اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_أنتِ بتأخدي حبوب منع الحمل..!! هي حصلت.؟
لما قالولي الحب مش كل حاجة قولتلهم غلط..الحب كل حاجة وكل حاجة بتيجي من الحب هو منشأ وأساس كل حاجة حلوة، بقالي سنة ونص متجوزة أنا وعمر، الحب اللي بينا صعب إنه يتوصف بالكلام، إحساس كبير بيتنقل بلغة العيون، أنا مش بحب في حياتي حد قده، هو كل ما ليا.
_دي..دي أصل
_خلود..!!
قعدت على طرف السرير وعيطت
_غصب عني والله..أنا أسفة..بس مش هقدر
كان سؤال بديهي إنه يقولي ليه..؟ بس حصل العكس جه قعد جنبي ومسحلي دموعي وقالي بهدوء:
_أنتِ فيكِ إيه..تعبانة..؟ فيكِ حاجة تعباكِ ومخبية عليا..؟
مش قادرة أستوعب ازاي يكون موجوع ومتعصب وجاي يخفف عني، هنا إثبات إن الحب كل حاجة..كل حاجة بمعنى الكلمة..اترميت في حضنه وعيطت أكتر.
_أنا خايفه يعيشوا زيي خايفه يمروا بنفس اللي مريت بيه، مش عايزة أجيب طفل ويتألم، مش عايزة حياة مأساوية لولادي يا عمر..أنا مش بس خايفة أنا مرعوبة.
طبطب على ظهري لحد ما هديت وبعدين رفع وشي وابتسملي
_أحسن..؟
مسكت أيده وبوستها
_أنا أسفة..حتى مينفعش أقول أسفة لأنها كلمة صغيرة جدًا بالنسبة للي بتعانيه بسببي..صدقني يا صعب عليا أقولها بس أنا تست....
_أنا مستاهلش غير خلود..خلود وبس
_أنت مفكر إني مش عايزة أخلف..؟بالعكس نفسي يكون عندي بيبي صغنن بس خايفة عليه مني ومنك خايفة مشاكل الأهل والبصمات الوحشة اللي سابوها أهلنا فينا تأثر عليهم.
_صوابع ايديكِ مش زي بعض يا خلود.
_عارفه..بس أنا أضعف من إني مخافش..معلش يا عمر ساعدني واستحملني.. أنا بجد آسفة
_واحدة أسفة كمان وهتشوفي رد فعلي..!
ضحكت واتكلمنا شويه ونمنا..جه عدا يومين وفي اليوم التالت وأنا قعدة على الفون لقيت صفحة لدكتورة نفسية ظهرت قدامي خوفت أشارك تفاصيل حياتي مع حد خاصة معرفهوش..بس حاولت لأول مرة أتغلب على خوفي ودخلت بعت رسالة ليها ردت علطول وحكيت ليها مشكلتي وطلبت إنها تقابلني وفعلًا روحتلها بعد ما أخدت عنوان العيادة منها.
