنيله وتقوليله كلام حب
حلا بصتلها بايتغراب وصدمة وروما كمان وبعدين حلا وروما بصوا لبعض وضحكوا
وحلا من كتر الضحك قعدت في الارض مكنتش قادرة تقف دخلت في غيبوبة ضحك هي وروما
مايا بغضب: بتضحكوا على ايه يا بعيدة منك ليها
روما وهي بتحاول تمسك نفسها من الضحك: انا عن نفسي بضحك لانك بتغيري من حبيبها عليها ده انا اللي اختها توأمها مش عاملة ربع اللي انتي عملاه
مايا: من حقي اغير على فاكرة
حلا وهي قاعدة في الارض ورفعت احد حاجبيها: لا مش من حقك على فكرة تغيري منه
مايا بصتلها بإستغراب: ليه ان شاء الله ناقصة ايد ولا ناقصة رجل
حلا: لا مش القصد
مايا بغضب: اومال قصدك ايه
حلا قامت وقفت قصاده
حلا بنرفزة: لا بجد بقيتي مستفزة جدا ايه الاستفزاز ده
مايا: اه بتدافعي عن حبيب القلب
حلا ابتسمت: يعنيايه اللي دخل حبيب القلب دلوقتي افهم يعني
مايا: بصراحة متغاظة منه
حلا: انا فضلي شوية واشدفي شعري انا مبقتش فهماكي ما انتي لسة من كام يوم كنتي بتتخانقي معايا علشانه دلوقتي قلبتي عليه ليه
مايا: علسان بتغنيله وتقوليله كلام حب
حلا ضحكت: خو انتي ليه محسساني انك قفشتيني وانا حضناه وبقوله بحبك وبموت فيك
الكل استغرب من جرأة حلا والشباب كمان حتى قصي وحتى روما
انجلي باستغراب: حلا اعرف انك جريئة بس مش للدرجادي
حلا: لا اهدي واتقلي لان هيصدر مني كلام محدش هيتوقعه وجريئ جدا اللي معندوش الجرأة يقوم من هنا لان انا على اخري وشكلي هروح فيها في داهية قال بتغير منه قال
مايا بغضب وفيه دموع في عنيها: حلا انا بتكلم جد مبهزرش اه صح مشوفتكيش في حضنه بس دايما بتتغزلي فيه وبتحبيه
حلا: افندم بتغزل فيه ازاي وهو انا امتى اتغزلت فيه قدامك ده انا يوم اما بتغزل فيه بيبقى ما بيني وما بين نفسي وبعدين انتي محسساني اني بحبه ومبحبكيش ما انا زي ما بحبه بحبك.......... اوكي علشان مكنش كدابة هو اكتر
مايا: اهو شوفتي بقى انه معايا حق
حلا: طب ما ده طبيعي اني احبه اكتر من نفسي مش عايزاني احبه اكتر منك وبعدرن انتي عارفة ان ليكي مكانة عندي في قلبي وعلى فكرة مفيش سبب مقنع انك تغيري منه
مايا: اه ليا مكانة في قلبك بس هو مستحوز على قلبك كله
حلا باستفزاز: والروح والعقل لو عايزة مستحوز عليا كلياً
مايا بغضب: حلا متستفزنيش
