الحب الحرام
بقلمي العبوديه
ج٢/البارت ٢٣
مثل العاده اروح اشمر روحي على الجربايه غمضت عيني مااحس اله اله احد حضني انصدمت لزمت ايده
حسام درت وجهي حسيت بدفو وريحته حسام فتحت عيني واني اصيح حسام باوعت ماكو احد وجسمي يرجف من البرد برطمت مثل الطفل
حسام ...
كمت ابجي وتوكع دموعي وامسحهن
بعدين متحملت كمت ابجي بصوت عالي وشابكه الصوره حسيت نفسي طفله تدور على ابوهه
دك موبايلي ماما شغلتهه رجعت اتصلت خفت خاف صاير شي خاصه محمد يشك اعالج شهلاء
جاوبتهه الوً
ام ليلى- ليلى
ليلى-نعم ماما
-ليلى كاعد تبجين
عصرت عيني ووخرت الموبايل من اذني وخليت ايدي على السماعه واخذت نفس ورجعت حجيت وياهه
ليلى-لا ماما مستعجله بس قلقت من شغلتج ورجعتي اتصلتي عندي جلسه ويه مريضه
ام ليلى-يااا بعدج عبالي طالعه دااهدر التمن احمر وذولي ولد عمج واختج صركعوني عبالي جايه راح اهدره ذولي ميصبرون عيني
ليلى-تغدو اصلا تغديت اني
ام ليلى-مو تتأخرين
ليلى-تمام ماما
كعدت مسحت دموعي وجسمي مكسر احسه كمت اتمغط وكعدت على الجربايه اتصلت على عمر ردت اسأل وافهم وضع شهلاء
شويه وجاوب واسمع شهلاء تصيح راسي راسي راح ينفجر
شكو عمر
دكتوره شهلاء حيل متأذيه خبلتني حتى تريد تركع راسهه بالحايط
عمر ابرة مهدأ بسرعه
دكتوره مااسيطر بلله اجتي بمكان غلط كاعد تتحرك كوه لازمهه وراسهه تودي منا وتجيبه منا تعالي فدوه والله مااتحمل بعد
ليلى-عمر
عمر-ااااااخاف اضربهه ويصير بيهه شي دكتوررره
ليلى-عمر
عمر-خررررررب عمر خرب ساعة السودا تعبت ااااني
ليلى-جايه عمر جايه استغفر الله
نزلت بسرعه من الشقه واجرت تكسي ورحت لان جان صوتهه قوي وراسهه معناهه شهلاء تذكرت حدث مأذيهه حيل بس متوتره وكل شويه ادور راسي اشوف احد يراقبني او لا تعبت عمر اخ يا عمر ابره مدبرتهه
وصلت الهم وكفت بالباب واتلفت
دكيت الباب واني اسمع صوت شهلاء تصرخ من راسهه وتفلش بالاغراض فتحتلي الباب انغام دخلت بسرعه رحت على العلاج وعمر لازمهه وهي متخبله ركضت عليهه ضربتهه ابره كامت تشهك وفتحت عينهه
عمر -دكتوره شسويتي
ليلى-انسطرت وكامت تحول بعيونهه لزمتهه وكتله للفراش خليهه
عمر-هاي شسويتي دكتوره
ليلى-شسويت انطيتهه مهدأ راح تنام شبيك عمررر ابره مدبرتهه
