اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_مرت العمدة مش حِبلة..يا أهل البلد.. مرت العمدة مش حِبلة
عارفين الحزن بعد الفرحة..الكسرة بعد طموح..التكشيرة بعد البسمة..الوجع بعد صحة، كل حاجة قبل كلمة بعد دي أنا حسيت بيها، فرحتي مكملتش بقالي أيام حاسه إن صحتي مش هي وأكلتي على قدي ووجع في بطني رهيب وعندي قي وغيره كتير من أعراض الحمل فرحت لمجرد الفكرة إني أكون حامل من يونس دا يا فرحة قلبي بجد..بس خاب الأمل بعد ما حماتي جابت دكتورة من المستوصف وقالتلهم إني مش حامل وإنها مجرد أعراض تعب المعدة بتشابه أعراض الحمل لا أكتر ولا أقل.
_إيـه الهيجة اللي بره دي يا ولدي
_معرفش يامه
•يا حضرت العمدة..يا حضرت العمدة..همام واد الحديدي عيدور على البلد كِليتها وعيقولهم يعني عيقولهم...
_عيقولهم إيه واد المخبولة دي
•عيقولهم مرت جنابك مطلعتش حِبلة وإن اكده لسه قدام منيه فرصة إنه يتجوزها..لا مؤاخذة يا حضرت العمدة ده كلامه
_دبور وزن على خراب عشه
_استني يا ولدي رايح على فين اكده
_اقطع رأس اللي عينه لسه على مرتي يامه..مفهاش حديت دي
_يـ..يونس
صوتهم كان عالي قومت من مكاني بالعافية ووقفت على أول السلم من فوق ونديت عليه، بصلي بزعل وجري عليا يمسكني
_إيه اللي قومك من مكانك عاد يا فرح
_عايزاك
سندني لحد ما دخلنا الأوضة قعدني على السرير وقعد جنبي
_خير يا فرحتي في حاجة عتوجعك
_أنت
_أني..!! حقكك عليا يا فرحت قلبي
مقدرتش معيطش..عيطت جامد ومسكت فيه وصوت شهقاتي بتعلا..طبطب على ظهري وهمس
_ششش جري إيه عاد لدا كله يا فرح
_مش عارفه أتكلم أقول إيه..خليك هنا لحد ما أنام..ومتعملش حاجة تأذي نفسك بيها حتى لو علشاني..أوعدني بجد
