اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_أنتِ مرتي مسمعتيش الشيخ وهو عيقول "بارك الله لكما وبارك عليكما وجمع بينكما في خير" ولا في إيه بجا.؟
أبوي جوزني للعمدة بلاش نقول جوزني لا ده باعني كيف ما عيبيع الجاموس، مهنتش عليه ولا أثرت فيه دموعي..كل ده علشان الفلوس، الفلوس اللي لأجلها بقا حلال بيع النفوس، العمدة مش كبير ولا حاجة ده عنديه 33 سنة وأني زهر عندي 25 سنة.
_خابرة زين إني مرتك بس أني خايفه منيك
راح قعد على طرف السرير بعد ما خلع العباية الكبيرة اللي كان لابسها فوق الجلابية
_تعالي اهنه يا زهر.
معرفش أني خايفه ولا حزينة ولا مُحبطة ولا إيه كل اللي أعرفه إن جوايا مشاعر كتيرة جوي لا تتقرأ ولا تتكتب، روحت وقفت قدامه
_اقعدي
اتحركت وقعدت جاره بس بعيد عنيه طبعًا، فضل بصصلي كتير وبعدين قال
_تعرفي عني إيه..؟
_معرفش عنيك ولا حاجة غير انك العمدة وكبير البلد دي وكلمتك سيف على رقاب الكبير قبل الصغير.
_وأني ما هقربش منيكِ غير لما تعرفيني..قومي غيري خلجاتك دي وتعالي نامي متخافيش أومال
غريبة جوي إني أحس بالأمان من شخص معرفوش، والأغرب إني مصدقة كلامه، هو لو مش هيقرب مني غير لما أعرفه أومال هو متجوزني ليه..؟ إيه اللي يخليه يصبر عليا أكده..؟
_ياموري إيه دي... إيه دي..؟؟!!
_خبر إيه أومال يا زهر..فيه إيه تاني..؟
_مالقياش هدومي يا عمدة..فيه حاجات غريبة اهنه
_حاجات غريبة كيف يعني.؟!
أقوله إيه دي..؟ معرفاش مين غير شنطتي بالشنطة دي المشكلة إني دلوق في الحمام والفستان اتنيل ميه أكيد مهلبسهوش تاني يعني، اضطريت ألبس بيجاما من دول الحمد لله إني لقيت حاجة طويلة، نفسي بس أعرف تبع مين الشنطة اللي فيها قلة حيا دي..!
_أني هنام فين.؟
كان غير خلجاته ولابس جلابية بيضاء خفيفة للنوم لفيلي ووقف متنح أكده ليه معرفاش بس أكيد في حاجة غلط بس البتاعة اللي لبستها دي..فضل يقرب لحد ما بقى قصادي