حلا: على فكرة انتي اللي بتستفزيني وبعدين ده هو ميعرفش انا مين وحتى ميعرفش اذا كنت بحبه ولا لا واساسا ماعترفتش بحبي ليه اومال الا مؤاخذة انا وهو وبُعاد عن بعض وسيادتك غيرانة اومال لو كان خطيبي ولا جوزي هتعملي ايه وبعدين طبيعي انه يكون واخد القلب كله ومستحوز عليه وطبيعي احبه اكتر من اي حد انتي عايشة معايا عشرين سنة ومن عشرين سنة بنحب بعض ومع بغض هو بقى بالصلاةُ على النبي بحبه من عشر سنين وهما 6 شهور اللي كان بيشوف وش امي فيهم وبقاله حوالي عشر سنين لا سمع صوتي ولا شاف وشي ولا قابلني طب انتي على الاقل عايشة معايا عشرين سنة هو لا وبعدين طبيعي اني احبه اكتر من اي حد بتحسديه على ايه وغيرانة منه على ايه طب انتي عايشة معايا وعارفة اني بحبك هو مش عارف بمشاعري تجاهه وبعدين ده هيموت ويعرف حقيقة مشاعري
مايا: بس بتحبيه ولا مش بتحبيه مستعدة تضحي بحياتك علشانه ولا لا
حلا: اه طبعا
مايا: اهو شوفتي بقى
حلا بنرفزة: ما انا زي ما مستعدة اضحي بحياتي علشانه وده طبيعي ضحيت قبل كدة بحياتي علشانك وكنت هموت ولا نسيتي
مايا: اه بس هو اكتر
حلا بنفاذ صبر: لالالالا كدة كتير عليا طب يعني انتي بتغيري منه يا اللي مفيش تعمل ما بينا ولا بيحضني والتعامل كالغربة ومش بتغيري من ادم واريان لما بحضنوني ويحبوا فيا ما هما شباب برضه ولا هو حبيبي بس اللي الغيرة ديه بتنطبق عليه
مايا: لا لان ادم واريان اخواتك طبيعي وعادي وبعدين ما هو بيغير عليكي من اخواتك
حلا ضحكت: طب ده طبيعي لانه بيحبني وبعدبن الراجل فيه حتة التملك شوية
مايا: لا مش طبيعي لانهم اخواتك بيغير ليه مش من حقه
حلا ضحكت: طب تصدقي بالله
مايا: لا إله إلا الله
حلا: هل ليه الحق يغير عليا من اخته
مايا بصتلها بصدمة واستفراب: افندم
حلا رفعت ايديها باستسلام: انا مال امي انه بيغير عليا من اخته القلب وما يريد عزيزتي وبعدين طبيعي انه يغير لانه في الاول والاخر راجل وبيحبني إنما انتي بنت هتغيري على بنت تانية ليه
مايا: لاني مش بحب حد يقاسمني فيكي
حلا بصتلها باستغراب: انتي ولا كأنك متجوزاني هو مش كفاية عليا هو وبعدين ايه شغل الحموات ده والله انا هموت واعرف لو اتجوزنا انا وهو في يوم هتعملي ايه
مايا: هطرده من الاوضة ومش هخليه ينام معاكي في نفس الاوضة
حلا: ده على اساس انه هيسمحلك ده هيموت في اليوم اللي اشيل اسمه فيه وابقى ملكه ومن حقه هو وبس وبعدين انتي عايشة معايا عشرين سنة تحت سقف واحد سيبيه حرام على امك يعني هو مش طايل سما ولا ارض وبتحسديه اومال لو طال هتعمل ايه
مايا: اه صح تحت سقف واحد وفي بيت واحد بس مش في اوضة واحدة
حلا: مايا انا كدة بدأت اشك فيكي وبعدين انتي عارفة اني بشوف كوابيس بليل بخاف اضربك او ائذيكي وانا نايمة
مايا: ليه جاموسة نايمة وهو لو انتي لو اتجوزتيه هتقوليله نام في اوضة تانية علشان بشوف كوابيس بليل واخاف لحسن ائذيك
حلا ابتسمت بإحراج: اكيد لا لانه......
