الحب الحرام
بقلمي العبوديه
البارت ٤١
شهلاء-بقيت محتاره كتلهه راويه اني احبج بس والله صعبه عليه مااريد اسوي شي بدون ميعرف بشي هشام
راويه-للأسف عليج والله كاعد اكلج بمصيبه انتِ شنوووو تكدرين حتى تخابري
شهلاء-مو ماعندي رقمه
راويه-اني انطيج رقمه فدوه شهلاء
شهلاء-زين دكتبيلي رقمه
راويه-انطيني موبايلج
شهلاء-فوك موبايلي هاج كتبي بورقه باوعت منا ومنا ماكو ورقه رحت للمكتب اخذت ورقه وكتبتلي الرقم
توسلت بيه مره ثانيه اساعدهه وكتبتلي رقمهه هم بالورقه وكالت راح اروح خابريني فدوه مو تعوفيني گتلهه تبقه مقبلت ودعتهه الحد الباب ودخلت اول مدخلت من الباب باوعت هشام كاعد على الكرسي ابتسمت
شهلاء-صح النوم حبيبي رحتله واني ابتسم بسته بس اول مره من ابوسه ميبادلني .....باوعت عليه
كتله اسويلك كهوه حبيبي
هشام-تعالي كعدي شهلاء
شهلاء-اكو شي حبيبي
هشام-كعدي هنا گبالي بذاك الكرسي
شهلاء-شمعنى
هشام-اريد عين بعين واحجي وياج
شهلاء-هشام اكو شي
هشام-اي اكو هواي شغلات
شهلاء-رحت للكرسي كعدت كباله واني اعرف وواثقه هو سمعني حرت شراح اجاوبه شلون اخلي عيني بعينه الله ياخذج يا راويه الله ياخذج
هشام-مأجااني نوم وردت انزل المكتبي من وصلت للدرج سمعت هواي شغلات متوقعت بيوم من الايام تطلع منج
شهلاء-نزلت عيني مكدرت اخليهه بعينه ومن كال سمعت كبل غمضت عيني احس گلبي راد يوكف من الخوف شلون راح ابررله
هشام-انت مسويه سحر شهلاء تعرفين شنو معنى هذا الشي اني عندي مبدأ واحد الي تسوي هيج شغلات هي وحده عاهره .......ماعدهه ذرة اخلاق ولا تربيه
شلووون شلون انتِ تسوين هيج
اني حبيتج مو بسبب الشعوووذه اني انسان صلاتي والقرآن مستحيل يمضي بيه سحرررررر
حبيتج لان عفويه ومحسيت انتِ بنيه بلا اخلاق جنتِ خلوقه وخجوله وثگيله وامج انسانه محترمه
حبيتج لان مشفت الماده بحياتج شي مهم
اليوم انصدمت صدمتيني يا شهلاء
صدمتي بيج مااكدر اوصفهه الج خيبة امل مثل اب خاب امله ببنته هيج بالضبط مجنت متوقع انتِ هيج
شهلاء-باوعت عليه بانكسار وماعندي اي مبرر ولا كلام
ميسعفني اي جواب وكل كلامه صح تجاه السحر والي تستخدم هيج اشياء
هشام-مراح امد ايدي عليج ولا اتعصب بس شي واحد اريدله جواب ليش ....ليش استخدمتي هذا الشي
علمود الفلوس
شهلاء-لا والله لا انت تعرف اني ميهمني الفلوس
هشام-لعددد ليش
شهلاء-مااعرف شگلك ماعندي اي جواب
هشام-ليشششششش شنو الي ماعندج جواب وحده تخلي الواحد سحررررر ليش شنو الي ماكو جواب
شهلاء-صعب موقفي كلش صعب مااعرف الخوف هو الي قادني وخلاني اسكت لان كل تبرير اله محطات خطره اذا اكله خاله جبرتني حيكول اني ضاحكه عليه ومستغفلته ومستغبيته ومجذبه خالتي مو امي ويشك بيه بت حرام واذا اكله خالي لازم عليه لزمه حيشك بيه بعدني موجوده علمود خالو وحبي اله جذب بجذب واذا اسكت يطالبني بجواب الحيره تاكل وتشرب وياي
