الحب الحرام
زينب العبودي
ج٢/البارت ٢٠
حاتم واكع ويحاولون يشلو طلعت اركض
شالوو ودو للردهه بسرعه والطبيب كشف عليه
بقيت واكفه انتظر الى ان طلع الدكتور
-طمني دكتور
-تعرفي
-اي شنو اخبار ه
الدكتور-ضيق بالتنفس صار عنده بسيط بس هو متحمل
احتمال عنده انهيار عصبي لان جانت اطرافه متشنجه
ليلى-دخلتله بعد مكملت حديثي ويه الدكتور
سيد حاتم اعتذر منك
بقه يباوع عليه ويبتسم
ليش تبتسم
ليش تعتذرين
مااعرف بس بسببي يجوز تذكرت شغلات تأذيك
-شنسوي الفضولج على فكره انتِ حلوه
-هااا سيد حاتم بديت تتخطى
ضحك ولزمته الكحه ...وكمل ... مكاعد اتغزل انتِ غير بكد بنتي
يعني عندك بنات مفروض تفكر قبل لتسوي هيج بشهلاء لان اكيد الله يطلع حقهه منك
كام يكح ارتبكت ....سيد حاتم خوما صار بيك شي
حاتم-اذا تبقين هنا بهاي بساميرج مااطلع منا ابداً
اليوم جنج ناويه تقضين عليه
ليلى-راح اسكت راح اسكت بس ارتاح انتَ
ليصير بيك ومااتحمل تأنيب الضمير
خله ايده على صدره وضحك واضح سكوتج هم ذبيتيلج قنبله على الضمير
ليلى-ابتسمت هذا المذنب اي شي يسمعه عباله هو المقصود
رجع جهاز التنفس لتبقه كل شويه توخره
لا صدك تموت راح اطلع اني منا لان كل كلمه احجيهه تأذيك او تاخذهه على نفسك
بقيت انتظره بره خارج الردهه الى ان اجه الدكتور قاسله الضغط ونبضات القلب والتنفس الى ان طلع هو
من شافني ابتسم
شكلج اليوم ناويه متطلعيني منا
لا والله بس ردت اطمئن عليك يعني كتلك بسببي صار هذا الانهيار ماالله يهديك وتگلي السبب
كارثة انتِ .....ههه مشكوره دكتوره على الانتظار عطلتج
يا اخي شكلك ميوحي العمايلك ابداً
الي يسمعج مرتكب جريمه
الي مسوي ابشع من ارتكاب جريمة قتل
على العموم تشرفت بمعرفتكم ومازلت اتأمل تحجيلي عن قصة حبك ال فريده ابتسمت
وشلون ضاعت منك
حاتم-ألي الشرف دكتوره وبالمناسبه لتتأملين احجيلج حتى ميخيب أملج
ليلى-نووو لانك راح تحجيلي بيوم من الايام
رفع حواجبه اثنينهن بأستغراب
حاتم-شنو هالثقه العندج الي مو بمحلهه نهائياً ارجع واگول لتتأملين وفرصه سعيده التقيت بيج وأي شي تحتاجي لتتردين بالاتصال عليه بس الا بموضوع شهلاء هنا نختلف مراح اساعدج راح ادمرج
