الحب الحرام
زينب العبودي
ج٢/البارت 4
بس مااعرف شلون احجيهه وياج
فريده-حاتم گلبي كام يوجعني شصاير
حاتم-الذهب مااكدر اشتري الج كامل
فريده-صدك تحجي حاتم
حاتم-والله ماعندي
فريده-عبالي تگول لازم اعوفج والله احس گلبي كام يوجعني
حاتم-اسم الله على گلبج يا بعد بيتي انتِ
فريده-اني ماريد ذهب انت الذهب وكلشي بحياتي
حاتم-فريده اني ميت قهر عبالي خذا ينطيني الذهب بالقسط گلي مااكدر هواي
فريده-حبيبي ماريد ذهب
حاتم-شنو المتريدين كل بنيه لازم جهاز الهه اني حجيبلج حلقه وسليله بسيطه والقرآن بس يصير عندي اشتريلج
فريده-حبيبي حلقه عاديه من السوك كلش كافيه
حاتم-لتحجين هيج اني ميت قهر وخجلان منج وعلي
فريده-حاتم...انت انطيتني اثمن من الذهب
انطيتني الضحكه من الگلب وانطيتني الحب خليتني احب الحياة وجاي تگول اعذرك وتشوف نفسك مقصر علمود قطعة ذهب للكشخه تعرف انتَ لو ينطوني ذهب الكون كله ماابدلك بي
حاتم-الله يا الله لج انتِ شنو جوهره ثمينه وعلي الحمدلله من القدر جابج الي وصرتي نصيبي اني مدين للقدر بهاي الحاله تعريفين يا فريده اول مره اعرف الله يحبني الهاي الدرجه بحيث رزقني هالجوهره النادره بكلشي.... فريده ؟
فريده-عيونهه
حاتم-احبج ...احبج حب ماكو وصف يوصفه اني ولا مره شايفهه للسعاده اله من عرفتج تخيلي شكد اهلك بالشغل بس اسمع صوتج كل التعب يروح مني انتِ شنو السر البيج الي خليتيني اذوب كل هالذوبان
فريده-ابتسمت
السعاده الحقيقيه هي من تحس رب العالمين يطبط عليك ويرزقك انسان ينورلك الظلام الي انت عايش بي
بالصدفه ويسعدك بابسط الكلمات الي مفتقدهه
والسعاده جانت بالنسبه الي من التقيت بحاتم صار بالنسبه الي الحياة والامل الي يضوي العتمه الي بحياتي
حجيت ويه حبوبه وشرحتلهه وضع حاتم وتوسلت بيهه متحرجه ابداً بس هي سكتت ووترني سكوتهه جنت انتظر كلمة منهه محجيت الدرجة شكيت عافتني وكامت
حبوبه.....حبوبه
الحجيه-ها فريده شتريدين
فريده-حبوبه عبالي گمتي ليش سكتي ومجاوبتي
الحجيه-جوابي تعرفي يمه
فريده-حبوبه حاتم كاعد يتعب
الحجيه-ليش من اجه يدگ الباب ميعرف الزواج يرادله فلوس فريده يمه انتِ امانة امج وابوج يمي باجر عگبه اموت يگلي ابوج ليش نزلتي من قيمة بنتي شجاوبهه
فريده-القيمه مو بالذهب والفلوس حبوبة
الحجيه-لا يمه من تجي امه مراضيه بيج وبعدهه انطيج بلا حقوقج الهم تتسمى بايعتج واني مبايعتج انتِ غاليه ومتتقيمن بفلوس الدنيا گلهه
من بعدين تگلج هو انتِ حتى ذهب مشترينالج وباعتج حبوبتج برخص شتگليلهه والله قرة جناب ابنج الماعنده فلوس يمه فريده الناس غابه متنحزر وانتي امانة ماافرط عن حقوقهه الحد مااموت
