اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_شششش مش عايز صوت خليكِ زي ما أنتِ.
بيقولوا عمرك ما هتحس بالأمان إلا لو قلبك قبل كل الجوارح يكون مطمئن، متخيل عضو واحد قد قبضة الأيد هو المسئول عن أمان الجسم كله، ولو اضرر لو حصله حاجة يبقى قول على الباقي يا رحمان يا رحيم..علشان كدا أول خطوة في طريق الصح وطريق الصحة النفسية إنك تنزع الحكم من قلبك وتوج بيه عقلك..العقل اللي المعظم شايف تصرفاته غلط في نفس الوقت اللي مفيش عضو خايف عليك قده.
_أنا خايفه يا ياسين.
_شششش اهدي يا نور أنا معاكِ أهه خليكِ هنا وأنا هخرج.
مسكت فيه جامد..يخرج يروح فين هو عبيط..!! عايز يضحي بنفسه ده ولا إيه.
_تخرج تروح فين أنت مجنون.
حط أيده على بؤقي وحضني ليه جامد لما سمع صوت حد بيقرب من مكانا..قرب من ودني وهمس
_لو كنت لوحدي كان زمان الموضوع خلص..بس أنتِ اللي مكتفاني مقدرش أسيبك كدا.
بص حوليه وبعدين بعدني عنه شويه وقال
_افتحي الدولاب بالراحة وخليكِ جواه..بس سيبي مكان للنفس يا نور متنسيش إنك تعبانة.
وطيت صوتي
_لا يا ياسين مش هسيبك
هزني جامد
_اسمعي الكلام يا نور مفيش وقت
استني لحد ما الدوشة اللي حولينا خفت ووصلني الدولاب فعلًا وساب فتحة صغيرة اتنفس منها علشان عندي الربو أتحرك شويه لحد ما خرج بره وسمعت ضرب نار، خرجت من مكاني جري اتكعبلت في السجادة وقومت تاني بسرعة لقيت ياسين مرمي في الأرض حواليه دم كتير، صرخت جامد لما لقيت واحد بيشدني جامد من شعري وبعدني عن ياسين وقاله بغل
_حلوة..حلوة أوي كنت مخبيها فين دي..؟
بتقل نفس رد عليه ياسين بتعب
_ابعد عنها يا حيوان
_لا أبعد عنها إيه بقا..الظاهر كدا إننا هنطلع من هنا مرضين أوي.
ياسين كان لسه هيقوم قام الراجل التاني ضربه في كتفه مكان الرصاصة..بكيت جامد على ملامحه الموجوعة بس بيقاوح علشان ميبينش ضعفه.
