صباح الخير يا حلوات
عساكم بصحه وسلامه يارب دائماً
احب اوضح الكم نقطه البارت قصير القصه صعبه جداً وبيهه انتقالات لازم اركز بيهه شويه حتى توصللكم بالشكل الصحيح وتستوعبون التنقلات لتتوقعون اتقصد كتابة بارت قصير ولتنسون البارت القصير بي احداث هواي واتوقع منتبهين انتم الهاي الفقره ان البارت بي احداث هواي رغم قصره اتمنى تعذروني شويه
الحب الحرام
بقلمي العبوديه
البارت ٣٣
باوعت گبل فتح لايت موبايله عمر گبل نزلت دمعتي وكمت اباوع عليه وهو يباوعلي خليت ايدي على عيني لان صار اللايت بعيوني وعماني نزله ردت اسد الشباك بي سيم خله جف ايده على السيم
عمر-لتسدين الشباك عليج الله
شهلاء-شرايد عمر
عمر-اريد احجي
شهلاء-شتحجي عمر الشفته كلش كافي
عمر-اسمعيني راح اموت والله راح اموت
رغم كلشي صار مااكدر مااكلج الاسباب
من كالتلي سليمه اجيتي گبل طلعت من البيت واجيتج بس مكدرت ادك باب بيتج
شهلاء-مبروك عليكم
ردت ارجع اسد الشباك عاط
عمر-سمممممعي ...سمعي لتسدين الشباك اني مااكدر اصير مثلج ومااشرح الاسباب
شهلاء-لتگول مثلج مثلج مثلج انت العفتني ليش تنسه شكد توسلت بباب بيتك ليش عمر الناس متعرف انت تعرف والله يعرف كم مره درت ظهرك الي كافي تنطوني دووور الظالم ملكيت غير سليمه تعاقبني بيهه مو هواي النسوان عمرررر هواي هنه لو ردت تعاقبني تعاقبني تتزوج الي هي مثل واكثر من اختي
عمر-لا ....بس افتهمي
شهلاء-انت مو تعرف ماعندي احد ليش
اخذت مني اختي
عمر-لا فدوه سمعي والله اكو اسباب وداعة عيونج اكو اسباب سمعيني بس لو مو سليمه لو غير وحده مااكعد على شباج بيتج بس لازم تعرفين من عفتيني وتزوجتي تعبت حيل تدمرت وروح امي متت
سليمه تعرفيني اعتبرهه اختي اعتزلت كلشي كامت تجي للبيت تحاول تصبرني بكلامهه والله بس هيج وبعدين
طلعو بالمنطقه كلام عنهه مو زين ووصل الابوهه تدخل البيتي وهي مره وحده وروح امي وره متزوجتي جنت تعبان
وابوهه ضربهه وسلمان عرف واخذ موقف مني شيقنعهم هي اختي ومااشوفهه غير اخت ومكدرت اخسر سلوم واباوع بعينه وابوهه راد يجبرهه ابو محسن الزبال ومن عرفت خطبتهه مااكدر اخليهه بسببي هيج تعيش وروح امي هذا السبب لا اكثر ولا اقل و الهذا اليوم ايدهه ملازمهه
شهلاء-سليمه كالتلي تحبك قبلي
عمر-وروح امي بس مره حجتهه وبعدهه هي اختي ومشفتهه غير اختي شهلاء وسكت
كاعد تشوفين شلون ابررلج بعدني مكاعد اقتنع انتِ هسه مو الي
ليش هيج صار بينه راح اموت ليش ليش يوميه اسأل هذا السؤال النفسي ومكاعد اعرف جوابه راح اموت والقرآن تعبت حيل والله الحد هاي اللحظه مكاعد اكدر
مكاعد اصدك واعيش واستوعب انتِ صرتي متخصيني وبحضن غيري
تعبت تعالي فززيني من هذا الكابوس وگليلي هذا حلم
وطولت بيه
شهلاء-مشتري غرفه جنت من اكلك تعال اخطبني عمر تگول ماعندي
عمر-وروح امي سويت سلفه توني جنت مستلمهه ردت اشتري سايبه وصار هذا الي صار وروح امي انجبرت اعرف صعبه عليج لان سليمه واني هم صعبه عليه بس خلي نفسج بمكاني
