حلا دخلت وكان فيه شخص على باب القاعة
الشخص: ممكن جاكيت حضرتك
حلا هزت رأسها بالموافقة وقلعت الجاكيت واعطته له ودخلت القاعة وبحثت بنظرها على شخص الى ان وجدته وابتسمت وذهبت لأحد الطرابيزات
عند طربيزة الشباب والبنات
مايا: مش ديه حلا......... ااه هي حلا
قصي قلبه دق بسرعة والتف بسرعة وبقلق ليرى حلا
روما بإستغراب: فين ديه يا بت تلاقيكي بيتهيألك
مايا بإبتسامة واسعة: يا بت اهي هي اللي هناك ديه عند طرابيزة عمو وليد وعمو عماد.......اللي مديانة ظهرها ولابسة فستان جملي بس لحظة قصي انت تقدر تميز حلا صح ممكن تبص للبنت ديه وتأكد للهبلة ديه ان البنت ديه هي حلا
قصي نظر لمكان ما حلا واقفة وكانت تعطيهم ظهرها
قصي تنهد: اه هي حلا
مايا: اهو شوفتي
روما بزعل: طب ليه مجتش عندنا الاول
مايا: ممكن تكون هتسلم عليهم وتعتذر منهم انها اتأخرت وبعدين تيجي عندنا
عند طرابيزة وليد ولميس والد ووالدة آسيا ويزن وعماد ومروة والد ووالدة جميلة
حلا من خلف وليد: الف مبروك
وليد التف للصوت وابتسم بسعادة: حلول... الله يبارك فيكي وعقبالك يا حبيبتي
حلا ابتسمت: عاملين ايه
وليد: بخير الحمد لله انتي اخبارك ايه
حلا: الحمد لله على كل حال
لميس بزعل: كدة يا حلول تتأخري علينا وتيجي في اخر الفرح
حلا: حقك عليا بس كان غصب عني والله بسبب ضغط الشغل وبعدين اديني جيت اهو وهتتعوض بإذن الله في الليلة الكبيرة متزعليش بقى
لميس ابتسمت: انا اساسا مقدرش ازعل منك ماشي يا ستي سماح المرادي
حلا ابتسمت: هي ديه لميس اللي اعرفها
وليد: تعالي اقعدي معانا
حلا: للاسف مش هينفع لان اخواتي هنا فهروح اقعد معاهم علشان ميدايقوش بس المهم فين العريسين والعروستين وفين البت آسيا والزفتة جميلة وعمو عماد فين
مروة بإبتسامة واسعة: هتلاقيه هنا ولا هنا وممكن يكون مع الاولاد
حلا: طب هما فين
لميس: تقريبا خرجوا في الحديقة علشان يتصوروا
حلا: طب انا هروح اشوفهم بقى يلا عن اذنكوا
حلا خرجت الحديقة
مايا: انا هروح اتصور مع البنات فيه حد هيجي معايا
روما: انا هاجي
رقية: وانا كمان
مايا: وانتي يا نونو تحبي تيجي معانا
انجلي: ليه لا اجي يلا بينا
قصي: استنوا انا كمان هاجي معاكوا
فهد ولوئي: واحنا كمان
جاسر: طب قصي هيروح علشان حلا وعلشان يتصور مع يزن ده لو هيتصور يعني انتوا هتروحوا ليه بقى
فهد: علشان نتصور مع يزن
لوئي: ما تيجي معانا انت وفارس
فارس: لا شكلنا هيبقى غبي اوي لو روحنا بربطة المعلم كدة فروحوا انتوا واما تخلصوا وتيجوا احنا نروح
لوئي: ماشي يلا
ذهبوا البنات ومعهم الشباب للحديقة فشافوا حلا واقفة منتظرة حد
مايا: حلا
حلا التفت لمايا ومايا اتصدمت من منظر حلا طبعا حلا كانت تعطي جنبها للشباب ومأخذتش بالها غير من مايا وروما لانهم اللي كانوا واقفين قصادها
مايا بصدمة: يخرب عقلك انتي ناوية تشقطي رجالة ولا ايه
حلا كانت مبتسمة فاختفت الابتسامة لما مايا قالت الجملة ديه
حلا بإستغراب: اشقط ورجالة ومرة واحدة تؤ انا سيبتهملك انتي يعني تقدري تشبعي بيهم
روما حطت ايديها على كتف حلا اليسار وكانت هتتكلم بس قاطعتها حلا
حلا: مبدئيا انا متصابة في دراعي ده فعلشان راحتك وراحتي ابعدي عنه احسن انا بحركه بالعافية
روما شالت ايديها بسرعة وبقلق وخوف: انتي كويسة طيب هو بيوجعك اوي
حلا ابتسمت: انا كويسة الحمد لله بس واجعني شوية بس انا تمام متقلقيش
فهد بمرح: ماهي زي القردة اهي
حلا اتخضت: بسم الله الرحمن الرحيم.... في ايه يا فهد خضتني...... انتوا جيتوا امتى
لوئي: جايين مع البنات من بدري بس انتي مأخدتيش بالك مننا
حلا بإبتسامة: بس لايقة عليكوا البدلة عقبال ما تلبسوها في فرحكوا
فهد ابتسم: قولي يارب يسمع من بوقك ربنا
حلا والبنات ولوئي ضحكوا
قصي بهدوء: حلا اخبار المهمات ايه
حلا نظرت لقصي وبإستغراب: عن انهي مهمات بتسأل
قصي: المهمات اللي اتأخرتي علشان تنفذيها.... يعني عرفت ان الوضع في المركز مش تمام وانهم اتصلوا بيكي من المركز علشان تحلي المشاكل
حلا اتصدمت: وانت عرفت منين
قصي: مش مهم عرفت منين المهم اني عرفت وخلاص
حلا بلعت ريقها بصعوبة لان كان باين على ملامح قصي الانزعاج وليه حق لانها كدبت عليه
رقية: حلا انتي واقفة بتعملي ايه هنا
حلا وهي مازالت تنظر لقصي بحب وخوف: كنت مستنية آسيا تيجي علشان تدلني على مكان العرسان بدل ما اتوه ومعرفش اوصلهم
هنا آسيا جت وعانقت حلا من الخلف
آسيا: انا جيييت
حلا ابتسمت والتفت لآسيا: حمد الله على السلامة.... بس ايه الجمال ده ناوية تخلي عقل اريان يطير ولا ايه
آسيا: ياختي اتنيلي ده لو عملت ايه مش هيحس تخيلي انهم لما وصلوا سلموا علينا عادي واعطوني انا وجميلة هدية كإن مفيش حاجة
حلا: اومال البت يارا فين قعدت تقولي هخليهم يشيطوا من الغيرة ومعرفش ايه
آسيا ضحكت: اهي جوا بس قوليلي ايه القمر ده لالالا حرام عليكي يعني انتي مرتبطة فيه بنات معانا سناجل هتخليهم يعنسوا يخرب جمال اهلك
حلا ضحكت: ياختي اتوكسي خدوهم كلهم مش عايزة منهم غير واحد بس المهم خديني عند العرسان
آسيا بإستغراب: انتي مستعجلة ليه يعني لا تكوني هتمشي حلاا
حلا: هو انا حاليا مش همشي بس معرفش الثانية اللي جاية ايه هيحصل ديه حاجة تاني حاجة عايزة اديهم هديتهم قبل ما اريان او ادم يجوا ويشوفوني والباقي عندك
آسيا: طب تعالوا
آسيا اخذتهم على مكان ما هما بيتصوروا
ميرنا ابتسمت عندما رأت حلا وركضت عليها عانقتها
ميرنا: حلوول انا قولت مش هتيجي
حلا: عيب عليكي ده انا وعداكوا
مدت يدها بعلبة لميرنا
حلا: ديه حاجة بسيطة يارب تعجبك
ميرنا: ايه ده عذبتي نفسك ليه يا حلا والله مكنش ليه لزوم
حلا: بس يا هبلة انتي اختي وبعدين ديه حاجة بسيطة خديها يلا
ميرنا اخدت العلبة وفتحتها وكان انسيال عبارة عن فراشات صغيرة وكان حلو اوي
ميرنا: حلو اوي يا حلول ورقيق جدا بس ده شكله غالي اوي
حلا: بس ميغلاش على اختي
ميرنا بسعادة وحب: حبيبتي تسلميلي ويخليكي ليا
حلا: ويخليكي لمالك وتفضلي مبسوطة طول العمر يا حبيبتي....بس انتوا ليه واقفين على جنب مبتتصوروش ليه لا يكون الواد يزن والبت يارا واخدين حقكوا. قالتها بمرح وهزار
ميرنا ضحكت: لا يا حبيبتي ده احنا لسة مخلصين انا ومالك وهما ديه خامس صورة ليهم يعني لسة بدئين.......بس هتتصوري معانا مليش فيه
حلا ابتسمت: ماشي بس انا عاوزة البت يارا اللي قعدت تتكلم معايا وتقولي هخلي الاصنام تنطق وهي معمليتش حاجة
ميرنا ضحكت: ما احنا مستنينهم يسخنوا وبعدين نزودها احنا
حلا: يا خوفي على مالك ويزن شكلكوا مش هتخلوهم يكملوا الفرح
ميرنا: متقلقيش انتي معانا
حلا: ايه ده وانا مالي
ميرنا: مش هما اخواتك يعني تقدري تسيطري عليهم
حلا ضحكت: مش لما ابقى اسيطر على البنات ابقى اسيطر على الشباب هنهزر مع بعض ولا ايه
ميرنا ضحكت: والله ليكي وحشة يا بت يا حلول يعني من ايام الجامعة مشوفناش بعض
حلا: اممم بس مقولتليش درستي تخصص ايه في الطب
ميرنا: نسا وتوليد وخلصته بس حاليا بدرس تخصص اطفال وقررت اخده بكل حاجة بحزافيره يعني جراحات وانف واذن وبطنة وكل حاجة بخصوص الاطفال وهخلص منه وابتدي في باقي التخصصات وبفكر احضر ماچيستير ودكتوراه وانتي ايه الاخبار يعني خلصتي ماچيستير ودكتوراه في الطب ولا لا
حلا: بصراحة معرفتش علشان الشغل ده انا كنت بشوف المرار اما كنت طالبة وكنت بشتغل كمان في نفس الوقت وكان بيجي عليا فترة ابقى قبل الامتحانات بإسبوعين بكون مش فاتحة صفحة مش هقولك كتاب وكنت ببقى مصابة كمان وبضطر اطبق بالثلاثة ايام والاربعة ويوم اما انام كنت انام اربع خمس ست ساعات بس وارجع اطبق تاني كنت بتعب جامد
ميرنا: اه انتي هتقوليلي ده انتي كنتي بتيجي الجامعة بحسك هتقعي من طولك وكان بيبقى وشك باين عليه التعب بس مع ذلك كنتي بتطلعي الاولى يا مفترية
حلا ضحكت: اللهم لا حسد في ايه تفي من بوقك وقولي الله اكبر وبعدين انا كنت بدرس سنتين في سنة وفي الطب فكان الموضوع صعب واما انتقلت للتخصصات كنت بدرس اكتر من تخصص في السنة فإرحمي امي شوية
ميرنا: بس خلصتي قبليا
حلا: اه اخيرا الحمد لله بس مبقليش كتير مخلصاها يعني من حوالي اربع شهور كدة
مايا: طيب هو مفيش غير مصور واحد
ميرنا: اه ليه
مايا: قولنا نتصور معاكي على ما الاستاذة يارا تخلص لانها شكلها مش هتخلص انهاردة
حلا: طب فيه حد معاه كاميرا زيادة
لوئي: فهد مش انت دايما معاك الكاميرا بتاعتك هي معاك دلوقتي ولا
فهد: مش عارف هروح اشوفها واجي
لوئي: طب خدني معاك
مايا: متتأخروش ها
فهد ولوئي ذهبوا ليبحثوا عن الكاميرا في السيارة
ميرنا: قوليلي بقى يا كلب البحر مجيتيش ليه من اول الفرح هو ده اتفاقنا
حلا: بُصي انا لحد الساعة 5 كنت في البيت والدنيا حلوة ومحضرة نفسي اني هاجي فجأة يتصلوا بيا من المركز يقولولي انزلي وبعدين انتي عارفة الباقي بقى
ميرنا بغضب: انا هاين عليا اخنق الزفت اللي اسمه امان
حلا ضحكت: لا المرادي فادي مش امان امان في اجازة
ميرنا: لا فادي مصايبه اكبر والعن من امان
هنا تليفون حلا رن
ميرنا بعصبية: حلا انا اكتر حاجة بتنرفزني في حياتي كلها تليفونك طول اليوم بيفضل يرن يرن يرن يرن ايييه مبيفصلش شحن ابدا حلا لو فيه مصيبة مش هتتحركي من هنا شِبر واحد او نص شِبر حتى
حلا ضحكت: طيب لحظة هرد وهاجي
حلا ذهبت بعيد عنهم شوية واتصلت بفادي
حلا: ها يا فادي عملت اللي قولتلك عليه
فادي: اه عملته وكله تمام وبكدة نقدر نرتاح وننام شوية
حلا: طيب كويس يلا روح نام وارتاح وابقى اشوفك بكرة في المركز تمام
فادي: تمام تصبحي على خير
حلا: تلاقي الخير....سلام
حلا قفلت م عفادي والتفت لتعود للبنات ولكنها انتفضت من الفزع عندما رأته بوجهها
حلا بفزع: قصي حرام عليك كنت هتوقفلي قلبي
