- العين بعنيا مفيش أحلى منها ، والسن هو السن عادي جدًا ، والخمار الأسود هيأكل من وشك حته.
سمعت صوت بينادي وبيقول يا عم محمد ..يا عم محمد، خرجت أشوف مين بينادي على بابا لقيت واحد باصصلي بدرجة كبيرة وبيقول كدا.
-حضرتك بتكلمني أنا..؟
-أخيرًا نولت شرف إن القمر بيتكلم معايا، وصوتك ده لو أطول أحطه في صندوق وأحتفظ بيه في قلبي أسمع منه كل ما أشتاق لكِ كنت هعمل كدا .
-أفندم..!!!!
-احممم عمي محمد موجود ؟
-أقوله مين .؟
-أنا اللي ضاع من عمره سنين علشان لساني يخاطب لسانك كدا
-أنت مريض .؟ إيه دا بجد ..؟
-وكمان لماحة اللهم بارك
كنت هرد عليه المرادي رد عنيف إيه هو الرد معرفش، بس سمعت صوت بابا بينادي وبيسأل مين ؟ اضطربت أرجع ابص ليه وأساله
-أقول لبابا مين إخلص؟
-قوليله اللي أنت مدوخه معاك أنت وبنتك
-إتكلم بأسلوب أحسن من كدا .!
-والله في أسلوب مش بيطلع لأي حد بس هو مش بالكلام
سيبته ودخلت طاقتكِ خلصتي في إن أجدال كائن مستفز زي ده ، دخلت أوضتي أشوف اللي ورايا وهو طلع قعد مع بابا شويه وبعدين لقيت بابا جاي يقولي
-مريم يابنتي أنتِ عارفه إن بابا بيحبك ومش بيختارلك حاجة وحشه صح
قمت بوست أيده وابتسمت
-عارفة طبعًا يا بابا
-متقدملك عريس ، الصراحة هو متقدم من زمان بس أنا كنت بختبره ما أنا مش هدي بنتي لأي حد ، هو كويس خالص ومحترم وبيحبك من فترة كبيرة ، وزيادة عن دا كله أنتِ أكيد عارفه إختيار بابا ليكِ ، وفي الأول والأخر الرأي رأيك يا حبيبة بابا
جه تاني يوم هو أهله خرجت طبعًا بالحاجة الحلوة فلقيت بابا بيقول
- محمود مستنيكِ جوه يا مريم اتكلموا شويه لوحدكوا
دخلت بهدوء وقبل ما أرفع رأسي سمعت صوت مألوف أوي
-العين بالعين والسن بالسن والبادئ بالحب يعشقه القلب
-أنت..؟
-مش قولت مدوخاني وراكِ أنتِ وأبوكِ
-أهلي بره وجايب علبة جاتوه بالشيء الفُلاني وجاي أنول الرضا ، هعرفك بنفسي قبل ما تقفشي عليا ، محمود 29 سنة بيحب مريم وبيشتغل علشان يتجوز مريم وهو صاحي بيفكر في مريم ولما ينام تخيلي بيعمل إيه
-....
-أنتِ ساكتة ليه تخيلي .؟
رديت ببلاهة
-بيعمل إيه ؟
-بيحلم بمريم ..!
اتنرفزت منه كل حاجة واخدها هزار مفيش جد أبدًا
-أنت لو أخر راجل في الدنيا.....
-عارف هتتجوزيني
-ولو قولت لأ ؟
-هقول أنا أه، شوفتِ سهلة ازاي ..أصلي غارق فيكِ في صوتك ، ضحكتك ، عينيكِ ، أي حاجة ليها علاقة بيكِ ، فمش هتنازل بسهولة متحاوليش
- يابابا....
-وافقت يا عم محمد
-لا ثواني إيه صوت الزغاريد ده..؟
-أمي بتزغرد إيه بلاش أمي تزغرد ، فرحانه بابنها
-أنت مجنووووون..
-لا أنا مريض بيكِ ومفيش حاجة هتخليني شخص معافى غير قربك مني.!
-أنت متخيل إني ممكن أقرب منك ..؟
-هقرب أنا
-إيـه؟
-إيه..!!
أنت تقرأ
خبــايـا الحــب
Short Storyمجموعة قصصية القلوبُ لا تعرف التيمُّم ... إمّا أن ترتَوي بمن تحبّ أو تعطش حتى تجف. 🥀❤️
