اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_أقنع قلبي ازاي إن اللي هسلمها لعريسها دي تبقى حبيبتي.!
"عشر سنين وحبيبة مش حاسه بحبي ليها، كل اللي شايفاه إني أخوها..أخوها وبس، بس أنا مش أخوها وعمري ما كنت، بس علشان بحبها هسلمها لغيري، يمكن أنتوا دلوقتي شايفيني مجنون..بس حاولت كتير ألمح ليها، بس هي بتحب معتز ولو تعرفوا قلبي وضعه إيه دلوقتي بعد الكلمة دي هتعذروني."
صوت الزغاريد طلع من كل حته، كله فرحان وأنا قلبي مكوي..طلعت صاحبتها قالتلي علشان أدخل أجيبها وأسلمها لعريسها..دخلت مكنش معاها حد غير صاحبتها والباقي خرج كانت قمر..قمر بكل معنى الكلمة بفستانها الأبيض ونقابها اللي مخليها زي الجوهرة المصونة..لفت حولين نفسها ومن عينيها باين قد إيه مبسوطة
_ إيه رأيك يا فارس؟
_كان نفسي أقولك أنك حلوة بس الصراحة أنتِ أحلى من كل حاجة حلوة.
ابتسمت صاحبتها وقالت بتلقائية:
_اللي يشوفك يقول عريسها مش أخوها.
ابتسمت وأنا من جوايا بغلي وهرجع عن قراري في أي لحظة وأخطفها..يعني إيه أسيبها لواحد تاني، يعني إيه واحد تاني يأخد حاجة ملكه من زمن..؟
_يلا ولا إيه.؟
اللي واجع قلبي إنها فرحانة.. وأنا مش عايز أكسر فرحتها، أخدتها وطلعت قعدت بعيد شويه وأنا قعدت جنب المأذون مستنين معتز..مر بدل الساعة اتنين وتلاتة ولسه مجاش وكل الناس بدأت تتكلم تليفونه مقفول وحبيبة بتعيط أنا مش عارف أعمل إيه.. أول مرة أحس إني عاجز كدا.
جات مامتها شاورت ليا من بعيد طلبت مني طلب غريب للكل ومحبب لقلبي..بس مش بالطريقة دي.
_يلا يا شيخنا إبدأ.
_العريس يابني لسه مجاش.
_أومال أنا لابس بدلة ومكلف ليه.. أنا العريس يا شيخنا
"صوت الناس المستغرب زاد من كل مكان وحسيت بالهجوم بصيت ليها علشان أعرف رد فعلها لقيت عينيها حمرا أوي..رغم إنه عمل خير إنه مجاش بس علشان كسرتها دي حلفت لازم أربيه. قربت منها مامتها وشوشتها شويه وبعدين هزت رأسها بموافقة."
"بارك الله لكما وبارك عليكما وجمع بينكما في خير"
"حبيبة بقت مراتي ومفيش حاجة أحلى من كدا تشيل الهم من على قلبي..على الأقل مش هبقى زي الأول، قامت دخلت أوضتها وقفلت الباب بالمفتاح مامتها حاولت تخليها تخرج بس رفضت والناس كلهم مشوا حسيت بالاحراج وأنا قاعد كدا..استئذنت من والدتها وطلعت شقتي أكيد هي مجروحه علشان اتخذلت واتكسرت في يوم زي دا، بس أنا برده مكسور ومش من يوم واحد من زمان من يوم ما بقيت أخوها والناس كلها شايفاني أخوها وأنا دافن حبها في قلبي."