قصي بغيظ: بس موقفش ولسة بيدق اهو وانتي لسة بتتنفسي
حلا بغيظ: تصدق عندك خفة دم مش عند حد
قصي بغضب: ممكن افهم ليه كدبتي عليا يا حلا
حلا بإستغراب: قصدك انهي كدبة بالظبط
قصي بنفاذ صبر وعصبية: بطلي استعباط انتي عارفة انا اقصد ايه قصدي على انك رايحة تجيبي للبنات هدية بس انتي في الحقيقة كنتي رايحة المركز ومتكدبيش عليا لاني عرفت انك كنتي مع البنات امبارح علشان الهدايا
حلا بهدوء: يعني اذا كنت قولتلك اني رايحة المركز لان فيه مشاكل مكنتيش هتقلق عليا
قصي بقلق: ومفكرتيش اذا عرفت من حد تاني رد فعلي هيبقى ايه وهبقى عامل ازاي او اذا اتصلت بيكي اكتر من 15 مرة وتليفونك مغلق يعني انتي عايزة تموتيني بالسكتة القلبية افهم بس
حلا بغضب بسرعة: بعد الشر عليك متقولش كدة ان شاالله انا وانت لا
قصي بغضب: حلااا انتي عارفة اني مبحبش الطريقة ديه في الكلام
حلا ابتسمت وبمرح: طب خلاص متتعصبش بقى لانك بتقلب وتبقى حلو زيادة عن اللزوم خلاص بقى وبعدين حصلك ايه ها ما انت زي القرد اهو
قصي نظر لها بإنزعاج: تحبي اقولك حصلي ايه
حلا بصوت واطي لنفسها: شكلك مش هتعديها بسهولة
حلا لقصي بإبتسامة: قول ايه اللي حصلك مع اني شايفاك متشيك واخر جمدان اهو
قصي بنفاذ صبر شد حلا من ايديها وجذبها لحضنه وحاوط خصرها بيده واليد الاخرى على ظهرها وشعرها وعانقها بقوة ودفن وجهه بشعرها التي تفرده على كتفها اليمين وعنقها حلا اتفاجئت من رد الفعل
حلا بإستغراب: هو ده اللي حصلك وايه اللي حصل في ده لاني مفهمتِش حاجة
قصي ابتسم وهو مازال دافن وجهه في عنقها ويعانقها بقوة: كنت خايف اني اخسرك وكنت محتاج حضنك وعطرك علشان روحي ترجعلي تاني واقدر اعيش لانك روحتي على المهمة واخدتي عقلي وقلبي وروحي وتفكيري ومكنتيش عارف اركز في اي حاجة ولا ليا نفس لحاجة كنت كل اللي عايزه انك ترجعيلي بأسرع وقت
قصي كان يعانق حلا وطبعا هو اطول منها فعندما انخفض وعانقها وجهها كان يقابل صدره فعندما استنشقت الهواء مع رائحته الزكية والتي تعشقها اغمضت عينيها وعانقته ودفنت وجهها بصدره تستنشق عطره وقصي عندما لم يتلقى رد فعل من حلا ولا اتكلمت وعانقته من دون مقاومة ابتسم وفضل السكوت والاستمتاع بهذه اللحظة التي ممكن ان لا تتعوض مرة ثانية بعد لحظات
حلا بتوهان: قصي....مرة تانية لو قربت مني وخلتني اشم البرفيوم بتاعك عن قرب كدة ساعتها مش هوريك وشي مرة تانية
قصي ضحك وابتعد عنها: بس الحمد لله وافقتي اخيرا اني اعانقك ولو مرة واحدة
حلا: لا بس معرفش اما استنشقت عطرك ايه اللي حصلي حسيت اني اتخدرت او يمكن كأني شميت هيروين او كوكاكين والله لو قربت مني تاني مش هيحصلك خير لانه ميرضيش ربنا ده
قصي ضحك: طب خلاص انا اسف متتعصبيش علشان لما بتتعصبي ببقى عايز احضنك وابوسك فإيه اتمسي وقولي يا مسى علشان ليلتنا تعدي وانت حلوة كدة كتك القرف في حلاوتك
حلا ضحكت جامد: وبتقول عليا انا اللي فصيلة من الرومانسية روح شوف نفسك الاول وبعدين تعالى اتكلم معايا
قصي ابتسم: لا بس والله حلوة اوي انهاردة حتى بفكر اخطفك ونروح نكتب كتابنا ونخلص بقى
حلا: بس قولي الاول ملبستيش ليه بدلة
قصي بإستغراب: قولت ابقى مختلف عن الكل ليه مش حلو
حلا: لا حلو والمشكلة انه حلو اوي اوي اوي ومخليك مز اوي فانا من رأيي كنت لبست بدلة احسن
قصي بخبث: ليه مببقاش حلو في البدلة
حلا: بصراحة ومن الاخر انت مز في اي حاجة حتى لو بيجامة بيت
قصي ضحك جامد وبدأ يقرب من حلا ببطء حلا ظلت ترجع لورا بتوتر: طب انا عاوز افهم لما انا مز كدة وبجذب اي بنت انتي كنتي بتقاوميني ازاي
هنا حلا قصي حاصرها لانها ظلت ترجع بظهرها الى ان اصبح خلفها الشجرة وامامها قصي وقصي سند على الشجرة بيديه الاثنان وكان قريب منها جدا
حلا بتوتر: ومين قال اني كنت بقاومك
قصي بحب: اومال فترة ال 3 شهور اللي فاته دول كانوا ايه وقبليهم عشر سنين ها
حلا بخجل وتوتر: طب قصي ابعد شوية علشان لو حد جيه شكلنا مش هيبقى حلو
قصي بحب: خلي اللي يجي يجي بس جاوبيني الاول لما انا مز اوي كدة ازاي كنتي بتقاوميني الايام اللي فاتت وفين وفين لما قررتي تحني عليا وتصارحيني بالحقيقة
حلا خجلت وتوترت بشدة
قصي ابتسم بحب وخبث وانخفض على اذنها وهمس: بس انا اول مرة اعرف انك حلوة اوي كدة ولو عايزة الصراحة انتي فعلا اميرة يا حلا واحلى اميرة شوفتها وقابلتها في حياتي بس خلي بالك انك لو فضلتي حلوة كدة وبزيادة انا هتهور وهعمل حاجات مينفعش تتعمل وخلي في بالك لو حد قرب منك انهاردة وحاول يتعرف او يعرض الرقص عليكي ساعتها هقلب الفرح ده عزا ومش هعديها بالساهل
حلا كانت تشعر بالتوتر بسبب قربه منها وكانت تشعر بالخجل الشديد لدرجة ان وجهها بأكمله اصطبغ باللون الاحمر لدرجة انك اذا وضعت يدك على جبهتها لتقيس حرارتها ستشعر انها مرتفعة كثيرا من شدة الخجل قصي بعد عنها شوية ولكن مازال يحاصرها
قصي ابتسم: طب تصدقي بالله العظيم شكلك بقى اطعم لما قلبتي خوخ كدة وبرقوق
حلا دفعت يده من على الشجرة وركضت تجاه البنات وهي تنظر ورائها خبطت في جاسر وكانت هتقع بس جاسر مسكها حلا اتصدمت بجاسر وهنا قصي جاء من خلف حلا وجاسر نظر لحلا وقصي بشك وخبث
جاسر: في ايه ايه اللي بيحصل هنا
حلا بتوتر ووجهها احمر: مفيش ولا حاجة
وكانت هتمشي جاسر مسكها من ذراعها وجذبها له براحة
جاسر بإبتسامة خبيثة ونظرة خبيثة: ولما هو ولا حاجة ومفيش حاجة وشك احمر ليه اظن اننا في الشتا مش الصيف علشان وشك يحمر كدة ها
حلا وهي تنظر بجهةاخرى بعيدا عن عيون جاسر: جاسر خلاص سيبني اروح عند البنات
جاسر: بس قوليلي قصي قالك ايه خلى وشك يحمر كدة
قصي ضحك: ابدا مدحت جمالها وعاكستها شوية بس مش اكتر
جاسر ترك ذراع حلا: علشان كدة وشك احمر اوي زي الفراولة
حلا مشيت بخطوات سريعة بعيدا عنهم قصي وجاسر ضحكوا
جاسر: ما تخف عن حلا شوية يا قصي
قصي: خلي اختك تبطل تحلو وانا هخف حاضر
جاسر ضحك: خلينا نروح نشوف هيعملوا ايه
حلا وجاسر وقصي وصلوا لمكان البنات
مايا: حلول وصلت وهي اللي هتصورنا
فهد بإستغراب ودهشة: انتي بتعرفي تصوري
حلا بإبتسامة وغرور: عندك شك
حلا مدت يدها لفهد ليعطيها الكاميرا وفهد اعطاها الكاميرا وهو ينظر بإعجاب
فهد: هو انتي مصنوعة من ايه
حلا: من الحديد ولو مبعِدتش نظراتك ديه او نزلت عينك بعيد عني هخلعلك عينك
فهد اتحرج وبعد نظره عن حلا: احم مكنتيش اقصد حاجة والله
حلا ابتسمت: ما انا عارفة بس مبحبش حد يبصلي كدة
ميرنا: بس هنتصور فين علشان الإضاءة
فهد كان هيتكلم بس اتفاجئ من حلا
حلا: الكاميرا فيها فلاش لحظة واحدة بس
حلا بدأت تضغط على ازرار بالكاميرا وتظبطها وشغلت الفلاش وجربت تصور منظر الحديقة لتجرب الإضاءة
حلا: شوفوا هتوقفوا فين يلا
ميرنا: طب بما انك المصورة بتاعتنا اقترحي علينا نعمل ايه
حلا: طب ارجعي لورا
لوئي بإستغراب: انتي عرفتي تشغليها ازاي يا حلا
حلا نظرت للوئي: عندي واحدة زيها وقبل كدة عملت جولة صغيرة حول اوروبا وساعتها كنت باخذ صور لاماكن حلوة ورومانسية وهادية اي استفسار تاني
مايا: حلا عندها كمية رومانسية ممكن تظهرها في الصور وبتصور بطريقة حلوة جدا
حلا ابتسمت: بس هنا مأظنش هيبقى فيه رومانسية لانها مش مع مالك
مالك: لا معنديش مانع اتصور تاني وربنا
حلا ضحكت: طب انا بقول خليها في الليلة الكبيرة ولما تكتبوا كتابكوا ساعتها هتبقى الرومانسية ليها طعم اكتر
مالك: ماشي بس مليش فيه هتصورينا صورتين او تلاتة
حلا: لا ده انت في العند معندكش يا اما ارحميني ايه ده هو انت مشبعتش تصوير
مالك: تؤ مشبعتش انا واحد طماع يا ستي انتي مالك
حلا: كل الرجالة طماعة وخصوصي لو مع البنت اللي بتحبها اقف يا سيدي اما نشوف اخرتها
مايا بإنزعاج: مالك والله مشوفتش اغلظ منك لازم تحشر نفسك يعني
ميرنا: بس انا عاوزة صور مجنونة مع مالك بلاش رومانسية يعني اتصورنا كتير
حلا ضحكت: ما انا ده اللي هعمله هو اما صدق وعايز رومانسية الرومانسية في الليلة الكبيرة وعليك خير يا مالك يلا اقفوا هناك
مالك: طب تصدقي بقى انتي وهي الجنونية احلى من الرومانسية مادام حلا هي اللي هتصور اكيد هيبقى فيها رومانسية برضه
الكل ضحك ومالك وميرنا وقفوا وحلا طلبت من مالك يعطي ظهره لميرنا وميرنا تمسكه من الجاكيت من قفاه وهو يمثل انه هيقع وميرنا تقف تشير على مالك وتغمض عين وعين لا وتبتسم بمرح وهنا حلا التقطت كذا صورة وبعدين طلبت من مالك انه يجلس على ركبتيه امام ميرنا بس وجهه لحلا وميرنا تنخفض لمستوى مالك بعض الشئ وتحاوط بذراعها عنقه كأنهه تخنقه وهو يمثل انه مخنوق ومش قادر ياخد نفسه وميرنا تظهر يدها اللي فيها الخاتم والدبلة وكذلك مالك وبعدين اخذت كذا صورة
حلا وهي تنظر للصور: كفاية عليكوا لحد كدة
جاسر: حلوة اوي الصور حلا انا قررت هخليكي تصوريني في فرحي وانتي اللي هتعملي الالبوم كمان
حلا ابتسمت: بس كدة من عنيا انت تؤمر يا جسورتي
جاسر حاوط كتف حلا بذراعه: اذا كان كدة اتفقنا
جميلة: انا بقول وفي فرحي انا وآسيا كمان
حلا ضحكت: لا ده انتوا عايزين توفروا على قفايا انا
آسيا ضحكت: يعني يرضيكي نسيب الموهبة اللي عندنا ونجيب حد من برا حتى ده عيب في حقك
حلا: ماشي ياختي انا عايزاه يبقى عيب في حقي يلا مين اللي هتتصور مع ميرنا الاول
الكل ركض على ميرنا وميرنا اتخضت الشباب ضحكوا
حلا ضحكت: انا بالمنظر ده صرفت نظر عن الجواز
ميرنا: خلاص خلينا ناخد صورة كلنا
حلا بغيظ: ديه اسمها ندالة ووطينة لاني مش هبقى في الصورة ومفيش صورة جماعية هتتصور من غيري ايه قلة الذوق ديه ما تتعلموا بقى الذوق
الكل ضحك
ميرنا: خلاص عندي اقتراح هيتصور اتنين اتنين معايا يعني مثلا حلا وروما مع بعض وآسيا وجميلة مع بعض ورقية ومايا مع بعض و...
