الحب الحرام
ج٢البارت ٢
بقلمي العبوديه
حاتم-هاي اني لتخافين
فريده-خليت ايدي على جف ايده الي مخلي بشفتي
حاتم-والله مااسويلج شي بس شوفي القدر كم مره يجيبج الي
فريده- ممممممم أأأأأ جنت مااكدر اطلع صوت بس ونين يطلع لان ساد حلگي
حاتم-لتخافين فريده هدى يمكن نستج اني هسه اوديج للبيت تسودنوا ذولي
فريده-بقيت مصطكه من الخوف گبل نزلت دموعي
حاتم-والله اني اسف بس خفت تصرخين وتلمين الوادم علينه وتصير مصيبه راح اوخر ايدي من شفتج هاي العسل مو تعيطين
فريده-اول موخر ايده ضربته بجتفه ردت ارجع اضربه ضربت الهوا وكمت ادور منا ومنا مااعرف وين واكف لان وخر من گبالي من ضربته بقيت افتر بمكاني واخذ نفس عالي وخايفه اجاني تفكير راح يعتدي عليه لان وحدي ومااكدر ادافع على نفسي
ديررررر بالك تتقربلي
حاتم-لتخافين مااريد أذيج بس اريد اوديج للبيت
فريده-هو لان انتَ اخاف
حاتم-ليش لان حبيتج
فريده-اي حب هذا يا حب وين عرفتني ....وين هدى شصار بيهه شلون تعوفني
حاتم-وعلي حبيتج شلون ماادري لا رغبه ولا شي وهواي حلوات يمنه بس مدگ گلبي الهن دگ الج وبس
فريده-وين هدى رررررررراحت وعافتني حاولت امشي على كيف وخايفه اتلمس بالهوا خاف حايط گبالي وانردم بي
حاتم-مو سمعتيهع تعاركت ويه فياض وراحت ترعش من العصبيه مسودنه بعد
فريده-انت وين خوما گبالي ابتعد عني شويه
حاتم-ليش يعني هيج تخافين مني وبعدين اني وراج
فريده -درت باتجاه الخلف مثل مكال هو وين وخليت ايدي خاف يحاول يتقربلي وكمت احرك برجلي بلكت اتلمس شي عوده شي يحميني گتلك اخاف منك كافي سوالف حب اني خايفه حيل دير بالك تسعل اني مااشوف
حاتم-أفه تخافين مني وانا اخاف عليج من الهوا الطاير
فريده-كافي تجذذذذذذب كافي عوفني بحالي فدوه شوكت لحكت تخاف عليه
حاتم- الحب مابي موعد وماريد منج شي هسه غير بس تخليني اوصلج للبيت
فريده-ماريد منك شي ووووخر هسه هدى ترجعلي بس روح انت نزلت الدموع من الخوف
حاتم-وخرت منج هسه بس خليهه بالج بس هسه
لان انتِ انخلقتي والقدر جابج الي يعني مكانج يمي مااخليج تطلعين من بلد بعد هذا مكانج
فريده-كمت اتلفت واشمر برجلي بالكاع الحد كا طخت برجلي طابوكه مزلت على كيف وكمت اتلمسهه واتلفت
حاتم- هههههه انتِ ليش تتلفتين
فريده- اخاف منك شلت الطابوكه دير بالك تتقربلي بس تتقربلي اضربك بيهه مو طبيعي انت
حاتم-شتريدين اسوي حتى الخوف الي بداخلج مني يروح
فريده-تروح من يمي
حاتم-مخبله انتِ اعوفج هنا والدنيا غروب وغريبه والوحوش هواي
فريده-شلون تسويهه بيه هدى وتعوفني
حاتم-انطيني ايدج والله اوديج للبيت
فريده-كمت على كيف نزلت دموعي مااحس اله بأصبعه مسح دمعي فزيت وصرخت وبحركه سريعه شمرت الطابوكه بس مااعرف باتجاهه لو لا ورجعت الي وره ردت اعثر لزمني دفعته ورجلي التوت وخرررررر عني انت منطين طلعتلي
