الحب الحرام
زينب العبودي
ج٢/البارت ٢٧
منين جاب رقمي الجديد اكيد هذا حسام شغلته وشمرت الموبايل رجع اتصل رجعت شغلته اشغل ويرجع يتصل اخر شي انطيته بلوك
رجع دك عليه رقم ثاني
كمت احجي واني لازمه الجهاز واباوع على الرقم كم سيمكارررررت عندك يا بشررررر ناقصتك اني
شغلته وغلقت الجهاز
اكيد شاف سيارتي طابكه ويريد يحجي فوك همي يوترني فوكاهه كل ما يحجي كل مااكرهه اكثر
يخليني اشوفه بشع
تمددت على الجربايه شويه وصعدت سمر فتحت الكلوب
خليت المخده على. راسي
سمر نعسانه اذا متريدين تنامين طلعي
سمر-هم اكو خبر على البنيه
ليلى-لا ...ماكو خبر
سمر -ليلى
ليلى-سمررر نعسانه حيل
سمر-يوميه تجين كبل تنامين
ليلى-وخرت المخده ....شنو همج بنتي اااحجي راح تبقين ليلى وتصفنين لو تحجين لو اذا ماعندج شي خليني انام
سمر- عندي
ليلى-اسمع
سمر-باوعي راح احجي بس لتصيرين عصبيه عليه
ااني ممقتنعه بس حلفني احجي وياج
ليلى-رفعت حاجبي حسااااام
سمر-لا والله مو حسام وسام
ليلى-اذا ممقتنعه بالكلام ليش مدوختني واني كتلج مسطوره ولا ها قصدج لان حلفج فهمت
بلا متدوخيني وتحجين كليله وصلتلهه وكالت هذا الموضوع انغلق بشكل نهائي ومتسمح الاحد يفتحه
سمر_بس اني اكول اسمعي
ليلى-ااااني اكول طفي الكلوب وطلعي لو تبقين بس نفسج مااسمعه
طلعت واني بقيت اتكلب بالجربايه اريد اغفه ماكو
افكر بهواي امور تخص قصة شهلاء كمت كعدت ورحت جبت ورقه وقلم ولبست المناظر وكعدت على الجربايه
كتبت بنص الورقه فريده جريت خط سويت مخطط بجهة اليمنه كتبت هشام وعلى جهة اليسره حاتم
وجوه اسم فريده قابله اسم شهلاء
الام والبنت بين نفس الزلم
العميه هي ام شهلاء. لو الي اخذهه غصب من زوجهه
لو فريده هي العميه والي هاشم اخذهه بالاجبار
جريت موبايلي بسرعه جان على المخده وكمت اكلب بالصور الى ان طلعت صورتهه ال فريده باوعت عليهه جانت حامل خاله ايدهه على بطنهه متصنعه الابتسامه كمت اكبر على عيونهه عميه لو لا يعني جانت ممبينه بس بقيت اباوع عليهه
جانت جميله بشكل شهلاء بس رونق بسيط من امهه
امهه فائقة الجمال جمالهه خلاني استنتج ان هشام ابو النسوان انجذب الشكلهه واخذهه من حاتم مو حاتم اخذ فريده منه
بس فريده حبت منو بيهم ....بس حاتم اليعرف هذا الشي حالياً كلشي ممتوضح
رجعت اباوع بالصوره اندكت الباب دكه وحده وانفتح
اذم-نايمه
ليلى-استغفر الله اليوم ناوين عاليه انتم وبعدين انت شكو داك باب غرفتي بالاساس امشي اطلع
