البارت الثاني
الحب الحرام
بقلمي العبوديه
دخلت الغرفتي خليت اغراضي على المكتب وجنت جايبه وياي لعبة لغز عندي طفل يعاني من عدم الاستيعاب بسهوله ويكول اني غبي موعده اليوم
اجتي كالعاده وسن دخلت واني ارتب الاغراض الي جايبتهه
وسن-دكتوره اجتي شهلاء ادخلهه غير اول وحده
الدكتوره -لا خليهه على سراهه
وسن-تمام هاي شنو اللعبه
الدكتوره-اليوم موعد محمد الجلسه الثانيه
وسن-دكتوره صدك اني هم اريد ادخل جلسه عندج
الدكتوره-تدلل شعندي غير وسن
وسن-اكو اليوم مراجعين جدد ٢ دونت ارقامهم مثل مكلتيلي
الدكتوره-عاشت ايدج حبي
بديت اشرب بگهوتي شويه ودكيت الجرس
وبديت بجولتي ودخولي عالمهم الطب النفسي مو مثل ما الكل ماخذ نظره عنه هواي يعتبروا شي تافه او يتهربون منه لكن الحقيقه هو الكل يعاني من الامراض النفسيه خاصه العرب لان هواي اكو امور بحياتهم تصير من المفترض يعالجوهه لان تتدهور شخصيتهم
وصلت للطفل توه دخل. دخلت ويا وسن
وسن-دكتوره الولد الي ويه شهلاء خبصني
الدكتوره-كليله من يوصل سراهم
وسن-يكول وضعهه ميسمح
الدكتوره-هسه اني اختبر صبر منو الي وياهه لو هو خلي يصبر ورجعت عيوني باتجاه محمد ابتسمت
اي حمودي شلونك
محمد-مو زين مو زين ابد باجر عندي امتحان اقرا ومااحفظ واذا ارسب راح يعيروني اني كسلان ليش اختي تاخذ عشرات واني لا
الدكتوره-انت شاطر محمد ماكو انسان غبي
بس المهم تركز بس تركز راح تطلع ابداعاتك اريدك هسه يا شاطر تختار المكان الي تكعد بي بقيت اترقبه وهو يختار المكان اخر شي كعد كبالي
-هنا اكعد
باوعت عليه متوتر حيل كتله غمض عينك محمد ورجع راسك كانما كاعد تنام سوه مثل مكتله
اخذ شهيق وزفير تعرف مو
محمد-اي اخذناهه بالعلوم
اذاً انت شاطر شلون تكول كسلان وانت تتذكر ابتسم
-دكتوره انتِ حبابه
-انت هم حباب ابتسمت بوجهه
محمد انت شاطر واني مؤمنه بهذا الشي بس تحتاج التركيز وهسه راح انطيك شغله حلوه قدمتله اللغز
يلله خلينه نشوف ماما شلون حماده شاطر ويحل هذا اللغز اني متأكده راح تحل اللغز
انطيته اللغز بالبدايه شفت ردة فعله خوف وارتباك
شويه شويه كل ميوصل خطوه يباوعلي اني من يباوعلي اوخر عيني ويا جان ينتظر مني اكله صح وهذا الشي اكبر غلط لان اذا ساعدته بنظراتي معناهه راح يبقه مرتبك ويشكك بحله وهي هاي مشكلته الارتباك حاولت ابعد عنه الارتباك شفته يمشي بخطواته الى ان فقد الامل مني واندمج بدون ميباوعلي محمد اخذ وقت طويل بس عفته على راحته بس قررت اغير موعد جلسته علمود الوقت دونت اسمه على صفحه
بعدهه كلت ال وسن تدخل شهلاء وحدهه ردت اشوف ردة فعلهه بس دخل وياهه الولد
-دكتوره هسه اطلع بس متكدر تمشي وحدهه
ليلى-تفضلوو
جانت قنفه بالمقدمه وفضت التقرب ولجأت الهه انتبهت على رجلهه حركتهه ثقيله ماعدهه قابليه للمشي
كتله تمام خليهه هنا على راحتهه بقيت اترقبهه عينهه على الشاب من يريد يطلع جانت تريد تحجي بس محجت الى ان اتجه للباب هي بقت عينهه عليه تدخلت
