اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_بايرة
عندنا هنا في البلد البنت لما تعدي الـ 26 سنة ولسه متجوزتش تبقى بايرة ومحدش معبرها، والمنطق الغلط ده اترتب عليه أذية بنات كتير من بنات البلد من حيث التعب النفسي من كلام الناس حوليهم ومن التعب الجسدي اللي أكيد بيتعرضوله من أهاليهم.
سابني ومشى..كله أصلًا بيسبني ويمشي حتى هو اللي كان بيقولي إني كل حاجة في حياته ومقدرش يتنفس بعيد عني..مشى وعايش أكيد وبيتنفس وكل حاجة..وشكل كل المشاعر كانت مجرد كلام..كلام وبس
_يا صفا يا صفا
_إيه في إيه يا ياسين حوصل إيه لكل الصوت دي
_وأني قاعد على القهوة في واحد صاحب صاحبي سألني عليكِ وقالي إنه عايز يجي يتقدملك..هوب قامت خناقة لرب السماء لما ظهر إياد واد الراوي ومسك فيه وهاتك يا ضرب لما كان هيسيح دمه لولا الخلق
_إياد اهنه..!!
_إيوه
لغبطة لاإرادية اتملكتني..مشاعر غريبة بدأت تصحى بعد ما تعبت علشان أدفنها..عيني زاغت كأني بدور عليه في المكان وكأنه هنا مثلًا، فوقت من شرودي على صوت ياسين
_لا..إياد دلوق كيفه كيف الغريب ملهوش حاجة عندي ولا أني مستنية حاجة منيه
_بس من اللي عمله النهاردة باين إنه لساته عيحبك وإلا مكنش ضرب الراجل اكده..!!
_أنت قولتلي قبل سابق ياخوي اللي يبعك بالرخيص إياكِ في يوم تشتريه يابت أبوي..وأنت أكتر واحد شاهد على كل اللي مريت بيه ياخويا..تصبح على خير
طلعت أوضتي بكل برود مصطنع وأول ما قفلت الباب انهار ثباتي المزيف ودموعي مبقتش ملاحقة أمسحها..إياد الراوي..اسم لما كنت بسمعه مكنش قلبي بيبطل دق والفرحة ماكنتش بتبقى سيعاني كنت بحبه حب الروح للروح وصعب على قلبي أقول كنت.
