_مرت حمزة متتكشفش على راجل واصل
_لو سمحت يا حضرة العمدة دي بتنزف
بين الوعي واللاوعي والشعور واللاشعور شايفاه..حاسة بيه..عينيا بتضمه قبل ما تقفل.
_كلمة ملهاش تاني تنقلب المستشفى دي دلوق وألقي دكتورة قدام عيني
حالة هرج ومرج مليت المكان واللي هنا بيجري هناك والكل حوليا عامل زي النحل، وهو ماسك ايدي..حاسة بيه
_قمر أنتِ قوية مش اكده ولا إيه..!! لازمن تعافري يا قمر عشان تكوني بخير، أنتِ عارفه إن حمزة بلاكِ ولا حاجة..مش اكده يا قمر حمزة..!!
•الدكتورة أهي يا حضرت العمدة..أبعد أرجوك
قام وقف وكلم الدكتورة
_دي قمر مرتي أخسر أي حاجة في الدنيا ومخسرهاش...مفهوم الحديت..!!
•مفهوم يا حضرة العمدة
بدل النص ساعة..ساعة..وبدل الساعة..ساعة ونص..وبدل الساعة ونص..ساعتين وتلاتة.
غمض عينك، فكر للحظة إنك خسرت الشخص اللي بتحبه
فتحت مفزوع مش كدا..!!
إحساس الفقد مش هين دا عامل زي الشاكوش نازل طالع دق في القلب الموجع، لا بيقدر ينسى ولا يتعافى..بيبكي وبس.
أول ما الدكتورة خرجت خلعت الماسك بتاعها وابتسم، إبتسامة ردت الروح في مكانها تاني
_قمر بخير مش اكده..!!
_أول مرة أشوف حد واخد بنج وواعي..!! بتنادي عليك
_قلبها معقود بقلبي يا دكتورة أي نغزة عنديها بحس بيها أضعاف
ابتسمت الدكتورة
_اطمن قلبها بخير..الرصاصة كانت قريبة منه بس لحسن الحظ مفيش ضرر بالغ
_أربع ساعات..بقالك أربع ساعات غايبة عند عيون حمزة يا قمر..افتحي عيونك عاد خلي القمر يلتقي بنجومه.
_حـ..حمزة
_كيفك يا قمر حمزة..عتتوجعي..!!
_لا..أنت عامل إيه..!!
_موجوع منك يا قمر، أنتِ عارفه زين غلاوتك في قلب حمزة..واللي عملتيه ده زعلني..بس مش وقت عتاب دلوق
مدت ايدي مسكت ايده وابتسمت برضا
_لو الزمن اتعاد هكرر اللي عملته تاني
سحب أيده وقام واداني ظهره
_مصممة توجعي حمزة يا قمر...مصممة
سكت ومتكلمتش لأني مش عايزة أعصبه، مر يومين والدكتورة قالت إني ممكن أخرج النهاردة عادي.
_حمزة نزلني المستشفى كلها بتتفرج علينا
_محدش له عندينا حاجة
أنت تقرأ
خبــايـا الحــب
Short Storyمجموعة قصصية القلوبُ لا تعرف التيمُّم ... إمّا أن ترتَوي بمن تحبّ أو تعطش حتى تجف. 🥀❤️
