الحب الحرام
زينب العبودي
ج٢/البارت ٣٠
اشوف محمد رحت عليه بسرعه هو جان يباوع مندمج بالموبايل
حجيت بحديه
-شنو معنى هذا التصرف
رفع راسه .... ونظراته نظرات مصدوم
محمد-ليلى
ليلى-ابتسمت ....اي خطيه متفاجئ شفتني
-صراحه ا.....ي شجابج هنا
-محمدددد شمدريك راح اجي هنا ...راح تخبلني رسمياً
خليت جنطتي على الميز والموبايل جريت كرسي وكعدت
تره بديت اضوج مليت ....مليت من هاي التصرفات
شنو الي تريد توصله شهلاء ويمك
ليش دتراقبني بعدك اريد افهم دخت من تصرفاتك
مليت من مراقبتك الي شنو ماعندك شغل وعمل بس كلي
شلون عرفت راح اجي هنا وسبقتني
- اني سالتج شجابج هنا وانتِ هاجمه لوك لوك متنطين مجال للواحد يفهم
-
- ليلى شكلج كاعده من النوم هسه وحلمانه بيه
تره اني من قبل عشر دقايق كعدت هنا يعني قبلج
واصلاً مصدوم حالياً بوجودج هنا وهجومج عليه واني ممفتهم شي مفروض اني اشك بيج انتِ تراقبيني لان انتِ الي اجيتي ورايه
ليلى-اااااي صدكت
محمد-وبعدين اني مو كايلج من المستشفى للبيت ومن البيت للمستشفى واذا تطلعين تبلغيني ليش متصلتي عليه قبل لتطلعين
ليلى-ابتسمت ورجعت نفسي كعدت عدل وتجيت ظهري على الكرسي
ليلى-على اي اساس
محمد-خطيبج
ليلى-اي خطيب والي صار اني كله مقابله بي
محمد-مو موضوعنا هذا
موضوعي طلعتج بدون متنطيني خبر انتبهي الهذا الشي بالمره الثانيه لان ماانبه
ليلى-محمد مااحب هيج تحجي وياي والتهديد
متعرفني انت دائماً امشي عكس التيار
محمد-وانتِ هم متعرفيني من اكول شي والتيار يمشي عكس تكون ردة فعلي قاسيه كلش وغير متوقعه
ليلى-محمد درت وجهي صفح وابتسمت
بلا هذا الاسلوب لان مااتقبله اني انسانه حره ومااحب احد يخنكني ولا يفرض عليه رأيه متشوف هذا اسلوب قديم وهمجي هو التحكم وتققيد المرأه
محمد-اسلوب قديم وهمجي الخوف والحرص
على المرأه بنظرج اسلوب همجي ليش انتن النسوان تشوفن حرص الرجال تصرف همجي
ليلى-الخنكه عمرهه مجانت خوف وحرص بلعكس اشوف الهه مردودات سلبيه هواي
محمد-كلشي يزيد عن حده ينگلب ضده
اكو امور طبيعيه مثلاً اعتراضج هسه غير مقبوًلا بالدين ولا بالمجتمع ونمحي المجتمع علمودج بما ان انتِ انسانه حره نجي للدين المره ميجوز الهه الطلعه بدون علم زوجهه
