الحب الحرام
بقلمي العبوديه
البارت٦
خالي
شمسويه بت الكلب اليوم
خالو اني مبكت
اجه عليه كبل ضربني
مبكت مبكت والله
رجع كفخني
صحت مبكت ولا مديت ايدي على شي مضموم جنت اعزل وهاي اتهمتني الله لاينطيهه
ام فريد-اني بعد ماريدهه يمي هاي شوفلك جاره بيهه
ماجد-سكتي هسه انتِ
ام فريد-والان مااسكت كتلك ماريدهه بعد ....تعبت
ماجد-صبرررري بالتالي تخربيهه مبقه شي
ام فريد -اي مو كبرررت كافي سنه سنتين خلصوني عاد مو خلص گلبي
دار وجهه عليه بس تفحصني من رجلي وعينه عليه عينه على رجلي جانت الدشداشه صاعده جنت واصله مرحلة اليأس بالملل من الحياة باوعت نظراته الرجلي مخيفه نزلت دشداشتي بسرعه
كمت اباوعله بخوف كومي جيبي غراضج
هزيت راسي بـ لا ماريد اروح والله بعد مااسوي شي
ماجد-كومي خلصيني بسرعه ماعندي وكت ومالي خلكج
شهلاء-بقه يباوع عليه شكيت شي بجسمي طالع عدلت ملابسي وباوعت ال خاله بتوسل
والقرآن ممديت ايدي على اي شي والله مبكت شي بس الفستان شلته خليته على جسمي حتى مخليته والله بس ردت اخلي خالو فدوه
ماجد -تريدين فساتين
شهلاء-ماريد والله
ماجد-هانتج وهانة خالتج وذلتنه مطيه حيوانه عقلج شغلي متريدين تخلصين من المكفخه
سمعي كلامي محد يفيدج حتى اني مافيدج
قسمه حلوه بس يحتاج عقلج تفتحي
ام فريد-وحده فكريه لتتوقع منهه شي
خابصتني بـ عمر
ماجد-متاخذين عمر رضيتي لو مرضيتي بطرانه انتِ تعوفين عمر بهاللحظه بمكالمه وحده حياته انهيهه والله فكررريه فكري عدل فكررري شهلاء الكتلج عليه يصير الاحسن الج تطيعيني
وباوع الخاله وكال الهه رايح اني حاولي تعقليهه
وكل مااسرع كلما افضل ورجع باوعلي وكال
شهلاء عقلي ....عقلي احسلج لان انتِ التخسرين والله
راح اعوفج هالمره بس مره ثانيه
شهلاء-طلع وخاله وياه كمت وراهم على كيف ردت اسمع حديثهم فهمت واعرف من زمان يريدوني اشتغل يم واحد خدامه واخلي يحبني هاي منتهين منهه
بس ردت اعرف ليش اني مو عنده بنيه
تسحبت يم الباب وحاولت اسمع
بيدي اني يمج السالفه وبعدين انتِ فوكاهه بابا صارلج سنين عايشه بجاله وجايه هسه تتعيقلين هو من ينطيج فلوس لصخام وجهج غير علمود شهلاء
اكلك صراحه اني بديت استحرم
ها ام الملاهي هسه صرتي تستحرمين ام فريد الله يسلمج خلصينه عاد وقنعيهه هي هاي شدتهه وتخلصين واخلص والسالفه تنتهي
كلشي مكدرت اسمع رجعت المكاني ودرت وجهي وغمضت عيني اول مفتحت الباب خاله صاحت بيه
شهلاء ....شهلاء باعي اني تعبت جري عدل لان وصلت حدهه
كمت على حيلي كعدت