حلا نظرت لمكان ما ميرنا تشير: انجلي اخت قصي صديق مالك ويزن
آسيا وهي تضع يدها على كتف انجلي وتعانقها: هي ديه القطة الكيوتة اللي كلمتك عنها
ميرنا بسعادة: بجد ده انا كان نفسي اقابلها يبقى نونو تسمحيلي طبعا ادلعك صح ولا لا علشان انتي اكبر مني
انجلي بإبتسامة: لا انا واحدة مبتاخدش بالسن ناديني باللي يريحك
ميرنا: لا ديه بجد تدخل القلب من اول حوار
حلا بإعتراض: تؤ تدخل القلب من اول نظرة انا مش عارفة يا بنتي انتي ازاي قاعدة لحد دلوقتي متجوزتيش هما الرجالة اتعموا ولا ايه فيه حد يسيب القمر ده......بس خدي هنا مالك انهاردة مزة زيادة عن اللزوم في ايه بتدوري على عريس ولا شكلك هتنشري سحرك كله انهاردة ولا ايه. وغمزتلها
انجلي ضحكت: كنت ناوية انشره بس سحرك غطى عليا ومش هلاقي حد يبصلي
مايا: ياختي اتوكسي لما نلاقي حد يبصلنا يبقوا يبصولك انتي مادام مع البني ادمة ديه مش هتطولي لا بلح الشام ولا عنب اليمن
حلا ضحكت: مايا انتي كدة كدة عندك فهد لو ملقيتيش حد يملى عينك فهد يكفي ويفيض اما بالنسبة لانجلي انتي يا حبيبتي شاوري وانا اجيبهولك هو واهله ويتجوزك انهاردة قبل بكرة واما بخصوص سحري انا والله مبنشرش سحر بس هما متعرفيش بيكونوا ضاربين ايه لما يشوفوني بس لو عايزاهم خديهم كلهم والله ما خسارة عليكي خديهم كلهم انا مش عايزاهم والله هتبقي ريحتيني اوي
آسيا ضحكت: يا بنتي هو حد لاقي ديه حاجة حلوة اما تلاقي فيه شباب بيقعوا في حبك من النظرة الاولى
حلا ضحكت: ونبي انتوا على نياتكوا اوي حبيبتي معلومة بس فيه فرق انهم يقعوا في حبي وانهم يقعوا في جمالي والباقي عندك واما بالنسبة ليا انا لا عايزة ده ولا ده من الاخر صنف الرجالة ده يبعد عني بخيرهم قبل شرهم واخرصوا بقى وشوفوا مين اللي هيبتدوا ويتصوروا مع ميرنا
آسيا وجميلة كانوا هيتحركوا
ميرنا: اهدي انتي وهي انا هتصور مع نونو الاول
حلا ضحكت: جبهتكوا طارت
انجلي اتصدمت: انا
حلا: لا انا يا انجلي ده على اساس انهم بيلقبوني نونو انا لقبي حلول فاتفضلي بقى يلا
انجلي ذهبت ووقفت جنب ميرنا
جميلة: على فكرة انا اخت العريس يا ميرنا ها خليكي فاكرة ده كويس
حلا ضحكت: لحظة واحدة يعني ايه يعني اخت العريس وهو انتي فاكرة مالك هيسكتلك او هيسمي عليكي ديه حبيبة القلب يا ماما والزوجة المستقبلية وام عياله مستقبليا كمان يعني هيقضي باقي حياته معاها ان شاء الله هيسيبها علشانك انتي يا اللي مصيرك تتجوزي وتتنقلي على بيت جوزك
جميلة بغيظ: ما تتكلم يا مالك
مالك: حلا معاها حق في كل حرف قالته
حلا: بمناسبة انك اخت العريس لو بدايتها كدة فانا هصرف نظر عن موضوع جوازك بأدم ها يعني خلي في بالك اني انا كمان اخت عريسك وحبيب قلبك يا روحي فبلاش معايا النبرة ديه علشان وربنا لو قلبت حمى ما هيبقى ليكي مكان في اي حتة
جميلة: حلول حبيبة قلبي واختي وحبيبتي
حلا: ايوة كدة اقلبي ورا كدة وابعدي عن ميرنا علشان موريكيش وشي التاني
جميلة بغيظ: ماشي يا حلا الكلب انتي وميرنا انا هوريكوا
حلا شرحت لانجلي وميرنا الوضعية وهما وقفوها وهي صورتهم ونفس النظام مع باقي البنات
ميرنا: كدة ناقص انتي وروما يا حلول
حلا: لا خليني انا في الاخر الاول بس كل بنت لوحدها اخت العريس اتفضلي علشان متزعليش يلا
جميلة فرحت وذهبت وقفت جنب ميرنا وحلا صورتهم كذا صورة وكذلك البنات
مايا: حلا عارفة الصورة اللي العروسة تبقى قاعدة وحواليها صحابها ويمسكوا طرحتها
حلا رفعت احد حاجبيها: عارفاها بس مش هتتصوروها من غيري وعندي كذا وضعية للصورة ديه ومش هخلي الليلة ديه تعدي غير لما نعملها
ميرنا بإبتسامة وخوف: ليه حاسة انها وضعيات فيها موتي
حلا: اومال انتي فاكرة انك هتخنقي مالك ونسكتلك يعني مالك لو مكنيتش جميلة اخته فانا اخته يا حبيبتي مش صديقته فإيه احذري لانك عندك اختين من صف العريس ها
مالك: حلول ايوة كدة ده انا قولت هتبيعيني وتبقي في صف ميرنا
حلا بغيظ: طب علشان ظنيت فيا سوء وفكرت التفكير ده رجعت عن قراري وهبقى من طرف العروسة وحسك عينك تزعلها والله هشعلقك من ودانك دول وهوريك النجوم والقمر في عز الظهر
مالك بزعل: ويهون عليكي اخوكي حبيبك
حلا: طب وربنا لو ادم في يوم زعل جميلة انا اللي هقف قصاده وهزعله والكل يشهد اني بقف في صف الحق والعدل
ميرنا: طب انا والبنات كدة اتصورنا ناقص انتي يلا خلي حد من الشباب يصورنا
حلا: انتي نسيتي الشباب ولا ايه
ميرنا استغربت ومفهميتش
حلا: زي ما احنا عايزين نتصور معاكي هما كمان عايزين يتصوروا مع مالك ودلوقتي دور الشباب
الشباب اتصوروا مع مالك وحلا هي اللي صورتهم ويزن ويارا خلصوا وحلا صورتهم مع البنات والشباب
يارا: يلا يا حلول خلينا نتصور
انجلي: بس مين هيصوركوا
حلا: قصي هيصورنا
قصي استغرب: انا
حلا نظرت له: اه انت.....مش انت من صغرك بتحب التصوير وبتعرف تصور
قصي: اه
حلا اعطته الكاميرا: معناها ورينا موهبتك في التصوير. وغمزتله وابتسمت
قصي: افهم انك بتتحديني يعني
حلا هزت رأسها بالموافقة: امممم
قصي: طب انجري يلا روحي اقفي
حلا وروما وقفوا جنب ميرنا واتصوروا كذا صورة وقصي هو اللي صورهم وكذلك مع يارا وبعدين اتصوروا كلهم مع بعض
يزن: الصور ديه تتبعت علشان البوم الفرح
حلا: تؤ ده هيبقى البوم مختلف عن البوم الفرح هبعتلكوا بس الصور اللي انتوا متصورينها مع ميرنا ويارا بس باقي الصور هيتعملوا البوم منفصل غير البوم الفرح
مالك: ومين اللي هيعمله
حلا ابتسمت: مادام انا صاحبة الفكرة يبقى اكيد انا اللي هعمله
آسيا: انا بقول خلونا ندخل لان زمان الناس هيضربونا
جميلة: اه احنا بقالنا بتاع ساعة بنتصور
حلا: فهد هستأذنك في الكاميرا انهاردة
فهد: لا عادي خليها معاكي وانا كدة كدة مش مستعجل عليها يعني خدي راحتك
حلا هزت رأسها بالموافقة: شكرا
الكل دخل والكل اتجمع على ساحة الرقص ماعدا حلا كانت تجلس مع الشباب وانجلي كمان كانت تجلس معهم آسيا وجميلة شدوا انجلي وحلا على ساحة الرقص حلا رقصت البنات بس ووقفت تسقف مش اكتر وكذلك انجلي وبعدين جيه فقرة الرقص الثنائي وهي كالاتي كل ثنائي شاب وبنت هيرقصوا مع بعض ومن ضمنهم العروسين وفي نص الاغنية هيبدلوا شركاء الرقص وطبعا في الاول يزن رقص مع آسيا ومالك مع جميلة علشان ادم واريان وحلا رقصت مع جاسر وقصي مع رقية وادم مع ميرنا واريان مع يارا ولوئي مع مايا وفهد مع روما وفارس مع انجلي وبدأوا يرقصوا وفي نص الاغنية بدلوا شركاء الرقص وكل واحد رقص مع حبيبته ادم مع جميلة ويزن مع يارا واريان مع آسيا ومالك مع ميرنا وقصي مع حلا ولوئي مع روما وفهد مع مايا وفارس مع رقية وسمير مع انجلي وكانت رقصتهم حلوة جدا ورومانسية للغاية ولما خلصوا وقفوا مع بعض
قصي همس في اذن حلا: امتى بقى نرقص سوى بس في زفافنا وبعدين اخدك على بيتي وتبقي ملكي انا وبس
حلا ابتسمت بخجل: ومين قالك اني مش ملكك بالعكس انا من اليوم اللي حبيتك فيه وانا بقيت ملكك انت وبس
قصي ابتسم بحب: يعني نطلع على المأذون على طول
حلا ضحكت: انت دايما كدة مستعجل
قصي بمرح: ده على ما يجي اليوم اللي تشيلي فيه اسمي هكون انا اتسلقت واتحمرت واتشويت زي الفراخ
حلا ضحكت جامد لدرجة عنيها دمعت
قصي همس في اذن حلا وهي مازالت تضحك: طب اهدي وبطلي سخسخة علشان فيه شباب بيبصوا عليكي وربنا هقلب الفرح عزا
حلا لفيت واعطت ظهرها للناس اللي قصادها لانها مكنيتش قادرة توقف ضحك لحد ما وقف قصادها اريان
اريان رفع احد حاجبيه وبإستغراب: مالك في ايه
وحلا دخلت في غيبوبة ضحك
اريان نظر لقصي: مالها في ايه
قصي حكاله اللي حصل واريان فضل يضحك
اريان: يخرب فقرك
حلا وهي تحاول كبح نفسها عن الضحك: انا مش....هقف معاك...تاني ابدا
اريان عانق حلا: خلاص يا حبيبتي اهدي علشان تقريبا معظم الشباب بيبصوا علينا
حلا بغيظ: اعملهم ايه يعني وبعدين قصي هو اللي خلاني اضحك
قصي: لا من الاخر من غير ما تضحكي يا روحي وهما بيبصوا عليكي
حلا بغيظ: وانا مالي يعني هو انا كنت روحت وقولتلهم بصوا عليا وانا حلوة وقمورة وزي الاميرات
اريان وقصي والشباب مقدروش يكبحوا نفسهم من الضحك وفضلوا يضحكوا جامد وكذلك انجلي مايا وروما ورقية رأوهم فذهبوا تجاههم
مايا بإستغراب: مالكوا في ايه
انجلي بضحك: قصي وحلا كانوا بيتخانقوا علشان الشباب عمالين يبصوا لحلا
روما: لالا الحوار من الاول وبالتفصيل
انجلي حكيت ودخلت في غيبوبة ضحك وكذلك البنات والشباب
حلا بغيظ وغضب: والله انتوا رخمين جدا
مايا بضحك: طب.......طب خلاص....هنحاول نوقف ضحك
روما: بس بجد الموقف يضحك جدا والجملة اللي انتي قولتيها احلى الصراحة
الفرح خلص والكل خرج واخذوا جواكتهم وذهبوا للجراش علشان السيارات
ادم: حلول هتركبي معانا ولا معاكي عربيتك
حلا: لا معايا عربيتي
مايا: بقولكوا ايه بما اننا كلنا هنا ما تيجوا نصيع
حلا: نصيع مرة واحدة
روما: يعني هو احنا هنصيع لوحدنا معانا الشباب
حلا: ااااه قولتيلي الشباب لا ده انتوا ليلتكوا صباحي وانا بقالي 3 ايام منمتيش مع نفسكوا انا هروح انام
رقية: حلول بطلي رخامة بقى ويلا وبعدين مفارقيتش من يوم كمان وبعدين دول كام ساعة
حلا: حبايبي انتوا عارفين الساعة كام علشان بتقولوا كلها كام ساعة الساعة 12 يعني بقينا في نص الليل وبعدين انا تعبانة وهلكانة ومش قادرة
روما: ما تقول حاجة يا قصي انت ولا ادم
ادم: خلاص خلينا نروح يا حلول
حلا: يا جدعان بتكلم عربي والله بقووول تعبااانة
قصي: طب خلاص ساعة وهنروح يلا بقى وبطلي رخامة
حلا تنهدت بقوة: هي ساعة مش اكتر....اتفضلوا شوفوا هتروحوا فين
رقية: خلونا نروح على الشاطئ القريب من البحر
جاسر: فكرة حلوة يبقى خلونا نروح نركن العربيات في الجراش تبع البيت وبعدين نروح
الكل وافق وكل واحد ركب عربيته ووصلوا البيت وركنوا السيارات ووقفوا عند بوابة البيت الرئيسية
مايا: تيجوا ندخل نغير هدومنا بدل الفساتين ديه
حلا كانت متعلقة في ذراع اريان وساندة رأسها على ذراعه
حلا بتعب ونوم: انا لو دخلت هنام بالفستان فانا مش هغير واظن اني مش هستناكوا تغيروا وهسافر
رقية: خلاص خلونا نروح كدة وخلاص
الكل ذهب للشاطئ وحلا اتمشيت مع جاسر
جاسر: حلا
حلا وهي نائمة على كتف جاسر ويتمشوا: اممم
جاسر: ما تخلي عند اهلك دم وامشي مع قصي شوية يعني هو قالك خلينا نخرج علشان تتمشوا مع بعض مش تتمشي معايا
حلا: معاك حق بس هو فين
حلا ظلت تبحث عنه بعينيها الى ان وجدته يجلس على الشاطئ امام البحر حلا ذهبت له وقلعت حذائها وجلست بجواره
حلا: بتعمل ايه هنا لوحدك
قصي وهو سرحان في البحر: لا عادي بتفرج على منظر الموج
حلا نظرت للموج ومن ثم اعادت النظر لقصي وظلت تنظر له بحب وسرحت فيه وقصي بعد لحظات التف لحلا ورأها تنظر له
قصي بإبتسامة: مالك بتبُصيلي كدة ليه
حلا استيقظت من شرودها: ولا حاجة
قصي بخبث: يعني نظراتك كانت غريبة وبتقوليلي ولا حاجة
حلا ضحكت: عادي يعني بلاش ابُصلك خلاص يا سيدي احنا متأسفين لحضرتك ومش هنبُصلك تاني
قصي ضحك: لالا بُصي عادي بس بلاش تبُصي بحب علشان انا ممكن اتهور ساعتها
حلا ضحكت: انت في اي وقت ممكن تتهور
وبعدين سكتوا وقصي رجع ينظر للبحر تاني حلا حسيت بدوخة بسيطة فاراحت رأسها على كتف قصي وقصي وضع رأسه على رأسها وابتسم وهي تشبثت بذراعه
حلا بتعب: قولي بقى بتفكر في ايه
قصي: عايزة تعرفي انا بفكر في ايه
حلا وهي مغمضة العينين: اممم ياريت
قصي بحب: بفكر في اليوم اللي نتجوز فيه وتشيلي اسمي وتبقي مراتي وام عيالي ونعيش انا وانتي في بيت واحد يتقفل علينا باب واحد ونعيش تحت سقف واحد وتنامي في حضني وراسك على صدري وايدك تبقى على قلبي وترصد دقاته وانا اضمك بقوة وميكنش فيه بينا حدود ولا مسافات ونعيش نحب بعض طوووول العمر ومحدش يدخل بينا ابدا ابدا وتفضلي دايما قصاد عيني وحوليا واصحى كل يوم الصبح على وشك واشوف ضحكتك وتحلي حياتي ودنيتي.....حلا ايه رأيك نتجوز.....بتكلم بجد والله يعني بدل ما نضيع وقت اكتر من كدة ونخطب ونعمل فترة خطوبة نخليها جواز على طول او على الاقل نكتب كتابنا....حلا انتي خرستي يا حبيبتي مبتتكلميش ليه...حلا
قصي نظر ليها وجدها نائمة وفي سابع نومة وشعرها مبعثر على نصف وجهها ومد يده ولم شعرها المبعثر على وجهها واعاده للخلف
قصي بحب: يا عمري بقالك كذا يوم منمتيش وكنتي تعبانة ومع ذلك وبالرغم من تعبك جيتي وخرجتي معانا لاني طلبت منك ده
قصي مد يده على وجنتيها بحب ورقة وبعدين قبلها من جبينها قصي ظل يبحث عن ادم او اريان ولكن وجدهم مزعوجين ومخنوقين فقرر يتركهم طلع تليفونه من الجيب الداخلي للبيلزر وبعث برسالة لجاسر وبعد دقائق جاسر جاله لمكان ماهو يجلس
جاسر: ايه في ايه
قصي: هشش وطي صوتك
جاسر بإستغراب وهمس: هي حلا نامت ولا ايه
قصي بصوت واطي: انت شايف ايه
جاسر ابتسم: شايف اتنين عشاق والعشيقة نايمة على كتف عشيقها
قصي: طيب يا خفيف شوف هنعمل ايه هتحملها انت لحد البيت ولا انا احملها
جاسر: لا طبعا انا اللي هشيلها
جاسر انخفض لحلا ومد يده وكان هيحملها ولكن تليفونه اعلن عن ان هناك اتصال فوقف ورد
جاسر: الو في ايه........دلوقتي.....يعني الموضوع ميتأجلش.......طيب خلاص جاي حالا......تمام سلام
قصي: في ايه
جاسر: فيه شغل ولازم اروح اكيد حلا معاها مفاتيح البيت صحيها وخليها تروح وتنام في البيت لاني لازم اروح على المركز ضروري يلا سلام
قصي: سلام
قصي: حلا......ح....
