الحب الحرام
بقلمي العبوديه
ج٢/البارت ١٤
سمر-عمو مفهمت اني شعليه
ابو ادم-ماكو شعليج كرامت اختج من كرامتج
سمر-عمو اني ووسام مخطوبين من زمان وبعدين هي مريضه ممتقصده
ابو ادم-كلت الي عندي انتهى النقاش بهذا الموضوع
ليلى-لحظه عمو شكاعد تحجي بس اسمحلي افهمك ونتناقش
ابو ادم -حجيت الي عندي اني ممنطيهم نوه انتن بناتي الي ميحترمجن ميحترمني اليوم الي سوته ام حسام عدم تقدير حتى اليه وانتِ ليلى ممنتظر منج هيج شي نهائي شناقصج انتِ حتى هيج عندج المسأله عاديه
سمر-عمو
ابو ادم -انتِ لتحجين شي بالاساس ممقتنع ازوجج بعدج صغيره وبعد الي سوته ام حسام مااتأمل خير بهذا الزواج
سمر-عمو لا فدوه اني
ليلى-غرغرت عيونهه وارتبكت باوعت هلى عمو جدي يمكن بكلامه امي انصدمت وسمر تخبلت
ليلى-عمو حبيبي الموضوع مينحل هيج
ابو ادم-شنو ليلى تعلميني شلون احل المواضيع
ليلى-لا حشاك حبيبي انت اكيد الي تعلمنا وتشوف الشي الصحيح بس هالمره
ابو ادم-هالمره تختلف ببيتي ومحترمتج ام حسام ومحسبت حساب حتى الاختج جنتهم يعني بيتي واني اشم الهوى استصغرتجن اثنينجن شحال اني ميت
سمر-ماما ااااحجي شي انتِ شبيج مدتشوفين عمو شكاعد يحجي
ام ليلى-خويه الولد يختلفون ليلى حسام بيته وحد وهي تحب سمر
باوعت العمو يضحك باستهزاء على كلام امي
سمر-عمو اني ووسام مستقرين بحياتنا ونريد نتزوج شعلينه بهذا الموضوع
ابو ادم-عبالج مااعرف شي مشاكلج انتِ ويا من انخطبتي لليوم ساعه اشوف عيونج ذبلانه من البجي ساعه اعصاب هذا دليل انتِ ويا ممتفاهمين
دراستج هاملتهه ملتهيه بالطربگه بابا اني اذا اموت
ماعندج سند غير دراستج
سمر-عمو اني احب وسام
ابو ادم-حالياً المسأله اهم من الحب
مسألة كرامه وكرامتج من كرامة اختج
ام ليلى-ابو ادم ولد اخويه يختلفون عن امهم تونه جنه فرحانين انت هسه من اخذت هذا الموقف وتريد تفصخ وحده ارمله والثانيه تفصخ خطوبتهه شتگول الناس علينه
ابو ادم-ام ليلى انتِ الجبيره عود انتِ امهن مسؤله عنهن وواعيه مفروض تشجعين على موقفي شنو الناس تحجي شكاعد تحجين اليوم هاي بتج الجبيره ام الي خطبهه ممقتنعه بيهه ومو بس ممقتنعه حتى احترام محترمتهه ومحترمتنا وتكليلي حجي الناس هاي اذا بالبدايه هيج تسوي شحال من تصير جنه ببيتهه
نهائياً مااتقبل احد هيج يعالملجن
حجي الناس ميقدم ولا يأخر عندي اهم شي احترام البنات انتهى الموضوع بعد لحد يناقشني بي
