اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_أسف بس الأنسة اللي جوا دي مينفعش تتجوز
مفيش حد بيأخد كل حاجة وزي ما بتفرح زي ما هتحزن، محدش بيعيش حياته كلها في فرح وسعادة، الحزن زيه زي الورث الكل ليه نصيب فيه، أنا سمـا خريجة حقوق مكتوب كتابي أنا و مروان بقالنا أسبوع، هو شخص كويس ومحترم جدًاااا جدًاااا وأنا حقيقي محظوظة بيه، عوضني كتير أوي عن كل حاجة ناقصة في حياتي وكله بالحدود اللي أمرنا بيها ربنا.
_قصدك إيه..!!! مالها مراتي
_مـراتك..!! بس دي مش متجوزة
_وأنت اتنيلت عرفت ازاي إنها مش متجوزة..!!
_اهدي يا أستاذ الأنسة جاية في حادثة وكان في نزيف فطبيعي يعني إننا نعرف.
_طب هي كويسة..!!
_للأسف وإحنا بنعالج النزيف اكتشفنا وجود ورم على الرحم، والورم علشان نحدد ماهيته بيمر بأربع مراحل المرحلة الأولي نسبة الشفاء منها بنسبة 70:90 والمرحلة التانية 50٪ لو في المرحلة التالتة فنسبة الشفاء منه 30٪ أما المرحلة الرابعة ودي الأخيرة..وفاة
أنا مقدرتش أمسك أعصابي أكتر من كدا قربت منه ومسكته من هدومه بعصبية
_متلعبش بأعصابي أحسلك بقولك سما مالها..قول علطول
_عندها سرطان على الرحم من المرحلة الثانية واحنا بنعمل فحص الحوض علشان نتأكد إن مفيش كسور أخدنا عينة من بطانة الرحم بطريقة الشفط واكتشفنا ساعتها المرض.
سما بنوتي اللي شاهد على كل لحظة بتكبر فيها قدام عيني تعبانة وأنا مش عارف أعمل إيه..لا هعمل.. هعمل كل حاجة أقدر عليها علشان أساعدها تتعافى ..قربت من الدكتور وأنا كلي أمل في ربنا
_في أمل صح..أنا بحبها ومش هقدر أعيش من غيرها، مش هقدر أقنع عقلي بفكرة إنها ممكن تكون مش موجودة معايا تاني..في أمل صح..!!
_طبعًا في أمل وحالات كتير زيها خفت لما التزمت بالتعليمات وحالات تانية انتكست لحد ما اتوفت لأنها مكنتش ملتزمة
_أنا مستعد أعمل أي حاجة..أي حاجة مهما كانت بس أشوفها بخير وبصحتها تاني.