كان واضح على وجه حلا ملامح التعب والارهاق فصعبت عليه انه يصحيها فاتصل بفارس وطلب منه انه يجيله فجاله هو ورقية
فارس بقلق: في ايه حلا حصلها حاجة
قصي: لا اهدى هي بس تعبانة فنامت معاك مفاتيح البيت علشان هاخدها لهناك لان قولت لجاسر بس هما طلبوه في المركز وشكل ادم واريان مدايقين جدا وعايزين يقعدوا لوحدهم فانا هاخدها على البيت
فارس بإستغراب: ليه هي حلا مش معاها مفتاح
قصي: معهاش شنطة ولا حاجة ولا حتى موبايلها شكلها نسيتهم في العربية
رقية: طب خلاص خد مفتاحي انا اهو
فارس: طب ما تصحيها وهي تروح
قصي: شكلها تعبان اوي يا فارس خايف اصحيها تتعب اكتر او ممكن متصحاش اساسا من شدة التعب انت مش شايف وشها عامل ازاي
فارس نظر لوجه حلا وفعلا كان اصفر وباين عليه التعب ومن ثم نظر لقصي
فارس: هو انت معاك حق بس ادم واريان لو سألوا هقولهم ايه
رقية: خلاص خدها على البيت واحنا هنتولى امر ادم واريان وكدة كدة ممكن ميسألوش ويفتكروا ان حلا روحت وان قصي مثلا وصلها للبيت مش اكتر
قصي: طيب
قصي سحب دراعه من يد حلا ووضع يد اسفل ركبتيها والاخرى على خصرها ووقف وحملها حلا وهي نائمة ولم تشعر بشئ حاوطت عنق قصي بذراعيه وتشبثت بالبيلزر ودفنت وجهها بعنقه
فارس ابتسم وقصي نظر لحلا بحب
فارس: لا ديه مش نايمة ديه في دنيا تانية خالص
رقية بحب: هي تعبانة جدا بقالها اكتر من 3 تيام مناميتش وغير كدة طلبوها في مهمات ونزلت ولما خلصت جت الفرح يعني ديه تلاقيها ميتة تعب
فارس: قصي حاسب شوشو ها
قصي ابتسم: ما خلاص يا جدعان الله ده انا لما اتجوزها مش هخليكوا تشوفوها ابدا
فارس ضحك: طيب ياخويا خدها على البيت
قصي ذهب لبيت حلا وكان يحملها طول الطريق للبيت ولما وصلوا فتح باب البيت بالمفتاح اللي رقية اعطته له ودخل وقفل الباب وراه وطلع بيها لغرفتها وبعدين اراحها على السرير وخلعلها الجاكيت والحلق وحذائها وغطاها وجلس بجوارها يملس على شعرها وينظر لها بحب وحنان بعد لحظات حلا تقلبت وبدون وعي وهي نائمة رفعت رأسها ونامت على صدره وحاوطت خصره بذراعها قصي اتفاجئ من التصرف بس بعدين ابتسم ووضع يده على كتفها وضمها بقوة واخذ يستنشق رائحة شعرها التي سحرته ومن ثم قبل رأسها وظلوا هكذا دقائق حلا في حضن قصي وبعدين قصي قرر ينزل علشان مينفعش انه يفضل معاها في غرفة واحدة فرفع نفسه عن السرير وازاح رأس حلا عن كتفه ووضعها على المخدة وفك يدها عن خصره ووضع يدها على بطنها ونظر لها مرة اخرى ومن ثم خرج ونزل جلس بالصالون بعد حوالي عشر دقائق الكل رجع ودخلوا البيت
سمير: يلا بقى احنا نروح ونسيب الشباب يرتاحوا
اريان: لا كدة كدة الوقت اتأخر هتباتوا معانا انهاردة
قصي: بس.....
ادم: مفيش اعتراض لو سمحت هتباتوا يعني هتباتوا بدل ما نخطفكم ونخليكم تباتوا بالاجبار
لوئي ضحك: لا وعلى ايه احنا بنقول الطيب احسن
جاسر: يبقى مفيش اعتراض وهتباتوا يعني هتباتوا
كلهم نظروا لبعض
سمير تنهد: طيب خلاص علشان خاطر اريان وادم وجاسر هنبات
فارس: وانا هروح انام لاني جعان نوم
روما ضحكت: انت امتى مكنتيش جعان نوم ده انت بتعشق النوم
مايا: ديه حلا ليها الجنة بقالها ثلاثة او اربع ايام مناميتش وفيه اوقات بتفضل بالاسبوع والاسبوعين متنامش فيهم غير ساعة او ساعتين بالعافية
اريان: طب يلا نطلع نرتاح لحسن اللي يشوفنا يقول اننا ضاربين استروكس
الكل ضحك وبعدين كل واحد طلع على غرفته وناموا ماعدا روما ومايا وادم واريان لانهم كانوا بيفكروا في لوئي وفهد وآسيا وجميلة
__________________________________
حلا استيقظت على الساعة 5 ونص صباحا واستغربت انها نايمة بالفستان ومن ثم تذكرت انها غفيت على ذراع قصي ومن ثم قامت واخذت شاور سريع وارتدت ترينج رياضي لونه كحلي ثلاث قطع بنطلون وبضي بحمالة وجاكيت بسوستة وبظونت ولمت شعرها ذيل حصان وصليت الصبح ونزلت على البيت اللي بجوار بيتهم وهو مكون من ثلاث طوابق وبه ثلاث غرف واسعين وبكل طابق غرفة غرفة واسعة بها جميع آلات الرياضة وبها كيس ملاكمة واثقال وكانت هذه غرفة الرياضة الاساسية وكانت بالطابق الاول وغرفة بها سيوف ورمح وواسعة جدا وكبيرة بمعنى اصح هذه غرفة للرماية وكانت في الطابق الثاني والغرفة الاخرى لا يوجد بها شئ سوى مراية بطوووول احد الحيطان وعرض الحيطة ويوجد بأحد الجوانب راديو وشرايط ومن الواضح انها غرفة للرقص او ممارسة تمارين مثل الجومباز الكاراتيه الكونغو فو وانواع اخرى وكانت في الطابق الثالث والاخير حلا دخلت غرفة الرياضة وبدأت بآلة المشي ومن ثم آلة تشبه العجلة ومن ثم الاثقال
__________________________________
في غرفة قصي استيقظ على الساعة السابعة صباحا وعندما استيقظ قرر ينزل يشم شوية هوا ويقف امام البحر شوية لانه كان حاسس بخنقة فنزل وعندما خرج من البلكون اللي كان في الصالون لمح البيت اللي بجوار الڤيلا مفتوح فقرر يذهب ويرى من يوجد هناك او اذا كان الهواء هو اللي فتح الباب فذهب وعندما ذهب وقف عند الباب واتفاجئ وابتسم بإعجاب حلا كانت خلع الجاكيت وبتتمرن على كيس الملاكمة عندما قصي رأها ولكنها لم تلاحظ وجوده لانها كانت تعطيه ظهرها وتضع الهاند في اذنيها قصي لم يرد مقاطعتها فظل واقفا يضع يده في جيوب بنطلونه وساندا على الباب حلا وقفت ضرب الكيس عندما شعرت ان هناك احد خلفها فأزالت الهاند من اذنيها وابتسمت
حلا وهي مازالت تعطي ظهرها للباب: واقف عندك ليه يا قصي....ادخل
قصي اتصدم واعتدل في وقفته ودخل وقرب من حلا وحلا ارتدت الجاكيت مرة اخرى وخرجت شعرها برا وقفلت نص السوستة
قصي بإستغراب: عرفتي منين اني وراكي يعني انتي ملفيتيش وشوفتيني وانا كمان مش حاطط برفيوم فإزاي قدرتي تميزي ان ده انا
حلا التفت له وابتسمت: قولتلك قبل كدة انا مش محتاجة عيون علشان اشوفك لاني بشوفك بقلبي قبل عيني
قصي: لا بتكلم جد والله
حلا هزت رأسها بالموافقة وضحكت: وحياتك انت انا كمان بتكلم جد يعني انا في الاول حسيت ان فيه حد بيراقبني وبعدين لما ركزت شوية حسيت بيك وحسيت ان ده انت وعرفت انك انت من غير ما ابص ورايا او اشوفك وانا مش محتاجة البرفيوم الخاص بيك علشان اتعرف عليك يا استاذ قصي يعني حتى لو حطيت برفيوم سمير او لوئي او فهد او حتى ادم اخويا هقدر اميز ان ده انت مش ادم اذا كنت اقدر اميزك واحس بيك من بين ملايين الناس وبحس بيك واحنا بينا بلاد مش هحس بيك وانت لوحدك وبيني وبينك كام خطوة
قصي بإستغراب: قصدك ايه بإنك بتحسي بيا واحنا بينا بلاد
حلا تنهدت: لما انا كنت في امريكا واليوم اللي كنت هرجع فيه بس عملت حادثة ومعرفتش ارجع ده نفس اليوم اللي انت اتخطفت فيه وانا كنت راجعة لاني كنت حاسة ان هيحصل معاك حاجة والحاجة ديه مش خير وكان قلبي مقبوض جدا فعلشان كدة قررت ارجع بس
قصي ابتسم: للدرجادي بتحبيني
حلا: تؤ بلعب معاك استغُماية او يمكن بلعب معاك لعبة اسمها لعبة الحب
قصي ضحك وهي ابتسمت
حلا بإبتسامة وحب: تدوم على وشك على طول ومتحرمش من الضحكة القمر ديه اللي بتخطف قلبي خطف اه صح انت كنت بتقول ايه امبارح وانا نايمة على كتفك ومين اللي وصلني على البيت وقلعني الجذمة والحلق والجاكيت
قصي ابتسم بخبث: قبل اما اجاوبك قوليلي إشمعنا إمبارح اتنازلتي وقررتي تنامي على كتفي وتكوني قريبة مني يعني كنتي بتغريني مثلا علشان اقرب منك
حلا ابتسمت بخجل: دماغك الشمال تسيبها في اوضتك مش تجيبها معاك وانت جاي تقابلني
قصي ضحك: ابدا صدقيني بسيبها بس لما بشوفك بلاقيها جت اعمل ايه المهم جاوبي على سؤالي الاول ومتتهربيش
حلا بتوتر: ضروري يعني
قصي: اممم علشان دماغي متحدفش شمال
حلا ضربته على كتفه: هي دايما شمال اساسا....هو بصراحة إمبارح حسيت بدوخة فعلشان كدة سندت دماغي على كتفك مش اكتر
قصي بقلق: وليه مقولتليش انك تعبانة كنت خدتك على الدكتور او المستشفى او كنت كلمت شاهر
حلا: لان انا كويسة ومكنش فيه داعي للمستشفى ولا للدكتور
قصي رفع احد حاجبيه وبغيظ: مش انتي اللي هتحددي اذا كنتي كويسة ولا لا الدكتور هو اللي هيحدد امشي قدامي خليني اخدك على المستشفى
حلا بسرعة: والله انا كويسة وفل الفل وزي القردة قدامك اهو يعني الدوخة اللي انا حسيت بيها ديه يمكن لان ضغطي كان نازل ومنمتيش الايام اللي فاتوا ومرتاحتش فعلشان كدة حسيت بدوخة بس انا كويسة والله صدقني مفيش حاجة
قصي: متأكدة حلا لو حاسة انك تعبانة قوليلي وخلينا نروح على المستشفى
حلا بمرح: جرى ايه يا كينج هتشكك في كلام مراتك المستقبلية ولا ايه وبعدين يا استاذ انا دكتورة كمان يعني اقدر اعرف اذا كنت محتاجة دكتور ولا لا واقدر اعرف انا تعبانة عندي ايه من غير دكاترة
قصي ابتسم: ماشي يا دكتورتي الصغيرة
حلا ابتسمت من اللقب: المهم جاوبني بقى على سؤالي
قصي: اولا انتي سألتيني انا سرحان في ايه وسيبتيني قاعد ملطوع نص ساعة بتكلم وانتي ولا هنا ولما اناديلك على انك تجاوبيني على سؤالي مردتيش ابص عليكي الاقيكي نايمة وفي سابع نومة
حلا ضحكت وبخجل: معلش يا روحي انا اسفة اني سيبتك ملطوع نص ساعة بتكلم نفسك بس كان غصب عني ونمت وبعدين يعني مين يشم برفيومك ومينمش المهم كمل وبعدين
قصي ابتسم: ابدا اتصلت بجاسر علشان يجي يشيلك وياخدك على البيت بس لما جيه وكان هيشيلك جاله تليفون وطلبوه في المركز واضطر يروح فقالي اصحيكي واخليكي تروحي على البيت محبيتش اصحيكي لان كان باين على وشك التعب فلما دورت اذا كان معاكي مفتاح للبيت ولا لا زي ما جاسر قالي انك اكيد هيبقى معاكي مفتاح بس ملاقيتش معاكي اي حاجة فاتصلت بفارس وجالي هو ورقية وقولتله هاخدك على البيت قالي نفس اللي جاسر قالهولي اني اصحيكي فرديت عليه وقولتله ان باين عليكي انك تعبانة واني خايف اصحيكي تتعبي اكتر فرقية قالتلي اخدك على البيت واعطتني مفاتيح البيت وفارس قالي خلي شوشو بعيد عنك ومسمعش كلامه
حلا ضحكت وقصي كمان
قصي: بعدين قولتله اتجوزك بس وبعدين مش هخليكي تشوفي حد فيهم ابدا وبعدين شيلتك وخدتك على البيت وطلعتك اوضتك ونيمتك بس
حلا: ومين اللي قلعني الجذمة والجاكيت والحلق انت
قصي ابتسم: اه انا بس انا بقول تنامي دايما على كتفي لان عجبني اللي حصل إمبارح وحبيته
حلا بإستغراب وعدم فهم: ليه ايه اللي حصل
قصي ابتسم بخبث: ابدا لما حملتك بين ايدي حاوطي رقبتي بدراعك ودفنتي وشك في رقبتي بقوة ولما نيمتك على السرير وغطيتك فضلت شوية قاعد جنبك وبلمس على شعرك وكنت هقوم امشي لاقيتك اتقلبتي ورفعتي دماغك وحطيتيها على كتفي وحاوطي خصري بدراعك يعني عجبني الموضوع فإبقي نامي كل يوم على كتفي
حلا احمرت وجنتيها بشدة: انا عملت كدة
قصي: لو مش مصدقاني تقدري تسألي فارس
حلا بإحراج وخجل وتوتر: احم على فكرة كنت نايمة ومش واخدة بالي فمتفهمش غلط
قصي ضحك: لا انا فاهم صح وصح اوي كمان يعني انتي مكنتيش في وعيك بس قلبك كان عايز ده لانه مشتاقلي وعايز يعانقني ويفضل في حضني بس انتي بتعاندي ومش بترضي
حلا وجهها احمر بشدة لان كلامه صح
حلا بخجل: هحضنك بصفتك ايه مينفعش وحرام لما نبقى نتجوز هفضل في حضنك اربعة وعشرين ساعة ومش هبعد عنك ولو ثانية واحدة
قصي بحب: بجد......اوعديني انك متبعديش عني تاني ابدا
حلا ابتسمت ونظرت له بحب: اوعدك ولو اني وعدتك قبل كدة وديه تاني مرة اوعدك فيها
قصي ضحك: خلاص نغير الوعد ونخليه مثلا.......اه اوعديني اني لو طلبت منك ايه تنفذيه
