اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_مش هتقومي من مكانك غير لما عقابك يِخلص.!
بقالنا سنة ونص متجوزين، ومن ساعتها كل ما أنسى حاجة، أو أتاخر في شيء، يعاقبني عقاب لذيذ أوي، كان نفسي حد يعاقبني كدا من وأنا صغيرة، كنت متأكدة إني ساعتها كنت هكون أفضل من كدا، على الأقل كنت هكون الشخصية اللي أنا عايزاها..واللي بتترسم قدامي دلوقتي بقلم "زين"
بما إن النهاردة الخميس، وأنا بقالي تلات أيام بحفظ في سورة الكهف، قرر إن النهاردة لازم أختمها حفظ، والتسميع هيكون بكرا بعد الظهر، زي ما إحنا ماشين، كل جمعة بعد صلاة الظهر نقعد سوا في ركن الصلاة اللي عاملينه في البيت نقرأ الكهف وكل واحد فينا يصلي على حبيبنا النبي 1000 مرة دا بعد الظهر بس، ما إحنا بنغتنم الفرصة ونصلي عليه تاني..فـ "زين الرجال" قرر إني بكرا مش هقرأ من المصحف، إنما هسمعله السورة تسميع. قعدت أحفظ وأنا مبسوطة مفضلش كتير وأختم القرأن كله.
_خلصتِ.؟
_في أخر صفحة أهه.
فضلت زي ما أنا بكمل حفظ وهو قاعد يبصلي بفخر، كنت لسه هبصله.
_عينك في اللي قدامك يا رؤى.
طب هو بيبتسم ليه وهو بيكلمني مش عدل ده..اللاه
_علفكرة كنت ببص علشان أقولك خلصت.
_خدي اشربي قهوتك
قفلت المصحف وقعدنا نشرب القهوة واحنا بنتكلم سوا.
_تعرف إني بحب سورة الكهف أوي..واتعلمت منها كتير
_كُلي أذان صاغية يا زوجتي
_عندما يكون خرق السفينة هو قمة المعروف، وقتل الغلام هو قمة الرحمة، وحبس كنز اليتيمين هو قمة الوفاء. يبقى لازم نصبر على ما لم نحط به خبرا.
الصبر نعمة كبيرة أوي مش الكل محظوظ علشان يكون بيملكها، ومع ذلك ممكن لأي حد عاوز النعمة دي يكتسبها، بمعني إيه هقولك..بمعنى إني لو جيت كل مرة أتعصب أو أفكر أسبب أذية لحد بكرهه مثلًا، لو جيت ساعتها وفكرت إن الصبر هيحل كل حاجة "وَإِنَ اَللّٰه مَعَ اَلصَابِريِن" ، وإن ربنا هيجزيني خير على صبري ومش بس كدا لا دا هيحبني، هسمح للصفة دي تتوغل جوايا بكل صدر رحب.
