الحب الحرام
بقلمي العبوديه
البارت الاخير
اني معفتك لان بيه انفصام لان امك متريدني
حسام-من اول محجينه اني وياج وانتِ تگولين امك متريدني حاجيه شي امي وياج لو مجرد تخمين
ليلى-شكد تحبني حسام ...واني احجي سمعنه اصوات احد يصعد
حسام-دتعالي دخلي خوما نحجي بالباب والعالم تفوت
ليلى-دخلت وطبك الباب بعد ما دخلت باوعت على الباب
حسام-عيدي السؤال بلله دكتوره
ليلى-درت عليه سمعته اتوقع
حسام-مسمعته بوضوح
ليلى-لا والله زين حضرة الضابط حسام راح اعيد السؤال شكد تحبني
حسام-ههههه وتسألني ومره ثانيه شكد احبهه تگلي واني كايل قبل روحي كل متضيع الكاهه يمهه وتگلي تحبني
ليلى-اذا احد اعترض علاقتنا
حسام-احد على اي اساس احد يتدخل بحياتي
ليلى-حتى اذا جانت امك
حسام-حتى القدر والقسمه هالمره مااخلي يتدخل بعلاقتنا -
ليلى-واذا مصار عندي اطفال ليلى
حسام-انتِ تكفيني وحدج كل الي اريده الله يلم شملي بيج
ليلى-ابتسمت وعيني كابلت عينه
حسام-عندج بعد سؤال دكتوره ليلى
ليلى-بأبتسامه اي عندي اسئله
حسام-مثلاً
ليلى-مهنتي ودوامي قاطعني
حسام-بوقتها مجنت اريد امنعج من الدوام بس ردت اشوف شكد تحبيني
ليلى-دير بالك تختبرني هذا الاختبار مره ثانيه لان هم اخذلك
حسام-والله ليلى
ليلى-مااحب احلف بس مادام مهنتي مابيهه شي مخالف للاخلاق وبنفس الوقت هي مساعده للانسان لتخطي الحياة القاسيه احياناً فمو من حقك تخيرني او تخليهه شي اساسي بعلاقتنا هاي اني حسام افهمني عاد
حسام-تعرفين شكد كاعد اتغاضى عن نقاط انتِ تضوجيني بيهن واحسهن اهانه الي
ليلى-انت سيد الرجال وكل وحده تتمناك واني من ضمن الي يتمننك واحبك بس اكره الانانيه افهم هذا الشي اني مااحب التملك وانت تريد تتملكني وتلغي طموحي واحلامي فالحب مقابل طموحي واحلامي اعتذر حسام
ليلى-بقه يباوع عليه حسيته ضاج بين من نظرات عيونه
بقيت اباوع عليه وانتظر الجواب
مدلي ايده وكال
حسام-خلي ايدج بأيدي نحارب هالمره حتى نفسنا علمود ننجمع خلينا نوعد بعضنا بس الموت يخلينا نفترك لو شيصير لو منو يريد يدخل بينا منسمحله
ليلى-يعني راح تسندني بشغلي
حسام-اذا مااسند روحي اسند منو والله يا ليلى والله
سعادتج هي سعادتي واتمنى اشوفج احسن وحده واحب الزين الج بس تحمليني مرات من اني عصبي احجي شغلات ماريدهن بس عصبيتي تغلبني وبعدهه عنادي افهميني مرات من اقفل على شغله گليلي بساعتهه اي
بس وبعدين رفضي لان من اعصب اقفل ومن اقفل واشوف عناد اعاند اكثر
ليلى-اكو شغلات خط احمر النقاش بيهن مثل وظيفتك اكدر اكولك بيوم وادخل روحي بيهه واكول لتداوم
حسام اكو هيج منطق