حلا ابتسمت: اوعدك اني هنفذ اللي تطلبه مني ومن غير ما افتح بوقي بحرف
قصي ابتسم: مهما ان كان الطلب ده هتنفذيه متأكدة
حلا ضحكت وبحب وتحذير: يعني مثلا لو طلبت حياتي هدهالك بس لو طلبت حاجة خارج الحدود ومينفعش تحصل او اني اوافق عليها فمأوعدكش يعني اطلب اللي انت عايزه
قصي ضحك: ماشي ومتقلقيش مش هطلب حاجة خارج الحدود
حلا بحب: قولي عايز ايه
قصي ابتسم: لا خليها في الوقت المناسب
حلا ابتسمت ونظرت بإستغراب: ولو اني مش مطمنة ومرعوبة من اللي هتطلبه بس ماشي اللي تشوفه واللي يريحك هو انت كنت بايت هنا امبارح
قصي ابتسم: اه اريان وادم طلبوا مننا نبات ومنمشيش علشان الوقت اتأخر
حلا: اه صح لما اتصلت بجاسر وهو معرفش ومشي ليه مقولتش لادم واريان
قصي: لا كنت هقولهم بس كان باين عليهم انهم مدايقين ومخنوقين وعايزين يفضلوا لوحدهم فقولت اسيبهم
حلا: انا هموت واعرف البت يارا وميرنا قالولهم ايه امبارح واحنا بنرقص اه صح قولي انت كنت بتقول ايه وفضيلت ملطوع نص ساعة بتتكلم وانا مكنتيش معاك كنت بتقولي ايه وكنت سرحان في ايه
قصي ابتسم: لا بعدين هبقى اقولك بس الاول خلينا في موضوع الشباب والبنات واه صح انا حجزت المكان خلاص
حلا ابتسمت بسعادة: بجد
قصي ابتسم: اه بجد
حلا: تمام ابقى قولي على العنوان علشان عايزة اروح اشوف حاجة فيه
قصي بإستغراب: هتشوفي ايه
حلا: ابدا بفكر في طريقة ظريفة يعني لاعتراف لوئي وفهد بحبهم فعايزة اعرف المكان هيبقى مناسب ولا لا وهفكر في الديكور وتزيين المكان
قصي ابتسم: ماشي نبقى نروح سوى ونفكر سوى هنعمل ايه
حلا ابتسمت: ماشي ابقى قولي هنروح امتى علشان اجهز نفسي
قصي: ايه رأيك بكرة او بعد بكرة او انهاردة لو عايزة
حلا: لا بلاش انهاردة علشان عندي شغل في المركز وضروري اخلصه انهاردة فخليها بكرة ماشي
قصي: تمام بس قوليلي بتفكري في ايه والديكور وطريقة لوئي وفهد في التقدم لمايا وروما للجواز
حلا ابتسمت: قصي مش معقول انت مستعجل في كل حاجة كدة وبعدين اكيد هقولك يا حبيبي علشان اخد رأيك لانك اكيد بتفهم في الامور ديه اكتر مني وعارف ايه اللي هيناسب شخصية لوئي وفهد
قصي ضحك: ماشي يا روحي ولو اني مش مستعجل غير بخصوص حاجة واحدة بس
حلا ضحكت: قصي كدة كدة في الاخر هنتجوز يعني هنروح من بعض فين وبعدين مش ههرب انا
قصي: يعني امتى يا حلا مكفكيش عشر سنين بُعد وعايزانا نستنى ومنستعجلش
حلا: حبيبي مين قالك اني مش عايزة نستعجل او اني عايزة فترة او اني مش عايزة نتجوز بسرعة قصي انا من يوم ما حبيتك وانا بحلم باليوم اللي هبقى مراتك وملكك انت وبس واشيل اسمك فيه ويمكن بتمنى وبستنى اليوم ده اكتر منك ولو عليا ابقى مراتك انهاردة قبل بكرة ونكتب كتابنا دلوقتي قبل الساعة اللي جاية
قصي: اومال ليه مش عايزانا نتجوز دلوقتي
حلا ابتسمت: على الاقل استنى لما المهمة تخلص يعني هنكون براحتنا شوية وغير كدة ساعتها هقدر اخد اجازة زي ما انا عايزة انما دلوقتي فيه ضغط شغل وزي ما انت شايف مش ضامنة اذا كنت هبقى موجودة بكرة في البيت ولا هتجيلي مهمة او مصيبة ولازم انا اللي احيلها يعني يرضيك نتجوز ويوم جوازنا يتصلوا ويقولولي انزلي على المركز فيه مشكلة يعني يرضيك اسيبك في يوم زي ده وانزل اروح شغلي
قصي: ده انا هقفل بيبان البيت كله وباب الاوضة كمان ومش هخليكي تخرجي ابدا هنهزر
حلا ضحكت: بالظبط كدة فخليها احسن بعد المهمة.......قصي غريبة انك نزلت من غير ما تغير وتستحمى يعني انت دايما بتغير هدومك وتستحمى قبل ما تخرج من اوضتك ولا انت عرفت اني هنا فجيت تراقبني
قصي ابتسم: لا والله ده انا لما شوفت الباب مفتوح قولت اشوف مين موجود ولا الباب اتفتح من الهوا بس هي كل الحكاية كنت حاسس اني مخنوق فقولت اشم شوية هوا
حلا بقلق: ليه فيه حاجة طب فيه مشاكل في الشغل قولي قصي يمكن اقدر اساعدك ونلاقي الحل للمشكلة
قصي ابتسم: حبيبتي اهدي مفيش حاجة والشغل تمام مفيش مشاكل
حلا: يبقى فيه حاجة مدايقاك قولي ايه اللي مدايقك
قصي بإبتسامة وحب: مفيش حاجة مدايقاني بس هو عادي كدة صحيت ولاقيت نفسي مخنوق من غير حاجة فقولت اشم شوية هوا مش اكتر
حلا بقلق وشك: متأكد
قصي: متأكد يا حياتي وبعدين انا اما شوفتك نسيت كل حاجة وكمان الخنقة راحت
حلا ابتسمت: طيب يا حبيبي على راحتك انا هطلع اغير هدومي شوف انت بقى هتلعب رياضة ولا هتشم شوية هوا ولا هتعمل ايه عايز مني حاجة
قصي ابتسم وبخبث: هو انا عايز حاجات بس كل حاجة في وقتها حلوة واساسا انا كمان طالع اغير هطلع معاكي
حلا ضحكت: ماشي يلا
قصي وحلا ذهبوا للبيت وكل واحد طلع غرفته وحلا دخلت اخذت شاور وارتدت بنطلون ابيض وبلوزة لونها اصفر بكوم وبليزر اخضر وارتدت كوتشي بكعب عالي شوية باللون الاسود وارتدت ساعتها وعملت شعرها سمبولة وتركته على احد اكتافها ووضعت من برفيومها الهادئ واخذت سلاحها وضعته خلفها ببنطلونها وتليفونها ونظارتها الشمسية ومفاتيح سيارتها وضعتها بجيب بنطلونها ونزلت عملت سندويتش صغير وجلست تأكله في الصالون نزلت مايا وروما وكانوا مدايقين جدا حلا رأتهم
حلا بمرح: صباح الكأبة مالكوا مبوزين ليه وعلى وشكوا غضب الله
هنا لوئي وفهد وسمير وانجلي خرجوا في وقت واحد وكانوا هينزلوا بس سمعوا مايا وروما فوقفوا يروا في ايه
مايا بغيظ: انا هموووت واعرف ليه تروحي تقترحي على فهد انه يتجوز اسماء يوم عيد الحب
روما بغيظ: لا ولوئي كمان يعني ليه بتساعديهم يا حلا
هنا قصي خرج من غرفته ونظر للشباب ولانجلي بإستغراب
قصي بإستغراب: هو فيه ايه مالكوا واقفين كدة ليه
انجلي: ابدا بس روما ومايا على اخرهم بسبب موضوع جوازهم وبيعاتبوا حلا انها بتساعدهم في الموضوع ده
قصي وهو ينظر على البنات: طب فاتني حاجة
انجلي ضحكت: لا انت جيت في الاول
قصي: خلونا نشوف رد الفعل ايه
عند البنات حلا نظرت لهم بلا مبالاة ولم ترد وكملت اكل عادي
روما بغضب: حلا على فكرة بنتكلم معاكي
حلا: انتي مش شايفاني باكل لما اخلص اكل نبقى نتكلم استنيلك دقيقتين مش هتموتي يعني لو استنيتي شوية
حلا كملت اكل ولم تعطي لهم اهتمام روما عقدت ذراعها امام صدرها بغيظ وغضب ومايا وضعت يدها في وسطها حلا خلصت اكل ونظرت لهم
حلا ببرود وهدوء: ايه بقى كنتوا بتقولوا حاجة
مايا بنفاذ صبر: كنا بنقول ليه اقترحتي على لوئي وفهد انهم يكتبوا كتابهم يوم عيد الحب زي يزن ومالك
حلا بإستغراب: بس انا مأقترحتش عليهم حاجة
لوئي وفهد اتوتروا ونظروا لبعض وقصي نظر لهم وفهم انهم هما اللي عملوا التمثيلية ديه
قصي: يعني دبستوا حلا من غير ما تقولولها طب كنتوا قولولي على الاقل
لوئي بتوتر: واحنا ايش عرفنا ان الامور هتوصل لكدة
فهد بتوتر وقلق: طب والعمل دلوقتي
قصي تنهد: العمل عمل ربنا هنشوف ايه اللي هيحصل لان مينفعش حد يدخل
روما بإستغراب: قصدك ايه هما اللي قالولنا انك اقترحتي عليهم
حلا: تؤ انا اقترحت على يزن ومالك كذا فكرة وهما عجبتهم الفكرة وقرروا ينفذوها مع البنات وطلبوا مساعدتي وانا وافقت
لوئي وفهد تنفسوا براحة وانجلي ضحكت على الشباب وقصي وسمير ابتسموا
مايا بغيظ وغضب: حلا متستفزنيش ليه بتساعديهم
حلا ببرود: وليه مساعدهمش يعني ايه السبب اللي يخليني ارفض مساعدتهم في حاجة تخصهم
روما بغيظ: وليه هما يتجوزوا ها
حلا رفعت احد حاجبيها وببرود ايضا: طب انتي قوليلي ليه ميتجوزوش
مايا بغضب: طب إشمعنا اسماء وساندي يعني شافوا فيهم ايه حلو او يشد
حلا تنهدت ونظرت لمايا من فوق لتحت: وانتي ايه اللي يشد فيكي وليه بتتكلمي كدة يعني انا مش فاهمة مالكوا هرموناتكوا بايظة او فايرة عليكوا وجايين تطلعوها فيا
روما بغيظ: انتي في صفنا ولا في صفهم
حلا بنرفزة: لا حول ولا قوة إلا بالله العلي العظيم انا اللي عايزة افهم مالكوا فيه ايه جايين وفاتحين تحقيق انتي بتساعديهم ليه ومعرفش ايه وإشمعنا ساندي واسماء وهما ليه يتجوزوا وانتي مالك منك ليها يتجوزوا ولا حتى يروحوا في ستين الف داهية بقولكوا ايه استفزاز على الصبح مش عايزة انا مش ناقصة وفيا اللي مكفيني ده ايه القرف اللي انا فيه ده
روما: حلا إشمعنا لوئي وفهد اللي بتساعديهم
حلا: طب ما انا بساعد يزن ومالك وآسيا وجميلة وفارس ورقية بعدين تعالي هنا يعني انتي ايه اللي غيظك في اني بساعدهم ده ولا كأني جيت وقولتلك هتجوز انا ولوئي اصلنا ميتين في دباديب بعض
مايا: هما ملهمش الحق انهم يتجوزوا
حلا ضحكت بسخرية: ليه بقى ان شاء الله ناقصين ايد ولا رجل
روما: هي كدة عافية ولو سمحتي متساعدهمش وزي ما قولتلهم انك هتساعديهم تروحي تقوليلهم انك مش موافقة
حلا وقفت وبعصبية ونرفزة وغيظ: طب ما حتى لو انا مساعدتهمش قصي هيساعدهم او هيلاقوا مين يساعدهم يعني موقفتش عليا انا يعني
مايا: هنروح نقول لقصي ميساعدهمش
حلا بنفاذ صبر: اولا مين انتوا علشان تيجوا تحاسبوني انا ولا قصي وتقولولنا نعمل ايه ومنعملش ايه ونتصرف ازاي مع اللي يخصونا ومين انتي علشان تحددي اذا كنت اقدم مساعدة ليهم ولا لا وبعدين مالك دمك بيغلي كدة ليه منك ليها ومتغاظين ومش شايفين قدامكوا
روما: احنا اللي نقول هما يتجوزوا ولا لا
حلا بغيظ: ليه بقى ان شاء الله كنتي مراته وانا معرفش ولا خطيبته ولا مين انتي اساسا علشان تدخلي في حياته وتقوليله اعمل ده ومتعملش ده
روما: انا صديقته ومن حقي اقوله اذا كان يتجوز ولا لا
مايا: ايوة ومن واجبنا اننا ننصحهم بالصح ليهم واللي في مصلحتهم
حلا عضت على شفتها السفلى بغيظ وحاولت تسيطر على غضبها وعصبيتها وغمضت عينيها بقوة وجلست على يد الفوتيه
حلا بهدوء: مايا روما انا لسة صاحية ولسة مأخدتيش ادويتي فبلاش استفزاز علشان انا هدخل العناية المركزة من تحت راسكوا بس بعد ما اروح فيكوا في داهية وافتح دماغكوا نصين......مش معنى انك صديقتوا معناها تتحكمي فيه لا......مش معنى انك صديقته معناها تروحي تقوليله متتجوزش علشان هي عافية وانا عايزة كدة لا.....مش من حقك ده......واجبك كصديقة تعملي اللي يريحه ويسعده ومن واجبك تساعديه فانه يعيش مع البنت اللي بيحبها وبيرتحلها
روما بصدمة: انتي عايزاني اروح اقوله اتجوز ساندي
مايا: حلا لو قصي مكانهم مش هتقبليها ومش هتساعديه فبلاش تطلبي مننا حاجة صعبة زي ديه
حلا نظرت لمايا وابتسمت: انتوا بتحبوهم
روما ومايا: لا
حلا بإبتسامة وبغيظ ايضا: امم طب اولا كدة انا وقصي غيركوا لاننا بنحب بعض ثانيا بقى وده الاهم لو انا كنت رجعت بعد عشر سنين ولاقيت قصي بيحب او ناوي يرتبط بواحدة وفيه مشاعر تجاهها هو بيحس بيها اه كنت هساعده وعمري ما كنت هقف في وش سعادته وراحته ابدا ومكنتيش هقوله على حقيقتي كنت هخليه يعتبرني واحدة غريبة وحتى الصداقة مكنتيش هعمل معاه علاقة صداقة لاني مقدرش اخدعوا واكدب عليه واقوله انا بعتبرك صديقي بس هو في الحقيقة اكتر من كدة بالنسبالي لا مقدرش وديه تعتبر خيانة ليه واه كنت هساعده فانه يتجوز البنت اللي بيحبها
روما بصدمة: انتي مستعدة انك تضحي بيه لواحدة تانية ومتقولوش الحقيقة ده ايه الجبروت اللي عندك ده ايييه معندكيش قلب
مايا بصدمة: يعني مش هتتوجعي وانت بتسلمي قصي لواحدة غيرك
