الحب الحرام
بقلمي العبوديه
البارت ٢٨
شبي اياد
انس-انت وين لعد مو ويا
ليلى-ويا بالبصره بس عنده تصوير وكال يخلص ويجيني بقيت ....بقيت بالفندق
جنت احجي ودموعي تلقائياً تنزل وخايفه اسمع هذا الخبر
انس-اني جاي هسه توني راح اطلع من بغداد
ليلى-شبي اياد انس
انس-اتصلو عليه كالو اندعم بالسياره
ليلى- انت شكاعد تحجي انس كمت بسرعه من الجربايه
وين اياد وين هسه مكلولك بيا مستشفى
انس-مااعرف
ليلى-ارجع اتصل عليهم الي اتصلو عليك كمت واني اسولف كبل للكنتور سحبت ملابسي واني احجي ويا
خابرني بسرعه انس بعد متتصل عليهم انتظر وين
وها اسئلهم على وضعه
بدلت ملابسي بسرعه
مالي شي مابي شي مرتح اتخايل غير شي هو بس مدعوم
اردد هالكلام وابدل لبست حذائي بسرعه. وعيوني تحركني جانت لان ابد منايمه
رجعت شلت موبايلي واتصلت على انس
ها انس بيا مستشفى وضعه شنو
انس-اني جايج انتظريني
ليلى-اياد صار عليه شي
انس-لا يابه مابي شي بس خوما تروحين وحدج للمستشفى لو بي شي تلكيني احجي عادي بس هابرتج اول مخابروني جنت مخضوض وعبالي ويا انتِ
ليلى-انس شنو اسم المستشفى
انس-اني جاي وامرلج اخذج
ليلى-انس اسم المستشفى لتخليني افتر المستشفيات هسه كلهه تكلي اياد مسوي حادث وتريدني انتظرك تجي من بغداد واني بالبصره شنو اسم المستشفى
انس-هو بمستشفى البصره العام
ليلى-ماشي
سديت الخط منه وطلعت بسرعه اركض
طلعت مباشرتاً مو مال اكلهم بالفندق يطلبولي تكسي مااتحمل انتظر وهم ين اول ما طلعت وكفلي تكسي
ليلى-المستشفى البصرة العام
صعدت يارب يارب لتفجعني بي يارب مااتحمل يارب احمي ألي
اتصل عليه انس گال هاليلى
ليلى-صعدت تكسي ورايحتله
انس-اول متوصلين طمنيني
ليلى-ماشي
اول موصلت رحت للاستعلامات
اياد ....اياد علي حادث سياره
موظف الاستعلامات-لحظه باوع على القائمه
وكال البقيه بحياتج
ليلى-جنت مخليه ايدي على الميز احس نفسي دخت
شنووو ....شنو يعني شتكول انت يعني ...يعني قبل شويه جنت
جنت نزلت دمعتي مسحتهه رأساً ...قبل شويه حجه وياي بالتلفون مو هو خاف تشابه بالاسماء
اياد علي حسين فدوه تأكد اكيد غلطان انت
-هاي الاسم كدامي اسف اختي توفى
ساعات الصدمه توكف كل الاحاسيس والمشاعر
بحيث تحس بداخلك صرخه بس مكتومه
بهاللحظه عشت صراع بداخلي واسأله ابحث عن اجابتهه رغم مااجابتهه معروفه بس اتمنى الهن اجوبه ثانيه اقنع بروحي يعني شنو مات
الاول مره اريد تعريف دقيق عن المات
يعني اياد راح بعد ماله وجود صوته راح يختفي
مراح اشوفه بعد
زين اايامي الجايه اياد مابيهه زين شلون راح يخلص اليوم بدونه جنت امشي بمرر المستشفى فاصله عن العالم الداير مدايري احاول استوعب الي سمعته
وانتظر اياد يكعدني ويفصلني عن هذا الحلم
ويكلي لتخافين كابوس لو يسألني عن هذا الحلم وبوقتهه احضنه واكله حتى بالحلم لتسويهه
