الحب الحرام
بقلمي العبوديه
البارت 15
خفت حيل فتحت الدفتر واني بمكاني
اول ما فتحت الغلاف ابتسمت
جانت صورة شايب مرسومه بتفاصيل دقيقه كأنما صورة مطبوعه مو رسم جانت الرسمه موضحة التعب والرضا التجاعيد تارسه وجهه ومناظرة مفطورة مدري الرسمه شخصيه حقيقيه او من خياله جانت معبره وگلبت الصفحه الثانيه طفل وبعدهه بنيه شعرهه كلش طويل بقيت واكفه وابتسم واني اتصفح برسوماته
شكد حلوات اخذتني كل رسمه مرسومه القصه جانت الملامح المرسومه هي تشرح قصة الى ان سمعت الباب الخارجيه انفتحت ارتبكت گبل خليته على ميز بصف الباب جانبي ورجعت كلت خل ارجعه بمكانه واسوي روحي ارتب
شويه وماكو اي صوت فتحت الباب على كيف ماكو احد كبال الباب طلعت بسرعه بس گلبي يدك سريع من الخوف واعاتب روحي متوازيه على هذا الخوف الي خليتي نفسج بيه
رجعت خلصت كلشي عليه وكعدت اگلب بموبايلي تذكرت راويه من تدز رسائل ال صهيب دزيت رساله ال عمر
-احبك
طلعلي تم التسليم گمت اكلب بالجهاز بالاسماء والرسائل اكو جانت رسائل قديمه اتصل عليه واحد اسمه خليل جاوبت
-الووو
-منو
-هذا مو خط عمر
-اي بس انطانيا
-ها اعتذر اختي بس ولو ازعجج شلون اكدر اوصل ال عمر
-هسه اني اگله وهو يخابرك
-اي والله رحمة الله والديج
شهلاء-كطعت الاتصال وگمت رحت للمنور خاف احد يصيحني ويسمع عمر خابرته شغلني رجعت اتصلت جاوبني بس مو بسرعه
-مشغول هسه خوما ككو شي حبي
-حبيبي هذا واحد اسمه خليل خابرك وكال خلي يخابرني
-شنووووو اوكفي لحظه
-خابرك واحد اسمه خليل
-شويه وجاوب حجه براحته
جاووووبتي شهلاء
اي حبيبي غير اتصل
-وانتِ شكو تجاوبي هو سيمكارتي يتصلون عليه انطيته الح لان مستعجل جنت واريد نحجي على اي اساس تجاوبين انتِ مخبله
-غير اكله انت غيرت رقمك
-وانتِ شكوووووو شلون تحجين ويا مخبله انتِ
-شكو عمر جاوبته بعد شصار يعني
شهلاء-بقه يصيح ويحجي وگلي غلقي الموبايل اني راح اوصي سلوم يشتريلج واحد اليوم جديد
سديت الخط وسمعت صوت السياره دخلت طلعت من المطبخ جانت بثينه كاعده تحجي ويه صديقتهه دخل هشام بيده لوحه بس مگلوبه هي كامت
بثينه-شلونك بابا
هشام-هاي هديتي الثانيه الج بمناسبة عيد ميلادج
بثينه-بأبتسامه ...هاي شنوووو
شهلاء-اخذتهه من ايده واني اترقب الهديه دارتهه بعد مااخذتهه منه جان راسم صورتهم سوه هو ويا باسته وكالتله
بثينه- شكراً بابا تجنن والله كل رسوماتك الي بكل عيد ميلاد محتفظه بيهن تعودت كل سنه ترسمني ومن جبتلي هديه هالمره انقهرت بس محجيت
هشام -جنت راسمهه ومردت انطيهه الج بس گلبي منطاني
شهلاء-عافت اللوحه عل قنفه وشبكته وهو مبتسم اني اباوع عليهم شكد تحسرت على هذا المنظر شكد حلو واحد عنده هيج اب ابتسمت فجأه دار صارت عينه بعيني رأساً نزلت عيني كلت خاف يكول عيني عليهم لو حاسدتهم بس اني صدك حاسدتهم