حلا ابتسمت بوجع: ده مش جبروت يا روما ده حب لا هتوجع يا مايا واوي كمان ومش بعيد ده يخليني اموت في الثانية الف مرة بس انا بحبه واللي بيحب ميجرحش وميجبرش حد عليه هو نسيني اروح انا بعد غياب عشر سنين وانا اللي بعدت عنه ارجع بعد ماهو نسيني وحب واحدة تانية اقوله انا بحبك ارجعلي وسيبها طب ليه ليه اظلمه معايا ممكن هو ميحبنيش تاني ويفضل بيحب البنت ديه ساعتها هظلمه وهدمرله حياته لان هو قرر ينساني وانا مش من حقي اقوله ارجعلي بأي حق هقوله ده وبأي حق هقوله متتجوزش وبعدين هو مش هيكون مبسوط معايا ولا مرتاح طب ليه اخليه يعيش في العذاب ده انا عندي اموت على انه يتوجع او يتعذب او ميكنش مرتاح اه هضحي بيه مادام سعادته وراحته مع البنت ديه والبنت ديه هتصونه وتحبه وتخاف عليه اه هضحي بيه وبعدين انا عايزة افهم مادام انتوا مدايقين اوي كدة انهم هيتجوزوا وبتحبوهم اوي كدة طب ما تروحوا تقولولهم انتوا لسة في اولها
روما: بس هما بيحبوهم وانتي لسة قايلة انهم هيبقوا مرتاحين ومبسوطين معاهم
حلا: تؤ انا قولت معجبين لسة محبوهمش وبعدين مين عارف يمكن يكونوا زيكوا بس ميعرفوش انهم بيحبوا روحوا قولولهم انكوا بتحبوهم يمكن ساعتها يلغوا فكرة جوازهم من البنات ويكونوا بيحبوكوا وممكن يكونوا عارفين انهم بيحبوكوا وعملوا التمثيلية ديه علشان يعرفوا رد فعلكوا ايه وهتقولوا انكوا بتحبوهم ولا لا وممكن يكونوا لما لاقوكوا ساكتين وعادي بالنسبة ليكم فقرروا يخلوا التمثيلية حقيقة بما انكوا مش بتحبوهم ولا بتكنوا ليهم اي مشاعر فقرروا ميجرحكوش بحاجة زي كدة او يمكن انتوا مثلا فيه حد في حياتكوا فقرروا ميتكلموش
روما: قولنالك مليون مرة احنا مش بنحبهم يعني انا ولوئي مستحيل مينفعش
مايا: وانا وفهد برضه مستحيل
حلا بنرفزة: اللهم طولك يا روح ليه يا روح امك منك ليها مينفعش ها ليه كان لوئي اخوكي كان فهد اخوكي بالرضاعة علشان ميجوزلكيش اومينفعلكيش اذا كان بن عمك يجوزلك وينفع تتجوزوا وبن خالتك كذلك والغريب ذاااات نفسه يجوزلك برضه وينفع على فكرة ايه اللي مينفعهوش يا حيلتها منك ليها
روما: يعني احنا اصدقاء وبس مينفعش وكنا متفقين على كدة
حلا: لا والله يعني ايه اصدقاء يعني معلش طب ما عندك انا وقصي كنا اصدقاء بس كنا زي القط والفار مبنبطلش خناق بلااااش انا وقصي عندك مريم وحازم وعندك رقية وفارس وعندك مالك وميرنا وعندك يزن ويارا كلللللل دول كانوا اصدقاء وحبوا بعض واتجوزوا ليه مقالوش انه مينفعش وغيرهم كتيررر وجوازهم كان على ايدي وانا كنت السبب في جمعهم مع بعض ايه اللي مينفعهوش يا شيخة ده فيه ناس بتتجوز وهما ميعرفوش بعض يقعدوا قاعدة تعارف ولما يرتاحوا لبعض بيتجوزوا فيه منهم مبياخدش فترة خطوبة وبيتجوز على طول وبيبقوا مش عارفين بعض اوي ومش متعودين على بعض على عكسكوا انتوا بقالكوا معاهم حوالي ثلاثة او اربع شهور يعني عارفينهم كويس او عارفين عنهم شوية حاجات ده غير انكوا متعودين على بعض ايه اللي مش هينفعوا ده على كلامكوا ده انا وقصي مننفعش لبعض ولا فارس ورقية وبعدين دينك هو اللي قايل كدة قايل عادي يجوز الجواز مادام ده مش من المحرمين زي عمك خالك ابوكي بن خالتك بس اخوكي في الرضاعة والاخ من الاب وجوز اختك وجوز امك ها واخوكي من ابوكي بس يعني مش من نفس الام من ام تانية ها وحاجات كتير تانية ان شاء الله لوئي مين في دول على حسب ما انا اعرفه وعلى حسب ما انا عايشة معاكوا لوئي بيكون اخو قصي وبن بابا احمد ايه اللي مش هينفعوا افهم بس مين المتخلف اللي قالك كدة يعني دينك قال ان مفيش حد من حقه يلمسك غير لما يبقى جوزك بس جوزك بس هو اللي ليه الحق فيكي انما لوئي مش من اللي انا قولت عليهم ده حتى ميقربلكيش حتى ومن عيلة تاني مش من بقيت عيلتك يعني يجوزلك يا حبيبتي يعني مينفعش يحضنك يعني مينفعش يمسك ايدك يعني مينفعش انك تدخلي اوضته لوحدك او بليل او حتى بالنهار مينفعش ده لو راجل ومتجوز مينفعش اي بنت تدخل اوضته مادام هو راجل ولوحده في اوضته الا اذا كانت من عيلته هو يعني مش قريبته يعني اخته امه عمته خالته سته كدة انما لا بنت خالته ولا بنت عمته ولا مين ما كانت قريبة من بعيد قريبة من غريب ملهاش الحق ولا ينفع انها تدخل اوضة شاب عازب او متجوز في غياب مراته يعني مش انا وقصي بنحب بعض مينفعش انا ادخل اوضته او هو يدخل اوصتي بأي حق يعمل كدة حتى لو خاطبين مينفعش انه يمسك ايدي او يحضني مش من حقه لما يكون جوزي وانا شايلة اسمه يبقى ليه كل الحقوق كاملة مكملة انه يعمل اللي هو عايزه يدخل اوضتي وادخل اوضته زي ما احنا عايزين يحضني يمسك ايدي ليه كل الحقوق غير كدة لا لوئي وفهد زيهم زي قصي يعني يجوزوا ليكوا وفيه حدود ما بينكوا لازم تبقى موجودة وفيه حاجة اسمها حرام وحلال وفيه حاجة اسمها شرع ربنا قال وفيه حاجة اسمها جوزيييي بس اللي ليه الحق في لمسي وفيه حاجة اسمها اصول وحقوق وواجبات وفيه حاجة اسمها كل شئ مباح في الحب والحرب ركزوا على ديه اوي بس في ضمن الحدود وفي ضمن شرع الله
روما: بس احنا مش بنحبهم
حلا بغيظ: يبقى تقفلي بوقك ومسمعش صوتك وملكيش الحق تيجي تقوليلي متساعدهمش وملكيش الحق تدخلي في حياتهم وملكيش الحق انك تقوليله اتجوز ديه ومتتجوزش ديه هو اللي هيتجوز مش انتي وهو اللي هيعيش مع البنت ديه مش انتي ها
مايا بوجع وحزن: حلا انتي ليه بتيجي علينا
حلا بنفاذ صبر: مايا انا مبجيش عليكوا بس انتوا اللي زودتوها اوي انتوا لا قابلين تقتنعوا انكوا بتحبوهم ولا راضيين تخلوهم يتجوزوا ويشوفوا حياتهم فيييي ايه لما تبقوا تحبوهم او تعرفوا تفسير المشاعر اللي بتحسوها تجاههم يبقى ليكوا الحق تقولولهم متتجوزوش غير كدة فمأظنش ليكوا الحق تحاسبوهم على اي حاجة
روما: حلا علشان خاطري.......
حلا بتعب: روما كلامي واضح وانا مش هعيد كلامي لاني تعبت وقلبي وجعني ومش هقدر اتكلم او اناهد معاكوا تاني اللي عندي قولته
رقية جت وبإبتسامتها العذباء: صباح الجمال على احلى اميرات
حلا بإبتسامة: صباح الحب على چنيتي الصغير والقمورة رورو ممكن اطلب منك طلب
رقية: انت تؤمر يا جميل عايزة ايه يا حبيبتي
حلا: معلش هعذبك معايا ممكن تطلعي تجبيلي دوايا من اوضتي انتي عارفة انا بحطهم فين دايما
رقية: لا عذاب ولا حاجة وبعدين يا ستي عذابك راحة هطلع اجيبهملك واجي بسرعة
رقية طلعت على غرفة حلا
في الاسفل ادم واريان نزلوا من الجهة الاخرى ولم يلاحظوا وجود الشباب لانهم كانوا بُعاد عن الدرج شوية وجاسر خرج من غرفته ورأى الشباب وانجلي واقفين
جاسر بإستغراب: بتعملوا ايه هنا
قصي: ابدا البنات بيتخانقوا مع حلا علشان بتساعد لوئي وفهد في الجواز وادم واريان لسة نازليين وشكل الحرب العالمية التالتة هتقوم
جاسر ابتسم: قصدك الحرب العالمية التاسعة مش التالتة اما نشوف بس شكلي فاتني كتير
انجلي: لا خالص فاتك نص عمرك بس مش اكتر
جاسر والشباب ضحكوا
ادم بغيظ: حلا ليه اقترحتي على مالك الجواز من جميلة ليه بتعملي كدة
اريان: ليه مصرة على جوازهم وليه بتساعديهم
حلا نظرت لهم ولم ترد
ادم بنرفزة: حلا احنا بنتكلم معاكي على فكرة
حلا بغيظ وتعب: وانا مش قادرة اتكلم لان قلبي واجعني هاخد ادويتي وهنتكلم زي ما انتوا عايزين ولو ان الكلام ملهوش لازمة لانكوا لا هتقتنعوا بكلامي وهتستفزوني بكلامكوا
رقية نزلت واعطت لحلا الحبوب اللي بتاخدها والمخدر وحلا اخذتهم وظلت ماسكة بذراعها بضع ثواني ومن ثم بدأت تحرك دراعها ومن ثم نظرت لادم واريان والتفت لهم
حلا: خير عايزين ايه ومين اللي مدايقكوا
ادم: ليه عايزة تجوزي يزن وآسيا ومالك وجميلة
حلا: ليه مش عاجبكوا الموضوع
اريان بغيظ: لا مش عاجبنا
حلا: والمطلوب
ادم: تحاولي تفركشي الموضوع
حلا: ليه بتحبوهم
اريان: لا مش بنحبهم
حلا: اومال عايزني اعملكوا ايه
ادم بغضب وغيظ: حلا انتي جايبة البرود ده منين كلامنا واضح متساعدهمش وزي ما اقترحتي تجوزيهم تشوفيلك خطة تفركشي الموضوع
حلا: اممم يعني قصدك مثلا افهم البنات ان الشباب بيخونوهم او انهم مش بيحبوهم مثلا يعني هو ده قصدك افرقهم
ادم بهدوء: بالظبط كدة
حلا وقفت وبغضب: وان شاء الله ادمر حياة اربع اشخاص ليه واشوه سمعة شخصين ليه وعلشان مين علشان اتنين اغبية ومبيحسوش ومعندهمش قلب
اريان بغضب: حلاااا انتي مش ملاحظة انك بتغلطي بالكلام مع اخوانك الكبار
حلا بغضب: كبير وهو فيه حد كبير يا كبير يقبل اللي انتوا عايزني اعمله ده على حد.....يعني انت يا كيبرنا تقبل حد يجي يشوه سمعتي علشان يفرق بيني انا وقصي
اريان سكت وادم كمان
حلا بغضب شديد: بصوا انا اكتر واحدة عارفة معنى تشويه السمعة ده واكتر واحدة حصل معاها الموضوع ده وكتير واتقال كلام عني اوسخ من الوساخة ذات نفسها واني اروح اشوه سمعة اشخاص وادمر حياة اربع اشخاص علشانكوا انا اسفة انا مأقبلش ده على نفسي ولا اقبله على روما ومايا علشان اروح اعمله في بنات الناس وده ميرضيش ربنا وبعدين مين اللي يديكوا الحق تحددوا هما يتجوزوا مين لما انتوا مبتحبوهمش معناها محدش يفتح الموضوع ده معايا ومحدش ليه الحق يقولي اتصرف ازاي ومتصرفش ازاي ومع مين لاني مش صغيرة وعارفة انا بعمل ايه ولو كنت ناسي يا استاذ اريان انت والاستاذ ادم انا عيشت عشر سنين لوحدي ومكونتوش في حياتي ولا كنتوا بتسألوا فمتجوش في يوم وليلة تتحكموا فيا وتقولولي اعملي ومتعمليش
ادم: بس انتي ملكيش الحق تساعديهم
حلا: وانت بأي حق بتقولي الكلام ده
ادم بغضب: بصفتي اخوكي
حلا ضحكت: اخويا اه على عيني وعلى راسي انت فاهم الاخوة غلط يا ادم اخويا يعني لو لاقيتني بمشي مشي مش بطال تقف في وشي وترجعني عن غلطي سواء بالقوة او لا بس انا مبعملش حاجة غلط ولا حرام ليك الحق كأخ وكأب من بعد ابويا تقولي اتصرف ازاي مع قصي وتفهمني حدودي معاه لفين لان لسة مفيش حاجة رسمي ولو اني عارفة حدودي كويس من حقك تدخل بيني انا وقصي لو فيه مشكلة او متخانقين او حد فينا مزعل التاني انما ملكش الحق تدخل بيني وبين اصدقائي وتقولي اتعامل معاهم ازاي واذا كنت امدلهم ايد المساعدة لو احتاجوها ولا لا انت اخويا اه بس من واجبك وحقك تعرف انا فين وجيت منين تعرف مثلا اذا كان فيه شاب انا اعرفه مش تمام او عايزني سكة انما مادام الشاب محترم ملكش الحق تقولي تلت التلاتة كام وانا اسفة بس انا مقدرش اعمل حاجة وسخة زي ديه وادمر حياة اربع اشخاص ادم لو انت هتقبل ده على روما او مايا اعمل اللي انت عايزه انما انا مأقبلش ده على حد فيكوا علشان اقبله على غيركوا انا مش مهم انا في ستين الف داهية ميفرقش معايا نفسي لان تشويه السمعة ده حصل معايا كتير وكان قدام الغريب واللي معرفهوش قبل القريب واللي اعرفه ومن ضمن المرات ديه حصلت من حوالي شهرين تقريبا او شهرين ونص وكان قدام قصي واظن فارس حكالك وممكن يكون قصي اللي قالك معرفش بس اكيد انت عرفت بالموضوع انا بالنسبة ليا متفرقش معايا بس لو هتقبل ده على نفسك او على روما ومايا اعمله انما انا برا الموضوع ده مش هساعدكم بس ممكن اساعدهم واقف في وشك لاني مأقبلش بالظلم ابدا وانا مش من اخلاقي وتربيتي والتربية اللي ابوك ربهاني اني اخرب بيوت الناس
الكل سكت وحلا كانت على اخرها
رقية بقلق: حلا اهدي علشان قلبك العصبية مش حلوة علشانك
حلا بغضب: انتي مش سامعة الكلام اللي زي السم واللي مش مفهوم اللي بيقولوه. ومن ثم سكتت وحاولت ان تهدأ
حلا: ادم لنفترض ان فيه واحد جيه واتقدملي هل قصي ليه الحق يدخل ويفركش الموضوع
ادم: اه طبعا
حلا: ليه
ادم: علشان انتوا بتحبوا بعض
حلا: طب انت بأي حق عايز تفركش موضوع جواز مالك وجميلة انت مش بتحبها صح
ادم سكت
