_أنا عاوز حُبك...ودلوق
القلب لو غفل شويه عن الحلال هيستحل كل حرام..هيشوف بعين معمية هيطالب بحق مش حقه.. وهيعمل أي حاجة علشان يحقق غايته.
_أنت دخلت هنا ازاي..!!! اتفضل أخرج أحسنلك
قرب.. وفي كل خطوة بيخطيها قلبي من الفزع هيخرج من مكانه، ضميت طرف الروب بسرعة على جسمي، اتفزعت أكتر لما سمعته بيقول بصوت مش في وعيه.
_أني مدخلتش اهنه عشان أطلع كيف ما دخلت يا داكتورة
شاورت بإيدي لبره واتكلمت بتوتر ملحوظ حولت أستجمع قوة بس نفسي خذلتني.
_أخرج قبل ما أصوت وألم عليك أهل البلد.. مش هيرحموك
جه وقف قدامي مباشرةً فتراجعت خطوة لورا فقرب الخطوة وهمس بصوت مهتز
_صوتي رايد أسمع صوتك وهو عيصرخ.. عاوزه يوصل لحمزة البدري بالأخص.
_أنت مجنون مختل عقليًا
قولتها وطلعت أجري أستخبى في أي أوضة تانية، بس جه ورايا أنا أزق الباب من جوه علشان أقفله وهو يزق من بره علشان يفتحه، وعلشان هو أقوى مني فتح الباب ودخل وقفله واره وبدأ يضحك ضحكات شريرة، أنا مخوفتش أنا اترعبت وأنا منكمشة على نفسي وأنا شايفاه بيشمر كم الجلابية وهو بيتكلم بسخرية
_فاكرة نفسيكِ عتهربي من يدي إياك يا داكتورة..!! وعتهربي تروحي لحبيب القلب مش اكده
_أها هروحله وهتحمى فيه عارف ليه..؟؟! لأنه راجل ويسد ويسند ويخاف ويحمي، راجل بكل معنى الكلمة، ومتفكرش نفسك هتأذيني وهيسيبك دا حمزة البدري عارف يعني ايه حمزة البدري..!! يعني العمدة الراجل اللي مبيسبش حق طفل أتاذى وأتعور ما بالك وأنت بتتهجم على مراته.. هيخليك عبرة لكل واحد عينه رمشت وبص لواحدة بصه طمع ورغبة.. هيخليك تقول الرحمة ومش هيرحمك، هيسيبك تتمنى الموت ومش هناولهولك.. هيسيبك متعلق لا طايل جبروت ولا رحمة.. حمزة البدري مبيرحمش وأنت الجاني على نفسك.
معالم الصدمة بانت على وشه ارتعب وبلع ريقه بصعوبة وقال بعدم تصديق
_جوزك كيف يعني، هتتمسخري عليا إياك..!!
_والله العظيم حمزة البدري جوزي على سنة الله ورسوله
_ولو جوزك صوح ميته اتجوزتوا كيف سايبك اهنه لحالك وهو في الدوار التاني لحاله، عتكذبي عليا يا دكتواره، ولو كلامك صحيح يبقى حمزة البدري واخدك مجرد نزوة لا أكتر ولا أقل، ولو اكده صحيح فأني هبقى مبسوط قوي وأني بكسره.
_مش حمزة البدري اللي يتكسر على ايد نجسة زي يدك ياواد منصور
مصدقتش لما سمعت صوته نسيت كل حاجة وأي حاجة وطلعت أجري عليه، حضنته جامد بستمد منه أماني وببعد به خوفي اللي احتل كياني، همست بضعف
أنت تقرأ
خبــايـا الحــب
Short Storyمجموعة قصصية القلوبُ لا تعرف التيمُّم ... إمّا أن ترتَوي بمن تحبّ أو تعطش حتى تجف. 🥀❤️
