اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_حامل..يعني إيه حامل.؟
أنا ملك متجوزة أنا وهشام بقالنا سنة ونص، بيحبني جدًا وأنا محظوظة بحبه فوق ما تتخيلوا، شخص مفيش منه اتنين نادر في كل حاجة بمعني الكلمة، فيه حنية الدنيا كلها..مش هنكر إنه بيتحول لما يتعصب..بيبقى تنين مجنح
_احم..يعني حامل عادي.
نزل لمستوى بطني وحط ايده عليها
_يعني هنا في نونو.. أنتِ لو بتهزري هزعلك.!
_بس دي مفهاش هزار أنا بجد حامل..حامل في تلات شهور
اتخضيت لما لقيته شالني مرة واحدة.
_على فين.؟
_على الراحة يا هانم
حطني على السرير برفق كأني هتكسر
_مفيش وراكِ حاجة تعمليها غير الراحة..الراحة وبس..وأي حاجة تانية عليا
_أي حاجة أي حاجة.؟
قال بثقة
_أي حاجة..أي حاجة
_بس أنا كدا هتغر
_من حق القمر يتغر
_نفسك في ولد ولا في بنت..؟
_سؤال بديهي كنت متوقعة منك..والإجابة مش هتكون زي ما أنتِ متوقعة، أنا نفسي في ولد جدًا نفسي أسيبلك سند ليكِ من بعد ما أ...
_إياك تكمل..إياك، أنا مليش غيرك بعد ربنا سبحانه وتعالى، ومش عايزه غيرك في حياتي مهما كان..حتى ابني عمره ما هيأخد مكانك..أنت وبس حبيبي يا هشام.
_خلاص هتعيطي ولا إيه..مش عايز ابني يطلع نكدي
_قصدك إني نكدية
_وأفتخر.
ضحكنا شويه ونمنا وعدا كذا يوم وهو مهتم بيا جدًا بقى بيخلص معظم شغله على الكمبيوتر في البيت علشان مايسبنيش أقعد لوحدي، لحد ما في يوم كنت بأخد دوش
_هشاااااااااااااااااااااااااااااااام.
فتح باب الحمام وفضل واقف متنح، مقدرتش أتحكم في نفسي صوتي طلع مهزوز
_هـ..هشام
يادوب نطقت اسمه ووقعت..لما فوقت لقيت نفسي نايمة على السرير وهو قاعد جنبي حاطط ايديه على رأسه وموطي.