حلا نظرت لادم واريان بهدوء: لاخر مرة هعيد سؤالي بتحبوا آسيا وجميلة
ادم واريان نظروا لحلا وبتردد وتوتر: منعرفش
حلا التفت لروما ومايا: وانتوا بتحبوا لوئي وفهد
روما ومايا سكتوا
حلا بنفاذ صبر: مادام انتوا مش عارفين هما ايه بالنسبة ليكوا يبقى من دلوقتي لحد ما تعرفوا هما ايه بالنسبالكوا اذا كانوا اشخاص عاديين او اصدقاء او بتحبوا بعض وبتكنلهم مشاعر لحد بقى لما تفوقوا على نفسكوا ده اذا فوقتوا محدش ليه الحق يحقق معايا ليه وإشمعنا ومتساعدهمش لا اللي هيجي يقولي اعملي ومتعمليش هيتسمح بكرامته الارض وهيتجرح وهيزعل مني تمام........بُصوا انا هديكوا مُهلة الاسبوع ده لحد يوم عيد الحب تفكروا وتقعدوا مع نفسكوا وتشوفوا انتوا بتحسوا بإيه حاولوا متتواصلوش معاهم لو ده هيشتت تركيزكوا وتفكيركوا متتواصلوش معاهم وانا في ايدي اجمعكم ببعض وفيه وقت لسة قدامكوا وانتوا على البر يعني فيه امل تتجمعوا مع بعض وتكونوا من نصيب بعض ولو جيتولي قبل عيد الحب او يوميها وقولتولي انتوا ناويين على ايه هساعدكوا وممكن متحتاجوش مساعدتي انتوا بس تتصلوا بيهم وتقولولهم انكم عايزين تقابلوهم وتحددوا المكان وتتقابلوا وتتكلموا ومين عارف يمكن الحال يتبدل ويتغير للاحسن بُصوا انا اللي عليا عملته واجبي كأخت وصديقة وام عملته نصيحة وقدمت مرة واتنين وعشرة سؤال وسألت مرة واتنين وعشرة ومليون وانتوا مُصريين على رأيكوا انا عملت اللي عليا الدور والباقي عليكوا ديه حياتكوا وانا مش هدخل فيها اللي هيريحكوا اعملوه بس محدش يجي يقولي اعملي كذا مع فلان تمام مادام انا اللي بعمله مش حرام ولا حاجة تغضب ربنا او حاجة تشوه سمعتي وتمسكوا بالضرر يبقى محدش ليه الحق يجي يحاسبني اللي عندي قولته واللي عليا عملته وبزيادة اللي مش هيفوق على نفسه قبل عيد الحب هيخسر وهيخسر كتير انتوا لو حد فاتوا طيارة ممكن يحجز في اللي بعدها ولو انه بيزعل ان الطيارة فاتته بس لو طيارة الحب اقلعت مستحيل تهبط تاني وساعتها هيبقى الندم كبير يا تلحقها يا اما غيرك هيجي وياخدها وساعتها الوجع هيبقى كبيير وكبير اوي ومدى الحياة وكدة كدة ديه حياتكوا وفي الاخر القرار قراركم
ادم واريان سرحوا في كلام حلا وحلا سكتت شوية
حلا: هو فارس لسة نايم
رقية: اه لسة مفاقش
حلا ابتسمت: يبقى مش هيصحى غير لما انا اصحيه
رقية بإستغراب: قصدك ايه
حلا: احنا في عز الشتا زجاجة ماية متلجة من الفريزر وتتكب على وشه هيخليه يقوم يجري على الحمام فورا وينزل تحت الماية الدافية وده هيفوقوا
حلا قامت وقفت
رقية بقلق وخوف على فارس: لا يا حلا ونبي بلاش انا هروح اصحيه انا وهو اكيد هيقوم
حلا: طب روحي بس في الاخر مش هيصحى غير بالطريقة ديه
رقية: طب انهي واحدة غرفته
حلا: الغرفة اللي بين غرفة جاسر وادم.....اهي ديه. واشارت على غرفة فارس
رقية ذهبت لتيقظ فارس وحلا نظرت لادم واريان
حلا: انتوا مش هتروحوا الشركة انهاردة
اريان: لا مش هنروح
حلا: علشان آسيا وجميلة مش هيجوا انهاردة مش كدة
ادم واريان سكتوا وحلا كمان فهمتهم وسكتت وبعد دقائق رقية نزلت
رقية: شكله تعبان اوي وقالي سيبيني انام
حلا ابتسمت: عيب انا قولتلك ايه تعالي
حلا ذهبت للمطبخ وجابت زجاجة مياه من الفريزر وطلعت لغرفة فارس ورقية خلفها وحاولت تقنعها وتقولها بلاش وسيبيه نايم بس مفيش فايدة حلا دخلت غرفة فارس
حلا: فارس قوم يلا
فارس تململ في السرير ووضع المخدة فوق راسه: حلا سيبيني انام ابوس ايدك تعبااااان وعايز انام
حلا شدت المخدة ورفعت الغطى من عليه: فارس بقولك قوم
فارس كان نايم ومسمعش فمردش
حلا: تمام كدة....انت اللي جنيت على نفسك
حلا فتحت الزجاجة ومرة واحدة سكبتها على وجه فارس فارس قام مفزوع وكان قاعد على السرير بس حلا موقفتش وفضلت تسكب عليه الماية المثلجة لحد ما فضت الزجاجة عليه فارس كان بيرتجف من شدة البرد ونظر لحلا
حلا: فوقت كدة صح الحمام اهو خلال عشر دقايق ربع ساعة بالكتير الاقيك قدامي تحت......انت لسة على السرير قوم يلا بدل ما هجيب زجاجتين تانين وادلقهم عليك
فارس قام نط من على السرير وركض على الحمام وحلا ضحكت ورقية صعب عليها فارس وبعدين نزلوا وهما نازلين
رقية بإنزعاج: حرام عليكي يا حلا ايه اللي عملتيه فيه ده ده انتي طلعتي مفترية
حلا ضحكت: والله انا مش عايزة اعمل كدة بس هو بيستفزني وبيخليني اعمل كدة ومبيسيبليش طريقة غير ديه
نزلوا رأوا الكل متجمع
حلا بإبتسامة: انتوا صحيتوا صباح الخير
الكل: صباح النور
جاسر: بس ايه الجمال ده اللي على الصبح يا حلول
حلا: انت دايما كدة في كل الاوقات شايفني جميلة مع اني لابسة طقم عادي والله اه صح قصي قالي انك كنت في المركز امبارح رجعت امتى
جاسر: رجعت على اربعة الفجر
حلا: طب انت ايه اللي صحاك دلوقتي ده انت منيمتش غير تلات ساعات
جاسر: عندي شغل في المركز ولازم اروح
حلا: طيب قولي عندك ايه وايه المشكلة وانا هبقى احلهالك
جاسر ابتسم: لا يا حبيبتي يخليكي ليا انا هروح واخلص ولما ارجع هبقى انام وارتاح متشغليش بالك مش عايز اتعبك معايا
حلا ابتسمت: لا انت مش هتتعبني لاني كدة كدة رايحة على المركز عندي شغل فقولي فيه ايه وانا هحللك الموضوع
جاسر: لا كفاية عليكي مهمة قصي والمهمات التانية عموما انا لازم امشي دلوقتي
حلا: مش هتفطر طيب
جاسر: لا معنديش وقت يلا سلام واشوفك في المركز
حلا ابتسمت: ماشي بس متفطرش برا هبعتلك اكل مع فارس
جاسر ابتسم واقترب من حلا وقبل خدها: يخليكي ليا ومتحرمش منك ابدا ابدا يلا سلام
حلا ضحكت: سلام
جاسر مشي خطوتين بس ومن ثم حلا ندهت عليه
حلا: جااااسر
جاسر وقف و ابتسم ونظر لها وهي لم تلتف ليه بس لفت نصف وجهها ليه وكانت لسة هتتكلم بس جاسر قاطعها
جاسر بإبتسامة: عارف اللي هتقوليه محدش في المركز يعرف اننا اخوات والتعامل يبقى عادي كأننا اغراب ومنعرفش بعض يلا سلام
حلا ابتسمت: سلام
جاسر ذهب للمركز بسيارته
روما: هو محدش يعرف ان جاسر اخوكي
حلا: محدش يعرف اني عندي عيلة وعندي اخوات يا حبيبتي انتي فِكرك لو هما عارفين كان زمانكوا عايشين دلوقتي ده مفيش حد يعرف حتى انا بنت مين ولا من عيلة ايه انا بالنسبة للعالم ميتة
فهد بإستغراب: ليه
حلا: من عشر سنين بعد حادثة بابا كان ليه اعداء كتير وكانوا عايزين موتي لانهم كانوا عارفين اني مش هسكت وهفتح القضية تاني فمكنتيش برفع راسي من الحوادث حتى ضاع من عمري سنة مكنتيش بدرس ولا بروح المدرسة فاضطريت ازور خبر موتي علشان اعرف اكمل حياتي ولما دخلت المركز غيرت كل المعلومات عني يعني انا من غير عيلة ومعنديش اب ولا عندي اخوات ولا حتى مرتبطة او حتى بفكر في الارتباط
انجلي بإستغراب: للدرجادي اعدائك كتير
مايا: لااا متعديش ديه كلمة كتير ديه قليلة عليهم ديه حلا كدة في نعمة ده احنا كنا كل يوم او يومين في المستشفى بسبب حوادثها بس يا حلا يعني دلوقتي حوادثك قلت ايه خير في ايه
حلا ضحكت: لا ابدا بس الكل فاهم اني برا البلد في شغل يعني محدش يعرف اني هنا عموما انا هروح احضر الفطار
حلا ذهبت للمطبخ ورقية وانجلي ذهبوا معاها وخلصوا الفطار في خلال دقائق ووضعوا الاطباق على السفرة وبعدين ذهبوا للشباب
حلا: الفطار جاهز تقدروا تاكلوا
هنا فارس نزل
فارس: كويس انكوا حضرتوا الفطار لحسن انا ميت جوع
حلا: تؤ انت هتمشي قدامي دلوقتي على المركز يلا
اريان بإستغراب: مش هتفطري معانا
حلا: انا سبقتكوا واكلت سندويتش صغير واخدت علاجي يلا يا فارس
فارس: بس انا عصافير بطني.......
قاطعته حلا: عارفة بتزقزق من الجوع عاملة حسابك في السندويتشات اللي وخداها لجاسر انت هتديهاله وتبقوا تاكلوا سوى خد العلبة ايه بس حاليا هتسوق وتطلع قدامي على المركز يلا
فارس بضجر اخذ العلبة وذهب ليركب سيارته
حلا: عايزين مني حاجة اجيبهالكوا وانا جاية
روما بزعل: انتي عارفة احنا عايزين ايه كويس
حلا بلا مبالاة: تمام سلام
حلا ذهبت وروما اتغاظت من تصرفها وبعدين جلسوا يفطروا وبعدين كل واحد ذهب لمبتغاه سمير وصل انجلي على البيت وبعدين ذهب للشركة وقصي وفهد ذهبوا للشركة ولوئي ذهب للبيت ورقية ومايا وروما جلسوا في الحديقة وروما حاولت تقنعهم براحة وتتكلم معاهم
رقية: روما.....مايا انتوا ليه مش عايزين لوئي وفهد يتجوزوا
روما: صدقيني معرفش بس كل اللي اعرفه اني مش عايزة ده يحصل وفيه اوقات لما الاقيه بيتكلم عنها او معاها على التليفون بحس بوجع في قلبي
مايا: وانا لما بشوف فهد بيتكلم مع البنت اللي اسمها اسماء ديه ببقى عايزة امسكه اخنقه وبحس بدمي بيفور
رقية بهدوء: طيب ممكن توصفيلي هل ممكن يكون ده شعور انتوا بتحسوه تجاههم لانهم اصدقائكم بس
روما ومايا سكتوا وسرحوا
رقية: يعني ديه واضحة للحمار والاعمى انتوا بتحبوهم وجدا كمان والشعور اللي بتحسوه ده هو الغيرة غيرة الحب غيرانين عليهم ومش عايزين حد غيركوا يبقى معاهم ومش عايزينهم يتغزلوا بحد غير بيكوا
البنات سكتوا وسرحوا في كلام رقية
مايا: لالا مأظنش ده حب
رقية: اوكي على راحتكوا وزي ما تشوفوا انا حاولت اساعد بس مش اكتر
مر اليوم طبيعي جدا وحلا خلصت شغلها ورجعت البيت ونامت وكذلك الشباب
__________________________________
تاني يوم في وقت الظهيرة قصي اتصل بحلا بس تليفونها كان في غرفتها وهي كانت تحت تجلس مع البنات
مايا: كل اما اخرج انا والزفت فهد الاقيه جبلي سيرة اسماء ويقعد يتغزل فيها كأني مش موجودة وكأنه بيكلم نفسه وبيتخيل حياتهم الزوجية هتبقى عاملة ازاي
روما: وانا كمان نفس الموضوع مع لوئي بلاقيه قاعد يوصف جمال ساندي ولبسها وشياكته طب والله ما فيها حاجة حلوة ديه بتحط كيلو بودرة في وشها مع اتنين كيلو روج في بوقها مع عشرين كيلو احمر خدود واشي ازرق واصفر واخضر فوق عنيها طب والله بتبقى شبه البلياتشو طب على فكرة ذوقه بشع جدا
حلا ضحكت جامد ومقدريتش تمسك نفسها ورقية كمان
رقية: حلا فين تليفونك علشان نسجلهم ونسمع الشباب اللي بيقولوه
حلا بضحك: فوق في غرفتي
مايا: والله اكسرلك ايدك انتي وهي
حلا وقفت: ايه لما تبقي تقدري على حبيب القلب تبقي تقدري علينا انا هطلع اجيب تليفوني
رقية: خديني معاكي لحسن وربنا ما قادرة امسك نفسي من الضحك وهما هيروحوا فيا في داهية
حلا: تعالي يا حبيبتي في حضن اختك
روما بغيظ: وربنا ما في ابرد منكوا على وجه الارض
حلا ورقية فضلوا يضحكوا جامد وطلعوا لغرفة حلا ودخلوا حلا سندت على التسريحة
حلا بضحك: مش قادرة.......اقف من كتر الضحك....هموت
رقية بضحك: لالالا كله كوم......وساندي شبه البلياتشو واشي ازرق واخضر...وكيلو معرفش ايه وعشرين كيلو ايه.....لا بجد هموووووت مش قادرة
وظلوا يضحكوا جامد اعلن تليفون حلا عن مكالمة وكان قصي حلا فتحت
حلا وهي تحاول تسيطر على نفسها: قصي
قصي كان متعصب بسبب انه اتصل بيها كتير وهي مرديتش بس بعدين قلق لما سمع صوتها
قصي بقلق: حلا مال صوتك انتي كويسة
انجلي بقلق: افتح الاسبيكر لاني عايزة اكلمها انا كمان
قصي فتح الاسبيكر وحلا مقدريتش تمسك نفسها ودخلت في غيبوبة ضحك قصي استغرب
انجلي ابتسمت: حلا انتي شاربة حاجة مالك في ايه
حلا: هموووت مش قادرة انتي متعرفيش اللي حصل من شوية
قصي: ايه اللي حصل وخلاكي تضحكي كدة
حلا: فهد ولوئي جنبك
لوئي: اه احنا اهو في ايه
حلا: اولا امسكوا اعصابكوا لانكوا بعد شوية هتدخلوا في غيبوبة ضحك كنت قاعدة مع البنات تحت و..........
