اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_عاجز..!!!
أنا اللي حبيت، وأنا اللي إخترت، من حقي أعيش تجربتي زي ما أنا عايزة، من حقي أكون أنا وأعيش بشخصيتي ما اعتنقش شخصية حد، أنا بحب حُذيفة وعارفه اللي فيه، كله معارض وبيقولولي أنتِ بترمي نفسك في التهلكة، حكموا على جوازي بالفشل من أوله.
_مش عاجز..اسمه تعبان فترة وهيخف.
_أنتِ دماغك ناشفة وغبية ليه..؟ فترة إيه اللي هيخف بعدها دا بقاله سبع شهور كدا.
_ربنا قادر على كل شيء يا ماما.
_وأنا مش راضية عن الجوازة دي يا أميرة.
_ماما أنا مش عايزة أعصي ربنا وأزعلك بس أنا لو متجوزتش حذيفة مش هتجوز.!
خلصت كلامي وروحت أوضتي، ومر يومين لحد ما بابا جه قالي مشيلش هم حاجة وهو هيعرف يقنع ماما، وإن كتب الكتاب بكرا وحذيفة مش عايز فرح.
أنا طيرت من الفرحة تخيل كدا حلم سنين بيقولك ها أنا قد أتيت..إحساس يستاهل يتخلد حقيقي. نمت وأنا فرحانة بكرا هكون في بيته، يااااه على الفرحة.
"بارك الله لكما وبارك عليكما وجمع بينكما في خير"
_مش هتقوليلي مبروك.؟
_ربنا يسعدك يابنتي.
_أنا عايزاها من قلبك يا ماما.. أنا بحب حذيفة وصدقيني هو شخص مفيش منه.
بصت لحذيفة ورجعت بصتلي:
_ربنا يشفيه يا أميرة..في حاجات أكبر من عقلك الصغير أنتِ مش مستوعباها، أنا مش عايزه غير سعادتك يا بنتي
_وأنا سعيدة وطايرة من الفرحة كمان يا ماما.
_ماشي يا حبيبتي..هنمشي إحنا..ارتاحي وخدي بالك من نفسك
نسيت أقولكم إننا كتبنا الكتاب في الشقة فوق عند حذيفة علشان هو مش هيقدر ينزل..الكل مشى التفت ليه لقيته حزين.
_حضرتك أنا أعرف إن النكد من أول يوم دا تخصص العروسة خير بقا.