قاطعتها مايا: اهو يعني كل شئ مباح معاه هو ابن البطة البيضا وانا بنت البطة السودا
حلا: ممكن اكمل طبيعي اني مش هقوله ده
مايا بغضب: ليه بقى ان شاء الله
حلا: لان يوم ما ده هيحصل هيكون جوزي انا مقدرش امنعه انه مينمش معايا في نفس الاوضة وبعدين يا روح امك هو هيتجوزني علشان ينام في اوضة تاتية مش ده لو سابني اخرج من الاوضة او خلاني ابعد عنه ده لما هيصدق عايش عشر سنين في مرار وعذاب وعايزاني لما ابقى على ذمته ومن حقه امنعه واقوله روح نام في اوضة تانية ده يعلقني زي المعزة
الكل ضحك ما عدا روما
حلا كملت: طب غلى فكرة انا اكتشفت حاجة غريبة اوي
روما: ايه هي
حلا: انه لما بيكون جنبي مبشوفش كوابيس بليل مش عارفة ليه
مايا: انا هقولك ليه علشان الكوابيس عند حبيب القلب لا بس عن امنا احنا اه
حلا: ما قولنا حبيب الروح مش القلب
مايا مسكت مخدة وحدفت حلا بيها
مايا بغضب: ماشي يا اوطى اخواتك يا كلبة يا حيوانة
حلا ضحكت: طب يعني اعملك ايه طيب وبعدين كل ده علشان قولتلك ان الاغنية تترقص مع شاب مش بنت
مايا: قولي انك عايزة ترقصي مع حبيب الروح
حلا: حقيقي واقولك على حاجة بس متتعصبيش عايزة افضل في حضنه اربعة وعشرين ساعة ولو عليا اتجوزوا انهاردة ودلوقتي قبل بكرة
مايا لفت حواليها لقت ڤاظا مسكتها
حلا: مايا بطلي جنان وسيبي الڤاظا عيب احنا مش في بيتنا وبعدين اهون عليكي تموتيني
مايا: ماهي دبه المصيبة مقدرش
سابت الڤاظا
حلا: مش ذنبي ان الاغنية بتتكلم عن الحبيب مش عن الحبيبة غيروا الاغنية واغنيلك اغنية لعمرو دياب
مايا: لا انا عاوزة الاغنية ديه وتبقى ليا تغنيها ليا
حلا: حاضر هكدب عليكي واقولك هغنيهالك مبسوطة كدة
مايا بغيظ: لا غنيهالي يا حلا
حلا: لا انا من رأيي اروح على بيتي بدل ما يجيلي جلطة
مايا بدموع: حلااا
حلا: يا نعم خير كان يوم ما بعلم بيه الا ربنا يوم ما حبيت انا قرفت منم ومنه ومن فارس ومن ادم مش معقولة كفايا عليا هو مش انتي وهو كدة كتير عليا
مايا: ما هو بيغير عليكي من اخواتك ومن اخته إشمعنا انا يعني مش من حقي اغير عليكي منه
حلا: هنعيدوا تاني وبعدين انا مش فاهمة اذا كنتي بتغيري لانه بيحبني وبيغير عليا ولا لاني بحبه بزيادة وبغنيله
مايا: علشان اناي بتحبيه وتغنيله
حلا: طب ما انا بحبك برضه
مايا: تحبيني زيه
حلا: حاضر اي خدمة تانية
مايا: حلا متكدبيش عليا
حلا: طب انا اعمل ايه اعمل ايه انتي لا عايزاني اكدب علشان اريح دماغي وفي نفس الوقت مش عايزاني اصارحك بالحقيقة واقولك اني بحبه اكتر من اي حد على وجه الارض واد الدنيا وما فيها وبزيادة كمان الخلاصة اني بحبه وبعشق امه علشان هي السبب انه جيه عل.الدنيا وميتة في دباديب اهله ها حلو كدة ولا عايزة زيادة
الكل ضحك
انحلي: مش معقولة بتحبيه للدرجادي يا حلا
حلا: وازيد والله يا بنتي انا اصلا مش عارفة بحبه اد ايه
مايا بغضب: حلااااا
حلا: انا هكتم بوق امي وهسكت خالص لا هحب في امك ولا في امه حلو كدة ده انتي ولا اللي مخسساني اني كنت نايمة قي حضنه امبارح ومنمتش معاكي
مايا: انتي مش ملاحظة انك اتعديتي حدودك في الكلام