حكيتلهم كل اللي حصل والكل دخل في غيبوبة ضحك
لوئي: مكنتيش اعرف ان الموضوع هيجيب نتيجة كدة
حلا: لا بقولكوا ايه انا مقدرش استحمل كل ده اتصرفوا واتجوزوهم بكرة انا تعبت انا كل اللي فارسني بتحبيه يا بنتي لا بس انا مش عايزاه يتجوز لا بجد دول ناوين يجلطوني لا وبيتغاظوا اوي لما تتكلموا عن البنات
انجلي ضحكت: بس شكل الفكرة هتجيب فايدة
حلا: اها وانا ناوية اقسى عليهم شوية ونشوف ايه اللي هيحصل
قصي: طيب ممكن افهم ليه مبترديش بقالي نص ساعة بتصل بيكي
حلا: معلش يا حبيبي انا اسفة بس الموبايل كان في اوضتي وانا كنت قاعدة مع البنات تحت
فهد: اوهووووووو الحبيب والحبيبة
حلا: ما تخليك في حالك وفي حبيبتك واما نشوف هتعمل ايه يوم عيد الحب
فهد: انتي بتشككي في قدراتي ولا ايه وبعدين انا بسحر اي بنت تشوفني
حلا: اوهووو بجد بتسحر اي بنت بتشوفك متأكد
فهد بغرور: اكيد اومال انتي فاكرة ايه
حلا: لا بس على حسب ما انا افتكر اني شوفتك واكتر من مرة واظن كنا بنشتغل في شركة واحدة يعني كنا بنتعامل مع بعض كتير بس سحرك مأثرش فيا ها
فهد اتصدم: ده علشان كان سحر قصي مستحوذ عليكي قبل مني
حلا: قصدك اني لو مكنتيش قابلت قصي وقابلتك فورا كنت هحبك
فهد: اها
حلا: فهد انت بصيت لنفسك في المراية قبل ما تقول الكلام ده وبعدين اللي انت متعرفهوش مارئ عليا اشكال والوان وكنت عايشة في اوروبا وامريكا يعني واظن معروف الرجالة هناك ازاي انا مقصدش حاجة بس احب اوصلك ان الاجمل منك كانوا قدامي ومحدش سحرني ولا حتى عجبني فانت جنبهم يابني ولا حاجة تحت الصفر وتقولي سحرك لا وايه يأثر عليا انا انت مش ملاحظ انك شايف نفسك بزيادة وعلى الفاضي كمان
الكل ضحك ماعدا فهد
فهد بإحراج: حلا لاحظي ان كلامك جارح وجدا كمان
حلا: ايه ده هو انت بتحس ويتتجرح افتكرتك جِبل ومبتحسيش
لوئي ضحك: جبهتك طارت يا فهد.....وبعدين يا حلا انتي مفيش حد بيقدر يسيطر عليكي او يسحرك وانا اكتر واحد اشهد على الموضوع ده بس ومع ذلك محدش يقدر يقاوم سحرك
حلا بثقة: طبعا انا اسحر انما متسحيرش اومال انتوا فاكريني ضعيفة وممكن اضعف قدام صنفكوا انتوا بالذات لا فشر مش انا اللي تضعف
قصي ضحك: ده على كدة ربنا يستر عليا فعلا
حلا: لا انت غير يا روحي المهم كنت بتتصل ليه فيه حاجة
قصي: اه كنت هقولك جهزي نفسك هعدي عليكي بعد نص ساعة
حلا بإستغراب: ليه
قصي: انتي نسيتي ولا ايه يا حلا مش اتفقنا اننا نروح نشيك على المكان اللي حجزته ليوم عيد الحب وانتي كنتي بتفكري في حاجة
حلا بتذكر: ااااااه صح ماشي انت اسبقني وانا هحصلك
قصي: لا هعدي عليكي اخدك
حلا: بس.......
قاطعتها انجلي: لا بس ولا مبساش انتي تجهزي نفسك وتيجي في تاكسي عندنا تتغدوا الاول وبعدين تروحوا على المكان اللي انتوا عايزينه
قصي: وتاكسي ليه انا هروح اجيبها
انجلي: هو انت اما بتصدق تلاقي حلا في حاجة فتكون عايز تروحلها
حلا ضحكت: خلاص متتخانقوش هاجي بعربيتي
قصي: بس واحنا رايحين هتركبي عربيتي ومفيش اعتراض بدل ما اشيلك واجبرك تركبيها غصب فبكدة عربيتك ملهاش لازمة
حلا: بس....... حلا كانت فاتحة الاسبيكر ورقية سمعت كل حاجة
رقية قاطعتها: كدة كدة انا فارس هيجي ياخدني علشان ماما عفاف عزامتني على الغدا فممكن نوصلك في طريقنا وبعدين نرجع ويبقى قصي يوصلك وانتوا راجعين او نبقى نيجي ناخدك من بيته او اللي يريحكوا
قصي: الفكرة حلوة انتوا هاتوها وانا هبقى ارجعهالكوا
رقية ابتسمت: خلاص اتفقنا
قصي: دلوقتي قومي جهزي نفسك يلا
حلا: طيب سلام
قصي: سلام
حلا قفلت وقامت تجهز هي ورقية وبعدين فارس وصل ونزلوله فارس لما شافهم صفر
فارس: ده ايه ده هيبقى معايا قمرين وفي عربيتي لا كدة كتير عليا
رقية خجلت وحلا ضحكت
حلا: لا انا بقول سيبك مني وخليك في اللي ليك بس اوعى شوشو ها
فارس ضحك: الكلام ده تقوليه لقصي مش ليا لانه مش هيبقى تمام لو شافك كدة
حلا ضحكت: طب امشي يلا انا هركب ورا ها ورقية اركبي جنب فارس فارس وصل حلا على بيت قصي وبعدين ذهب لبيت اهله حلا رنيت الجرس واستقبلها مهدي وقالها ان الكل منتظرها في الصالون حلا وهي في طريقها جالها تليفون فوقفت ترد عليه
في الصالون الكل كان يجلس وسمعوا جرس الباب ومنتظرين حلا وقصي كان متوتر كثيرا ومتشوق لرؤيتها
سمير: يا بني ده لو ليلة دخلتكوا انهاردة مش هتبقى كدة
قصي: يا عم هو انا دوستلك على طرف
فهد: طب احنا عايزين نفهم انت متوتر كدة ليه
ساندي بإستغراب: هو فيه حد جاي مهم يعني علشان كدة انت متوتر كدة
انجلي: ولو انه ميخصكيش بس بصراحة الشخص اللي جاي مهم جدا جدا جدا اكتر ما تتصوري
ساندي بإستغراب: غريب يعني ولا مرة اهتميتوا بحد كدة
لوئي: يا بنتي اللي جاية ديه واحدة من العيلة وعن قريب هتبقى شخص مهم جدا جدا حتى انتي ممكن تُصعقي لما تشوفيها
ساندي بغيظ: اما نشوف مين ديه اللي واخدة عقلكوا كدة ومهبولين عليها
فاطمة: تؤ يعني هي واخدة عقل شخص واحد هنا وكمان واخدة قلبه وروحه وتفكيره
ساندي: مين ديه
انجلي: متستعجليش لحسن ضغطك يعلى وتنجلطي وتروحي مننا
ساندي نظرت لها بغيظ وغضب وهنا مهدي دخل بالعصير
انجلي: مهدي جيبته ليه مش قولتلك لما الضيفة توصل
مهدي بإبتسامة: هي وصلت بس معاها تليفون هتخلصه وتيجي
قصي فرح وقلبه دق بسرعة
ساندي اخذت كوباية: يعني المفروض مناكلش ولا نشرب لحد ما الهانم بتاعتكوا تيجي
سمير: لانها هانم وست الهوانم فعلا
انجلي: ويمكن انتي جنبها ولا حاجة
حلا دخلت: السلام عليكم يارب مكنش اتأخرت عليكوا
قصي بيلتف لحلا: لا انتي.............سكت عندما رأى حلا لانها كانت غاية في الجمال والكل انسحر من جمالها اما ساندي فاتغاظت لان حلا كانت فعلا حلوة جدا حلا كانت ترتدي دريس لونه اسود بكوم ضيق ولكن ليس كثيرا لحد الخصر ونازل على تحت بوسع بسيط وكانت توجد فاتحة من احد الجوانب من الخصر الى الاسفل ولكن كانت ترتدي بنطلون كرينة اسود اسفله وكان الدريس يوجد به رسومات باللون الفضي بسيطة وقليلة وحذاء بكعب عالي اسود وحلق طويل مزيج بين اللونين الاسود والفضي وتركت شعرها مفروض على ظهرها وتضع القليل منه على كتفها اليمين ولم تكن تضع اي مساحيق تجميل في وجهها بمعنى اصح وشها كان صافي وعلى طبيعته ولكن اللون الاسود جعلها تشع مثل النجوم في عز سواد الليل وكان خدودها حمر وشفايفها فأعطوها انوثة لدرجة من يراها يظن انها تضع ميكاب في وجهها وكانت آية في الجمال رغم البساطة قصي عندما رأها لم يستطع التحدث ولسانه عجز بس ظل ينظر لها من اسفل لاعلى ورسمها بعنيه رسم وانسحر بجمالها والكل محدش قدر يتكلم نهائي وساندي اتغاظت لانها بالرغم ان لبسها هادي وبسيط الى انها كانت ملكة جمال
فاطمة بإعجاب: ايه الجمال ده كله يا حلول
حلا ابتسمت: ابدا والله ده دريس عادي والطقم كله على بعضه عادي يعني انا مش لابسة فستان فرح او سهرة ولا حاجة ده عادي
انجلي بإعجاب وابتسامة: ماهو المشكلة انه عادي بس مخليكي زايدة حلاوة
حلا ضحكت: طب خلاص كفاية مدح فيا علشان والله هلف وارجع
قصي بهيام وعدم وعي: ومين قالك اني هسمحلك ترجعي
حلا نظرت له ورأت نظارات الاعجاب الشديد والحب والشوق واللهفة وكان باين ان فضله شوية وهيتهور وينقض على فريسته ويلتهمها حلا خجلت من نظراته بشدة ولكن حاولت ان لا تظهر ده وحاولت تنظر في مكان بعيد عن عينيه ولكنها فشلت في اشاحت نظرها عن عيونه لولا ان قاطعتهم ساندي
ساندي بغيظ: بصراحة اتأخرتي وجدا يا حلا
حلا نظرت لها وبهدوء وبرود: بس على حسب ما انا اعرف اني جاية لصحاب البيت مش لضيوف البيت
الشباب وانجلي وفاطمة مقدروش يكبحوا نفسهم من الضحك وضحكوا وقصي ارتسمت على وجهه ابتسامة واسعة
لوئي: بس بجد يا حلا انتي طالعة قمر انهاردة
فهد: قصدك قمرين تلاتة عشرة وممكن مليون قمر كمان
حلا ضحكت بخجل
قصي بنرفزة وغيظ: طب خف تعوم منك ليه يا خفيف
الكل ضحك على قصي ماعدا ساندي
ساندي: بس مين الضيفة اللي هتيجي وقعدتوا تشكروا فيها وتقولوا انها من العيلة
انجلي ضحكت: هو انتي مبتشوفيش ولا ايه ماهي واقفة قدامك اهي
ساندي نظرت لحلا بصدمة: افندم انتوا كان قصدكوا تقولوا على حلا انها من العيلة
حلا عقدت ذراعيها امام صدرها وبهدوء: ليه مشبهش وبعدين ده حتى اكتر واحدة عارفة موضوع القرابة ده هي ساندي ولا انتي ايه رأيك يا ساندي. وغمزتلها
ساندي اتغاظت: بصراحة متشبهيش
لوئي بغيظ: بس مش انتي اللي تحددي ده احنا اللي نحدده
قصي ببرود: وبالتحديد انا
ساندي نظرت لهم بغيظ ولم تنطق
ساندي بإبتسامة صفراء: اه صح يا حلا عمرو بن عمك عامل ايه
قصي اتنرفز من ساندي والكل كمان اتنرفزوا من سؤالها بس قلقوا اكتر على حلا بس تفاجئوا برد فعلها
حلا ضحكت وببرود: والله المفروض اسألك انتي السؤال ده
ساندي بتوتر: وانا ايش عرفني هو عامل ايه يعني هو انا كنت بتكلم معاه
حلا بخبث: بس غريبة يعني انك عرفتي اللي حصل بيني وبين حازم في الشركة يوميها فاكرة مع ان كان عمرو بس اللي هناك
قصي استغرب واتفاجئ: ازاي يعني.....قصدك ايه
ساندي بتوتر وخوف: معرفش انتي بتتكلمي عن ايه يا حلا وعموما انا هروح اقابل صحابي عن اذنكوا
ساندي مشيت والكل استغرب
انجلي: حلا تقصدي ايه من كلامك
حلا: ولا حاجة متشغليش بالك
قصي: بس انا بالي انشغل
حلا: مفيش حاجة يا قصي كنت بقول كدة علشان اوترها واخوفها مش اكتر
قصي: يبقى فيه حاجة انتي عارفاها وبتخبيها عني
حلا: لا مفيش و........
قصي نظر لحلا بقوة واصرار: حلاااا مخبية ايه عني
حلا بتوتر: طب اوعدني انك لما تعرف متتهورش ومتتعصبش
قصي عقد ذراعيه امام صدره وبغيظ: معناها حاجة تضايق ومهمة سامعك
حلا بلعت ريقها بصعوبة وتوتر وقلق وخوف: مش كان واضح في الفيديو اللي عرضته عليكوا ان حازم كان ماسكني وساندني
قصي: اه بس ايه علاقة ده باللي قولتيه مش كنتي ساعتها تعبانة ومش قادرة تقفي علشان كدة كان ساندك
حلا: اه بس السبب في ان ضغطي ينزل وحالتي النفسية مكنيتش تمام هو ان يوميها انا روحت على مكتب حازم علشان كان فيه ملف انا محتاجاه ولما دخلت المكتب فجأة النور قطع و......وساعتها حسيت ان فيه حد معايا في المكتب بس انا مكنش معايا تليفوني علشان اشغل الكشاف واشوف فمعرفتش اشوف مين و.....
قصي: و....
حلا: وفجأة فيه حد اتهجم عليا ومش فاكرة بالظبط تقريبا حاول يقرب مني و يلمسني بس وقتها انا قاومته وانا بقاومه بلوزتي اتقطعت ساعتها كنت تعبانة لان كان مفعول دوايا خلص والدوا مكنش معايا علشان اخده فحصل معايا انهيار عصبي من الموقف ولولا ان حازم جيه معرفش كان ايه اللي هيحصل فيا ولما حازم دخل كنت برتجف من الخوف وبلوزتي كانت مقطوعة ولما سألني ومرديتش ولا لفتله ساعتها فهم ان بلوزتي اتقطعت هو اتصدم وقلع جاكيته وادهوني علشان البسه وانا لبسته وكانت اعصابي بايظة فقرر ياخدني على البيت فكان ساندني لاني مكنتيش قادرة اقف بس واخدني على البيت ساعتها انا روحت ونمت تاني يوم الصبح حصل معايا ازمة ولما فوقت من نومي معرفتش اقوم اخد علاجي وفقدت الوعي واللي عرفته من مريم انها كانت بايتة معايا لان حازم حكالها وهي قلقت تسيبني لوحدي ولما جت تصحيني الصبح مفوقتيش معاها فاتصل بشاهر وهو جيه يفحصني حتى يوميها كانت انجلي معايا بس كان معايا انهيار عصبي وضغطي كان نازل فعلقلي محاليل وكانت حالتي سيئة وكان احتمال مفوقش وادخل في غيبوبة وينقلوني المستشفى حازم كان عارف لان مريم اتصلت بيه وقالتله انها مش هتيجي وقالتله ميقولكش حاجة علشان متقلقش فساعتها حازم كذب عليك وقالك اني مسافرة وان مريم تعبانة حتى لو تفتكر يوميها كان قاعد معاكوا لما كلم مريم على ما اعتقد يعني مريم هي اللي قالتلي كدة بس علشان كدة يوميها مجيتش الشركة
قصي: وليه مقولتليش بعديها
حلا: كنت عايزني اقولك ايه وبعدين ما انت كنت عارف علاقتنا كانت عاملة ازاي وبعديها اساسا انت مشوفتيش وشي غير بليل لما ساندي وريتك الفيديو
قصي تنهد: حلا انتي عارفة مين اللي اتهجم عليكي ولو سمحتي متكدبيش
حلا نظرت له بقلق: اه
قصي بهدوء: مين
حلا: قصي قفل على السيرة انا......
قصي بهدوء: هعيد سؤالي تاني مين الشخص ده
حلا وهي تنظر له بقلق وخوف: ع....ع....عمرو
قصي دمه غِلي ولكن ظل متمسك بأعصابه
قصي بهدوء: وعرفتي منين ان هو مش كان النور قاطع
حلا: لان بصراحة مفيش غيره هيعمل حاجة زي كدة معايا وغير كدة البرفيوم بتاعه انا عارفاه
قصي بغضب:.............................
__________________________________
ما هو رد فعل قصي؟!
ويوم عيد الحب شكله هيبقى عامل ازاي؟!
والشباب والبنات هيعملوا ايه في يوم زي ده؟!
ويا ترى ايه هي هدية قصي لحلا؟!
__________________________________
بعتذر عن التأخير بس كنت تعبانة الايام اللي فاتت ومكنتيش قادرة اكتب
