كل عام وانتم بألف خير اعاده الله علينا وعليكم بالصحه والعافيه
اعتذر عن الانقطاع بس انترنت ماعندي ♥️
الحب الحرام
بقلمي العبوديه
البارت ١٠
انصدمت واحد مااعرفه كبل لزم ايدي انخبصت وارتبكت كمت اتلفت منا ومنا ماكو احد بس من صارت عيني بعينه احس نفسي شايفته
سحبني رأساً ملحكت انهزم خله ايده على شفتي خنكني بحيث مااكدر اصرخ وكام يسحبني جان عيب منطقتنا بس تغيب الشمس كلهه تكف ببيوتهه سحبني بجهة تل الزبل وهو يسحلني
اش اللصمي مسويه روحج شريفه براسي
شهلاء-احاول اوخر ايده بحيث كمت اخرمش بي
ولا يمه راد يمطلني بالكاع حاولت اتلاوى ويا واصرخ بس صوتي مثل الونين لحكولي لحكولي مجرد ون يطلع مثل الخرسه
جان اقوى مني كدر يمطلني راد يصير فوكايه كمت ادفر برجلي حيل بعشوائيه وصرخت لان من دفرته مبين تأذه بحيث وخر وكام يتلاوى من الوجع اني كمت كعدت وارجع بجسمي اليورا وكمت بسرعه واني اباوعله واصرخ لحكولي بس احس صوتي كوه يطلع هو باوعتله هم ركض بالاتجاه الثاني خاف مني من صرخت
اني بقيت اركض بدون توقف واتلفت من الخوف واني حافيه والكاع توجع بيه
جنت اركض صارت بوجهي سليمه گبل لزمتني
سليمه-بخوف ..شبيج شهلاء اوكفي ولج شهلاء اوكفي شبيج
شهلا-جنت اريد اركض حتى بعد موكفتني سليمه درت وجهي مخروعه وغصه بكلبي وخوف وانفاسي تتصاعد الهث من الخوف باوعتلهه بنظرة خوف ورجعت درت وجهي للجهه الورايه
سليمه-ولج باوعيلي احجي شبيج شنو هذا حالج شصاير وياج
شهلاء-بجيت بصوت عالي مثل الطفله جني جنت تايهه ولكيت احد من اهلي لزمت ايدي وتهدأ بيه
شهلاء-سليمه وديني للبيت بس اذا خاله هناك كولي وكعت دخت اي شي فدوه
سليمه-صخام الصخمني ليش شصار وياج ولج
شهلاء-رجعت درت وجهي لذيج الجهه
سليمه-عزه العزاني وصخم وجهي الله اليستر شهلاء من الصاير وياج امشي امشي راح اخذج البيتنا
شهلاء-لا لا يمعوده ماريد احد يشوفني وماريد ارجع الذيج الجهه امشي بسرعه وديني للبيت
مشيت سريع البيتنا اول مدخلت تجيت عل حايط الي بصف الباب واخذت نفس عالي وبجيت طبكت الباب سليمه وباوعت بالبيت منا ومنا صاحت
سليمه-خالتي ام فريد خالتي ام فريد
سحبت ايدي ووكفت كبالي
سليمه-مو هنا همزين .....شهلاء حبيبتي اهدئي بس باع ايدج ترجف ليش هيج شصار وياج احجيلي
شهلاء-باوعت عليهه ودموعي تصب مدت ايدهه ومسحت دموعي
شهلاء ولج شهلاء شبيج احجيلي شبيج مثل المصدعه غير تحجين ياربي احجي شهلاء
واحد ....وشمرت روحي بحظنهه واحد راد يعتدي عليه
حضنتني ومسحت على ظهري
سليمه-سودا عليه سودا عليه صخام صخام
بعدتني عنهه ولزمت وجهي بأيدهه اثنينهن
