اعتذر حبايبي عن التأخير
جان عندي ظرف
الحب الحرام
بقلمي العبوديه
ج٢/البارت ٢١
فجأه فقدت الاتزان مااكدر اسيطر على البريك والستيرن حتى مااعرف شلون صار الحادث كلشي صار سريع
يمكن اللحظات فقدت الوعي من الصدمه فتحت عيني احس صافره بأذني تصفر وراسي مااكدر احركه ملطوش بالستيرن
فجأه خف الصفير من اذني وبديت اسمع الفوضى الناس تحجي ويحاولون يساعدوني
ثواني بس مرن على طلعتي من الموت
جان ممكن متفتح العين مره ثانيه
الاول مره اصدك ان الحياة عباره عن حكاية
وبيهه نهاية والنهايه هي لمن تغمض العين
انتِ بخير خويه تسمعيني
رفعت راسي من الستيرن بس رگبتي توجعني
باوعت على السياره لاطشه بتيل ودخانه
احس نفسي مسطوره.
نزلت من السياره بس رجلي ترجف
خوما بيج شي
اباوع الدنيا تفتر بيه ومسطوره ممصدكه فتحت عيني كل الي اتذكره رجال ردت ادعمه خفت رأساً لفت السياره
زينه رجال اكو رجال جان خوما صار بي شي
لا ماكو شي بس سيارتج ورفع حواجبه أشرلي عليهه
باوعت عليهه الصدر كله متفلش
-اتصلي بواحد من اهلج خويه
باوعت مصدومه بعدني والزلم ملتمه
الموبايل ماادري يمكن بالسياره خطيه الولد راح للسياره جابه ألي لكيته طافي شحن
ليلى-طافي شحن موبايلي
-اتصلي مني محافظه رقم
-لا
جنت حافظه رقم حسام بس اذا اكله وهو هناك يبقه باله يمي بعدين بقيت محتاره ماكو غير اتصل عليه
دكيت من الولد ماكو مجاوب اول مره رجعت اتصلت جاوب
-الوو
-حسام
-ليلى
-اي
-منيلج هذا الرقم
-رحت على صفحه
حبيبي سويت حادث بسيط بالسياره
-شنوووووو حادث وين انتِ ليش ليلى خوما صارلج شي
-لا حبيبي مابيه شي مو كاعد اتصل عليك بس خابر على واحد من الولد خل يجيني
-ليلى خوما بيج شي
-لا والله مابيه شي
-وين انتِ خلي اتصل عل ولد يجوج
-اني **********
-سدي خل اخابرهم وارجع اتصل عليج
سديت الخط ورحت للولد انطيته الجهاز وشكرته شويه ورجع اتصل حسام.
حسام-ليلى شلون صار الحادث وخوما صار شي احجي راح اتخبل
ليلى-ماكو شي حبيبي جنت دااخلي الموبايل عل شحن وطلع رجال كبالي خفت ادعمه وصار الي صار
حسام-شتسوووين هناك انتِ وليش مراجعه للبيت الهذا الوقت راح تخبليني انتِ والله
ليلى-فدوه حسام والله مابيه حيل هسه احجي
حسام-خروورب استغفر الله ابقي وياي عل خط الحد ميوصلون
