اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_حد قالك اتجوزي دكتور أمراض نسا..؟!
الحب بيرمنى في طريق واعر أوي أوي، واحنا علشان بنحب واجب علينا نستحمل، هو كدا في قانون الحب الحلقة المفقودة عند طرف بيعوضها الطرف التاني، وكل اللي مكتوب على الجبين لازم تشوفه العين..زي ما في حب لذيذ، في حب حادق.
_أيهم..!!
_وأنا مالي مش فاهم
_دي بترن عليك..يا دكتور إلحقني مش قادرة هموت يا دكتور..وأنت مالك هو مفيش غيرك في المستشفى ولا إيه..ما تموت
بصلي وقام وقف يعدل هدومه
_رايح فين دلوقتي.؟
_المستشفى..عندي حالة ولادة ضروري مش لسه سامعه المكالمة.
قمت اتكلمت بعصبية
_أنت بتديهم رقمك ليه يا أيهم؟.
قرب ووقف قصادي
_الدكتورة علياء اللي بتسأل السؤال ده..؟
_هي بشحمها ولحمها
_علياء أنتِ مش واخدة بالك إن الرقم بيكون في الروشتة
_روح يا أيهم
مشى فعلًا من غير ما يلاحظ نبرة الحزن في صوتي، أيهم اتغير ومبقاش زي الأول أنا أخدت أجازة من المستشفى النهاردة علشان النهاردة ذكرى زواجنا الأولى، حضرت حاجات حلوة كتير للسهرة، وجبتله هدية بس كل دا راح على الفاضي، روحت شيلت الورد اللي كنت عاملاه على السرير..كنت راسماه على شكل قلب..كسرته وطفيت النور ونمت.
صحيت الصبح لاقيته لسه مجاش..بقا بالنسباله يسبني لوحدي عادي..أيهم مكنش كدا في الأول..كان أول ما يلمح نبرة حزن في صوتي يسيب كل اللي في أيده ويجري عليا، أنا مقدرة إنه دكتور بس أنا كمان دكتورة وعارفه إن مفيش مستشفى مفهاش من كل تخصص طقم..بس أنا حسيت أخر فترة إنه بيتعمد يهرب ويبعد عني.
لبست هدومي وروحت المستشفى، قابلتني الممرضة وقالتلي إن في حالة كشف ضروري..كنت ناوية أروح أشوفه..بس مش هبقى اللي بتضحي كل مرة.
