الحب الحرام
ج٢/البارت 8
فريده-كبل عصرت ايدي هدى وكالت الهه
هدى-ماكو شي خاله ام حاتم شكو يعني بس هي دتگول اني تدمرت وانتهيت بعد مااتحمل اعيش
ام حاتم-اني مو طفله حتى تضحكن عليه شصار وانتِ ولج فريده وين جنتي مختفيه وكت ما اني ماكو رحت اودي حبوبتج ورجعت وانتِ ماكو وياهو الاسئله عليج يكول مشايفج شصاير فريده احجي مابيه حيل مصايب گلبي خلص والله خلص ماعندي بالدنيا كلهه بس حاتم
هدى-خاله شصاير يعني كلشي مصاير بس فريده راحت توسلت بأبو المصنع هذا الموضوع علمود يطلع حاتم ومقبل وكالت لازم اكول الحاتم من يطلع مااكدر مااكله وتعرفين حاتم اذا يعرف شيسوي
ام حاتم-انت متجوزين فريده وتعرفين حاتم ميقبل تعتبين الباب انتِ ليش تدخلين نفسج بمصايب ستري علينه يفريده ستررري الله اكبر منين اتللگاهه ماادري
اخ يممه اخ
هدى-هسه دطمنينه اكو اخبار جديده لو لا
ام حاتم-كالولي باجر يطلعو يوميه يحجوهه وجذابين كلشي ماكو راح ابني من ايدي بيا ذنب مااعرف
ااه يا يمه اه ودكت على رجلهه عساني متت ولا ابني بالسجن شنو هسه اني حياتي بدون وليدي گلبي خلص الله لا ينطيك يا فياض انتَ وهذا الساقط تبعبون وتالي ابني وگع بيهه
هدى-هو شعم علينه غير هذا السافل ماجدمن يوم العرفه فياض وهو صار مثله
ام حاتم-ازبل منه الله ياخذهم كرفهم الموت ان شاء الله على هالحرگة گلب الي خلوني بيهه حسبي الله وهاي عمتج بس احجي تهجم ولا عبالك ابني بالسجن بسبب ابنهه الساقط
فريده-جنت كاعده بس بالي مو يمهم كل همي شلون بيه اذا طلع حاتم تمنيت ميطلع من السجن مااكدر اجذب عليه ومااگله عن الي صار بيه
بقيت بليلتهه واني ابجي واتخايل من يعرف حاتم شيسوي بيه ليش يالله مطلعت روحي بدال حبوبه اني الجنت استحق الموت
توني غفيت فزيت على صوت الباب اندك وبعدهه بلحظات صرخة ام حاتم يمه ابني
حاولت افتح الباب بسرعه ادم ابن هدى گلي اجه عمو حاتم عمه فريده
فريده-اجه عمو حاتم بلعت ريگ وكتله هسه انزل حبيبي طبكت الباب ووكفت وراه گبل نزلت دمني وكمت ادك على راسي
يبووي يا ربي يبوووو اخ ييمه شطلعك يا حاتم شراح اكلك شلون اوكف كبالكً ساعة السودا ً عليج يا فريده فتحت الباب ومشيت شويه اعرف ماكو شي مبالي وحافظه الخطوات للدرجً ام حاتم كلشي متخلي علمودي شويه ووكفت سمعت صوته خليت ايدي على شفتي ااااخ يا عمري انت فدوه رحت الهذا الصوت عساني متت ىلا هيج يصير بيك شلون شلون بيه يا حاتم لو تعرف الصار بيه تموت والله
بعدت روحي من الدرج وكلت خل ادخل بعدني امشي بخطواتي اريد افوت مااحس اله حركه ورايه اول مدرت وجهي سحبني الحضنه
