غير مدقق
الحب الحرام
بقلمي العبوديه
ج٢/البارت ٢٥
ردي ردي مها ردي
يالله توترت كلش وكل شويه اكول للسايق يستعجل شويه
من كد ما متوتره حتى مااكدر اتجي ظهري بالسياره ورجلي تهتز لا ارادياً
اتصلت على محمد شغلني رجعت على مها هم متجاوب
وين رحتي متكليلي يالله
احس كلبي يريد ينفجر من الخوف والسايق لاحظ التوتر الي اني بي
-خيرج عمو خوما بيج شي
-باوعت عليه بالمرايه عمو بس استعجل فدوه ماكو شي بس بنتي مريضه
ماعولت يوصل انطيته الكروه وركضت للعماره
دكيت الباب حيل جنت خايفه الى درجه
كامت تصيح حوراء منووو مبينه خافت من دكة الباب صحت
اااني ليلى حوراء فتحيلي الباب
-ليلى ....اكو وواحد هيج يدك الباب
-رنا وين
-شكو خير ياطير
-رناااا وين احجي
-نايممممممه نايمه بتي
-اخذت نفس واسترخت عضلات جسمي كلهه المتشنجه جنت خايفه كلش
-شكووووو هاجمه خرعتيني بهاي دكتج للباب وشكو جايه بهذا الوقت شنو حلمانه
-اي حلمانه ببنتي دير بالج عليهه ...تقربت اكثر حوراء ابد لتخلين رنا تطلع وحدهه نهائياً
-مو دكلج دكتوره حلمانه
-عوفج من المشادات الي بيني وبينج اياد ومات بعد واني وياج اثنينه امهات بالنسبه ال رنا
-رنا بنتي الي وبس
-المهم دير بالج عليهه
- راح اسد الباب جايه تسوين روحج ام براسي
-الخطف كثران بهاي الفتره لذلك كاعد اكلج اريدج تنتبهين الهه اكثر
-ماكو داعي تنبهيني على بنتي اكيد مااخليهه تطلع وحدهه وبعدين اني ام مااحتاج احد يوصيني متعرفين شعور الامومه انتِ اكيد لان ممجربته
ليلى -اعرف شعور الامومه لان عشته ويه رنا بكل تفاصيله ومن حقي اخاف من ام سابقاً تخلت عن طفلتهه علمود رجال
طبكت الباب بوجهي ابتسمت وهزيت راسي لازم ابقه هنا افضل الي نزلت الشقتي بقيت واكفه يم الشباك اترقب منو يدخل ومنو يطلع ولازمه جهازي.
اخر شي خابرت امي اول مكلت الووو استلمتني
-ها يمه ليلى طمنيني كل مااتصل عليج تكولين بالمستشفى ويم حاله شوكت تجين توني اريد اخابرج
خليت ايدي على راسي وتوترت شيقنعهه ابقه بالشقه رأساً كتلهه
-ماما اكلج شسمه ....
-شنووو شبيج
-تعبانه ومسطوره ميته نعس وميقبل المدير نطلع من المستشفى انذار عدنه مو كتلج مريضه انتحرت
-اي صح شلون صارت خوما ماتت
-لا ...لا الحمدلله لحكنه عليهه بس مدير المستشفى يحملنه المسؤؤليه
