الحب الحرام
بقلمي زينب العبودي
ج٢/البارت ٩
مااحس اله صوت ام حاتم ترس البيت ترس بالصياح طبعاً عليه متريدني ابقه وهدى تحاول تهديهه وتتوسل بيهه
هدى-خاله يتيمه وين تروح
ام حاتم-يتيمه وابني الي بالسجن هاااا وابني الي بسببهه بالسجن
هدى-خاله الي صار وياهه شبيدهه عليه هيه قابل متقصده
ام حاتم-متگول الابني تنلصم هسه صارت شريفه براس ابني و فوكاهه تحجي انوب فوكً ما زانين بيهه
فريده-شهكت واني مصدومه متحملت اكعد كمت واني اتلمس اريد اوصل للباب وكلامهه الي عن شرفي تحجي ببرودة اعصاب
ام حاتم- هي لو شريفه تسكت وبعدين هو ابني هم طايح حظه مفروض يطلكهه
وصلت للباب واني اتلمس بي بعدني صحت بيهه
حدج خاله مااسمحلج تحجين على شرفي
اني لو ساكته ومحاجيه الحاتم بذاك الوكت احجي على شرفي اني متربايه زين والي ربتني حبوبه الي ينحلف براسهه ربتني على الصح والصح هو اگول الحاتم وممتندمه عليه اهم شي كدام رب العالمين اني بريئه
ام حاتم-انووووب تحجي
فريده-احجي ....احجي لان انتِ حجيتي على شرفي اني شنو ذنبي بلصار
ام حاتم-ذنبج ام ذنب مو نفسه الي وصلج الباب بيتنه تسوين روحج فقيره هاي تمشي على حاتم مو عليه
الله اعلم يجوز انتِ انطيتي شرفج طلعي يلله طلعي منا
الله لايوفقج
فريده-فوك بيتي اني وحاتم ومااطلع منه لو شيصير ومااكول غير بس حسبي الله ونعم الوكيل
مااحس اله اجتي هجمت عليه وجرتني من شعري وتطلع بيه واني مچلبه بحايط الباب الي يصير على الغرفتين لازمته واصيح مااطلع منا هنا بيتي وهدى تحاول توخرهه الحد ما ايدي مسيطرت عليهه وعفت الحايط
وهي تجر مني طلعتني وطبكت الباب
بقيت واكفه ابجي واكول وينج يا حبوبه وين رحتي وعفتي بنيتج وحدهه غمضت عيني بحسرة وغصه گلبي متنوصف
هدى-موووو بكيفج هذا بيتي مو من حقج تطرديهه
ام حاتم-مو بيتج بيت اخويه وينج اااااام فياض ...ام فياض وينج
هدى-هذا بيتي وحرام عليج الي تسوووي بنيه يتيمه ومالهه ذنب
ام حاتم-ذنب منوووو لعد ابني توه طلع من السجن ترجع تدخله حتى براحتهه انوب ويه هذا السافل
هدى-مااسمحلج تحجين عليهه وخري من الباب
اكلج وخرري ام حاتم راح ننفضح
ام حاتم-اني هسه افضحهه الهاي الساقطه خل توكفلي
فريده-جنت كاعده على دچة الباب وابجي انفتحت الباب وطلعت تصيح ام حاتم وجرتني من ايدي وكومتني طلعتني بالشارع وتصيح بعلو صوتهه
شااايفين هاي العميه ياناس الي تخاف من الفضايح ومسويه روحهه شريفه خانت ابني وهو بالسجن زززززنت
ويه ضابط وشمروا ابني بالسجن
