الحب الحرام
زينب العبودي
ج٢/البارت ٣٢
عمج تعالي شوفيلي جاره بدون متحسسين امج
وساااام شكو
سمر خبلتني بس تبجي ومتجاوبني ومنهاره مدري شبيهه خابرتلج سلام منتظرج بالباب بس لتحسسين امج ماريدهه تقلق وتطش السالفه
ليلى-وسام شكاعد تحجي شبيهه سمر عفتهه طبيعيه
سمر-مااعرف خبلتني
ليلى-ماشي ماشي راح احاول ماالفت الانتباه استغفر الله
زين انطيني احجي وياهه بالي حيبقه يمهه
وسام-طلعت بره الغرفه اخابرج بدون متدري
ليلى-تمام ...تمام جايه
سديت الخط وبدلت ملابسي بسرعه لبست تراكسود حتى متنتبه ماما نزلت كالت وين كتلهه للاسواق
اشتريلي كم شغله جوعانه
كلت حتى من اوصل هناك ابلغهه وكبل يمي سمر وتطمئن ميبقهه بالهه يمهه
طلعت من الباب باوعت السياره مشتغله ومتقدمه شويه
رحت لفت وفتحت الباب واني اصعد انتبهت حسام وهو كال سلام
مو علساس سلام
سلام نايم
اخذت نفس ودرت وجهي عالشارع
جنتي تحبي من زمان بس اني غبي وله مستحيل اكو صدفه هيج
شعليك انت
داس بريك رأساً ووكف السياره
حسام-شعليه ....شعليه اليوووووم اني شفت المووووت بعيني بسببج لو ميت بذاك اليوم ولا شايف الي شفته
ليلى-ياريت لو ميت ومراجع ابداً ياريت يا حسام
عل اقل جانت بس الذكريات الحلوه تجمعنا
غلطت غلطت والاسلام انتِ منو اني منو حتى متسامحين
الله الي هو رب الكون كله يغفر للبشر على ذنوبه
نجحتي اليوووم ترديلي الوجع الي سويته بيج
نجحتي
ليلى-كمل طريقك اريد اروح الاختي
حسام-مابيهه شي سمرررر اني ردت اشوفج
هزيت راسي وابتسمت وباوعت عليه بحديه
يعني سمر مابيهه شي وهذا فلم منك انت واخوك
حسام شتريد انت الشنو تريد توصل بالضبط ها
يعني سويت هذا الفلم وبعدين المطلوب شنو
احنه وانتهينا انت متزوج ومرتك بهذا الوقت وحدهه
بغرفتهه بالوقت الي هي مفروض كاعد زوجهه وياهه ويهتم بيهه
واني مخطوبه وخطيبي كل توقعه اني بالبيت هسه
ميعرف اني طالعه وويه منو ويه خطيبي السابق
اذا انت عندك الخيانه شي سهل
اني مااكدر اخون .......
حبيتك من گلبي انطيتك روحي جنت الك انت تخليت
انت تخليت عني وجعتني حطمتني خليتني اخسر هواي اولهن مااثق باي انسان ممكفيك كل هذا هسه رجعت تحوم داير مدايري شتررريد حسام شتريد وانت متزوج حسام اذا انت عندك عادي تخسر زوجتك اني مو عادي عندي اخسر خطيبي