حلا: اممم ده على اساس انتي ايه وبعدبن انتي عارفة لما حد يعصبني وينرفزني ببقى ايه
مايا: اه علشان حبيب القلب
حلا صرخت: ماياااااا حرام عليكي قلبي وجعني من كتر الكلام مترحميهوش هو بس ارحمي امي انا بجد خاسة اني شوية وهقع من طولي ده انا عندي اتخانق معاه عن اني اتكلم معاكي بخصوص النوضوع ده فظيعة
حلا قعدت مايا: قومي علسان نرقص
حلا بصتلها: مش هرقص نِفسي اتسدت ومش هغني كمان ريحي بقى على جنب
مايا: اه لو علشان حبيب القلب هتغني صاروخ
حلا: عنداً اه علشانه هغني صاروخ وبصراحة قلبي واجعني ومش قادرة اتكلم فقدامك حل من الاتنين يا تقفلي بوقك يا اما انا اللي هقلب على الوش التاني وانتي عارفة قلبتي كويس
مايا: مش عارفة فيه ايه عدل علشان تحبيه اكتر مني
الكل ضحك ماعدا حلا
حلا: امم وانا بصراحة مش عارفة ايه اللي هلاني احبك
مايا بنرفزة: بقى كدة يا حلا
حلا: هجاوبك على سؤالك انه راجل مفيش منه اتنين على كوكب الارض ولا كوكبتاتي ولو فيه محدش هيملى عيني غيره ارتحتي جاوبتك على سؤالك ولا لسة
الكل سقف
انجلي: حلا كفايا حب فيه لاني بجد بدأت احسده واغير عليه
حلا ابتسمت: تغيروا عليه لما يكون عارف هو مش عارف ده اللي بحاول اشرحه للبهيمة ديه من الصبح
انجلي: معاكي حق خلاص غتي بقى
روما: وحياة حبيب الروح والقلب والعقل طيب لتغني
انجلي: روما حلفتك بحياته ايه مش هتغني
روما: علرفة يا انجلي احنا لو طلبنا منها حاحة ورفضت وحلفناها بحياته تنفذها
حلا: اه ده بأمارة انموا اربعة وعشرين ساعة طلابات مبتخلصش ولازم الحلفان ده انتوا كرهتوني في اليوم اللي حبيته فيه
فاطمة: طب غني يلا
حلا: هترقصي يا ست زفتة ولا اخد روما وارقصها بدالك
مايا: مش عايزة ارقص معاكي
حلا: احسن وفرتي
انجلي شغلت الموسيقى وحلا بدأت تغني
مالي حاسة بإرتباك وبحالة مش عادية
عقلي اتجنن معاك مش عارفة ايه اللي فيا
قوم فُض الاشتباك او خبي عليك شوية دانا واقعة فيك بجد
من كلمتين يا دوب بلاقيني في حتة تانية
مبشوفشِ فيك عيوب وبراقبك ثانية ثانية
إزعل هتقوم حروب مش واحدة لا تمانية
هو انت اي حد هو انت اي حد
انا نفسي اطييير فرحانة جداً ودايبة وبغير
حاسة بسعادة وده احساس خطير مجنونة بيك نفسي افضل قصادك واقولك بحبك كتير
وده مش كلام دانا جاية اغرق عنيك اهتمام
وده وعد عليا وقرار والتزام لو كنت اطول كنت امسح حياتي ونبدأ من الليلة قوام
🎼🎼🎼🎼
هو انت جيت منين حبيتك بالتلاتة سهرانة بتاع يومين عاوزاك وبئستمادة مبسوطة حبتين لا حبتين تلاتة لا ده الموضوع يخض
من غير اي اتفاق عقلي في ثانية انت خدته
تاه مني واما فاق مش سابت زي عادته ملهوف كله اشتياق بيرحلك وبإرادته من الفرحة مش بيرد من الفرحة مش بيرد
انا نفسي اطييييير فرحانة جداً جداً بغير
حاسة بسعادة وده احساس خطيييييييير
ااااااااااااه بحبك كتير
وده مش كلام دانا جاية اغرق عنيك اهتمام
وده وعد عليا وقرار والتزام لو كنت اطول كنت امسح حياتي ونبدأ من الليلة قوام
_________________________________
يا ترى حلا هتعترف لقصي ولا لا بحبها؟
__________________________________
بعتذر جدا عن التأخير بس غصب عني علشان الامتحانات بحاول على اد ما اقدر اكتب وانزل
