"إحشرنِي بين أضلعك
فمنهَا خُلِقت، وإلِيها أعُود"
_الزلمة اللي بيتجرأ وبيجي بعيونه لهون راح قول عليه يا رحمان يا رحيم.
الحب مش بيخبط على باب القلب علشان يدخل، الحب بيكسر باب القلب بدون ترتيب بدون استئذان، الحب هزة في الشعور رجفة في الجسم، وتحول كُلي في الذاكرة، الحب مُبيد قلبي بيشيل كل الوحش ويزرع مكانه الحلو...الحلو وبس.
_حمزة..!!
وقف ورايا وأنا ببص بعيوني على الناس أصله مش وقته النقاب يتفك بصراحة، همسلي بنبرة أجشة وهو بيربط النقاب
_لا تقولي حمزة بهي الطريقة هون فرح، والله الواحد متحمل على حاله بالدفش
الطماطماية لو شافت وشي دلوقتي هتحقد عليا اللي هو ازاي أنتِ وشك أحمر مني كدا..!! همست بخجل
_حمزة..!!
خلصنا ومسك ايدي علشان نخرج وقالي
_لك شو كل شوي حمزة..حمزة، ولا عجبك اسمي وعم تتذوقيه فرح..!!
سبت ايده وبعدت وبصيتله بضيق فابتسم بخبث وقال
_لك شو في يا عيوني..!
ضربت برجلي الأرض بغيظ منه ومن أسلوبه الخاص جدًا جدًا معايا، رفعت ايدي في وشه وقولت بتوتر وتقطع
_بـ..بص أنا ماشيه ملكش دعوة بيا
مد بسرعة وقف قدامي وقالي بجدية
_خلص خلص والله ما بيهون عليا تكوني حزنانة هيك، تعي بوصلك
ابتسمت تحت النقاب وركبت بإنتصار، شامي مبيجيش غير بالعيون الحزينة صحيح.
فضلنا نتكلم شويه ونفضفض في حاجات كتير، لحد ما وصلت عند بيتي وقف بالعربية في جنبي والتفت مسك ايدي وقالي بصدق وجدية
_فرح هي المرة عم احكي عنجد، أنتِ مو شايفانه أنو اجي وقت العرس..!! والله حرام كل هي المدة بقالنا شي ست شهور مكتوب اكتابنا، لك على الأقل اشفقي عليا شوي وعلى قلبي اللي عم يدوب في قربك وينصهر بهي الطريقة.
فتحت بابا العربية وخرجت وبعدين بصيتله من الشباك وقولتله
_بابا هيكلمك قريب.
ابتسم وهو بيهز في رأسه وفضل واقف لحد ما طلعت وبصيتله من البلاكونة وبعدين عملي باي ومشى، فدخلت وقفلت باب البلاكونة وأنا ببتسم فلقيت ماما في وشي بتقولي بإبتسامة
_الراجل دا صعبان عليا مدهوله أنتِ معاكِ في الرايحه والجايه.
رفعت النقاب وقربت منها وغمزتلها وأنا بقول بفرحة
_مش هيبقى في دهولة تاني خلاص، قوليلي لبابا يكلم حمزة ويحددوا معاد الفرح.
دخلت أوضتي وأنا فرحانة جدًا جدًا خلعت النقاب وغيرت هدومي وصليت القيام وقعدت علشان استنى الفجر، سندت بظهري على السرير وغمضت عيني وأنا بفكر فيه وازاي اتقابلنا في الشركة أول مرة وازاي كنت بضحك على لهجته اللي بقيت بعشقها دلوقتي، بفكر فيه في كل تفاصيله، رغم إنه بيضايقني بغزله الصريح لكن والله محبب لقلبي، مديت ايدي اجيب تليفوني لما سمعت صوت مسدج ابتسمت وأنا بقرأها "خفي تفكير فيني شوي فرح ماني عارفان نام يا بنت"
أنت تقرأ
خبــايـا الحــب
Short Storyمجموعة قصصية القلوبُ لا تعرف التيمُّم ... إمّا أن ترتَوي بمن تحبّ أو تعطش حتى تجف. 🥀❤️
