اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_إيـه يا متخلف اللي عملته في الفستان ده..!!
_إجـري بقولك
"مفيش قدامي حل تاني يا أجري يا أجري..فجريت وهو قدامي..الجو بدأ يضلم وأنا خايفه"
_زين الدنيا بدأت تليل وأنا بخاف من الضلمة
"بصلي وهو حاطط ايده على صدره بيأخد أنفاسه من كتر الجري"
_وأنا معاكِ متخافيش من أي حاجة..يلا نكمل
_مش قادرة حقيقي..ولا أكمنك راجل طول بعرض وعضلات ومعرفش ايده وربنا مديك شويه صحة هتطلعهم عليا..لا أنا وليه صحتي على قدي
_وليه..!!
_بص تعالى نريح في أي حته شويه رجلي مش قادرة بيها منك لله..أنا إيه اللي كان جابني معاك
"قبل ما يرد سمعنا صوت حد بيزعق وبيقول دورا عليهم في كل حته، لقيته قرب مني وحط ايده على بؤقي وسحبني لورا عند الشجرة علشان منبنش"
_ششش ولا كلمة
"الراجل عدا من غير ما يأخد باله مننا الحمد لله، زين شال ايده من على بؤقي في نفس اللحظة اللي صرخت فيها لما شوفت حرباية ماشيه على الشجرة اللي سندين عليها، بصلي بغضب معرفش ليه ورجع بص وراه لقى الناس بترجع لمكانا تاني، مسك ايدي وجرينا تاني"
_يااااارب
_مالك...متعصب...ل...ليه
"مش قادرة أخد نفسي من الجري"
_لا ولا حاجة أصلي نسيت أشرب اللبن الصبح
"وقفت فجأة وبصيتله وابتسمت"
_إيه يا مجنونة اتحركي هنموت هنا
"سحبت ايدي منه وربعتها قدام صدري"
_يعني أنت عندك العضلات دي كلها من اللبن..طب مش بت.....ااااه
"لسه بكمل كلامي لقيت نفسي متشعلقة في الهوا وكل حاجة بالمشقلب"
_نزلني يا زين عيب كدا
_دا أنا أستاهل ضرب رشاشات علشان اتجوزت واحدة غبية زيك
"أنا سكتت وهو فاضل ماشي وهو شايلني مشى كتير لحد ما بعدنا عن الناس اللي بتجري ورانا وقف فجأة في حته متحاوطة بالشجر من كل حته تقريبًا كل وصلنا لنص الغابة، نزلني وبعدين بص حوليه مفيش نور نهائي وأنا عندي فوبيا من الضلمة، روحت مسكت فيه وغمضت عيني من غير ما أتكلم"
