الحب الحرام
بقلمي العبوديه
ج٢/البارت ٣
كال الحبوبه تجي ويانه وهي گبل كالتله لا يمه وين اجي
حسيت كل الفرحه راحت
حاتم- حجيه وين تبقين هنا وحدج وبعدين فريده متعلقه بيج
الحجيه-يايمه اني ماازوج حفيدتي بعيد عني عذرني يمه
حاتم-شلون يعني
الحجيه-فريده طلبوهه مني هنا هواي ومنطيتهه هم اخاف عليهه وهم ولان المنطقه شويه بعيده مانطيتهه الهم تريد انوب محافظات يمه هو اني شعندي غيرهه جيتكم على عيني وراسي وانتم ناس اجاويد بس اني عبالي انت راح تستقر هنا ببغداد
ام حاتم-حجيه ليش هي المره تتبع الرجال لو الرجال يتبعهه يمه حاتم گوم حقهه حبوبتهه تخاف عليهه عميه اني لو بمكانهه هم هيج اسوي
حاتم-يمه كعدي رحمه الابوج حجيه انتِ مو عندج هنا هو بس حفيدتج اختج وهناك والقران اخليج بعيوني
الحجيه-يمه واني ليش اعوف بيتي اني هنا بمنطقتي وجيراني اهلي من سنين
حاتم-علمود فريده اني احبهه وهي تحبني متستاهل حفيدتج تضحين وعلي اخليهه بعيوني لتخافين عليهه ابد اعرف حجيه حقج بس اني شاريهه ومااخليهه تتندم بيوم على حياتهه وياي
فريده-جنت واكفه واحس نفسي مخنوگه حبوبتي مقبلت اني اعرفهه من صوتهه والاكثر مرتاحت الام حاتم
ام هدى جانت اللسان وانطلقت تقنع حبوبه كل ماتحجي شي تطلعلهه بشي مقنع اخر شي گلتلهه أجري بيتج هنا وهناك بدربونته بيت واختج يمج شعندج هنا واحنه هناك يمكم وفريده بعيونا اخر شي گالت
الحجيه-ميخالف اكول الفريده تفكر وارداكم جواب
حاتم-حجيه احنه مو بوره البيت
الحجيه-يمه هذا زواج مو لعبه غير تفكر البت
ام هدى-حجيه هي فريده غير اول ماحست بي موجود چقته بقصيده
فريده-ضربت كصتي بجف ايدي خرب حظي شكد استحيت
الحجيه-ميخالف احجي وياهه يالله
ام هدى-خاله ام عمار سأليهه هسه وله شكو هالهوسه هسه والحجي
فريده-جنت واكفه اسمعهم مااحس اله فززتني ام هدى من لزمت ايدي وسحبتني
ام هدى-هاي فريده تجاوبنه هسه الولد شاريج وانتِ شاريته مو احجي ولج لتخجلين ريحي گلب حبوبتج خايفه عليج
فريده-ارتبكت صح مااشوف بس متأكده الكل يباوع عليه وينتظر جوابي مااعرف حبوبه بأي اتجاه كاعده
دنكت راسي
ام هدى-دحجي هاي حاتم يباوعلج وگلبه يريد يوگف الولد خطيه
فريده- بحزن وصوت بي انكسار
مااعرف احد بالدنيا كلهه ومااعرف الدنيا شلون تصير كل الي اعرفه هو حبوبه كلشي بحياتي بدونهه اضيع
ام هدى-يا ولج احنه نحجي على حاتم تقبلين بي لو لا
فريده-اذا حبوبه مو وياي بالدنيا مااكدر اعيش
ام هدى-تقصدين متقبلين اذا مو حبوبتج تروح
هي تروح
فريده-حبوبه تروحين وتعوفين مكانج وحياتج علمودي
اني اذا متروحين مااريد اي مكان انتِ مموجوده بي
يعني جوابي متوقف على حبوبتي هي بكيفهه والي تختاره هو المناسب الي اني واثقه من هذا الشي
