هلو يا حلوين شو اشوف هم رجع قل التفاعل ليش هيج 🧐
الحب الحرام
ج٢/البارت ال١٦
جريته من ايده
انتظر حسام انتظرررررر
ايدج بابا عوفيني
لتگًول ال عمو
حسام-تعبتيني هواي تعبتيني ليلى ومااشوف اني شي بحياتج
غير بس تحاولين تتعاندين ويا
ليلى-حسام لتحجي شي العمو اني وانت هاي حياتنا خصوصياتنه
حسام-الخطر الي انتِ بي وبعدج تدخلين روحج بي هو مو خاص بحياتنا
ليلى-خلينه نسولف هسه انت هجمت عليه گبل اسمعني اول
حسام-شسمع شسمع گليلي .... خبلتيني والله شدتسوين بروحج
تعرفين شصار بيه ليلى ....انتِ كاعد تلعبين بالنار تعرفين يعني شنو نار واني الي بيه مكفيني مدري التفت المن الشغلاتي لو لسوالفج بالي يمج طول الوكت لان اعرفج مخبله
وفوك هذا كله صايره تتجاوزين عليه شنو متحترميني انتِ
ليلى-شوكت محترمتك حسام اشو انت الي كاعد تغلط واني ساكته اعرف غلطت من رحت هناك اسفه والله مااعرف هذا المكان شنو
شوداج اله
رفعت حاجبي وباوعت عليه
بالغلط ...صدفه جنت ماره من باب الشرجي
حسام-باستهزاء اي كملي
ليلى-عقدت حواجبي تستهزأ غير كاعد احجيلك الي صار
حسام-كملي
ليلى-تره اني مو طفله
حسام-عمي ستر الله على الطفله اعيط بيهه تكعد وتخاف اله انتِ شنو بابا احد كلج انتِ ولد
ليلى-يعني شنو ولد تره اني اقوى من اي ولد افكس عينه الي يندگ بيه
حسام-هااا
ليلى-تره مااخاف اني بس من الله الخلقني
حسام-اعرف متخافين ولا تحترمين احد ومتحترميني واني مااسمحلج بهذاااااال الشي غصباً ماعليج تحترمين حتى اذا مجنت خطيبج واجبج تحترميني افتهمتي وعمج اليوم راح اكله على هاي السوالف الي دخلتي روحج بيهه لان محد تحترمي متتوقفين
شفت رجع الجديته والعصبيته واعرف حقه من عرفت المكان شنو معنى انطيته الحق بس هو زودهه بس بنفس الوقت اذا عمو عرف راح يقيدني حتى بدون شي من غير الكلام والتحقيقات ماعندي حل غير امتص غضبه
ليلى-تمام.... تمام
حسام-شنو التمام
ليلى-اعرف اني غلطت بس حبيبي عصبيتك ربكتني كلش احس نفسي راح انهار الي صار اليوم الحد الان موترني وانت مكاعد تسمعلي
اهم نقطه بأمتصاص الغضب للشخص المقابل تحسسه هو مهم عندك مثلاً اني استخدمت كلمة حبيبي وبنفس الوقت بررت عن الشي الي مضوجه فملامحه وحركة عينه بينتلي جاهز يسمعلي
