فتره الرضاعه هي فتره حرجه بالنسبه للام والطفل 👌 وبتحكم صحه الطفل لي قدام
💪👶....حاتكلم عن :
الرضاعه عموماً
المغص البجي للاطفال😖
النزله واحتقان الانف 🥶
الكحه
التسنين 😬
الحمى والاسهالات والاستفراغ
نصائح عامه💙
🔹الرضاعه الطبيعيه فوائدها م بتتعد 😨سواءا علي مستوى صحه الام او الطفل ...وبتبني العلاقه بين الام والطفل 👩👦وبتبني الحاله السايكولوجيه (النفسيه )الامنه والصحيه للطفل🤱
... عمليه المص من البزازه🍼 اسهل من الرضاعه والطفل بيميل للاسهل🤷♂ فتعلقو بالبزازه ببقا اكتر من الام 💔ودي حتبقى مشكله لانو تعلق الطفل بامو ضروري لتربيتو ولحالتو النفسيه 😄...ده غير الاجسام المضاده البلقاها من لبن امو😍 ... وغير منع الحمل الطبيعي البحصل للام من الرضاعه ...لانو الرضاعه الجيده بتزيد من افراز هرمون اللبن...اللي هو ال prolactin اللي بيمنع الحمل🙅♂ 👌
ده غير الدراسات الاثبتت انو الرضاعه الطبيعيه بتقلل الاصابه بسرطان الثدي 😱 والعياز بالله ...وانو لقو الم بيرضعو اطفالهم طبيعي عرضه اكتر ليهو 💔.
والفوائد كتيره شديد ولاتحصى ولاتعد... فالمختصر المفيد انو صحه الام والطفل وحاله الطفل النفسيه 💙بتكمن في الرضاعه الطبيعيه ومامفترض تتوقف الا لي ضروره 👌.
🚫 نجي للامراض والحالات البتواجه الاطفال الرضع :
🔹المغص والارتجاع
بيجي نتيجه لانو في هواء 💨بخش للطفل مع الرضاعه وغالبا السبب خطاء في وضعيه الرضاعه🤱...وتجبنا للحاجه دي مفترض عمليه الرضاعه تتم والام جالسه وراس الطفل مرفوع وبعد الرضاعه ترَبِت علي ظهر الطفل برفق لاخراج الهواء👌فلو الهواء دي قعد بيعمل المغص دا واحيانا بيطلع في شكل ارتجاع وبيخرج معاهو اللبن💔 ...ولي علاج المغص ده بتستعمل ادويه طبيعيه استشيرو فيها الدكتور او الصيدلي💙
🔹نزله البرد واحتقان الانف
بتحصل عادي لتغير الجو او لعدوى فيروسيه🦠 ويمنع فيها تماما استخدام المضادات الحيويه 💊❌
بتكمن خطوره النزله في الاحتقان😢 اللي هو قفله الانف👃 ...ليه ؟؟؟؟
لانو اهم شي للرضيع هو الرضاعه 🤱منها بستمد قوته ومناعته... فوقت يحصل احتقان وتتقفل الانف ويجي الطفل يرضع بي الفم م حيقدر يتنفس وحيخلي الرضاعه...بكون جعان وم قادر يرضع💔 😭
وعدم الرضاعه او عدم اخد كفايتو من الرضاعه بياثر علي مناعتو وصحتو😔 ...فلازم ياخد مضادات للاحتقان 👍ارجعو فيها للدكتور او الصيدلي💙
🔹الكحه 😣
برضو بتحصل عادي نتيجه عدوى فيروسيه او بكتيريه... وعموما بتتاخد ليها القطرات او الشرابات العشبيه لانو امنه للاطفال💚 ومامفترض تتاخد مضادات حيويه برضو والافضل تخلي الطفل يعتمد علي مناعتو عشان يقويها م اقل شي طوالي مضادات حيويه🤦♂... وبرضو خلوهو يعتمد علي الاجسام المضاده البتجي مع لبن الام ...
في حالات بسيطه شديد مفترض تتاخد فيها المضادات الحيويه ده بعد الرجوع الدكتور 👌...خاصه اذا استمرت الكحه لفتره... او ظهرت معاها حمى 💔
🔹التسنين 😁
البحصل في التسنين انو في فتره بزوغ الاسنان🦷 لثه الطفل بِتحكو فبعضي يدو او اصبعو وبعضي اي شي بلقاهو😺 ...فعلي حسب الحاجه العضاها دي هي ملوثه بي شنو بتجيهو امراض ...مرات امراض جهاز تنفسي🤧 والاغلب امراض جهاز هضمي🤢 ...اسهالات وكده يعني عشان بيدخل يدو طوالي في الفم ويدو بتكون وسخانه او بيدخل اي شي وبيعضي فيهو...دي فتره طبيعيه بيمر بيها اي طفل بس الافضل الام تحرص علي نظافه الحاجات الجمبو👌 وممكن تستعمل العضاضه او الغشاشه او اللهايه بس م لي فتره طويله 🙅♂..ليه؟؟
....لانو استمراريه المضغ والمص بتعمل للطفل التهاب في الغدد بيظهر شكل الم وببكي الطفل😢💔 وبرضو لقو في علاقه وطيده بين استعمال اللهايه المستمر والتهاب الاذن👂 عند الاطفال .
في مستحضرات برضو بتستعمل للمساعده في بزوغ الاسنان😍 وتخفيف الحكه البتجي للطفل ...ممكن تسالو منها الصيدلي .
🔹الحمى🤒 والاسهالات والاستفراغ🤮
جمعتهن سوا عشان ديل طواااالي لازم تمشي بيهن للدكتور😠 بالاخص الاسهالات لانو خطره جدا علي الطفل وعادي تادي للوفاه ☠
ممكن تصبروهو باملاح الترويه بس للعلم هي م بتقعد اكتر من ساعه بعد التحضير اذا بره واذا في التلاجه يوم واحد بس وفي معوضات جاهزه ممكن تسالو منها الصيدلي👌
🔹بالنسبه للام والاب 👨👩👧
لازم يحرصو علي رعايه طفلهم ودي حاجه م محتاجه وصيه لانو فطره فينا ... وكمان الخوف الشديييد😱 كمان والحرص الاكتر من اللازم ممكن يادي لضعف مناعه الطفل والتعرض الكتير للادويه مشكله💔
... ينتبهو لي حته # تنظيم الحمل عشان م يظلمو طفلهم في حقو في الرعايه😢 ...وان شاء الله حاتكلم في روشته جايه عن موضوع تنظيم الحمل ده براهو👍
.... وعلي الام برضو انو تدي طفلها حقو من فتره الرضاعه ...ربنا قال (وفطامه في عامين)
وربنا يحفظ الاطفال🤲💙
وشكرا💙
